ದೇಶಾಂತು ಕೊರೊನಾ ರೋಗ ಯೆವುನು ಸರಕಾರಾನ ಲಾಕ್‌ಡೌನ್ ಮ್ಹಣು ಕಾನೂನ ಹಾಳೆಂ. ಹಾಂತು ಸರಕಾರಾನ ದಿಲೆಲ್ಲೆ ಗೈಡ್ ಲೈನ್ ಪ್ರಕಾರ ಉದ್ಯಮ ಕೊರಕಾ. ಪುರಾಯಿ ಉದ್ಯಮ ವ್ಯಾರು ವ ವೈವಾಟು ಜಾಯನಾ. ಬಂಡಸಾಳಿ, ಖಾಣ/ಬೇಕರಿ ಹಾಂಕ ಮಾತ್ರ ಪಾಸ್ ದೀವುನು ಸಕಾಳಿ ೭ ದಾಕೂನ ದೊನಪಾರ ೧೨ ಥಾಂಯ ಅಂಗಡಿ ಉದಾರೆ ದವೂರುಂಕ ಸಾಂಗಿಲೆA. ಹಾಂತು ಖೂಬ ಅನುಭವ ಜಾಲ್ಲೊ. ಲೋಕಾನಿ ಶಿಸ್ತು ಶಿಕುಕಾ ಜಾಲ್ಲೆ. ದೂರ ದೂರ ರಾಬ್ಬುನು ಏಕಲ್ಯಾ ಅಂಗಾರಿ ಅನೇಕಲ್ಯಾನ ಪಣಾಶಿ ಶಿಸ್ತಾರಿ ಟೈಮಾರಿ ತಾಂಕಾ ಜಾಯಿ ಜಾಎಲೊ ಸಾಮಾನು ಗೆತ್ಲೊ. ಲಾಕ್‌ಡೌನ್ ವೇಳಾರಿ ಶಿಕಿಲೊ ಶಿಸ್ತು ಅಂಗಡಿAತು ಆತಂಯ ಪಾಲನ ಕರತಾತಿ.

ಹ್ಯಾ ಕಷ್ಟ ವೇಳಾರಿ ಜನಾಂಕ ಸಕಾಳಿ ದಾಕೂನು ಜಾವುಕಾ ಜಾಲ್ಲಾಲೆ ಖಾಣಾ ತಯಾರಿ ಕರುನ ವಾಟ್ಸಾಪಾರಿ ಬ್ರೊಡಕಾಸ್ಟ್ ಕೆಲೆಂ. ಆರೋಗ್ಯ ಕತೀರ ಕಶಿಂ ಚಲಕಾ ಮ್ಹಣುಯಿ ವಿಷಯ ಘಾಲೊ. ಗಡಿಬಿಡಿ ಕರನಾಶಿ ಜನಾನ ಜಾವುಕಾ ಜಾಲೆಲೆ ತಿತಲೆಂಚಿ ಘೆಯಾ ಮ್ಹಣು ಸಾಂಗ್ಲೆ. ಹಾಂತು ವ್ಯಾರು ಕರತಾಲಾಲೆ ಆನಿ ಗಿರಾಕಿಲೆ ಮಧ್ಯೆಂತು ವಿಶ್ವಾಸು ವಾಡಲೊ.
ಆನಿ ಮುಖಾರಿ ಲೋಕು ಅಸಲೊ ಶಿಸ್ತು ವಾಡ್ಡೂನು ಹಾಡಚೆ ಆನಿ ಜಾಯ ಜಾಲೆಲೆಂಚೀ ಗೆವುಚಾಕ ತಾಂಕಾ ಪ್ರೇರಣಾ ದಿವಚೆಂ, ತಾಂಗೆಲೆ ಆರೋಗ್ಯ ಬದ್ದಲ ಕಾಳಜಿ ಘೇವುನು ಆರೋಗ್ಯ ವಾಡೋಚೆ ಖಾತೀರ ಮಾತ್ರ ತಾಂಕಾ ದೀವುನು ವಿಶ್ವಾಸು ವಾಡೊಚೆಂ ಆಶಿಂ ಪುರಾಯಿ ಮುಖಾರಸುನು ಭವಿಷ್ಯಾರಿ ಆನಿ ದೋನಿ ವರಸಾ ಮಟ್ಟಾಕ ಅಶೀ ಶಿಸ್ತು ಆಸ್ತಲೊ ಮ್ಹಣು ದಿಸತಾ.

ಆನಿ ಸದ್ಯಾ ಮಟ್ಟಾಕ ಥೊಡೆ ಉದ್ಯಮ ಸೋಳ್ಯಾರಿ ಉರಲೆಲೆ ಉದ್ಯಮಂ ಹಗುರ ವಯಿರಿ ಯೆವುಚೆ ದಿಸುನು ಯೆತಾ. ಜಾಲ್ಯಾರಿ ಆತಂ ಏಕ ಹಪ್ತೊ ದಾಕೂನು ಪಳಯಲ್ಯಾರಿ ಲೋಕು ರಾತಿ ೭.೩೦ ಭಿತ್ತರಿ ಘರಾಂತ ಬಸಚೆಂ ದಿಸೂನ ಯೆತಾ. ೮.೦೦ ಘಂಟ್ಯಾಕ ಸಗಟ ಆಂಗಡಿಯೊ ಬಂದ್ ಜಾತಾ ಆಸಾತಿ. ಖಂಡಿತ ಜಾವುನು ಕರೋನಾನ ಆಮ್ಕಾ ಖೂಬ ಶಿಸ್ತು ಶಿಕಯಲಾ.

ಹ್ಯಾ ಕೊರೊನಾ ಮಾರಿ ಸಂಪೂರ್ಣ ಜಾವುನು ಪ್ರಪಂಚಾ ದಾಕೂನು ವಚ್ಚೊ ಥಾಂಯ್ ಸಗಟ ಲೋಕಾನ ಕಿತುಲೆ ಜಾವುಕಾ ತಿತ್ತುಲೆ ಮಾತ್ರ ಸಂಚಾರ ಕೋರಕಾ. ಮ್ಹಾಂರ‍್ಯಾನಿ ಆನಿ ಬಾಳಾನಿ ಘರಾಂತ ಬಯಸುನು ಆರೋಗ್ಯ ರಾಖೂಕಾ. ವ್ಯಾಪಾರು ವಹಿವಾಟು ಕರತಲ್ಯಾನಿ ಪ್ರಾಮಾಣಿಕ ಜಾವುನು ವ್ಯಾಪಾರ ಕರನು ಅನಾವಶ್ಯಕ ಜಾವನು ಮ್ಹೋಲ ವಾಡಯನಾಶಿಂ ತಾಂಗೆಲೆ ಗ್ರಾಹಕಾಂಕ ನ್ಯಾಯ ದೀವುಕಾ. ದೇವಾ ಲಾಗಿ, ಆಮ್ಗೆಲೆ ಸಮಾಜಾಚೆ ಸ್ವಾಮ್ಯಾ ಲಾಗಿ ಪ್ರಾರ್ಥನ ಕರುನ ಆಮ್ಗೆಲೆ ದೇಶಾ ದಾಕೂನ ಹೀ ಕೊರೊನಾ ಮಾರಿ ದೂರ ವಚುಕಾ ಮ್ಹಣು ಮಾಘೂಯಾಂ.

- ನರೇಶ ರಾಮದಾಸ ಕಿಣಿ

• Prev