ಮಂಗಳೂರು: ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕವಳೆಮಠ ಹಾಜೆ° ಮಂಗಳೂರು ಶಾಖಾ ಮಠ ಹಾಜೆ° ಬಾಂದಪ ಹಾಂಗಾಚೆ ಕೊಟ್ಟಾರ ಪ್ರದೇಶಾಚೆ ಕೊಡಿಕಲಾಂತು° ಶೀಘ್ರ ಸಂಪನ್ನ ಜಾವಚೆ° ಆಸೂನ ನ.7ಕ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮಿ ಗುರು ಮಹಾರಾಜ್ ಹಾಂನಿ° ಬಾಂದ ಸ್ಥಳಾಕ ಭೇಟಿ ದಿವನು ಮಾರ್ಗದರ್ಶನ ದಿಲೆ°.

ಕೊಟ್ಟಾರ ಫೈಒವರಾಕ ಲಾಗೂನ ಆಸಚೆ ಜಾಗೆರಿ ಬಾಂದಿತ ಆಸಚೆ ಹ್ಯಾ ಚೌದ ಹಜಾರ ಸ್ಕ್ವೇರ್ ಫೀಟ್ ಇಮಾರತಾಂತು° ಬೇಸಮೆಂಟ್, ಗ್ರೌಂಡ್ ಆನಿ ಎಕ ಮ್ಹಾಳಿ ಆಸತಲೆ. ಸಾಬಾರ ಚಾರ ಕರೋಡ ರುಪಯೆಚೆ ಹ್ಯಾ ಯೋಜನೆಕ ಸಮಾಜಾಚೆ ಹರ ಎಕಲೆಲೆ ಯೋಗದಾನ ಆಸೂಂಕ ಜಾಯ ಮ್ಹಣು ಗುರುವರ್ಯಾನ ಸಾಂಗಲಾ°. ಹ್ಯಾ ಮಠ ನಿರ್ಮಾಣ ಕರಚಾಕ ಜಾವಕಾ ಜಾಲೆಲೊ 15 ಸೆಂಟ್ಸ್ ಜಾಗೊ ಅಳಿಕೆ ಗೋಪಾಲಕೃಷ್ಣ ಪೈ ಹಾಂನಿ° ತಾಂಗೆಲಿ ಆವಸು ತಾರಾ ಗೋವಿಂದ ಪೈ ಹಾಂಗೆಲೆ ಉಡಗಾಸಾಕ ಮಠಾಕ ಉಡಗಿರೆ ಜಾವನು ದಿಲೆಲೆ° ಆಸಾ.

2700 ವರಸಾಚೊ ಇತಿಹಾಸ ಆಸಚೆ ಹ್ಯಾ ಮಠಾಕ ದೇಶ ಭರ ಎದೋಳೂಚಿ 18 ಶಾಖಾ ಮಠ ಆಸಾತಿ. ಹ್ಯಾ ಮಠಾಕ ಶ್ರೀಮದ್ ಗೌಡಪಾದಾಚಾರ್ಯ ಹಾಂಗೆಲಿ ಗುರು ಪರಂಪರಾ ಆಸೂನ ತಾಂಗೆಲೊ ಶಿಷ್ಯ ಶ್ರೀಮದ್ ಭಗವದ್ ಪಾದಾಚಾರ್ಯ ಹಾಂನಿ° ಆದಿ ಶಂಕರಾಚಾರ್ಯ ಹಾಂಕಾ° ದೀಕ್ಷಾ ದಿಲೆಲಿ ಆಸಾ. ಭವಾನಿ ಶಂಕರ ಮಠಾಚೊ ಆರಾಧ್ಯ ದೇವು ಜಾವನು ಆಸೂನ ಮೂಲ ಮಠ ಗೊಂಯಚೆ ಕವಳೆಂತು° ಆಸಾ. ಶ್ರೀಮದ್ ಸಚ್ಛಿದಾನಂದ ಸರಸ್ವತಿ ಸ್ವಾಮೀಜಿ ಹಾಂಗೆಲೆ ಶಿಷ್ಯ ಜಾವನು ಆಸಚೆ ಆಯಚೆ ಪೀಠಾಧಿಪತಿ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೀಜಿ ಹಾಂಕಾ° ಕೊಡಿಯಾಲಾಚೆ ಶಿಷ್ಯವರ್ಗಾಚೆರಿ ವಿಶೇಷ ಮೋಗು ಆಸಾ. ಹಾಕಾ ಪ್ರಮುಖ ಕಾರಣ ಮ್ಹಳ್ಯಾರಿ 1994ತು° ಕವಳೆಂತು° ಹಾಂಕಾ° ಶಿಷ್ಯ ಸ್ವೀಕಾರ ಕರಚೊ ಕಾರ್ಯಕ್ರಮ ಘಡತನಾ ಮಂಗಳೂರು ಆನಿ ಉಡುಪಿ ಪರಿಸರಾಚೆ ಅಸಂಖ್ಯ ವೈದಿಕ ಆನಿ ಶಿಷ್ಯ ವರ್ಗಾನ ವಾಂಟೊ ಘೆತಿಲೆ° ಜಾವನು ಆಸಾ. ಗುರುವರ್ಯಾನ ಖಂಚೆಯ ಮೊಕ್ಕಾಂತು° ಆಸಲ್ಯಾರಯಿ ಗಣೇಶೋತ್ಸವಾಚೆ ವೇಳಾರ ಮಂಗಳೂರಚೆ ಸ್ವಯಂಸೇವಕಾನ ವಚೂನ ಗಣಪತಿ ಪಾವೊಚೆ° ಕರತಾತಿ. ಹೆ° ಸಾಬಾರ ದಶಕಾ ದಾಕೂನ ಚಲನು ಯೆವನು ಮಂಗಳೂರ ಶಹರಾ ವಿಷಯಾರಿ ಗುರುವರ್ಯಾಂಕ ಆಸಚೆ ವಿಶೇಷ ಅಭಿಮಾನಾಕ ಕಾರಣ ಜಾಲಾ°. 1998 ಇಸವಿಂತು° ಮಂಗಳೂರ ಶ್ರೀ ವೆಂಕಟರಮಣ ದೇವಳಾಂತು° ಶ್ರೀಮದ್ ಸಚ್ಛಿದಾನಂದ ಸರಸ್ವತಿ ಹಾಂನಿ° ಶಿಷ್ಯ ಸಹಿತ ಚಾತುರ್ಮಾಸ ಅತ್ಯಂತ ವಿಜೃಂಭಣೆನ ಆಚರಣ ಕೆಲೆಲೊ ಆಸಾ.
ಸದ್ಯಾಕ ಆಖೇರಿಚೆ ಸ್ಲೇಬಾಚೆ ಕಾಮ ಚಾಲೂ ಆಸೂನ ಗುರುವರ್ಯಾನ ಅವಲೋಕನ ಕರನು ಬಾಂದ ಸಮಿತಿಚೆ ಸಾಂದ್ಯಾ°ಕ ಸೂಕ್ತ ಮಾರ್ಗದರ್ಶನ ದಿವಚೆ° ಜಾಲೆ°. ಹ್ಯಾ ವೇಳಾರ ಮಂಗಳೂರು ಶಾಖಾ ಮಠಾಚೆ ವ್ಹಾಂಗಡಿ, ಸ್ವಯಂಸೇವಕ, ಇಂಜಿನಿಯರ್, ಆರ್ಕಿಟೆಕ್ಟ್, ಕಾಂಟ್ರೆಕ್ಟರ್ ಆನೀ ಹೇರ ಸಮಾಜ ಭಾಂದವ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಮುಂಬಯಿ: ಹಾಂಗಾಚೆ ಬಾಣಗಂಗಾಚೆ ವಾಲಕೇಶ್ವರ ಕವಳೆ ಮಠ ಶಾಖೆಚೆ ಕಾಳಿಕಾ ಮಾತಾ - ಶಾಂತಾದುರ್ಗಾ ದೇವಳಾಂತು° ಹ್ಯಾ ವರಸಾಚೆ (2023) ಶ್ರೀ ಗಣೇಶೋತ್ಸವ 19 ದಾಕೂನ 25 ತಾಂಯ ಆಚರಣ ಜಾತಾ. ಪರಮಪೂಜ್ಯ ಕವಳೆ ಮಠಾಧೀಶ ಹಾಂಗೆಲಿ ಆಜ್ಞಾ ಆನಿ ಆಶೀರ್ವಾದಾನ ಚಲಚೆ ಹ್ಯಾ ಉತ್ಸವಾಂತ ಗಣೇಶ ಚತುರ್ಥಿ ಸೆ. 19ಕ ಗಣೇಶೋತ್ಸವ ಶುರು ಜಾತಾ. ದೇವಿ ಶಾಂತಾದುರ್ಗಾ ಸಾನಿಧ್ಯಾನಾಂತು° ಮಠಾಚೆ ಸಂಕೀರ್ಣಾοತ ವಿವಿಧ ಪೂಜಾ, ಅನುಷ್ಠಾನ, ನೈವೇದ್ಯ ಚಲತಾತಿ. ಸಕಾಳಿ ಗಣಹೋಮ, ಅಥರ್ವಶೀರ್ಷ ಪಠಣ, ದೋನಪಾರಾ ಮೂಢ ಗಣಪತಿ ಸೇವಾ, ಮಹಾಪೂಜಾ ಚಲತಾತಿ. ಭೋಜನ ಪ್ರಸಾದ ಜಾವಚೊ ಆಸಾ. ಸಾಂಜವೇಳಾ ರಂಗ ಪೂಜಾ, ಪುಷ್ಪ ಪೂಜಾ, ರಾತಿ ಪೂಜಾ ಚಲತಾತಿ. ಹರ ದೀವಸ ದೇವಾಲೆ ಮುಕಾರಿ ಭಜನಾ, ಗಾಯನ, ನೃತ್ಯ ಆನಿ ವಿವಿಧ ವಿನೋದಾವಳಿ ಕಾರ್ಯಕ್ರಮ ಚಲಚೊ ಆಸಾ. ಮೂಲ ಕವಳೆ ಮಠ, ಗೋವಾ ದಾಕೂನ ಆಯಿಲೆ ಅನುಭವಿ ವೈದಿಕ ಶ್ರೇಷ್ಠಾಲೆ ಮಾರ್ಗದರ್ಶನಾರಿ ವಿವಿಧ ಧಾರ್ಮಿಕ ಕಾರ್ಯಕ್ರಮ, ವಿಧಿ ವಿಧಾನ°, ಅನುಷ್ಠಾನ° ಚಲಚೆ ಆಸಾ. 7 ದಿವಸಾಚೆ ಉತ್ಸವಾಚೆ ಸಮಿತಿಂತು° ಪ್ರಮೋದ್ ಗಾಯತೊಂಡೆ, ಚಿಂತಾಮಣಿ ನಾಡಕರ್ಣಿ, ಸುಧೀರ್ ಫಡನ್ವಿಸ್, ತೋನ್ಸೆ ವೆಂಕಟೇಶ್ ಶೆಣೈ, ಕಿರಣ್ ವೈದ್ಯ, ಅನಂತ್ ಎಸ್. ಪೈ ಆಸಾತಿ. ತಶಿಂಚಿ ಬೆಂಗಳೂರ ದಾಕೂನ ವಿಶೇಷ ಜಾವನು ಯೆವಚೆ ಪ್ರಶಾಂತ್ ಶೆಣೈ, ಸಮೀರ್ ನಾಡಕರ್ಣಿ, ವಿಜಯ್ ಹುಂಸವಾಡ್ಕರ, ಪ್ರಸಾದ್ ಮಜುಂದಾರ್, ದಯಾನಂದ್ ಗಾಯತೊಂಡೆ, ಮಂದಾರ್ ಸರಾಫ್ ಸಕ್ರೀಯ ಆಸತಾತಿ. ಮುಂಬಯಿ ಮಹಾನಗರ, ಉಪನಗರಾಚೆ ಸಂಘ ಸಂಸ್ಥೆಚೆ ಪ್ರತಿನಿಧಿ ಆನಿ ಸ್ವಯಂಸೇವಕಾοಕಾಯಿ ಆಮಂತ್ರಣ ಗೆಲಾ°. ಸೆ. 25 ಕ ಸೋಮವಾರ ಸಾಂಜವೇಳಾ ಗಣಪತಿಲಿ ಮೂರ್ತಿ ಬಾಣಗಂಗಾ ತಳೆಂತು° ಜಲಸ್ಥಂಬನ ಕರತಾತಿ ಮ್ಹಣು ಮಠಾಚೆ ಸ್ಥಳೀಯ ಸಮಿತಿ ಸಾಂದೊ ಆನಿ ವಕ್ತಾರ ಕಮಲಾಕ್ಷ ಸರಾಫ್ ಹಾಂನಿ° ಕಳಯಲಾ°.

ಶ್ರೀ ಚಿತ್ರಾಪುರ ಮಠ

ಶ್ರೀ ಚಿತ್ರಾಪುರ ಮಠಾಧೀಶ ಶ್ರೀಮದ್ ಸದ್ಯೋಜಾತ ಶಂಕರಾಶ್ರಮ ಸ್ವಾಮೀಜಿ ಹಾಂಗೆಲೊ ಚಾತುರ್ಮಾಸ ಜುಲೈ 3, 2023 ದಾಕೂನ ಸೆಪ್ಟೆಂಬರ್ 29, 2023 ತಾಂಯ ಶಿರಾಲಿಚೆ ಮೂಲಮಠಾಂತು° ಚಲಚೊ ಆಸಾ.
ದೂರವಾಣಿ: 08385 - 258368/258756

ಕೈವಲ್ಯ ಮಠ:

ಶ್ರೀ ಗೌಡಪಾದಾಚಾರ್ಯ ಕೈವಲ್ಯ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೀಜಿ ಹಾಂಗೆಲೊ ಚಾತುರ್ಮಾಸ ಜೂನ್ 26, 2023 ದಾಕೂನ ಸೆಪ್ಟೆಂಬರ್ 29, 2023 ತಾಂಯ ಶ್ರೀ ಮಹಾಲಕ್ಷ್ಮೀ ಸಂಸ್ಥಾನ ಬಾಂಡವಾಡೆ, ಪೋಂಡಾ, ಗೋವಾ ಹಾಂಗಾ ಚಲಚೊ ಆಸಾ.
ದೂರವಾಣಿ: 0832-2335355, 2335434. ಮೋಬೈಲ್ 90838377272

ಶ್ರೀ ಕಾಶಿ ಮಠ:

ಶ್ರೀ ಕಾಶಿಮಠ ಸಂಸ್ಥಾನಾಚೆ ಮಠಾಧೀಶ ಶ್ರೀಮದ್ ಸಂಯಮೀοದ್ರ ತೀರ್ಥ ಸ್ವಾಮೀಜಿ ಹಾಂಗೆಲೊ ಚಾತುರ್ಮಾಸ ಬೆಂಗಳೂರಚೆ ಶ್ರೀ ಕಾಶಿಮಠಾಂತು° ಜುಲೈ 7, 2023 ದಾಕೂನ ನವೆಂಬರ್ 26, 2023 ತಾಂಯ ಚಲಚೊ ಆಸಾ.
ದೂರವಾಣಿ: 080 - 23340355/23462427, 9483094828, 8277660355

ಶ್ರೀ ಗೋಕರ್ಣ ಮಠ:

ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಲಿ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಹಾಂಗೆಲೊ ಚಾತುರ್ಮಾಸ ಜುಲೈ 9, 2023 ದಾಕೂನ ಸೆಪ್ಟೆಂಬರ್ 20, 2023 ತಾಂಯ ಶಾಂತಿಕುοಜ್ ಸೇವಾಶ್ರಮ ಕಾಂಪ್ಲೆಕ್ಸ್, ಹರಿಗ್ರಾಮ್, ನ್ಯೂಪನವೆಲ್ - ಮೊರ್ಬಾ ರೋಡ್ ಹಾಂಗಾ ಚಲಚೊ ಆಸಾ.
ದೂರವಾಣಿ: 9867782425, 9820238867

ದೈವಜ್ಞ:

ಜ್ಞಾನೇಶ್ವರಿ ಪೀಠ, ದೈವಜ್ಞ ಬ್ರಾಹ್ಮಣ ಮಠ, ಶ್ರೀ ಕ್ಷೇತ್ರ ಕರ್ಕಿ ಮಠಾಧೀಶ ಶ್ರೀಮದ್ ಸಚ್ಚಿದಾನಂದ ಜ್ಞಾನೇಶ್ವರ ಭಾರತಿ ಮಹಾಸ್ವಾಮಿ ಹಾಂಗೆಲೊ ಚಾತುರ್ಮಾಸ ಶ್ರೀ ಕ್ಷೇತ್ರ ಕರ್ಕಿ, ಹೊನ್ನಾವರ (ಉ.ಕ.) ಹಾಂಗಾ ಚಲಚೊ ಆಸಾ.

ವೈಶ್ಯ ಸಮಾಜ:

ಶ್ರೀ ಸಂಸ್ಥಾನ ಶಾಂತಾಶ್ರಮ ಕಾಶಿ ತಥಾ ಹಳದಿಪುರ ಮಠಾಧೀಪತಿ ಶ್ರೀಮದ್ ವಾಮನಾಶ್ರಮ ಸ್ವಾಮೀಜಿ ಹಾಂಗೆಲೊ ಚಾತುರ್ಮಾಸ ಜುಲೈ 2. 2023 ದಾಕೂನ ಸೆಪ್ಟೆಂಬರ್ 29, 2023 ತಾಂಯ ಮಂಗಳೂರಚೆ ಡೊಂಗರಕೇರಿ ಶ್ರೀ ವೆಂಕಟರಮಣ ದೇವಳಾಂತು° ಚಲಚೊ ಆಸಾ.
ದೂರವಾಣಿ: 9980092209, 9900118033

ಶ್ರೀ ಗೌಡಪಾದಾಚಾರ್ಯ ಕವಳೆ ಮಠ ಹಾಜೆ ಮಂಗಳೂರು ಶಾಖಾ ಮಠ ಮಂಗಳೂರಚೆ ಕೊಡಿಕಲ್ ಪ್ರದೇಶಾಂತು° ಸ್ಥಾಪನ ಜಾವಚೆ° ಆಸಾ ಆನಿ ನವೆಂಬರ ಮ್ಹಯನ್ಯಾಂತು° ಕವಳೆ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಮಹಾರಾಜ ಸ್ವಾಮಿಜಿ ಹಾಂನಿ° ಹ್ಯಾ ಸ್ಥಳಾರಿ ಭೂಮಿ ಪೂಜನ್ ಕೆಲೆಲೆ° ಆಸಾ. ಹ್ಯಾ ಬದಲ ಶಿಷ್ಯ ವರ್ಗಾಕ ಆನಿ ಭಜಕ ಲೋಕಾಂಕ ಮಾಹಿತಿ ದಿವಚೆ ನದರೆನ ಜ.24 ದಾಕೂನ ಚಲಚೆ ಕೊಡಿಯಾಲ ತೇರಾ ವೇಳಾರಿ ಮಂಗಳೂರು ರಥಬೀದಿಚೆ ಶ್ರೀ ವೆಂಕಟರಮಣ ದೇವಳಾಚೆ ಮುಕಾರಿ ಮಾಹಿತಿ ಕೇಂದ್ರ ಉಗ್ತೆ° ಕರಚೆ° ಆಜಿ (ಜ.24) ಸಕಾಳಿ ಸಮಾಜಾಚೊ ಮ್ಹಾಲ್ಗಡೊ ಎ. ಕೆ. ಮಂಜುನಾಥ ಶೆಣೈ ಹಾಂನಿ° ದಿವೊ ಲಾವನು ಕೆಲೆ°.

ಹ್ಯಾ ವೇಳಾರಿ ಶ್ರೀ ವೆಂಕಟರಮಣ ದೇವಳಾಚೆ ಟ್ರಸ್ಟಿ ಸತೀಷ ಪ್ರಭು, ಅರ್ಚಕ ಹರೀಷ್ ಭಟ್, ಮಠ ಕಮಿಟಿಚೆ ನರೇಶ ಆರ್ ಕಿಣಿ, ಮಹೇಶ ರಾವ್ ಗಾಯತೊಂಡೆ, ಸ್ವಯಂ ಸೇವಕ ರಮೇಶ ಪ್ರಭು, ಸುರೇಶ ಪಂಡಿತ್, ಗುರುಪುರ ಕೇಶವ ಪ್ರಭು ಆನಿ ಹರೀಷ್ ಕಾಮತ ಉಪಸ್ಥಿತ ಆಶಿಲೆ. 

ಮಂಗಳೂರು: ಮನಶಾನ ಭೂಯಿ° ಆನಿ ದುಡ್ವಾಚೊ ವ್ಯಾಮೋಹ ಸೋಡಲ್ಯಾರಿ ಮುಕ್ತಿ ಆನಿ ಮೋಕ್ಷ ಸಾಧ್ಯ. ನಶ್ವರ ವಸ್ತುಚೆರಿ ಆಸಚೆ ಪ್ರೀತಿನ ಆಹಂ ವಾಡತಾ. ಆಮಿ ಕೆದನಾಯಿ ಉರ್ಧ್ವಮುಖಿ ಜಾವಚೆ ನದರೇನ ಚಿಂತನ ಕರಕಾ” ಮ್ಹಣು ಕವಳೆ ಮಠಾಧೀಶರಾದ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೀಜಿ ಹಾಂನಿ° ಸಾಂಗಲಾ°. ಕೊಟ್ಟಾರಾಂತು° ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕವಳೆ ಮಠಾಚೆ ನೂತನ ಶಾಖಾ ಮಠಾಕ ಶಂಕುಸ್ಥಾಪನಾ ಕರನು ತಾಂನಿ° ಅಶೀರ್ವಚನ ದಿಲೆ°. “ಮಠ, ಮಂದಿರ° ಆಸಚೆ° ಜನಕಲ್ಯಾಣಾ ಕಾತಿರ. ಹರ ಎಕ ಸಮಾಜಾನ ಅಭಿವೃದ್ದಿ ಜಾವಕಾ ಜಾಲ್ಯಾರಿ, ಸಮಾಜಾಕ ಸಮ ವಾಟೆರಿ ವಚೆ° ತಶಿ° ಮಾರ್ಗದರ್ಶನ ದಿವಚೆ° ಮಠಾಧೀಶಾನಿ ಮ್ಹಣು ತಾಂನಿ° ಸಾಂಗಲೆ°. ಫಕತ ದೇವಾಲೆ ನಾಮ ಸ್ಮರಣ ಕೆಲ್ಯಾರಿ ಪಾವನಾ, ಸೂಕ್ತ ಮಾರ್ಗದರ್ಶನ ದಿತಲೆ ಗುರು ಜಾವಕಾಚಿ. ವಿಷ್ಣು ಆನಿ ಶಿವ ಪೂಜೆಂತು° ಬೇಧ ಕರನಾಶಿ°, ಭಕ್ತಿನ ಪರಮಾತ್ಮಲೆ ಅರಾಧನಾ ಕರಕಾ. ವ್ಹಿಂಗವ್ಹಿοಗಡ ಪ್ರದೇಶಾಂತು° ಕವಳೆ ಮಠಾಚೆ ಶಾಖಾ ಮಠ ಸ್ಥಾಪನಾ ಜಾತಾ ಆಸಾತಿ, ಹಾಜೆ ನಿಮಿತ ಸರ್ವ ಶಿಷ್ಯ ವೃಂದಾನ ಸಾಂಗತ ಯೆವಚೊ ವೇಳು ಆಯಲಾ ಮ್ಹಣು ಗುರುವರ್ಯಾನಿ ಸಾಂಗಲೆ°.
ಮಂಗಳೂರಾಮತು° ಕವಳೆ ಮಠಾಚೊ ಶಾಖೊ ಜಾತಾ ಆಸಚೆ ಸಂತೋಸಾಚೊ ವಿಷಯ, ಸರ್ವ ಸಾರಸ್ವತ ಲೋಕಾನ ಹಾಕಾ ಜಾಯ ಆಶಿಲಿ ಸೇವಾ ಕರಕಾ ಮ್ಹಣು ಮಂಗಳೂರು ದಕ್ಷಿಣ ಶಾಸಕ ವೇದವ್ಯಾಸ ಕಾಮತ್ ಹಾಂನಿ° ಸಾಂಗಲೆ°.
ಆವಸೂಲೆ ಆಶೆ ಪ್ರಮಾಣೆ ಹಾಂವೆ° ಹೊ ಜಾಗ ದಾನ ಕೆಲಾ ಮ್ಹಣು ಎ. ಜಿ. ಪೈ ಹಾಂನಿ° ಕಳಯಲೆ°.
ಮಂಗಳೂರಾοತು° ಮಠ ಸ್ಥಾಪನಾ ಜಾವಕಾ ಮ್ಹಣು ಖೂಬ ಕಾಳಾಚೆ ಸೊಪನ ಸ್ವಾಮ್ಯಾಲೆ ಆನಿ ದೇವಾಲೆ ಆಶೀರ್ವಾದಾನ ಜಾಲಾ° ಮ್ಹಣು ಮ್ಹಾಲ್ಗಡೊ ಉದ್ಯಮಿ ಎ. ಕೆ. ಮಂಜುನಾಥ ಶೆಣೈ ಹಾಂನಿ° ಸಾಂಗಲೆ°. ಶಾಸಕ ಡಾ ಭರತ್ ಶೆಟ್ಟಿ, ಸ್ಥಳೀಯ ನಗರಪಾಲಿಕಾ ಸಾಂದೊ ಮನೋಜ್ ಕುಮಾರ್, ಮಠಾಚೆ ಇಮಾರತ ಬಾಂದಪ ಇಂಜಿನಿಯರ್ ಗುರುಪುರ ಯೋಗೀಶ್ ಪೈ, ಪಾಲಿಕಾ ಸದಸ್ಯಾ ಸಂಗೀತ ನಾಯಕ್, ಸಾಗರ ನಗರ ಸಭೆಚೊ ಉಪಾಧ್ಯಕ್ಷ ಮಹೇಶ್ ವಿ ಮಾನಾಚೆ ಸೊಯ್ರೆ ಆಶಿಲೆ.
ರಥಬೀದಿ ಶ್ರೀ ವೆಂಕಟರಮಣ ದೇವಳಾಚೆ ಟ್ರಿಸ್ಟಿ ಅಡಿಗೆ ಬಾಲಕೃಷ್ಣ ಶೆಣೈ, ಕಿರಣ್ ಪೈ, ಸತೀಶ್ ಪ್ರಭು, ಗಣೇಶ್ ಕಾಮತ್, ಸಿಎ ಜಗ್ನನಾಥ ಕಾಮತ್, ಕೊಂಚಾಡಿ ದೇವಳಾಚೆ ಟ್ರಸ್ಟಿ ಡಿ. ವಾಸುದೇವ ಕಾಮತ್, ಭಾರತ್ ಸಮೂಹ ಸಂಸ್ಥೆಚೆ ಆನಂದ ಪೈ, ಸುಬ್ರಾಯ ಪೈ, ಬೆಂಗಳೂರು ಆರ್‌ಎಸ್‌ಬಿ ಸಂಘಾಚೊ ಅಧ್ಯಕ್ಷ ನಾಗೇಂದ್ರ ಕಾಮತ್, ಜಿಎಸ್‌ಸಭಾ ಕೋಡಿಕಲ್ ಹಾಜೊ ಅಧ್ಯಕ್ಷ ಆರ್.ಎಂ. ಪ್ರಭು, ಕೆ ಎಸ್ ಬಿ ಸಮಾಜಾಚೊ ಅಧ್ಯಕ್ಷ ಸುಧರ್ಶನ್ ನಾಯಕ್, ಮಠ ಕಟ್ಟಡ ಸಮಿತಿ ಅಧ್ಯಕ್ಷ ಸುಬ್ರಹ್ಮಣ್ಯ ಭಟ್, ಉಪಾಧ್ಯಕ್ಷ ಪ್ರವೀಣ್ ನಾಯಕ್, ಟಿ. ಅವಿನಾಶ್ ಶೆಣೈ, ಕೋಶಾಧಿಕಾರಿ ಗೋಪಾಲಕೃಷ್ಣ ರಾವ್, ರಮೇಶ್ ಭಟ್ ಉಪಸ್ಥಿತ ಆಶಿಲಿಂತಿ. ಗುರುವರ್ಯಾಂಕ ಪೂರ್ಣ ಕುಂಭ ಸ್ವಾಗತ ಕೆಲೆ°. ಗೌರವಾಧ್ಯಕ್ಷ ಗೋಕುಲದಾಸ್ ನಾಯಕ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಮಹೇಶ್ ರಾವ್ ಗಾಯಿತೊಂಡೆ ಹಾಂನಿ° ದಾನಿ ಲೋಕಾಲಿ ಯಾದಿ ವಾಚಲಿ. ಪ್ರಧಾನ ಕಾರ್ಯದರ್ಶಿ ನರೇಶ್ ಕಿಣಿ ಹಾಂನಿ° ಸೂತ್ರ ಸಂಚಾಲನ ಕರನು ಮಠ ಬಾಂದಪಾ ಬದಲ ಮಾಹಿತಿ ದಿಲಿ.

ಸಾಗರ: ಹಾಂಗಾಚೆ ಲಕ್ಷ್ಮೀ ವೆಂಕಟರಮಣ ದೇವಳಾಂತು° ಜುಲೈ 7, 2022 ದಾಕೂನ ಸೆಪ್ಟೆಂಬರ್ 17, 2022 ಥಾಂಯ ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕೈವಲ್ಯ ಮಠಾಧೀಶ ಶ್ರೀಮದ್ ಶ್ರೀ ಶಿವಾನಂದ ಸರಸ್ವತಿ ಸ್ವಾಮೀಜಿ ಹಾಂಗೆಲೊ 2022 ವರಸಾಚೊ ಚಾತುರ್ಮಾಸ ಚಲಚೊ ಆಸಾ ಮ್ಹಣು ದೇವಳಾಚೆ ಕಳವಣಿಂತು° ಸಾಂಗಲಾ°. ಜು. 7ಕ ಗುರುವರ್ಯಾಲೆ° ಆಗಮನ, ಸೆ. 10 ಕ ಚಾತುರ್ಮಾಸ ಸಂಪನ್ನ, ಸೆ. 11ಕ ಶ್ರೀ ಗಣೇಶ ವಿಸರ್ಜನ ಆನಿ ಸೆ. 17ಕ ಶ್ರೀ ಗುರು ದಿಗ್ವೀಜಯೋತ್ಸವು ಚಲಚೊ ಆಸಾ ಮ್ಹಣು ಕಳವಣಿತು° ಸಾಂಗಲಾ°.

ಮುಂಬಯಿಚೆ ವಾಶಿಂತು° ಮೆ. 1ಕ ವಿಶ್ವ ಸಾರಸ್ವತ ಫೆಡರೇಶನಾನ ಆಯೋಜನ ಕರಚೆ ವಿಶ್ವ ಸಾರಸ್ವತ ಸಮ್ಮೇಳನಾಂತು° ಕವಳೆ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಮಹಾರಾಜ್ ಸ್ವಾಮೀಜಿ ಉಪಸ್ಥಿತ ಆಸನಾತಿ ಮ್ಹಣು ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕವಳೆ ಮಠಾಚೆ ಫೇಸಬುಕ್ ಪೋಸ್ಟಾಂತು° ಕಳಯಲಾ°. ಎ. 30ಕ ದೋನಪಾರಾ 12 ಗಂಟ್ಯಾಕ ಫಾಯಸ ಜಾಲೆಲೆ ಹ್ಯಾ ಪೋಸ್ಟಾಂತು° ಗುರುವರ್ಯ ಇತ್ಯಕ ಸಮ್ಮೇಳನಾಕ ಯೆನಾತಿ ಮ್ಹಳೆಲೆ ಸ್ಪಷ್ಟ ನಾ.
ಕಾಲಿ ಆನಿ ಪಯರಿ ವೆಗವೆಗಳೆ ಪತ್ರಿಕೆಂತು° ಪ್ರಕಟ ಜಾಲೆಲೆ ಖಬರೆಂತು° ಸಾರಸ್ವತ ಸಮಾಜಾಚೆ ಚಾರಯೀ ಸ್ವಾಮೆ ಸಮ್ಮೇಳನಾಂತು° ಉಪಸ್ಥಿತ ಆಸೂನ ಮಾರ್ಗದರ್ಶನ ದಿತಾತಿ ಮ್ಹಳೆಲೆ° ಹ್ಯಾ ಪೋಸ್ಟಾಂತು° ಉಲ್ಲೇಖ ಕರನು ಹ್ಯಾ ಬದಲ ಗುರುವರ್ಯಾಲಿ ಪರವಾಣಗಿ ಘೆನಿ ಮ್ಹಳೆಲೆ° ಸುತಾ ಸಾಂಗಲಾ°.
ಹ್ಯಾ ಸಮ್ಮೇಳನಾಂತು° ಗುರುವರ್ಯ ಇತ್ಯಾಕ ಉಪಸ್ಥಿತ ಆಸಚಾಕ ಜಾಯನಾ ಮ್ಹಳೆಲೆ ಕಠಿಣ ಕಾರಣ ಗುರುವರ್ಯಾಲೆ ಭೇಟಿಕ ಸದಾಶಿವಘಡಾಕ ಆಯಿಲೆ ವಿಶ್ವ ಸಾರಸ್ವತ ಫೆಡರೇಶನಾಚೆ ಅಧ್ಯಕ್ಷಾಕ ಕಳಯಲಾ° ಮ್ಹಳೆಲೆಂಯಿ° ಕಳವಣಿ ಸಾಂಗತಾ.
ಕಳವಣಿಂತು° ಆಖೇರಿಕ ಗುರುವರ್ಯಾನಿ ಸಾರಸ್ವತ ಸಮಾಜಾಚೆ ಹರ ಎಕ ಸಾರಸ್ವತ ವ್ಯಕ್ತಿಕ ಪಾವನು ಬಲಿಷ್ಠ ಸಾರಸ್ವತ ಸಮಾಜ ಬಾಂದೂಚೆ ತಶಿ° ಜಾವೊ ಮ್ಹಣು ಶ್ರೀ ಭವಾನಿ ಶಂಕರ ದೇವಾಲಾಗಿ ಮಾಘಣಿ ಕರನು ಆಶೀರ್ವಾದ ದಿಲಾ.

ಮಂಗಳೂರು: ಕೊಂಕಣಿ ಭಾಶೆಂತು° 42 ಭೊಲಿ ಆಸಾತಿ ಆನಿ ಎದೋಳು ಸಾಬಾರ 62 ಕೊಂಕಣಿ ಸಿನೆಮಾ ಆಯಲ್ಯಾಂತಿ. ದಕ್ಷಿಣ ಕನ್ನಡ ಆನೀ ಉಡುಪಿ ಜಿಲ್ಲೆಂತು° ಚಡಾವತ ವಾಸ ಕರನು ಆಸಚೆ ರಾಜಾಪುರಿ ಸಾರಸ್ವತ ಬ್ರಾಹ್ಮಣ (ಆರ್.ಎಸ್.ಬಿ) ಸಮಾಜಾಚೊ ತರನಾಟೊ ಸಂದೀಪ ಕಾಮತಾನ ಪಯಲೆ° ಪಾವಟಿ ಆರ್.ಎಸ್.ಬಿ ಭೊಲಿಂತು° ‘ಆಮ್ಚೆ ಸಂಸಾರ್’ ಮ್ಹಳೆಲೆ° ಕೊಂಕಣಿ ಸಿನೆಮಾ ತಯಾರ ಕೆಲಾ°. ಹಾಜೆ ಪಯಲೆ° ಪ್ರದರ್ಶನ ಮಂಗಳೂರಚೆ ಬಿಗ್ ಸಿನೆಮಾಂತು° ಡಿ.19ಕ ಜಾಲೆ°

ಏಕ ಸಂಸಾರಾನ ದೇವಾಚೆರಿ ವಿಶ್ವಾಸ ದವರನು ಕಶಿ° ತಾಂಗೆಲೆ ಕಷ್ಟಾಂಕ ಪರಿಹಾರ ಸೊಧಿಲೊ ಮ್ಹಳೆಲಿ ಕಾಣಿ ಸಾಂಗಚೆ° ಪ್ರಯತ್ನ ಸಂದೀಪ ಕಾಮತಾನ ಹ್ಯಾ ಸಿನೆಮಾ ಧ್ವಾರಿ ಕೆಲಾ°. ಆಮ್ಚೆ ಕ್ರಿಯೇಶನ್ಸ್ ಪಂಗಡಾನ ತಯಾರ ಕೆಲೆಲೆ ‘ಆಮ್ಚೆ ಸಂಸಾರ್’ ಸಿನೆಮಾಂತು° ವಿಜಯ ನಾಯಕ ಮಾರ್ಪಳ್ಳಿ, ಸುಮತಿ ನಾಯಕ, ರೋಹನ ನಾಯಕ, ಭವ್ಯಾ ಪ್ರಭು, ಸದಾನಂದ ನಾಯಕ, ಕುಸುಮಾ ಕಾಮತ, ಪಾಂಡುರ0ಗ ಪ್ರಭು, ಸುಧೀರ ನಾÊಕ್, ಶ್ರೀಕಾಂತ ನಾಯಕ, ಸುನೀಲ ನೆಲ್ಲಿಗುಡ್ಡೆ, ಪೂರ್ಣಿಮಾ ಸುರೇಶ, ಪುಂಡಲಿಕ ಮರಾಠೆ, ರಾಘವೇಂದ್ರ ಪ್ರಭು ಕರ್ವಾಲ, ಸುಧೀರ ಪಟ್ಲ್, ಪ್ರಸಾದ ನಾಯಕ, ದೇವೆಂದ್ರ ಪ್ರಭು, ಸತ್ಯಪ್ರಸಾದ ಶೆಣೈ, ಸುಧೀರ ತೊಕೊಲಿ, ಶ್ರೀಕಾಂತ ಕಾಮತ, ಮಾಸ್ಟರ್ ಸಾತ್ವಿಕ, ಬೇಬಿ ಸುಹಾನಿ, ರಶ್ಮಿ ನಾಯಕ, ವಿದ್ಯಾ ಭಟ್, ಕಾರ್ತಿಕ ಪ್ರಭು ಸಗ್ರಿ, ಸೌಂದರ್ಯಾ ಗುರುಪ್ರಸಾದ, ಇಡ್ಲಿ ರಾಜಾ, ಸುಪ್ರಿತಾ ಕಾಮತ, ಕಾರ್ತಿಕ ಪ್ರಭು, ಅಶ್ವಿನ ನಾಯಕ ಹಿರ್ಗಾನಾ, ರಮಣಜೀ, ಪ್ರಸಾದ ನಾಯಕ ಹಾಂನಿ° ನಟನ ಕೆಲಾ°. 

ಹ್ಯಾ ಸಿನೆಮಾಚಿ ಕಾಣಿ ಆನೀ ಸಂಭಾಷಣ ಬರೊವನು ನಿರ್ದೇಶನ ಕೆಲೆಲೊ ಸಂದೀಪ ಕಾಮತ ಕಾರ್ಕಳ ಅಜೆಕಾರಾಚೊ ದೇವೆಂದ್ರ ಕಾಮತ ಆನೀ ಸುಪ್ರೀತಾ ಕಾಮತ ಹಾಂಗೆಲೊ ಪೂತು ಜಾವನು ಆಸಾ. ಬಿ.ಕಾಂ ಪದವೀದರ ಆಸಚೊ ಹೊ ಕಾರ್ಕಳಾಂತು° ಉದಾಕ ಸರಬರಾಜು ವಿಭಾಗಾಂತು° ನೌಕರಿ ಕರನು ಆಸಾ. ಹೆ° ತಾಗೆಲೆ° ಪಯಲೆ° ಚಲನಚಿತ್ರ ಜಾವನು ಆಸಾ ಆನೀ ಆರ್.ಎಸ್.ಬಿ. ಭೋಲಿಚೆ ಪಯಲೆ° ಚಲನಚಚಿತ್ರ ಸುತಾ ಆಸಾ. 
ಹ್ಯಾ ಚಲನಚಿತ್ರಾಚೆ ಸಿನೆಮಾಟೊಗ್ರಾಫಿ ಭುವನೇಶ್ವರ ಪ್ರಭು ಹೀರೆಬೆಟ್ಟು ಆನೀ ಪ್ರಜ್ವಲ್ ಸುವರ್ಣ ಹಾಂನಿ° ಕೆಲಾ°. ಕಾರ್ತಿಕ ಮುಲ್ಕಿನ ಪಾರ್ಶ್ವ ಸಂಗೀತ ಆನೀ ಸೌಂಡ್ ನಿರ್ವಹಣ ಕೆಲಾ°. ಸುಂದರ ಸಂಗೀತಾಕ ಕಾವ್ಯಶ್ರೀ ನಾಯಕ ಅಜೇರು, ಪಲ್ಲವಿ ಪ್ರಭು  ಆನೀ ಕಾರ್ತಿಕ ಮುಲ್ಕಿ ಹಾಂನಿ° ತಾಳೊ ಬಸಯಲಾ. ತರನಾಟೆನಿ ಮೇಳನು ತಯಾರ ಕೆಲೆಲೆ ಹ್ಯಾ ಚಲನ ಚಿತ್ರಾಂತು° ಭರಪೂರ ಕುಶಾಲ ಆಸಾ ಆನೀ ಸಗಟಾನ ಕುಟುಂಬ ಸಮೇತ ಪಳೊವಯೆತ. ಪಯಲೆ°. ಪ್ರದರ್ಶನಾಚೆ ಶುರವೆಕ ಘಡಲೆಲೆ ಕಾರ್ಯಕ್ರಮಾಂತು° ನಿವೃತ್ತ ಬ್ಯಾಂಕರ್ ಎನ್. ಉಪೇಂದ್ರ ಪ್ರಭು ಹಾಂನಿ° ದಿವೊ ಲಾವನು ಶುಭಾಷಯ ಪಾಟಯಲೊ. “ರಾಜಾಪುರಿ ಕೊಂಕಣಿ ಭೋಲಿಂತು° ಫಾಯಸ ಜಾವಚೆ° ಹ್ಯಾ ಪಯಲೆ° ಸಿನೆಮಾಕ ಸಮಾಜಾಚೆ ಸಗಟ ಲೋಕ ಪ್ರೋತ್ಸಾಹ ದೀತಾತಿ ಮ್ಹಣು ವಿಶ್ವಾಸ ಆಸಾ. ಆಮಗೆಲೆ ಮಾತೃ ಭಾಶೆಂತ ತಯಾರ ಜಾಲೆಲೆ ಹ್ಯಾ ಸಿನೆಮಾಕ ಬರೆ° ಮಾಘತಾ°” ಮ್ಹಣು ತಾಂನಿ° ಸಾಂಗಲೆ°.

ಮಾನಾಚೊ ಸೊಯ್ರೊ ನಾವಾದೀಕ ಸಿನೆಮಾ ನಿರ್ದೇಶಕ ಕಾಸರಗೋಡು ಚಿನ್ನಾ ಹಾಂನಿ° ಶುಭಾಷಯ ಪಾಟಯಲೊ. “ಕೊಂಕಣಿ ಲೋಕ ಊಣೆ ಆಸೂನ 42 ಸಮುದಾಯಾಂತ ವಾಂಟೂನ ಘೆಲ್ಯಾಂತಿ. ಕೊಂಕಣಿ ಸಿನೆಮಾಕ ಕೊಂಕಣಿ ಲೋಕಾನಚೀ ಪಳೊವಕಾ. ತ್ಯಾ ದೆಕೂನ ಸರ್ವ ಸಮುದಾಯಾಚೆ ಕೊಂಕಣಿ ಲೋಕಾನ ಭೋಲಿ ಭೇದ ನಾತಿಲೆ° ಹೆ° ಚಲಚನಚಿತ್ರ ಪಳೊವನು ಸಂದೀಪ ಕಾಮತಾಲಿ ಉಮೇದಿ ವಾಡೋಕಾ” ಮ್ಹಣು ತಾಂನಿ° ಸಾಂಗಲೆ°. 

ಕೊಡಿಯಾಲ ಖಬರ ಕೊಂಕಣಿ ಪತ್ರಿಕೆಚೊ ಸಂಪಾದಕ ವೆಂಕಟೇಶ ಬಾಳಿಗಾ ಮಾವಿನಕುರ್ವೆ ಹಾಂನಿ° ಉಲಯತಾ “ತಾಂತ್ರಿಕ ಜಾವನು ಬರೆ° ಆಶಿಲೆ° ಸಿನೆಮಾ ಸಗಟಾಂಕ ಆವಡತಾ. ಭಾಸ ಯಾ ಭೋಲಿ ಮುಖ್ಯ ಜಾಯನಾ. ಆಮೀ ವ್ಹಿಂಗವ್ಹಿಂಗಡ ಭಾಶೆಂಚೆ ಚಲನಚಿತ್ರ ಅರ್ಥು ಜಾಯನಾತಲ್ಯಾರಯಿ ಸಬ್ ಟೈಟಲ್ ವಾಪರೂನ ಪಳಯತಾತಿ. ತಶಿಂಚಿ ಕೊಂಕಣಿ ಸಿನೆಮಾ ಸುತಾ ತಾಂತ್ರಿಕ ಜಾವನು ಊಂಛ ಸ್ಥರಾಕ ವ್ಹರಚೆ° ಜಾವಕಾ. ಫೋಟೊಗ್ರಾಫಿ, ಎಡಿಟಿಂಗ್, ಸೌಂಡ್ ಅಸಲೆ ವಿಷಯಾಂಕ ಚಡ ಮಹತ್ವ ದಿವಕಾ” ಮ್ಹಣು ತಾಂನಿ° ಸಾಂಗಲೆ°. ಆರ್. ಎಸ್. ಬಿ ಸಂಘ (ರಿ.), ಮಂಗಳೂರು ಹಾಜೊ ಅಧ್ಯಕ್ಷ ಆರ್. ಎಂ. ಪ್ರಭು ಸಭೆಚೆ ಅಧ್ಯಕ್ಷ ಆಶಿಲೆ. ಡಾ| ಉಪೇಂದ್ರ ನಾಯಕ, ಮೋಹಿನಿ ಎನ್ ನಾಯಕ ಮಣಿಪಾಲ, ಅಲ್ಟಾರು ರಾಮಚಂದ್ರ ನಾಯಕ ಮೋಗೆರು, ಕುಂಡೇರಿ ಜಯಂತ ನಾಯಕ ಕಾಸರಗೋಡು, ಎಂ. ಮುಕುಂದ ನಾಯಕ, ಡಾ. ಉದಯ ನಾಯಕ, ಸಿ. ಎ. ಮಮತಾ ರಾವ, ದೇವಾನಂದ ನಾಯಕ ಆನೀ ಕವಿ ರವೀಂದ್ರ ನಾಯಕ ಸಣ್ಣಕ್ಕಿಬೆಟ್ಟು ಉಪಸ್ಥಿತ ಆಶಿಲೆ.  ಸಂದೀಪ ಕಾಮತಾನ ಸ್ವಾಗತಾಚೆ ಉತ್ರ° ಸಾಂಗಲಿ°. ಭುವನೇಶ ಪ್ರಭುನ ಆಭಾರ ಮಾನಲೊ.ಪ್ರೇರಣಾನ ಪ್ರಾರ್ಥನಾ ಸಾಂಗಲಿ. ಪುಂಡಲಿಕ ಮರಾಠೆನ ಸೂತ್ರ ಸಂಚಾಲನ ಕೆಲೆ°. 

ಉಡುಪಿ ಆತ್ರಾಡಿ ಹಾಂಗಾ ಗೌಡಪಾದಾಚಾರ್ಯ ಕೈವಲ್ಯ ಮಠಾಚೆ 16ವೊ ಶಾಖಾ ಮಠಾಚೆ ಲೋಕಾರ್ಪಣ.
ಶಿರ್ವ:- “ದೇವ ಭೂಮಿ - ತ್ಯಾಗ ಭೂಮಿ ಜಾವನು ಆಸಚೆ ಭಾರತಾಚೆ ವಯರಿ ವಿದೇಶಿ ಲೋಕಾಂಚೆ ವಾಯಟ ದೃಷ್ಟಿ ಪಡಲ್ಯಾ, ಆಮಗೆಲೆ ಸಂಸ್ಕೃತಿ ವಯರಿ ಆಕ್ರಮಣ ಜಾತಾ ಆಸಾತಿ, ಸಾಂಕ್ರಾಮಿಕ ರೋಗ ಪಸರತಾ ಆಸಾತಿ. ದೇಶಾ ಖಾತಿರ ಆಮಗೆಲೆ ಮ್ಹಾಲ್ಗಡೆನಿ ಕೆಲೆಲೆ ತ್ಯಾಗ ಉಡಗಾಸ ಕರನು ದೇವತಾರಾಧನೆಚೆ ಸಾಂಗತ ದೇಶ, ಸಂಸ್ಕೃತಿ ರಾಖಚೆ° ಕರಕಾ” ಮ್ಹಣು ಗೋಂಯಚೆ ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕೈವಲ್ಯ ಮಠಾಚೆ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೀ ಮಹಾರಾಜ್ ಹಾಂನಿ° ಉಲೊ ದಿಲಾ. ಉಡುಪಿ ಆತ್ರಾಡಿಂತು° ಶ್ರೀ ಸಂಸ್ಥಾನಾಚೆ 16ವೊ ಶಾಖಾ ಮಠ ಸಮಾಜಾಕ ಅರ್ಪಣ ಕರನು ದಿವೊ ಲಾವನು ಆಶೀರ್ವಚನಾಂತು° ಗುರುವರ್ಯಾನಿ ಅಶಿ° ಸಾಂಗಲೆ°. 

ಧರ್ಮ ವಿಸರಲ್ಯಾರಿ ಆಮಕಾಚೀ ವಿಸರಲ್ಯಾ ಮ್ಹಣಕೆ ಜಾತಾ, ಮನುಷ್ಯ ಜನ್ಮಾಚೆ ಉದ್ಧಾರಾಕ ಫಕತ ಧರ್ಮಾಚರಣ ಆನಿ ಕುಲದೇವಾಲೆ ಉಪಾಸನಾ ವಾಟ ಜಾವನು ಆಸಾ. ಖಂಚೆಯ ನಮೂನ್ಯಾಚೆ ಆಕ್ರಮಣ ಜಾಲೆಲೆ ಪರಿಸ್ಥಿತಿರಿ ಸಾರಸ್ವತ ಲೋಕಾನ  ಆತ್ಮವಿಶ್ವಾಸಾನ ಕುಲದೇವಾಂಚೆ° ರಕ್ಷಣ ಕೆಲಾ°. ಹಾಜೆನ ಸಮಾಜಾಚೆ ಪುನಶ್ಚೇತನ ಸಾಧ್ಯ ಜಾಲೆ°. ಸಾರಸ್ವತ ಲೋಕಾಂಕ ಕುಲದೇವಾಲೆ° ದರ್ಶನ ಸಾಧ್ಯ ಜಾವಚೆಂ ಖಾತೀರ ಹಾಂಗಾಚೀ  ಕುಲದೇವಾಂಚೆ° ಪ್ರತಿಷ್ಠಾ ಕರಚೆ ಯೋಜನ ಆಸಾ ಮ್ಹಣು ತಾಂನಿ° ಸಾಂಗಲೆ°. ಆತ್ರಾಡಿ ಶಾಖಾ ಮಠಾಂತು° ಶೈಕ್ಷಣಿಕ ಕೇಂದ್ರ°, ವೇದಪಾಠಶಾಳಾ, ಗೋಶಾಲಾ ಆರಂಭ ಕರಚೊ ಉದ್ದೇಶ ಆಸಾ ಮ್ಹಣು ಗುರುವರ್ಯಾನಿ ಕಳಯಲೆ°.  

ಕಾರ್ಯಕ್ರಮಾಂತು°  ಕರ್ನಾಟಕ ರಾಜ್ಯಾಚೆ ಇಂಧನ ಆನೀ ಕನ್ನಡ -ಸಂಸ್ಕöÈತಿ ಇಲಾಖೆಚೊ ಮಂತ್ರಿ ವಿ. ಸುನಿಲ್ ಕುಮಾರ್ ಮುಖೇಲ ಸೊಯ್ರೆ ಆಶಿಲೆ. ಉಡುಪಿ ಶಾಸಕ ರಘುಪತಿ ಭಟ್, ಕಾಪು ಶಾಸಕ ಲಾಲಾಜಿ ಮೆಂಡನ್, ಆದಲೆ ಮಂತ್ರಿ ವಿನಯಕುಮಾರ್ ಸೊರಕೆ, ಪ್ರಮೋದ್ ಮಧ್ವರಾಜ್, ನಗರಸಭಾ ಅಧ್ಯಕ್ಷಾ ಸುಮಿತ್ರಾ ಆರ್. ನಾಯಕ್, ಬೆಂಗಳೂರಚೆ ಟೆಕ್ಸಾಸ್ ಸಿಇಓ ರಮಾನಂದ ನಾಯಕ್, ಕೈವಲ್ಯ ಮಠಾಚೆ ಟ್ರಸ್ಟಿ ನಿಲೇಶ್ ಬೊರ್ಕಾರ್, ಉದ್ಯಮಿ ಪುರುಷೋತ್ತಮ ಶೆಟ್ಟಿ, ಮಹೇಶ್ ಠಾಕೂರ್, ಆತ್ರಾಡಿ ಗ್ರಾ.ಪಂ. ಅಧ್ಯಕ್ಷಾ ರೂಪಾ ಶೆಟ್ಟಿ , ಮೋಂತಿಮಾರು ಶ್ರೀ ದುರ್ಗಾಪರಮೇಶ್ವರಿ ದೇವಳಾಚೊ ಟ್ರಸ್ಟಿ ಶೇಣಿ ಮುಕುಂದ ನಾಯಕ, ಹಿರ್ಗಾನ ಲಕ್ಷ್ಮಿಪುರ ಶ್ರೀ ಆದಿಶಕ್ತಿ ಮಹಾಲಕ್ಷ್ಮಿ ದೇವಳಾಚೊ ಆಡಳಿತ ಮೊಕ್ತೇಸರ ಅಶೋಕ ನಾಯಕ, ಬಂಟಕಲ್ಲು ಶ್ರೀ ದುರ್ಗಾಪರಮೇಶ್ವರಿ ದೇವಳಾಚೊ ಆಡಳಿತ ಮೊಕ್ತೇಸರ ಶಶಿಧರ ವಾಗ್ಳೆ, ನರಸಿಂಗೆ ನರಸಿಂಹ ದೇವಳಾಚೊ ಆಡಳಿತ ಮೊಕ್ತೇಸರ ರಮೇಶ ಸಾಲ್ವಂಕಾರ್, ಅಡಪಾಡಿ ಶ್ರೀ ಉಮಾಮಹೇಶ್ವರ ದುರ್ಗಾಪರಮೇಶ್ವರಿ ದೇವಾಳಾಚೊ ಧರ್ಮದರ್ಶಿ ಪುಂಡಲೀಕ ನಾಯಕ, ಮೊಗೇರು ಶ್ರೀ ದುರ್ಗಾಪರಮೇಶ್ವರಿ ದೇವಳಾಚೊ ಆಡಳಿತ ಮೊಕ್ತೇಸರ ಅಲ್ಚಾರು ರಾಮಚಂದ್ರ ನಾಯಕ, ಬೈರಂಜೆ ಶ್ರೀ ಭವಾನಿಶಂಕರ ದೇವಳಾಚೊ ಅಡಳಿತ ಮೊಕ್ತೇಸರ ದೇವೇಂದ್ರ ವಾಗ್ಳೆ ವೇದಿಕೆರಿ ಉಪಸ್ಥಿತ ಆಶಿಲೆ.  

ನೂತನ ಶಾಖಾಮಠಾಚೊ ಅಧ್ಯಕ್ಷ ಸಂತೋಷ್ ವಾಗ್ಳೆ ಸಭೆಚೆ ಅಧ್ಯಕ್ಷ ಆಶಿಲೆ. ರಾಜಾಪುರ ಸಾರಸ್ವತ ಬ್ರಾಹ್ಮಣ ಸಂಘ(ರಿ) ಬಂಟಕಲ್ಲು ಹಾಜೊ ಅಧ್ಯಕ್ಷ ಗೋಕುಲದಾಸ ನಾಯಕ ಹಾಂನಿ° ಪ್ರಾಸ್ತಾವಿಕ ಆನೀ ಸ್ವಾಗತಾಚೆ° ಉತ್ರ° ಸಾಂಗಲಿ°. ಪರ್ಕಳ ದುರ್ಗಾಪರಮೇಶ್ವರಿ ಸೊಸೈಟಿಚೊ ಸಿಇಓ ನಿತ್ಯಾನಂದ ನಾಯಕ ನರಸಿಂಗೆ ಆನೀ ಪ್ರದೀಪ್ ಹಾಂನಿ° ಸೂತ್ರ ಸಂಚಾಲಕ ಆಶಿಲೆ. ಶ್ರೀಮಠಾಚೆ ವೈದಿಕ ಮಹೇಶ್ ಭಟ್, ರೋಹಿತ್ ಭಟ್, ರಂಗನಾಥ್ ಭಟ್ ಹಾಂನಿ° ವೇದಘೋಷ ಕೆಲೊ. ಸಂಘಾಚೊ ನಿಕಟಪೂರ್ವ ಅಧ್ಯಕ್ಷ ಶ್ರೀಶಾ ನಾಯಕ ಪೆರ್ಣಂಕಿಲ ಹಾಂನಿ° ಆಭಾರ ಮಾನಲೊ.