कोंकणी भाशा प्रचार सभा आनी कोंकणी केंद्र - गोश्रीपूर हांच्या संयुक्त आदारान कोच्चीच्या चेरळाय हांगाच्या कोंकणी भाषा भवनांत 6 मे सावन सुरू जाल्लें कोंकणी सप्ताह आयतारा 12 मे 2024 दिसा सोंपलें. सकाळीं 11 वरांचेर जाल्ले समापन सुवाळ्याची सुरवात प्रार्थना गीतान जाली. तेन्ना कोंकणी केन्द्र - गोश्रीपुर हांची सचीव श्रीमती एस. संध्या वी. प्रभून सगळ्यांक येवकार दिलो. कोंकणी केन्द्र - गोश्रीपुर संस्थेची कोषाध्यक्ष आनी कोच्ची टीडीएलपी. शाळेची कोंकणी शिक्षक श्रीमती एस. सरस्वती एस. प्रभून अध्यक्षपद सांबाळ्ळें आनी कोंकणी भाषा प्रचार सभेचे संयुक्त सचीव श्री. सुरेश पै पी. हांणी भद्रदीप जळोवन उक्तावण केलें आनी कोंकणी सप्ताहांत वांटो घेवपी भुरग्यांनी बरयल्लीं कथा, कविता आनी चित्रां एकठांय केल्लें "अंकूरी" नांवाचें हातबरप पुस्तकाचें प्रकाशन केलें. कोंकणी कार्यकर्ते आनी कवी श्री. सुरेश वी. शेणै, श्री. एन. बालकृष्ण मल्ल्या, श्री. उमेश टी. भट तांचीं शुभेच्छा दिलीं. कोंकणी केन्द्र - गोश्रीपुर संस्थेचे वतीन श्रीमती. अनिता डी. किणीन आपले उपकार मानले. ह्या सात दिसांनी साहित्य, नाटक, कविता, सेवा, वेपारी क्षेत्र, संस्कार, आचार-अनुष्ठान, भाशेचो प्रसार अशी कोंकणी भाषेक संबंदीत आनी नागरिक अवबोध, सामान्य , व्यक्तित्व विकास अशी हेर विशयां संबंदीत दरेकीं 2 वर्ग आसताले
To Support Kodial Khaber click the following button.
