ಮಂಗಳೂರು: ಸಾಂ.ಲೂವಿಸ್ (ಸ್ವಾಯತ್ತ್) ಕಾಲೇಜಾಚೆ ಕೊಂಕಣಿ ಸಂಘ ಆನಿ ಕೊಂಕಣಿ ಭಾಷಾ ಮಂಡಳಾಚೆ ಜೋಡ ಆಶ್ರಯಾರ ಕೊಂಕಣಿ ಮಾನ್ಯತಾ ದಿನಾಚರಣ ಜಾಲೆ°. ಕಾಲೇಜಾಚೆ ಸಭಾಂಗಣಾοತ ಘಡಲೆಲೆ ಹ್ಯಾ ಕಾರ್ಯಾಕ್ರಮಾಕ ಮುಖೇಲ ಸೊಯರೆ ಜಾವನು ದಯಬಾಯಿಚೆ ಉದ್ಯಮಿ ಜೇಮ್ಸ್ ಮೆಂಡೊನ್ಸ ಆಯಿಲೆ. ಸರ್ವ್ ಅನಿವಾಸಿ ಭಾರತಿ ಲೋಕಾಂಚೆ ತರಪೆನ ಶುಭಾಷಯ ಪಾಟಯಲೊ. ಹ್ಯಾ ಸಂದರ್ಭಾರ ಪ್ರೊ. ಸ್ಟೀವನ್ ಕ್ವಾಡ್ರಸ್ ಹಾಂಗೆಲಿ ಕೃತಿ "ಜಮ್ಯಾಂತ್ಲ್ಯಾನ್" ಮ್ಹಳೆಲೆ ಲೇಖನ ಸಂಗ್ರಹ ಲೋಕರ್ಪಾಣ ಜಾಲೆ°. ಕಾಲೇಜಾಚೆ ಕುಲಸಚಿವ ಡಾ. ಆಲ್ವಿನ್ ಡೆಸಾನ್ ಹಾಂನಿ° ಪುಸ್ತಕಾಚೆ° ವಳಕ ಕರನು ದಿಲೆ°. ಸುವಾಳ್ಯಾಚೊ ಅಧ್ಯಕ್ಷ ಪ್ರಭಾರ ಪ್ರಾಶುಂಪಾಲ ಡಾ. ಡೆನ್ನಿಸ್ ಫೆರ್ನಾಂಡಿಸಾನ್ ಹಾಂನಿ° ಕೊಂಕಣಿ ಮಾನ್ಯತಾ ದಿಸಾಚೆ ಮಹತ್ವ ಚಾರಿತ್ರಿಕ ಜಾವನು ವಿಶ್ಲೇಷಣ ಕೆಲೆ°. ಕೊಂಕಣಿ ಸಂಘಾಚೆ ಹುದ್ದೊ ಹಸ್ತಾಂತರಚಿ ಪ್ರಕ್ರಿಯಾ ಸಾಂಪ್ರಾದಾಯಿಕ ರೀತಿರಿ ಫ್ಲೋರ ಕಾಸ್ತೆಲಿನೊನ್ ಹಾಂನಿ° ಚಲಯ್ಲೆ°. ವೇದಿಕೆರಿ ಸಂಘಾಚೆ ಹೇರ ವ್ಹಾಂಗಡಿ ಉಪಸ್ಥಿತ ಆಶಿಲೆ. ವಿದ್ಯಾರ್ಥಿಯಾನಿ ಮಾನ್ಯತಾ ಗೀತಾ° ಪ್ರಸ್ತುತ ಕೆಲಿ°. ಕಾರ್ಯದರ್ಶಿ ಜೊಯಲ್ ಕ್ರಾಸ್ತನ ಸ್ವಾಗತಾಚೆ ಉತ್ರ° ಸಾಂಗೂನು ಮೆಲ್ಕನಾನ ಆಬಾರ ಮಾನಲೊ. ಜೋಶ್ವ ಸಿಕ್ವೇರಾನ ಸೂತ್ರ ಸಂಚಾಲನ ಕೆಲೆ°. 

ಮಂಗಳೂರು: "ಕೊಂಕಣಿ ಭಾಸ ಸಮೃದ್ಧ ಆಸಾ. ದೇಶಾಚೆ ಸರ್ವ ಭಾಶೆ° ಪಯಕಿ ಆಮಗೆಲಿ ಮಾತೃ ಭಾಸ ಕೊಂಕಣಿಕ ವಿಶೇಷ ಸ್ಥಾನಮಾನ ಆಸಾ. ಕೊಂಕಣಿ ಭಾಷಿಕ ಲೋಕಾನಿ ರಾಜಕೀಯ, ವಿಜ್ಞಾನ, ಉದ್ಯಮ, ಶಿಕ್ಷಣ ಆನಿ ಸಾಹಿತಿಕ ಕ್ಷೇತ್ರಾಂತು° ಶ್ರೇಷ್ಠ ಸಾಧನಾ ಕೆಲೆಲೆ ಆಸಾ. ದೇಶಾಚೆ ಸಂವಿಧಾನಾಚೆ ಆಟ್ವೇ ವಳೇರಿಂತು° ಕೊಂಕಣಿ ಭಾಶೆಕ ಸ್ಥಾನ ಮೇಳನು ತೀನ ದಶಕ° ಜಾಲೆಂತಿ. ಆಮಗೆಲೆ ಮಾತೃ ಭಾಶೆ ಬದಲ ಭರಮ ದವರೂನ ಆಮಿ ಮುಕಾರ ಸರಕಾ" ಮ್ಹಣು ಕೊಡಿಯಾಲ ಶ್ರೀ ವೆಂಕಟರಮಣ ದೇವಳಾಚೆ ಆಡಳಿತ ಮೋಕ್ತೆಸರ್ ಸತೀಷ ಪ್ರಭು ಹಾಂನಿ° ಸಾಂಗಲಾ°. ನಲಂದಾ ಸ್ಕೂಲ್ ಆನಿ ಕೊಂಕಣಿ ಭಾಶಾ ಮಂಡಳ ಕರ್ನಾಟಕ ಹಾಂನಿ° ಮೇಳನು ಆಚರಣ ಕೆಲೆಲೆ "ಕೊಂಕಣಿ ಮಾನ್ಯತಾ ದೀವಸ" ಸುವಾಳ್ಯಾಂತು° ಮುಖೇಲ ಸೊಯ್ರೆ ಆಸೂನ ತಾಂನಿ° ಆಶೆ° ಸಾಂಗಲೆ°.

ನಲಂದಾ ಶಾಳೆಚೆ ಪ್ರಮುಖ ಡಾ| ಕೆ. ಮೋಹನ ಪೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. "ಬರಪಿ ಆನಿ ಉಲೋವಪಿ ಕೊಂಕಣಿ ಭಾಶೆಂತು° ಖೂಬ ಫರಕ ಆಸತಾ. ತೆ° ಸಮಜೂನ ಘೆವನು ಸ್ಪಷ್ಟ ಕೊಂಕಣಿ ಭಾಸ ವಾಪೂರಚೆ° ಗರಜೆಚೆ° ಆಸಾ. ಹ್ಯಾ ನದರೇನ ಶಾಳೆಂತು° ಕೊಂಕಣಿ ಶಿಕ್ಷಣಾಕ ಸಗಟಾನ ಚಡ ಉಮೇದಿ ಘೆವಕಾ ಮ್ಹಣು ತಾಂನಿ° ಉಲೋ ದಿಲೊ. ಕೊಂಕಣಿ ಭಾಶಾ ಮಂಡಳ ಕರ್ನಾಟಕ ಹಾಜೊ ಅಧ್ಯಕ್ಷ ವಸಂತ ರಾವ್ ಹಾಂನಿ° ಶುಭಾಷಯ ಪಾಟಯಲೊ. ವಿದ್ಯಾರ್ಥಿ ಗಗನ್ ಭಟ್ ಆನಿ ವಿಧಿ ಪುರೋಹಿತ್ ಹಾಂನಿ° ಕೊಂಕಣಿ ಕಾಣಿಯೆಂಚೆ ವಾಚನ ಕೆಲೆ°.

ಭಾಶಾ ಮಂಡಳಾಚೆ ಕಾರ್ಯದರ್ಶಿ ರೇಮಂಡ್ ಡಿಕುನ್ಹಾ, ಖಜಾನದಾರ ಸುರೇಶ ಶೆಣೈ, ಆದಲೊ ಅಧ್ಯಕ್ಷ ವೆಂಕಟೇಶ ಎನ್ ಬಾಳಿಗಾ ಆನಿ ಸಾಂದೊ ಡಾ| ಅರವಿಂದ ಶ್ಯಾನುಭಾಗ ಉಪಸ್ಥಿತ ಆಶಿಲಿಂತಿ. ಕೊಂಕಣಿ ಶಿಕ್ಷಕಿ ಐಶ್ವರ್ಯಾ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ವಿದ್ಯಾರ್ಥಿಯಾಂಕ ಸ್ಕೂಲ್ ಬ್ಯಾಗ್ ಆನಿ ಮಿಠಾಯಿ ಉಂಡೊ ವಾಂಟೂಚೆ° ಜಾಲೆ°.

ದುಬಾಯಿ: ಗಲ್ಫ್ ದೇಶಾಂತ° ಸಾಧನಾ ಕೆಲೆಲೆ ಕರ್ನಾಟಕಾಚೆ ಅನರ್ಘ್ಯ ರತ್ನಾಂಚೆ ಸಮಾವೇಶ ದುಬಾಯಿಂತು° 2023 ಸೆಪ್ಟೆಂಬರ್ 10 ತಾರೀಕೆಕ ಯು.ಎ.ಇ ತು° ಕರ್ನಾಟಕ ಕಲಾ ಸಂಸ್ಕೃತಿಚೆ ವಿಶ್ವರೂಪ ದರ್ಶನ, ಗಲ್ಫ್ ಕರ್ನಾಟಕೋತ್ಸವ, ಕರ್ನಾಟಕಾಚೆ ಕಲಾ ಆನಿ ಸಂಸ್ಕೃತಿಚೆ ಅನಾವರಣ ಜಾವಚೆ° ಆಸಾ. ಪಯಲೆ° ಪಾವಟಿ ಚಲಚೆ ಹ್ಯಾ ಸುವಾಳ್ಯಾಂತು° ವಿಶ್ವಾಚೆ ವೆಗವೆಗಳೆ ಪ್ರದೇಶಾ ದಾಕೂನ ಯೆವಚೆ ಗಣ್ಯಾತಿ ಗಣ್ಯ ವಾಂಟೊ ಘೆತಾತಿ. ಹ್ಯಾ ವೇಳಾರಿ ಕಲಾ ಪಂಗಡಾοಚೆ ಆಕರ್ಷಕ ವರ್ಣ ರಂಜಿತ ಪ್ರದರ್ಶನ, ಸಹ ಭೋಜನ ಗಲ್ಫ್ ಕರ್ನಾಟಕ ಉತ್ಸವ ಸಮಿತಿಚೆ ತರಪೇನ ಜಾವಚೆ° ಆಸಾ. ಹ್ಯಾ ಉತ್ಸವಾಂತು° ಗಲ್ಫ್ ದೇಶಾಂತು° ಸಾಧನಾ ಕೆಲೆಲೆ ಕರ್ನಾಟಕಾಚೆ ಸಾಧಕಾಂಕ "ಗಲ್ಫ್ ಕರ್ನಾಟಕ ರತ್ನ ಪ್ರಶಸ್ತಿ 2023" ಪ್ರದಾನ ಕರತಾತಿ. ದುಬಾಯಿಚೆ ಪ್ರತಿಷ್ಠಿತ ಗ್ರಾಂಡ್ ಹಯಾತ್ ಬನಿಯಾಸ್ ಬಾಲ್ ರೂಂ ಹಾಂಗಾ ಘಡಚೆ ಹ್ಯಾ ಕಾರ್ಯಕ್ರಮಾಂತು° ಮುಖೇಲ ಸೊಯರೆ ಜಾವನು ಕರ್ನಾಟಕ ಸರಕಾರಾಚೆ ಉಪ ಮುಖ್ಯಮಂತ್ರಿ ಮಾನೇಸ್ತ ಡಿ. ಕೆ. ಶಿವಕುಮಾರ್ ಆನಿ ಮಾನಾಚೆ ಸೊಯರೆ ಜಾವನು ಮಾನೇಸ್ತ ಯು. ಟಿ. ಖಾದರ್ ಆನಿ ಯು.ಎ.ಇ. ಚೆ ರಾಯ ವಾಂಟೊ ಘೆತಾತಿ.
ಹ್ಯಾ ಉತ್ಸವಾಂತು° ಕರ್ನಾಟಕಾಚೆ ಕಲಾವೈಭವಾಚೆ ಅನಾವರಣ ಜಾವನು ಯಕ್ಷಗಾನ, ವಾಘಾವೇಸು, ಆಕರ್ಷಕ ವರ್ಣ ರಂಜಿತ ನೃತ್ಯ, ರಸಮಂಜರಿ ಪ್ರದರ್ಶನ ಜಾವಚೆ° ಆಸಾ ಮ್ಹಣು ಕಳವಣಿಂತು° ಸಾಂಗಲಾ°.

ಕೋಟ ಕಾಶಿಮಠಾಚೆ ಆರಾಧ್ಯದೇವು "ಶ್ರೀ ಮುರಳೀಧರ ಕೃಷ್ಣ ಮುಖ್ಯಪ್ರಾಣ" ಮುರಳೀಧರ ಕೃಷ್ಣಾಕ ಮೂಲ ಪ್ರತಿಷ್ಠಾ 1924 ಇಸವಿಂತು° ಶ್ರೀ ಸುಕೃತೀಂದ್ರ ಸ್ವಾಮ್ಯಾಂಗೆಲೆ ಆಶೀರ್ವಾದಾಂತು° ಜಾಲೆಲೆ°. ಆತ° ಮೂಲಪ್ರತಿಷ್ಠಾ ಕರನು 2024 ಫೆಬ್ರವರಿಂತು° 100 ವರಸಾಚೊ ಸಂಭ್ರಮು. ಆಮಗೆಲೆ ಹ್ಯಾ ಸಂಭ್ರಮಾಚರಣೆ ಬದಲ 2023 ಫೆಬ್ರವರಿ ತುಲೆನ ಪ್ರತಿ ಮ್ಹಯನೆಂತು° ಎಕೆಕ ಕಾರ್ಯಕ್ರಮ ಆಯೋಜನ ಕೆಲೆಲೊ ಆಸಾ. ತಾಂತು ಹ್ಯಾ ಅಧಿಕ ಶ್ರಾವಣ ಮಾಸಾಂತು° (ಜು.23) ಗೌಡ ಸಾರಸ್ವತ ಬ್ರಾಹ್ಮಣ ಮಹಿಳಾ ಸಂಘ ಕೋಟಾ ಹಾಂಗೆಲೆ ಮುಖೇಲಪಣಾರಿ "ಮಹಿಳಾ ಕಮ್ಮಟ" ಚಲೆ. ತಾಕಾ "ಯಶೋಧೆಲೆ ಘರಾಂತು° ಕೃಷ್ಣು" ಮ್ಹಣು ನಾಮಕರಣ ಕೆಲೆಲೆ°. ಹೊ ಕಾರ್ಯಕ್ರಮ ಆಯೋಜನ ಕರಚಾಕ ಆಮಕಾ ಸ್ಪೂರ್ತಿ ಜಾಲೆಲೆ ಶ್ರೀ ಸುಧೀಂದ್ರ ತೀರ್ಥ ಸ್ವಾಮಿಜಿ ಆನಿ ಶ್ರೀ ಸಂಯಮೀοದ್ರ ತೀರ್ಥ ಸ್ವಾಮೀಜಿ ಹಾಂಗೆಲೊ ಆಶೀರ್ವಾದ.
ಶ್ರೀ ಸಂಯಮೀοದ್ರ ತೀರ್ಥ ಸ್ವಾಮ್ಯಾನ ಕೋಟಾಂತು° ಮುರಳೀಧರ ಕ್ರಷ್ಣಾಕ ಮೂಲ ಪ್ರತಿಷ್ಠಾ ಶತಮಾನೋತ್ಸವಾ ವೇಳಾರ ಆಮಗೆಲೆ ಸ್ತ್ರೀಯಾನಿ ಮೇಳನು ಎಕ ಚಂದ ಕಾರ್ಯಕ್ರಮ ಕರಕಾ, ತಾಂತು° ಸಗಟ ಬಾಯಲಮನಶಾನ ಮೇಳನು ಕೃಷ್ಣಾಲೊ ಉಡಗಾಸ ಕಾಡಕಾ. ಯಶೋಧೆಲೆ ಘರಾಂತು° ಯೆವಕಾ ಮಳೆಲೆ ಖಾತೀರಿ ಆಮಿ ಕೋಟ ಮಹಿಳಾ ವೃಂದಾನ ಹೋ ಕಾರ್ಯಕ್ರಮ ಆಯೋಜನ ಕೆಲೊ. ಸ್ವಾಮ್ಯಾಲೆ ಅನುಗ್ರಹ ಆನಿ ಆಶೀರ್ವಾದಾನ ಕಾರ್ಯಕ್ರಮ ಚಂದ ರೀತಿರಿ ಚಲೊ.

ಸಕಾಳಿ 9 ಗಂಟೆಕ ಶುರು ಜಾಲೆಲೆ ಹ್ಯಾ ಕಾರ್ಯಕ್ರಮಾಚೆ ಮುಖೇಲ ಸೊಯರೆ ಜಾವನು ತೆಕ್ಕಟ್ಟೆ ಗಾಂವಚೆ ನರ್ಮದಾ ನರಸಿಂಹ ಪ್ರಭು ಆನಿ ಕೋಟ ಗಾಂವಚೆ ಮಣೂರಚಿ ವಸುಧಾ ವಾಸುದೇವ ಪ್ರಭು ಉಪಸ್ಥಿತ ಆಶಿಲೆ. ಗೌಡ ಸಾರಸ್ವತ ಮಹಿಳಾ ಸಂಘ ಕೋಟಾ ಹಾಜಿ ಗೌರವಾಧ್ಯಕ್ಷಾ ಲಕ್ಶ್ಮೀ ವೆಂಕಟೇಶ ಶಾನಭಾಗ್ ಕಾರ್ಯಕ್ರಮಾಚೆ ಅಧ್ಯಕ್ಷಾ ಆಶಿಲೆ. ಅಧ್ಯಕ್ಷಾ ವತ್ಸಲಾ ರಾಧಾಕೃಷ್ಣ ನಾಯಕ, ಉಪಾಧ್ಯಕ್ಷಾ ನರಸಿಂಹ ಪ್ರಭು, ಕಾರ್ಯದರ್ಶಿ ಉಷಾ ಉಮೇಶ ಪ್ರಭು, ಕೋಶಾಧೀಕಾರಿ ಸಂಧ್ಯಾ ಗುರುದತ್ತ ಪೈ, ಉಪ ಕಾರ್ಯದರ್ಶಿ ಶಶಿಕಲಾ ರಾಮಚಂದ್ರ ಪ್ರಭು ಆನಿ ಸುಮಾ ಶ್ರೀನಿವಾಸ ಶಾನಭಾಗ್ ಉಪಸ್ಥಿತ ಆಸೂನ ದೀವೊ ಲಾವನು ಕಾರ್ಯಕ್ರಮಾಚೆ ಉಗ್ತಾವಣ ಕೆಲೆ°.

ಉಪರಾοತ ವೆಗವೆಗಳೆ ಸ್ಪರ್ಧೇ ಚಲೆ. ಕೋಟೆಶ್ವರ, ಕುಂಭಾಶಿ, ಸಾಸ್ತಾನ, ಬ್ರಹ್ಮಾವರಚೆ ಸ್ತ್ರೀಯಾನಿ ಸ್ಪರ್ಧೇಂತು° ವಾಂಟೊ ಘೆತಲೊ. ಶುರುವೆಕ "ಕೃಷ್ಣಾಕ ಆಪೊವುಯಾ°" ಭಜನಾ ಸ್ಪರ್ಧೋ ಚಲೊ. ಉಪರಾಂತ ಚೂಡಿ ಚಂದಾಯಿ(ಚೂಡಿ ಬಾಂದೂಚೊ ಸ್ಪರ್ಧೊ), ಉಡಗಾಸ ಪಳೊವೂಯಾಂ(ಸ್ಮರಣ ಶಕ್ತಿ ಸ್ಪರ್ಧೊ), ಹೋವ್ಯೊ ಸಾಂಗೂಯಾ°, ಎಕ ಪ್ರಶ್ನೇಕ ಎಕ ಜವಾಬ್(ರಸ ಪ್ರಶ್ನೆ ಸ್ಪರ್ಧೊ), ಆಮಗೆಲೆ ರೀತಿ ರಿವಾಜ್(ಕೊಂಕಣಿ ಪ್ರಹಸನ) ಸ್ಪರ್ಧೆ ಚಲೆ.

ಸಾಂಜವೇಳಾ ಸಮಾರೋಪ ಸಮಾರಂಭಾοತು° ಇನಾ° ವಾಂಟಪ ಜಾಲೆ°. ಬ್ರಹ್ಮಾವರ ಮಹಿಳಾ ವೃಂದ ಚಾಂಪಿಯನ್ ಮ್ಹಣು ಘೋಷಣಾ ಜಾಲೆಂ. ನರ್ಮಾದಾ ಎನ್ ಪ್ರಭು, ವಸುಧಾ ವಿ ಪ್ರಭು, ಲಕ್ಶ್ಮೀ  ವೆಂಕಟೇಶ ಶಾನಭಾಗ್, ವತ್ಸಲಾ ರಾಧಾಕೃಷ್ಣ ನಾಯಕ, ಕಾಶೀಮಠ ವ್ಯವಸ್ಥಾಪನಾ ಸಮಿತಿಚೆ ಉಪಾಧ್ಯಕ್ಷ ಶ್ರೀನಿವಾಸ ಮಂಜುನಾಥ ಶ್ಯಾನಭಾಗ್ ಉಪಸ್ಥಿತ ಆಸೂನ ಇನಾಂ ವಾಂಟಿಲೆ°.
ಜಿ. ಎಸ್. ಬಿ ಯುವಕ ಸಮಾಜ ಕೋಟ, ವ್ಯವಸ್ಥಾಪನಾ ಸಮಿತಿ ಶ್ರೀ ಕಾಶಿಮಠ ಕೋಟ, ವರಣ ತೀರ್ಥ ಗೌಡ ಸಾರಸ್ವತ ಬ್ರಾಹ್ಮಣ ಸಂಘ ಕೋಟ, ಗೀತಾ ಕೇಂದ್ರ ಕೋಟ, ಕೋಟ ತೀನಿ ಪೇಟೆಚೆ ಮಹಿಳಾ ವೃಂದ ಹಾಂನಿ° ಕಾರ್ಯಕ್ರಮಾ ಸಹಯೋಗ ದಿಲೊ.

ಕಾರ್ಯಕ್ರಮಾಚೆ ಸೂತ್ರ ಸಂಚಾಲನ ಉಪ ಕಾರ್ಯದರ್ಶಿ ಶಶಿಕಲಾ ರಾಮಚಂದ್ರ ಪ್ರಭು ಆನಿ ಸುಮಾ ಶ್ರೀನಿವಾಸ ಶಾನುಭಾಗ್ ಹಾಂನಿ° ಕೆಲೆಂ. ಸಂಧ್ಯಾ ಗುರುದಾಸ ಪೈ ಹಾಂನಿ ಆಬಾರ ಮಾನಲೊ.

ದಾವಣಗೆರೆ: ಹಾಂಗಾಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆ ಆನಿ ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಥಾನ ಹಾಂಗೆಲೆ ಜೋಡ ಆಶ್ರಯಾರಿ 2022-23 ವರಸಾಂತ ಎಸ್.ಎಸ್.ಎಲ್.ಸಿ. ಪರೀಕ್ಷೆಂತು° 625 ಕ 625 ಪರಿಪೂರ್ಣ ಅಂಕ ಜೋಡಿಲೆ ಬೆಂಗಳೂರಚೆ ಭೂಮಿಕಾ ರಮೇಶ್ ಪೈ ಹಾಂಕಾ° "ಸರಸ್ವತಿ ಪುರಸ್ಕಾರ" ರಾಜ್ಯ ಪ್ರಶಸ್ತಿ ಪ್ರದಾನ ಕರಚೆ° ಜಾಲೆ°. ಶಾಮನೂರು ಶಿವಶಂಕರಪ್ಪ ಪಾರ್ವತಮ್ಮ ಸಮುದಾಯ ಭವನಾಂತು° ಘಡಲೆಲೆ ಹ್ಯಾ ಕಾರ್ಯಕ್ರಮಾಂತು° ಕನ್ನಡ ಅಭಿವೃದ್ಧಿ ಪ್ರಾಧಿಕಾರಾಚೊ ನಿಕಟಪೂರ್ವ ಅಧ್ಯಕ್ಷ, ಅಂತರಾಷ್ಟಿçÃಯ ಖ್ಯಾತ ಪ್ರಶಸ್ತಿ ಪುರಸ್ಕೃತ ರಂಗಕರ್ಮಿ, ಚಲನಚಿತ್ರ ನಟ, ನಿರ್ದೇಶಕ ಬೆಂಗಳೂರಚೊ ಟಿ. ಎಸ್. ನಾಗಾಭರಣ, ಕಲಾಕುಂಚ ಸಂಸ್ಥೆಚೊ ಅಧ್ಯಕ್ಷ ಕೆ. ಎಚ್. ಮಂಜುನಾಥ್, ಕಲಾಕುಂಚ ಮಹಿಳಾ ವಿಭಾಗಾಚಿ ಸಂಸ್ಥಾಪಕಾ ಜ್ಯೋತಿ ಗಣೇಶ್ ಶೆಣೈ, ಗೌರವ ಅಧ್ಯಕ್ಷಾ ವಸಂತಿ ಮಂಜುನಾಥ್, ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಥಾನಾಚೆ ಅಧ್ಯಕ್ಷ ಬೆಂಗಳೂರಚೆ ಡಾ. ನಾಗೇಶ್ ಸಂಜೀವ ಕಿಣಿ, ಸಮಿತಿ ಸದಸ್ಯ ಶ್ರೀಧರ ನಾಯಕ್, ವಂದನಾ ಶೆಣೈ, ಮುಕ್ತಾ ಶ್ರೀನಿವಾಸ ಪ್ರಭು, ಭೂಮಿಕಾಳೆ ವ್ಹಡಿಲ ರಮೇಶ ಪೈ, ರಮ್ಯಾ ಪೈ ದಂಪತಿ, ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಆನಿ ಹೇರ ಉಪಸ್ಥಿತ ಆಶಿಲೆ.