ಬೆಂಗಳೂರು: ಶ್ರೀ ಗೋಕರ್ಣ ಪರ್ತಗಾಲಿ ಜಿವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಹಾಂನಿ° ಆಜೀ (ಡಿ. 17) ಸಕಾಳಿ ಬೆಂಗಳೂರ ಮೊಕ್ಕಾಂ ದಾಕೂನ ಪರ್ತಗಾಲಿಚೆ ಕೇಂದ್ರ ಮಠಾಕ ವಚೆ ವಾಟೇರಿ ನೈಸ ರಸ್ತೆಚೆ ಬಗಲೇನ ಕಾರ ರಾಬೋನ ಮಠಾಚೊ ಮ್ಹಲ್ಗಡೊ ಅನುಯಾಯಿ ದಂಪತಿoಕ ಪ್ರಸಾದ ದೀವನು ಆಶೀರ್ವಾದ ಕರಚೆ° ಜಾಲೆ°.
ಶುರುವೇಕಚಿ ಗುರುವರ್ಯಾಂಕ ಮಾಘಣಿ ಕೆಲೆಲೆ ಪ್ರಮಾಣೆ ಸಕಾಳಿ ಸಾಬಾರ 11 ಗಂಟ್ಯಾಕ ಬೆಂಗಳೂರ ಜಯನಗರ ನಿವಾಸಿ ಶ್ರೀ ಗಜಾನನ ಗ್ರೂಪಾಚೆ ಮ್ಹಾಲ್ಗಡೆ ಮನೀಸ ಕಟಪಾಡಿ ಕಮಲದಾಸ ಶೆಣೈ ಆನಿ ತಾಂಗೆಲಿ ಬಾಯಲ ಶೀಲಾ ಶೆಣೈ ನೈಸ್ ರಸ್ತೆಚೆ ಬಗಲೇನ ಗುರುವರ್ಯಾಂಕ ರಾಖತ ಆಶಿಲೆ. ವೇಳಾರ ಆಯಿಲೆ ಗುರುವರ್ಯಾನಿ ರಸ್ತೆ ಬಗಲೇನ ಕಾರ ರಾಬೋವನು ಮಠಾಚೆ ಪರಮ ಅನುಯಾಯಿ ದಂಪತಿಲೊ ಗೌರವ ಸ್ವೀಕಾರ ಕೆಲೊ ಆನೀ ತಾಂಕಾ° ಆಶೀರ್ವಾದ ದಿಲೊ. ಆಜೀ ಶೀಲಾ ಶೆಣೈ ಹಾಂಗೆಲೊ 80ವೊ ಜಲ್ಮ ದೀವಸ ಜಾವನು ಆಸಚೆ° ವಿಶೇಷ ಜಾವನು ಆಸಾ.