कोकणी केन्द्र - गोश्रीपुर आयोजित ५८वें प्रतिमास कोंकणी कवि संगम - 'शोभकृत आश्विन' २९, ऑक्टोबर २०२३ आयतारा सांजे ३.३० वराचेर श्री. एन. सदानंद कम्मत हांचे नवे घराकडेन (पळ्ळं मार्ग, कूवप्पाडं, कोच्ची -२) घडयलें. प्रार्थनेचे उपरांत वरिश्ठ बौद्धिक प्रमुख, अद्वितीय वक्ता, बहुभाषी विद्वान आनी कोंकणी लेखक आदरणीय श्री. आर.हरी (हरीयेट्टन) हांचे मरणाक दुःख व्यक्त करून दोन मिनटां मौन दवरलें. मागीर, कोंकणी केंद्र - गोश्रीपुर संस्थे वतीन श्री. एन सदानन्द कम्मत हांणी सगळे कवी गणांक येवकार दिलो. त्या उपरांत घडयलेली कवी गोष्टींत सर्वश्री/श्रीमती : आर.एस.भास्कर (किरात शौर्य), एन सदानन्द कम्मत (आजी ये गृहांतु स्वागत तुमका), विजयकुमार एन. पै (एकलो), आर. रामानन्द प्रभु, (अंतिम इच्छा, कलाचक्र), के. नारायण नायक (कस्सली बांयि खंयि बांयि), गोश्रीपुरं हरिकुमार (आलसो जावनु बेसता इत्याक?), संध्या वि.प्रभु (हस्ति) जया बालकृष्ण कामत (धर्माचरण), एन. बालकृष्ण मल्ल्या (फाटि पोट, दुखांतुलें सुख), सुधीश एस. शेणै (अव्वाळो) ह्ये कवीनीं आपआपली कविता सादर केली. त्या उपरांत, वाचिल्या कवितेंचेर चर्चा घडली. नामानेचो म्हलगडो कोंकणी नाटककार श्री. एम. कृष्णानंद बसकेंत हाजिर आशिल्लो. श्री चितरंजन हांणी कोंकणी केंद्र - गोश्रीपुर वतीन सगळ्या भाग घेवप्यांचे उपकार मानलो. प्रार्थनेचे उपरांत बसका सोंपली.
To Support Kodial Khaber click the following button.
