Spiritual
ಆತ್ಮಸಾಕ್ಷಾತ್ಕಾರ ಸಾಧನಾ ಆಣಿ ದೇವಾಲೆ ಸೇವೆಕ ಸಮರ್ಪಿತ ಗ್ರೃಹಜೀವನಾಕ ‘ಗೃಹಸ್ಥಾಶ್ರಮ’ ಮ್ಹಣ್ತಾಚಿ. ಜೀವನಾಂತುಲೆ ಇತರ ಸರ್ವ ಆಶ್ರಮಾಂತು ಗೃಹಸ್ಥಾಶ್ರಮಾಕ ಅತಿ ಮಹತ್ವಪೂರ್ಣ ಆನಿ ಉಚ್ಛ ಸ್ಥಾನ ಆಸ್ಸ. ಘರಾಂತೂ ರಾಬ್ಬುನು, ಆತ್ಮಸಂಯಮ, ಆತ್ಮನಿಷ್ಠಾ, ಸೇವಾಭಾವ ಇತ್ಯಾದಿ ಅಭ್ಯಾಸ ರ‍್ತಚಿ ತ್ಯಾಗಾಂತು ಆನಂದ ಪಾವಚೇಚಿ ಗೃಹಸ್ಥ ಜೀವನಾಚೆ ವೈಶಿಷ್ಠ. ಅಧ್ಯಾತ್ಮಿಕ ಶಾಂತಿ ಸಮಾಧಾನಾಚೆ ಗೃಹಜೀವನಾಂತು ಅರಣ್ಯವಾಸಾಚೆ ಏಕಾಂತತಾ ಆನಿ ದೇವುಳಾಂತುಲೆ ಪಾವಿತ್ರತಾ ಆಸ್ತಾ. ಅಶ್ಶಿ ಅಸಲೆ° ಶಕ್ತಿಯುತ ಅಧ್ಯಾತ್ಮಿಕ ತರಂಗಾನ ರ‍್ಲೆಲೆಂ ಘರ ನಿಜಾವ್ನು ಎಕ ದೇವುಳಚಿ ಖರೆ°.
ಗೃಹಸ್ಥ ಶಬ್ದಾಕ ಗಹನ ಅಧ್ಯಾತ್ಮಿಕ ಅರ್ಥು ಆಸ್ಸ. ಘರಾಂತು ವಾಸ್ತವ್ಯ ಕರತಲೊ ಗೃಹಸ್ಥು ಹೊ ಸಾಮಾನ್ಯ ಅರ್ಥು. ಆಧ್ಯಾತ್ಮಿಕ ದೃಷ್ಟಿನ ಗೃಹ ಮ್ಹಳ್ಯಾರಿ ಆತ್ಮು. ಹೋಚಿ ಅಂತರಾοತುಲೊ ಸುಂದರ ಲೋಕು. ದೆಕುನು ಕೋಣ ಸ್ವಸ್ವರುಪಾಚೆ ಸಾಕ್ಷಾತ್ಕಾರ್ ಕೋರ್ನುಘೇವ್ನು ಸದಾ ಆತ್ಮಭಾವಾಂತು ಸ್ಥಿರವಾಸ ರ‍್ತಕೀ ತೋಚಿ ನಿಜಾವ್ನು ಗೃಹಸ್ಥು. ದೇವಾಲೆ ಸಾಕ್ಷಾತ್ಕಾರಾ ಕಾತಿರ ಸಾಧನ ರ‍್ತಲ್ಯಾಕ ಆಪಣ್ಯಾಲೆ° ಘರಚಿ ಏಕಾಂತತೇಚಿ ಧ್ಯಾನ ಕುಟೀರ. ಘರಚಿ ಆತ್ಮಸಾಧನೆಕ, ಆತ್ಮಚಿಂತನೆಕ ಅತ್ಯಂತ ಅನುಕೂಲ ಜಾಗೊ. ಹಾಂಗಾ ಬೈಸುನೂಚಿ ಪೂರ್ಣತ್ವ ಪ್ರಾಪ್ತಕೊರಚಾಕ ಜಾತ್ತಾ. ಆನಿ ದೈವೀ ಸದ್ಗುಣಾಂಚಿ ಉಪಾಸನಾಯೀ ಜಾತ್ತಾ. ನಿರಪೇಕ್ಷ ನಿರಹಂಕಾರ ಸೇವೆನ ಆನಿ ಪುನೀತ ಪವಿತ್ರ ಭಕ್ತಿನ ದೇವಾಲಿ ಪೂಜಾ ಘರಾಂತೂಚಿ ಕರ‍್ಚಾಕ ಸಾಧ್ಯ ಆಸ್ಸ.
ಗೃಹಸ್ಥಾಶ್ರಮ ಮ್ಹಳ್ಯಾರಿ ಸ್ವಂತ ಕುಟಂಬಾ ಕಾತಿರ ಮಾತ್ರ ಆಸಕ್ತಿಚೆ ಜೀವನ ನ್ಹಯಿ°. ತೇ° ಬ್ರಹ್ಮಸಾಕ್ಷಾತ್ಕಾರಾ ಕಾತಿರ ನಿರಂತರ ಪರಿಶ್ರಮಾಚೆ ಸಾಧನಾ ಮಂದಿರ ಜಾವ್ಕಾ. ಪರಮಾತ್ಮಾಲೆ ಸಾಂಗಾತ ಆನಂದಪೂರ್ಣ ಅನುಸಂಧಾನಾಕ ಅತ್ಯಂತ ಅನುಕೂಲ ಸ್ಥಳ ಘರ. ಪರಮೇಶ್ವರಾಲೆ ಹ್ಯಾ ಸೃಷ್ಟಿಚೆ ಸೇವೆಕಾತಿರಚಿ ಸಮರ್ಪಿತ ಘರ, ತೇಂಚಿ ಗೃಹಸ್ಥಾಶ್ರಮ. ಕೆದನಾ ಸ್ವಾರ್ಥಪೂರ್ಣ ಸಾಂಸಾರಿಕ ಜೀವನ ಪರಮಾತ್ಮಾನುಸಂಧಾನಾಚೆ ಪವಿತ್ರ ಜೀವನ ಜಾತ್ತಕೀ ತೆದನಾ ನಿಜಾವ್ನು ಗೃಹಸ್ಥಾಶ್ರಮಿ ಜಾತ್ತಾಚಿ. ಮನುಷ್ಯಾಲೆ° ಜೀವನಾಂತುಲೆ ಪ್ರತೀ ಏಕ್ ಪಾವುಲಾಂತು ತಾಗೆಲೆ ಹೃದಯಾಚಿ ತಳ್‌ಮಳ್, ಪೂರ್ಣತ್ವ ಪ್ರಾಪ್ತಿ ಕಾತಿರ ತಾಗೆಲಿ ತೀವ್ರ ಅಭಿಲಾಷಾ ಸಂಸಾರಾοತು ವಿವಿಧ ರೂಪಾನಿ ವ್ಯಕ್ತ ಜಾತ್ತಾ. ಹಿ ತೀವ್ರ ಆಕಾಂಕ್ಷಾ ಗೃಹಸ್ಥಾಲೆ ನಿತ್ಯ ಜೀವನಾಂತುಯೀ° ದಿಸ್ತಾ.
ಆಧ್ಯಾತ್ಮಿಕ ಹೃದಯ, ತೇಂಚಿ ದೇವಾಲೆ ಸರ್ವಶ್ರೇಷ್ಟ ಗರ್ಭಗುಡಿ. ಸ್ವಯಂಪ್ರಕಾಶಿ ಸರ್ವಚೈತನ್ಯಘನ ಆತ್ಮೂಚಿ ದೇವಾಧಿದೇವು ಮಹಾದೇವು. ಆತ್ಮಧ್ಯಾನ ತೇಂಚಿ ಮಹಾಪೂಜಾ. ಆತ್ಮಸ್ವರೂಪಾಂತು ಸ್ಥಿರಪ್ರತಿಷ್ಟಿತ ಜಾವ್ಚೇಂಚಿ ಪರಮಾತ್ಮಾಲೆ ಅನುಸಂಧಾನಾಚೆ ಸುಲಭ ಸಾಧನ. ತೆದನಾಚಿ ಘರ ಏಕ ದೇವಾಲೆ ಪವಿತ್ರಧಾಮ ಜಾತ್ತಾ, ಘರ ತೇಂಚಿ ಏಕ ದೇವುಳ ಜಾತ್ತಾ
-ದಿವ್ಯ ಮಾತಾ ಶ್ರೀ ರಮಾ ದೇವಿ
ಗೃಹಸ್ಥಾಶ್ರಮ
ಮುಕಾಯಿಲೆ ಸಂಚಿಕೆοತು ವಾಚಿಯಾ
-
Hits: 1026
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
https://www.youtube.com/user/MrBaligavenkatesh
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ತೇರ, ತೇರಾ
ತೇರಾ ದೀಸತೇಸು ಮರಣ ಸೂತಕ ಶುದ್ದ ಜಾತಾ. ತೇರಾ ಮ್ಹಣಚೋ ಸಂಖೋ ಥೋಡ್ಯಾಂಕ ಅಶುಭಕರ ಖ್ಹಂಯ. ಹಾಂಗಾಚೇ ವಾಕ್ಯಾಂತ ತೇರ, ತೇರಾ ಮ್ಹಣಚೋ ಜೋ ಶಬ್ದು ವಾಪರಲಾ ತಾಜೋ ಅರ್ಥ ಆನೀ ನಿಷ್ಪತ್ತಿ ಅಶೆಂ ಆಸಾ. ತೇರಾ ಮ್ಹಣಚೋ ಹೋ ಶಬ್ದು ಸಂಖ್ಯಾವಾಚಾಕ ಜಾವನು ಆಸಾ ಧಾ ಆನೀ ತೀನ ಮ್ಹಣು ಹಾಜೋ ಅಥರ್ು ಧಾ ಆನೀ ತೀನಿ ಮ್ಹಣಚೇ ತೇರಾ ಕಶ್ಶಿಂ ಜಾಲೆಂ ಪಳೊವಯಾಂ. ತೇರಾ ಮ್ಹಣು ಜೋ ಸಂಖೋ ಆಮೀ ಸಾಂಗತಾತಿ ಹೋ ಸಂಖ್ಯಾವಾಚಕ ಶಬ್ದ ಪ್ರಾಕೃತ ಭಾಶೆಚೋ ತೇರಸ, ತೇರಸಿ, ತೇರಸಹ ಮ್ಹಣಚೇ ಶಬ್ದಾಚೇ ರೂಪ ಜಾವನ ಆಸಾ. ಪ್ರಾಕೃತಾಚೊ ತೇರಸ ಮ್ಹಣಚೋ ಶಬ್ದ ಸಂಸ್ಕೃತ ಭಾಶೇಚೋ ತ್ರಯೋದಶ ಮ್ಹಣಚೇ ಶಬ್ಧಾಚೆ ಪ್ರಾಕೃತ ಭಾಶಾ ರೂಪ ಜಾವನು ಆಸಾ. ತ್ರಯೋದಶ ಮ್ಹಣಚ್ಯೇಂತೂಲೆ ಪಯಲೇ ಅಕ್ಷರ ತ್ರ ಮ್ಹಣಚೇ ತೇ ಮ್ಹಣ ಜಾತಾ ಆನೀ ದಶ ಮ್ಹಣಚೇ ಪಯಲೇ ಸಾಂಗಲ್ಯಾವರೀ ರಹ, ದಹ ಜಾತಾ ತ್ರಯೋದಶ > ತೇದಶ > ತೇರಹ > ತೇರಾ ಮ್ಹಣು ಜಾಲ್ಲಾ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ‍್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Home
ಶ್ರದ್ಧಾಂಜಲಿ
ಅಂಡಾರು ರಾಮದಾಸ ಕಿಣಿ
Featured Chandrika Mohan Pai KC Prabhu
Anniversaries
Shabdh Vihaar
Homage
Jobs Finders
Well Wishers
Most Read
- ಆಧುನಿಕ ಮಹಾಭಾರತ
- “ದಕ್ಷಿಣದ ಸಾರಸ್ವತರು”
- कन्याकुमारिच्या स्वामी विवेकानंद स्मारकाक ५० वरसां
- ಸತ್ಯನಾರಾಯಣ ಪೂಜಾ
- ಕುದ್ಮುಲ ರಂಗರಾವ್
- ಘರ ಏಕ್ ದೇವುಳ
- GSB Scholarship League Application
- ರಚನಾ...
- ಜುನಾಗಢ್
- कोरोनान शिकयिलो पाठ
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- तुळशी काट्टो
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- 'ಮಹಾ ಸರಕಾರ"
- ಹುಂಬರು (ಉಂಬರು)
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ತಾಕೀತ (ತಾಕೀದ)
- ಗುಜರಾತ - ಪಾಲಿಟಾನಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- स्वावलंबन आनी आत्मविश्वास
- ಮಸೀಂಗ
- भारताचे अमृत स्वातंत्र महोत्सवाचे पांच अमृत घडियो
- ಉದ್ಯೋಗ ಆನೀ ನಿರುದ್ಯೋಗ
- SUKRTINDRA ORIENTAL RESEARCH INSTITUTE
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಶ್ರಾವಣ ಮಾಸು ಆನಿ ಚೂಡಿ ಪೂಜಾ
- ಅಂತರಾಷ್ಟ್ರೀಯ ವನಿತಾ ದಿವಸು
Homage
Events
Who is Online?
We have 307 guests and no members online
