ಆರತಾ° ಆಮಗೆಲೆ ಏಕ ದೇವಳಾಚೆ ದೇವಾಲೆ ಪೆಂಟಾ ಉತ್ಸವಾ ವೇಳಾರಿ ತ್ಯಾ ಗಾಂವಚೆ ಶಾಸಕಾನ ಪಲ್ಲಂಕಿಕ ಖಾಂದೊ ದಿಲೆಲೆ ತಸ್ವೀರ ಸೋಶಿಯುಲ್ ಮೀಡಿಯಾರಿ ವೈರಲ್ ಜಾಲೆ°. ತ್ಯಾ ವಿಚಾರಾರಿ ಖೂಬ ಕಾಣಿಯೊ ಆಯಕೂಂಕ, ವಾಚೂಚಾಕ ಮೆಳೆ°. ಅನ್ಯ ಜಾತಿಚೆ ಶಾಸಕಾಕ ಪಲ್ಲಂಕಿಕ ಖಾಂದೊ ಮಾರಚಾಕ ಅವಕಾಶ ದಿಲೆಲೆ° ಬರೊ ವಿಚಾರ ಮ್ಹಣು ‘ಮಾಡ್ರನ್ ಥಿಂಕಿಂಗ್ ’ ಆಶಿಲೆ ಲೋಕ ಮ್ಹಣತಾತಿ. ಆಜೀ ಆಮಿ ಜಾತಿಗಿತಿ ಮ್ಹಣು ಘೆವನು ಬಸಲ್ಯಾರಿ ಜಾಯನಾ ಮ್ಹಣತಾತಿ ತಾಂನಿ°. ನಾ ಹೀ ಎಕಿ ಹೋಡಿ ಚೂಕಿ, ಅನಾದಿ ಕಾಳ ದಾಕೂನ ಚಲನು ಆಯಿಲೆ ಆಮಗೆಲೆ ರೀತಿ ರಿವಾಜಾಕ ವಿರುದ್ಧ ವಚಾಕ ನಜ, ಪಲ್ಲಂಕಿಚೆ ಶುದ್ಧಿಕರಣ ಜಾವಕಾ, ಶಾಸಕಾನ ಪಲ್ಲಂಕಿಕ ಖಾಂದೊ ದಿವಚಾಕ ಕಾರಣ ಜಾಲೆಲೆ ತರನಾಟೆನಿ ಹಾತಾಂತ ನರ‍್ಲು ಧರನು ದೇವಾಲೆ ಮುಕಾರಿ ಮಾಫಿ ಮಾಘುಕಾ ಅಶೆ° ತಶಿ° ಮ್ಹಣು ಖೂಬ ವಿಚಾರ ಸೋಶಿಯಲ್ ಮೀಡಿಯಾರಿ ಫಾಯಸ ಜಾಲೆ°.