Mumbai

Mumbai (37)

जीएसबी स्कालरशिप लीग हालींच 95 वी वर्सुकी सादारण मंडळ बसका घेतल्या. एक सुळसुळीत आनी इश्टागतीन मेळप जालें. लीगच्या कामां विशीं तशेंच अर्थीक गजालीं विशीं चड प्रस्न पडले नात. लीगच्या वेवस्थापकीय समितीच्या वांगड्यांक गरजेवंत विद्यार्थ्यांच्या शिक्षणाक चालना दिवपाक बरी पावलां उबारपाक प्रेक्षकांनी उर्बा दिली. ताजेपणाक प्रायोजकत्व दिल्ल्या खातीर वांगड्यांनी श्री बाबू कामत हांचे उदार उपकार मानले. वेवस्थापन समितींत आतां श्री व्ही.व्ही.पाई. रमेश भदरकर, श्री जी.एस,भाट आनी श्रीमती विजय कामठ,आनी सी गोपाल पाई जीएसबी शिश्यवृत्ती लीगचे ट्रस्टी म्हूण. अध्यक्ष एस.एस.भाट, एस. गीता आर.पाई अध्यक्ष, आनंद शानभाग उपाध्यक्ष, गणेश शानभाग आनी  मधुकर पाई सचीव आनी प्रवीण कामत आनी डॉ प्रशांत किनी कोषाध्यक्ष म्हणून. विवेक शानभाग, महेश शानभाग,  वर्षा कामठ हे समितीचे वांगडी आसात. सुधा प्रभु, डॉ.वत्साला पै आनी कमलाक्ष भाट आमंत्रित म्हणून.

To Support Kodial Khaber click the following button.

 

ಮುಂಬಯಿ: ಆಮ್ಮೀ ರಂಗಕರ್ಮಿ (ರಿ), ಮುಂಬೈ ಹಾಜೆ ಕಲಾವಿದ ಹಾಂನಿ° ಗುರು ಕೃಪಾ ಕಲಾ ರಂಗ, ಶ್ರೀ ಕಾಶೀ ಮಠ, ದಹಿಸರ್ ಹಾಂಗೆಲೆ ಸಹಯೋಗಾರಿ ಬಾಲಕೃಷ್ಣ ಪುರಾಣಿಕ್, ಕಾಸರಕೊಡ್ ಹಾಂಗೆಲೆ ರಚನಾ ಆನಿ ಲಿಮ್ಕಾ ಖ್ಯಾತಿಚೊ ಡಾ. ಚಂದ್ರಶೇಖರ್ ಶೆಣೈ ನಿರ್ದೇಶನಾಚೆ ಕೊಂಕಣಿ ಹಾಸ್ಯ ಪ್ರಧಾನ ಸಂಗೀತಮಯ ನಾಟಕ 'ಲಗ್ನಾ ಪಿಶೆ°' ಹಾಜೆ° 7 ಪ್ರದರ್ಶನ° ಡಿ 26 ದಾಕೂನ ಜನವರಿ 1 ತಾಂಯ ಕರಾವಳಿ ಜಿಲ್ಲೆಂತ ಕಾರ್ಕಳ, ಸಿದ್ದಾಪುರ, ಕುಂದಾಪುರ, ಶಿರಾಲಿ, ಭಟ್ಕಳ್, ಮಂಗಳೂರು ಆನಿ ಉಡುಪಿಂತು° ಪ್ರದರ್ಶನ ಕರನು ಮುಂಬಯಿಕ ಪರತೂನ ಆಯಲೆ. ಶ್ರೇಷ್ಠ ಸಂಗೀತ ಆನಿ ನೈಜ್ಯ ಹಾಸ್ಯ ಭರಿತ ಹ್ಯಾ ನಾಟಕಾಕ ಪ್ರೇಕ್ಷಕಾನಿ ಖೂಬ ಪ್ರಶಂಸಾ ದಿಲಿ. ಪಾತ್ರವಗಾಂತು° ಮುಂಬಯಿಚೆ ನಾವಾದೀಕ ಕೊಂಕಣಿ - ಕನ್ನಡ ಹಾಸ್ಯ ರಂಗನಟ, ಕನ್ನಡಿಗ ಕಲಾವಿದರ ಪರಿಷತ್ತು ಮಹಾರಾಷ್ಟ್ರ ಹಾಜೊ ಉಪಾಧ್ಯಕ್ಷ ಕಮಲಾಕ್ಷ ಸರಾಫ್, ಸಾರಸ್ವತ ಸಮಾಜಾಚೊ ರಂಗನಟ ಹರೀಶ್ ಚಂದಾವರ್, ಮ್ಹಾಲ್ಗಡೊ ರಂಗನಟ ಆನಿ ಯಕ್ಷಗಾನ ಕಲಾವಿದ ತೋನ್ಸೆ ವೆಂಕಟೇಶ್ ಶೆಣೈ, ಪ್ರಬುದ್ಧ ನಾಟಕ ಆನಿ ಯಕ್ಷಗಾನ ಕಲಾವಿದಾ ಅಕ್ಷತಾ ಕಾಮತ್, ಯುವ ಪ್ರತಿಭಾವಂತ ಕಲಾವಿದ ಪ್ರಮೋದ್ ಮಲ್ಯ ಆನಿ ಚಂದ್ರಶೇಖರ್ ಶೆಣೈ ಹಾಂನಿ° ಅಧ್ಬುತ ನಟನ ಕೆಲೆ°. ನಾಟಕಕಾ ಸಂಗೀತ ನಿರ್ದೇಶನ ಕೃಷ್ಣ ಚಂದಾವರ್ ಹಾಂನಿ° ಕೆಲೆ°. ಸುಧಾಕರ್ ಭಟ್ ಹಾಂನಿ° ಸೌಂಡ್ ಆನಿ ಉಜ್ವಾಡ ಸಾಂಬಾಳಲೊ, ರಂಗಸಜ್ಜಿಕಾ, ಆನಿ ಪಾರ್ಶ್ವ ಸಂಗೀತಾಚಿ ಜಬಾಬದಾರಿ ತಾಂನಿ° ಸಾಂಬಾಳಲಿ. ಹರ ಎಕ ಪ್ರದರ್ಶನಾಚೆ ವೇಳಾರಿ ಸಭಾಗೃಹ ಭರ ಪ್ರೇಕ್ಷಕ ಆಶಿಲೆ.

To Support Kodial Khaber click the following button.

 

ಮುoಬಯಿ: ಮುಂಬಯಿoತ ವಸತಿ ಕರನು ಆಸಚೊ ಪಯ್ಣಾರಿ.ಕೊಮ್ ಹಾಜೊ ಸಂಪಾದಕ ವಲ್ಲಿ ಕ್ವಾಡ್ರಾಸ್ ಹಾಂಕಾ° ಭಾರತೀಯ ಸಂಸ್ಕೃತಿ ಇಲಾಖೊ 'Life and cultural aspects of Siddi Community (A broader study on Siddis Living in Karnataka, India.) ಹೆ° ಕ್ವಾಡ್ರಾಸಾಲೆ ಸಂಸೋಧಿಕ ವಾವ್ರ eವನು ಆಸಾ. ಭಾರತೀಯ ಸಂಸ್ಕೃತಿ ಇಲಾಖೊ ಭಾರತೀಯ ಭಾಶೆಂಚೆ ವೆಗ-ವೆಗಳ್ಯಾ ಕ್ಷೇತ್ರಾಂತು (ಶಿಕ್ಷಣ, ಕಲಾ, ಜಾನಪದ, ಸಾಹಿತ್ಯ, ರಂಗಮoಚ) ಜೂನಿಯರ ತಶೆಂಚ ಸೀನಿಯರ ಫೆಲೋಶಿಪಾಕ ಅರ್ಜ್ಯೊ ಆಪಯ್ತಾ. ಆನಿ ಜೊಕ್ತ್ಯಾಂಕ ಹೆ° ಫೆಲೋಶಿಪ್ ಫಾವೊ ಕರತಾ. ಸೀನಿಯರ್ ಫೆಲೋಶಿಪಾಂತ ದೋನ ವರ್ಸಾಂಚೊ ಸಂಸೋದ್ ಆಟಾಪ್ತಾ. ಹರ ಎಕ ಸ ಮ್ಹಯನ್ಯಾಚೆ ಸಂಸೋಧನ ವಾವ್ರಾಚೊ ರಿಪೋರ್ಟ್ ಧಾಡುಂಕ ಪಡ್ತಾ. ವಲ್ಲಿ ಕ್ವಾಡ್ರಸಾನ ಮುಂಡುಗೋಡ, ಹಾನೆಗಳ್ಳಿ, ಎಲ್ಲಾಪುರ ಅಶೆಂ ಸಿದ್ದಿ ಲೊಕಾಂಚೆರ ಕೆಲೆಲೆ ಸಂಸೋಧಾಕ ಹೆ° ಫೆಲೋಶಿಪ್ ಮೆಳಾ°. ಹಾಕಾ ಫಾವೊ ಜಾಲೆಲೆ ಹೆರ ಪುರಸ್ಕಾರಾ° ಅಶೆ° ಆಸಾತ, ದಿವೊ ಸಾಹಿತ್ಯಿಕ ಪುರಸ್ಕಾರ (2003), ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ° ಉತ್ತೀಮ ಪುಸ್ತಕ ಪುರಸ್ಕಾರ (ಕವಿತಾಪಾಠ್, 2005), ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ° ಉತ್ತೀಮ ಪುಸಕ ಪುರಸ್ಕಾರ (ದರ್ಭಾರಾಂತ್ಲಿ ಪಿಂರ್ಗೊಣ್, 2006), ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆಂ ಉತ್ತೀಮ ಪುಸ್ತಕ ಪುರಸ್ಕಾರ (ಬಂಧ್, 2018), ಕವಿತಾ ಟ್ರಸ್ಟಾಚೊ ಮಥಾಯಸ್ ಕುಟ್ಮಾಚೊ ಪುರಸ್ಕಾರ (2019), ವಿಶ್ವ ಕೊಂಕಣಿ ಕೇಂದ್ರಾಚೊ ವಿಮಲಾ ವಿ. ಪೈ. ಪುರಸ್ಕಾರ (ಭಿತರ್ಲೊ ಕವಿ, 2022), ದಾಯ್ಜಿದುಭಾಯ್ ಸಾಹಿತ್ಯಿಕ್ ಪುರಸ್ಕಾರ (2023)

To Support Kodial Khaber click the following button.

 

ಮುoಬಯಿ: ಆಮ್ಮಿ ರಂಗಕರ್ಮಿ (ರಿ), ಮುಂಬೈ, ಗುರು ಕೃಪಾ ಕಲಾ ರಂಗ, ದಹಿಸರ್ ಕಾಶೀ ಮಠ ಹಾಂಗೆಲೆ ಸಹಯೋಗಾನ ಹಾಸ್ಯ ಪ್ರಧಾನ ಆನೀ ಸಂಗೀತಮಯ 'ಲಗ್ನಾ ಪಿಶೆ°' ಕೊಂಕಣಿ ನಾಟಕಾಚೆ ಪ್ರರ್ದಶನ ಡಿ. 26 ದಾಕೂನ ಜ. 01 ತಾಂಯ ಕರ್ನಾಟಕ ಕರಾವಳಿಚೆ 7 ಗಾಂವಾoತು° ಚಲಚೆ° ಆಸಾ ಮ್ಹಣು ಆಮ್ಮಿ ರಂಗಕರ್ಮಿ (ರಿ), ಮುಂಬೈ ಹಾಜೊ ಮ್ಯಾನೆಂಜಿoಗ್ ಟ್ರಸ್ಟಿ ಡಾ. ಚಂದ್ರಶೇಖರ ಶೆಣೈ ಹಾಂನಿ° ಕಳಯಲಾ°. ಹ್ಯಾ ನಾಟಕಾಚೆ ಲೇಖಕ ಉತ್ತರ ಕನ್ನಡಚೆ ಕಾಸರಕೊಡಚೆ ಬಾಲಕೃಷ್ಣ ಪುರಾಣಿಕ್ ಆನಿ ನಿರ್ದೇಶಕ ಲಿಮ್ಕಾ ಬುಕ್ಕ್ ಆಫ್ ರಿಕಾರ್ಡ ಖ್ಯಾತಿಚೆ ಡಾ. ಚಂದ್ರಶೇಖರ್ ಶೆಣೈ ಜಾವನು ಆಸಾತಿ. ಹ್ಯಾ ನಾಟಕ ಪ್ರದರ್ಶನ ಜಾವಚೆ ಜಾಗೆ, ದೀಸ ಆನಿ ವೇಳು ಆಶೆ° ಆಸಾ.
26.12.23 ಶ್ರೀ ವೀರ ಮಾರುತಿ ದೇವಳ, ಕಾರ್ಕಳ 5.30ಠಿm
27.12.23 ಶ್ರೀ ದುರ್ಗಾ ಹೊನ್ನಮ್ಮ ದೇವಳ, ಕೆಳಪೇಟೆ, ಸಿದ್ದಾಪುರ, ಉಡುಪಿ ಜಿಲ್ಲೆ, ಸಾಂಜವೇಳಾ 5.00
28.12.23 ಶ್ರೀ ವೆಂಕಟರಮಣ ದೇವಸ್ಥಾನ, ಕುಂದಾಪುರ, ಸಾಂಜವೇಳಾ 6.30
29.12.23 ಶ್ರೀ ಮಹಾಗಣಪತಿ ಮಹಾ ಮಹಾಮಾಯಾ ದೇವಳ, ಶಿರಾಲಿ, ಉತ್ತರ ಕನ್ನಡ ಜಿಲ್ಲೆ ರಾತಿ 9.00
30.12.23 ಶ್ರೀ ರಾಘವೇಂದ್ರ ಮಠ, ಭಟ್ಕಳ, ಉತ್ತರ ಕನ್ನಡ ಜಿಲ್ಲೆ ರಾತಿ 9.00 

31.12.23 ಕುಡ್ತೆರಿ ಮಹಾಮ್ಮಾಯಿ ದೇವಳ, ರಥಬೀದಿ, ಮಂಗಳೂರು, ಸಾಂಜವೇಳಾ 5.30 
01.01.2024 ಭುವನೇಂದ್ರ ಮಂಟಪ, ಶ್ರೀ ಕಾಶೀ ಮಠ,ಉಡುಪಿ ಸಾಂಜವೇಳಾ 4.30 
ನಾಟಕಾಸ್ತಾಂಕ ಪ್ರವೇಶ ಫುಕಟ ಆಸಾ.

To Support Kodial Khaber click the following button.

 

पणजी, गोंय: कन्नड आनी नागरी लिपियेंतल्या तर्जण आनी लिप्यंतर कोंकणी कथांचेर खोलायेन अध्ययन कर्च्या इराद्यान धेंपे कोलेज मिरामार गोंय आनी आशावादी प्रकाशनान राज्य‌भास संचालनालय गोंय सर्कार हांच्या मजतेन एका दिसाचें राषट्रीय परिसंवाद ’कथादायज’, दसेंबर ८ तारिकेर सुक्रारा सकाळीं धा थावन सांजेर पांच वोरां पऱ्यांत स्वामी विवेकानंद सभागृहांत चल्लें. नाम्नेची लोक‌एद संसोधक, कथाकार डो.जयंती नायक हिच्या अध्यक्ष‌पणाखाल चल‌ल्ल्या ह्या परिसंवादांत मुखेल सयरो जावन साहित्य अकाडेमिचो सह-संचालक दो.पूर्णानंद च्यारी, संजना पबलिकेशन्साचो प्रकाशक बाब दिनेश मणेर्कार, बाब वल्ली क्वाड्रस, बाब रमेश लाड तशेंच बाब शैलेंद्र मेहता मार्ग‌दर्शक जावन हाजर आसले.
 
उग्तावण काऱ्यांत येवकाराचें उलवप करीत, धेंपे कोलेजिची प्रिन्सिपाल बाय डो.वृंदा बोर्कार हिणें कशें एक समाज एका भासेचें माध्यम वापरून हेर भासेंतलें साहित्य, हेर समाजेची संसकृती तशेंच त्या समाजेंतलें गिन्यान साहित्यामुखांत्र जोडुंक सक्ता आनी त्या दिशेन तर्जण आनी लिप्यंतर खरें एक व्हड मेट म्हणाली. डो.पूर्णानंद च्यारीन अपल्या उलवपांत काळ मुकार गेल्लेपरिंच आमी सयत राव‌ल्लेकडेच रांवचें न्हय, बगार आमिंयी मुकार पावलां काडची गर्ज आसा, त्या दिशेन डिजिटल माध्यमांत कोंकणी साहित्याचो वावर खरोच जांवची गर्ज आसा आनी त्या दिशेन वावर कर्तेल्यांक थोकणाय जावंक फावो म्हणालो. हेच संधर्भार १९५२ इस्वेंत अर्नेसट हेमिंग‌वेन बरयिल्ल्या ’The old man and the sea नवालिकेचें, बाब जेरालड वी. कारलोन कोंकणीक केल्ल्या तर्जणेक वल्ली क्वाड्रसान नागरीक लिप्यंतर केल्लें पुस्तक ’म्हातारो आनी दऱ्या’ डिजिटल पुस्तकाचें विमोचन काऱ्यें डो.पूर्णानंद च्यारीन केलें.

To Support Kodial Khaber click the following button.

 

 
परिसंवादांत पयलें कन्नड लिप्येंत जाल्ल्या समग्र साहित्याची झळक दिवून वल्ली क्वाड्रसान १८५०-१९००, १९०१-१९५०, १९५१-२०००, २०००-२०२३ अशें च्यार विभागांनी पुस्तकां रुपार छापून आयिल्ल्या समग्र साहित्याचो विवर दिवून ह्या सर्व वर्सांनी जाल्ल्या मोटव्या कथेच्या तर्जण आनी लिप्यंतर वावराचो सविस्तार विवर दिवून भास, भासे उपरांत लिपी, लिपी उपरांत बोली, बोली उपरांत समुदाय अशें एका लिपिंत सयत आसच्या समुदायाची ओळोक तशेंच त्या समुदायान वापार्च्या उत्रांची जाण्वाय एका लिप्यंतरीक (बोल्यंतर) गर्ज आसा देकून कोंकणिंत एकाच रितीन बरयजे म्हळ्ळें राजांव सार्कें न्हय म्हणालो. बाब दिनेश मणेर‌कारान कन्नड आनी नागरी लिपियेचें बोल्यंतरांत केल्लें तुलनात्मक उलवप सादर केलें. बाब रमेश लाड हाणें कन्नड भास, आनी कन्नड लिप्येंतल्या कोंकणिचें नागरी कोंकणीक लिप्यंतर कर्ताना जाल्लो अणभव विश्याचेर उलयलो. बाब शैलेंद्र मेहतान नागरी लिप्येंत जाल्ल्या तर्जण आनी लिप्यंतर वावराचेर उलयलो.  
 
पुस्तक उग्तावण काऱ्यांत बाब शैलेंद्र मेहतान भातरीय भासेंतल्या साहित्यांत चडताव भासेंनी मुंबयच्यो कथा म्हळ्ळो प्रकार युरोपियन भासेंनी सयत तर्जण जाला, आनी कोंकणिंत सयत आयिल्ल्या ह्या ’मायानगरी’ पुस्तकांत बाब वल्ली क्वाड्रसान अपणान जियेल्ल्या, पळेल्ल्या, पार्किल्ल्या भारीक, नाजूक संवेदनांक सयत कथेंनी सोभीत रितीन हाडलां आनी एकेक कथा वेगळो अनभव दिता आनी वाचकाक वेगळ्याच संसाराक वरून पावयता म्हणालो. डो.जयंती नायक हिणें ’मायानगरी’ पुस्तकाचें विमोचन करून, बाब वल्लिच्या नागरी कोंकणी कथेचीं तीन पुस्तकां विमोचन जाताना सयत अपूण आसलीं आनी आमची ओळोक २०१६ इस्वेंत कथेच्या मुखांत्र जाल्ली, त्ये उपरांत अनन्य जर्नलांत बाब वल्लिच्यो स अंख्यांनी स कथा प्रकाशीत केल्यात आनी ताच्यो एकेक कथा विभिन्न जावनासून मुंबय जिविताचें चित्रण दितात म्हणाली.
 
पुस्तकाचें विमोचन जातच कथाकारान अपल्या उलवपांत, कशें अपल्या पयल्या नागरी कथेवर्वीं अपणाक गोंयच्या वरिश्ट कथाकारांची ओळोक जाली आनी ही ओळोक कशें कोंकणिच्या दोन-तीन लिपियांनी शिंपडलेल्यां मधें एक भांद जालो म्हणून पुस्तकाचें अपुर्भायेचें बोल्यंतर केल्ल्या बाब रमेश लाड तशेंच अपुर्भायेन छाप‌ल्ल्या बाब दिनेश मणेर्काराचो उपकार बावुडलो.
 
धेंपे कोलेजिंतल्या भारतीर भासो विभागाची मुखेस्त बाय अंजू साखर‌दांडेन धिन्वास पाटयले. ह्या परिसंवादाक धेंपे कोलेजिच्या साहित्यीक विध्यार्थिंसवें रोजरी कोलेज, फा.आग्नेल कोलेज, एस.एस.ए. सर्कारी कोलेज पेर्नें, सर्कारी कोलेज खांदोला, सर्कारी कोलेज खेपें, सर्कारी कोलेज सांकेलीं, पी.ई.एस कोलेज, सी.ई.एस. कोलेज , श्री मल्लिकार्जून कोलेज, एम.ई.एस. कोलेज, कार्मेल कोलेज, झेवियर्स कोलेज अशें सात कोलेजिचीं विध्यार्थिंनी वांटो घेतलो. बाय  विधिता शेट, बाब गौरांग भांद्ये, बाय दीपा रायकर हाणीं सोभीत रितीन सूत्र संचालन चलयलें. बाब दामोदर गाणेकार, बाय उर्जिता भोबे, बाय फिलोमेना सांफ्रान्सिसको, बाय मान्सी धाउसकार आनी हेर वरिश्ट कथाकारांनी ह्या परिसंवादांत हाजर आसलीं.

ಮುoಬಯಿ: ಉತ್ತರ ಕನ್ನಡ ಜಿಲ್ಲೆಚೆ ಕಾಸರಕೋಡಾಚೆ ನಾವದೀಕ ಕೊಂಕಣಿ ಲೇಖಕ ಬಾಲಕೃಷ್ಣ ಪುರಾಣಿಕ ಹಾಂನಿ° ಬರಯಿಲೆ° 'ಲಗ್ನಾ ಪಿಶೆ°' ಕೊಂಕಣಿ ನಾಟಕಾಚೆ 6 ಪ್ರದರ್ಶನಕಮಲಾಕ್ಷ ಸರಾಫ್ ಕರ್ನಾಟಕ ಕರಾವಳಿಚೆ ಉತ್ತರ ಕನ್ನಡ, ಉಡುಪಿ ಆನಿ ದಕ್ಷಿಣ ಕನ್ನಡ ಜಿಲ್ಲೆಂತು° ಲಿಮ್ಕಾ ಖ್ಯಾತಿಚೊ ಡಾ. ಚಂದ್ರಶೇಖರ್ ಶೆಣೈ ಹಾಂಗೆಲೆ ನಿರ್ದೇಶನಾರಿ ಜಾವಚೆ° ಆಸಾ ಮ್ಹಣು ನಟ ಆನಿ ಆಯೋಜಕ ಕಮಲಾಕ್ಷ ಸರಾಫ್ ಹಾಂನಿ ಕಳವಣಿಂತು° ಸಾಂಗಲಾ°. ಆರತಾ° ಹ್ಯಾ ನಾಟಕಾಚೆ° ಪ್ರದರ್ಶನ ಕಾಶೀ ಮಠಾಧಿಪತಿ ಶ್ರೀಮದ್ ಸಂಯಮೀoದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಸಮ್ಮುಖಾರಿ ಡಾ. ದಯಾನಂದ ಪೈ ಹಾಂಗೆಲೆ ಸಹಯೋಗಾನ ಅ. 14ಕ ಬೆಂಗಳೂರಾoತು° ಅಸಂಖ್ಯ ಲೋಕಾಚೆ° ಮುಕಾರ ಜಾಲೆಲೆ° ಆಸಾ. ಉಪರಾಂತ ಅ. 22ಕ ಮುಂಬಯಿಚೆ ಖಾರ ದಾಂಡಾಚೆ ಶ್ರೀ ಭದ್ರಕಾಳಿ ಮಹಾಲಕ್ಷ್ಮಿ ದುರ್ಗಾ ಹೊನ್ನಮ್ಮ ದೇವಿಲೆ ಮುಕಾರ ಹಾಜೆ° ಪ್ರದರ್ಶನ ಜಾಲೆ°. ಡಿ. 2ಕ ದಹಿಸರ್ ಕಾಶೀ ಮಠಾಚೆ ವಿಠ್ಠಲ್ ರಖುಮಾಯಿ ದೇವಳಾಂತು° ಗುರು ಕೃಪಾ ಕಲಾ ರಂಗ, ಶ್ರೀ ಕಾಶೀ ಮಠ, ದಹಿಸರ ಹಾಂಗೆಲೆ ಆಶ್ರಯಾರಿ ನಾಟಕಾಚೆ ಪ್ರದರ್ಶನ ಜಾಲೆಲೆ° ಆಸಾ ಮ್ಹಣು ಸರಾಫ್ ಹಾಂನಿ° ಕಳಯಲಾ°.
ಮುಕಾರಿ ಡಿಸೆಂಬರ್ ಮ್ಹಯನ್ಯಾಂತು° ಡಿ.26ಕ ಉಡುಪಿ, ಡಿ. 27 ಸಿದ್ದಾಪುರ, ಡಿ.28 ಕುಂದಾಪುರ, ಡಿ.29 ಶಿರಾಲಿ, ಡಿ.30 ಭಟ್ಕಳ, ಡಿ. 31ಕ ಮಂಗಳೂರಾoತು° ಹ್ಯಾ ನಾಟಕಾಚೆ ಪ್ರದರ್ಶನ ಜಾವಚೆ° ಆಸಾ. ಪಾತ್ರವರ್ಗಾಂತು° ಕೊಂಕಣಿ - ಕನ್ನಡ ಹಾಸ್ಯ ರಂಗ ನಟ ಕಮಲಾಕ್ಷ ಸರಾಫ್, ಹರೀಶ್ ಚಂದಾವರ, ಯಕ್ಷಗಾನ ಕಲಾವಿದ ರಂಗನಟ ತೋನ್ಸೆ ವೆಂಕಟೇಶ್ ಶೆಣೈ, ಬಹುಮುಖ ಪ್ರತಿಭಾ ನಾಟಕ ಆನಿ ಯಕ್ಷಗಾನ ಕಲಾವಿದಾ ಅಕ್ಷತಾ ಕಾಮತ್, ಯುವ ಕಲಾವಿದ ಪ್ರಮೋದ್ ಮಲ್ಯ, ಅರ್ಚನಾ ಭಟ್ ಆನಿ ಹೇರ ಆಸತಲೆ. ನಾವಾದೀಕ ಸಂಗೀತ ನಿರ್ದೇಶಕ ಕೃಷ್ಣ ಚಂದಾವರ್ ಹಾಂಗೆಲೆ° ಸಂಗೀತ ಆಸತಲೆ. ತೋನ್ಸೆ ವೆಂಕಟೇಶ್ ಶೆಣೈ ಸಹ ನಿರ್ದೇಶಕ ಆಸೂನ ವಿಶ್ವ ಕೊಂಕಣಿ ಪುರಸ್ಕೃತ ಎ. ಜಿ. ಕಾಮತ್ ಹಾಂನಿ° ಮಾರ್ಗದರ್ಶನ ದಿತಾತಿ. ರಂಗ ವಿನ್ಯಾಸ, ಉಜ್ವಾಡು, ದ್ವನಿ ನಿಯಂತ್ರಣ ಆನಿ ಪಾರ್ಶ್ವ ಸಂಗೀತಾಚಿ ಜಬಾಬದಾರಿ ಸುಧಾಕರ ಭಟ್ ಹಾಂಗೆಲೆ ಜಾವನು ಆಸಾ. ಆಮ್ಮಿ ರಂಗಕರ್ಮಿ (ರಿ.), ಮುಂಬಯಿ ತರಪೇನ ಎನ್. ಎಸ್. ಕಾಮತ್, ಟಿ. ವಿ. ಶೆಣೈ ಆನಿ ಸುಧಾಕರ ಭಟ್ ಹಾಂನಿ° ನಿರ್ವಹಣ ಕರತಾ ಆಸಾತಿ.

To Support Kodial Khaber click the following button.

 

ಪದ್ಮನಾಭ ಬಾಲಕೃಷ್ಣ ಆಚಾರ್ಯ (ಜನನ 8 ಅಕ್ಟೋಬರ್ 1931) ಹಾಂನಿ° ಆಜಿ ಮುಂಬಯಿoತು° ಅಂತರಲೆ. ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಹಾಂನಿ° ಹಾಂಕಾ° 14 ಜುಲೈ 2014 ದೀವಸು ನಾಗಾಲ್ಯಾಂಡ್ ರಾಜ್ಯಾಚೊ ಗವರ್ನರ್ ಜಾವನು ನೆಮಣೂಕ ಕೆಲೆಲೊ. 12 ಡಿಸೆಂಬರ್ 2014 ಆನಿ 17 ಆಗಸ್ಟ್ 2016 ಮಧೆ° ಹಾಂನಿ° ಅಸ್ಸಾಂ ರಾಜ್ಯಾಚೆ ರಾಜ್ಯಪಾಲ ಜಾವನೂಯಿ ಚಡತಿ ಜಬಾಬದಾರಿ ಘೆತಿಲಿ. 21 ಜುಲೈ 2014 ದಾಕೂನ 19 ಮೇ 2015 ತಾಂಯ° ತ್ರಿಪುರಾ ರಾಜ್ಯಾಚೆ ಗವರ್ನರ್ ಜಾವನು ಆಶಿಲೆ. 26 ಜನವರಿ 2017 ದಾಕೂನ ಅರುಣಾಚಲ ಪ್ರದೇಶ ರಾಜ್ಯಾಚೆ ಗವರ್ನರ್ ಜಾವನು ಹಾಂಕಾ° ಚಡತಿ ಜಬಾಬದಾರಿ ದಿಲೆಲಿ. ಜುಲೈ 2019ತು° ಥೊಡ ಹಪ್ತೆ ಕಾತಿರ ಹಾಂನಿ° ಮಣಿಪುರಾಚಿ ಜಬಾಬದಾರಿ ಘೆತಿಲಿ ಆಸಾ. ತ್ಯಾಚ ವರಸ ಹಾಂಗೆಲಿ ರಾಜ್ಯಪಾಲ ಹುದ್ದೆಚಿ ಅವಧಿ ಸಂಪಲಿ.
ಉಡುಪಿಚೆ ಬಾಲಕೃಷ್ಣ ಆನಿ ರಾಧಾ ಆಚಾರ್ಯ ದಂಪತಿಲೊ ಪೂತು ಜಾವನು ಆಸಚೆ ಹಾಂನಿ° ಕರ್ನಾಟಕಾಚೆ ಉಡುಪಿಂತು° ಜಲ್ಮಲೆ. ಉಡುಪಿಚೆ ಕ್ರಿಶ್ಚಿಯನ್ ಹೈಸ್ಕೂಲಾಂತು° ಮೆಟ್ರಿಕ್ಯುಲೇಷನ್ ಕೆಲೆಲೆ ಹಾಂನಿ° 1949ತು° ಉಡುಪಿಚೆ ಮಹಾತ್ಮ ಗಾಂಧಿ ಸ್ಮಾರಕ (ಎಂ.ಜಿ.ಎo) ಕಾಲೇಜಾಂತು° ಪದವಿ ಶಿಕ್ಷಣ ಫಾವೊ ಕೆಲೆಂ. ಉಪರಾಂತ ಉದ್ಯೋಗ ನಿಮಿತ ಮಂಬೈಕ ಗೆಲೆಲೆ ಹಾಂಕಾ° ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ (ಎ.ಬಿ.ವಿ.ಪಿ)ಚೊ ಸಂಬoಧ ಜಾಲೊ ಆನಿ ಹಾಂನಿ° ಮುಂಬೈ ವಿಶ್ವವಿದ್ಯಾಲಯಾಚೆ ಸೆನೆಟ್ ಸದಸ್ಯ ಜಾಲೆ. ಹಾಂನಿ° ಮುಂಬೈ ವಿಶ್ವವಿದ್ಯಾನಿಲಯಾ ದಾಕೂನ ಎಲ್‌ಎಲ್‌ಬಿ ಪದವಿ ಪ್ರಾಪ್ತ ಕೆಲಿ. ದೆಹಲಿ ವಿಶ್ವವಿದ್ಯಾನಿಲಯಾಚೆ "ಜ್ಞಾನೋದಯ ಎಕ್ಸ್ಪ್ರೆಸ್" ಈಶಾನ್ಯ ಭಾರತಾಕ ಕಾಲೇಜ್ ಆನ್ ವ್ಹಿಲ್ಸ್ ಕಾರ್ಯಕ್ರಮಾಚಿ ಯೋಜನಾ ಕೆಲೆಲಿ ಕೀರ್ತಿ ಹಾಂಗೆಲಿ ಜಾವನು ಆಸಾ.
ರಾಜ್ಯಪಾಲ ಜಾವಚೆ ಪಯಲೆ° ಹಾಂನಿ° ಭಾರತೀಯ ಜನತಾ ಪಕ್ಷ (ಬಿಜೆಪಿ) ಹಾಂತು° ವಿವಿಧ ಹುದ್ದೆ ಸಾಂಬಾಳೆಲೆ ಆಶಿಲೆ. 1980ತು° ಪಿ.ಬಿ. ಆಚಾರ್ಯ ಭಾರತೀಯ ಜನತಾ ಪಕ್ಷಾಕ ಮೆಳೆ. 1987ತು° ವಾಯುವ್ಯ ಬಾಂಬೆ ಜಿಲ್ಲೆ ಬಿಜೆಪಿ ಅಧ್ಯಕ್ಷ ಜಾವನು ವಿಂಚೂನ ಆಯಲೆ ಹಾಂನಿ° 1989ತು° ಮುಂಬೈ ಬಿಜೆಪಿಯ ಸಮಿತಿಚೆ ಸಾಂದೆ ಜಾಲೆ. 1991ತು° ಹಾಂಕಾ° ಈಶಾನ್ಯ ರಾಜ್ಯಾಂಚಿ ಉಸ್ತುವಾರಿ ಜಾವನು ಬಿಜೆಪಿಚೆ ರಾಷ್ಟ್ರೀಯ ಕಾರ್ಯಕಾರಿ ಸಮಿತಿಚೊ ಸಾಂದೊ ಜಾವಚೊ ಅವಕಾಶ ಮೆಳೊ. ಅರುಣಾಚಲ ಪ್ರದೇಶ, ಮಣಿಪುರ, ಮೇಘಾಲಯ, ಮಿಜೋರಾಂ ಆನಿ ನಾಗಾಲ್ಯಾಂಡ್ ಹಾಜಿ ಜಬಾಬದಾರಿ ಹಾಂಕಾ° ಮೆಳಿ. 1995-2002 ಮಧೆ° ತಾಂನಿ° ಬಿಜೆಪಿಚೆ ಅಖಿಲ ಭಾರತ ರಾಷ್ಟ್ರೀಯ ಕಾರ್ಯದರ್ಶಿ ಆನಿ ಈಶಾನ್ಯ ರಾಜ್ಯಾಂಚೆ ಉಸ್ತುವಾರಿ ಸುತಾ ಆಶಿಲೆ.
2002ತು° ಹಾಂನಿ° ಕೇರಳ ಆನಿ ಲಕ್ಷದ್ವೀಪ ಆನಿ 2005ತು° ತಮಿಳುನಾಡಾಚೆ ಉಸ್ತುವಾರಿ ಆನಿ ರಾಷ್ಟ್ರೀಯ ಕಾರ್ಯಕಾರಿ ಸದಸ್ಯ ಆಶಿಲೆ. ಆಚಾರ್ಯ ಹಾಂನಿ° ಎಸ್‌ಸಿ/ಎಸ್‌ಟಿ ಮೋರ್ಚಾಚೆ ರಾಷ್ಟ್ರೀಯ ಉಸ್ತುವಾರಿ ಆನಿ ಬಿಜೆಪಿಚೆ ಸಾಗರೋತ್ತರ ಇಷ್ಟಾಂಚೆ ಸಹ ಸಂಚಾಲಕ ಆಶಿಲೆ. ಈಶಾನ್ಯ ಭಾರತಾಚೆ ಸಂಪರ್ಕ ಕೋಶಾಚೆ ರಾಷ್ಟ್ರೀಯ ಪ್ರಭಾರಿ ಜಾವನುಯಿ ಹಾಂನಿ° ಜಬಾಬದಾರಿ ಸಾಂಬಾಳಲಿ ಆಸಾ. ಮುಂಬೈ ನಗರಿಚೆ ಕುಟುಂಬಾನಿ ಶೈಕ್ಷಣಿಕ ಉದ್ದೇಶಾನ ಯೆವ್ಕಾರ ದಿವನು ಆಪಯಿಲೆ ಈಶಾನ್ಯ ರಾಜ್ಯಾಂಚೆ ಬುಡಕಟ್ಟು ಚೆರಡುವಾಂಕ ಎಬಿವಿಪಿಚಿ ಯೋಜನಾ ಜಾವನು ಆಸಚೆ "ಮೈ ಹೋಮ್ ಈಸ್ ಇಂಡಿಯಾ" ಸಕಳ ಆಚಾರ್ಯಾ ಸಕ್ರಿಯ ಆಶಿಲೆ. ಹಾಂಗೆಲೆ ಘರಕಡೆ ಸುತಾ ಖೂಬ ವಿದ್ಯಾರ್ಥಿ ವಾಸ ಆಸೂನ ಶಿಕ್ಷಣ ಕರತಲೆ. 1975 ದಾಕೂನ ಆಚಾರ್ಯಾ ಹಾಂನಿ° ರಾಣಿ ಮಾ ಗೈಡಿನ್ಲಿಯು ಭವನಾಂತ ಭಾರತೀಯ ಬುಡಕಟ್ಟು ಉಪಭಾಷೆಂಚಿ ಅಕಾಡೆಮಿ ಹಾಜೆ ಸಾಂಗತ ನಿಕಟ ಸಂಭoದ ದವರನು ಘೆತಿಲೊ.

 To Support Kodial Khaber click the following button.

 

ಮುಂಬಯಿ: ಹಾಂಗಾಚೆ ಜಿ.ಎಸ್.ಬಿ.ಎಸ್ ಮೆಡಿಕಲ್ ಟ್ರಸ್ಟ್ ಹಾಂಗೆಲೆ ಸುವರ್ಣ ಮಹೋತ್ಸವ ಯೋಜನಾ ಜಾವನು ಆಸಚೆ ಪುನರ್ವಸತಿ ಕೇಂದ್ರ (ಜೆ.ಎನ್.ವಾಡಿಯಾ ವೈದ್ಯಕೀಯ ಕೇಂದ್ರಾಚೊ ವಾಂಟೊ) ಹಾಜೆ° ಉಗ್ತಾವಣ ಜಿಯೋ ಫೈನಾನ್ಷಿಯಲ್ ಸರ್ವಿಸಸ್ ಹಾಜೊ ಅಧ್ಯಕ್ಷ ಕೆ. ವಿ. ಕಾಮತ್ ಹಾಂನಿ° ಕೆಲೆ°. ಕಾಮತ್ ಹಾಂನಿ° ತಾಂಗೆಲೆ ದೇವಾದಿನ ಬಾಯಲ ರಾಜಲಕ್ಷ್ಮಿ ಕಾಮತ್ ಹಾಂಗೆಲೆ ಸ್ಮರಣಾರ್ಥ ತಾಂಗೆಲೆ ಯೋಗದಾನ ದಿವಚಾಕ ಸಂತೋಸ ವ್ಯಕ್ತ ಕೆಲೊ. ಹ್ಯಾ ಪುನರ್ವಸತಿ ಕೇಂದ್ರ ಮುಖ್ಯ ಜಾವನು ಪಾರ್ಶ್ವವಾಯು, ಹೃದಯಾಘಾತ, ಗಾಯ ಜಾಲೆಲೆ ಕ್ರೀಡಾಪಟು, ಅಪಘಾತ ಜಾಲೆಲೆ ಚೆರಡುವಂ ಹಾಂಕಾ° ಅವಲಂಬಿತ ಅವಸ್ಥಾ ದಾಕೂನ ಸ್ವಾವಲಂಬಿ ಸ್ಥಿತಿಕ ಹಾಡಚೆಂ ಕರತಾ ಮ್ಹಣು ಜಿ.ಎಸ್.ಬಿ.ಎಸ್ ಮೆಡಿಕಲ್ ಟ್ರಸ್ಟ್ ಹಾಜೊ ಡಾ. ಸುಹಾಸ್ ಪ್ರಭು ಹಾಂನಿ° ಹ್ಯಾ ವೇಳಾರ ಸಾಂಗಲೆ°. ಉಪರಾಂತ ಕೇಂದ್ರಾಚೊ ಮುಖ್ಯಸ್ಥ ಭೌತಚಿಕಿತ್ಸಕ ಡಾ. ವಿಮಲ್ ತೆಲಂಗ್ ಹಾಂನಿ° ಸಗಟ ಉಪಯುಕ್ತ ಸಾಧನಾಂಚೆ ವಿವರ ದಿಲೊ. ಟ್ರಸ್ಟಾಕ ಗರಜೆಚೆ ವೇಳಾರ ಮದದ ಕೆಲೆಲೆ ಏಜಸ್ ಫೆಡರಲ್ ಇನ್ಶುರೆನ್ಸ್ ಕಂಪನಿಚೆ ಕಾರ್ಯನಿರ್ವಾಹಕ ರಾಜೇಶ್ ಅಜಗಾಂವ್ಕರ್, ಪವನ್ ವ್ಯಾಸ್ ಆನಿ ಅರವಿಂದ್ ಶಾಹಿ ಉಪಸ್ಥಿತ ಆಶಿಲೆ. ದಿವಂಗತ ಡಾ. ಮಾಧವ್ ಆಚಾರ್ಯ ಹಾಂನಿ° ತಾಂಗೆಲಿ ದೇವಾದಿನ ಬಾಯಲ ಮೀರಾ ಆಚಾರ್ಯ ಹಾಂಗೆಲೆ ಉಡಗಾಸಾಕ ದೋನ ಡೆಂಟಲ್ ಚೇರ° ಉಡುಗಿರೆ° ದಿಲೆ°. ಹಾಜೆನ ಜೆ. ಎನ್. ವಾಡಿಯಾ ಚ್ಯಾರಿಟೇಬಲ್ ಡಿಸ್ಪೆನ್ಸರಿಕ ಉನ್ನತ ಸ್ಥರಾಚೆ ಸೇವಾ ಆಧಾರಿತ ಜಿ. ಎಸ್. ಬಿ. ಎಸ್. ವೈದ್ಯಕೀಯ ಕೇಂದ್ರ ಮೇಳೆಲೆ° ಮ್ಹಣಕೆ ಜಾಲೆ°. 

 

To Support Kodial Khaber click the following button.

 

 

ಮುಂಬಯಿ: ಹಾಂಗಾಚೆ ಖಾರದಾಂದಾಚೆ ಶ್ರೀ ಭದ್ರಕಾಳಿ ಮಹಾಲಕ್ಷ್ಮಿ ದುರ್ಗಾ ಹೊನ್ನಮ್ಮ ಸೇವಾ ಸಮಿತಿ ತರಪೇನ ಅಕ್ಟೋಬರ್ 15 ದಾಕೂನ 24 ತಾಂಯ ಜಿ.ಎಸ್.ಬಿ ನವರಾತ್ರಿ ಉತ್ಸವ ಚಲೊ. ಹ್ಯಾ ವೇಳಾರ ಅ. 22ಕ ಬಾಲಕೃಷ್ಣ ಪುರಾಣಿಕ್ ಕಾಸರಾಕೊಡ್ ಹಾಂನಿ° ರಚನ ಕರನು ಲಿಮ್ಕಾ ಖ್ಯಾತಿಚೊ ಡಾ. ಚಂದ್ರಶೇಖರ ಶೆಣೈ ಹಾಂಗೆಲೆ° ನಿರ್ದೇಶನಾಚೆ ಕೊಂಕಣಿ ನಾಟಕ "ಲಗ್ನಾ ಪಿಶೆ°" ಪ್ರದರ್ಶನ ಜಾಲೆ°. ಕೃಷ್ಣ ಚಂದಾವರ್ ಹಾಂನಿ° ನಿರ್ದೇಶ ಕೆಲೆ°. ಎ. ಜಿ. ಕಾಮತ್ ಹಾಂನಿ° ವಿಶೇಷ ಮಾರ್ಗದರ್ಶನ ದಿಲೆ°. ತೋನ್ಸೆ ವೆಂಕಟೇಶ ಶೆಣೈ ಸಹ ನಿರ್ದೇಶಕ ಆಶಿಲೆ. ಸುಧಾಕರ್ ಭಟ್ ಹಾಂನಿ° ಧ್ವನಿ, ಉಜ್ವಾಡು ಆನಿ ರಂಗ ವಿನ್ಯಾಸ, ರಂಗ ಸಜ್ಜಿಕಾ ಸಾಂಬಾಳಲಿ. ಪರದೆ ಮಾಕ್ಷಿ ಕೇಶವ ಪುರಾಣಿಕ್ ಜಬಾಬದಾರಿ ಘೆತಲಿ. ಎಂ. ಎಸ್. ಕಾಮತ್, ಟಿ. ವಿ. ಶೆಣೈ, ಮಟ್ಟು ಸುಧಾಕರ ಹಾಂನಿ° ನಿರ್ಮಾಪಕ ಆಶಿಲೆ. ಕೊಂಕಣಿ ಕನ್ನಡ ಹಾಸ್ಯ ರಂಗನಟ ಕಮಲಾಕ್ಷ ಸರಾಫ್, ಟಿ. ವಿ. ಶೆಣೈ, ಹರೀಶ್ ಚಂದಾ ವರ, ಅಕ್ಷತಾ ಕಾಮತ್, ಪ್ರಮೋದ್ ಮಲ್ಯ, ಕೃಷ್ಣ ಚಂಡಾವರ, ಅರ್ಚನಾ ಭಟ್, ಶ್ರೀದೇವಿ ಭಟ್ ಹಾಂನಿ° ನಟನ ಕೆಲೆ°. ಶ್ರೇಯ ಭಟ್ ಹಾಂನಿ° ರಂಗಭೂಷಾಚಿ ಜಬಾಬದಾರಿ ಘೆತಲಿ.

ಮುಂಬಯಿ: ಹಾಂಗಾಚೆ GSBS ಮೆಡಿಕಲ್ ಟ್ರಸ್ಟ್ ಹಾಂನಿ° ಆರತಾ° 40 ವರಸಾ ವಯರಚೆ ಸ್ತ್ರೀಯಾಂಕ ಕ್ಯಾನ್ಸರ್ ತಪಾಸಣಾ ಶಿಬಿರ ಆಯೋಜನ ಕೆಲೆ°. ಸಾಬಾರ 21 ಲೋಕಾನ ನೋಂದ ಕೆಲೆ°. ಶುರುವೆಕ ತೊಂಡಾಚೆ ಕ್ಯಾನ್ಸರ್ ಪರೀಕ್ಷಣ ಜಾಲೆ°. ಡಾ. ಶಾಲಿನಿ ರೂಪನಾರಾಯಣ್, ಡಾ. ಸ್ವಾತಿ ಸತ್ಪುಟೆ ಆನಿ ಡಾ. ಪ್ರತೀಕ್ ಸತ್ಪುಟೆ ಹಾಂನಿ° ಹಾಜರ ಆಶಿಲೆ. ದುಸ್ರೆ ಸ್ಥರಾರಿ ಪ್ಯಾಪ್ ಸ್ಮೀಯರ್ ತಪಾಸಣಾ ಚಲೆ. ಡಾ.ನೂತನ್ ಪೈ, ಡಾ.ಶೋನೀರ್ ಪೈ ಆನಿ ಡಾ.ಮೀರಾ ನಾಯ್ಕ್ ಹಾಂನಿ° ಸಹಕಾರ ದಿಲೊ. ತಂತ್ರಜ್ಞಾನಾನಿ ಮ್ಯಾಮೊಗ್ರಫಿ ಕೆಲೆ. ಡಾ.ಗೌರಿ ಅಮೋನ್ಕರ್ ಹಾಂನಿ° ವಿಶ್ಲೇಷಣ ಕೆಲೆ°. ಆಕೇರಿಕ ಹ್ಯಾ ಸರ್ವ ಪರೀಕ್ಷೆಚೆ ಅಂತಿಮ ವರದಿ ಶಿಬಿರಾರ್ಥಿಂಕ ದಿವಚೆ° ಜಾಲೆ°. ಪ್ರಾಯೋಜಕ ಜಯ ವೀರೇಂದ್ರ ಛಾಬ್ರಾ ಹಾಂನಿ° ಅವರು ಪ್ರೇಮಾ ನರಸಿಂಹ ಪ್ರಭು ಹಾಂಗೆಲೊ ಉಡಗಾಸ ಕಾಳೊ. ಸುಧಾ ಮಾಧವ್ ಕೇಲ್ಕರ್ ಉಪಸ್ಥಿತ ಆಶಿಲೆ. ಗೀತಾ ಆರ್. ಪೈ ಹಾಂನಿ° ಸಗಟಾಂಕ ಆರೋಗ್ಯ ರಕ್ಷಕ ಘಟಕಾಚೆ ಭೇಟಿ ಕರಯಲಿ.

GSBS ಮೆಡಿಕಲ್ ಟ್ರಸ್ಟ್ ಹಾಂನಿ° ದಾಋಲೆಂಕಯೀ ಕ್ಯಾನ್ಸರ್ ತಪಾಸಣಾ ಶಿಬಿರ ಆಯೋಜನ ಕೆಲೆ°. ನೋದ ಕೆಲೆಲೆಂಕ PSA (ಪ್ರಾಸ್ಟ್ರೇಟ್ ಸ್ಪೆಸಿಫಿಕ್ ಆಂಟಿಜೆನ್) ಪರೀಕ್ಷಾ ರಕ್ತ ಪರೀಕ್ಷಾ ಚಲಿ. ಉಪರಾಂತ ಶಸ್ತ್ರಚಿಕಿತ್ಸಕ ಚೇತನಾ ಟಿಕೂ ಇಎನ್‌ಟಿ ಹಾಂನಿ° ತಪಾಸಣ ಕರತರಿ ಯುರೋ ಸರ್ಜನ್ ಡಾ.ಜಿತೇಂದ್ರ ಸಖರ್ನಿ ಹಾಂನಿ° ತಪಾಸನಾ ಕೆಲೆ°. ಆಕೇರಿಕ ಹರ್ದೆಚೆ° ಎಕ್ಸ್ ರೇ ಕಾಡಚೆ° ಜಾಲೆ°. ಡಾ.ಗೌರಿ ಅಮೋನ್ಕರ್ ಮತ್ತು ಡಾ.ರಿತೇಶ್ ದಳವಿ ಕ್ಷ ಕಿರಣಾಂಚೆ° ಅಂತಿಮ ವಿಶ್ಲೇಷಣ ಕೆಲೆ°. ಟ್ರಸ್ಟಿ, ಕಾರ್ಯದರ್ಶಿ ಗೀತಾ ಆರ್.ಪೈ ಹಾಂನಿ° ಇನ್ಮಾರ್ ಕಾರ್ಪೊರೇಷನ್ ಪ್ರೈ.ಲಿ. ಹಾಜೊ ವ್ಯವಸ್ಥಾಪಕ ನಿರ್ದೇಶಕಾಲೊ ಆಬಾರ ಮಾನಲೊ.

 

Click Support Us to support Kodial Khaber 

 

 

Page 1 of 3

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°

ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°

ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ

18:53:41 ವಿಶ್ವ ಕೊಂಕಣಿ  ಕೇಂದ್ರ ‘ಕ್ಷಮತಾ

This application is only for the poor

कोंकणिंतल्या अस्तुरी साहित्याचेर

ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ

ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ

https://www.youtube.com/user/MrBaligavenkatesh

Editorial

ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,

ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.

Shabdvihar

ಮಸೀಂಗ

ಮಸೀಂಗಾ ಪಾಲ್ಯಾ ಮುದ್ದೊ ಕರತಾತಿ. ಮಸೀಂಗಾ ಫುಲ್ಲಾಚೀ ಭುತ್ತಿ ಕರತಾತಿ. ಗೂಳ ಆನೀ ಮಸೀಂಗ ಘಾಲೂನ ಕೆಲೆಲೊ ಕೋಳಂಬೊ ಭೌವ ರುಚಿಕರ. ಹೇ ವಯಲೆ ವಾಕ್ಯಾಂತು ಮಸೀಂಗ ಮ್ಹಣಚೊ ಜೋ ಶಬ್ದು ವಾಪರಲೊ ಆಸಾ ತಾಜೊ ಅರ್ಥ ಸರ್ವಯೀ ಜಾಣಾ. ಸರ್ವ ಸಾಮಾನ್ಯ ಸಕಡಾನಿ ತಾಚೀ ರೂಚಿ ಪಳಯಲ್ಯಾ. ಮಸೀಂಗ ರಾಂದಯೇಕ ವಾಪರಚೋ ಏಕ ವಸ್ತು. ಹಾಚಿ ವ್ಯುತ್ಪತ್ತಿ ವಿಶಿ ವಿಚಾರ ಕರಯಾಂ.

ಮಸೀಂಗ ಮ್ಹಣು ಖಂಚಾಕ ಆಮೀ ಸಾಂಗತಾತ ತೆಂ ಅಥರ್ಾಚೊ ಸಂಸ್ಕೃತ ಶಬ್ದು ಶೋಭಾಂಜನ, ಪದ್ರಾರಿನಾಶನ ಮ್ಹಣು ಜಾವನು ಆಸಾ. ಮಸೀಂಗ ಮ್ಹಣಚೇ ಶಬ್ದಾಕ ಆನೀಕ ಹೇ ಸಂಸ್ಕೃತ ಶಬ್ದಾಕ ಕಾಂಯಿ ಸಂಬಂಧ ಆಶಿಲೊ ದಿಸನಾ ಮ್ಹಣತಾನಾ ಮಸೀಂಗ ಶಬ್ದು ಖ್ಹಂಯ ದಾಕೂನ ಆಯಲೊ ಪಳೊವಯಾಂ. ಬಾರಾ ಶತಮಾನಾಚೆ ಏಕ ಶಿವಶರಣೆ ಗಿರಿಜವ್ವಾ ಮ್ಹಣಚೆ ನಾವಾಂಚೆ ಏಕ ವಚನಕಾತರ್ಿನ ತಿಗೇಲೆ ವಚನಾಂತ ಮಹಿಷ ಮ್ಹಣು ಮಸೀಂಗ ಮ್ಹಣಚೆ ಅಥರ್ಾರಿ ಪ್ರಯೋಗ ಕೆಲ್ಲಾ ಮ್ಹಣತಾನಾ ಮಸೀಂಗ ಮ್ಹಣಚೊ ಶಬ್ದಾಚೇ ಮೂಲ ಮಹಿಷ ಮ್ಹಣು ಜಾಲ್ಲೆ. ಮಸೀಂಗ ಮ್ಹಣಚೇ ಶಬ್ದಾಂತು ದೋನಿ ಶಬ್ದ ಮಸಿ + ಷಾಂಗ ಮ್ಹಣು ಆಸತಿ. ಮಸಿ ಮ್ಹಣಚೊ ಶಬ್ದು ಮಹಿಷ ಶಬ್ದಾಚೆ ಅಪಭ್ರಂಶ ರೂಪ. ಮಹಿಷಿ > ಮ ಇಸ ಮಸೀ ಮ್ಹಣು ಜಾಲ್ಲಾ. ತಾಕಾ ಸಾಂಗ ಶಬ್ದು ಮೆಳೇಲೇ ತಾವಳಿ ಮಸಿ + ಸಾಂಗ ಮಸೀಂಗ ಮ್ಹಣು ಜಾಲ್ಲಾ. ಮಸೀಂಗ ಮ್ಹಣಚಾತೋಂಚಿ ಸಾಂಗ ಶಬ್ದು ಮೇಳನು ಆಶಿಲ್ಯಾನ ಮಸೀಂಗಾ ಸಾಂಗ ಮ್ಹಳ್ಯಾರಿ ಹಾಂತು ಸಾಂಗ ಶಬ್ದಾಚಿ ದ್ವಿರುಕ್ತಿ ಪ್ರಯೋಗ ಜಾಲ್ಯಾವರಿ ಜಾತಾ. ಜಾಲ್ಲೆ ನಿಮಿತ್ತ ಮಸೀಂಗ ಮ್ಹಳ್ಯಾರ ಪುರೊ. ಮಸೀಂಗಾ ಸಾಂಗ ಮ್ಹಣಕಾ ಮ್ಹಣು ನಾ. ಗೋಯಾಂತು ಮಸಕಾ ಸಾಂಗಾ ಮ್ಹಣತಾತಿ. ಹಿಂದೀಂತು ಮುನಗಾ ಮ್ಹಣತಾತಿ.

ವಿಶೇಷ ಕಸಲೆಂ ಮ್ಹಳ್ಯಾರಿ ಸಂಸ್ಕೃತ ಭಾಶೆಂತು ಹೆ ಮಸೀಂಗಾಕ ಸ್ತ್ರೀ ಚಿತ್ತಹಾರಿ ಮ್ಹಣತಾತಿ. ಹಾಜೆನ ಹೆ ಮಸೀ ಸಾಂಗ ಬಾಯಲಾಲೇ ಮನ ಅಪಹರಣ ಕರಚೇ ಜಾವನು ಆಸಾ. ಮ್ಹಳಯಾರಿ ಬಾಯಿಲಾಂಕ ಹೆಂ ಮನೀಸಾಂಗ ಭೌ ಪ್ರಿಯ ಜಾವನು ಆಸಾ ಖ್ಹಂಯ.

An Appeal to the members of the GSB Community

  जेसन पींत, SDB, उद्यावर, उडुपी (MA कोंकणी)

ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°

ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ

ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ

ಅಮ್ಚಿಗೆಲೆ ಪರ‍್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ

ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,

ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ

ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು

कोरोना महामारी भारताक येवनु ६ महिने जाले.

ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ

Home

Ad for Aruna Masala

ಶ್ರದ್ಧಾಂಜಲಿ

ಅಂಡಾರು ರಾಮದಾಸ ಕಿಣಿ

Featured Chandrika Mohan Pai KC Prabhu

 

Anniversaries

Shabdh Vihaar

Homage

 

Well Wishers

Has no content to show!

Most Read

Homage

Events

Who is Online?

We have 56 guests and no members online

Advertorial

Scroll to top