ವಿಶ್ವ ಸಾರಸ್ವತ ಸಮ್ಮೇಳನ 1999
ಕೊಡಿಯಾಳಾಂತ ಪುನರ್ಮಿಲನ ಜಾಲೆಲೆ ದಾಕ್ಷಿಣಾತ್ಯ ಆನಿ ಕಾಶ್ಮೀರಿ ಸಾರಸ್ವತ:
ಪ್ರೊ. ಡಾ. ಕಸ್ತೂರಿ ಮೋಹನ ಪೈ
ಇಸವಿ 1999 ಚೆ ದಶಂಬರ ಮ್ಹಯನ್ಯಾಚೆ 16-19ಚೆ ದಿವಸಾº ಕೊಡಿಯಾಳಚೆ ಸಾರಸ್ವತ ಲೋಕಾಂಕ ಏಕ ಅಪೂರಬಾಯೆಚೊ ಕಾಳ ಜಾಲೊ. 3000 ವರಸಾಂಚೆ ಪಾಟಿಕ ಸರಸ್ವತಿ ನ್ಹಯ ಸುಕೂನ ಗೆಲ್ಯೆ ತಾವಳಿ ಹಜಾರಾº ಸಾರಸ್ವತ ಕುಟುಂಬಾ ದಕ್ಷಿಣಾಪಥಾಚೆ ಗೋಮಂತಕಾಕ ಸ್ಥಳಾಂತರ ಜಾಲಿಂಚಿ ಆನಿ ತಾಂಚ್ಯಾ ದಾಯಜ್ಯಾಂಕ ಸೊಡುನ ಆಯಲಿಂತಿ, ತಾಂಗೆಲೊ ನಾತೊ ತುಂಟಲೊ. 16ವೆ ಶತಮಾನಾಂತ ಪುರ್ತುಗಾಲಿಯಾಲೆº ಸತತ ಅನಾಚಾರಾನ ಥಂಯ ಆಯಿಲ್ಯಾ ಆನಿ ಇತ್ಲಿº ಕುಟುಂಬಾ ಪರ್ತುನ ದಕ್ಷಿಣೆಚೆ ಕೊಡಿಯಾಳಾಕ ಆಯಿಲೆ. ಅಶೆಂ ಕಾಶ್ಮೀರ ಮುಳಾವಿ ಸಾರಸ್ವತ ಹಜಾರಾ ವರಸಾಂ ವಿಭಾಗಣಿ ಜಾಲೆಲೆ ಉಪ್ರಾಂತ ಪಯಲೆ ಪಾವಟಿ ವಿಶ್ವ ಸಾರಸ್ವತ ಸಮ್ಮೇಳನಾಂತ ಪುನರ್ಮಿಲನ ಜಾಲೆº. ಹಿ ಏಕ ಐತಿಹಾಸಕ ಘಡಣೂಕ ಮ್ಹಳ್ಳೆಲೆº ಖರೆº.

ಕೊಡಿಯಾಳಚೆ 1999ಚೆº ಭಾಂಗ್ರಾಳೆ ವಿಶ್ವ ಸಾರಸ್ವತ ಸಮ್ಮೇಳನ: ಭೂಂಯತಣೆರ ಆಸಚ್ಯಾ ಸಗಳೆಯ ಸಾರಸ್ವತಾಂಕ ಏಕ ವೇದಿರ ಹಾಡುಂಕ ಜಾಯ ಮ್ಹಳ್ಳೆ ಏಕೈಕ ಧ್ಯೇಯ ದವರೂನ ಅಖಿಲ ಭಾರತೀಯ ಸಾರಸ್ವತ ಸಾಂಸ್ಕöತಿಕ ಸಂಸ್ಥಾನ (AISCO)  ದ.ಕ. ಜಿಲ್ಯಾಚೆ ಸರ್ವಯ ಸಾರಸ್ವತ ಸಮುದಾಯಕ ಹ್ಯಾ ಕಾರ್ಯಾವಳೆಚೆ ಮುಖೈಲಪಣ ದಿಲೆº ಆನಿ ತೆಂ ಅತ್ಯಂತ ಪೂರ್ಣತಾಯೆನ ಸಂಪನ್ನ ಜಾವುನ ಆಯಜ 21 ವರಸಾº ಸಾಂಪಲಿº. 3000 ಸಾರಸ್ವತ ಲೋಕ ಕೊಡಿಯಾಳಾಂತ ಏಕಮೇಳೆನ ಜಮಲೆ. ತಾಂತು ಖೂಬ ತ್ರಾಸದಾಯಕ ವಿಭಾಗ ಕಾಶ್ಮೀರಿ ಸಾರಸ್ವತ ಆನಿ ತಾಂಕಾ ಕೊಡಿಯಾಳಾಂತ ಭವ್ಯ ಸ್ವಾಗತ ಮೆಳೊ.
ಕಾಶ್ಮೀರಿ ಸಾರಸ್ವತಾಂಲೆº ಜೀಣ ಅತ್ಯಂತ ತ್ರಾಸದಾಯಕ ಇತ್ಯಾಕ ಆಶಿಲೆº ? ಸರಸ್ವತಿ ನ್ಹಂಯ ಲುಪ್ತಜಾಲಿತರಿ ಕಾಶ್ಮೀರ ಲೋಕಾನಿ ಜೀಣ ಸುಧಾರಣ ಕರೂನ ಘೆತಲೆº, ಅನಂತನಾಗ ಜಿಲ್ಲೆಂತ ರಾಜಾ ಲಲಿತಾದಿತ್ಯಾನ 8ವೆ ಶತಮಾನಾಂತ ಮಾರ್ತಾಂಡ (ಸೂರ್ಯ) ಮಂದಿರ ಬಾಂದಲೆº ಆನಿ ಆಕ್ರಮಾಣಶಾಯಿ ಸಿಕಂದರ ಶಾಯಿ ಮಿರಿನ 13 ಶತಮಾನಾಂತ ತೆº ಮೊಡಲೆº. ಕವಿ ಕಲ್ಹಣಾನ ‘ರಾಜ ತರಂಗಿಣಿ’ ಮ್ಹಳ್ಳೆ ಬೃಹತ್ ಪುಸ್ತಕಾಂತ ಕಾಶ್ಮೀರಚ್ಯಾ ವೆವೆಗಳೆ ರಾಯ ಘರಾಣೆಚೆ ಕಥಾನಕ ದಾಖಲ ಕೆಲೊ. ಅನುಪಮ ಶೋಭಿತಕಾಯೆಚೆ ಭುಂಯತಣ, ವಿದ್ಯಾವಂತ ಸಾರಸ್ವತ, ಕವಿಯೊ, ಲೇಖಕ, ಧಾರ್ಮಿಕ ತಾಣಾº, ಕಲಾಕಾರಾನ ಭರೂನ ಗೆಲೆಲ್ಯಾ ಕಾಶ್ಮೀರಾಂತ ರಾಯಘರಾಣೆಚ್ಯಾಲೆ ಅಂತಃಕಲಹಾನ ಇಸ್ಲಾಮಿ ರಾಯಭಾರ ಆಯಲೆº. ಕಾಶ್ಮೀರಿ ಲೋಕಾಲೆº ಜೀಣ ಭಗ್ನ ಜಾಲೆº ಸಾರಸ್ವತ ಲೋಕಾಂಕ ಭಾಟಯಲೆ. ಮೊಘಲ ರಾಯಾಂಲೆº ಹಾತಾಂತ ಮಾರ ಖಾಲೊ. ಇಸವಿ 1947ತುº ಭಾರತ ಪರ್ತುನ ಸ್ವತಂತ್ರ ಜಾಲೆಂಯ ತರ ಕಾಶ್ಮೀರ ಲೋಕ ಸತತ ಪಾಕಿಸ್ಥಾನಿ ದಬಾವಾಂತ ಆಶಿಲೆ. 60 ವರಸಾº ಭಾರತಾಚೆ ಸೈನ್ಯಾನ ಲೋಕಾಲಿ ಅಸ್ಮಿತಾಯ ವಾಂಚೊವುನ ದವರಲಿ.
ಕಾಶ್ಮೀರಿ ಆನಿ ಕೊಂಕಣಿ ಭಾಸೆಕ ಸಾಮ್ಯ: ದೊನಯ ಭಾಸ ಇಂಡೊ ಆರ್ಯನ ಆಸೂನ ಸಂಸ್ಕೃತ ಭಾಸೆ ಸಾವುನ ಉಬಜಲೆಲ್ಯೊ. ದೊನಯ ನಾಗರಿ ಲಿಪಿಂತ ಬರೊವುಚ್ಯೊ. 16ವೆ ಶತಮಾನಾಂತ ಇಸ್ಲಾಮಿ ರಾಯಭಾರಾನ ತೀ ಭಾಸ ಪರ್ಶಿಯನ್ ಲಿಪಿಂತ ಬರೊವುಕಾ ಮ್ಹಣು ರಿವಾಜ ಆನಿ ಕಾನೂನ ಹಾಡಲೊ. ಕಾಶ್ಮಿರಿ ಭಾಸ ಆಯಕಲ್ಯಾರ ಆಮಕಾ ಸಾಮ್ಯ ಆಸಚೆº ಕಳತಾ. ಅಜಾಪಾಚಿ ಗಜಾಲ ಮ್ಹಳ್ಯಾರ ಆಯಜ ಸ್ವತಂತ್ರ ಭಾರತಾಚೆ ರುಪಯಚ್ಯಾ ನೋಟಾಚೆರ ಕಾಶ್ಮೀರಿ ಆನಿ ಕೊಂಕಣಿ ಭಾಸಾº ಸೆಜಾರಾಚೆರ ಆಸಾತಿ.
ದಾಕ್ಷಿಣಾತ್ಯ ಆನಿ ಕಾಶ್ಮೀರಿ ಸಾರಸ್ವತಾಲೆº ಪುನರ್ಮಿಲನಾಚೆ ಬುನಯಾದ ಕೊಡಿಯಾಳಾಂತ : ಭಾರತ ಸರಕಾರಾಪೇಕ್ಷ ಪಯಲೆಂ ಕಾಶ್ಮೀರಿ ಸಾರಸ್ವತಾಂಕ ಎಕಟಾಯ ಕೆಲೆಲೆº ಶ್ರೇಯ AISCO ಕ ಫಾವೊ ಜಾತಾ. ಏಕ ವರಸ ಪಯಲೆº ಭಾರತ ಸರಕಾರಾನ ಕಾಶ್ಮೀರಾಕ ಸಂವಿಧಾನಾಚೆ 37º ವೇಳೆರಿ ದಕೂನ ಬಂಧ ಮುಕ್ತ ಕರೂನ ದಿಲೆº. ಜಾಲ್ಯಾರಿಯಿ ಕಾಶ್ಮೀರಿ ಸಾರಸ್ವತಾಂಕ ಮುಕ್ತ ಕರೂನ ಆಮಗೆಲೆ ಸಾಂಗಾತ ಮಿಲಾಪ ಕರಚೆಂ ಕಾಮ 22 ವರಸಾಂ ಪಯಲೆಂಚ ಜಾಲೆº. ಮಾನಸಿಕ ಆನಿ ಭಾವನಾತ್ಮಕ ಜಾವುನ ಇತರ ಸಾರಸ್ವತ ಲೋಕಾಂಚೆ ಸಾಂಗಾತ ಕೊಡಿಯಾಳಚೆ 1999ಚೆº ಭಾಂಗ್ರಾಳೆ ವಿಶ್ವ ಸಾರಸ್ವತ ಸಮ್ಮೇಳನ ಮುಖೇನ All India Saraswat Cultural Organization –AISCO All India Saraswat Cultural Organization –AISCO ಬುನಯಾದ ಘಾಲುನ ದಿಲೆº ಮ್ಹಣಯೆತ.
ಕೊಡಿಯಾಳಾಂತ ಕಾಶ್ಮಿರಿ ಲೋಕಾಂಚೆ ಸಾಂಗಾತ ಭಾಸಾಭಾಸ: ಸಮ್ಮೇಳನಾಚೆ ಪೂರ್ವಭಾವಿ ಸಭೆಂತ 22 ಕಾಶ್ಮಿರಿ ಸಾರಸ್ವತ ಲೋಕಾನಿ ಸಮ್ಮೇಳನಾಚೆ ಪ್ರಮುಖ ಕಛೇರಿ ಆಶಿಲ್ಯಾ ನಲಂದಾ ಆಂಗ್ಲ ಮಾಧ್ಯಮ ಶಾಳೆಚ್ಯಾ ಸಭಾಗೃಹಾಂತ ಕುಲದೀಪ ಪಂಡಿತ ಆನಿ ಜವಾಹರ ಮಾನವತಿ ಹಾಂಗೆಲೆ ಮುಖೈಲಪಣಾರ ಆಮಗೆಲೆ ಸಾಂಗಾತ ಸಂವಾದ ಕೆಲೊ. ಆಮಗೆಲೆ ನಾಂವಾ, ಪರಸ್ಪರ ರೀತ-ರಿವಾಜಾಚೆ ಪರಿಚಯ ಕರೂನ ಘೆತಲೊ, ರಾಜಕೀಯ ಪರಿಸ್ಥಿತಿಚೊ ಖಬರ ಘೆತಲಿ, ತಾಂಗೆಲಿ ಅರ್ಥಿಕಾಯೆಚಿ ಪತನಾಚೆ ದುಃಖಾಚೆ ಕಥಾನಕ ತಾನಿ ಸಾಂಗಲೆº. ಸಮ್ಮೇಳನಾಚೆ ಉಗ್ತಾವಣೆಕ ತೇ ವೇದಿರ ಆಯಲೆ, ವೆವೆಗಳೆ ಸಾಂಸ್ಕೃತಿಕ ಕಾರ್ಯಾವಳೆ ತಾನಿ ಪ್ರಸ್ತುತ ಕೆಲೊ. ತಾಂಚೆ ಪತನಾಕ ವೆವೆಗಳೆ ಕಾರಣಾಚೆ ಸಾಂಗಾತ ಬ್ರಾಹ್ಮಣ್ಯಾಚೆ ಅತಿರೆಕಯ ಏಕ ಕಾರಣ ಆಸುಂಕ ಸಾಧ್ಯ ಮ್ಹಳೆಲೆº ಆಂತರಿಕ ಚಿಂತಾ ತಾನಿ ಉಗತೊ ಕೆಲೊ.

(ಕಾಶ್ಮೀರಾಂತ ತಿರುಪತಿ ಬಾಲಾಜಿ ಮಂದಿರ ರಚವಂಚೆ ಪಯಲೆº ಮಾರ್ತಾಂಡ ಮಂದಿರ ರಚವಂಚೆ ಇತ್ಯಾಕ ಅಗತ್ಯ ಮ್ಹಣು ಮುಖಾರಚೆ ಭಾಗಾಂತ ವಾಚಾ)