कोंकणी केंद्र - गोश्रीपुर संघटनेच्या आभिमुख्यार १३ नवम्बर २०२२ तारिखेक आयतारा सांजे ४ वरांचेर कोच्ची तिरुमल देवस्थानाचे उत्तर द्वाराचे लागी कवी श्री. एन. सदानंद कम्मत हांचे घराकडेन "शुभकृत कार्तिक कोंकणी कवि संमेलन" घडेयलें. ह्या पावटी कार्तिक म्हयन्याचें कवि समेलन आसलें. कोंकणी केंद्र - गोश्रीपुर संघटनेचो सदस्य आनी कोंकणी कवी श्री. एन. सदानंद कम्मत हाणीं उपस्थित सगळे कवी गणांक येवकार दिल्लो. प्रार्थनेचे उपरांत सर्वश्री/श्रीमती जितेष आर. कम्मत (पिंजऱ्यांतुली पक्षी), एन. सदानन्द कम्मत (जंबुळ अनि मंकड), के.एन.रमेश भट (ना मू विंगड वाट), एन. माधव रावु (भज्जि), एन. बालकृष्ण मल्ल्या (संतेंतुलें सूणें, भांगराचें चित्तळ), गोश्रीपुरं हरिकुमार (तुलावर्ष बहु चांग), विजय कुमार एन. पै (काणी जीविताची, हांव कोण ?), सुरेश वी. शेणै (माया प्रपञ्च), आर.एस.भास्कर (मळबाकडेन थेंब उदक ना, पंखा), संजय राजगोपाल (हांव एक द्वार), धन्या जी. मल्या (देवु) ह्ये कवीनीं तंतांची कविता सादर केल्यो. मागीर, वाचिल्या कवितेंचेर चर्चा घडली. योगांत कोच्चीची प्रमुख स्तंभ लेखिका, इतिहासकार एवं अनुवादक डॉ. प्रतिमा आशर उपस्थित आशिल्ली.
Monday, 14 November 2022 13:56
कोच्चींत "शुभकृत - कार्तिक कोंकणी कवी संमेलन"
Written by एन. बालकृष्ण मल्ल्या
Published in
Kerala
Tagged under