ಶ್ರೀಕೃಷ್ಣಾಲೆ ವೈಕುಂಠಾಕ ಪುತ್ತಣ್ಣಾಲೆ ಯಾತ್ರಾ

24 11

ಪುತ್ತಣ್ಣಾ ಮ್ಹೋಣು ಸಾರಸ್ವತ ಸಮಾಜಾಂತು ಫಾಮಾದ ಆಶಿಲೊ ಶ್ರೀಮದ್ ವಿದ್ಯಾಧಿರಾಜ ಸ್ವಾಮ್ಯಾಂಗೆಲೆ ಭಜಕವರ್ಗಾಂತು ವಿಶೇಷ ಪ್ರೀತ್ಯಾದರಾಕ ಭಾಜನ ಜಾಲ್ಲಿಲೊ ಹನುಮಂತ ಮ್ಹಾಳಪ್ಪಾ ಪೈ ಮುಖ್ಯಪ್ರಾಣಾಲೆ ತತ್ವಾಂತು ಲೀನ ಜಾಲ್ಲೊ. ವ್ಯಕ್ತಿನ ಕರಚೆ ಕಾಮ ದೇವಾಕ ಇಷ್ಟಾಚೆ ಆಸಲೆರಿ ತಾಂಕಾ ವಿಷ್ಣುಪದ ಭೆಗ್ಗಿಚ ಮೆಳತಾ ಮ್ಹಣಚೆ ಫಾಲ್ಸ ನೈ. ಕೃಷ್ಣಾಷ್ಟಮಿಚೆ ಪರ್ವದಿವಸಾಕ ಜೀವೋತ್ತಮಾಲೆ ಸಾನಿಧ್ಯಾಕ ಪಾವಿಲೆ ಪುತ್ತಣ್ಣಾಲೆ ನಾಂವ ಹನುಮಂತ ಆಶಿಲೆಕ ತಾನ್ನಿ ಕೊಂಕಣಿ ಸಮಾಜಾಕ ಸಂಬoಧ ಆಸ್ಸೂಚೆ ಸರ್ವ ಮಠಾಚೆ ಯತಿವರ್ಯ ಆನಿ ಭಜಕಾಂಕ ಏಕ ಸೇತು ಆಶಿಲೆವಾರಿ ಕಾಮ ಕೆಲ್ಯಾಚಿ. ಸಮಾಜಾಕ ತಾಂಗೆಲೆ ಅಸ್ಮಿತಾಯ್ ಕೃಷ್ಣಾ ಮಿಲ್ಕ್ ಹಾಜ್ಜೆ ಸಂಸ್ಥಾಪಕ ಮ್ಹೋಣು ಆಸಲೆರಿ ಕೊಂಕಣಿ ಬಾಂಧವಾoಕ ಪುತ್ತಣ್ಣಾ ಮಾಯಮೊಗಾಚೊ ಅಣ್ಣಾ ಜಾವ್ನು ಆಶಿಲೊ.

ಪರ್ತಗಾಳಿ ಮಠಾಚೆ ನಿಕಟಪೂರ್ವ ಸ್ವಾಮಿ ಜಾವ್ನು ಆಶಿಲೆ ಶ್ರೀಮದ್ ವಿದ್ಯಾಧಿರಾಜ ತೀರ್ಥಾಂಗೆಲೆ ಪ್ರಿಯಭಜಕ ಪುತ್ತಣ್ಣಾ. ವರಶಾಂತು 6 ಮಹಿನೆ ಪಶೆ ಚಡ ವೇಳು ತಾನ್ನಿ ಮಠ ಆನಿ ಸಮಾಜಾಚೆ ಉದ್ಧಾರಾಕಚ ಸಮರ್ಪಣ ಕೆಲ್ಲಿಲೆ ಆಸಾ. ಪರ್ತಗಾಳಿ ಸ್ವಾಮ್ಯಾನಿ ವಚ್ಚೆ ರ‍್ಯೇಕ ಜಾಗೆರ ಪುತ್ತಣ್ಣಾ ದಿಸ್ತಾಶಿಲೆ. ವಿದ್ಯಾಧಿರಾಜ ಸ್ವಾಮ್ಯಾಂಗೆಲೆ ದುರ್ಗಮ ಗಂಡಕಿ ಯಾತ್ರೆಂತುವರಿ ಪುತ್ತಣ್ಣಾ ಸ್ವಾಮ್ಯಾಲೆ ಸಾವಳಿ ಜಾವನು ಆಶಿಲೆ. ಪಂಢರಪುರ, ಅಯೋಧ್ಯಾ, ಬದರಿ ಅಸಲೆ ಜಾಗೆರ್ ಆಯೋಜನ ಕೆಲ್ಲಿಲೆ ವಿದ್ಯಾಧಿರಾಜ ಸ್ವಾಮ್ಯಾಲೆ ಚಾತುರ್ಮಾಸಾಕ ಕರ್ನಾಟಕಾಚೆ ಭಜಕಾಂಕ ತೀರ್ಥಕ್ಷೇತ್ರ ದರ್ಶನ ಕರೊವಚಾಕ ಆನಿ ಸ್ವಾಮ್ಯಾಲೆ ದರ್ಶನ ಮೆಳೊವಚಾಕ ತಾನ್ನಿ ಚಾಂಗ ಕಾಮ ಕೆಲ್ಯಾ. ಸ್ವಾಮಿಭಕ್ತ ಆನಿ ಸಮಾಜಸೇವಾಸಕ್ತ ಪುತ್ತಣ್ಣಾಲೆ ಮರಣ ಗೌಡ ಸಾರಸ್ವತ ಸಮಾಜಾಕ ಜಾಲ್ಲಿಲೆ ನಷ್ಟ. ದೇವಸಮಾನ ಗುರು ವಿದ್ಯಾಧಿರಾಜ ಸ್ವಾಮ್ಯಾನಿ ವಿಷ್ಣುಪದಾಕ ಪಾವಿಲೆ ಏಕ ಮಹಿನೆಂತು ಪುತ್ತಣ್ಣಾಲೆ ನಿರ್ಗಮನ ಜಾಲ್ಲಿಲೆ ಪಳಯಲ್ಯಾರಿ ರಾಮಸೇವೆಕ ಹನುಮಂತಾನ ಸರ್ವಸ್ವ ತ್ಯಾಗ ಕೆಲ್ಲಿಲೆ ತಶೆ ದಿಸ್ತಾ.

ಏಕ ಉದ್ಯಮಿ ಜಾವ್ನು ಶ್ರೀಕೃಷ್ಣಾ ಮಿಲ್ಕ್ ಲೊಕಾಲೆ ಘರಘರಾಕ ಪಾವಯಿಲ್ಲೆ ಕೀರ್ತಿ ತಾಂಕಾ ಮೆಳತಾ. ಉತ್ತರಕನ್ನಡಾಚೆ ಭಟ್ಕಳ ಮೂಲಾಚೆ ಪುತ್ತಣ್ಣಾ, ತಾಂಗೆಲೆ ಉದ್ಯಮಾಕ ವಿಂಚುನು ಘೆತಿಲೊ ಜಾಗೊ ಯಲ್ಲಾಪುರ ಲಾಗಿಚೆ ಕಿರವತ್ತಿ. ಆಜಿ ಕಿರವತ್ತಿಕ ಚಾಂಗ ನಾಂವ ಯವಚಾಕ ಕಾರಣ ಹಾನ್ನಿ ಜಾವನು ಆಸ್ಸಾಚಿ. ಸಾಂಗತ ಗೆಲ್ಲೆರಿ ಪುಸ್ತಕ ಬರೊವಚೆ ತಿತ್ಲೆ ಚಮತ್ಕಾರ ತಾಂಗೆಲೆ ಹಾತಾನ ಘಡಲ್ಯಾ. ಆಜಿ ಕೊಂಕಣಿ ಸಮಾಜಾಕ ಪುತ್ತಣ್ಣಾಲೆ ನಾಂವ ಕಳೀತ ನಾ ಮಣಚೆ ತಸಲೆ ವ್ಯಕ್ತಿ ಕೋಣ ನಾ ಮ್ಹಣ್ಯೇತ. ಸಾರಸ್ವತ ಸಮಾಜಾಚೆ ಏಕ ರತ್ನ ಆಜಿ ಆಮಗೆಲೆ ಮಧೆಂ ನಾ. ತಾನ್ನಿ ಕೆಲ್ಲಿಲೆ ಕಾಮ ಆನಿ ತಾಂಗೆಲೆ ಸಂದೇಶ ಕಿತಲೆಕಿ ತರನಾಟೆಂಕ ಮಾರ್ಗದರ್ಶಕ ಜಾವಚೆ ತಶಿ ಆಸಾ. ಶ್ರೀಕೃಷ್ಣಾಲೆ ವೈಕುಂಠಾಕ ಪುತ್ತಣ್ಣಾಲೆ ಯಾತ್ರಾ ಕೃಷ್ಣಾಷ್ಟಮಿಕ ಜಾಲ್ಯಾ. ಸಮಾಜಾಕ ತಾನ್ನಿ ದಿಲ್ಲಿಲೆ ದೇಣಿಗಾ ಆನಿ ದುರ್ಬಳ್ಯಾಂಕ ತಾಂಗೆಲೆ ಹಾತಾನ ಜಾಲ್ಲಿಲೆ ಸೇವಾ ಸದ್ದಾಂ ಯಾದ ಉರಚೆ ತಸಲೆ. ಓಂ ಶಾಂತಿ ಮ್ಹಣತ ತಾಂಗೆಲೆ ದಿವ್ಯ ಆತ್ಮಾಕ ಮೆಗೆಲೆ ಅಕ್ಷರತರ್ಪಣ ಸಮರ್ಪಣ.

- ಅರವಿಂದ ಶ್ಯಾನಭಾಗ, ಬಾಳೇರಿ

Math-Mandir

ಶ್ರೀ ಕಾಶೀಮಠ ಸಂಸ್ಥಾನ ವೆಲಫೆರ್

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ

ಯುಗಾದಿ ಪ್ರಯುಕ್ತ ಶ್ರೀದೇವಾಕ

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°

ಗೋಕರ್ಣ ಮಠಾಧೀಶ ಮೊಕ್ಕಾ°

ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°

View All

Youth

cache/resized/c4ee2d8f413b2cab1bb88adc876a5320.png

ಉದ್ಯೋಗ ಆನೀ ನಿರುದ್ಯೋಗ

ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ

ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ

18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ

GSB Scholarship League

This application is only for the poor

View All

Events

कोंकणिंतल्या अस्तुरी

कोंकणिंतल्या अस्तुरी साहित्याचेर

ಅನುವಾದ ಮ್ಹಳ್ಯಾರ ಮೀಟಾಚೆ ದೋಣಿರ

ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ

ಮಕರ ಸಂಕ್ರಾοತಿ ಆಚರಣಾ

ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ

View All

Shabdvihar

ಮಸೀಂಗ

ಮಸೀಂಗಾ ಪಾಲ್ಯಾ ಮುದ್ದೊ ಕರತಾತಿ. ಮಸೀಂಗಾ ಫುಲ್ಲಾಚೀ ಭುತ್ತಿ ಕರತಾತಿ. ಗೂಳ ಆನೀ ಮಸೀಂಗ ಘಾಲೂನ ಕೆಲೆಲೊ ಕೋಳಂಬೊ ಭೌವ ರುಚಿಕರ. ಹೇ ವಯಲೆ ವಾಕ್ಯಾಂತು ಮಸೀಂಗ ಮ್ಹಣಚೊ ಜೋ ಶಬ್ದು ವಾಪರಲೊ ಆಸಾ ತಾಜೊ ಅರ್ಥ ಸರ್ವಯೀ ಜಾಣಾ. ಸರ್ವ ಸಾಮಾನ್ಯ ಸಕಡಾನಿ ತಾಚೀ ರೂಚಿ ಪಳಯಲ್ಯಾ. ಮಸೀಂಗ ರಾಂದಯೇಕ ವಾಪರಚೋ ಏಕ ವಸ್ತು. ಹಾಚಿ ವ್ಯುತ್ಪತ್ತಿ ವಿಶಿ ವಿಚಾರ ಕರಯಾಂ.

ಮಸೀಂಗ ಮ್ಹಣು ಖಂಚಾಕ ಆಮೀ ಸಾಂಗತಾತ ತೆಂ ಅಥರ್ಾಚೊ ಸಂಸ್ಕೃತ ಶಬ್ದು ಶೋಭಾಂಜನ, ಪದ್ರಾರಿನಾಶನ ಮ್ಹಣು ಜಾವನು ಆಸಾ. ಮಸೀಂಗ ಮ್ಹಣಚೇ ಶಬ್ದಾಕ ಆನೀಕ ಹೇ ಸಂಸ್ಕೃತ ಶಬ್ದಾಕ ಕಾಂಯಿ ಸಂಬಂಧ ಆಶಿಲೊ ದಿಸನಾ ಮ್ಹಣತಾನಾ ಮಸೀಂಗ ಶಬ್ದು ಖ್ಹಂಯ ದಾಕೂನ ಆಯಲೊ ಪಳೊವಯಾಂ. ಬಾರಾ ಶತಮಾನಾಚೆ ಏಕ ಶಿವಶರಣೆ ಗಿರಿಜವ್ವಾ ಮ್ಹಣಚೆ ನಾವಾಂಚೆ ಏಕ ವಚನಕಾತರ್ಿನ ತಿಗೇಲೆ ವಚನಾಂತ ಮಹಿಷ ಮ್ಹಣು ಮಸೀಂಗ ಮ್ಹಣಚೆ ಅಥರ್ಾರಿ ಪ್ರಯೋಗ ಕೆಲ್ಲಾ ಮ್ಹಣತಾನಾ ಮಸೀಂಗ ಮ್ಹಣಚೊ ಶಬ್ದಾಚೇ ಮೂಲ ಮಹಿಷ ಮ್ಹಣು ಜಾಲ್ಲೆ. ಮಸೀಂಗ ಮ್ಹಣಚೇ ಶಬ್ದಾಂತು ದೋನಿ ಶಬ್ದ ಮಸಿ + ಷಾಂಗ ಮ್ಹಣು ಆಸತಿ. ಮಸಿ ಮ್ಹಣಚೊ ಶಬ್ದು ಮಹಿಷ ಶಬ್ದಾಚೆ ಅಪಭ್ರಂಶ ರೂಪ. ಮಹಿಷಿ > ಮ ಇಸ ಮಸೀ ಮ್ಹಣು ಜಾಲ್ಲಾ. ತಾಕಾ ಸಾಂಗ ಶಬ್ದು ಮೆಳೇಲೇ ತಾವಳಿ ಮಸಿ + ಸಾಂಗ ಮಸೀಂಗ ಮ್ಹಣು ಜಾಲ್ಲಾ. ಮಸೀಂಗ ಮ್ಹಣಚಾತೋಂಚಿ ಸಾಂಗ ಶಬ್ದು ಮೇಳನು ಆಶಿಲ್ಯಾನ ಮಸೀಂಗಾ ಸಾಂಗ ಮ್ಹಳ್ಯಾರಿ ಹಾಂತು ಸಾಂಗ ಶಬ್ದಾಚಿ ದ್ವಿರುಕ್ತಿ ಪ್ರಯೋಗ ಜಾಲ್ಯಾವರಿ ಜಾತಾ. ಜಾಲ್ಲೆ ನಿಮಿತ್ತ ಮಸೀಂಗ ಮ್ಹಳ್ಯಾರ ಪುರೊ. ಮಸೀಂಗಾ ಸಾಂಗ ಮ್ಹಣಕಾ ಮ್ಹಣು ನಾ. ಗೋಯಾಂತು ಮಸಕಾ ಸಾಂಗಾ ಮ್ಹಣತಾತಿ. ಹಿಂದೀಂತು ಮುನಗಾ ಮ್ಹಣತಾತಿ.

ವಿಶೇಷ ಕಸಲೆಂ ಮ್ಹಳ್ಯಾರಿ ಸಂಸ್ಕೃತ ಭಾಶೆಂತು ಹೆ ಮಸೀಂಗಾಕ ಸ್ತ್ರೀ ಚಿತ್ತಹಾರಿ ಮ್ಹಣತಾತಿ. ಹಾಜೆನ ಹೆ ಮಸೀ ಸಾಂಗ ಬಾಯಲಾಲೇ ಮನ ಅಪಹರಣ ಕರಚೇ ಜಾವನು ಆಸಾ. ಮ್ಹಳಯಾರಿ ಬಾಯಿಲಾಂಕ ಹೆಂ ಮನೀಸಾಂಗ ಭೌ ಪ್ರಿಯ ಜಾವನು ಆಸಾ ಖ್ಹಂಯ.

Education