ದೇಶಾಂತು ಸ್ವದೇಶಿ ಅಭಿಯಾನಾಕ ಲಾಗೂ ಜಾವೂನ ಆಜೂನ ಜೀವಂತ ಆಸಚೆ ತತ್ವ ವಿಚಾರಾಂತು ಪ್ರಮುಖ ಜಾವನು ಆಸಚೆ ದೇಶಾಂತು ಸುಟಕೆ ವೇಳಾರ ಗಾಂಧೀಜಿನ ಉಲೊ ದಿಲೇಲ ತಸಲೆ ಸ್ವದೇಶಿ ಅಭಿಯಾನ, ಆನಿ ತ್ಯಾ ಸಂಧರ್ಭ ಬ್ರಿಟಿಷ ಆಡಳಿತಾಕ ವಿರೋಧ ಜಾವನು ತಾಂತೂಯ ಪ್ರಮುಖ ಜಾವೂನ ಖಾಸಗೀ ಜಾವನು ಆಶಿಲೆ ಈಸ್ಟ ಇಂಡಿಯಾ ಕಂಪೆನಿ ನಿಯಂತ್ರಣಾಂತು ಆಶಿಲೆ ವ್ಯಾರು ವಹಿವಾಟಾಕ, ತಾಕಾ ಪಯರ್ಾಯ ಜಾವೂನ ಗಾಂಧೀಜಿನ ಸ್ವತಃ ಚರಕ ಚಲೋನ ತಾಂಗಿಲೆ ಆಂಗವಲೆ ತಾಂನಿ ತಯಾರ ಕರಚಾಕ ಲಾಗೂನ ದೇಶಾಂತುಲೆ ಲೋಕಾಂಕ ಅಸಲೆ ಸಾಂಕೇತಿಕ ಜಾವೂನ ದೃಷ್ಟಾಂತ ದಿಲೆಲ ಆಮಕಾ ಕಳಿತ ಆಸಚೆ ವಿಚಾರ, ಜಾಲ್ಯಾ ಹ್ಯಾ ಘಟನಾಚೆ ಪಯಲೇಚ ವೀರ ಸಾವರ್ಕರ ಹಾಂನಿ ವಿದೇಶಿ ವಸ್ತುಚೆ ವಿರುದ್ದ ಜಾವೂನ ಬಾಲ ಗಂಗಾಧರ ತಿಲಕ ಹಾಂಗೇಲ ನೇತೃತ್ವಾರ ಬ್ರಿಟಿಷ ಲೋಕಾನಿ ಉತ್ಪಾದನ ಕೆಲೇಲ ಆಂಗವಲೆ ಉಜೊ ಘಾಲೂನ ಲಾಶಿಲೆ ನಿದರ್ಶನಯೀ ಆಮಕಾ ಮೆಳತಾ. ಮ್ಹಳ್ಯಾರ ದೇಶಾಂತು ಸ್ವದೇಶೀ ಅಭಿಯಾನ ವೆಗವೆಗಳೆ ರೂಪಾಂತರಾಂತು ಘಡೋನ ಆಯಿಲೆ ಆಸಾ.

ದೇಶ ಕೆದಳಾಯ ಸ್ವಾವಲಂಬ ಜಾವೂನ ಆಸೂಕಾ ಮ್ಹಳೇಲ ವಾದ ಆಸಲ್ಯಾರೀಯ ಅಂತರಾಷ್ಟ್ರೀಯ ವ್ಯಾತು ವಹಿವಾಟಾಚೆ ಸಿದ್ಧಾಂತ ಹಾಕಾ ತೊಡೆ ವಿರುದ್ದ ಜಾವೂನ ಆಸೂನ ಹರಯೇಕ ರಾಷ್ಟ್ರಾಕ ತಾಂಕಾ ಜಾವಕಾ ಜಾಲೇಲ ಉತ್ಪನ್ನ ಜವೋ ಸೇವಾ ತಶೇ ತ್ಯಾ ದೇಶಾಚೆ ನಾಗರೀಕಾಂಗೆಲೆ ಆಶಾ ಪರಿಪೂರ್ಣ ಕರಚೆ ನದರೇನ ದೇಶಾ ದೇಶಾ ಮಧೇಂತು ವ್ಯಾರು ವಹಿವಾಟು ಚಲಕಾ ಆನೀ ತಾಂತೂ ದಾಕೂನ ದೋನ ರಾಷ್ಟ್ರಾಂಕ ಜವೊ ತಾಂತೂ ವಾಂಟೋ ಘೇವಚೆ ರಾಷ್ಟ್ರಾಂಕ ಲಾಭ ಆಸಾ ಮ್ಹಣ ಹ್ಯಾ ಸಾಂಗತಾ, ಹಾಜೆ ಸಾಂಗಾತ ಚಡ ಜಾಲೇಲ ಪರಾವಲಂಭನ ಮಾರಕ ಮ್ಹಣನೂಯ ಹೇ ಸಾಂಗತಾ, ದೇಶಾ ದೇಶಾ ಮಧೇಂತು ಯುದ್ಧ ಜವೋ ಸಂದಿಗ್ಧ ಪರಿಸ್ಥಿತಿ ನಿಮರ್ಾಣ ಜಾಲೇಲ ತವಳ ಅಸಲೆ ಅಂತರಾಷ್ಟ್ರೀಯ ಸಂಬಂಧ ಕಶೆ ಆಸತಾ ಮ್ಹಳೇಲ ಸಾಂಗೂಕ ಜಾವಚೆ ನಾ, ಜಾಲ್ಯಾರ ಆಯಚೆ ಕಾಳಾಂತು ಮ್ಹಳ್ಯಾರ ಜಾಗತೀಕರಣ, ಉದಾರೀಕರಣಾಚೆ ನಾಂವಾಂತು ದೇಶ ಎಕಾಮೇಕಾಕ ಬಾಂದೂನ ಘೆವೂನ ಸಾಂಗಾತ ಯೆವಚೆ ನದರೇನ ಠರಾವಣ ಕರತಾ ಜಾಲ್ಯಾರ ಹ್ಯಾ ಕಿತಲೆ ಪ್ರಮಾಣಾನ ದೇಶಾಕ ಪೂರಕ ಜವೋ ಮಾರಕ ಮ್ಹಳೇಲ ಅವಲೋಕನ ಕರಚೆ ಅವಶ್ಯಕತಾ ಆಸಾ.

ಆಜ ಭಾರತ ಆನಿ ಚೀನಾ ಸಂಬಂಧ ವಿಚಾರಾಂತು ಖಬರ ಯೆತಾ ಆಸೂನ, ಥಂಯ ಉತ್ಪಾದನ ಜಾಲೇಲ ವಸ್ತು ವಯರ ನಿರ್ಭಂದ ಘಾಲಚೆ ಅಸಲೆ ಆಲೋಚನ ಜಾರಿ ಆಸೂನ ಥೊಡೆ ಆಪ್ ಸಕ್ಕಡ ನಿರ್ಭಂದ ಕೆಲೆಲ ಆಸಾ, ಜಾಲ್ಯಾರ ಹ್ಯಾ ಜಾಗತೀಕರಣಾಂತು ಆಮಿ ಸಾಂಗಿಲವರೀ ಕೊಣಾಕಯ್ ಎಕದಂ ನಾಕಾ ಮ್ಹಣ ದೂರ ದವರಚ್ಯಾಕ ಸಾಧ್ಯ ನಾ. ಹಾಕಾ ಪಯರ್ಾಯ ಜಾಲೇಲ ಸೂತ್ರ ದಿಲೇಲ ಗಾಂಧೀಜಿಲೆ ಚಿಂತನ, ವಿದೇಶಿ ವಸ್ತುಕ ಪಯರ್ಾಯ ಜಾವೂನ ಆಮೀ ಉತ್ಪಾದನ ಕಾರ್ಯ ಪ್ರಾರಂಭ ಕರಕಾ ದೇಶಾಚೆ ಗ್ರಾಮಂತು ಅಸಲೆ ಕಾರ್ಯ ಘಡಕಾ, ಸಾನ ಸಾನ ಉದ್ಯಮ ಪ್ರಾರಂಭ ಕರೂನ ದೇಶಾಂತು ಉಪಲಬ್ಧ ಸಂಪನ್ಮೂಲಾಚೆ ಸೂಕ್ತ ಜಾಲೇಲ ರೀತಿನ ಉಪಯೋಗ ಕರೂನ ದೇಶ ಆಮೀ ಭೀತರ ದಾಕೂನ ಸಧೃಡ ಕರಕಾ ಮ್ಹಳೇಲ ಚಿಂತನಾ, ತ್ಯಾ ದಾಕೂನ ಗಾಂಧೀ ಆಜೂನ ಭಾರತಾಕ ಪ್ರಸ್ತುತ ಆಸಚೆ, ಗಾಂಧೀಜಿಲೆ ಚಿಂತನಾಚೆ ಸಫಾಯಿ ಸ್ವಚ್ಚತಾ, ದೇಶಾಕ ಸ್ವಾವಲಂಭನ ವಾಟ ದಾಕೋವಚೆ, ಶೇತ್ಕಾರ ಆನೀ ಶೇತಾಕ ಸಂಬಂಧ ಪಾವೂನ ದೇಶಾಂತು ಕೃಷಿ ಕ್ಷೇತ್ರಾಂತು ಉತ್ಪಾದನ ಜಾವಚೆ ತಶೇ ಕರೂನ ಚಡ ಚಡ ಯುವ ಜಣಾನಿ ಪರತ ಗ್ರಾಮಾ ಕಡೇನ ಪಳೋವನು, ದೇಶಾಂತು ಸ್ವಾವಲಂಭನ ತಶೆ ಸ್ವ ಉದ್ಯಮಾ ಕಡೇನ ಲಕ್ಷ್ಯ ದಿವಚೆ ಆಯಚೆ ಅವಶ್ಯಕತಾ ಜಾವೂನ ಆಸಾ. ಸ್ವಾತಂತ್ರ ಮೆಳಚೆ ಥಾಂಯ ಆಶಿಲೆ ಗಾಂಧೀಜಿ ಮುಖಾರ ನಾ ಜಾಲೆ, ಜಾಲ್ಯಾರ ದೇಶಾ ವಿಚಾರಾರ ಗಾಂಧೀಜಿ ಚಿಂತನಾ ದಾಕೂನ ವಿಮುಕ್ತ ಜಾವೂನ ದೇಶಾಂತು ಸೋವಿಯತ್ ರಷ್ಯನ್ ಮೊಡೆಲ್ ಪ್ರಭಾವಾಂತು ಹಾಡಚಾಕ ಪಳಯಲ್ಯಾರೀಯ ತಾಜೆ ಸಫಲತಾ ವಿಫಲತಾ ಪಳಯಲೆಲ ಆಸಾ, ತ್ಯಾ ನಂತಾ ದೇಶಾಂತು ಜಾಲೇಲ ವೆಗವೆಗಳೆ ಕ್ರಾಂತಿ ಆನೀ ಸೇವಾ ವಲಯಾಚೆ ವಿಸ್ತಾರ ಆನೀ ಸಾನ ವೇಳಾಕ ಜಾಲೇಲ ಪ್ರಭಾವ ಹ್ಯಾ ಸಕ್ಕಡ ದೇಶಾಂತು ಅನುಭವ ಜಾತರಿ ಆಜೂನ ಗಾಂಧೀಜಿ ಪ್ರಸ್ತುತ ಆಸಾ, ಗಾಂಧೀ ಚಿಂತನಾ ಮ್ಹಳ್ಯಾರ ಭಾರತ, ಆನಿ ಭಾರತ ಮ್ಹಳ್ಯಾರ ತಾಜೆ ಖಾತೀರ ಗಾಂವ ಗಾಂವ ಯಾತ್ರಾ ಕೆಲಲ ಗಾಂಧೀ, ತ್ಯಾ ದಾಕೂನ ಭಾರತ ಆನಿ ಗಾಂಧೀ ಎಕ ಜಾವೂನ ಹರಯೇಕ ಕಾಳಾಂತು ಪ್ರಸ್ತುತ ಜಾವೂನ ಆಸಚೆ.

• Prev