ದಾವಣಗೆರೆ: ಹಾಂಗಾಚೆ ಕಲಾಕುಂಚ ಸಾಂಸ್ಕøತಿಕ ಸಂಸ್ಥೆನ ವಿಶ್ವ ಪರಿಸರ ದಿನಾಚರಣೆ ಬದಲ ಆಯೋಜನ ಕೆಲೆಲೆ ರಾಜ್ಯ ಸ್ಥರಾಚೆ ಚಿತ್ರ ಬರೊವಚೆ ಸ್ಪರ್ಧೆಚೆ ಫಲಿತಾಂಶ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಘೋಷಣ ಕೆಲಾ°.
ಸ್ಪರ್ಧಿಕಾಲೆ ವಯಾಕ ತಕೀತ ತೀ ವಿಭಾಗಾಂತು° ಸ್ಪರ್ಧೊ ಚಲೊ. ಮ್ಹಾಲ್ಗಡೆಲೆ ವಿಭಾಗಾಂತು° ಪಯಲೆ° ಇನಾಂ ತೀನ ಲೋಕಾನ ವಾಂಟೂನ ಘೆತಲಾ°. ಬೆಂಗಳೂರಚೆ ದೀಪ ಎಸ್. ಬಾಳಿಗಾ, ದಾವಣಗೆರೆಚೆ ಪ್ರಪುಲ್ಲಾ ಸತ್ಯನಾರಾಯಣ ಕಿಣಿ, ಉತ್ತರ ಕನ್ನಡ ಜಿಲ್ಲಾ ದಾಂಡೇಲಿಚೆ ಶ್ರದ್ದಾ ದೀಪಕ್ ಸಾವಂತ್ ಪಯಲೆ° ಇನಾಂ ವಾಂಟೂನ ಘೆತಲಾ°. ದುಸ್ರೆ° ಇನಾಂ ಉಡುಪಿ ಜಿಲ್ಲೆಚೆ ಕುಂದಾಪುರ ತಾಲ್ಲೂಕೆಚೆ ತಲ್ಲೂರಚೆ ಚಂದ್ರ ಮೋಹನ್ ಆಚಾರ್ಯ, ತಿಸ್ರೆ° ಇನಾಂ ಕೇರಳ ರಾಜ್ಯಾಚೆ ಕಾಸರಗೋಡು ಜಿಲ್ಲಾ ಕುಂಬ್ಳೆಚೆ ಬಾಬು ಚಲುವಾದಿ ಪೂಜಾರಿ ಆನೀ ಸಮಾಧಾನಕರ ಇನಾಂ ಬಾಗಲಕೋಟೆಚೆ ನೀಲವೇಣಿ ವೆಂಕಟೇಶ್, ಬಳ್ಳಾರಿಚೆ ರೂಪಾ ಕೇಶವ ಮಡಿವಾಳರ ಹಾಂಕಾ° ಫಾವೊ ಜಾಲಾ°.

ಪ್ರೌಢಶಾಳಾ ಆನೀ ಪದವಿ ಪೂರ್ವ ಕಾಲೇಜು ವಿದ್ಯಾರ್ಥಿ ವಿಭಾಗಾಂತು° ಪಯಲೆ° ಇನಾಂ ದಾವಣಗೆರೆಚೆ ಪ್ರತ್ಯಕ್ಷ ಎಸ್. ಶೆಟ್ಟಿ, ಆನಿ ಮೈಸೂರಚೆ ಮಿಥುನ್ ಎಸ್. ಹಾಂನಿ° ವಾಂಟೂನ ಘೆತಲಾ°. ದುಸ್ರೆ° ಇನಾಂ ಉತ್ತರ ಕನ್ನಡ ಜಿಲ್ಲೆಚೆ ತಾರಗೋಡಾಚೆ ಧನು ಹೆಗಡೆ, ಗದುಗಾಚೆ ಸಂಗೀತಾ ಹಾದಿಮನಿ ಹಾಂನಿ° ವಾಂಟೂನ ಘೆತಲಾಂ. ತೀಸ್ರೆಂ ಇನಾ° ಗದುಗಾಚೆ ವಿನಯ ಎ. ಕಲಬುರ್ಗಿ ಆನಿ ಸಮಾಧಾನಕರ ಇನಾಂ ದಾವಣಗೆರೆಂಚೆ ಸುಜಯ್ ವಿನೋದ್ ದೇವರಾಜ್, ಪ್ರಮಿತ ಪ್ರಸಾದ್, ಗದುಗಾಚೆ ಸಕ್ಕುಬಾಯಿ ಸಂ. ಹನುಗುಂದ, ಶಂಕ್ರಮ ಗೊಲ್ಲರ ಭಾಗ್ಯ ಹು. ಹೂಗಾರ, ಆಕಾಶ ಲಮಾಣಿ, ಉತ್ತರ ಕನ್ನಡ ಜಿಲ್ಲೆಚೆ ತಾರಗೋಡಾಚೆ ದಿಶಾ ಆನಂದ ಹೆಗಡೆ ಹಾಂಕಾ° ಫಾವೊ ಜಾಲಾ°. ಪ್ರಾಥಮಿಕ ವಿಭಾಗಾಂತು° ಪಯಲೆ° ಇನಾಂ ಮಂಡ್ಯ ಜಿಲ್ಲೆಚೆ ಮದ್ದೂರು ತಾಲ್ಲೂಕೆಚೆ ಮಠದ ಹೊನ್ನನಾಯಕನಹಳ್ಳಿ ಹೆಚ್. ಬಿ. ವಿಷ್ಣುಪ್ರಸಾದ್, ದುಸ್ರೆ ಇನಾಂ ಬೆಂಗಳೂರಚೆ ನಿಹಾರಿಕಾ ಹೆಚ್. ಎನ್., ತಿಸ್ರೆ ಇನಾಂ ಗದುಗಾಚೆ ರೇಷ್ಮಾ ರಾ. ನಾದಾಫ್, ಸಮಾಧಾನಕರ ಇನಾಂ ಗದುಗಾಚೆ ಝಯನ ಖಾ. ತಹಶೀಲ್ದಾರ, ಹರ್ಷಿಯಾ ಜಿ. ಹಾಂಕಾ° ಫಾವೊ ಜಾಲಾ°.

ರಾಜ್ಯ ಸ್ಥರಾಚೆ ಹ್ಯಾ ಚಿತ್ರ ಬರೊವಚೆ ಸ್ಪರ್ಧೆಂತು° ಕರ್ನಾಟಕ ಆನಿ ಲಾಗಿಚೆ ರಾಜ್ಯಾ ದಾಕೂನ 1,863 ಚಿತ್ರ° ಆಯಿಲಿ° ಮ್ಹಣು ಕಲಾಕುಂಚ ಸಂಸ್ಥೆಚೊ ಅಧ್ಯಕ್ಷ ಕೆ. ಹೆಚ್. ಮಂಜುನಾಥ್ ಹಾಂನಿ° ಕಳಯಲಾ°. ಮ್ಹಾಲ್ಗಡೆ ಕಲಾವಿದ ಆನಿ, ಸಂಸ್ಕಾರ ಭಾರತಿ ದಾವಣಗೆರೆಚೆ ಜಿಲ್ಲಾಧ್ಯಕ್ಷ ಎ. ಮಹಲಿಂಗಪ್ಪ ವರೇಣ್ಯಾರ ಪಯಕಿ ಎಕಲೆ ಆಶಿಲೆ. ಪ್ರಮಾಣಪತ್ರಾಚೆ ಪ್ರಾಯೋಜಕ, ಕಲಾಕುಂಚ ಸಿದ್ದವೀರಪ್ಪ ಬಡಾವಣೆ ಶಾಖೆಚೆ ಅಧ್ಯಕ್ಷಾ ಲಲಿತಾ ಕಲ್ಲೇಶ್ ಆಸಾತಿ.

ಮಂಗಳೂರು: ರಗತ ದಾನ ಶ್ರೇಷ್ಠ ದಾನ ಮ್ಹಣತಾತಿ. ಹಾಜೆನ ಎಕ ಮನಶಾಲೊ ಜೀವು ಸುತಾ ವರೋಚಾಕ ಜಾತಾ. ಎದೋಳು 45 ಪಾವಟಿ ರಗತ ದಾನ ಕೆಲೆಲೊ ಮಂಗಳೂರಚೊ ತರನಾಟೊ ರಾಕೇಶ ಕಾಮತ ಹಾಂಕಾ° ಆರತಾ° ಬೆಂಗಳೂರಾಂತು° ಘಡಲೆಲೆ ಕಾರ್ಯಕ್ರಮಾಂತು° ‘ವಿಶ್ವ ರಗತ ದಾನ ದೀವಸು’ ಕಾರ್ಯಕ್ರಮಾಂತು° ರೆಡ್ ಕ್ರಾಸ್ ಸಂಸ್ಥೊ ಆನಿ ಕೃಷಿ ವಿದ್ಯಾಲಯ –ಜಿ.ಕೆ.ವಿ.ಕೆ ಹಾಂನಿ° ಸನ್ಮಾನ ಕೆಲೊ. ವಿ. ವಿ. ರಿಜಿಸ್ಟ್ರಾರ್ ಬಸವೇ ಗೌಡ ಆನಿ ಹೇರ ಉಪಸ್ಥಿತ ಆಶಿಲೆ. ರಾಕೇಶ ಕಾಮತ ಹಾಂನಿ° ವಿದ್ಯಾರ್ಥಿ ಜೀವನಾಂತು° ವಿದ್ಯಾರ್ಥಿ ನೇತಾರ ಆಶಿಲೆ ಆನಿ ಆತ° ಹಾಂಗ್ಯೊ ಐಸಕ್ರೀಮ್ಸ್ ಪ್ರೈ. ಲಿ. ಹಾಂಗಾ ಪ್ರಭಂದಕ ಆಸಾತಿ.

ಮಂಗಳೂರು: ಆರತಾಂಚಿ ಜಿ.ಎಸ್.ಬಿ. ಮಹಿಳಾ ವೃಂದ (ರಿ), ಮಂಗಳೂರು  2022-23 ವರಸಾಚೆ ಮಹಾ ಸಭಾ ಗೋಕರ್ಣ ಮಠಾಚೆ ಸಭಾಗೃಹಾಂತು ಮಾಲಗಡೆ ಸಾಂದೆ ಮರೋಳಿ ಸಬಿತಾ ಕಾಮತ್ ಹಾಂಗೆಲೆ ಮುಖೇಲಪಣಾರಿ ಚಲೆ. ನಿಕಟಪೂರ್ವ ಅಧ್ಯಕ್ಷಾ ವಿಮಲಾ ಕಾಮತ್ ಹಾಂನಿ ನೂತನ ಅಧ್ಯಕ್ಷಾ ರಾಧಿಕಾ ಆರ್. ಕಾಮತಿಕ ಅಧಿಕಾರು ಒಪಸೂನ ದಿಲೊ.   ನೂತನ ಅಧ್ಯಕ್ಷಾನ ವಿಮಲಾ ಕಾಮತಿಕ ಫಲ, ಯಾದಸ್ತಿಕಾ ದೀವನು ಸಮ್ಮಾನು ಕೆಲೊ.  ಉಪಾಧ್ಯಕ್ಷಾ ಜಾವನು ನಯನಾ ರಾವ್, ಕಾರ್ಯದರ್ಶಿ ಪೂರ್ಣಿಮಾ ಭಂಡಾರ್ಕಾರ್, ಸಹ ಕಾರ್ಯದರ್ಶಿ ವಿಜಯಲಕ್ಷ್ಮಿ ಕಾಮತ್, ಕೋಶಾಧಿಕಾರಿ ವಸುಧಾ ಬಾಳಿಗಾ ಆನಿಕ ಸಹ ಕೋಶಾಧಿಕಾರಿ ಜಾವನು ಮೀನಾಕ್ಷಿ ಎನ್. ಪೈ ವಿಂಚೂನ ಆಯಿಲಿಂತಿ. 

ಮರೋಳಿ ಸಬಿತಾ ಕಾಮತ್, ಗೀತಾ ಕಾಮತ್, ಚಂದ್ರಿಕಾ ಮಲ್ಯ, ಪ್ರಭಾ ಪೈ ಆನಿಕ ಗೀತಾ ಸಿ. ಕಿಣಿ  ಸಲಹಾ ಸಮಿತಿಚೆ ಸಾಂದೆ ಜಾವನು ನೇಮಕ ಜಾಲಿಂತಿ.  ತಶೀಂಚಿ ವಿಮಲಾ ಕಾಮತ್, ವಸುಧಾ ಭಟ್ ಆನಿಕ ಪ್ರತಿಮಾ ಪ್ರಭು ಹಾಂನಿ ಕಾರ್ಯಕಾರಿ ಸಮಿತಿಚೆ ಇತರ ಸಾಂದೆ ಜಾವನು ನೇಮಕ ಜಾಲಿಂತಿ.  ಲೆಕ್ಕ ಪ್ರತಿಷೋಧಕ ಜಾವನು ನಕುಲ್ ಪೈ ಹಾಂನಿ ನಿಯೋಜಿತ ಜಾಲಿಂತಿ. 

ನೂತನ ಅಧ್ಯಕ್ಷಾನ ಸಗಟ ಸಾಂದೆಲಾಗಿ ಸಹಕಾರು ಮಾಗಲೊ.  ತಿಗೆಲೆ ಮುಖೆಲಪಣಾರಿ ಸಮಾಜ ಸೇವಾ ಬರೆಂ ತರಾನ ಜಾವೊ ಮ್ಹೊಣು ಆಶಾ ವ್ಯಕ್ತ ಕೆಲಿ.  ವಿಮಲಾ ಕಾಮತಿನ ತಿಗೆಲೆ ಅಧಿಕಾರಾಚೆ ಅವಧಿಂತು ತಿಕಾ ಸಹಾಯ ಕೆಲೆಲೆ ಸಗಟ ಸಾಂದೆಂಕ ಧನ್ಯವಾದು ದಿಲೊ. ನಯನಾ ರಾವ್ ಹಾಂನಿ ವಾರ್ಷಿಕ ವರದಿ ವಾಚನ ಕೆಲೆಂ.  ಸಬಿತಾ ಕಾನತಿನ ಹೇರ ಪ್ರಕಟಣಾ ಕೆಲೆಂ.  ರಾಧಿಕಾ ಕಾಮತಿನ ಆಭಾರು ವ್ಯಕ್ತ ಕೆಲೊ. ಶಾಂತಿ ಪಾಠು ಜಾತರಿ ಸಭಾ ಸಾಂಪಲಿ.  ವೀರ ವಿಠಲ ದೇವಾಕ ಪೂಜಾ ಜಾತರಿ ಪ್ರಸಾದ ರೂಪಾರಿ ಭೋಜನ ವ್ಯವಸ್ಥಾ ಆಶಿಲಿ. ವೃಂದಾಚೆ ಸಾಂದೆ ಕಸ್ತೂರಿ ಕಾಮತ್ ಹಾಂನಿ ತಾಂಗೆಲೆ ವಾರ್ಡಿಕೆಚೆ ಪನ್ನಾಸಾ ವರಸಾಚೆ ಶುಭ ಸಂದರ್ಭ ಜಾವನು ಸಗಟಾಂಕ ಗೊಡಸೆ ವಾಂಟಿಲೆ.  ಸಾಬಾರ 120 ಸಾಂದೆ ಹಾಜರ ಆಶಿಲಿಂತಿ.

ಮಂಗಳೂರು: ಮಾಕ್ಷಿಚೆ ಚಾರ ದಶಕ ದಾಕೂನ ಕೊಂಕಣಿ ಭಾಸ ಆನಿ ಸಂಸ್ಕೃತಿಚೆ ಸೇವಾ ಕರೂನ ಆಸಚೆ ಕೊಂಕಣಿ ಸಾಂಸ್ಕೃತಿಕ ಸಂಘ ಮಂಗಳೂರ ಹಾಂಗೆಲೊ ವರಸಾವಧಿ ಧಾರ್ಮಿಕ ಪ್ರವಾಸು ಹ್ಯಾ ಪಾವಟಿ ಸೊಮೇಶ್ವರಚೆ ವೆಂಕಟರಮಣ ದೇವಸ್ಥಾನಾಕ ವಚೂನ ಸಂಪನ್ನ ಜಾಲೆ°. ಮೇ 29ಕ ಸಕಾಳಿ 7.45ಕ ಮಂಗಳೂರು ಶ್ರೀ ವೆಂಕಟರಮಣ ದೇವಳಾಚೆ ಮುಕಾರಿ ಮೆಳೆಲೆ ಸದಸ್ಯಾನಿ ಶುರುವೇಕ ವೆಂಕಟರಮಣಾಕ ನಮಸ್ಕಾರ ಕರನು ಜೈಕಾರ ಘಾಲೊ. ಬಸ್ಸಾರ ಬಶಿಲೆ ಆಮಕಾ ಪೋಳಲಿ ದ್ವಾರಾ ಲಾಗಿ ಪಾವತಾನಾ ಸಕಾಳಿಚೊ ಫಳಾರ ವಾಂಟೂಚೆ° ಜಾಲೆ°. ಥಂಯ ದಾಕೂನ ಆಮಿ ಸಿದಾ ಕಾರ್ಕಳ ಪಡುತಿರುಪತಿ ಶ್ರೀ ವೆಂಕಟರಮಣ ದೇವಳಾಕ ಪಾವಲಿಂತಿ. ದೇವಳಾಕ ಭೇಟಿ ದಿತರಿ ಥಂಯಚಿ ಮುಕಾರಿ ಆಸಚೆ ಹನುಮಂತ ದೇವಳಾಕ ಆಮಿ ಭೇಟಿ ದಿಲಿ. ದೋನಯ ದೇವಸ್ಥಾನಾಂತು° ಆಮಿ ನಾರಲ ಕೆಳೆಂಚಿ ಸೇವಾ ಕೆಲಿ.

ಥಂಯ ದಾಕೂನ ಭಾಯರ ಸರಲೆಲೆ ಆಮಿ ಸೋಮೇಶ್ವರಚೆ ಶ್ರೀ ವೆಂಕಟರಮಣ ದೇವಸ್ಥಾನಾಕ ಪಾವಲಿಂತಿ. ಥಂಯ ಸುತಾ ದೇವಳಾಚೆ ಮುಕಾರಿ ಹನುಮಂತ ದೇವಸ್ಥಾನ ಆಶಿಲೆ°. ಆಮೀ ದೋನಯ ದೇವಳಾಂತು° ಪೂಜಾ ಕರಯಲಿ ಆನಿ ಕೊಂಕಣಿ ಸಾಂಸ್ಕೃತಿಕ ಸಂಘಾಕ ಬರೆ° ಜಾವೊ ಮ್ಹಣು ಮಾಘಲಿಂತಿ. ಥಂಯಚೆ ವಾತಾವರಣ ಪಳೊವನು ಸಗಟಾಂಕ ಸಂತೋಸ ಜಾಲೊ. ಪೂಜೆ ವೇಳಾರ ಸಂಘಾಚೆ ತರಪೇನ ಆಮಿ ಭಜನ ಸೇವಾ ದಿಲಿ. ದೇವಳಾಚೆ ಆಡಳಿತ ಮಂಡಳಿನ ಜೇವಣಾಚಿ ವ್ಯವಸ್ಥಾ ಕೆಲೆಲಿ. ಉಪರಾಂತ ದೇವಳಾಚೆ ಸಭಾಗೃಹಾಂತು° ಸಭಾಕಾರ್ಯಕ್ರಮ ಚಲೊ. ಶುರುವೆಕ ದೇವಳಾಚೆ ಆಡಳಿತ ಮಂಡಳಿಚೊ ಕಾರ್ಯದರ್ಶಿ ರಾಘವೇಂದ್ರ ಭಕ್ತಾ ಹಾಂನಿ° ದೇವಳಾಚೊ ಇತಿಹಾಸ ಕಳಯಲೊ. ದೇವಸ್ಥಾನಾಕ ಸಂಬಂಧ ಪಾವಿಲೆ ಫಕತ 12 ಕುಟುಂಬ ಆಸಚೆ ಹ್ಯಾ ವೆಂಕಟರಮಣ ದೇವಳಾಕ ಇತಿಹಾಸ ಆಸಾ ಮ್ಹಣು ತಾಣೆ ಕಳಯಲೆ°. ಕೊಂಕಣಿ ಸಾಂಸ್ಕೃತಿಕ ಸಂಘಾಚೊ ಅಧ್ಯಕ್ಷ ದಿನೇಶ ಭಟ್ ಹಾಂನಿ° ಸಂಘಾಚೊ ವಳಕ ಕರನು ದಿಲೊ. ದೇವಳಾಚೆ ಪ್ರಭಂದಕ ಅಣ್ಣಪ್ಪ ಪ್ರಭು ಉಪಸ್ಥಿತ ಆಶಿಲೆ. ಸೋಮೇಶ್ವರ ದೇವಳಾಚೆ ಆಡಳಿತ ಮಂಡಳಿಚೆ ಸಾಂಗತ ಶುರುವೇಕಚಿ ಉಲೊವನು ಸಗಟ ವ್ಯವಸ್ಥಾ ಕೆಲೆಲೆ ಆದಲೊ ಅಧ್ಯಕ್ಷ ಸಂತೋಷ ಶೆಣೈ ವೇದಿಕೆರಿ ಉಪಸ್ಥಿತ ಆಶಿಲೆ. ತಾಂನಿ° ದೇವಳಾಚಾಲೊ ಆಬಾರ ಮಾನಲೊ. ಆದಲೊ ಅಧ್ಯಕ್ಷ ರತ್ನಾಕರ ಕುಡ್ವ ಹಾಂನಿ° ಸೂತ್ರ ಸಂಚಾಲನ ಕೆಲೆ°.

ಥಂಯ ದಾಕೂನ ಆಮಿ ವರಂಗಾಚೆ ಜೈನ ಬಸದಿಕ ಭೇಟಿ ದಿಲಿ. ದೋಣಿರಿ ಬಯಸೂನ ಆಮಿ ಬಸದಿಕ ಪಾವಲಿಂತಿ. ಪಾಶ್ರ್ವನಾಥ ಆನಿ ಪದ್ಮಾವತಿ ದೇವಾಂಕ ಪಾಯ ಪಡೂನ ಥಂಯಚೆ ನ್ಹಂಯತು ಆಸಚೆ ಜ್ಹಳಕೆಂಕ ತಾಂದೂಲ ಘಾಲತರಿ ಆಮಿ ಪರತೂನ ಭಾಯರಸರನು ಪಡುಪದ್ರಿಚೆ ಸಮುದ್ರ ತಡಿಯೆಕ ಯೇವನು ಪಾವಲಿಂತಿ. ಥಂಯ ವ್ಹಿಂಗವ್ಹಿಂಗಡ ಖೇಳು ಖೆಳನು ಇನಾಂ ವಾಂಟೂಚೆ° ಜಾಲೆ°. ತಾಜೆ ನಂತರ ಫಳಾರ ಕರನು ಸೀದಾ ರಥಬೀದಿಚೆ ವೆಂಕಟರಮಣ ದೇವಳಾ ಮುಕಾರ ಯೇವನು ಪಾವಲಿಂತಿ. ಎಕ ದುಸ್ರೆಕ ವಿದಾಯ ಸಾಂಗೂನ ಘರಾ ಪಾವಲಿಂತಿ.
– ಮಮತಾ ಕಾಮತ

ಮಂಗಳೂರು: ಹ್ಯಾ ವರಸಾಚೆ ಎಸ್. ಎಸ್. ಎಲ್. ಸಿ ಪರೀಕ್ಷೆಂತು° ದೇವನಾಗರಿ ಲಿಪಿ ವಾಪರೂನ ಪರೀಕ್ಷಾ ಬರಯಿಲೆ 49ಕ 49 ವಿದ್ಯಾರ್ಥಿ ಉತೀರ್ಣ ಜಾವನು 100% ಫಲಿತಾಂಶ ಹಾಡೂಂಕ ಶಕ್ಯ ಜಾಲ್ಯಾಂತಿ ಮ್ಹಣು ಕಳನು ಆಯಲಾ°. ಹಾಂತು° ಆಟ ವಿದ್ಯಾರ್ಥಿಯಾನಿ 90% ಕಯೀ ಚಡ ಅಂಕ ಜೋಡಲ್ಯಾಂತಿ. ಮಹಾಲಕ್ಷ್ಮೀ ಶ್ಯಾನುಭಾಗ - ನ್ಯೂ ಇಂಗ್ಲೀಷ್ ಸ್ಕೂಲ್ ಹೊನ್ನಾವರ – 98%, ಅಮೃತಾ ಖಾರ್ವಿ – ಎ. ವಿ. ಸ್ಕೂಲ್ ಗಂಗೊಳ್ಳಿ – 97%, ಅರ್ಚನಾ ಖಾರ್ವಿ – ಎಸ್. ವಿ. ಸ್ಕೂಲ್ ಗಂಗೊಳ್ಳಿ – 97%, ದೀಪಕ್ ಶ್ಯಾನುಭಾಗ – ಎಸ್. ವಿ ಇಂಗ್ಲೀಷ್ ಸ್ಕೂಲ್ ಗಂಗೊಳ್ಳಿ – 96%, ರಿಯಾ ತಾಂಡೆಲ್ - ನ್ಯೂ ಇಂಗ್ಲೀಷ್ ಸ್ಕೂಲ್, ಹೊನ್ನಾವರ – 96%, ಶಿವರಾಜ ಖಾರ್ವಿ – ಎಸ್. ವಿ. ಸ್ಕೂಲ್ ಗಂಗೊಳ್ಳಿ – 95%, ಜರಿನಾ, ಎಸ್. ವಿ. ಟಿ ಸ್ಕೂಲ್ ಕಾರ್ಕಳ – 94%, ಸಂಜನಾ ಮೇಸ್ತಾ - ನ್ಯೂ ಇಂಗ್ಲೀಷ್ ಸ್ಕೂಲ್ ಹೊನ್ನಾವರ – 90% ಹಾಂನಿ° ಅವಲ್ ಅಂಕ ಜೋಡೂನ ಶಾಳೆಂಚಿ ಭರಮ ವಾಡಯಲ್ಯಾ.

ಕರ್ನಾಟಕಾಂತು° ದ್ಹಾ ಲಾಖ ಕೊಂಕಣಿ ಲೋಕ ಆಸಾತಿ. ಹಾಂನಿ° ಮುಕಾರ ಯೇವನು ಹ್ಯಾ ಪ್ರತಿಭಾನ್ವಿತ ವಿದ್ಯಾರ್ಥಿಯಾಂಕ ವಿದ್ಯಾರ್ಥಿ ವೇತನ ದಿವಚೆ° ಕರಕಾ ಮ್ಹಣು ಶಾಳೆಂತು° ಕೊಂಕಣಿ ಶಿಕ್ಷಣಾ ಬದಲ ಫುಡಾರಪಣ ಘೆತಿಲೆ ಡಾ| ಕೆ. ಮೋಹನ ಪೈ ಹಾಂನಿ° ಫೇಸಬುಕ್ಕಾರಿ ಮಾಘಣಿ ಕೆಲ್ಯಾ.