ಮಂಗಳೂರು: ಕೊಡಿಯಾಲಾಚೆ ನಾವಾದಿಕ ಅರುಣಾ ಮಸಾಲಾ ತಯಾರಕಾ ಕಂಪೆನಿಚೆ "ಅರುಣಾ ಮಸಾಲಾ ಆ್ಯಪ್" ಹಾಜೆ° ಲೋಕಾರ್ಪಣ ಫೋರಂ ಫಿಜಾ ಮಾಲಾಂತು° ಚಲೆಲೆ ಸಮಾರಂಭಾoತು° ತುಳು ಚಿತ್ರ ನಟ ಅರ್ಜುನ್ ಕಾಪಿಕಾಡ್ ಹಾಂನಿ ಕೆಲೆ°. “ತುಳು ಭಾಷೆಕ, ತುಳು ಚಲನಚಿತ್ರಾಕ ಮದದ ಕೆಲೆಲೆ ಅರುಣಾ ಮಸಾಲಾ ಸಂಸ್ಥೆಚೊ ಆಭಾರ ಮಾನತಾಂ” ಮ್ಹಣು ತಾಂನಿ° ಸಾಂಗಲೆ°. ಮಂಗಳೂರಾಚೆ ಬೈಕಂಪಾಡಿ ಕೈಗಾರಿಕಾ ಪ್ರಾಂಗಣಾoತು° ಆಸಚೆ ಅರುಣಾ ಮಸಾಲಾ ಕಂಪೆನಿ 1980 ಇಸವಿ ದಾಕೂನ ರುಚಿ ಆನೀ ನಂಬಿಕೆಕ ನಾವ° ಪಾವಿಲೆ ಜಾವನು ಆಸಾ. ISO 22000:2005 ಪ್ರಮಾಣೀಕರಣ ಫಾವೊ ಜಾಲೆಲಿ ಕರಾವಳಿ ಕರ್ನಾಟಕಾಚಿ ಪಯಲಿ ಮಸಾಲಾ ಸಂಸ್ಕರಣಾ ಘಟಕ ಹೆ° ಜಾವನು ಆಸಾ. ಶ್ರೇಷ್ಠ ಸ್ಥರಾಚೆ ಮಸಾಲಾ ಪಿಟ್ಟಿ, ರೆಡಿ ಟು ಇಟ್ ಮಿಶ್ರಣ°, ನೋಣಚೆ°, ಜಿಂಜರ್ ಗಾರ್ಲಿಕ್ ಪೇಸ್ಟ್ ಹಾಂಗೆಲೆ° ಉತ್ಪನ° ಜಾವನು ಆಸಾತಿ. ಕರ್ನಾಟಕ, ಮಹಾರಾಷ್ಟ್ರ, ಗೋವಾ ಆನೀ ಕೇರಳ ನಂತಾ° ಮಧ್ಯಪ್ರಾಚ್ಯ ಆನೀ ಆಸ್ಟೆçಲಿಯ ದೇಶಾಂತಯೀ ಹಾಂಗೆಲೆ° ಉತ್ಪನ್ನ° ಮೇಳತಾತಿ. ದಕ್ಷಿಣ ಭಾರತಾಚೆ ಅಗ್ರಗಣ್ಯ ಮಸಾಲಾ ತಯಾರಕ ಜಾವನು ಆಸಚೆ ಹಾಂಗೆಲೆ ಘಟಕಾಂತು° ಅತ್ಯಾಧುನಿಕ ದರ್ಜೆಚೆ ಮಸಾಲಾ ಉತ್ಪಾದನಾ ಸೌಲಭ್ಯ, ಸಂಪೂರ್ಣ ಸ್ವಯಂಚಾಲಿತ ಯಂತ್ರ° ಆನಿ ಅಲ್ಟ್ರಾ ಮೋಡರ್ನ್ ಪ್ರಯೋಗಾಲಯ ಆಸಾತಿ. ಅರುಣಾ ಮಸಾಲಾನ ಖೂಬ ವರಸ ದಾಕೂನ ಶ್ರೇಷ್ಠ ಮಸಾಲಾ, ಲೋಕಾಂಕ ಪಾವೊನು ಆಜಿ ಹರ ಎಕ ಕುಟುಂಬೆಚೆ ಪಸಂದೆಚೆ ಮಸಾಲಾ ಜಾಲಾ.
ಉಪಸ್ಥಿತ ಆಶಿಲೆ ‘ಅಬತರ’ ಚಲನಚಿತ್ರಾಚಿ ನಟಿ ಗಾನ ಭಟ್ ಹಾಂನಿ° ಶುಭಾಷಯ ಪಾಟಯಲೊ. ಅರುಣಾ ಮಸಾಲಾ ಸಂಸ್ಥೆಚೊ ವಾಂಟೆಲಿ ಅನಂತೇಶ ಪ್ರಭು ಹಾಂನಿ  "ಅಬತರ" ಚಲನ ಚಿತ್ರಾಚೆ ಪಂಗಡಾಕ ಅಭಿನಂದನ ಸಾಂಗಲೆ°. ತುಳು ಚಿತ್ರ ನಟ ದೇವದಾಸ್ ಕಾಪಿಕಾಡ್ ಉಪಸ್ಥಿತ ಆಶಿಲೆ. ಹ್ಯಾಚ ವೇಳಾರ "ಅಬತರ" ತುಳು ಚಲನಚಿತ್ರಾಚೆ ಆಡಿಯೋ ಮೋಕಳಿಕ ಜಾಲೆ°. "ಅಬತರ" ಪಂಗಡ ದ.ಕ ಆನೀ ಉಡುಪಿ ಜಿಲ್ಲೆಚೆ ಸಾಬಾರ ಕಡೇನ ಚಲನಚಿತ್ರಾಚೆ ಪ್ರಚಾರ ಅಭಿಯಾನ ಕರತಾ ಆನೀ ಥಂಯ ಅರುಣಾ ಮಸಾಲಾ ಸಂಸ್ಥೆಚೆ ಆ್ಯಪ್ ಬದಲ ಮಾಹಿತಿ ಲೋಕಾಂಕ ಪಾವಯತಾ ಮ್ಹಣು ಚಲನ ಚಿತ್ರಾಚೆ ಪ್ರವರ್ತಕಾನಿ ಸಾಂಗಲಾ°. ವಿನೂತನ ತಂತ್ರಾoಶ, ಮೊಬೈಲ್ ಸಾಧನಂ ಆನೀ ಟ್ಯಾಬ್ಲೆಟ್, ಕಂಪ್ಯೂಟರಾoತು° ಸರಳ ರೀತಿನ ಕಾಮ ಕರಚೆ° ಹ್ಯಾ ಆ್ಯಪ್ ಸಿಂಗಲ್ ಟಚ್ಚ್ಚಾರಿ ವಾಪರೂಂಕಾ ಜಾತಾ. ಹಾಂತು° ಅರುಣಾ ಮಸಾಲೆಚೆ ಸಂಪೂರ್ಣ ಮಾಹಿತಿ, ಪಸಂದೆಚೆ ಮಸಾಲಾ ಖರೀದಿ ಕರಚೊ ಅವಕಾಶ ಆಸಾ. ದೇಶಾಚೆ ಖಂಚೆಯ ಜಾಗೆಕ ನಿಗದಿತ ವೇಳಾರ ಪಾವೊಚೆ° ಸುತಾ ಹಾಜೆನ ಸಾಧ್ಯ ಆಸಾ ಮ್ಹಣು ಕಂಪನಿಚೆ ವಕ್ತಾರಾನಿ ಕಳಯಲಾ°. 

ಗ್ರೂಪ್ ಜಿ. ಎಸ್. ಬಿ. ಹೆಲ್ಪ್ ಲೈನ್ ಚಾರಿಟೇಬಲ್ ಟ್ರಸ್ಟ್ (ರಿ.) ಹಾಜೊ ಸ್ಥಾಪಕು ಪ್ರಮೋದ ಜಿ. ಕಾಮತ ದೇವಾದಿನ 
ಮಂಗಳೂರು: ಸೋಶಿಯಲ್ ಮಿಡಿಯಾ ವಾಪರೂನ ದಾನಿ ಆನೀ ಅಶಕ್ತ ಲೊಕಾಂಕ ಮೆಳೊನು ಸಮಾಜ ಸೇವಾ ಕರತಲೊ ಪ್ರಮೋದ ಜಿ. ಕಾಮತ್ (43) ಆಜಿ (ನ.14ಕ) ಅಲ್ಪ ಕಾಳಾಚೆ ಅಸೌಖ್ಯಾಚೆ ನಂತರ ಸ್ವಗೃಹಾಂತುಂ ಅಂತರಲೆ. ಜ. 23 ನಂತರ ಫೇಸಬುಕ್ಕಾರ ಎಕ್ಟಿವ್ ನಾತಿಲೆ ಹಾಂನಿ ಎದೋಳು ಪಾಂಯಶೆಕಯೀ ಚಡ ಸೇವಾ ಕಾರ್ಯ ಕೆಲ್ಯಾಂತಿ. ಸ್ವಾರ್ಥ ರಹಿತ ಸಮಾಜ ಸೇವಾ ಕರತ ಆಶಿಲೆ ಹಾಂನಿಂ ಲೋಕಾಮೊಗಾಳ ಆಶಿಲೆ. 
    ಫೇಸ್ ಬುಕ್ ಮುಖಾಂತರ ಸಾಬಾರ 2011 ಇಸವಿಂತುಂ ಆಮ್ಚಿಗೆಲೆ ಬಾಂಧವಾಲೆ ಗೌಡ ಸಾರಸ್ವತ ಬ್ರಾಹ್ಮಿಣ್ಸ್ ಮ್ಹಳೆಲೆ ಫೇಸ್ ಬುಕ್ ಗ್ರೂಪಾಚೆ ಸಾರಥ್ಯ ಘೆವನು ಆಶಿಲೆ ಅಡ್ಮಿನ್ ಉಡುಪಾಚೆ ಪ್ರಮುಖ ಕೆಮ್ತೂರ್ ವಿಠ್ಠಲದಾಸ್ ಕಾಮತ್ ಮಾಮ್ಮಾಲೇ ತಶಿಂಚೀ ಅನ್ಯ ಅಡ್ಮಿನ್ ಆನಿ ಗ್ರೂಪ್ ಸದಸ್ಯಾಲೇ ಸಹಕಾರಾನ ಗ್ರೂಪಾಚೆ ಸಹ ಅಡ್ಮಿನ್ ಪ್ರಮೋದ್ ಜಿ. ಕಾಮತ್ ಹಾನಿಂ ಸಮಾಜಾಚೆ ಆರ್ಥಿಕ ಸಂಕಷ್ಟಾ ಆಶಿಲೆ ಬಾಂಧವಾಂಕ ಸಾನ ರೀತಿರ ಸಹಾಯು ಕರುಂಕ ಪ್ರಾರಂಭ ಕರನು ಇಸವಿ 2013ತುಂ ಗ್ರೂಪ್ ಜಿ. ಎಸ್. ಬಿ. ಹೆಲ್ಪ್ ಲೈನ್ ಮ್ಹಳೆಲೆಂ ಏಕ್ ಸಮುದಾಯಚೆ ಪೇಜ್ ಶುರು ಕೆಲೆಲೆಂ. 
ತಾಜ್ಜೆ ನಂತರ ಇಸವಿ 2015 ಸೆಪ್ಟೆಂಬರ್ 5, ಕೃಷ್ಣ ಜಲ್ಮಾಷ್ಟಮಿ ದೀವಸು ದಿವಸು ಪ್ರಮೋದ್ ಜಿ. ಕಾಮತ ಹಾಂನಿಂ ಸ್ಥಾಪಕಾಧ್ಯಕ್ಷ ಜಾವನು ಗ್ರೂಪ್ ಜಿ. ಎಸ್. ಬಿ. ಹೆಲ್ಪ್ ಲೈನ್ ಚಾರಿಟೇಬಲ್ ಟ್ರಸ್ಟ್ (ರಿ.) ಪ್ರಾರಂಭ ಕೆಲೆಂ. ಹ್ಯಾ ಟ್ರಸ್ಟಾನ ಎದೊಳು ಥಾಂಯ 550 ಅರ್ಜಿ ಸ್ವೀಕಾರ ಕರನು ಸಾಬಾರ ಏಕ್ ಕರೋಡ್ ರೂಪಯೆಕಯೀ ವಯರಿ ಸೋಶಿಯಲ್ ಮೀಡಿಯಾ ಮುಖಾಂತರ ನಿಯಮಿತ ಸಮಾಜ ಸೇವಾ ಕರನು ಜನಪ್ರಿಯತಾ ಫಾವೊ ಕೆಲ್ಯಾ. 
ಗ್ರೂಪ್ ಜಿ. ಎಸ್. ಬಿ. ಹೆಲ್ಪ್ ಲೈನ್ ಚಾರಿಟೇಬಲ್ ಟ್ರಸ್ಟ್ (ರಿ.) ಕೊಡಿಯಾಲ್ ಹಾಜೆ ಮ್ಹಾಲ್ಗಡೆ ಗೌರವಾನ್ವಿತ ಟ್ರಸ್ಟಿ ಜಾವನು ನಾವಾದೀಕ ಸಮಾಜ ಸೇವಕ ಡಾಕ್ಟರ್ ಉದ್ಯಾವರ ವೆಂಕಟರಮಣ ಶೆಣೈ, ತಶಿಂಚಿ ಖಜಾಂಚಿ ವಿದ್ಯಾ ಕೊಡಿಯಾಲ್, ಕಾರ್ಯದರ್ಶಿ ಹೇಮಂತ್ ಎಚ್. ಭಟ್, ಸಹ ಕಾರ್ಯದರ್ಶಿ ನಿತೇಶ್ ವಿ. ಭಟ್ ಹಾಂಗೆಲೆ ಸಹಕಾರಾರಿ ಸ್ಥಾಪಕಾಧ್ಯಕ್ಷ ಪ್ರಮೋದ್ ಜಿ. ಕಾಮತ್ ಶಕ್ತ್ಯಾನುಸಾರ ಸಮಾಜ ಸೇವಾ ಕರತ ಆಯಿಲೆ. ಹಾಂಕಾಂ ಸಲಹಾ ಸಮಿತಿ ಸದಸ್ಯ ಜಾವನು ಕೆಮ್ತೂರ್ ವಿಠ್ಠಲದಾಸ್ ಕಾಮತ್, ಬಿ. ನರಸಿಂಗ ರಾವ್, ಕಿಶೋರ್ ಶಾನುಭೋಗ, ಉಮೇಶ್ ಆರ್. ಕಾಮತ್, ಸುರೇಶ್ ವಿ. ಕಾಮತ್, ಶೈಲಾ ಪ್ರವೀಣ್ ಪ್ರಭು ಆನಿ ಸುಮೇಧಾ ಕಾಮತ್ ಹಾಂಗೆಲೊ ಸಹಕಾರು ಮೇಳಾ. ಲೇಖ ಪರಿಶೋಧಕ ಜಾವನು ಸಿ. ಎ. ರಾಜಾರಾಮ್ ಶೆಣೈ ಆನಿ ವಕೀಲ ಜಾವನು ಎಡ್ವೋಕೇಟ್ ಎಮ್. ಪ್ರೇಮಾನಂದ ಕಿಣಿ  ಹಾಂನಿ ಸಹಕಾರ ದಿತಲೆ. 
ಟ್ರಸ್ಟಾ ಮುಖಾಂತರ ಸಮಾಜಾಚೆ ಅರ್ಹ ವಿದ್ಯಾರ್ಥಿ ವಿದ್ಯಾರ್ಥಿನಿಯಾಂಕ ವಿದ್ಯಾರ್ಥಿ ವೇತನ, ಶಿಕ್ವಣೆ ಬದಲ ದತ್ತು ಸ್ವೀಕಾರ, ತಶಿಂಚಿ ದುರ್ಬಳ್ಯಾಲೆಂ ಕುಟುಂಬಾಂಕ ಮೂಲ ಅವಶ್ಯಕತಾ ಸಹಾಯು, ಪ್ರಾಯ ಜಾವನು ಸಂಕಷ್ಟಾರಿ ಆಶಿಲೆ ಬಂಧು ಭಗಿನಿಯಾಂಕ ಆರ್ಥಿಕ ಸಹಾಯು, ವಿಧವಾ ಸ್ತ್ರೀಯಾಂಕ ಆರ್ಥಿಕ ಸಹಾಯಾಚೆ ಸಾಂಗತ ವೈದ್ಯಕೀಯ - ಆರ್ಥಿಕ ಸಹಾಯು ಆನಿ ವಕ್ಕದ ವಾಂಟಪ, ತಶಿಂಚಿ ಗ್ರೂಪ್ ಜಿ. ಎಸ್. ಬಿ. ಸಂಗಮ್ ಕಾರ್ಯಕ್ರಮ ಮುಖಾಂತರ ಸಮಾಜ ಬಾಂಧವಾಂಗೆಲೆ ಸಾನ ಸ್ಥರಾಚೆಂ ಮಿಲನ ಕಾರ್ಯಕ್ರಮ, ಸಾಮಾಜಿಕ ಕಳಕಳಿ ಪೋಸ್ಟ್ ಆನಿ ಹೇರ ಸಾನ ಸಾನ ಮಾಹಿತಿ ಸಮಾಜಾಕ ಪಾವೊಚೆಂ ಕರತಾ ಆಯಿಲೆ. 
ಸೋಶಿಯಲ್ ಮೀಡಿಯಾ ವಾಪರೂನ ಸಮಾಜ ಸೇವಾ ಕಶಿಂ ಕರಯೆತ ಮ್ಹಣಚಾಕ ಪ್ರಮೋದ ಕಾಮತ ಏಕ ಉದಾಹರಣ ಆಶಿಲೆ.

2014 ಇಸವಿಚೆ ನ. 6 ತಾರೀಕೆಕ ವಿಶ್ವಸ್ಥ ನಿಧಿ ಜಾವನು ನೊಂದ ಜಾಲೆಲೆ ಶ್ರೀ ಪತಂಜಲಿ ಯೋಗ ಶಿಕ್ಷಣ ಪ್ರತಿಷ್ಠಾನ (ರಿ.) ಮಂಗಳೂರು ಹಾಂನಿ ಆಜಿ 23 ಕೇಂದ್ರಾoತು° ಸಾರ್ವಜನಿಕಾಂಕ ಫುಕಟ ಯೋಗ ತರಬೇತಿ ದಿತಾ ಆಸಾತಿ.  30-45 ದೀವಸ ಚಲಚೆ ಹ್ಯಾ ಶಿಬಿರಾಂತು ಯೋಗಾಚಿ ಪ್ರಾಥಮಿಕ ಮಾಹಿತಿ ಆನಿ ಅಭ್ಯಾಸ, ಸರಳ ವ್ಯಾಯಾಮ, ಆಸನ°, ಸೂರ್ಯನಮಸ್ಕಾರ ಆನಿ ಪ್ರಾಣಾಯಾಮ ಶಿಖಯತಾತಿ. ತ್ಯಾ ನಂತಾ° ಧ್ಯಾನ, ಶೌಚಕ್ರಿಯಾ ಜಾವನು ಆಸಚೆ ತ್ರಾಟಕ, ನೇತಿ, ವಮನದೌತಿ ಸುತಾ ಶಿಖಯತಾತಿ. ವರಸಾಕ ಏಕ ಪಾವಟಿ ಮಾತೃ ಭೋಜನ, ಸಮುದ್ರ ಸ್ನಾನ, ಕ್ಷೇತ್ರ ದರ್ಶನ, ಒತ್ತು ಚಿಕಿತ್ಸಾ (Accupressure), ಶಂಕು ಪ್ರಕ್ಷಾಲನ, 108 ಸೂರ್ಯ ನಮಸ್ಕಾರ, ವಿಶ್ವ ಯೋಗ ದಿನಾಚರಣಾ, ಯೋಗ ಚಮ್ಕಣ ಆನೀ ಹೇರ ಕರ್ಯಕ್ರಮ ಆಯೋಜನ ಕರತಾತಿ. ಯೋಗಾಂತ ಡಿಪ್ಲೊಮಾ, ಪಿ,ಜಿ. ಡಿಪ್ಲೊಮಾ, ಎಂ. ಎಸ್ಸಿ ಕೆಲೆಲೆ ಸಾಬಾರ 50 ಶಿಕ್ಷಕಾಂಕ ಮೇಳೊನು ಚಲಚೆ ಹ್ಯಾ ಕಾರ್ಯಕ್ರಮ ಚಲತಾತಿ. ಪ್ರಸ್ತುತ ಪ್ರತಿಷ್ಠಾನಾಚೆ ಆಡಳಿತ ಅಧ್ಯಕ್ಷ - ಏಕನಾಥ ಬಾಳಿಗಾ,  ಉಪಾಧ್ಯಕ್ಷ - ಯೋಗೀಶ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ - ಧನಂಜಯ ಕೆ, ಸಹ ಕಾರ್ಯದರ್ಶಿ - ಜಯಲಕ್ಷ್ಮಿ ಚಂದ್ರಹಾಸ, ಕೋಶಾಧಿಕಾರಿ - ಶ್ರೀಕಾಂತ ಹೊನ್ನಾವರ  ವಿಶ್ವಸ್ಥ - ಪ್ರತಿಭಾ ನಾಯಕ್, ವಿಠೋಬ ಶೆಣೈ, ಪರಮೇಶ್ವರ ಪೂಜಾರಿ ಹಾಂನಿ° ಸಾಂಬಾಳನು ಹಾಡತ ಆಸಾತಿ. ದೇವಾದಿನ ಕೆ. ನಾರಾಯಣ ಶೆಟ್ಟಿ ಪ್ರತಿಷ್ಠಾನಾಚೆ ಸ್ಥಾಪಕ ಅಧ್ಯಕ್ಷ ಆಸಾತಿ. ಕೊರೋನ ಮಹಾಮಾರಿಚೆ ವೇಳಾರ ಸಗಟ ಶಾಖಾ ಬಂದ ಪಡಲೆಲೆ ಆನೀ ಓನಲೈನ್ ಕ್ಲಾಸ° ಶುರು ಜಾಲೆಲಿ°. ಆತ° ಥೊಡಿ° ಆಫ್ ಲೈನ್ ಕ್ಲಾಸ° ಶುರು ಜಾಲ್ಯಾಂತಿ. ಆನಲೈನ್ ಕ್ಲಾಸಾಕ ಮಂಗಳೂರು ನಂತಾ° ಬೆಂಗಳೂರು, ಮೈಸೂರು, ಬೆಳಗಾವಿ, ಉಡುಪಿ, ಪುಣೆ, ಠಾಣೆ,  ಮುಂಬೈ, ಅಮೇರಿಕಾ, ದುಬೈ, ಇಂಡೋನೆಶ್ಯ, ನ್ಯೂಜಿಲ್ಯಾಂಡ್ ಪ್ರದೇಶಾಚೆ ಲೋಕ ವಾಂಟೊ ಘೆತಾ ಆಸಾತಿ.

ಮಂಗಳೂರು: ನಾವಾದೀಕ ಕೊಂಕಣಿ ಚಲನಚಿತ್ರ ನಿರ್ದೇಶಕು ಕಾಸರಗೋಡು ಚಿನ್ನಾ ಹಾಂಗೆಲೆ ಮಾರ್ಗದರ್ಶನಾರಿ ಆರತಾ^° ಕೊಂಚಾಡಿ ಶ್ರೀ ವೆಂಕಟರಮಣ ದೇವಳಾಚೆ ಶ್ರೀ ವ್ಯಾಸ ಸಭಾಗೃಹಾಂತು^° ದೋನ ದೀವಸಾಂಚೆ^° ರಂಗ ತರಬೇತಿ ಶಿಬಿರ ‘ಕೊಂಕಣಿ ಮಹಿಳಾ ರಂಗ ಸಂಸ್ಕೃತಿ” ಆಯೋಜನ ಜಾಲೆ^°. ನ. 6 ಆನೀ 7 ತಾರೀಕೆಕ ಘಡಲೆಲೆ ಹ್ಯಾ ಶಿಬಿರ ಕೊಂಕಣಿ ಕಲಾಕಾರ ಕೊಂಚಾಡಿ, ರಂಗ ಚಿನ್ನಾರಿ ಕಾಸರಗೋಡು(ರಿ.), ಕನ್ನಡ ಸಂಸ್ಕೃತಿ ಇಲಾಖೆ ಬೆಂಗಳೂರು ಹಾಂಗೆಲೆ ಜೋಡ ಆಶ್ರಯಾರಿ ಚಲೆ^°. ಹ್ಯಾ ಶಿಬಿರಾಂತು^A ಕೊಂಚಾಡಿ ಪರಿಸರಾಚೆ ಬಾಯಲ ಮನಶಾನಿ ಅಧಿಕ ಸಂಖ್ಯಾನ ವಾಂಟೊ ಘೆತಿಲೊ. ರಂಗ ನಟನಾ, ಮೇಕಅಪ್, ಸಂಗೀತ, ಲೈಟಿಂಗ್, ರಂಗಸಜ್ಜಿಕಾ ಆನೀ ಹೇರ ವಿಶಯಾರಿ ಹ್ಯಾ ಶಿಬಿರಾಂತು^° ಮಾಹಿತಿ ಮೇಳಿ. 
    ಉದ್ಯಮಿ ನಂದಗೋಪಾಲ ಶೆಣೈ ಹಾಂನಿ^A ಶಿಬಿರಾಚೆ ಉಗ್ತಾವಣ ಕೆಲೆ^°. ದೇವಳಾಚೊ ಆಡಳಿತ ಮಂಡಳಿಚೊ ಅಧ್ಯಕ್ಷ ಡಿ. ವಾಸುದೇವ ಕಾಮತ, ಜಿ. ರತ್ನಾಕರ ಕಾಮತ, ಕೆನರಾ ಚೆಂಬರ್ ಆಫ್ ಕಾಮರ‍್ಸ್ ಎಂಡ್ ಇಂಡಸ್ಟಿçÃಸ್ ಹಾಜೊ ಅಧ್ಯಕ್ಷ ಮಾರೂರು ಶಶಿಧರ್ ಪೈ, ಲೇಖಕಿ ಶಕುಂತಳಾ ಆರ್. ಕಿಣಿ ಮಾನಾಚೆ ಸೊಯ್ರೆ ಆಶಿಲೆ. ಕು. ಪ್ರಸನ್ನಾ ಪೈನ ಸೂತ್ರ ಸಂಚಾಲನ ಕೆಲೆ^°. ಕಲಾವತಿ ಭಟ್ ಹಾಂನಿ^° ಆಭಾರ ಮಾನಲೊ. ಹೇರ ದೀವಸು ಚಲೆಲೆ ಸಮಾರೋಪ ಸಮಾರಂಭಾAತು ಸಂಗೀತ ನಿರ್ದೇಶಕ ಚರಣಕುಮಾರ ಮಲ್ಯ ಹಾಂನಿ^° ಮುಖೇಲ ಸೊಯ್ರೆ ಆಶಿಲೆ. ಕಾಸರಗೋಡ ಚಿನ್ನಾ ಹಾಂಕಾ ಸನ್ಮಾನ ಚಲೊ. ಉದ್ಯಮಿ ನಂದಗೋಪಾಲ ಶೆಣೈ ಜಿ. ರತ್ನಾಕರ ಕಾಮತ, ಶಕುಂತಳಾ ಆರ್. ಕಿಣಿ, ಶಶಿಭೂಷಣ ಕಿಣಿ, ಉಳ್ಳಾಲ ರಾಘವೇಂದ್ರ ಕಿಣಿ ಆನೀ ಮುರಳಿಧರ ಕಾಮತ ಉಪಸ್ಥಿತ ಆಶಿಲೆ. ವಿದ್ಯಾ ಎಂ. ಕಾಮತಾನ ಸೂತ್ರ ಸಂಚಾಲನ ಕೆಲೆ^°. 

ಮಂಗಳೂರು: ಚೆರಡುವಾಂಕ ಆಮಗೆಲೆ ಸಂಸ್ಕೃತೀಚೆ ಬದಲ ತಯಾರ ಕರಚೊ ಸಂಸ್ಥೊ ಸಾಧನಾ ಬಳಗ ಹಾಂಗೆಲೆ 15ವೆ° ಸ್ನೇನಮಿಲನ ಕಾರ್ಯಕ್ರಮ ಆರತಾ° ಅ 31ಕ ವಿ. ಟಿ. ರಸ್ತೆಚೆ ಶ್ರೀ ಕೃಷ್ಣ ಮಂದಿರಾoತು° ಚಲೊ. ಮುಖೇಲ ಸೊಯ್ರೊ ಜಾವನು ಉದ್ಯಮಿ ಡಿ. ವಾಸುದೇವ ಕಾಮತ ಆನೀ ಶ್ರೀ ಕೃಷ್ಣ ಮಂದಿರಾಚೆ ಮೊಕ್ತೇಸರ ನರೇಶ ರಾಮದಾಸ ಕಿಣಿ ಆಯಿಲೆ. ಸಭಾ ಕಾರ್ಯಕ್ರಮಾಚೆ ಉಪರಾಂತ ಚೆರಡುವಾನಿ ಸಂಗೀತ, ನೃತ್ಯ, ವಾದ್ಯ ಸಂಗೀತ, ವೇದ ಪಠಣ ಆನೀ ಹೇರ ವಿಷಯಾಂಚೆ ಪ್ರದರ್ಶನ ಕೆಲೆ°. ಸಾಧನಾ ಬಳಗಾಚೆ ಗೌರವಾಧ್ಯಕ್ಷ ನಂದಗೋಪಾಲ ಶೆಣೈ ಆನೀ ಸಂಘಟನಾ ಕಾರ್ಯದರ್ಶಿ ಸತೀಶ್ ಕುಮಾರ ಭಟ್ ಹಾಂನಿ° ಇನಾ° ವಾಂಟಿಲೆ°. ಸಂಪನ್ಮೂಲ ವ್ಯಕ್ತಿಂಕ ಸನ್ಮಾನ ಚಲೊ. ಬಳಗಾಚೊ ಸ್ಥಾಪಕಾಧ್ಯಕ್ಷ ಯು. ಪ್ರಕಾಶ ಶೆಣೈನ ಸಂವಾದ ಕಾರ್ಯಕ್ರಮ ಸಾಂಬಾಳನು ಹಾಡಲೊ. ಅಧ್ಯಕ್ಷ ಮರೋಳಿ ಸಬಿತಾ ಕಾಮತ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಶಕುಂತಳಾ ಆರ್. ಕಿಣಿ ಹಾಂಗೆಲೆ ಮಾರ್ಗದರ್ಶನಾರಿ ಮಂಜುಳಾ ಕಾಮತ, ಸಬಿತಾ ರಾವ, ವಿನುತಾ ಪೈ ಹಾಂನಿ° ಸಹಕಾರ ದಿಲೊ. ಕಾರ್ಯದರ್ಶಿ ಮಂಜುನಾಥ ಕಾಮತ ಉಪಸ್ಥಿತ ಆಶಿಲೆ. ಉಪಾಧ್ಯಕ್ಷ ರಾಘವೇಂದ್ರ ಕಿಣಿನ ಆಭಾರ ಮಾನಲೊ.