बदियडका: साहित्य अकाडेमी, नव डिल्ली, हांचे एक विनूतन कार्यावळ भारतीय भाशेंक प्रोत्साहन दिवचो ‘ग्रामलोक’. असलो एक कोंकणी ग्रामलोक कार्यावळ कासरगोड जिल्लेच्या बदियडका ग्रामांत साहित्य अकाडेमी आनी बदयडका ग्राम पंचायताचे जोडपाळार ‘संस्कृती भवन’ हांतु घडली. कोंकणी उलोपी लोकान आनी कोंकणी वाचप आनी बरप करचें नमूनो आनी साहित्य अकाडॆमीचो हाका मळचो फ़ाटिंब हाचे विशय मंगळूरच्या डा. कस्तुरी मोहन पै हांनी मायती दिल्ली. ‘हजार घरांत कोंकणी बरप’ पुस्तक लोकांक वांटुन घरांत कोंकणी बरपाक उत्साह दिलो.
साहित्य अकाडेमीचो कोंकणी वांगडी मेल्विन रोड्रिगस हांनी येवकार केलो. ग्राम पंचायत वांगडी डी. शंकर हे उपस्थित आशिले आनी कोंकणी भाशेच्या उदरगतीक जाय तें सहाय दितां म्हणु आश्वासन दिल्ली. तर्नाट्यानी कोंकणी कविता वाचन केलें. ग्रामाचे कांयतर ६० कोंकणी लोक उपस्थित आशिले.
