ಉದ್ಯೋಗ ನಿಮಿತ್ತಾನ ಪಾಂಚ-ಸ ದಶಕಾ ಪಾಸೂನ ಮುಂಬೈAತ್ ವಾಸ್ತವ್ಯ ಕರ್ನು ಆಶಿಲ್ಲೇ ನಾಗೇಶ ದತ್ತಾತ್ರೇಯ ಸೋಂದೆ ಹಾನ್ನಿ ಇಂಗ್ಲೀಷ್ ಭಾಷೇಂತ ಬರೈಯಿಲ್ಲೆಂ “ದಾಕ್ಷಿಣಾತ್ಯ ಸಾರಸ್ವತ್ಸ ” ಪುಸ್ತಕ ಶಿರಸೀಚ್ಯಾ ಪ್ರೊ. ಪಿ .ಎಂ. ಹೆಗಡೆ ಆನಿ ಸಿದ್ದಾಪುರಚೆ ಪ್ರೊ. ಕೆ. ಏ. ಭಟ್ಟ ಹಾನ್ನಿ ಕಾನಡಿ ಭಾಷೇಂತ ಅನುವಾದ ಕೆಲ್ಲಾ. ನಾಗೇಶ ಸೋಂದೆ ಹಾನ್ನಿ ಕಾನೂನು ಪದವೀಧರ ಆನಿ ಅನೇಕ ವರ್ಷಕಾಲ ಮುಂಬಯಿಚೆ ಖ್ಯಾತ “ಮಫತ್‌ಲಾಲ್” ಕಂಪನೀAತ್ ಉನ್ನತ ಹುದ್ದೆಂತ್ ಕಾಮಕರ್ನು ನಿವೃತ್ತ ಜಾಲ್ಯಾತ. ತಾನ್ನಿ ಇಂಗ್ಲೀಷ ಭಾಷೇಂತ ಸಾಬಾರ ೩೦ ಪುಸ್ತಕಾಂ ಆನಿ ಕೊಂಕಣೀ ಭಾಷೇಂತ ದೇವನಾಗರೀ ಲಿಪೀಂತ ೧೬ ಪುಸ್ತಕಾಂ ಬರೋವ್ನ ಪ್ರಕಟ ಕೆಲ್ಯಾಂತ್. ಹಾಂಗೆಲೋ ಅಧ್ಯಯನಾಚೋ ವಿಷಯ ಆಧ್ಯಾತ್ಮ, ಕೊಂಕಣಿ ಭಾಷಾ ಆನಿ ಧರ್ಮ.

ಹಾನ್ನಿ ಭಾರತೀಯ ಸಂಸ್ಕೃತಿಚೇ ಪ್ರತಿಪಾದಕ ಮ್ಹಳ್ಳೊ ವಿಷಯ ತಾಂಗೆಲ್ಯಾ ಪುಸ್ತಕಾಂತ ದಿಸೂನ ಯೆತಾ. ಶಿರಸೀಚೆ ಪ್ರಖ್ಯಾತ ಸೋಂದೆ ಘರಾಣ್ಯಾಚೆ ನಾಗೇಶ ಸೋಂದೆ ಆಪಲ್ಯಾ ತಾರುಣ್ಯಾಚೆ ದಿವಸಾ ಪಾಸೂನು ಮಾತೃಭಾಷೇಚಾ ಉದರ್ಗತೀಚ್ಯಾ ಕಾಮಾಂತ ಜೋಡೂನು ಆಸ್ಸಾತ. ಕೊಂಕಣಿ ಭಾಷಿಕ ಸಾರಸ್ವತಾಂಲೀ ಸಾಮಾಜಿಕ ಹಿತರಕ್ಷಣಾ ಭೀ ಹಾಂಗೆಲೋ ಮುಖೇಲೊ ವಿಷಯ ಜಾವನು ಆಸಾ. “ದಕ್ಷಿಣದ ಸಾರಸ್ವತರು” ಹೆಂ ಪುಸ್ತಕ ಏಕ ಸಂಶೋಧನಾತ್ಮಕ ಮಹಾಪ್ರಬಂಧ. ಹಾಚೋ ಉದ್ದೇಶ ಕೇವಲ ಸಾರಸ್ವತಾಲೋ ಇತಿಹಾಸ ಬರೊವಚೊ ನ್ಹಹಿಂ. ಸಾರಸ್ವತಾಂಲೇ ಆನಿ ಕೊಂಕಣಿ ಭಾಷೇಚ್ಯಾ ಇತಿಹಾಸಾ ಬದ್ದಲ ಎಸ್. ಎಸ್. ತಾರಮಕ್ಕಿ, ಆರ್. ಬಿ. ಗುಂಜೀಕರ, ವಿ. ಎಸ್. ಕುಡ್ವಾ, ಪುರುಷೋತ್ತಮ ಮಲ್ಯ, ಚಂದ್ರಕಾAತ ಕೇಣಿ ಇತ್ಯಾದಿ ಜನಾನ್ನಿ ಜಾಯ ತಿತ್ಲಿಂ ಪುಸ್ತಕಾಂ ಬರಯಲ್ಯಾಂತ. ಸ್ವತಃ ಶ್ರೀ ನಾಗೇಶ ಸೋಂದೆ ಹಾನ್ನಿ “ಕೊಂಕಣೀ ಭಾಷೆಚೋ ಇತಿಹಾಸ” ಆನಿ “ಸಾರಸ್ವತಾಂಲೆ ಭವಿತವ್ಯ” ಮ್ಹಳ್ಳಿಂ ಪುಸ್ತಕಾಂ ಬರೋವನ ಪ್ರಗಟನ ಕೆಲ್ಯಾಂತ. ನಾಗೇಶ ಸೋಂದೆಲ್ಯಾ ಹ್ಯಾ ಪುಸ್ತಕಾಂತ ‘ಸಾರಸ್ವತ ಸಮಾಜಾನ ಅಜ ಮೇರೇನ ಅನುಭವ ಕೆಲಿಲ್ಯಾ ಅಸ್ಪಷ್ಟ ಅನಿ ಅಸ್ಪುಟ ಸಮಸ್ಯೇಂಕ ಸಗಳೆ ಪ್ರಾಜ್ಞ ಜನಾಲೇ ನಜರೇಕ ಹಾಡಚೋ ಪ್ರಯತ್ನ ಕೆಲ್ಲಾ’ ಮ್ಹಣ ತಾನ್ನಿ ಸಾಂಗಲ್ಲೆA ಹ್ಯಾ ಕೃತೀಚೋ ಉದ್ದೇಶ ಸ್ಪಷ್ಟ ಕರತಾ.

ಹ್ಯಾ ಕೃತೀಚೋ ಉದ್ದೇಶ ಕೇವಲ ವಾಚಪಾಚೋ ನ್ಹಹಿಂ ! ಭೂತಕಾಲಾಚೆ ಅಸ್ಪಷ್ಟ ಉಜವಾಡಾಂತ ವರ್ತಮಾನಾಚೆ ಪರಿಸ್ಥಿತಿ ಅರ್ಥ ಕರನು ಘೇವನು ಭವಿಷ್ಯ ಉಜ್ವಲ ಕರಚೊ ಪ್ರಯತ್ನ ಕೆಲಾ ಮ್ಹಣಯೇತ. ತ್ಯಾ ಖಾತಿರ ಲೇಖಕ ಥೋಡೆ ವೇಳಾರ ಆವೇಶಪೂರ್ಣ ಜಾವನು ಬರಯತಾತ. ಹೇ ಪುಸ್ತಾಕಾಂತು ೭ ಅಧ್ಯಾಯ ಆಸ್ಸಾತ. ತ್ಯಾ ನಂತರ ಉಪಯುಕ್ತ ಜಾಲ್ಲಿ ತಸ್ಸಲೇ ಅನುಬಂಧ ಆಸ್ಸಾತ. ಬರೋವಪೀನ ಪರಾಮರ್ಶೆ ಕರ್ಚೆ ವಿಷಯ ಮ್ಹಳ್ಯಾರ ೧)ಕೊಂಕಣ ತೀರಾಂತ ಆರ್ಯಾಂಲೀ ವಸಾಹತ, ೨) ಕೊಂಕಣ ತೀರಾಂತ ಸಾರಸ್ವತಾಂಲಿ ವಸಾಹತ, ೩) ಸಾರಸ್ವತಾಂಲೇA ವಾಣಿಜ್ಯೀಕರಣ, ೪) ಸಾರಸ್ವತಾಂಲೇ ಮೌಲ್ಯಾಚೇಂ ಪುನರುತ್ಥಾನ, ೫) ಸಾರಸ್ವತಾಂಲಿ ಭಾಷಾ - ಹೀಂ ಮಹತ್ವಾಚೇಂ ಜಾವನು ಆಸಾತ. ಜಾಲ್ಯಾರ ಪೈಲೇಚ್ಯಾ ದೋನ ಅಧ್ಯಾಯಾಂತ ಲೇಖಕ - ಹ್ಯಾ ಅಧ್ಯಯನಾಕ ವಾಪರಿಲ್ಲಿಂ ಆಕರ ಗ್ರಂಥಾA ಆನಿ ಹ್ಯಾ ಅಧ್ಯಯನಾಕ ಸವಾಲ ಜಾವನು ಅಶಿಲ್ಯೊ ಅಡಚಣೀ ಹ್ಯಾ ಬದ್ದಲ ಬರಯತಾ. ನಾಗೇಶ ಸೋಂದೆ ಲಭ್ಯ ಅಶಿಲ್ಲೆ ಸಗಳೆ ಆಕರ ಗ್ರಂಥಾAತುಲ್ಯಾನ ವಿಶೇಷ ಜಾವನು ಮಹಾಭಾರತ ಅನಿ ಸ್ಕಂದಪುರಾಣಾAತ ಉಲ್ಲೇಖ ಅಶಿಲ್ಯಾ ಪರಶುರಾಮಾಲೆ ಕಾಣೀಕ ಪುರಸ್ಕಾರ ದಿತ್ತಾತ. ಇತಿಹಾಸಾ ಪ್ರಕಾರ ಪರಶುರಾಮಾನ ದಶಗೋತ್ರೀ ಬ್ರಾಹ್ಮಣಾಂಕ ದಕ್ಷಿಣ ಭಾರತಾಕ ಅರ್ಥಾತ ಗೊಂಯಾಕ ಹಾಡಲೆಂ.

ಹ್ಯಾ ಬದ್ದಲ ಸಗಳೆ ಲೇಖಕಾಂಕ ಏಕಾಭಿಪ್ರಾಯ ಆಸಾ ಅಶ್ಶಿಂ ತಾನ್ನಿ ಬರೈಲಾ. ಸಾರಸ್ವತ ಅನಿ ಗೌಡಸಾರಸ್ವತ ಹೇ ದೋನಿ ಪ್ರಬೇಧಾಂಕ ಲಾಗೂನ ಅಶ್ಶಿಲ್ಯಾ ಅಧ್ಯಯನಾಂತ ‘ಗೌಡ ಪ್ರದೇಶ ಮ್ಹಳ್ಯಾರ ಖಂಚೋ ?’ ಮ್ಹಳಿಲ್ಯಾ ಜಿಜ್ಞಾಸೇಕ ಜವಾಬ ಸೋದ್ದುಚೋ ಪ್ರಯತ್ನ ಹಾಂಗಾ ದಿಸೂನು ಯೆತ್ತಾ. ಆಖೇರೀಕ ಅಯೋಧ್ಯಾಚ ಗೌಡ ನಾಂವಾಚೋ ಪ್ರದೇಶ ಜಾವನು ಅಶಿಲ್ಲೇ ಮ್ಹಳ್ಳಿಲ್ಯಾ ಅಭಿಪ್ರಾಯಾಕ ಲೇಖಕ ಯೆತಾ. ಪರಶುರಾಮಾನ ಸಾರಸ್ವತಾಂಕ ಅಯೋಧ್ಯೆ ಹ್ಯಾ ಗೌಡ ಪ್ರದೇಶಾಂತುಲ್ಯಾನಚ ದಕ್ಷಿಣೇಕ ಆಪೋವನ ಹಾಡಲೆಂ ಮ್ಹಳ್ಳೋಚ ಹಾಂಗಾ ನಿರ್ಣಯ ಜಾತಾ. ಹೋ ವಿಷಯ ಸಾರಸ್ವತಾಲೇ ಪಯಲೆ ವಸಾಹತಾಚೆ ಬದ್ದಲ ಅಶಿಲೋ ಇತಿಹಾಸ. ಸಾರಸ್ವತಾಂಲೋ ದುಸ್ರೇ ವಸಾಹತ ಜಾಲ್ಲೊ ಸುದ್ಧಾಂ ಗೋಮಾಂತಕಾAತುಲ್ಯಾನಚ. ಜಾಲ್ಯಾರ ಹ್ಯಾ ಪಂತಾಕ ಗುಜರಾತಾಕ ಮಧ್ಯವರ್ತಿ ವಸತಿ ಕರನು ತೇ ಥಂಚಾನ ಗೊಯಾಂಕ ಯೆತ್ತಾತ. ತ್ಯಾ ಖಾತ್ತೀರ ಶೈವ ಸಂಪ್ರದಾಯಾಚೇ ಸಾರಸ್ವತಾಂಲೇ ಮೂಳ ಕಾಶ್ಮೀರ ಮ್ಹಳ್ಳೊ ವಿಷಯ ಹ್ಯಾ ಕೃತೀಂತ ದಿಸ್ಸೂನು ಯೆತ್ತಾ.

ಹೇ ಸಾರಸ್ವತ ದಕ್ಷಿಣೇಕ ಆಯಿಲ್ಯಾ ನಂತರ ಮಂಗೇಶ ಅನಿ ಶಾಂತಾದುರ್ಗೇಲೆ ಆರಾಧಕ ಜಾತ್ತಾತ. ಜಾಲ್ಯಾರ ಸಾರಸ್ವತಾಂಕ ಗೊಮಾಂತಕಾಚ್ಯಾನ ಭೀ ಗಾಂವ ಸೋಡಚೆಂ ಪಡ್ಲೆಂ. ಫೋರ್ತುಗೀಸಾಂಲೇ ಕ್ರಿಶ್ಚನ್ ಪ್ರಭುತ್ವಾಚೆ ಶಕ್ತೀಚೆ ದಬಾವಾನ ಮತಾಂತರ ಕರ್ಚೆ ಪ್ರಸಂಗಾAತ ಹಾಡಿಲ್ಯಾ “ಇನ್‌ಕ್ವಿಸಿಶನ್” ಮ್ಹಳ್ಳೆ ಕಾನೂನಾತ್ಮಕ ನಿರ್ಬಂಧಾಕ ಲಾಗೂನು ಸಾರಸ್ವತಾಂಕ ಗೋವಾ ಅಸುರಕ್ಷಿತ ಜಾತ್ತಾ. ಹೋ ವಿಷಯ ಹ್ಯಾ ಪುಸ್ತಕಾಂತ ವಿಶೇಷ ಜಾವನು ಚರ್ಚಿತ ಜಾಲ್ಲಾ. ಸಾರಸ್ವತಾಂಲೇ ದುಸರೇ ಮೈಗ್ರೇಶನ್ನಾಕ ಥೊಡೇ ಖಚಿತ ರಾಜಕೀಯ ಸ್ಥಿತ್ಯಂತರ ಕಾರಣ ಅಶ್ಶಿಂ ಲೇಖಕ ಸಾಂಗ್ತಾ. ಹೇ ದುಸರೇ ಪಟೀಚೆ ಸ್ಥಾನಾಂತರ ಏಕಚ್ ಪಟೀಕ ಫಡ್ನಾ. ಹೆಂ ಸ್ಥಳಾಂತರ ಕಾಶ್ಮೀರಾಚ್ಯಾನ ಗುಜರಾತಾಕ ಯೆವನು ಥಂಚಾನ ಗೋಂಯಾಕ ಅಯ್ಯಿಲೇ ಲೋಕಾಂಲೆ.

ಹ್ಯಾ ಮೈಗ್ರೇಶನ್ನಾಕ ಉತ್ತರ ಭಾರತಾಂತು ಆಯ್ಯಿಲ್ಲೆ ಮುಸ್ಲೀಂ ಆಕ್ರಮಣಕಾರಚ್ ಕಾರಣ. ಅಶ್ಯಿಂ ಅನೇಕ ಪ್ರಕಾರಾಚೆ ಪ್ರಹಾರಾನ ಸಾರಸ್ವತ ಬ್ರಾಹ್ಮಣಾಂಕ ದಕ್ಷಿಣ ಭಾರತಾಂತ ತಾಜ್ಯಾ ದಕ್ಷಿಣ ತುದೀ ಪರ್ಯಂತ ಪಾವನು ವಾಸ್ಯವ್ಯ ಕರ್ಚೆಂ ಪಡ್ಲೆಂ. ನಾಗೇಶ ಸೋಂದೆ ಹಾಂಗೆಲೆA ಅಧ್ಯಯನ ತ್ಯಾ ನಂತರ ಸಾರಸ್ವತಾಂಲೀ ಮನೋಭೂಂಯ ಬ್ರಿಟೀಶಾಲೇ ಕಾಳಾಂತ್ ಆನಿ ತ್ಯಾ ನಂತರಚ್ಯಾ ಕಾಳಾಂತ ಕಶ್ಶಿಂ ಅಶ್ಶಿಲ್ಲೀ ಮ್ಹಳ್ಳಿಲ್ಯಾ ವಿಚಾರಾಚೇರಿ ಘೊಳತಾ. ಸಾರಸ್ವತ ಬ್ರಾಹ್ಮಣಾಲೀ ಪ್ರಾಚೀನ ಪರಂಪರಾ, ಚಾರಿತ್ರಿಕ ಜಾವನ ತಾನ್ನಿ ಚಲನು ಆಯಿಲೀ ವಾಟ, ತಾಂಗೆಲೆA ಸ್ಥಾನಾಂತರ, ತಾಂಗೆಲೀ ಬುದ್ಧಿಮತ್ತಾ ಹೆಂ ಸಗಳೇಂ ಸಾಂಗ್ತಚೀ ನಂತರ ತಾನ್ನಿ ಸಾಂಗಚೋ ವಿಷಯ ಸಾರಸ್ವತಾಂಲೆ ಜೀವನಾಂತು ಆಯಿಲೆಂ ವಾಣಿಜ್ಯೀಕರಣಾ ಬದ್ದಲ. ಹೊ ವಿಷಯ ಸಾಂಗ್ತನಾ ಲೇಖಕ ಭಾವಾವೇಶಾಕ ಫಾವೊ ಜಾತ್ತಾ.

ಸಾರಸ್ವತಾಲೇ ಧಾರ್ಮಿಕ ಆನಿ ಸಾಂಸ್ಕೃತಿಕ ಆದರ್ಶಾಂಕ ಆನಿ ತಾಂಗೆಲ್ಯಾ ವ್ಯಾಪಾರೀ ಧೋರೆಣೇಕ ಮಧ್ಯೆಂ ಅಶಿಲೊ ಖಂದೋಕ ಎವಜೂನು “ಜನ್ಮತಃ ಬ್ರಾಹ್ಮಣ ಜಾವನು, ವೃತ್ತೀನ ವೈಶ್ಯ ಜಾವನು , ವರ್ತಮಾನಾಂತ ತಾಂಕಾ ಏಕ ನವೀನ ಗೌರವ ಮೆಳ್ಳಾ ಖರೆಂ, ಜಾಲ್ಯಾರ ಆಧ್ಯಾತ್ಮಿಕ ಕ್ಷೇತ್ರಾಪೇಕ್ಷಾಂ ವ್ಯಾಪಾರೀ ಕ್ಷೇತ್ರಾಂತ ತಾಂಕಾ ಮೆಳಿಲ್ಲೆಂ ಯಶಾನ ತಾಂಕಾ ಭಾವಶೂನ್ಯ ಕಲ್ಯಾಂಕೀ ಕಿತ್ತೆಂ?” ಮ್ಹಣ್ಣು ಲೇಖಕ ಉದ್ಗಾರ ಕಾಡತಾ. ಹಾಕ್ಕಾ ಪರಿಹಾರ ರೂಪಾನ ಸಾರಸ್ವತಾಲೇ ಮೂಲಾಚಿ ಪುನರ್ವಿಮರ್ಶಾ ಪುಸ್ತಕಾಚೇ ಕಡೇರಚ್ಯಾ ಭಾಗಾಂತ ಅಸ್ಸಾ. ಅಶ್ಶಿಂ ಸಾರಸ್ವತ ಸಮುದಾಯಾಚೆ ಬದ್ದಲ ಸಂಶೋಧನಾತ್ಮಕ ಹೀ ಕೃತಿ ಸೋಂದೆ ಬಾಬಾಲೊ ಏಕ ಸಾರ್ಥಕ ಪ್ರಯತ್ನ ಮ್ಹಣಚಾಂತ್ ಕಾಹಿಂ ದುಬಾವ್ ನಾ.

ಲೇಖಕ: ನಾಗೇಶ ದತ್ತಾತ್ರೇಯ ಸೋಂದೆ
ಪ್ರಕಾಶಕ : ಜಿ. ಎಸ್. ಬಿ ಹಿತಚಿಂತಕ ಸಂಘ (ರಿ)
ರಾಯರಪೇಟೆ, ಶಿರಸಿ (ಉ.ಕ)

ಕನ್ನಡ ಮೂಲ : ಆರ್. ಡಿ. ಹೆಗಡೆ, ಆಲ್ಮನೆ
ಅನುವಾದ : ವಾಸುದೇವ ಶಾನಭಾಗ, ಶಿರಸಿ.

• Prev
• Next