हेर एक संस्कृताय ताची स्वताची बोली उगतायता. ती कालगतींत एक पूर्ण प्रमाणाची भास जाता. लोक ती भास उलैतात, वाचतात, बरयतात आनी शिक्षण घेतात. तांची अस्मिताय तांतु पळयतात. ती तांची मायभास जाता. त्या भासेची अभिमान भोगतात. असली एक गजाल पूर्वी पाकिस्तानाच्या (आतां तें बांगला देश) बंगाली उलौपी लोकांची संघर्षान आयज संवसारीक मायभास दीस घडता.

इसवी 1952 च्या फ़ेब्रुवरीक पाकिस्तान सरकारान दोनय पूर्व आनी पश्छिम पाकस्तानाची अधिकृत भास उर्दु अशें राजपत्र काडलो. पूर्वी पाकस्तानांत 90% लोक बंगाली उलौपी आशिल्ले आनी ती भास उर्दु भासे सावन पूर्विल्ली आशिल्ली. लाखानी बंगाली लोकान बंड केल्लें. सरकारान फ़ार मारलो (Firing). 22 बंगाली भाशिकांक मरण आयलें. सरकारान राजपत्र परतुन घेतलें. लोकान मायभासेच्या खातिर बलिदान केल्या लोकांची स्मारक बांदलें आनी हेर वरस फ़ेब्रुवरी 21क आवयभास दीस मनयलो. जागतीक रास्ट्र संघाच्या युनेस्कोन (UNESCO) इसवी 1999 फ़ेब्रुवरी 21क संवसारीक मायभास दीस मनायचो ठराव घेतलो. आयज मेरेन तो चालतींत आसा. ह्या घडुणेक दरून एक व्हडलें स्मारक बांगला देश धाका शारांत आसा. संवसाराचे कोंकणी सहित सगळेय मायभाशिकांक याद दिता.

कोंकणी लोकांक हांतु एक नैतीक पाठ आसा. तुमची मायभास कोंकणी तर वांचुक जाय, उदरगती जाय तर तुम्ही ताका संघर्ष करूंक जाय, क्रीयाशील आसुंक जाय. ह्या दिसाक आमची मायभास कोंखणीची उदर्गतीक नवयो योजना घलुंक जाय. आमी सगळेय संवसारांत केवल २५ लाख लोक आसचीं. आमगेले चेरडुवांक कोंकणी उलौच्याक, वाचुंक आनी बरौच्याक आनी शाळेंत कोंकणी शिकोवुंक जाय. कोंखणी साहित्कार शेणै गोंयबाब, रविंद्र केळेकार, बी.वी.बाळीगा, मंद्र्के माधव पै, बस्ती वामन शेणै, वेंकटेश बाळिगा इत्यादी लोकांचे व्हळख करून दिवुंक जाय. कोडियाल खबर, पनवार, भांगरभूंय असलीं कोंकणी पत्रिका वाचुंक जाय. विश्व कोंकणी केंद्राक भेट दिवुंक जाय. थंय हजारनी बाल साहित्यांची पुस्तकां आसाती. तीं वाचुंक लावुंक जाय. तेन्ना मात्र संवसारीक मायभास दिवस कोंकणीक अर्थगर्भीत जातली.

To Support Kodial Khaber click the following button.

मंगळूरचे विश्व कोंकणी केंद्रांत दी १०-०२-२०२४ आनी ११-०२-२०२४ दोनी दिवसू “विश्व कोंकणी समारोह”  साहित्य कलोत्सव चल्ले. हें समारंभांत  विश्व कोंकणी प्रशसती प्रदान, विश्व कोंकणी नाटकोत्सव आनी  वेवेगळे विचारगोषटी काऱ्यक्रमय चल्लें.

विश्व कोंकणी समारोह काऱ्यावळ एम आर पी एल सी.जी.एम(फैनान्स) अधिकारी लेक तपासक यू एस सुरेंद्र नायक हान्नी दिवो लावनू उग्तावण केल्लें.  साहित्य समारोहचे अंग जावनू फेबरवरी १० आनी ११ दोनी दिवसू ७ वेवेगळे विचार गोषटी चल्लेले.

पयले दिवसू शनिवार सकाळी गं.१०.०० क  “कोंकणी रंगभूमी  आजी आनी पायी” हें जान एम पेर्मन्नूरू हान्नी निर्वहण केल्लें.        

गं ११.३० क चल्लेले “कोंकणी भाषाभिवृद्धीक कृतक बुद्धिमत्ते अळवडीक” हें गोषटी गौरीश प्रभू हान्नी निर्वहण केल्लें.        

दनपार गं २.०० क “गोंय भायर कोंकणिचे स्थिती - गती” विचार गोषटी डा. कसतूरी मोहन पै हान्नी चलायसून दिल्लें.

दनपार गं २.०० क “कोंकणी भास आनी साहित्याक बायल मनशाले देणे” विचार गोषटी डा. किरण बुडकुळे हान्नी चलायसून दिल्लें.

दुसरे दिवसू  सकाळी ९.०० ताकून  १०.३० मेरेन “अनिवासी भारतीयांगेले कोंकणी काळजी” आन लैन गोषटिंतू देश विदेश थावन प्रतिनिधिनी भाग घेतलें. किशू बार्कूर हान्नी हें गोषटी चलायसून दिल्लें.

दनपारा १.४५ गंटेक “शाळेंतू कोंकणी शिक्षण” म्हळेले विचार गोषटी चल्लें. हें गोषटिंतू वेवेगळे शिक्षण संस्था  प्रतिनिधी भागी आशिलिंची.

 दनपारा २.४५ गंटेक चलचे “२१ वे शतमानाचे  कोंकणी कविता ” विचारगोषटी गोकुलदास प्रभू हान्नी चलायसून दिल्लें.

विश्व कोंकणी समारोहांत विश्व कोंकणी केंद्र उपाध्यक्ष गिलबर्ट डी सोजा, डा. किरण बुडकुळे, कोशाधिकारी बी.आर. भट, ट्रसटी डा. के. मोहन पै, रमेश डी नायक, मेलवीन रोड्रिगस, आडळिताधिकारी डा.बी.देवदास रै, शक्तिनगर श्री गोपालकृषण देवळाचे आडळीत मोक्तेसर के.सी.नायक  उपस्थीत आशिलिंची.डा. वैषणवी किणी न कोंकणी आशय गीते गायलें. ट्रसटी शकुंतला आर. किणीन  काऱ्यक्रम निरूपण करन वंदन केलें.

प्रशसती प्रदान समारंभ

विश्व कोंकणी समारोहचे दुसरे दिवस दी. ११-०२-२०२४ तार्केर  १०.४५ क विश्व कोंकणी केंद्रांत चल्लेले विश्व कोंकणी पुरसकार प्रदान समारंभांत  मुखेल सोयरे जावन मंगळूरू विश्वविद्यानिलयचे कुलपती प्रो. जयराज अमीन उपस्थीत आसुनू पुरसकार प्रदान केलें.    

श्रीमती विमला वी. पै   विश्व कोंकणी साहित्य पुरसकार-२०२३ गोंयचे कोंकणी लेखक प्राध्यापक डा. प्रकाश परियेंकार हांगेले "पूरण” पुसतकाक दिल्लें.

श्रीमती विमला वी. पै विश्व कोंकणी कविता कृती पुरसकार -२०२३ केरळचे कोंकणी कवी, लेखक आर एस भासकर हांगेले कोंकणी कविता संकलन "चैत्रकविता" पुसतकाक दिल्लें.

श्रीमती विमला वी. पै विश्व कोंकणी जीवन सिद्धी सम्मान प्रशसती-२०२३  गोंयचे म्हाल्गडे कोंकणी कलावीद रमानंद रायकर हांगेले कोंकणी भास, संगीत साहित्याक दिलेले अपार देणे वावर  मान्वून घेवनू दिलां.

बसती वामन शेणै विश्व कोंकणी सेवा पुरसकार-२०२३ मेटमोर्फेस  सेवा संस्था  वीर नारी सेवे खातीर बेंगळूरचे शकुंतला ए. भंढारकार हांका दिलां.

बसती वामन शेणै विश्व कोंकणी अनेक सेवा पुरसकार -२०२३ मंजेश्वरचे स्नेहालय च्यारिटेबल ट्रसट चे जोसेफ क्रासता हांका दिलां.

डा . पी. दयानंद पै विश्व कोंकणी अनुवाद पुरसकार -२०२३ गोंयचे लेखक रमेश लाड  हांका दिलां.

डा. पी दयानंद पै विश्व कोंकणी रंगश्रेषट पुरसकार-२०२३  रंगकर्मी श्रीनिवास राव (कासरगोडू चिन्ना) हांका दिलां. हें ७ प्रशसती  तला एक लाख रूपायी सम्मानधन आनी यादसतिका जावन आशिलें.

विश्व कोंकणी केंद्राचो अध्यक्ष सिए नंदगोपाल शेणै, उपाध्यक्ष गिलबर्ट डी सोजा, डा. किरण बुडकुळे, खजांची बी.आर. भट, विश्वस्थ डा. कसतुरी मोहन पै, रमेश डी नायक, वतिका पै, पय्यनूरू रमेश पै, विलियम डीसोजा, मेलवीन रोड्रिगस, वाल्टर डिसोजा आनी बसती वामन शेणै माम्माले कुटुंब सदस्य उपस्थीत आशिलिंची. मेघा पै न कोंकणी आशय गीते गायलें. स्मिता शेणैन  काऱ्यक्रम निरूपण केलें. सुचित्रा शेणैन प्रशसती फावो जालेलें मानेसतांगेले वळक करन दिलें.  आडळिताधिकारी डा.बी.देवदास पैन देवू बरें कोरो सांगले. 

विश्व कोंकणी केंद्राचे महादानी टी. वी. मोहनदास पै आनी गौरव अध्यक्ष डा. पी. दयानंद पै हानीं झूम आनलायिनाचेर येवून तांचो शूभ संदेश सांगून परबी दिलें.

अंतरराज्य विश्व कोंकणी नाटकोत्सव :

विश्व कोंकणी साहित्य समारोह समारंभाचे अंग जावन १०-०२-२०२४ तार्केर कोच्चीन कलाक्षेत्र, गोश्रीपूर  तंडा थावन “जगलेवैलो हनुमंतू” आनी गोंयचे फोर्थ वाल थियेटर तंडा थावन “अस्थी पंजरचे महिळा” कोंकणी नाटक प्रदर्शन जाल्लें. आनी ११-०२-२०२४ तार्केर कोंकणी त्रिवेणी कला संगम, मुंबयी (री) नाटक तंडा थावन “आवसू आनंदाचो पावसू” आनी रंगचिन्नारी कासरगोडू कलातंडा थावन “एकलो आनेकलो” कोंकणी नाटक प्रदर्शन जालें. 

दोनी दिवसू  भर विश्व कोंकणी केंद्र हांगा चल्लेले  विश्व कोंकणी समारोह आनी विश्व कोंकणी पुरसकार प्रदान समारंभांतू कर्नाटक, मुंबयी, गोवा, केरळ राज्य थावन सबार साहित्य मोगीं भागी आशिलिंची. आनी सबार  ५०० नाटक मोगीं प्रेक्षकां नाटक प्रदर्शन पोळोवचाक हाजीर आशिलिंची.

To Support Kodial Khaber click the following button.

ಅಲ್ತಾನ ಸಹ್ಯಾದ್ರಿ ಶಿಖರ, ಪೆಲ್ತಾನಾ ಘಾಝೆವಚೆ ಸಮುಂದರ ಮಧೇಂತು ಪಪ್ಪಳಮಾಡಿ, ಕಲ್ಪವೃಕ್ಷಾನ ಭರಿಲೆ° ಇತಿಹಾಸ ಪ್ರಸಿದ್ಧ ಪರಶುರಾಮ ಸೃಷ್ಟಿಕ್ಷೇತ್ರ “ಮಂಗಲಾಪುರ”. ವಯ ತೇಂಚಿ ದೊರಕ್ಯಾನ ಭರಮಾನ ಸಾಂಗಚೆ ಆಮಗೆಲೆ ‘ಕೊಡಯಾಲ ಶಹರ’ ! ಮೂಳ ತಳೊ ಗೋಂಯಾ ದಾಕೂನ ಧರ್ಮ ಸಂಸ್ಕೃತಿ ರಕ್ಷಾ ಪಾಸೂನ ಸ್ಥಳಾಂತರ ಜಾಲೆಲೆ° ಸ್ವಾಭಿಮಾನಿ, ಸಹಿಷ್ಣುಮಯಿ ಗೌಡ ಸಾರಸ್ವತ ಬ್ರಾಹ್ಮಣ ಲೋಕಾಂನಿ ಸ್ಥಾಯಿ ಜಾಲೆಲೆ(ವಸತಿ ಕೆಲೆಲೆ) ಪ್ರದೇಶಾಂತು, ಇಚ್ಛಾ ಶಕ್ತಿನ ಕರ‍್ಯಕ್ಷಮತಾನ, ಪರತ ಸಾಧನ ಕರನು, ಹರ ಎಕ ಕ್ಷೇತ್ರಾಂತು ಜಯ ಪಾವಚಾಕ ಮೂಳ ಕಾರಣ ಆರಾಧ್ಯ ದೇವು ಶ್ರೀ ವೆಂಕಟರಮಣು! (ಸ್ವಾರಸ್ವತ ಕುಲ ಮೂಲ ಪುರುಷ ಭಗವದ ವಿಭೂತಿ ತಪಸ್ವಿ ಭ್ರಗುಮುನಿ ದ್ವಾರಿ ಕಲಿಯುಗಾಂತು ಅವತಾರು ಘೆತಿಲೊ ದೇವು)

ಪ್ರಾಕೃತಿಕ ಸ್ವರ್ಗು, ಜಾಣ್ಯಾರೆಂಗೆಲೊ ತಳೊ ಸರಸ್ವತಿ ದೇವಳ ಅಶೆಂ ವೆಗವೆಗಳೆ ನಾಂವ ವಿಶೇಷಣಾನ ಸಂಪನ್ನ ಜಾಲಲೆ ದಕ್ಷಿಣಕನ್ನಡ ಜಿಲ್ಲೆಚೆ ಮಂಗಳೂರು ಶಹರಾಚೆ ಹೃದಯ ಭಾಗಾಂತುಲೆ ರಥಬೀದಿಂತು ಸ್ವಸಮಾಜ ಬಾಂಧವಾoಕ ಲಾಗೂ ಜಾಲೆಲೆ ಶ್ರೀ ವೀರ ವೆಂಕಟೇಶ ದೇವಳಾಕ ತೀನಿ ಶತಮಾನಾಚೆ ಸುದೀರ್ಘ ಇತಿಹಾಸ ಆಸಾ. ಕೌಶಿಕ ಗೋತ್ರಾಚೆ ಪ್ರತಿಷ್ಠಿತ ಮ್ಹೂಳ ಪೈ ಕುಟುಂಬಾಚಾನಿ ಶ್ರೀ ದೇವಳಾಚೆ ಮೂಲಗರ್ಭಗುಡಿ ನಿರ್ಮಾಣ ಕೆಲೆ. ಮ್ಹಳಲೆ ಐತಿಹ್ಯ! ಕ್ರಿ. ಶ 1804 ಇಸವೀಂತು ರಕ್ತಾಕ್ಷಿ ಸಂವತ್ಸರಾಚೆ ಜೇಷ್ಠ ಶುದ್ಧ ತ್ರಯೋದಶಿ ತಿಥಿಕ ಶ್ರೀ ಸಂಸ್ಥಾನ ಕಾಶೀ ಮಠಾಧೀಶ ಪರಮಪುಜ್ಯ ಶ್ರೀಮದ ವಿಭುಧೇಂದ್ರ ತೀರ್ಥ ಸ್ವಾಮ್ಯಾಲೆ ಅಮೃತ ಹಸ್ತಾನ ಪಟ್ಟಾದೇವು ಶ್ರೀ ವೀರ ವೆಂಕಟೇಶಾಲೆ ಪ್ರತಿಷ್ಠಾಪನ ಚಲೆ°. (ವೃಂದಾವನಸ್ಥ ಪರಮಪೂಜ್ಯ ಶ್ರೀ ಕಾಶೀ ಮಠಾಧೀಶ ಶ್ರೀಮದ್ ಸುಧೀಂದ್ರ ತೀರ್ಥ ಆನೀ ತಾಂಗೆಲೆ ಪಟ್ಟಶಿಷ್ಯ ವರ್ತಮಾನ ಪೀಠಾಧಿಪತಿ ಶ್ರೀಮದ್ ಸಂಯಮೀoದ್ರ ತೀರ್ಥ ಸ್ವಾಮ್ಯಾಲೆ ದಿವ್ಯ ಉಪಸ್ಥಿತಿಂತು 2012 ಇಸವಿಚೆ ಪೌಷ ಮಾಸಾಚೆ ಸೋಳಾ ತಾರೀಕೆಕ (10-29 ಮೀನ ಲಗ್ನ ಮಹೂರ್ತಾಂತು) ನವೀಕೃತ ಶಿಲಾಮಯ ದೇವಳಾಂತು ಸಪರಿವಾರ ಸಮೇತ ಶ್ರೀ ವೀರ ವೆಂಕಟೇಶ ದೇವಾಲೊ ಪುನರ ಪ್ರತಿಷ್ಠಾ ನಭೂತೋ ನಭವಿಷ್ಯತಿ ಪರಿಂತು ವೈಭವಾನ ಘಡಲಾಂ) ಕೊಡಿಯಾಲ ಪೇಂಟೆಚೆ ಸರ್ವತೋಮುಖ ಉದರಗತಿಕ ಕಠಾರಿ ವೀರಾಲೊ ಕಾರಣೀಕ ಕಾರಣ ಮ್ಹಳಲೆ ಭಗವದ ಭಕ್ತಾಲೆ ಅಚಲ ನಂಬಿಗಾ ಜಾವೂನು ಆಸಾ. ದೇವಳಾಂತು ಚಲಚೆ ಸಗಟ ಧಾರ್ಮಿಕ ಕರ‍್ಯಾವಳ ಶ್ರೀ ಸಂಸ್ಥಾನ ಕಾಶೀ ಮಠಾಧೀಶ ಹಾಂಗೆಲೆ ಮಾರ್ಗದರ್ಶನಾಂತು ಚಲತಾ°.

ಅಯಲಾ ಪರತ ಸರ್ವ ಸಮಾಜ ಬಾಂಧವಾoನ ಉಮೇದಿನ ರಾಕೂನ ರಾಬಚೆ ಜೀವನ ದರ್ಶನಾ ಸುಮೇರು, ಕೊಡಿಯಾಲ ತೇರು ! ಮಾಘು ಶುದ್ಧ ತೃತೀಯಾ ತಿಥಿಕ ಧ್ವಜಾರೋಹಣ ದ್ವಾರಿ ಆರಂಭ ಜಾವನು ಷಷ್ಠಿ ತಿಥಿಕ ಸಾನು ತೇರು, ಮೃಗಯಾ ಉತ್ಸವು ಚಲತಾ. ಪ್ರಥಮ ತೀನಿ ದಿವಸು ಚಡಾವತ ಧಾರ್ಮಿಕ ಕರ‍್ಯಕ್ರಮ ದೇವಳಾ ಭಿತರ ಘಡತಾ(ಹಗಲೋತ್ಸವು ಆನೀ ಪೇಂಟೆ ಉತ್ಸವು ಸೊಡುನ) ಷಷ್ಠಿ ದಿವಸು ರಾತಿ ದೇವಾನ ವಿಶೇಷ ಪುಷ್ಪಾಲಂಕೃತ ರುಪ್ಯಾ ಲಾಲ್ಕಿಂತು ವಿರಾಜಮಾನ ಜಾವನು ‘ಮೃಗಬೇಟೆಕ’ ಭಾಯರ ಸರಚೆ ಆಹಾ ! ತೇ ಚಂದಾಯ ಸ್ವಯಂ ದೊಳ್ಯಾನ ಪೊಳೊವಕಾ ಜಾಯ. ವರ್ಣಮಯ ವೀಝಾ ದಿವ್ಲಿ ತೋರಣ ಬಾಂದೂನು ಸಜಾಯಿಲೆ ಸವಾರಿ ವಾಟೇರಿ ಅಸಚೆ ಘರಾಚೆ ಗೃಹಸ್ಥ ಬಾಯಲ ಘರವಂದ್ಯಾ ಯೆವಚೆ ದೇವಾಕ ಆರತಿ ದಿವೂನು ದೇವು ಘರಾ ಆಯಲೊ ಮ್ಹಣು ಧನ್ಯತಾಭಾವಾಚೊ ಅನುಭೂತಿ ಪಾವತಾತಿ.

ಹೆರ ದಿವಸು ದೇವಾಲೊ ಆವಿರ್ಭಾವು ಅಧಿಕ ಮಾಪಾನ ಅಸಚೊ ಪರ್ವಕಾಳು ಅರ್ಥಾತ್ ಬ್ರಹ್ಮರಥೋತ್ಸವಾ ಸಂಭ್ರಮು! ಪ್ರಾತಃ ಕಾಳಾಂತು ಪ್ರಾರ್ಥನಾ ಉಪರಾಂತ ತೀರ್ಥ ಮಂಟಪಾoತ ವಿರಾಜ ಮಾನ ಜಾಲೆಲೆ ಶ್ರೀ ವೀರ ವೆಂಕಟೇಶಾಕ ಪಂಚಾಮೃತ ಅಭಿಷೇಕು, ಪುಳಕಾಭಿಷೇಕು, ಕನಕಾಭಿಷೇಕು, ಗಂಗಾಭಿಷೇಕು, ಪೂರ್ವಕ ಮಹಾಭಿಷೇಕು, ಶತಕಲಶಾಭಿಷೇಕು ಚಲತಾ. ಅಲಂಕಾರ ಪ್ರಿಯದೇವು ಲಗ್ನಾ ವ್ಹರೇತಾ ಭಶೇನ ಸ್ವರ್ಣಾ ಭರಣ, ಪರಂಬಳಿ ಮೊರ‍್ಯಾ ಮಾಳಾನ ಆಭೂಷಿತ ಜಾವೂನು ಸ್ವರ್ಣ ಪಲ್ಲಂಕಿoತು ಮಂಗಲವಾದ್ಯಾ ಸಾಂಗತ ಯಜ್ಞ ಮಂಟಪಾ ಪ್ರವೇಶ ದಾರಾಲ್ಯಾ ಪ್ರಸ್ಥಾನ ಘೆತಾ. ಯಜ್ಞಾ ಪೂರ್ಣಾಹುತಿ , ಮಂಗಳಾರತಿ ಉಪರಾಂತ ಉತ್ಸವ ಮೂರ್ತಿ ಶ್ರೀನಿವಾಸ ದೇವಾ ಸಾಂಗತ ಸ್ವರ್ಣ ಪಲ್ಲಕ್ಕಿಂತು ವಿರಾಜಮಾನ ಜಾವೂನ ಸ್ವಯಂ ಸೇವಾಕಾಂಗೆಲೆ ಖಾಂದ್ಯಾರಿ ದೇವಳಾ ಪ್ರಾಂಗಣಾoತು ಮಂಗಲವಾದ್ಯಾ ನಿನಾದ ಸಾಂಗತ ಘೆವಚೆ ಸವಾರಿ ಸೇವಾ, ದರ್ಶನ ಕರುಂಕ ತುದಿ ಪಾವಲಾರಿ ರಾಬಿಲೆ ಅಬಾಲ ವೃದ್ಧ ಭಕ್ತಬಾಂಧವಾoಕ ದೈವಿಕ ಅನುಭೂತಿ ಜಾಗರ ಕರತಾ. ಪಟ್ಟಾದೇವಾನ ಪಯಲೆ ಪಾವಟಿ ಗರ್ಭಗುಡಿ ದಾಕೂನ ಬ್ರಹ್ಮರಥಾರೋಹಣ ಖಾತೀರ ದೇವಾಳಾ ಭಾಯರ ಸಜಾಯಿಲೆ “ಸಂಚಾರಿ ದೇವಳ” ಅರ್ಥಾತ್ ಬ್ರಹ್ಮರಥಾಕ ಪಂಚ ಪ್ರದಕ್ಷಿಣ ಘೆವಚೆ ವೈಭವು ದೊಳೊ ಭರನು ಘೆವೂಂಕ ಸಾಗರೋಪಾದಿಂತು (ದರಿಯಾ ಸಮಾನ) ಭಕ್ತ ಸಮೂಹ ಭಕ್ತಿ ಶ್ರದ್ಧೆನ ರಾಕೂನು ರಾಬತಾತಿ. ಬ್ರಹ್ಮ ರಥಾರೋಹಣಾ ಅಮೃತ ಘುಡಿಂತು ಆರಾಧ್ಯ ದೇವಾಲೆ ಸಮೀಪದರ್ಶನ (ಲಾಗಿ ದಾಕೂನ ಪೊಳೊವಚೆ) ಪಾವಿ¯ ಭಕ್ತಲೋಕ ಆನಂದಾನುಭೂತಿನ “ಗೋವಿಂದಾ ಗೋವಿಂದಾ” ಮ್ಹಣೂನ ಜಯಘೋಷ ಘಾಲತಾತಿ. ಭಕ್ತಿ ಪರಾಕಾಷ್ಠೆಚೊ ಅಮೋಘ ದೃಶ್ಯ! ನಿತ್ಯ ದಿಸಾಂತು ಗರ್ಭಗುಡಿ ದೇವಾಕ ನಡ್ಯಾ ರಾಬೂನು ಮಾಘಚೆ ಆತ್ಮಾಕ, ಆಜ ಪರಮಾತ್ಮಾಕ ದೊಳ್ಯಾ ಮುಖಾರಿ ಪಾವಚೆ ಮಹಾ ಭಾಗ್ಯ! ಅಪರಿಪೂರ್ಣತಾ ಮನುಷ್ಯ ಜಲ್ಮಾ ಲಕ್ಷಣ. ಜ್ಞಾನತಃ ಅಜ್ಞಾನತಃ ಕೆಲೆಲೆ ಸರ್ವ ಅಪರಾಧು ದೇವಾ ಕ್ಷಮ ಕರಿ, ಜಲ್ಮು ಉದ್ಧಾರ ಕರಿ ಮಳ್ಳಲೆ ಪ್ರಾರ್ಥನ ಆತ್ಮಾ ಅನುರಣನ ಜಾತಾ. ದೇಹ ಮ್ಹಳಲೆ ರಥಾಚೆ ಹೃದಯ ಸಿಂಹಾಸನಾoತು ದೇವಾಕ ಪ್ರತಿಷ್ಠಾಪನ ಕರಚೆ ವೈಭವು ಶ್ರೀ ವೀರ ವೆಂಕಟೇಶಾಲೊ ಬ್ರಹ್ಮ ರಥೋತ್ಸವು. ರಥಾರೂಢ ದೇವಾಲೆ ದರ್ಶನ ಕೆಲೆಲೆ ಆತ್ಮಾಕ ಪುರ್ನಜಲ್ಮ ದಾಕೂನ ಮುಕ್ತಿ ಮೆಳತಾ. ಜಲ್ಮ ಜಲ್ಮಾಚೆ ಪಾಪ, ದೋಷ ಶಮನ ಜಾತ ಮ್ಹಳಲೆ ಶಾಸ್ತ್ರೋಕ್ತಿ. ರಥಾದೇವಾಲೆ ಮಂಗಳಾರತಿ ಉಜ್ವಾಡು ಹರ ಏಕ ಜೀವಾಂತು ಜ್ಞಾನಾ ಉಜ್ವಾಡು ಜಾಗರ ಕರನು ಜಲ್ಮ ಸಾಫಲ್ಯಾ ಪ್ರೇರಣ ದಿತಾ.

ರಥಸಪ್ತಮಿ- ಸೂರ್ಯ ನಾರಾಯಣ ಜಯಂತಿ
ವೀರ ವೆಂಕಟೇಶಾಲೆ ಭಕ್ತಾಂಕ ವಿಶೇಷ ದಿವಸು. ಸೃಷ್ಟಿ ನಿರಂತರತಾಕ ಕಾರಣೀಭೂತ ಜಾವನು ಅಸಚೊ ಸರ‍್ಯಾನಾರಾಯಣಾಲೊ ಜಲ್ಮ ದಿವಸು ಭೊಂವತಣಿoತು (ವಾತಾವರಣಾಂತು) ಶಕ್ತಿ ಆನೀ ಚೈತನ್ಯಾ ಸಂಗಮಾ ಅನುಭೂತಿ ಜಾತಾ. ಮನುಕುಲಾ ಆಧಾರು ಜಾವೂನ ಅಸಚೊ ಜಗತಚಕ್ಷ ಸರ‍್ಯ ದೇವಾನ ಗಾಯತ್ರಿ, ಬೃಹತೀ, ಉಷ್ಣಿಕ್, ಜಗತೀ, ತ್ರಿಷ್ಟುಪ್, ಅನುಷ್ಟುಪ್ ಆನೀ ಪಂಕ್ತಿ ಮ್ಹಳಲೆ ನಾಂವಾಚೆ ಸಪ್ತಾಶ್ವರೂಢ ಜಾವೂನು ಉತ್ತರ ದಿಶೆಕ ಪರಿಭ್ರಮಣ ಕರಚೆ ಪರ್ವಕಾಳು ಹಾಕಾ ಉತ್ತರಾಯಣ ಪುಣ್ಯಕಾಳು ಮ್ಹಣತಾತಿ. ಅರುಣು ಸರ‍್ಯದೇವಾಲೊ ಸಾರಥಿ. ಸರ‍್ಯ ದೇವಾಲೆ ಸ್ವರ್ಣಾರಥಾಕ ಫಕತ ಏಕ ಪಯ್ಯ (ಚಕ್ರ) ತೇಂಚಿ ಆಮಗೆಲೆ ದೊಳ್ಯಾ ದೃಷ್ಟಿಕ ದಿಸಚೆ ಸರ‍್ಯ ಬಿಂಬ. ಸಪ್ತಾಶ್ವ ಹಪ್ತ್ಯಾಂಚಿ ಸಾತ ದಿವಸ, ಇಂದ್ರಧನುಷಾ ಸಾತ ರಂಗಾಚೆ ಸಂಕೇತ. ರಕ್ತ ಪುಷ್ಪ, ರಕ್ತ ಚಂದನ, ರಕ್ತ ವರ್ಣಾ ವಸ್ತ್ರ, ಸರ‍್ಯ ದೇವಾಲೆ ಪ್ರಿಯ ಸಾಹಿತ್ಯ. ಶಾರೀರಿಕ ಆನೀ ಮಾನಸಿಕ ಆರೋಗ್ಯ, ಆಧ್ಯಾತ್ಮಿಕ ಸಾಧನಾ ಪೂರಕ ಜಾಲೆಲೆ, ವೇದಕಾಳಾ ದಾಕೂನ ಮಾನ್ಯತ ಪಾವಿಲೆ ಸರ‍್ಯನಮಸ್ಕಾರಾಂತು ಸರ‍್ಯದೇವಾಲೆ ಬ್ಹಾರಾನಾಂವ ಉಚ್ಚಾರ ಕರತಾತಿ. ಇಂದ್ರ, ಧಾತ, ಪರ್ಜನ್ಯ, ತ್ವಷ್ಟ, ಪುಷ, ಆರ್ಯಮ, ಭಾಗ, ವಿವಸ್ವನ, ವಿಷ್ಣು ಅಂಶುಮಾನ ವರುಣ, ಮಿತ್ರಿ ಮ್ಹಳಲೆ ಅನ್ವರ್ಥನಾವ ಬ್ಹಾರಾ ಮಾಸಾಚೆ ಸೂಚಕ. ನಿಯಮಬದ್ಧ ಜಾವೂನು ನಭಾಂತು ಉದಯ ಅಸ್ತಮ ಜಾವಚೊ ಸರ‍್ಯ ದೇವು ಸಮಯ ಪ್ರಜ್ಞಾ, ಜ್ಞಾನ, ಧರ‍್ಯ, ಆರೋಗ್ಯ, ಚೈತನ್ಯ, ಬಾಪುಸು ಸ್ಥಾನಾ ಸೂಚಕು. ಕಾಲವಿಭಾಜನ, ಉಜ್ವಾಡು, ಊಷ್ಮಾ, ಪ್ರಾಣಾದಿ ವಾಯು, ವಿದ್ಯುತ್, ಮೇಘದೃಷ್ಟಿ, ಆನೀ ಪ್ರಜಾ ವರ್ಗಾಕ ಪ್ರಾಣ ಶಕ್ತಿ ಸ್ವರೂಪಿ ಅನ್ನ, ಓಜುಸ್ ದಿವಚೊ ಪ್ರತ್ಯಕ್ಷ ದೇವು ! ಆತ್ಮಕಾರಕ ಸರ‍್ಯದೇವಾಕ ರಥಸಪ್ತಮಿ ಪರ್ವ ಕಾಳಾಂತು ಕೃತಜ್ಞತಾ ಸಮರ್ಪಣ ಕರನು. ಅನುಗ್ರಹಾಕ ಪಾತ್ರ ಜಾವೂಯಾ !

ರಥಸಪ್ತಮಿ ವಿಶೇಷ ಭೂರಿ ಸಮರಾಧನ
ಭಗವತ ಸಾಕ್ಷಾತ್ಕಾರು ಮನುಷ್ಯ ಜಲ್ಮಾ ಮೂಲ ಧ್ಯೇಯ ಶರೀರ ಮಾಧ್ಯಂ ಖಲು ಧರ್ಮ ಸಾಧನಂ ಉಕ್ತಿ ಭಶೇನ ಜೀವನ ಸಾಧನಾಕ ಶರೀರ ಮಹತ್ವಾ ಮಾಧ್ಯಮ. ಸಾತ್ವಿಕ ಆಹಾರ ಸೇವನಾ ನಿಮಿತ್ತ ಶರೀರಾಂತು ತೇಜಸ್ವಿ ಕಂಪನ ಉಗಮ ಜಾವನು ಮನ ಬುದ್ಧಿಂತು ಸತ್ವಗುಣ ವೃಧ್ಧಿ ಜಾತಾ. ಆಧ್ಯಾತ್ಮಿಕ ಪ್ರಗತಿಕ ಯೋಗ್ಯತಾ ಪಾವೂನು ಜೀವು “ಯೋಗಿ” ಮ್ಹಣೂನು ಘೆತಾ. ಧಾತು, ಇಂದ್ರಿಯ, ಬಲ, ತೇಜಸ, ಆನಂದ, ಆರೋಗ್ಯ ಪ್ರಧಾನ ಕರಪಿ ಅನ್ನ ,ಶರೀರಾಕ ಪ್ರಾಣ ಆನೀ ಪೋಷಣ ದಿತಾ. ತ್ಯಾಮಿತಿ ಅನ್ನ(ಶಿತ್ತಾಕ) ಪೂರ್ಣಬ್ರಹ್ಮ ವಾ ಬ್ರಹ್ಮ ಸ್ವರೂಪ ಆಶಿ ಪೂಜ್ಯ ಭಾವಾನ ಸಂಭೋಧನ ಕರತಾತಿ. ಪರಮಾತ್ಮಾಲೆ ಪ್ರೀತ್ಯರ್ಥ ಚಲಚೆ ಭೂರಿ ಸಮರಾಧನ ರಥೋತ್ಸವಾಚೆ ಪ್ರಧಾನ ಅಂಗ ಅರ್ಥಾತ್ ಅನ್ನ ಪ್ರಸಾದಾ ವಿತರಣ.

ಹ್ಯಾ ಸೇವೆಂತು ಸ್ವಯಂ ಸೇವಕಾಂಕ ಸರ್ವಾನ ಕರುಂಕ ಜಾಯ ವಂದನ. ಮಾಲಗಡೊ, ದಾಕಲೊ, ಧನಾಡ್ಯು, ದುರಬಳೊ, ಚೆಲೊ, ರ‍್ನಾಟೊ, ಪ್ರಾಯೆಚೊ ಮ್ಹಳಲೆ ಭೇದು ನಾತಿಲೆ, ಸಬಾರ ದೇಡ ಹಜ್ಜಾರ ಸ್ವಯಂ ಸೇವಕ, ದೇವಾಲೆ ಸೇವೆಕ, ಸಂಪ್ರದಾಯಿಕ ವಸ್ತ್ರ(ಪಟ್ಯಾತೊಡಪು ಆನೀ ಶಾಲ) ಧಾರಣ ಕರನು ಶ್ರಮದಾನಾಕ ಕಂಕಣ ಬದ್ಧ ಜಾತಾತಿ. ದೀಸ ರಾತಿಚೆ ಫರಖ ನಾಶಿ, ತಾನಿ, ಭೂಖ, ನೀದ ಸಗಟ ವಿಸರೂನ. ನಿಷ್ಕಾಮ ಭಾವನೆನ ಸೇವಾ ಕರಚೆ ಪಳಯತನಾ ಕಠಾರಿ ವೀರಾಲೆ ಕಾರಣೀಕ ಕಳಿತಾ ಯೆತಾ. ದೇವಾನ ದಿಲಲೆ ಶರೀರ, ಆಸ್ತಿತ್ವ, ಜೀವನ ಸೇವೆ ರೂಪಾನ ಸಮರ್ಪಣ ಕರಚೆ ಧನ್ಯತಾಭಾವು ತಾಂಗೆಲೆ ವಾವ್ರಾಂತು ದಿಸೂನು ಯೆತಾ. ಪರಸ್ಪರ ಸಹಕಾರು ಶ್ರೇಯಸಾಚೆ ಮೂಲ ಮಂತ್ರ ಮ್ಹಳಲೆ ಸೂಕ್ಶ್ಮ ವಿಚಾರಾಕ ರ‍್ಯಾಯ ರಥೋತ್ಸವು! ಫಕತ ಧಾರ್ಮಿಕ, ಆಧ್ಯಾತ್ಮಿಕ ಜಾವೂನ ನ್ಹಯ ಸಾಮಜಿಕ ಆನೀ ಭಾವನಾತ್ಮಕ ಸ್ತರಾಂತು ರಥೋತ್ಸವು ಆಗ್ರಸ್ಥಾನ ಘೆತಾ. ಬಾಳಪಣಾ ಯಾದು ಪರತ ಅಪಣಾನು ಘೆವಚಾಕ, ಜೀವನ ಪಾಠು ಅಲಿಖಿತ ರೂಪಾನ ಶಿಕಚಾಕ ಸುವರ್ಣ ಸಂಧ ಮ್ಹೋಣಯೇತ. ಜೀವನಕಲಾ ಪ್ರಶಿಕ್ಷಣ(ತರಬೇತ) ಮೆಳತಾಃ ದೇವಾಲೆ ವಾಹನ ರಂಗಾಳಿ ಪುಲ್ಲಾನ ಶೃಂಗಾರಚಾಕ, ಖಾಂದ ಮಾರುಂಕ, ಸಮರಾಧನಾ ವೇಳೆಚೇರ ಪಾನ ಘಾಲೂಂಕ, ಕಟಾರ ವೊಂವಚಾಕ, ಅನ್ನ ಪ್ರಸಾದು ವಾಡೂಕ, ಉಚ್ಚಿಷ್ಠ ಕಾಡೂಂಕ, ದೇವಳಾ ಅಂಗಣ ಜಾಡೂಂಕ, ಆಯದನ ದುವಚಾಕ, ರಾಂದೆಕಾಯಿ ಶಿಂದೂಕ, ಸೋಯಿ ಕಾಂತುಕ ಇತ್ಯಾದಿ ವಾವ್ರಾಂತು ಭಾಗಿ ಜಾವಚೆ ನಿಮಿತ್ತ ಮುಖಾವಯಲೆ ಪೀಳಗಿಕ ಮಾದರಿ ಶಿಕ್ಷಣ ದೃಶ್ಯ ಪ್ರತ್ಯಕ್ಷ ಮೆಳತಾ. ಆನೀ ತೇ ಅಜ್ಞಾತ ರೂಪಾನ ತಾಂಗೆಲೆ ವ್ಯಕ್ತಿತ್ವಾಂತು ಸೇವಾ ಮನೋಭಾವ ಜಾಗರ ಕರನು ಸಾಮಾಜಿಕ ಜಾಪಡಾರಿ ವಡಯತಾ. ಮೌಲ್ಯ ಜೀವನಾ ಬುನಿಯಾದು. ಪ್ರಾಯೋಗಿಕ ಜೀವನಾ ಪ್ರೇರಣ ದಿವಚೆ ಸಾಂತ ರಥೋತ್ಸವಾಚೆ ದುಸ್ರೆ ಆಕರ್ಷಣ! ತೇರಾ ವೇಳಾರಿ ಘರಾಂತುಲೆ ಮ್ಹಾಲಗಡೆ ದಾಕಲ್ಯಾಂಕ ಆನೀ ಚೆರಡುವಾಂಕ ಖರ್ಚಾಕ ಮ್ಹಣೂನ ರುಪಯಿ ದಿತಾತಿ. ಸಾನ ಬಳಶಾ ದಾಕೂನು ವ್ಹಡಿಲಾ ಥಾಂಯ ಮಳ್ಯಾವರಿ ಸರ್ವ ಥರಾಚೆ ಸಾಹಿತ್ಯ ಸಂತೆoತು ವಿಕ್ರಪ ಜಾತಾ. ರಸ್ತ್ಯಾ ಬಗಲಿ ವ್ಯಾರು ಕರನು ಜೀವನ ನಿರ್ವಹಣ ಕರಚೆ ಲೋಕಾಂಕ ರಥೋತ್ಸವು ಜೀವನೋತ್ಸಾಹು ಭರತಾ. ಮಹೋತ್ಸವಾ ಅಂಗ ಜಾವೂನು ಕಲಾರಾಧನ ಘುಡ್ತಾ(ಮಂಗಳ ವಾದ್ಯ) ಆಶೆಂ ವೆಗವೆಗಳೆ ಪ್ರಕಾರಾಂತು ಜೀವನ ದರ್ಶನಾ ಉಗ್ತಾವಣ ಜಾತಾ. ಮಹೋತ್ಸವು ಮನಶಾಲೆ ಸಾಂಘಿಕ ಜೀವನಾ ಪೂರಕ ಆನೀ ಗರಜ ಅಸಚೆ ಸಾಮರಸ್ಯ ಐಕ್ಯತಾ, ಪ್ರೀತಿ ವಿಶ್ವಾಸು ವಾಡಯತಾ.

ಭೀಷ್ಮಾಷ್ಟಮಿ- ಅವಭೃತೋತ್ಸವು (ಓಕುಳ)
(ಯದುಕುಲ ಪಿತಾಮಹ ಭೀಷ್ಮಾಚರ‍್ಯಾನ ಪ್ರಾಣ ತ್ಯಾಗು ಕೆಲೆಲೊ ದಿವಸು) ರಥಸಪ್ತಮಿ ಹೆರ ದಿವಸು ಘಡಚೆ ಮಂಗಲ ಉತ್ಸವಾಚೆ ಮಂಗಲ ಸ್ನಾನ ಅರ್ಥಾತ್ ಅವಭೃತೋತ್ಸವಾಕ ಭೊವ ಮಹತ್ವ ಆಸಾ. ಪ್ರಾತ: ಕಾಳಾರಿ ದೇವಾಕ ಪ್ರಾರ್ಥನಾ, ದ್ವಾರ ಪೂಜಾ, ಚೂರ್ಣೋತ್ಸವು, ವಸಂತ ಪೂಜಾ, ಯಜ್ಞವಿಸರ್ಜನಾ, ಉಪರಾಂತ ಓಕುಳೆ ವೈಭವು ಆರಂಭ ಜಾತ್ತಾ. ಓಕುಳ ಖಳೂಕ ವಾಪುರಚೆ ಗುಲಾಲ, ಹಳದುವೆ, ತಾಂಬಡೆ, ನೀಳ ಆನೀ ಪಚವೊ ರಂಗು ಪಂಚಭೂತಾ ಸಂಕೇತ( ವೈಜ್ಞಾನಿಕ ಸ್ತರಾಂತು ರಂಗಾಕ ಆನೀ ಆರೋಗ್ಯಾಕ ನೇರ ಸಂಬoಧು ಆಸಾ ಹಾಕಾ ವರ್ಣ ಚಿಕಿತ್ಸಾ ಮ್ಹಣತಾತಿ) ಅಬಾಲ ವೃದ್ಧ ಲೋಕ (ಚೆಲ್ಯಾ ಚೆರಡುಂವ ಆನೀ ದಾರಲೆ) ರಂಗಾಳ ಉದಾಕ ಅಂಗಾರ ಶಿಂಪುನು ಘೆತಾತಿ. ಜಲಪೂಜನಾ ದಾಕೂನು ಜಲ ಸ್ನಾನ ರ‍್ಯಂತ ಚಲಚೊ ದೇವಾಲೊ ಅವಭೃತೋತ್ಸವು ಆತ್ಮಾ ಆನಂದಾನುಭೂತಿ ಜಾಗಯ್ತಾ. ಹ್ಯಾ ಶುಭ ಸಂಧರ್ಭಾರಿ ನಿರಾಭರಣ ಸುಂದರ ದೇವಬಿಂಬಾಚೆ ಸಮೀಪ ದರ್ಶನಾ ಭಾಗ್ಯ ಭಕ್ತಾಂಕ ಮೇಳತಾ. ಸರಳತಾಂತು ಸುಂದರತಾ ಅಸೂಂಕ ಶಕ್ತಾ ಮ್ಹಳಲೆ ಸೂಕ್ಶ್ಮಸಂವೇದನಾ ಹಾಂತು ಕಳಿತಾಯೆತಾ. ಬ್ರಹ್ಮ ರಥೋತ್ಸವಾ ದರ್ಶನ, ಶ್ರವಣ, ಹವನ, ನಮನ, ಭಜನ, ಭೋಜನ, ಉಪಾಸನ ಸರ್ವಯ್ ಜೀವನ ಉತ್ಕರ್ಷಾ ಸಾಧನ!

ಜೀವನ ಸಾಂಠೆವೆಲಲೆ ಉದಾಕ ನ್ಹಯ
ನಿರಂತರ ಹೊಳಚೆ ನ್ಹಂಯ
ರಥೋತ್ಸವಾ ಭಾಗಿ ಜಾವೂನ ಮ್ಹಣೂಯಾ
ವೀರ ವೆಂಕಠೇಶಾಕ ಜೈ ಜೈ!

ವಿನಾ ವೆಂಕಟೇಶo ನನಾಥೋ ನನಾಥಃ
ಸದಾ ವೆಂಕಟೇಶo ಸ್ಮರಾಮಿ ಸ್ಮರಾಮಿ
ಹರೇ ವೆಂಕಟೇಶ ಪ್ರಸೀದ ಪ್ರಸೀದ
ಪ್ರಿಯಂ ವೆಂಕಟೇಶ ಪ್ರಯಚ್ಷ ಪ್ರಯಚ್ಷ

ಸಾಹುಕಾರ ಪೈ ಕುಟುಂಬೇಚೊ ಶ್ರೀ ವೆಂಕಟರಮಣು

ಮoಗಳೂರ ರಥಬೀದಿಚೆ ಶ್ರೀ ವೆಂಕಟರಮಣ ದೇವಳಾಚೆ ಇತಿಹಾಸ ಪಳೊವಚಾಕ ಘೆಲ್ಯಾರಿ ಕ್ರಿ.ಶ.1804ತು ಚಲೆಲೆ ಏಕ ಅಪೂರ್ವ ಘಡಣಿಚೆ ಉಲ್ಲೇಖ ಜಾತಾ. ಪಳೊವಚಾಕ ಏಕ ಸಾಮಾನ್ಯ ಯಾತ್ರಿಕ ಜಾವನು ಆಶಿಲೊ ಏಕ ಮಹಾನ ಸನ್ಯಾಸಿ ಏಕ ವಿಗ್ರಹ ಘೆವನು ರಥಬೀದೀಚೆ ಅಶ್ವತ್ಥ ಕಾಟ್ಟೆರಿ ಥೊಡೆ ಕಾಳ ವಾಸ್ತವ್ಯ ಕರನು ಆಸತನಾ ಥೊಡೆ ಸ್ಥಳೀಯ ಲೋಕಾನಿ ತೆ° ಆಕರ್ಷಕ ವಿಗ್ರಹ ಆಮಕಾ ದೀ, ತುಕಾ ಜಾಯ ಜಾಲೆಲೆಂ ಪ್ರತಿಫಲ ದಿತಾತಿ ಮ್ಹಣು ಸಾಂಗಲೆ° ಖಂಯ. ತೋ ಸನ್ಯಾಸಿ ಹೆ° ಮಾನ್ಯ ಕರನಾಶಿ° ತ್ಹಂಯ ದಾಕೂನ ವಚೂನ ಸಕಳಚೆ ರಥಬೀದಿಕ ವಚೂನ ಸಾಹುಕಾರ ತಿಮ್ಮಪ್ಪ ಪೈ ತಾಂಗೆಲೆ ಬಂಡಶಾಳೆಕ ವಚೂನ ಆಮಗಲೆಂತು ಬಾಂದಿಲೆ ವಿಗ್ರಹಾಚೊ ಕಾಟು ತ್ಹಂಯ ದವರನು ಥೊಡೆ ಕಾಳ ಹೆ° ಹಾಂಗಾ ದವರನು ಘೆಯ್ಯಾ, ಅಮಕೇ ದೀವಸ ಭಿತರಿ ಹಾಂವ ಪರತೂನ ಯೆತಾಂ. ಏಕಚ ವೇಳಾರಿ ಮಾಕಾ ತೆದೊಳು ಭಿತರಿ ಯೆವಚಾಕ ಜಾಯನಾ ಜಾಲ್ಯಾರಿ, ಹೊ ಕಾಟು ತುಮಕಾ ಜಾವಕಾ ಜಾಲೇಲ ತಶಿ° ವಾಪೂರಯಾ ಮ್ಹಣು ಸಾಂಗೂನ ಘೆಲೊ ಖಂಯ. ತೋ ಕಿತಲೆ ಕಾಳ ಘೆಲ್ಯಾರಿಯಿ ಯೆನಿ ಆನಿ ತೆ ಕಾಟಾ ದಾಕೂನ ದ್ಹವೊರೊ ಯೆವಚೆ ಪಳೊವನು, ಭಂಡಶಾಳೆಚಾನಿ ತೊ ಕಾಟು ಉಗ್ತೊ ಕರನು ಪಳಯಲೆಂ ಖಂಯ. ತಾಂನಿ ಕಾಟು ಉಗ್ತೆಂ ಕರತನಾ ತಾಂಕಾ ಏಕ ಸುಂದರ ವಿಗ್ರಹ ಪಳೊವಚಾಕ ಮಳೆ°. ತೆದನಾ ಮಂಜೇಶ್ವರಾoತು ಮೊಕ್ಕಾಂ. ಆಶಿಲೆ ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಪರಮ ಪೂಜ್ಯ ಶ್ರೀ ವಿಬುಧೇಂದ್ರ ತೀರ್ಥ ಸ್ವಾಮೀಜಿಂಕ ಮಂಗಳೂರಾಚೆ ಗಣ್ಯ ವ್ಯಕ್ತಿನ ಹೇ° ವಿಗ್ರಹ ದಾಖಯಲೆ° ಖಂಯ. ಕುರಟಾರಿ ಖಡ್ಗ ದವರನು ಆಸಚೆಂ ಹೆಂ ವಿಗ್ರಹ ಪ್ರತಿಷ್ಠಾಪನೆಕ ಯೋಗ್ಯ ಆಸಾ ಮ್ಹಣು ಸ್ವಾಮೀಜಿನ ಸಾಂಗಲೆ° ಖಂಯ. ತ್ಯಾ ಪ್ರಮಾಣೆ 1804 ಚೆ ರಕ್ತಾಕ್ಷಿ ಸಂವತ್ಸರಾಚೆ ಜ್ಯೇಷ್ಠ ಶುದ್ಧ ತ್ರಯೋದಶಿ ದೀವಸು ಸ್ವಾಮಿಜಿಲೆ ದಿವ್ಯ ಹಸ್ತೂನ ಹ್ಯಾ ವಿಗ್ರಹಾಚೆ ಪ್ರತಿಷ್ಠಾ ಜಾಲೆಂ ಮ್ಹಣು ಸಾಂಗತಾತಿ.
ಆಧಾರ: ಶ್ರೀ ವೆಂಕಟರಮಣ ದೇವಸ್ಥಾನ, ರಥಬೀದಿ, ಮಂಗಳೂರು ಹಾಜೇ ಪುನಃ ಪ್ರತಿಷ್ಠಾ ಸ್ಮರಣ ಸಂಚಿಕಾ “ಶ್ರೀ ವೀರ ವೆಂಕಟೇಶ ವೈಭವಂ” ಹಾಂತುಲೆ° ಲೇಖನ .

ಕೊಡಿಯಾಲ್ ತೇರು ಆನಿ ಸಾಂತ
ಕೊಡಿಯಾಲ್ ತೇರು ಮ್ಹಳೆಲೆ ತಕ್ಷಣ ಆಮಕಾ ಉಡಗಾಸು ಜಾವಚೆಂ ತೇರಾಚೆ ಸಾಂತ. ಆಜೀ ಸಾಂತ ನಾತಿಲೊ ಗಾಂವು ನಾ. ಪೆಂಟಾoತು ನಿತ್ಯ ಸಾಂತ. ಮಾಲ್, ಹೋಡ ಹೋಡ ಶಾಪಿಂಗ್ ಸೆಂಟರಾoತು ಸಾಂತಚಿ ಸಾಂತ. ಜಾಲ್ಯಾರಿ ಕೊಡಿಯಾಲ್ ತೇರಾಚೆ ಸಾಂತ ಮಾತ್ರ ವಿಸೊರುಂಕಚಿ ಜಾಯನಾ. ಸಾನ ಆಸತಾನಾ ತೇರಾ ಖರ್ಚಾಕ ದಿಲೆಲೆ ದುಡ್ವಾಂತು ಘೆತ್ತಿಲೆ ಖಾಣ. ಐಸ್ ಕ್ಯಾಂಡಿ, ಬಚ್ಚಂಗ, ಚರ್ಮುರೊ, ಪಚ್ಚಡಿ, ಪುಗ್ಗೊ, ಕೀ ದಿಲ್ಯಾರಿ ರೊಡ್ಚೆ ಬೊಂಬೆ, ಕಾಂಕಣ, ಕ್ಲಿಪ್ಪಾಚೆ ಅಂಗಡಿ-ಏಕವೇ ದೋನಿವೇ ಆಜಿ ಆಮ್ಮಿ ಹೋಡ ಜಾವನು ಆಮಕಾ ಚೆರ್ಡುವಂ ಜಾವನು, ಚೆರ್ಡುವಾಂಕ ಚೆರ್ಡುವ° ಜಾಲ್ಯಾರಿಯಿ ಸಾಂತೇoತು ಭೊಂವಚೆ° ಆಶಾ ಮಾತ್ರ ತಶೀಂಚ ಆಸಾ. ಅತ್ತ ಖಾಣ ಜೆವಣಾಚೆ ಪುಸ್ತಕ, ಏಕ-ದೋನಿ ನಮೂನ್ಯಚೆ ಬ್ಯಾಗ, ಕಸ್ಸಲೆ° ಘೆತ್ಲಾö್ಯರಿಯಿ ಧಾ ರುಪ್ಪಯಿ ಮ್ಹಳ್ಳೆಲೆ ಅಂಗ್ಡಿoತು ಅಗತ್ಯ ನಾತಲ್ಯಾರಯಿ ಘೆವ್ಚೆ ಕಟಾಕುಟಿ ಸಾಮಾನ, ಕೇಸಾಕ ಘಾಲ್ಚೆ ಸಮೂನೆವಾರ ಕ್ಲಿಪ್ಪ, ಪ್ಲಾಸ್ಟಿಕಾಚೆ ಬಕೆಟ್, ಟಬ್ ಹಾಜ್ಜೆಚಿ ಸಾಮ್ರಾಜ್ಯ. ಏಕಳಾಕ ಆನೆಕಳೊ ಆಡೋಳ್ನು ಗೆಲ್ಯಾರಿಯಿ ಸಾಂತ ಭೊಂವ್ಚೆ ಆಶಾ ಮಾತ್ರ ಸೋಣಾ. ತರನಾಟೇಂಕ ಹೆಕಡೆ ತೆಕಡೆ ಭೊಂವ್ಚೆಚಿ ಕಾಮ. ಕಸಲೆಯಿ ಖರೀದಿ ಕರನಿ ಜಾಲ್ಯಾರಿಯಿ ಭೊಂವ್ತಾ ರಾಬ್ಬೂಕಾ. ತೇರಾ ಸಂತೇoತು ಭೋವ್ನಿ ಜಾಲ್ಯಾರಿ ಕಸ್ಸಲಕಿ ವಿಸರ್ಲ್ಯಾ ಮ್ಹಣಕೆ. ಸುಕ್ರುಂಡೆ ಮಾಮ್ಮಾಲೆ ಚರಂಬುರಿ ಆನಿ ಆಂಬುಲಿ ಪಚ್ಚಡಿ, ತಾವುಶೆ ಖಾಯಿನಿ ಜಾಲ್ಯಾರಿ ತೇರಾ ಗೆಲ್ಲೆಲಿ ಖುಷಿ ಕಶ್ಶಿ ಪೂರ್ಣ ಜಾಯ್ತ ? ಮ್ಹಳ್ಳೆಲೆ ಮ್ಹಣ್ಕೆ ಹ್ಯಾ ಪಂತ ತುಮಕಾ ತೇರಾ ಖರ್ಚಾಕ ಕಿತ್ಲೆ ಮೆಳ್ಳಾ? ತೆದ್ದನಾ ಹೆ ಪೂರಾ ಆಮಕಾ ದಿತ್ತ ಆಶ್ಶಿಲೆ ಸ್ವರ್ಗ ಸಮಾನ ಸುಖಾಕ ಆತ್ತಚೆ ಖಂಚೆಯಿ ಐಶ್ವರ್ಯ, ವೈಭೋಗೂಯಿ ಸಮಾನ ನ್ಹಹಿ°. ಆಜಿ ಪ್ರಪಂಚ ಮಸ್ತ ಬದಲ ಜಾಲಾ°. ಇಂಟರ್‌ನೆಟ್ ಯುಗಾಂತು ಸರ್ವಯಿ ಹಾತ್ತಾ ಬೊಟ್ಟಾಚೆ ತುದೀಕ ಮೆಳತಾ. ಜಗತ್ಯಾಚೆ ಖಂಚೆ ಮುಲ್ಲ್ಯಾಂತು ಚಲಚೆ° ಕಾರ್ಯಕ್ರಮಯಿ ಲೈವ್ ಜಾವನು ಪಳೊವಯೇತ. ಜಾಲ್ಯಾರಿಯಿ ಕೊಡಿಯಾಲ್ ತೇರಾಂತು ವಾಂಟೊ ಘೆವಚೆ° ಆನೀ ತೇರಾಚೆ ಸಾಂತೇoತು ಭೊಂವ್ಚೆ ಆಶಾ ಮಾತ್ರ ಆನಿಕಯಿ ತಶಿಂಚಿ ವರಲ್ಯಾ ಭಾರೀ ಆಶ್ಚರ್ಯಾಚೆ ವಿಷಯು.

ಕೊಡಿಯಾಲ್ ತೇರು ಆನೀ ಸ್ವಯಂ ಸೇವಕ
ಕೊಡಿಯಾಲ್ ತೇರಾಂತು ಉದ್ದೇವ್ನು ದಿಸಚೆ° ಸೇವಕಾಂಗೆಲೆ ಸೇವಾ ದೇಹಾಶ್ರಮಾ ಮುಖಾಂತರ ತಾಂನಿ ಶ್ರೀ ವೆಂಕಟೇಶಾಕ ಅರ್ಪಣ ಕರಚೆ ಭಕ್ತಿ ಖಂಚೆಯೀ ಕಠಿಣ ತಪಸ್ಯಾಕಯೀ ವಯಲೆ. ಸುಮಾರ ಹಜಾರ, ದೇಡ ಹಜಾರ° ಸ್ವಯಂಸೇವಕ ಕೊಡಿಯಾಲ ತೇರಾಂತು ವಾಂಟೊ ಘೇತ್ತಾತಿ. ಪಾಟ್ಟೆ ತೊಡಪು ಕಾಸು ಮಾರನು ನೆಸ್ಸುನು, ಕುರ್ಟಾಕ ಶಾಲ ಬಿಗುದುನು ತಾಂನಿ ವಾಡೂಂಕ ಭಾಯ್ರ ಸರ್ಲ್ಯಾರಿ ಶಿಸ್ತು ಬದ್ಧ ಸೈನಿಕಾಂಕ ಪಳಯಿಲೆ ಮ್ಹಣಕೆ ಜಾತಾ. ಬಾಲಕಾಂಕ ಧರನು 85-90 ವರಸಾಚೆ ಮ್ಹಾಂತಾರೆ ಥಾಂಯ್ ಆಸ್ಸತಿ. ಪನ್ನಾಸ ವರ್ಸಾಕಯ್ ಚಡ ವರಸ ದಾಕೂನ ವಾಡೂಂಕ ರಾಬಚೆ ಶ್ರೀನಿವಾಸ ಕಾಮತ್, ಉಗ್ರಾಣಾಚೆ ಉಸ್ತುವಾರಿ ಪಳೋವನು ಘೆವ್ಚೊ ವಿಶ್ವನಾಥ ಭಟ್, ಖಂಚೇಯ ಕಾಮಾಕಯಿ ಸಯ್ ಮ್ಹಣಚೆ ಟ್ರಸ್ಟಿ ಅಡಿಗೆ ಬಾಲಕೃಷ್ಣ ಶೆಣೈ, ರಘುರಾಮ ಕಾಮತ್, ಜೋಡುಮಠ ಭಾಸ್ಕರ ಭಟ್ ಅಶಿ° ಸ್ವಯಂ ಸೇವಕಾಂಗೆಲೆ ಹೋಡ ಪಂಗಡ ಹಾಂಗಾ ಆಸ್ಸ. ಪರದೇಶಾಂತು ಉದ್ಯೋಗ ನಿಮಿತ್ತ ವಾಸ್ತವ್ಯ ಆಶಿಲಿ°, ಮಿಲಿಟರೀಂತು ಉದ್ಯೋಗಾ ಆಶಿಲಿ°, ವೈದ್ಯ, ಇಂಜಿನಿಯರ್, ವ್ಯಾಪಾರಿಯೋ, ಬ್ಯಾಂಕ್ ಉದ್ಯೋಗಿಯೋ, ಶಿಕ್ಷಕ°-ಅಶಿ° ಉದ್ಯೋಗು, ಅಂತಸ್ತ, ಪ್ರಾಯಾ ಭೇದನಾಶಿ ಹಾಂಗಾ ಸ್ವಯಂ ಸೇವಕ ಜಾವನು ಘೊಳ್ತಾತಿ. ಬಾಪ್ಪಸೂಲೆ ದಾಕುನು ಪುತ್ತಾಕ, ಪುತ್ತಾಲೆ ದಾಕುನು -ಅಶಿಂ ಪರಂಪರಾಗತ ಜಾವನು ಹೆ ಪರಂಪರಾ ಚಾಲೂ ಆಸಾ. ನಾಸ್ತಿಕತ ಭರನು ಗೆಲ್ಲೆಲೆ ಹ್ಯಾ ದೀಸಾಂತೂಯಿ ಶ್ರೀ ವೀರ ವೆಂಕಟೇಶ ದೇವಾಲೆ ಭಕ್ತಾಂಗೆಲೆ ಅಚಲ ಶ್ರದ್ಧಾ, ಭಕ್ತಿ, ನಿಷ್ಠಾ ಪ್ರಶ್ನಾತೀತ ಜಾವನು ಆಸಾ. ಸಾಬಾರ 170ಕಯೀ ಚಡ ವರಸ ದಾಕುನು ಥೋಡೆ ಕುಟುಂಬಾಚೆ ಲೋಕು ಪಿಳಗಿ ದಾಕುನು ಪಿಳಗಿಕ ಸ್ವಯಂ ಸೇವಾ ಕರತ ಆಯಲ್ಯಾಂಚಿ. ನವೇ ನವೇ ಪೀಳಗಿಚೆ ಚೆರ್ಡುವ° ಮಾಲ್ಗಡ್ಯಾಲೆ ಸಾಂಗತ ತಯಾರ್ ಜಾಚವೊ ನಮೂನೊ ಪಳಯ್ಲಾರಿ ಮನ ಮನ ಭರನು ಯೆತ್ತ್ತಾ. ಕೋಯ್ರು ಕಾಡಚೆ° ದಾಕೂನು ಅಗ್ರಸಾಳೆoಚೆ ಕಾಮಾ ವರೇನ, ದೀವಟಿಗೆ ಧರಚೆ ದಾಕುನು ರಥು ತಾಂಡಚೆ ವರೇನ ಪೂರಾ ಕಾಮಾಯಿ ಶ್ರೀ ವೀರ ವೆಂಕಟೇಶಾಲೆ ಸೇವಾ ಮ್ಹ್ಹಣೂಚಿ ಚಿಂತೂನ ಕರತಾತಿ. ಪ್ರತಿದೀವಸು ಸಾಬಾರ 1000 ನಾರ್ಲಾಚೆ ಶೆಂಡಿ ಸೋಡವಾಚೆ°, ಮಿರ್ಸಾಂಗೆ ದೇಂಟು ಕಾಡಚೆ° ಸ್ತ್ರೀಯೊ ಆಸಾತಿ. ನಾರ್ಲು ಕಾಂತೂಕ ಸಕಾಳಿ 4 ಘಂಟ್ಯಾಕ ತಯಾರ° ಜಾತ್ತಲೆ ಲೋಕೂಯಿ ಆಸಾತಿ. ದೀಸಾ° ದೀಸ ಜಾವಕಾ ಜಾಲೆಲೆ ದೇವಾಲೆ ರುಪ್ಪಾö್ಯ ಆಯದನ್, ಪೊಳೇರು, ಪಂಚಪಾತ್ರೆ, ಕವಳಿಗೆ ಅಸ್ಸಲೆ ಧುತ್ತಲೆ ಸ್ವಯಂ ಸೇವಕಯಿ ಆಸಾತಿ. ಸ್ವಯಂ ಸೇವಕಾಂಗೆಲೆ ನೇತೃತ್ವಾರಿ ಸಮಾರಾಧನೆ ತಸ್ಸಲೆ ಹೋಡ ಕಾಮಾಯಿ ಫುಲ್ಲಾ ಪಾಕ್ಳಿ ಉಬ್ಬಾರಿಲೆ ತಿತಲೆ ಹಗುರ ಜಾವನು ಚಲನು ವತ್ತ. ರಾತಿ 7 ಗಂಟೆ ತಾಕುನು 10 ಗಂಟೆ ಭಿತ್ತರಿ ಸಾಬಾರ 30,000 ಅನ್ನ ಪ್ರಸಾದ ಜೇವನು ವಚ್ಚೂಕಾ ಜಾಲ್ಲಾರಿ ಸ್ವಯಂ ಸೇವಕಾಲೆ ಕಾರ್ಯಕ್ಷಮತಾ ಕಸ್ಸಲೆ ಮ್ಹಣು ಅಂದಾಜ ಕರಯೇತ. ಶಿಸ್ತಾನ ಪಾಂಚ ದಿವಸೂಯಿ ಶುದ್ಧಾಚಾರಾಂಚೆ ನಿಯಮ ಪಾಲನ ರ‍್ತಚಿ ವಾಂವoಟ, ಭೂಕ, ನೀದ ಸೋಡುನ ಕಾಮ ಕರಚೆ ಹ್ಯಾ ಸ್ವಯಂ ಸೇವಕಾಂಕ ನಾಂವಾಚೆ ವ್ಯಾಮೋಹು ನಾ, ಪ್ರಶಸ್ತಿ, ಬಿರುದು, ಸಮ್ಮಾನಾಚೆ ಆಶ ನಾ, ಪೂರಾಯಿ ತಾಜ್ಜೆ ಖಾತೀರ, ತಾಗ್ಗೆಲೆ ನಿಮಿತ್ತ ಮ್ಹಣು ಶ್ರೀ ವೀರ ವೆಂಕಟೇಶಾಕ ಹಾತ ದಾಕೋವನು ನಮಸ್ಕಾರ ಕರಚೆ ನಿಷ್ಕಾಮ ಕರ್ಮಯೋಗಿ ಹಾಂನಿ. ದೀಸಾಕ ಜಾವಕಾ ಜಾಲೆಲೆ 500 ಕೆ.ಜಿ ಕಡ್ಗಿ ಪ್ರತಿವರಸ ಹಾಣು ದಿವ್ಚೆ ಶೈಲೇಶ್ ಭಟ್ ತಸ್ಸಲೆ ಆಸ್ಚಾ ಪುರೋ, ರಥೋತ್ಸವಾಕ ಜಾವಕಾ ಜಾಲೆಲೆ ತಾಂದುಲು ಏಕು ಲೋಡು ವರ್ಸಯಿ ದಿವ್ಚೊ ಗುರುನಾಥ ತಾಂದ್ಲಾ ಮಿಲ್ಲಾಚೆ ರಮೇಶ ಆಸ್ಚಾ ಪುರೋ ತೇರಾಕ ಜಾವಕಾ ಜಾಲ್ಲೆಲೆ ರಾಂದಯಿಕಾಯಿ ದಿವಚೆ ಕೃಷ್ಣಾನಂದ ಮಂಜುನಾಥ ಕುಟುಂಬ ಆಸ್ಸಾ ಪುರೋ, ಗೊಡ್ಶಾಕ ಜಾವಕಾ ಜಾಲೆಲೆ 20 ಕ್ವಿಂಟಾಲ್ ಸಾಕ್ಕರ ದಿವಚೆ ಮಂಗಲ್ಪಾಡಿ ವಿಠಲದಾಸ ಉಪೇಂದ್ರ ಶೆಣೈ ಆಸ್ಚಾ ಪುರೋ, ಹಾಂಗ ನಾಂವ ಕಾಣ ನಾತ್ತಿಲೆ ಹಜಾರ ಕಟ್ಲೆ ಸೇವಾದಾರ ಆಸ್ಚಾ ಪುರೋ-ಹೆ ಹಾಂನಿ ಸಗಟಾನಯೀ ಶ್ರೀ ವೀರ ವೆಂಕಟೇಶಾಕ ಕೃತಜ್ಞತಾ ಪೂರ್ವಕ ಅರ್ಪಣ ಕರಚೆ ಸೇವೆಚೆ ಏಕ ನಿದರ್ಶನ. ಗೌಡ ಸಾರಸ್ವತ ಬ್ರಾಹಣ ಸಮಾಜಾಚೆ ಅನನ್ಯತಾ ಆನಿ ಅಸ್ಮಿತಾಯೇಂತು ಸ್ವಯಂ ಸೇವಕಪಣಯಿ ಏಕ ಮಹತ್ವಾಚೆ ಗುಣಲಕ್ಷಣ ಮ್ಹಣು ಗರ್ವಾರಿ ಸಾಂಗಯೇತ.

मंगळूरचे विश्व कोंकणी केंद्र वतीन दिवचे अखील भारत मट्टचे श्रीमती विमला वी. पै विश्व कोंकणी साहित्य पुरसकार -२०२३, बसती वामन शेणै विश्व कोंकणी सेवा पुरसकार-२०२३ आनी डा. पी दयानंद पै विश्व कोंकणी पुरसकार- २०२३  प्रकट जालां. वरसाचे  कोंकणी साहित्य कृतीक दिवचे श्रीमती विमला वी. पै   विश्व कोंकणी साहित्य पुरसकार- २०२३ क  गोंयचे कोंकणी लेखक प्रकाश परियंकार हान्नी रचन केलेले  "पूरण  विंचून आयलां. वरसाचे कोंकणी कविता कृती पुरसकार -२०२३ क केरळचे कोंकणी कवी, लेखक आर एस भासकर हान्नी रचन केलेले कोंकणी कविता संकलन "चैत्र कविता" विंचून आयलां. कोंकणी भास, साहित्य, संसकृतिचे उदरगतीक विशेष जावन देणे दिलेले म्हाल्गडेंक गौरव दिवचाक स्थापन केलेले श्रीमती विमला वी. पै विश्व कोंकणी जीवन सिद्धी सम्मान २०२३ क  गोंयचे म्हाल्गडे कोंकणी कलावीद रमानंद रायकर हांका कोंकणी भाsa, संगीत साहित्याक दिलेले अपार देणे मानून घेवन विंचून काळां. बसती वामन शेणै विश्व कोंकणी सेवा पुरसकार -२०२३क बायलांगेले विभागांत  मेटमोर्फेस  सेवा संस्थे  बेंगळूरचे शकुंतला ए. भंढारकार विंचून आयलां. बसती वामन शेणै विश्व कोंकणी सेवा पुरसकार -२०२३क दारलेंगेले विभागांत  मंजेश्वराचे स्नेहालय च्यारिटेबल ट्रसट चे जोसेफ क्रासता हान्नी विंचून आयलांची. डा . पी. दयानंद पै विश्व कोंकणी अनुवाद पुरसकार २०२३क गोंयचे लेखक रमेश लाड विंचून आयलांची. डा. पी दयानंद पै विश्व कोंकणी रंगश्रेषट पुरसकार २०२३क श्रीनिवास राव (कासरगोडू चिन्ना) विंचून आयलांची. एक लाखलरूपायी सम्मानधन आनी फलक जावन हें  ७ प्रशसती वितरणा २०२४ फेबरुवरी ११ आयतार सकाळी १० गंटेक विश्व कोंकणी केंद्रांत चलचे वारषीक विश्व कोंकणी समारोह समारंभांत प्रशसती प्रदान करचे आसा. फेबरवरी १० आनी ११ क चलचे विश्व कोंकणी साहित्य समारोहचे अंग जावनू संजे ५.००ताकून ८.०० पऱ्यंत चारी वेवेगळे कोंकणी नाटक मंगळूरचे टी. वी. रमण पै सभागृहांत प्रदर्शन जावचे आसा. १९९६ इसवी विश्व कोंकणी सरदार श्री बसती वामन शेणै  हांगेले नेतृत्वारी प्रारंभ जालेले कोंकणी भास आनी संसकृती प्रतिषठान विश्व कोंकणी केंद्र मंगळूरचे शक्तिनगरांत स्थापन करनू कोंकणी भाषे, साहित्य, संसकृती चे अभिवृद्धीक आनी कोंकणी समुदायाचे सर्वांगीण उदरगतीक विशेष काऱ्यक्रम मांडून हाडता. अशीं विश्व कोंकणी केंद्राचे अध्यक्ष नंदगोपाल शेणय हान्नी हें पत्रिका प्रकटण दिलां. 

To Support Kodial Khaber click the following button.

ಮಂಗಳೂರ: ಜಿ.ಎಸ್.ಬಿ ಮಹಿಳಾವೃಂದ (ರಿ) ಮಂಗಳೂರ ಹಾಂಗೆಲೊ ತೀಸಾ ವರಸಾಚೊ ಕೊಂಕಣಿ ದಿವಸ ಆಚರಣ ಜನವರಿ 21, 2024ಕ ಗೋಕರ್ಣ ಮಠಾಚೆ ದ್ವಾರಕನಾಥ ಸಭಾಗೃಹಾಂತ ಸಿ.ಎ.ನಂದಗೋಪಾಲ ಶೆಣೈ (ಅಧ್ಯಕ್ಷ, ವಿಶ್ವಕೊಂಕಣಿ ಕೇಂದ್ರ,ಶಕ್ತಿನಗರ) ಹಾಂಗೆಲೆ ಅಧ್ಯಕ್ಷತೆರಿ ಸಂಪನ್ನ ಜಾಲ್ಲೊ. ಸಮಾಜ ಸೇವೆ ಖಾತಿರಿ ತೋನ್ಸೆ ಗಜಾನನ ಪೈ(ನಿವೃತ್ತ ಕುದುರೆಮುಖ ಸಂಸ್ಥ್ಯಾಚೊ ಇಂಜಿನಿಯರ್), ಕೊಂಕಣಿ ಸಾಹಿತ್ಯ ಖಾತಿರಿ ಗೌರಿ ಆರ್.ಮಲ್ಯ ಆನಿ ದಿ. ಸುಧಾ ಆರ್ ಶೆಣೈ ಸ್ಮರಣಾರ್ಥ ಕೆ. ತಾರಾ ಶೆಣೈ ಹಾಂಕಾ ಸನ್ಮಾನ ಕೆಲೊ. ಸನ್ಮಾನಿತ ಗೌರಿ ಆರ್.ಮಲ್ಯ ಹಾನ್ನಿ ತಾನ್ನಿ ಕೊಂಕಣೀಕ ಭಾಷಾಂತರ ಕೆಲ್ಲೆಲೆ ತಮಿಳ ತಿರುಕ್ಕುರಳ್ ಕೃತಿಚೊ ಸಾರ ಸಾಂಗಲೆ ಆನಿ ಶಿಕ್ವಣೆಕ ಪ್ರಾಯೆಚೊ ಅಡಕಳ ನಾ ಮ್ಹೋಣ ಸಾಂಗಲೆಂ. ತೋನ್ಸೆ ಗಜಾನನ ಪೈ ಹಾನ್ನಿ ಪರಂಪರಾಗತ ಜಾವನು ಆಯಿಲೆ ಆಮಗೆಲೆ ಧರ್ಮ, ಸಂಸ್ಕೃತಿ ಉರೊವನ, ವಾಡೊವನ ಹಾಡಚೆ ಆಮಗೆಲೆ ಸಮಾಜಾಚೆ ಕರ್ತವ್ಯ ಮ್ಹೋಣು ಸಾಂಗಲೆಂ. ಅಧ್ಯಕ್ಷೀಯ ಉತ್ರಾಂತು ಸಿ.ಎ.ನಂದಗೋಪಾಲ ಶೆಣೈ ಹಾನ್ನಿ ಆಮಿ ಆಮಗೆಲೆ ಆವಯಭಾಸೆ ವಯರಿ ಅಭಿಮಾನು ದವರಕಾ, ಮ್ಹಾಲ್ಗಡ್ಯಾಲೆ ತ್ಯಾಗು, ಸಮಾಜಾಂತ ಎಕ್ಟಾಂಯ, ಧನಾತ್ಮಕ ಚಿಂತನ ಅವಶ್ಯ ಜಾವಕಾ ಮ್ಹೋಣು ಸಾಂಗಲೆ°. ಅಯೋಧ್ಯೆಂತು ರಾಮಲಲ್ಲಾಲೆ ಪ್ರಾಣಪ್ರತಿಷ್ಠಾ ಸಂಭ್ರಮು ಕು.ಶ್ವೇತಾ ಕಾಮತಾಲೆ ಭಜನೆ ಮುಖಾಂತರ ಸಾದರ ಜಾಲೊ. ಜಿ.ಎಸ್.ಬಿ ಮಹಿಳಾವೃಂದಾಚೆ ಅಧ್ಯಕ್ಷೆ ನಯನಾ ರಾವಾನ ಸೊಯರ್ಯಾಲೊ ಪರಿಚಯ ಸಾಂಗೂನ ಫೂಲ್ ದೀವನು ಸ್ವಾಗತ ಕೆಲ್ಲೆ°. ಕೊಂಕಣಿ ದಿವಸಾಚೆ ಪೂರ್ವಭಾವಿ ಜಾವನು  ಭುರಗ್ಯಾಂಕ ಆನಿ ಸಮಾಜ ಬಾಂಧವಾಂಕ ಕೊಂಕಣಿ  ಬಾಳಗೀತ, ಭಾವಗೀತ, ಕಾಣಿಯೊ, ಭಕ್ತಿಗೀತ ಸಾಂಗಚೊ ಸ್ಪರ್ಧೊ ಚಲಯಿಲೊ. ತಾಂತುಲೆ ವಿಜೆತಾಂಕ ಇನಾಮ ವಾಂಟೀಲೆ°. ಸಾಂಸ್ಕೃತಿಕ ಕಾರ್ಯಕ್ರಮಾಂತು ಕು. ಅಪೂರ್‍ವಾ ಕಾಮತ್ ಆನಿ ಕು. ಧನುಶ್ರೀ, ಕು. ಪೂರ್‍ವಿ ಆನಿ ಕು. ಸ್ತುತಿ ಪ್ರಭು, ಸಂಧ್ಯಾ ಪೈ ಹಾಂನಿ ನೃತ್ಯ ಪ್ರಸ್ತುತ ಕೆಲ್ಲೆ°. ಉಪ್ರಾಂತ ಮಹಿಳಾ ವೃಂದ ಸದಸ್ಯಾನಿ ಸಿದ್ಧಿ ಮಾತಾಲೆ ಚಮತ್ಕಾರ  ಮ್ಹಳೆಲೆ° ಹಾಸ್ಯಮಯ ನಾಟ್ಕುಳೆ° ಪ್ರಸ್ತುತ ಕೆಲ್ಲೆ°. ಪಾತ್ರವರ್ಗಾಂತ ಮರೋಳಿ ಸಬಿತಾ ಕಾಮತ್, ಗೀತಾ ಸಿ. ಕಿಣಿ, ವಿಮಲಾ ಕಾಮತ್, ಅಮ್ಮೆಂಬಳ ಗೀತಾ ಕಾಮತ್, ಸುನಿತಾ ಕಾಮತ್, ಶ್ರೀಮತಿ ಎನ್. ಮೀನಾಕ್ಷಿ ಪೈ, ಶ್ರೀಮತಿ ನಾಳ್ ಪ್ರಭಾ ಪೈ ಆಶಿಲೆಂತಿ. ಮಮತಾ ಕಾಮತ್, ಲತಾ ಪ್ರಭು ಆನಿ ಪ್ರತಿಮಾ ಪ್ರಭುನ ದಿ. ಬಿ.ವಿ. ಬಾಳಿಗಾ ವಿರಚಿತ ಗೀತ  ಗೋಡಿ ಗೋಡಿ ಹೋಡಿ ಭಾಸ ಕೊಂಕಣಿ ಪದ ಪ್ರಾರ್ಥನ ಸಾಂಗಲೆ°. ವಿಜಯಲಕ್ಷ್ಮಿ ಕಾಮತಾನ ಆಭಾರ ಮಾನಲೊ. ಚಂದ್ರಿಕಾ ಮಲ್ಯಾನ ಸೂತ್ರ ಸಂಚಾಲನ ಕೆಲೆಂ. ಇತರ ಸದಸ್ಯಾನಿ ಸಹಕಾರ ದಿಲೊ.

To Support Kodial Khaber click the following button.

ಮಂಗಳೂರು: ಹಾಂಗಾಚೆ ಕೆನರಾ ಹೈಸ್ಕೂಲ್ ಓಲ್ಡ್ ಬಾಯ್ಸ್ ಅಸೋಸಿಯೇಷನ್ (ರಿ) ಹಾಂಗೆಲೊ 97ವೆ° ವರಸಾಚೊ ವಾರ್ಷಿಕೋತ್ಸವು ಡೊಂಗರಕೇರಿಚೆ ಅಮ್ಮೆಂಬಳ ಸುಬ್ಬರಾವ್ ಪೈ ರಸ್ತೆಚೆ ಕೆನರಾ ಹೈಸ್ಕೂಲ್ ಹಾಜೆ ವಠಾರಾಂತು° ಚಲೆ. ಹ್ಯಾ ವೇಳಾರಿ ದೇವಾದಿನ ಎನ್. ಬಿ. ಕಾಮತ್ ಹಾಂನಿ° ಬರೋವನು ಮುರಳಿಧರ್ ಕಾಮತ್ ಗುರು ಲೀಲಾ ಹಾಂನಿ° ನಿರ್ದೇಶನ ಕೆಲೆಲೆ° "ಪ್ರೊಫೆಸರ್ ಯಮು" ಕೊಂಕಣಿ ಹಾಸ್ಯಮಯ ನಾಟಕಾಚೆ° ಪ್ರದರ್ಶನ ಜಾಲೆ°. ಸಂತೋಷ್ ಶೆಣೈ, ಮುರಳಿಧರ ಕಾಮತ್, ಪುಚ್ಪಲತಾ ಭಟ್, ಅರುಣ ಪ್ರಕಾಶ ನಾಯಕ್, ಎಚ್. ಸತೀಷ್ ನಾಯಕ್ ಆನಿ ವಿಶ್ವನಾಥ ಭಟ್ ಹಾಂನಿ° ನಟನ ಕೆಲೆ°. ರಂಗ ಅಲಂಕಾರ ಅರುಣ್ ಪ್ರಕಾಶ್ ನಾಯಕ್, ವರ್ಣಾಲಂಕಾರ ದಿನೇಶ್ ಮಾಸ್ಟರ್, ಸಂಗೀತ ಮುರಳಿಧರ ಕಾಮತ್ ಕೊಂಚಾಡಿ ಹಾಂನಿ° ಸಾಂಬಾಳಲೆ°. ಹಾಜೆ ಪಯಲೆ° ಚಲೆಲೆ ಸಭಾ ಕಾರ್ಯಕ್ರಮಾಂತು° ಕಾಮತ್ ಎಂಡ್ ರಾವಾಚೆ ಸಿ ಎ ಶ್ರೀನಿವಾಸ್ ಎಸ್ ಕಾಮತ್ ಆನಿ ಕೆನರಾ ಹೈ ಸ್ಕೂಲ್ ಅಸೋಸಿಯೇಷನ್ ಹಾಜೆ ಖಜಾನದಾರ ಸಿ ಎ ವಾಮನ್ ಕಾಮತ್ ಮುಖೇಲ ಸೊಯ್ರೆ ಆಶಿಲೆ. ಕೆನರಾ ಹೈಸ್ಕೂಲ್ ಹಾಜಿ ಮುಖ್ಯ ಶಿಕ್ಷಕಿ ಅರುಣಾ ಕುಮಾರಿ ಕಾರ್ಯಕ್ರಮಾಚಿ ಅಧ್ಯಕ್ಷಾ ಆಶಿಲಿ. ಹ್ಯಾ ವೇಳಾರಿ ಕೆನರಾ ಹೈಸ್ಕೂಲಾಂತ ಶಿಖೂನು ಸಮಾಜಾಚೆ ಸರ್ವತೋಮುಖ ಅಭಿವೃದ್ಧಿ ಖಾತಿರ ಘೋಳೆಲೆ ಎನ್. ಅರುಣ್ ಪಡಿಯಾರ್, ಕಲಾಕಾರ ಕಿಶೋರ್ ಡಿ ಶೆಟ್ಟಿ, ವಿದ್ವಾನ್ ಡಾ. ಸತ್ಯ ಕೃಷ್ಣ ಭಟ್ ಎಂ ಆನಿ ಸಿ ಎ ಅಶ್ವಥ್ ಶೆಣೈ ವೈ ಹಾಂಕಾ° ಸನ್ಮಾನ ಚಲೊ. ಶಾಳೆಚೆ ಪ್ರತಿಭಾವಂತ ವಿದ್ಯಾರ್ಥಿಯಾಂಕ ವಿದ್ಯಾರ್ಥಿ ವೇತನ ವಾಂಟಚೆ° ಜಾಲೆ°. ಕೆನರಾ ಹೈಸ್ಕೂಲ್ ಓಲ್ಡ್ ಬಾಯ್ಸ್ ಅಸೋಸಿಯೇಷನ್ ಹಾಜೊ ಅಧ್ಯಕ್ಷ ಅಶೋಕ್ ಪೈ ಎಂ ಹಾಂನಿ° ಸ್ವಾಗತಾಚೆ ಉತ್ರಂ ಸಾಂಗಲಿ°. ಕಾರ್ಯದರ್ಶಿ ಡಿ ವಿಕ್ರಂ ಪೈನ ಆಬಾರ ಮಾನಲೊ. ಕೆ. ರತ್ನಾಕರ್ ಕುಡ್ವ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಸಹ ಕಾರ್ಯದರ್ಶಿ ಸಿ ಎ ಯು ಜಗನ್ನಾಥ್ ನಾಯಕ್ ಹಾಂನೀ 2022-23 ವರಸಾಚಿ ವರದಿ ವಾಚಲಿ. ಹಳೆ ವಿದ್ಯಾರ್ಥಿ ಸಂಘಾಚೆ ಉಪಾಧ್ಯಕ್ಷ ಸಂತೋಷ್ ವಿ ಪ್ರಭು, ಖಜಾಂಜಿ ಸುಧೀರ್ ಭಗತ್, ಸಾಂದೆ ಅಶ್ವಿನ್ ಭಟ್, ನರಸಿಂಹ ಭಟ್, ವರುಣ್ ಶೆಣೈ, ವಿಠ್ಠಲ್ ದಾಸ್ ಕಾಮತ್, ದಿನಕರ್ ಕಾಮತ್, ಗೋಪಾಲಕೃಷ್ಣ ಕಾಮತ್, ಶ್ರೀಕಾಂತ್ ರಾವ್ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಮೂಡುಬಿದಿರೆ: ಅಯೋಧ್ಯೆಂತು° ಶ್ರೀ ರಾಮಲಲ್ಲಾ ಪ್ರಾಣ ಪ್ರತಿಷ್ಠಾ ಜಾಲೆಲೆ ವೇಳಾರ ಮೂಡುಬಿದಿರೆ ಶ್ರೀ ವೆಂಕಟರಮಣ ದೇವಳಾಂತು° "ರಾಗ ಸಂಗಮ" ಹಾಂಗೆಲೆ "ರಾಮಕಥಾ" ಪ್ರವಚನ ಸಪ್ತಾಹ ಚಲೊ. ಉಡುಪಾಚೆ ವಿದ್ವಾನ್ ಹರಿಪ್ರಸಾದ್ ಶರ್ಮ ಹಾಂನಿ° ಪ್ರವಚನ ದಿಲೆ°. ವೆಂಕಟೇಶ ಕಾಮತ್, ರಾಮಕೃಷ್ಣ ಪೈ, ಎ. ಪುಂಡಲೀಕ ಕಿಣಿ, ಸದಾನಂದ ಶೆಣೈ, ರವಿಕಾಂತ್ ನಾಯಕ್, ಗೋಪಾಲಕೃಷ್ಣ ಪ್ರಭು, ವಿಘ್ನೇಶ್ವರ ಭಂಡಾರ್ಕರ್, ಗಣೇಶ್ ಮಲ್ಯ, ಕಾರ್ತಿಕೇಯ ಬಾಳಿಗ, ಉಮೇಶ್ ಹೆಗ್ಡೆ, ವಿಟ್ಟಲರಾಯ ಕಾಮತ್, ನಾಗೇಂದ್ರ ಭಟ್, ಉದಯ ಪ್ರಭು ಪುತ್ತೂರು ಹಾಂನಿ° ಸೇವಾದಾರ ಆಶಿಲೆ. ಆಡಳಿತ ಮೊಕ್ತೇಸರ ಜಿ. ಉಮೇಶ್ ಪೈ, ಆಡಳಿತ ಮಂಡಳಿ ಟ್ರಸ್ಟಿಯೊ, ದೇವಳಾಚೆ ವೆಗವೆಗಳೆ ಸಂಘ ಸಂಸ್ಥೆoಚೆ ಸಾಂದೆ ಉಪಸ್ಥಿತ ಆಸೂನು ಸಹಕಾರ ದಿಲೊ. ಭಜನಾ ಮಂಡಳಿಚೊ ಅಧ್ಯಕ್ಷ ಎಂ. ತುಕಾರಾಮ ಮಲ್ಯ, ರಾಗಸಂಗಮಾಚೆ ಮುರಳೀಧರ ಭಟ್ ಆನಿ ಸಾಂದೆನಿ ಕಾರ್ಯಕ್ರಮ ಸಾಂಬಾಳನು ಹಾಡಲೊ. ಸಪ್ತಾಹಾಚೆ ವೇಳಾರ ಭಜನಾ ಮಂಡಳಿಚೊ ಆದಲೊ ಅಧ್ಯಕ್ಷ ವಿಘ್ನೇಶ್ ಪ್ರಭುಲೆ ಮುಖೇಲಪಣಾರಿ ರಾಮನಾಮ ತಾರಕ ಮಂತ್ರ ಪಠಣ, ಭಜನಾ ಸಂಕೀರ್ತನಾ, ವಿಶೇಷ ಪುಷ್ಪಾಲಂಕಾರ ಪೂಜಾ, ಹನುಮ0ತ ದೇವಾಕ ವಿಶೇಷ ರಂಗಪೂಜಾ ಆನಿ ಜ. 22ಕ ಮಹಾ ಅನ್ನ ಸಂತರ್ಪಣಾ ಚಲೆ.

To Support Kodial Khaber click the following button.

"ಶ್ರೀರಾಮಲಿ ನಿರ್ವಿಕಾರತಾ ಆಪಣ್ಯಾಲಾರಿ ಆಧ್ಯಾತ್ಮಿಕ ಉನ್ನತಿ ಸಾಧ್ಯ ಜಾತಾ. ಆದ್ಯಾತ್ಮಿಕತಾ ವಾಡೊನು ಲೋಕಕಲ್ಯಾಣಾ ಖಾತಿರ ವಾವ್ರ ಕರಚೆ° ಜೀವನಾಚೆ ಉದ್ಧೇಶ ಜಾವಕಾ" ಮ್ಹಣು ಬೈಲೂರು ಶ್ರೀ ರಾಮಕೃಷ್ಣ ಆಶ್ರಮಾಚೆ ಸ್ವಾಮಿ ವಿನಾಯಕಾನಂದಜೀ ಮಹಾರಾಜ್ ಹಾಂನಿ° ಸಾಂಗಲೆ°. ಮಂಗಳೂರಚೆ ಜಿ.ಎಸ್.ಬಿ ಸೇವಾ ಸಂಘ ಹಾಂನಿ° ಜ.21ಕ ಸುಜೀರ್ ಸಿ. ವಿ. ನಾಯಕ್ ಸಭಾಭವನಾಂತು° ಆಯೋಜನ ಕೆಲೆಲೆ ಅಂತರ ಶಾಲಾ ಸ್ಪರ್ಧೊ "ರಾಮಾಯಣ ಜ್ಞಾನಧಾರಾ" ಹಾಜೆ° ಉಗತಾವಣ ಕರನು ತಾಂನಿ ಉಲಯಲೆ. ಸಕಾಳಿ 9 ದಾಕೂನುಚಿ ಮಂಗಳೂರು ಪರಿಸರಾಚೆ ವಿದ್ಯಾರ್ಥಿ ಆನಿ ತಾಂಗೆಲೆ ವ್ಹಡಿಲ ಸುಜೀರ್ ಸಿ.ವಿ. ನಾಯಕ್ ಹಾಲಾಂತು° ಭರಿಲೆ.

ಸಭಾ ಕಾರ್ಯಕ್ರಮಾಂತು° ಮಂಗಳೂರು ರಥಬೀದಿಚೆ ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಮೋಕ್ತೆಸರ ಕೆ. ಸತೀಶ ಪ್ರಭು ಮಾನಾಚೆ ಸೊಯ್ರೆ ಆಶಿಲೆ. "ಮುಕಾವುಲೆ ಪಿಳಗಿನ ಕಶಿ° ಆಸೂಕಾ ಮ್ಹಣಚಾಕ ಶ್ರೀ ರಾಮಾಲೆ ಜೀವನಚಿ ಆದರ್ಶ ಜಾವಕಾ. ಜೀವನಾಚೆ ಹರ ಎಕ ಸ್ಥರಾರ ಕಶಿಂ ಜೀವನ ಕರಕಾ ಮ್ಹಳೆಲೆಂ ರಾಮಾಯಣಾಚೆ ಅಧ್ಯಯನ ಕೆಲ್ಯಾರಿ ಕಳತಾ" ಮ್ಹಣು ತಾಣೆ ಸಾಂಗಲೆ°. ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಆದಲೆ ತಂತ್ರಿ ಪಂಡಿತ ಎಂ. ಸುರೇಂದ್ರ ಆಚಾರ್ಯ ಹಾಂನಿ° ಕಾರ್ಯಕ್ರಮಾಚೊ ಉದ್ಧೇಶ ಸ್ಪಷ್ಟ ಕೆಲೊ. ಸಂಘಾಚೊ ಅಧ್ಯಕ್ಷ ಡಾ. ಕಸ್ತೂರಿ ಮೋಹನ ಪೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ರಾಮಾಯಣಾಚೆ ಮೌಲ್ಯ° ಸಾಂಗಚೆoಚಿ ಆಯಚೆ ಕಾರ್ಯಕ್ರಮಾಚೊ ಉದ್ಧೇಶ ಆಸಾ ಮ್ಹಣು ತಾಂನಿ° ಸಾಂಗಲೆ°. ಕಾರ್ಯದರ್ಶಿ ಡಾ. ಎ. ರಮೇಶ ಪೈನ ಆಬಾರ ಮಾನಲೊ. ಖಜಾಂಚಿ ಜಿ. ವಿಶ್ವನಾಥ ಭಟ್, ಕಾರ್ಯಕಾರಿ ಮಂಡಳಿಚೆ ಸಾಂದೆ ಬಿ. ಆರ್. ಶೆಣೈ, ಎಂ. ಆರ್. ಕಾಮತ್, ಸುಚಿತ್ರಾ ಶೆಣೈ ಆನಿ ಹೇರ ಉಪಸ್ಥಿತ ಆಶಿಲೆ. ಜಿ. ಗೋವಿಂದರಾಯ್ ಪ್ರಭುನ ರಾಮಾಯಣ ಕಥಾ ಸ್ಪರ್ಧಾ ಸಾಂಬಾಳನು ಹಾಡಲಿ. ಎಂ. ಆರ್. ಕಾಮತ್ ಹಾಂನಿ° ರಾಮಾಯಣ ಬದಲ ಸವಾಲ ವಿಚಾರಲೆ. ಸುಚಿತ್ರಾ ಶೆಣೈನ ಸೂತ್ರ ಸಂಚಾಲನ ಕೆಲೆ°.

ಆಡಳಿತಾಧಿಕಾರಿ ಎಂ. ವೆಂಕಟೇಶ ಬಾಳಿಗಾನ ಸ್ವಾಮೀಜಿಲೆ ವಳಕ ಕರನು ದಿಲೆ. ಮಂಗಳಾ ಭಟ್, ವಿದ್ಯಾ ಬಾಳಿಗಾ, ಸುಂದರ ಶೆಟ್ಟಿ, ವೀಣಾ ಗಣೇಶ, ಕೆ. ಆರ್. ಭಟ್, ಪಿ. ಸುಭ್ರಮಣ್ಯ, ಸುರೇಖಾ ತಂತ್ರಿ, ಅಜೀತ್ ಕಾಮತ್, ವಿದ್ಯಾ ಪೈ, ಕೇಶವ ಕಾಮತ್, ಡಾ. ಎ. ರಮೇಶ ಪೈ ಆನಿ ಎಚ್. ವಿ. ಕಾಮತ್ ವರೇಣ್ಯಾರ ಆಶಿಲೆ. ದಿನಕರ್ ಕಾಮತ ಆನಿ ಸಾಂಗಡ್ಯಾನಿ ಸಹಕಾರ ದಿಲೊ. ರಾಮಾಯಣ ರಸಪ್ರಶ್ನೆ ಸ್ಪರ್ಧೆಂತು° ಚಡ ಅಂಕ ಜೋಡೂನ ಕೆನರಾ ಇಂಗ್ಲಿಷ್ ಹಾಯರ್ ಪ್ರೆöÊಮರಿ ಶಾಲೆ ಡೊಂಗರಕೇರಿ ಹಾಂನಿ° ಚಾಂಪಿಯನ ಪ್ರಶಸ್ತಿ ಜಿಕಲಿ.

ರಾಮಾಯಣ ಕಥಾ ಸ್ಪರ್ಧೆಂಚೆ ಫಲಿತಾಂಶ.
ಸoಸ್ಕೃತ ವಿಭಾಗ: ಪ್ರಥಮ - ಮಾಹತಿ ರಾವ್, ಕೆನರಾ ಹೈಸ್ಕೂಲ್ ಉರ್ವಾ, ದ್ವಿತೀಯ - ಸುರೇಶ, ಶ್ರೀ ಶ್ರೀನಿವಾಸ ಪಾಠಶಾಲಾ ಒರಿಯೆಂಟಲ್ ಶಾಲೆ,
ಕೊಂಕಣಿ 6 ದಾಕೂನ 8 ವಿಭಾಗ - ಪ್ರಥಮ - ದೀವಾ ಅನಂತ ಪೈ, ಸೆಂಟ್ ಅಲೋಶಿಯಸ್ ಗೊನ್ಜಾಗಾ ಹೈಸ್ಕೂಲ್, ದ್ವಿತೀಯ - ವಿನಯಾ ಎ. ಕುಡ್ವ, ಶ್ರೀ ವ್ಯಾಸ ಮಹರ್ಶಿ ವಿದ್ಯಾಪೀಠ, ಮುಲ್ಕಿ. ಕೊಂಕಣಿ 9 ಆನಿ 10 ವಿಭಾಗ - ಪ್ರಥಮ - ನಂದನ ಪ್ರಭು, ಅಶೋಕಾ ವಿದ್ಯಾಲಯ, ದ್ವಿತೀಯ - ನಿವೇದಿತಾ ಕಾಮತ, ಶ್ರೀ ವ್ಯಾಸ ಮಹರ್ಶಿ ವಿದ್ಯಾಪೀಠ, ಮುಲ್ಕಿ.
ತುಳು 6 ದಾಕೂನ 8 ವಿಭಾಗ - ಪ್ರಥಮ - ಪ್ರಶಸ್ತ ಸುವರ್ಣ, ಶ್ರೀ ವ್ಯಾಸ ಮಹರ್ಶಿ ವಿದ್ಯಾಪೀಠ, ತುಳು 9 ಆನಿ 10 ವಿಭಾಗ - ಪ್ರಥಮ - ಪಾಲ್ಗುಣಿ ಅಜಯ್ ಕುಮಾರ್ - ಶ್ರೀ ಚೈತನ್ಯಾ ಟೆಕ್ನೊ ಶಾಲೆ, ದ್ವಿತೀಯ - ತನ್ವಿ ಕೆ., ಕೆನರಾ ಹೈಸ್ಕೂಲ್ ಉರ್ವಾ.
ಕನ್ನಡ 6 ದಾಕೂನ 8 ವಿಭಾಗ - ಪ್ರಥಮ - ವಸುಂದರಾ ಡಿ. ಎಂ, ಚಿನ್ಮಯ ಹೈಸ್ಕೂಲ್, ದ್ವಿತೀಯ - ವಿಶ್ವಪ್ರಿಯಾ ಎಚ್. ಎನ್., ಶಾರದಾ ವಿದ್ಯಾನಿಕೇತನ, ತಲಪಾಡಿ, ಕನ್ನಡ 9 ಆನಿ 10 ವಿಭಾಗ - ಪ್ರಥಮ - ಅನಿತಾ ತಂತ್ರಿ, ಕೆನರಾ ಹೈಸ್ಕೂಲ್, ಡೊಂಗರಕೇರಿ, ದ್ವಿತೀಯ - ದೀಪಶ್ರೀ, ಶ್ರೀ ಶ್ರೀನಿವಾಸ ಪಾಠಶಾಲಾ ಓರಿಯೆಂಟಲ್ ಶಾಲೆ.
ವೇಷಭೂಷ - ಪ್ರಥಮ - ವಸುಂದರಾ ಡಿ. ಎಂ, ಚಿನ್ಮಯ ಹೈಸ್ಕೂಲ್, ದ್ವಿತೀಯ - ಪಂಚಮಿ, ಶ್ರೀ ವ್ಯಾಸ ಮಹರ್ಶಿ ವಿದ್ಯಾಪೀಠ.
ಸಾನ ಚೆರಡುವಾಂಕ ಘಡಲೆಲೆ ರಂಗ ಭರಚೆ ಸ್ಪರ್ಧೆಂತು° ಕೃತಿ ಸಾಲಿಯಾನ್ ಆನಿ ನಿಕಿತಾ ಪ್ರಥಮ ಆನಿ ಸಾಯಿಶಾ ದ್ವಿತೀಯ ಇನಾಂ ಜಿಕಲಿಂಚಿ.

To Support Kodial Khaber click the following button.

ಮಂಗಳೂರು: ಹಾಂಗಾಚೆ ಜಿ.ಎಸ್.ಬಿ. ಮಹಿಳಾ ವೃಂದಾಚೆ ತರಪೇನ ಜ. 21ಕ ರಥಬೀದಿಚೆ ಶ್ರೀ ಗೋಕರ್ಣ ಮಠಾಚೆ ದ್ವಾರಕನಾಥ ಸಭಾ ಭವನಾಂತು° "ಕೊಂಕಣಿ ದೀವಸ" ಆಚರಣ ಜಾವಚೊ ಆಸಾ. ವಿಶ್ವ ಕೊಂಕಣಿ ಕೇಂದ್ರಾಚೊ ಅಧ್ಯಕ್ಷ ನಂದಗೋಪಾಲ ಶೆಣೈ ಹಾಂಗೆಲೆ ಅಧ್ಯಕ್ಷತೆರಿ ಚಲಚೆ ಹ್ಯಾ ಕಾರ್ಯಕ್ರಮಾಂತು° ಕೊಂಕಣಿ ಸಮಾಜ ಸೇವಕ ಗಜಾನನ ಪೈ ತೋನ್ಸೆ ಹಾಂಕಾ° ಸೇವಾ ಕಾರ್ಯಕರ್ತ, ಕೊಂಕಣಿ ಸಾಹಿತ್ಯಾ ಖಾತಿರ ಲೇಖಕಿ ಗೌರಿ ಮಲ್ಯ ಹಾಂಕಾ° ಆನಿ ತಾರಾ ಶೆಣೈ ಹಾಂಕಾ° ಸುಧಾ ಶೆಣೈ ಸ್ಮರಣಾರ್ಥ ಪ್ರಶಸ್ತಿ ದೀವನು ಸನ್ಮಾನ ಚಲಚೊ ಆಸಾ. ಕೊಂಕಣಿ ದೀವಸಾ ಬದಲ ಆಯೋಜನ ಜಾಲೆಲೆ ಸ್ಪರ್ಧೆಂಚೆ ಇನಾ° ವಾಂಟಚೆ° ಆನಿ ಮಹಿಳಾ ವೃಂದಾಚೆ ಸಾಂದ್ಯಾಲೆ° ಸಾಂಸ್ಕೃತೀಕ ಪ್ರದರ್ಶನಯೀ ಜಾವಚೆ° ಆಸಾ ಮ್ಹಣು ಅಧ್ಯಕ್ಷಾ ನಯನಾ ರಾವ್ ಹಾಂನಿ° ಕೊಡಿಯಾಲ ಖಬರೆಕ ಕಳಯಲಾ°.

ಮಂಗಳೂರು: ಜಿ ಎಸ್ ಬಿ ಸೇವಾ ಸಂಘ ಮಂಗಳೂರು ಹಾಂನಿ° ಜನವರಿ 21, ಆಯತಾರಾ ಸುಜೀರ್ ಸಿ ವಿ ನಾಯಕ್ ಸಭಾಂಗಣ, ಕುದ್ಮುಲ್ ರಂಗರಾವ್ ರಸ್ತೊ, ಕದ್ರಿ, ಮಂಗಳೂರು ಹಾಂಗಾ "ರಾಮಾಯಣ ಜ್ಞಾನಧಾರಾ" ರಾಮಾಯಣ ಆಧಾರಿತ ಅಂತರ ಶಾಲಾ ಸ್ಪರ್ಧೆ ಆಯೋಜನ ಕೆಲಾ°. ಅಯೋಧ್ಯೆಂತು° ಶ್ರೀರಾಮ ಮಂದಿರ ಪುನರ್ ನಿರ್ಮಾಣ ಜಾಲೆಲೆ ಉಡಗಾಸಾಕ ಹೋ ಕಾರ್ಯಕ್ರಮ ಚಲತಾ. ತ್ಯಾ ದೀಸ ಸಕಾಳಿ 9 ಗಂಟ್ಯಾಕ ರಾಮಾಯಣ ರಸಪ್ರಶ್ನೊ, ರಾಮಾಯಣ ನಿರೂಪಣಾ ಆನಿ ರಾಮಾಯಣ ರಂಗ ಭರಚೊ ಸ್ಪರ್ಧೆ ಚಲತಾತಿ. ಬೈಲೂರು ಶ್ರೀ ರಾಮಕೃಷ್ಣ ಆಶ್ರಮಾಚೆ ಸ್ವಾಮಿ ವಿನಾಯಕಾನಂದಜಿ ಮಹಾರಾಜ ಹಾಂನಿ° ಸ್ಪರ್ಧೆಚೆ ಉಗತಾವಣ ಕರತಾತಿ. ಕೆ. ಸತೀಶ್ ಪ್ರಭು, ಟ್ರಸ್ಟಿ, ಶ್ರೀ ವೆಂಕಟರಮಣ ದೇವಸ್ಥಾನ, ಕಾರಸ್ಟ್ರೀಟ್, ಮಂಗಳೂರು ಹಾಂನಿ° ಮಾನಾಚೆ ಸೊಯ್ರೆ ಆಸತಲೆ. ಮಂಗಳೂರು ಕಾರ್‌ಸ್ಟ್ರೀಟ್‌ ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಆದಲೆ ತಂತ್ರಿ ಪಂಡಿತ್ ಎಂ. ಸುರೇಂದ್ರ ಆಚಾರ್ಯ ಹಾಂಗೆಲೆ ಮಾರ್ಗದರ್ಶನಾರಿ ಹ್ಯಾ ಸ್ಪರ್ಧೆ ಚಲತಾತಿ ಮ್ಹಣು ಜಿ. ಎಸ್. ಬಿ. ಸೇವಾ ಸಂಘ ಮಂಗಳೂರು ಹಾಜೆ ಅಧ್ಯಕ್ಷ ಡಾ. ಕಸ್ತೂರಿ ಮೋಹನ ಪೈ ಹಾಂನಿ° ಪತ್ರಿಕಾ ಪರಿಶಧೆಂತು° ಕಳಯಲೆ°.
ಮಂಗಳೂರು ಮಹಾನಗರ ಪಾಲಿಕೆ ವ್ಯಾಪ್ತಿಚೆ 1 - 10ವೆ° ಕಕ್ಷಾಚೆ ಸಾಬಾರ 75 ಶಾಳೆಂಚೆ 750ಕಯೀ ಚಡ ವಿದ್ಯಾರ್ಥಿಯಾನಿ ರಾಮಾಯಣ ನಿರೂಪಣಾ, ರಾಮಾಯಣ ರಸಪ್ರಶ್ನೊ ಆನಿ ರಾಮಾಯಣ ರಂಗ ಭರಚೆ ಸ್ಪರ್ಧೆಂತು° ವಾಂಟೊ ಘೆವಚೆ ನಿರೀಕ್ಷಾ ಆಸಾ ಮ್ಹಣು ಆಡಳಿತಾಧಿಕಾರಿ ವೆಂಕಟೇಶ ಎನ್. ಬಾಳಿಗಾ ಹಾಂನಿ° ಕಳಯಲೆ°. ರಾಮಾಯಣ ನಿರೂಪಣಾ ಕೊಂಕಣಿ, ಕನ್ನಡ, ತುಳು ಯಾ ಸಂಸ್ಕೃತ ಭಾಷೆಂತು° ಚಲಚೆ ಆಸಾ ಆನಿ 1 ದಾಕೂನ 5ವೆ° ಕಕ್ಷಾಚೆ ವಿದ್ಯಾರ್ಥಿಯಾಂಕ ರಾಮಾಯಣ ರಂಗ ಭರಚೊ ಸ್ಫರ್ಧೊ ಚಲತಾ, ಹಾಕಾ ಛಾಪಲೆಲೆ ರೇಖಾಚಿತ್ರ ಸಭಾಂಗಣಾoತು° ದಿತಾತಿ ವಿದ್ಯಾರ್ಥಿಯಾನಿ ಸ್ವಂತ ಕ್ರೆಯಾನ ಹಾಡಕಾ ಮ್ಹಣು ತಾಣೆ ಸಾಂಗಲೆ°. ಸ್ಪರ್ಧಾ ವಿಜೇತಾಂಕ ಆಕರ್ಷಕ ಇನಾಂ ಆನಿ ವಾಂಟೊ ಘೆತಿಲೆ ಸಗಟ ವಿದ್ಯಾರ್ಥಿಯಾಂಕ ಸಹಭಾಗಿತ್ವಾಚೆ ಪ್ರಮಾಣಪತ್ರ ದಿತಾತಿ. ಆಸಕ್ತ ಲೋಕಾಂಕ ಪ್ರವೇಶ ಮುಕ್ತ ಆಸಾ. ಡಾ. ಎ. ರಮೇಶ್ ಪೈ, ಕಾರ್ಯದರ್ಶಿ, ಜಿ ಎಸ್ ಬಿ ಸೇವಾ ಸಂಘ, ವಿಶ್ವನಾಥ ಭಟ್, ಕೋಶಾಧಿಕಾರಿ, ಜಿ ಎಸ್ ಬಿ ಸೇವಾ ಸಂಘ, ಪಂಡಿತ್ ಎಂ. ಸುರೇಂದ್ರ ಆಚಾರ್ಯ, ಆಡಳಿತ ಮಂಡಳಿ ಸದಸ್ಯ, ಜಿ ಎಸ್ ಬಿ ಸೇವಾ ಸಂಘ ಆನಿ ಜಿ. ಗೋವಿಂದರಾಯ ಪ್ರಭು, ಕಾರ್ಯಕ್ರಮ ಸಂಯೋಜಕ ಉಪಸ್ಥಿತ ಆಶಿಲೆ.