ಉಡುಪಿ: ಜಿಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆ ಆನಿ ಸಮರ್ಪಣಾ ಚಾರಿಟೇಬಲ್ ಟ್ರಸ್ಟ್ ಮುದರಂಗಡಿ ಹಾಂಗೆಲೆ ಜೋಡ ಆಶ್ರಾಯಾಂತ ಹಾಂಗಾಚೆ ಅಂಬಾಗಿಲು ಅಮೃತ ಗಾರ್ಡನ್ ಆಡಿಟೋರಿಯಾಂತು° ಆರತಾ° 11ವೆ° ವರಸಾಚೆ ವಿದ್ಯಾ ಪೋಷಕ ನಿಧಿ ವಿದ್ಯಾರ್ಥಿ ವೇತನ ವಾಂಟಪ ಆನಿ ಪ್ರತಿಭಾ ಪುರಸ್ಕಾರ ಸುವಾಳೊ ಘಡಲೊ. ಮುಖೇಲ ಸೊಯ್ರೆ ಜಾವನು ವೇ. ಮೂ. ರಾಮಚಂದ್ರ ಅನಂತ್ ಭಟ್, ವೇ. ಮೂ. ವಿಠ್ಠಲ್ ಭಟ್ ಮಂಗಳೂರು, ಸಿ. ಎ. ಸುಧೀರ್ ಪ್ರಭು ಬೆಂಗಳೂರು, ಹೋಟೆಲ್ ಉಧ್ಯಮಿ ಸಮಾಜ ಸೇವಕ ರಘುವೀರ್ ಶೆಣೈ ಆಂಧ್ರಪ್ರದೇಶ, ಪ್ರಸಿದ್ಧ ಗಾಯಕ° ಶಂಕರ್ ಶ್ಯಾನಭಾಗ್ ಬೆಂಗಳೂರು, ವಿದ್ಯಾಪೋಷಕ ನಿಧಿಚೊ ಅಧ್ಯಕ್ಷ ಸಿ.ಎ. ಎಸ್. ಎಸ್. ನಾಯಕ್, ಸಿ.ಎ. ಗೋಪಾಲಕೃಷ್ಣ ಭಟ್,ವಿನೋದ್ ಕಾಮತ್ ಕಲ್ಯಾಣಪುರ, ಜಿಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆಚೊ ಅಧ್ಯಕ್ಷ ಜಿ. ಸತೀಶ್ ಹೆಗ್ಡೆ ಕೋಟ, ಸಂಚಾಲಕ ಆರ್. ವಿವೇಕಾನಂದ ಶೆಣೈ, ಪ್ರಧಾನ ಕಾರ್ಯದರ್ಶಿ ಸಾಣೂರು ನರಸಿಂಹ ಕಾಮತ್ ಆನಿ ಹೇರ ವಾಂಗಡಿ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಮಂಗಳೂರು : ಮಾಕ್ಷಿಚೆ ಚಾರ ದಶಕಾ ದಾಕೂನು ಕೊಂಕಣಿ ಭಾಸ ಆನಿ ಸಂಸ್ಕೃತಿಚೆ ಸೇವಾ ಕರೂನ ಆಸಚೆ ಹಾಂಗಾಚೆ ಕೊಂಕಣಿ ಸಾಂಸ್ಕೃತಿಕ ಸಂಘ ಹಾಂನಿ° ಅ.23ಕ "ಕೊಂಕಣಿ ಮಾನ್ಯತಾಯ್ ದಿವಸ" ಆಚರಣ ಕೆಲೊ. ಕೆನರಾ ಶಾಳೆಚೆ ಶ್ರೀ ಸುಧೀಂದ್ರ ಸಭಾಭವನಾಂತು° ಚಲೆಲೆ ಹ್ಯಾ ಕಾರ್ಯಕ್ರಮಾಚೆ ಉಗ್ತಾವಣ ಶಾಸಕ ಡಿ. ವೇದವ್ಯಾಸ ಕಾಮತ್ ಹಾಂನಿ° ದೀವೊ ಲಾವನು ಕೆಲೊ. "ಕೊಂಕಣಿ ಎಕಿ ಸಮೃದ್ಧ ಭಾಸ. ವೆಗವೆಗಳೆ ಧರ್ಮಾಚೆ ಆನಿ ವ್ಹಿಂಗವ್ಹಿoಗಡ ಪಂಗಡಾಚಾಲಿ ಮಾತೃಭಾಸ ಜಾವನು ಆಸಾ. ಮ್ಹಾಲ್ಗಡೆಲೆ ನಿಸ್ವಾರ್ಥ ಸೇವೆಚೆ ನಿಮಿತ ಆಮಗೆಲೆ ಭಾಶೆಕ ಸರ್ವ ಸ್ಥಾನಮಾನ° ಮೆಳ್ಯಾಂತಿ. ತೆ° ವರೋನ ಹಾಡಚಿ ಜಬಾಬ್ದಾರಿ ಆಮಗೆಲಿ ಜಾವನು ಆಸಾ. ಆಮಿ ಸಗಟಾನ ಮೇಳನು ತೆ° ಕರೂಂಕ ಜಾಯ" ಮ್ಹಣು ತಾಣೆ ಸಾಂಗಲೆ°.
ಎಸ್ ಎಲ್ ಶೇಟ್ ಜ್ಯುವೆಲ್ಲರ್ಸ್ ಎಂಡ್ ಡೈಮಂಡ್ ಹೌಸ್ ಹಾಜೊ ಮಾಲಕು ಪ್ರಶಾಂತ್ ಶೇಟ್ ಮುಖೇಲ ಸೊಯ್ರೆ ಆಶಿಲೆ. "ಮೆಗೆಲೊ ಬಾಪೂಸು ದೇವಾದಿನ ಎಂ. ರಘುನಾಥ್ ಶೇಟ್ ಹಾಂನಿ° ಕೊಂಕಣಿ ಭಾಸೆಚೆ ಝುಜಾಂತು° ಮುಕಾರ ಆಶಿಲೆ. ತಾಂಗೆಲೆ ಮಾರ್ಗದರ್ಶನಾಚೆ ವಾಟೆರಿ ಕೊಂಕಣಿ ಭಾಶೆಚಿ ಸೇವಾ ಕರಚಾಂತು° ಹಾಂವ° ಆಸತಲೊ. ಜಾತಿ ಮತ ಭೇದ ಕರನಾಶಿ° ಆಮೀ ಸಗಟ ಮೇಳನು ಮಾತೃಬಾಸ ಕೊಂಕಣಿಚಿ ಸೇವಾ ಕರೂಯಾ°" ಮ್ಹಣು ತಾಣೆ ಉಲೋ ದಿಲೊ.
ಕೊಡಿಯಾಲ ಖಬರ ಡಾಟ್ ಕಾಮ್ ಹಾಜೊ ಸಂಪಾದಕ ವೆಂಕಟೇಶ ಎನ್. ಬಾಳಿಗಾ ಹಾಂನಿ° ಕೊಂಕಣಿ ಮಾನ್ಯತಾ ದೀಸಾಚೊ ಸಂದೇಶ ದಿಲೊ. "ಸರಕಾರಾನಿ ಆಮಗೆಲೆ ಭಾಶೆಕ ದಿವಕಾ ಜಾಲೆಲೆ ಸಗಟ ಮಾನ್ಯತಾಯ ದಿಲೆಲೆ ಆಸಾ. ದೇಶಾಚೆ ಸಂವಿಧಾನಾಚೆ 8ವೇ ವಳೇರಿಂತು° ಸ್ಥಾನ, ಕೊಂಕಣಿ ಸಾಹಿತ್ಯ ಅಕಾಡೆಮಿಚಿ ಮಾನ್ಯತಾ, ಶಾಳಾ ಕಾಲೇಜಾಂತು° ಕೊಂಕಣಿ ಶಿಕ್ಷಣ, ಕೊಂಕಣಿ ಎಂ. ಎ. ಕರಚಾಕ ಅವಕಾಶ, ಜ್ಞಾನಪೀಠ ಪ್ರಶಸ್ತಿ, ಸರಸ್ವತಿ ಸಮ್ಮಾನ ಅಶೆ° ಸರ್ವ ಮಾನ್ಯತಾ ಆಮಗೆಲಿ ಮಾತೃಭಾಸ ಕೊಂಕಣಿಕ ಮೆಳೆಲಿ ಆಸಾ. ಆಜಿ ಆಮಿ ಕೊಂಕಣಿ ಶಿಕ್ಷಣಾಕ ಚಡ ಮಹತ್ವ ದಿವಚೆ° ಗರಜೆಚೆ° ಆಸಾ. ಬರೊವಚೆ ಆನಿ ವಾಚೂಚೆ° ಕರನಾಶಿ° ಖಂಚೆಯಿ ಭಾಸ ವರನಾ" ಮ್ಹಣು ತಾಣೆ ಸಾಂಗಲೆ°.
ಹ್ಯಾಚ ಕಾರ್ಯಕ್ರಮಾಂತು° ಸಂಘಾಚೊ ಸಂಸ್ಥಾಪಕ ದೇವಾದಿನ ಜಿ. ಜಿ. ವಾಸುದೇವ ಪ್ರಭು ಹಾಂಗೆಲೆ ಸಂಸ್ಮರಣ ಜಾಲೆ°. ಸ್ಥಾಪಕ ಸಾಂದೊ ಸವನಾಳ ಜನಾರ್ಧನ ರಾವ್ ಹಾಂನಿ ಸ್ಥಾಪಕಾಲೆ° ಗುಣಗಾನ ಕೆಲೆ°. ಸ್ಥಾಪಕಾಲೆ ಕುಟುಂಬೆ ತರಪೇನ ಸೂನ ಮಿತ್ರಾ ಪ್ರಭು ಉಪಸ್ಥಿತ ಆಶಿಲಿ. ಕೆನರಾ ಹೈಸ್ಕೂಲ್ ಅಸೋಸಿಯೇಷನಾಚೊ ಸಿ. ಎ. ವಾಮನ್ ಕಾಮತ್ ಆನಿ ಉದ್ಯಮಿ ಯಜ್ಞವಂತ ಪೈ ಮಾನಾಚೆ ಸೊಯ್ರೆ ಆಶಿಲೆ.
ಕೊಂಕಣಿ ಸಾಧಕ ಪ್ರಕಾಶ ನಾಯಕ ಆನಿ ಗೌರಿ ಆರ್. ಮಲ್ಯ ಹಾಂಕಾ° ದೇವಾದಿನ ಎಂ. ರಘುನಾಥ್ ಶೇಟ್ ಸ್ಮಾರಕ ಪ್ರಶಸ್ತಿ ದೀವನು ಸನ್ಮಾನ ಚಲೊ. ಸಂಘಾಚಿ ಅಧ್ಯಕ್ಷಾ ಪ್ರಭಾ ಭಟ್ ಹಾಂನಿ ಯೆವ್ಕಾರ ಮಾಘಲೊ. ಕಾರ್ಯದರ್ಶಿ ಸುವರ್ಣಿ ಪಡಿಯಾರಾನ ಆಬಾರ ಮಾನಲೊ. ರತ್ನಾಕರ ಕುಡ್ವ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಸಂಘಾಚೆ ಸಾಂದ್ಯಾನಿ ಬಿ. ವಿ. ಬಾಳಿಗಾ ಹಾಂಗೆಲಿ ರಚನಾ "ಗೊಡಿ ಗೊಡಿ ಹೋಡಿ ಭಾಸ ಕೊಂಕಣಿ" ಗಾಯಲಿ. ಸಪ್ತಮಿ ಮಲ್ಯ ಹೀಣೆ ಕೊಂಕಣಿ ಗೀತೆಕ ಭರತನಾಟ್ಯ ಕೆಲೆ°. ಬಾಲ ಕಲಾವಿದಾ° ಸ್ತುತಿ ನಾಯಕ್ ಆನಿ ಸ್ಮಿತಿ ನಾಯಕ ಹಾಂನಿ° ಕೊಂಕಣಿ ಗೀತೆತ ನ್ರತ್ಯ ಪ್ರದರ್ಶನ ಕೆಲೆ°. ಆಖೇರಿಕ ವಿಶ್ವನಾಥ್ ಭಟ್ ಆನಿ ಪಂಗಡಾನ "ಸಕಲ ಕಲಾ ವಲ್ಲಭ" ಕೊಂಕಣಿ ನಾಟ್ಕುಳೆ° ಪ್ರರ್ದಶನ ಕೆಲೆ°.

To Support Kodial Khaber click the following button.

“काश्मीरचे पूंच -राजौरी प्रदेशांत  एक वेळा भयोत्पादकांनी भितरी रिगलारी थोडेची वेळान  रान्ना भितरी सेरवनू  मसत  अपाय हाडताची तशी जावनू तान्नी  रिगचे आरंभाचे कालारीच तांका मारनू घालका जात्ता. असले एक तुर्तू काऱ्याचरणेचे वेळ यूव भूसेनाधिकारी मरणोत्तर शौऱ्य चक्र विजेत लेफ्टिनेंट कर्नल अजीत भंडारकार  तांगेले सैन्य बला थावनू दोग जण उग्रवादिंक जिवशी मारनू हेरांक ग्रेनेड गुरी दवरतानाची शत्रुंगेले गुंडेटाक बली जालिंती. अशीं तांगेले ३९  वयांतूची देशा खातीर  प्राणा त्याग केलेले अजीत मेगेल्या पशीं वयले स्थान घेत्तांची” …. अशीं लेफ्टिनेंट जनरल सेनाधिकारी पदविंत निवृत्ती घेत्तिलो  ले.ज पिजी कामत हान्नी अभिपराय सांगले. हान्नी विश्व कोंकणी केंद्रांत  देवाधीन. ले.क अजीत  हांगेले जीवन साधना बद्दल तांगेले  बायल शकुंतला अजीत भंडारकार हान्नी बरयलें “ द सगा आफ ए ब्रेव हार्ट” पुसतकाचे कोंकणी भाषांतर कृती ‘’एक बहाद्दूराची शौऱ्य कथा” पुसतक लोकार्पण जालेले संधर्भ, “बामणाले देवाधीन जालेले हाजे मध्ये तांगेले दोगय चेर्डुवांक भारतीय भूसेना आनी भारतीय नौका पडेक सेवा करचाख  धाडून दिलेले एक आदर्श  वीर माते अशीं सांगून घेत्ताची”.  अशीं शकुंतला भंडरकर  हांगेले  बद्दल प्रशंशा व्यक्त केलें. पुसतक लोकार्पणा सुवाळ्यांत उपस्थीत आशिलें गोंयचे नामनेचे अनुवादक रमेश लाड हांगेले भाषा वावर बद्दल काऱ्यदर्शी डा कसतूरी मोहन पै हान्नी बरयले एक एक  साल उल्लेख करनू  प्रशंशा व्यक्त केलें.

दुःखांत आसलारीय “कर्तव्यगत मरणहें शौऱ्य लक्षण” म्हळेले  म्हणके हांव वीर नारी जावनू संघटना  बांदुनू वावर करीत आसा. अशीं शकुंतला भंडार्कर हान्नी तांगेले उत्रांनी सांगले.  पुसतक प्रकाशन संस्थे संजना प्रकाशन गोंय पर जावनू  अनंत अग्नी हान्नी उलयलिंची.

विश्व कोंकणी केंद्राचे अध्यक्ष सी ए नंद गोपाल शेणै हानी अतिथी गण्यांक  स्वागत करनू कोंकणी मान्यताय दिवसाचे शुभाशय सांगलें. केंद्राचे उपाध्यक्ष विलियं डिसोजा, रमेश डी नायक, ट्रसटी गिलबर्ट डिसोजा, वतिका कामत, आडळीत अधिकारी डा. बी. देवदास पै आनी  पूर्णानंद सेवा प्रतिषठान, कोंकणी कुडुबी संघाचे  पदाधिकारी  आनी हेर मानेसत  उपस्थीत आशिलिंची. सुचित्रा एस शेणै काऱ्यक्रम निरूपण केलें. खजांची बी आर भट हानी देवू बरें कोरो सांगलें.

To Support Kodial Khaber click the following button.

एरणाकुळम: केरळच्या समाजीक क्षेत्रांत कोंकणी लोकांचे निमतान बेस बरें योगदान जालें अशे कोची नगराध्यक्ष ऑड.एम.अनिलमकुमार हांणी सांगले. केरळ राज्य संस्कृतीक खात्या खाला स्थापीत कोंकणी साहित्य अकादमी (केरळ)चे वतीन कोंकणी राष्ट्र मान्यता दिसाचे निमितान एरणाकुळम भारत ट्यूरीस्ट होम सभाघरांत आयोजीत केल्ले कार्यावळीचें
दिवली पेटेवन उक्तावण करून ते उलेयतालें. संस्कृतीक वैजकीय शिक्षणीक तशेंच वेवसायीक क्षेत्रांत बी हांगेंली योगदान सांगपाक सारकें आसा. तेन्नाचे कोची राज्यांत आनी ट्रावनकूर राज्यांत राजांनी कोंकण्यांक अळशिरो दिल्लो आनी जाय तितलो जागो बी दिल्लो अशी तांणी परतून सांगलें. अकादमीचें अध्यक्ष तांबानूर गोविंद नायक हांच्या यजमानपणार चल्ले कार्यावळींत श्रीकला सुखादिया कम्मत हांगेलो 'गुरपळे' बालकवित संग्रह मेयर अनिलकुमार हांणी पयली प्रती साहित्यीक आर.एस.भास्कर हांका भेटेवन उजवाडायलो. अकादमीचे अध्यक्ष गोविंद नायक हांणे ह्या वेळार मेयर अनिलकुमार हांका शाल पांगरून आदर
केल्लो. प्रोफ.जी.मोहनराव हांणे पुस्तकाचो परिचय कोलो. साहित्यीक शरतचंद्र शेणै, केरळ कोंकणी अकादमी अध्यक्ष पी.एन.कृष्णन, कोडुंगलूर श्री कृष्ण स्वामी देवस्थानाचे अध्यक्ष एम.एन.मदन शेणै आनी विजयकुमार कम्मत हांणीं आशंसा भाषण केल्लें. सुरवेक रामानंद राव हांणी प्रार्थना गीत गायलें. अकादमीचे वांगडी सचीव डी.डी.नवीनकुमार हांणें येवकार दिल्लो जाल्यार अकादमीचे ज्येष्ट वांगडी एन.के.प्रभाकर नायक हांणी उपकार मागलो. कवयत्री श्रीकला सुखादिया कम्मत हांणे प्रतिस्पंदनाची उतरां उलेयलीं. कार्यावळींत साबार लोक हाजीर आशिल्ले.

To Support Kodial Khaber click the following button.

कोंकणी केंद्र - गोश्रीपुर आनी कोंकणी भाषा प्रचार सभा एकमेळून ८०वें म्हयन्याळें कोंकणी कवि संगम "विश्वावसु - श्रावण" २०२५ ऑगस्ट १६ तारिखेक शेनवार देनपारां ३.३० वरांचेर कोच्चीच्या कोंकणी भवनांत घडेयलें. कोंकणी केन्द्र - गोश्रीपुर संस्थेचो उपाध्यक्ष एन. सदानंद कम्मत हांणी कवी संगमाचें अध्यक्षपद सांबाळ्ळें आनी एस. चित्तरंजन नायक हांणी सगळ्या कवी गणांक येवकार दिलो. त्या उपरांत, (सर्वश्री/श्रीमती/कु) संध्या वी प्रभु, के.एन.आर भट, आर.एस.भास्कर, गोविंद एस. नायक, सुधीश एस. शेणाय, जी मोहन रावु, एस. रामकृष्ण किणी, उमेश टी. भट, जया बालकृष्ण कामत, धन्या जी मल्या, आर. रामानन्द प्रभु, अंडिक्कडवु सुरेश पै, एन. बालकृष्ण मल्ल्या, एन. सदानंद कम्मत, गोश्रीपुरं हरीकुमार ह्ये कवींनीं आपापल्यो कविता सादर केल्यो.

To Support Kodial Khaber click the following button.