Udupi (143)
ಉಡುಪಿ: ಶ್ರೀ ಲಕ್ಷ್ಮೀ ವೆಂಕಟೇಶ್ ದೇವಸ್ಥಾನ ತೆಂಕಪೇಟೆ ಉಡುಪಿಚೆ ಶ್ರೀ ಶಾರದಾ ಮಹೋತ್ಸವ ಸಮಿತಿ ಆನಿ ಜಿ. ಎಸ್. ಬಿ. ಯುವಕ ಮಂಡಳಿಚೆ 54ವೊ° ವಾರ್ಷಿಕೋತ್ಸವ ಆರತಾ° ಚಲೊ. ಹ್ಯಾ ವೇಳಾರ ಕೆ. ಎಮ್. ಸಿ. ಉದ್ಯೋಗ ಕರನು ನಿವೃತ್ತ ಜಾಲೆಲೆ 22 ವರಸ ದಾಕೂನು ಶ್ರೀ ಶಾರದಾ ಮಾತೆಕ ಕಾಪಡ ನೆಸೊಚೆ ನಗ ಘಾಲನು ಶ್ರಂಗಾರ ಕರನು ಸೇವಾ ದಿಲೆಲೆ ನರಹರಿ ಪ್ರಭು ಹಾಂಕಾ° ಸನ್ಮಾನ ಚಲೊ. ಹಾಂನಿ° ಶ್ರೀ ಲಕ್ಷ್ಮೀ ವೆಂಕಟೇಶ ದೇವಾಲೆ ಸನ್ನಿಧಿಂತು° 1008 ಭಜನ (ಮರಾಠಿ, ಕೊಂಕಣಿ, ಕನ್ನಡ) ಸಂಗ್ರಹ ಕರನು ಪುಸ್ತಕ ರೂಪಾರಿ ಮೋಕಳಿಕ ಕೆಲೆಲೆ ಆಸಾ. ದೇವಳಾಚೆ ಮೊಕ್ತೆಸರ ಪಿ. ವಿ. ಶೆಣೈ, ಮುಖೇಲ ಸೊಯ್ರೆ ಕೆ. ಎಮ್. ಸಿ ಆಸ್ಪತ್ರೆಚೆ ಕ್ಯಾನ್ಸರ್ ತಜ್ಞ ಡಾ. ಅನಂತ ಪೈ ಹಾಂನಿ° ಸನ್ಮಾನ ಕೆಲೊ.
To Support Kodial Khaber click the following button.
ಯಕ್ಷಗಾನ ಕ್ಷೇತ್ರಾಂತ ಖೂಬ ಸಾಧನಾ ಕೆಲೆಲೆ ರತ್ನಾಕರ ಶೆಣೈ ಹಾಂಕಾ° ಸನ್ಮಾನ
Written by Editor
ಉಡುಪಿ: ಹಾಂಗಾಚೆ ತೆಂಕಪೇಟೆಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚೆ ಶ್ರೀ ಶಾರದಾ ಮಹೋತ್ಸವ ಸಮಿತಿನ ನವರಾತ್ರಿಚೊ ವಾಂಟೊ ಜಾವನು ಶಿವಪ್ರಭಾ ಯಕ್ಷ ವಿಶ್ವ ಬಳಗ ಶಿವಪುರ ಹಾಂಗಾಚೆ ವಿದ್ಯಾರ್ಥಿಯಾಲೆ° ಕೊಂಕಣಿ ಯಕ್ಷಗಾನ - ಶ್ರೀ ಕೃಷ್ಣ ಪುಷ್ಪ ವಿಲಾಸ ಪ್ರರ್ದರ್ಶನ ಆಯೋಜನ ಕೆಲೆಲೆ°. ರತ್ನಾಕರ ಶೆಣೈ ಶಿವಪುರ ಹಾಂಗೆಲೆ ನಿರ್ದೇಶನ ಆನಿ ಭಾಗವತಿಕೆರಿ ಹೆ° ಜಾಲೆ°. ಮದ್ದಲೆರಿ ಆನಂದ್ ಭಟ್, ಚೆಂಡೆರಿ ಪ್ರದೀಪ್ ಭಟ್, ಗಣೇಶ್ ಶೆಣೈ ಆನಿ ಸಂದೇಶ್ ಹಾಂನಿ° ಸಾಥ ದಿಲೆ°. ಹ್ಯಾಚ ವೇಳಾರ ಯಕ್ಷಗಾನ ಕ್ಷೇತ್ರಾಂತು° ವಿಶಿಷ್ಟ ಸಾಧನಾ ಕೆಲೆಲೆ, ಅಂತರರಾಷ್ಟ್ರೀಯ ಆರ್ಯಭಟ ಪ್ರಶಸ್ತಿ ಪುರಸ್ಕೃತ, ಫುಕಟ ಶಂಬರಿಕಯೀ ಚಡ ವಿದ್ಯಾರ್ಥಿಯಾಂಕ ಕನ್ನಡ, ಕೊಂಕಣಿ, ತುಳು ಭಾಷೆಂತು° ತರಬೇತಿ ದೀವನು ಯಕ್ಷಗಾನ ಪ್ರದರ್ಶನ ದಿಲೆಲೆ ಭಾಗವತ ರತ್ನಾಕರ ಶೆಣೈ ಶಿವಪುರ ಹಾಂಕಾ° ಸನಮಾನ ಚಲೊ. ದೇವಳಾಚೆ ಮೊಕ್ತೇಸರ ಪಿ. ವಿ. ಶೆಣೈ, ಜಿ.ಎಸ್.ಬಿ. ಯುವಕ ಮಂಡಳಿಚೊ ಅಧ್ಯಕ್ಷ ನಿತೇಶ್ ಶೆಣೈ ಆನಿ ಹೇರ ವಾಂಗಡಿ ಉಪಸ್ಥಿತ ಆಶಿಲೆ. ಉಪರಾಂತ ಶ್ರೀ ಶಾರದಾ ಮಾತೆಲೊ ವಿಸರ್ಜನಾ ಶೋಭಾ ಯಾತ್ರಾ ಚಲಿ. ಅರ್ಚಕ ವಿನಾಯಕ್ ಭಟ್ ಹಾಂನಿ° ಶ್ರೀ ಶಾರದಾ ದೇವಿಕ ಆರತಿ ದಾಕೋವನು ವಿಸರ್ಜನಾ ಮೆರವಣಿಗೆಕ ಚಾಲನಾ ದಿಲೆ°. ವಿಸರ್ಜನಾ ಶೋಭಾ ಯಾತ್ರಾ ದೇವಳಾ ದಾಕೂನ ಭಾಯರ ಸರನು ಪೊರನೆ ಡಯಾನಾ ಸರ್ಕಲ್, ಕೆ ಎಮ್ ಮಾರ್ಗ, ತ್ರಿವೇಣಿ ಸರ್ಕಲ್, ಚಿತ್ತರಂಜನ್ ಸರ್ಕಲ್ ಜಾವನು ಕೊಳದಪೇಟೆ ವಾಟೆರಿ ದೇವಳಾಕ ಪರತೂನ ಯೆವನು ಪದ್ಮ ಸರೋವರಾಂತು° ಜಲಸ್ತಂಭನ ಕರಚೆಂ ಜಾಲೆ°. ಶೋಭಾ ಯಾತ್ರೆಂತು° ವಾಜಪ, ನಾಸಿಕ್ ಬ್ಯಾಂಡ್, ಸ್ತಬ್ದ್ ಚಿತ್ರ° ಶ್ರೀ ವೆಂಕಟರಮಣ, ಶ್ರೀ ರಾಮಾಲೊ ಪಟ್ಟಾಭೀಷೇಕ, ಕೂರ್ಮಾವತಾರ, ಶಿವಾ ತಾಂಡವ, ಕೊಲ್ಲೂರು ಮುಂಕಾοಬಿಕಾ, ಸ್ಪರಸ್ಪತಿ ಆನಿ ಹೇರ ಟ್ಯಾಬ್ಲೋ ಆಶಿಲೆ. ಶ್ರೀ ರಾಘವೇಂದ್ರ ಭಜನಾ ಮಂಡಳಿ ಉಡುಪಿ ಹಾಂಗೆಲೆ ವಿಶೇಷ ಭಜನಾ ಸೇವಾ ಆಶಿಲೆ.
To Support Kodial Khaber click the following button.
ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಂತು° ಜೂನ್ 30 ದೀವಸು ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜಿವೋತ್ತಮ ಮಠಾಚೆ 550ವೆ° ವರಸಾಚೆ ಪ್ರಯುಕ್ತ ವಿಶೇಷ ಬೃಹತ್ ರಾಮನಾಮ ಜಪ ಅಭಿಯಾನ ಚಲೆ. ಹ್ಯಾ ವೇಳಾರ ಶ್ರೀ ಗೋಕರ್ಣ ಮಠದ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ಶ್ರೀಪಾದ ಒಡೆಯರ್ ಸ್ವಾಮೀಜಿ ಹಾಂನಿ° ಉಪಸ್ಥಿತ ಆಸೂನ ಅನುಗ್ರಹ ದಿಲೆ°. ಸಗಳೆ ದೀವಸು ಅಧಿಕ ಸಂಖೆನ ಮೇಳೆಲೆ ಭಜಕಾನಿ ಸಾಬಾರ 41 ಲಾಖ ರಾಮ ನಾಮ ತಾರಕ ಮಹಾಮಂತ್ರಾಚೆ ಜಪ ಕೆಲೆ°. ಸಕಾಳಿ ವಿಶೇಷ ಪ್ರಾರ್ಥನಾ ದೋನಪಾರಾ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಹಾಂನಿ° ದೇವಳಾಕ ಯೆತನಾ ಪೂರ್ಣ ಕುಂಭ ಸ್ವಾಗತ, ಪಾದ ಪೂಜಾ ಫಲ ಪುಷ್ಪ ಕಾಣಿಕಾ ಅರ್ಪಣ ಜಾಲೆಂ. ಮುಕಾರಿ 550 ದೀವಸ ಚಲಚೆ ಶ್ರೀರಾಮನಾಮ ಜಪ ಅಭಿಯಾನ ಆಮಗೆಲೆ ಸಮಾಜಾಕ ಮೇಳೆಲೊ ಅಭೂತಪೂರ್ವ ಅವಕಾಶ ಜಾವನು ಆಸಾ, ಶ್ರೀ ರಾಮನಾಮ ಜಪ ಕೆಲ್ಯಾರಿ ದೇವು ಆಂಕಾ ಖಂಚೆಯ ಎಕ ರೀತಿರಿ ಅನುಗ್ರಹ ಕರತಾ" ಮ್ಹಣು ಗುರುವರ್ಯಾನಿ ಹ್ಯಾ ವೇಳಾರ ಸಾಂಗಲೆ°. ಹ್ಯಾ ದೀವಸ ಶ್ರೀ ವೀರ ವಿಠಲ ದೇವಸ್ಥಾನ ಭದ್ರಗಿರಿ, ಶ್ರೀ ರಾಮ ಮಂದಿರ ಮಲ್ಪೆ, ತೋನ್ಸೆ ಪೈ ಕುಟುಂಬಸ್ಥ, ಶ್ರೀ ವೆಂಕಟರಮಣ ದೇವಸ್ಥಾನ ಬ್ರಹ್ಮಾವರ, ಶ್ರೀ ರಾಮ್ ಮಂದಿರ ಸಾಲಿಗ್ರಾಮ ಹಾಂಗಾಚೆ ಭಜಕ ಲೋಕಾನ ವಾಂಟೊ ಗೆತಲೊ. ನವೀನ ಜಾವನು ಶ್ರೀ ರಾಮ ನಾಮ ಜಪ ಅಭಿಯಾನ ಶುರು ಕರಚೆ ಉಪಕೇಂದ್ರ ಜಾವನು ಆಸಚೆ ಶ್ರೀ ವೆಂಕಟರಮಣ ದೇವಸ್ಥಾನ ಕಲ್ಯಾಣಪುರ, ಶ್ರೀ ವೀರ ವಿಠ್ಠಲ ದೇವಸ್ಥಾನ ಉದ್ಯಾವರ, ಶ್ರೀ ದುರ್ಗಾಂಬಾ ದೇವಸ್ಥಾನ ಮಣಿಪಾಲ್, ಶ್ರೀ ವಿಠೋಬ ದೇವಸ್ಥಾನ ಮುಂಡ್ಕೂರ್, ಶ್ರೀ ವೆಂಕಟರಮಣ ದೇವಸ್ಥಾನ ಕಾಪು, ಶ್ರೀ ರಾಮನಾಮ ಕಮಿಟಿ ಹಾಂಗೆಲಿ ಮಾಘಣಿ ಗುರುವರ್ಯಾನ ಸ್ವೀಕಾರ ಕರನು ಆಶಿರ್ವಾದ ದಿಲೊ. ಉಪರಾಂತ ಶ್ರೀ ಲಕ್ಷ್ಮಿ ವೆಂಕಟೇಶ ಸ್ವಾಮಿಕ ರಾತಿ ಪುಜಾ ಚಲಿ. ಜಗದೀಶ್ ಪೈ ಸಹಕಾರ ದಿಲೊ. ಧರ್ಮದರ್ಶಿ ಪಿ. ವಿ. ಶೆಣೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ವೇ. ಮೊ. ಚೇಂಪಿ ರಾಮಚಂದ್ರ ಭಟ್ ಹಾಂನಿ° ಪ್ರಾಸ್ತಾವಿಕ ಉತ್ರ° ಸಾಂಗೂನು ಸೂತ್ರ ಸಂಚಾಲನ ಕೆಲೆ°. ದೇವಳಾಚೆ ಆಡಳಿತ ಮಂಡಳಿಚೆ ಸಾಂದೆ. ಶ್ರೀ ರಾಮನಾಮ ಜಪ ಅಭಿಯಾನ ಸಮಿತಿಚೆ ಸಾಂದೆ ಜಿ ಎಸ್ ಬಿ ಯುವಕ ಆನಿ ಮಹಿಳಾ ಮಂಡಳಿ, ವೆಗವೆಗಳಿ ಭಜನಾ ಮಂಡಳಿಚೆ ಸಾಂದೆ ಗಾಂವಪರಗಾoವಚೆ ಜಿ ಎಸ್ ಬಿ ದೇವಳಾಂಚೆ ಪ್ರತಿನಿಧಿ ಆನಿ ಖೂಬ ಲೋಕ ಉಪಸ್ಥಿತ ಆಶಿಲೆ.
To Support Kodial Khaber click the following button.
ಬೆಂಗಳೂರು: ಹಾಂಗಾಚೆ ಆರ್ಯಭಟ ಸಾಂಸ್ಕೃತಿಕ ಸಂಸ್ಥೆ(ರಿ) ಹಾಂಗೆಲೆ 49ವೆ° ವಾರ್ಷಿಕೋತ್ಸವಾಚೆ ವೇಳಾರ ಪ್ರಧಾನ ಜಾವಚಿ ಆರ್ಯಭಟ ಅಂತಾರಾಷ್ಟ್ರೀಯ ಪ್ರಶಸ್ತಿ ಯಕ್ಷಗಾನ ಕ್ಷೇತ್ರಾಂತ ಸೇವಾ ದಿಲೆಲೆ ರತ್ನಾಕರ ಶೆಣೈ ಶಿವಪುರ ಹಾಂಕಾ° ಫಾವೊ ಜಾಲ್ಯಾ. 23-6-2024 ತಾರೀಕೆಕ ರವೀಂದ್ರ ಕಲಾ ಕ್ಷೇತ್ರ ಹಾಂಗಾ ಘಡಲೆಲೆ ಹ್ಯಾ ಸುವಾಳ್ಯಾಂತು° ಆರ್ಯಭಟ ಸಾಂಸ್ಕೃತಿಕ ಸಂಸ್ಥೆ ಬೆಂಗಳೂರು ಹಾಜೆ ಸಂಸ್ಥಾಪಕ ಅಧ್ಯಕ್ಷ ಡಾ. ಹೆಚ್. ಎಲ್. ಎನ್. ರಾವ್, ಮಾನಾದಿಕ ನ್ಯಾಯಮೂರ್ತಿ ಡಾ. ಎಚ್. ಜಿ. ಪ್ರಭಾಕರ್ ಶಾಸ್ತ್ರಿ, ಖ್ಯಾತ ಚಿತ್ರ ನಟು ಎಸ್. ನಾರಾಯಣ್ ಆನಿ ನಾಡೋಜ ಮಹೇಶ್ ಜೋಷಿ ಉಪಸ್ಥಿತ ಆಶಿಲೆ. ಗಾಂವಾoಕ ಯೆತರಿ ಅನಂತ ವೈಧಿಕ ಕೇಂದ್ರ ಹಾಂಗಾ ವೇದಮೂರ್ತಿ ಚೇಂಪಿ ರಾಮಚಂದ್ರ ಭಟ್ ಹಾಂನಿ° ಸನ್ಮಾನ ಕೆಲೊ.
To Support Kodial Khaber click the following button.
ಉಡುಪಿ: ಉಡುಪಿ ತೆಂಕಪೇಟೆಚೆ ಯುವಕಲಾವಿದಾಂಗೆಲೆ° ಝೇಂಕಾರ ಟ್ರೂಪ್ ಹಾಜೆ° 10ವೊ° ವಾರ್ಷಿಕೋತ್ಸವ ಆರತಾ° ಉಡುಪಿಚೆ ಪುರಭವನಾಂತು° ಘಡಲೊ. ಸಾಂದ್ಯಾoಕ ಸಂಗೀತ ವಿದ್ಯಾ ಶೀಕಯಿಲೆ ಗುರು ಜಾವನು ಆಸಚೆ ಸುಧೀರ್ ನಾಯಕ್, ಶಂಕರ್ ಶೆಣೈ, ಸತ್ಯವಿಜಯ ಭಟ್, ಮಾಧವ ಆಚಾರ್ಯ, ಮಹಾಬಲೇಶ್ವರ ಭಾಗವತ್, ಸತ್ಯಚರಣ್ ಶೆಣೈ, ವಿಠ್ಠಲದಾಸ ಭಟ್, ನರಸಿಂಹ ಕಿಣಿ, ರಾಮ ಭಟ್, ಯೋಗೀಶ್ ಕಿಣಿ ಹಾಂಕಾ° ಗುರುವಂದನಾ ಕರಚೆ° ಜಾಲೆ°. ಸಕಾಳಿ ದಾಕೂನ ರಾತಿ ತಾoಯ ನಾವಾದೀಕ ಸಂಗೀತಗಾರಾಲೆ° ವೈವಿಧ್ಯಮಯ ಸಂಗೀತ ಕಾರ್ಯಕ್ರಮ ಚಲೊ. ಅವಧೂತ್ ಗಾಂಧಿ ಆನಿ ಪಂಗಡಾನ ಮಹಾರಾಷ್ಟಾçಚೆ ಋಷಿ ಸಾಹಿತ್ಯ ಜಾನಪದ ಸಂಗೀತ, ದೋನಪಾರಾ ಸ್ವರಾಂಜಲಿ ಕಾರ್ಯಕ್ರಮಾಂತು° ಸಿದ್ಧಾರ್ಥ ಬೆಳ್ಮಣ್ಣು ಹಾಂಗೆಲೆ° ಹಿಂದೂಸ್ತಾನಿ ಸಂಗೀತ ಪ್ರಸ್ತುತ ಜಾಲೆಂ. ಮುಖೇಲ ಸೊಯ್ರೆ ಜಾವನು ಅನಂತ ವೈದಿಕ ಕೇಂದ್ರಾಚೆ ಚೇoಪಿ ರಾಮಚಂದ್ರ ಭಟ್, ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚೆ ಮೋಕ್ತೆಸರ್ ಪಿ ವಿ ಶೆಣೈ, ಉಡುಪಿ ಆಭರಣ ಫೌಂಡೇಶನ್ ಮುಖ್ಯಸ್ಥಾ ಸಂಧ್ಯಾ ಸುಭಾಸ್ ಕಾಮತ್, ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚೆ ಭಜನಾ ಮಂಡಳಿಚೊ ಅಧ್ಯಕ್ಷ ಮಟ್ಟಾರ್ ಸತೀಶ್ ಕಿಣಿ, ಝೇಂಕಾರ ಟ್ರೂಪ್ ಹಾಜೆ ಸಾಂದೆ ಉಪಸ್ಥಿತ ಆಶಿಲೆ. ಸಕಾಳಿ ಉದಯ ರಾಗ ಕಾರ್ಯಕ್ರಮಾಂತು° ಸಮೀರ್ ರಾವ್ ಹಾಂಗೆಲೆ° ಬಾನ್ಸುರಿ ವಾದನ ಜಾಲೆ°. ಉಪರಾಂತ ಶಂಕರ್ ಶಾನುಬೋಗ್ ಹಾಂಗೆಲೆ ದಾಸವಾಣಿ ಕಾರ್ಯಕ್ರಮ ಚಲೊ.
To Support Kodial Khaber click the following button.
ಉಡುಪಿ: ಹಾಂಗಾಚೆ ತೆಂಕುಪೇಟೆಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ಹಾಂಗಾಚೆ ಜಿ. ಎಸ್. ಬಿ ಮಹಿಳಾ ಮಂಡಳಿಚೆ ನೂತನ ಅಧ್ಯಕ್ಷಾ ಜಾವನು ಆಶಾ ಶೆಣೈ ಹಾಂಗೆಲೆ° ವಿಂಚಪ ಜಾಲಾ°. ಉಪಾಧ್ಯಕ್ಷಾ ಜಾವನು ಲತಾ, ಕಾರ್ಯದರ್ಶಿ ಜಾವನು ಗೀತಾ, ಖಜಾಂಚಿ ಜಾವನು ಶೈಲಜಾ ಪೈ ಆನಿ ಹೇರಾಲೆ° ವಿಂಚಪ ಜಾಲೆ° ಭುವನೇಂದ್ರ ಮಂಟಪಾoತು° ಚಲೆಲೆ ಹ್ಯಾ ಕಾರ್ಯಕ್ರಮಾಂತು° ಆದಲಿ ಅಧ್ಯಕ್ಷಾ ಸುಧಾ ಶೆಣೈ ಆನಿ ಗೌರವಾಧ್ಯಕ್ಷಾ ಪ್ರಭಾ ಶೆಣೈ, ಮಹಿಳಾ ಮಂಡಳಿಚೆ ಸಾಂದೆ ಉಪಸ್ಥಿತ ಆಶಿಲೆ.
To Support Kodial Khaber click the following button.
ಉಡುಪಿ: ನಿಟ್ಟೆಚೆ ಅಟಲ್ ಇನ್ಕ್ಯುಬೇಶನ್ ಸೆಂಟರ್ ಹಾಂಗೆಲೆ ಜೋಡಪಾಲಾರಿ ಉಡುಪಿ ಕುಂಜಿಬೆಟ್ಟಾಚೆ ಎಂ.ಜಿ.ಎಂ. ಕಾಲೇಜಾಚೆ ನೂತನ ರವೀಂದ್ರ ಮಂಟಪಾoತು° ಸಾರಸ್ವತ ಉದ್ಯಮಿ ಲೋಕಾಂಚೊ ಸಮ್ಮೀಲನ ಚಲೆ. ಶಂಬರಿಕಯಿ ಚಡ ಉದ್ಯಮಿ ಲೋಕ ಉಪಸ್ಥಿತ ಆಶಿಲೆ. ಮಾನಾಚೆ ಸೊಯ್ರೆ ಎಸ.ವಿ.ಸಿ ಬ್ಯಾಂಕಾಚೆ ನಿರ್ದೇಶಕ ತೋನ್ಸೆ ಸತೀಶ್ ರಾವ್ ಹಾಂನಿ° ಉದ್ಯಮಶೀಲತಾ ವಾಡೊಚೆ ನದರೇನ ಆಮಗೆಲೆ ಮಠಾನಿ ದವರಲೆಲೆ ಪಾವಲ° ಆನಿ ಕಾರ್ಯಕ್ರಮಾ ಬದಲ ಮಾಹಿತಿ ದಿಲಿ. ಮಣಿಪಾಲ ಡಾಟ್ ನೆಟ್ ಹಾಜೊ ಸ್ಥಾಪಕ ಡಾ. ನರಸಿಂಹ್ ಭಟ್ ಹಾಂನಿ° ಸಾರಸ್ವತ ಸಮುದಾಯಾಚಿ ಶಕ್ತಿ ಕಸಲಿ ಆನಿ ಆಮಿ ತಿ ಕಶಿಂ ವಾಪರೂಕಾ ಮ್ಹಣು ಸಾಂಗಲೆ°. ಹಾಂಗೆಲೆ ಸಾಂಗತ ದಿನೇಶ್ ಸಾಮಂತ್, ಡಾ. ಎ ಪಿ ಆಚಾರ್, ರಂಗ ಪೈ, ಸಂಧ್ಯಾ ಕಾಮತ್, ಸುಧೀರ್ ಭಟ್, ದೀನಾನಾಥ್ ಪೈ, ಸಾರಸ್ವತ ಚೇಂಬರ್ ಹಾಜೆ ನಿರ್ದೇಶಕ ಪ್ರವೀಣ್ ಕಾಕೋಡ್, ಅನಿರುದ್ಧ್ ವಾಲಾವಲ್ಕರ್, ಪ್ರತೀಕ್ಷಾ ಪೈ ಆನಿ ಹೇರಾನಿ ಮೇಳನು ದಿವೊ ಲಾವನು ಕಾರ್ಯಾವಳಿಚೆ ಉಗ್ತಾವಣ ಕೆಲೆ°.
ಸುಮತಾ ನಾಯಕ್ ಅಮ್ಮುಂಜೆ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಸಿಎ ಪ್ರತೀಕ್ಷಾ ಪೈನ ಸಾರಸ್ವತ ಚೇಂಬರ್ ಹಾಜೆ ಬದಲ ಮಾಹಿತಿ ದಿಲಿ. ಅಟಲ್ ಇನ್ಕ್ಯುಬೇಶನ್ ಸೆಂಟರ್ ಹಾಜೆ ಬದಲ ಡಾ. ಎ ಪಿ ಆಚಾರ್ ಹಾಂನಿ° ಮಾಹಿತಿ ದಿಲಿ. ಸಾಂದೆ ದೀನಾನಾಥ್ ಪೈ ಆನಿ ನಿಶಿತ್ ರಂಜನ್ ಹಾಂನಿ° ಅಮೆಜಾನ್ ವಾಪರೂನ ವ್ಯಾರು ಕಶಿ° ವಾಡೊಯೆತ ಮ್ಹಣು ಮಾಹಿತಿ ದಿಲಿ. ಸಿಎ ಸಂಕೇತ್ ನಾಯಕ್ ಹಾಂನಿ° ಸಾರಸ್ವತ ಲೋಕಾ° ಮಧೆ° ಎಕತಾ ಹಾಡೊಚೆ ವಿಷಯಾರಿ ಆನಿ ಪ್ರವೀಣ್ ಕಾಕೋಡ್ ಹಾಂನಿ° ಸಾರಸ್ವತ ಚೇಂಬರಾನ ಕಾಳೆಲೆ ಪಾವಲಾಂ ಬದಲ ಮಾಹಿತಿ ದಿಲಿ. ಋತ್ವಿಕ್ ನಾಯಕ್ ಹಾಂನಿ° ಸಾರಸ್ವತ ಚೇಂಬರಾಚೆ ಸದಸ್ಯಾಲೆ ಯಶೊಗಾಥಾ ಸಾಂಗಲಿ ಆನಿ ಆಬಾರ ಮಾನಲೊ. ಜಮೀಲೆ ಉದ್ಯಮಿಯಾನಿ ಎಕಾಮೇಕಾ ಮೇಳನು ಅನುಭವ ವಾಂಟೂನ ಘೆತಲೊ ಆನಿ ನೆಟ್‌ವರ್ಕಿಂಗ್ ವಾಡಯಲೆ°.
To Support Kodial Khaber click the following button.
ರಾಜ್ಯಸ್ಥರಾಚೆ ಪರ್ಯಾಯೋತ್ಸವ ಛಾಯಾಚಿತ್ರ ಸ್ಪರ್ಧೆಚೆ ಇನಾಂ ವಾಂಟಪ
Written by Devdas Kamath
ಉಡುಪಿ: ಸೌತ್ ಕೆನರಾ ಫೋಟೋಗ್ರಾಫರ್ ಅಸೋಸಿಯೇಷನ್ ಆನಿ ಫೋಟೋ ಕಾಡ್ತಾ ಸಂಸ್ಥೆಚೆ ಜೋಡ ಆಶ್ರಯಾರ ಚಲೆಲೆ ರಾಜ್ಯಸ್ಥರಾಚೆ ಪರ್ಯಾಯೋತ್ಸವ ಛಾಯಾಚಿತ್ರ ಸ್ಪರ್ಧೆಚೆ ಇನಾಂ ವಾಂಟಪ ಆರತಾ° ಹಾಂಗಾಚೆ ಜಗನ್ನಾಥ ಸಭಾಭವನಾಂತು° ಘಡಲೆ°. ಬಡಗುಬೆಟ್ಟು ಕೋ ಆಪರೇಟಿವ್ ಸೊಸೈಟಿಚೊ ಸಹಾಯಕ ಮಹಾಪ್ರಬಂಧಕ ಪ್ರವೀಣ್ ಕೊರಂಗ್ರಪಾಡಿ ಹಾಂನಿ° ಇನಾಂ ವಾಂಟೂನು ಶುಭಾಷಯ ಪಾಟಯಲೊ. ಕಸಲೆಯಿ ಕಾರಣ ನಾತಿಲೆ ಸಗಟಾಲೆ ತೊಂಡಾರಿ ಹಾಸು ಹಾಡೊಚಾಕ ಫಕತ ಛಾಯಾಗ್ರಾಹಕಾಂಕ ಸಾಧ್ಯ ಮ್ಹಣು ತಾಣೆ ಸಾಂಗಲೆ°. ಹ್ಯಾ ಸಂಸ್ಥೆಕ ಎದೋಳೂಚಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಲಾಭಲ್ಯಾ, ವಗೀಚ ರಾಜ್ಯ ರಾಜ್ಯೋತ್ಸವ ಪ್ರಶಸ್ತಿ ಮೆಳೊ ಮ್ಹಣು ತಾಣೆ ಆಶೈಲೆ°. ಸಂಘಾಚೊ ಅಧ್ಯಕ್ಷ ಸುದೀರ್ ಎಂ ಶೆಟ್ಟಿ ಸುವಾಳ್ಯಾಚೊ ಅಧ್ಯಕ್ಷ ಆಶಿಲೊ. ಪ್ರಾಯೋಜಕ ಫೋಟೋ ಕಾಡ್ತಾ ಸಂಸ್ಥೆಚೊ ಮಾಲಕು ಸಂದೀಪ್ ಕಾಮತ್ ಆನಿ ಗೌರವಾಧ್ಯಕ್ಷ ನವೀನ್ ಬಳ್ಳಾಲ್ ಉಪಸ್ಥಿತ ಆಶಿಲೆ. ಪ್ರಧಾನ ಕಾರ್ಯದರ್ಶಿ ದಿವಾಕರ್ ಹಿರಿಯಡ್ಕ ಹಾಣೆ ಸ್ವಾಗತಾಚೆ ಉತ್ರ° ಸಾಂಗಲಿ°. ಖಾಜಾನದಾರ ರಮೇಶ್ ಭಟ್ ಎಲ್ಲೂರು ಹಾಣೆ ಆಬಾರ ಮಾನಲೊ. ರಾಘವೇಂದ್ರ ಶೇರಿಗಾರ್ ಹಾಣೆ ಸೂತ್ರ ಸಂಚಾಲನ ಕೆಲೆ°.
To Support Kodial Khaber click the following button.
ಕಲ್ಯಾಣಪುರ: ಹಾಂಗಾಚೆ ಶ್ರೀ ರಾಮಾಂಜನೇಯ ದೇವಸ್ಥಾನಾಚಿ ಪ್ರತಿಷ್ಠಾ ವರ್ಧಂತಿ ಆರತಾ° ಚಲಿ. ದೇವಾಲೆ ನಡೆಂತು° ಸಾಂಜವೇಳಾ ವಸಂತ ಪೂಜಾ, ಪಲ್ಲಕ್ಕಿ ಉತ್ಸವ, ಅಷ್ಟಾವಧಾನ ಸೇವಾ, ಭಜನಾ ಕಾರ್ಯಕ್ರಮ, ಪ್ರಸಾದ ವಾಂಟಪ ಜಾಲೆ°. ಪ್ರತಿಷ್ಠಾ ವರ್ಧಂತಿ ಪ್ರಯುಕ್ತ ಹೇರದೀವಸು ಶ್ರೀ ದೇವಾಕ ಪಂಚಾಮೃತಾ ಅಭಿಷೇಕ, ಶತ ಕಲಶಾಭಿಷೇಕ, ಸಾನಿಧ್ಯ ಹವನ, ವಿಶೇಷ ಫುಲ್ಲಾ ಪೂಜಾ, ಮಹಾ ಪೂಜಾ ಜಾತರಿ ಸಮಾರಾಧನಾ ಚಲಿ. ವೇದಮೂರ್ತಿ ಕಾಶೀನಾಥ್ ಭಟ್ ಹಾಂಗೆಲೆ ಮಾರ್ಗದರ್ಶನಾರಿ ಧಾರ್ಮಿಕ ಪೂಜಾ ರಾಮಚಂದ್ರ ಅವಧಾನಿ, ಗಣೇಶ ಭಟ್, ಜಯದೇವ ಭಟ್, ಪವನ್ ಭಟ್, ಜಯದೇವ ಪುರಾಣಿಕ್, ಮಹೇಶ್ ಭಟ್ ಹಾಂನಿ° ಕೆಲಿ. ಶ್ರೀ ರಾಮಾಂಜನೇಯ ಸೇವಾ ಟ್ರಸ್ಟ ಹಾಂನಿ° ಕಲ್ಯಾಣಪುರ ಶ್ರೀ ವೆಂಕಟರಮಣ ದೇವಳಾಚೆ ಜೀರ್ಣೋದ್ಧಾರಾಕ ಪಾಂಚ್ ಲಾಖ ರುಪಯೊ ದಿವಚೆ° ಜಾಲೆ°. ಆಡಳಿತ ಮೊಕ್ತೇಸರ್ ಅನಂತ ಪದ್ಮನಾಭ ಕಿಣಿ ಹಾಂನಿ° ಸ್ವಿಕಾರ ಕೆಲೆ°.
To Support Kodial Khaber click the following button.
ಉಡುಪಿ: ಡಾ ಎ ವಿ ಬಾಳಿಗಾ ಆಸ್ಪತ್ರೆ ಹಾರಾಡಿ ಹಾಂಗಾಚೆ "ಆಶ್ರಯ" ಹಿರಿಯ ನಾಗರಿಕ ನಿವಾಸ ಹಾಂಗಾ ಅರತಾ° ಸಾಂಜವೆಳಾ ಶ್ರೀ ಮಹಾಮಾಯಿ ಭಜನಾ ಮಂಡಳಿ ಈಶ್ವರ ನಗರ ಮಣಿಪಾಲ ಹಾಜೀ ಅಧ್ಯಕ್ಷಾ ಮಾಯಾ ಕಾಮತ್ ಹಾಂಗೆಲೆ ಮಾರ್ಗದರ್ಶನಾರಿ ಭಜನಾ ತರಬೇತಿ ಆನಿ ಭಜನಾ ಕಾರ್ಯಕ್ರ್ರಮ ಚಲೊ. ಭಾಗಿರಥಿ ಕಿಣಿ ಹಾಂನಿ° ದೀವೋ ಲಾವನು ಉಗ್ತಾವಣ ಕೆಲೆ°. ಬಾಳಿಗ ಸಂಸ್ಥೆಚೊ ಲೆಕ್ಕಾಧಿಕಾರಿ ಕರುಣಾಕರ್ ಶೆಟ್ಟಿ, ಆಶ್ರಯ ಸಂಸ್ಥೆಚೊ ಸಂಯೋಜಕ ಗಣೇಶ್ ಕೋಟ್ಯಾನ್, ವಾರ್ಡನ್ ಅಕ್ಷತಾ, ಭಜನಾ ಮಂಡಳಿಚೆ ಸಾಂದೆ ಆನಿ ಆಶ್ರಮವಾಸಿ ಉಪಸ್ಥಿತ ಆಶಿಲೆ. ಬಾಳಿಗ ಸಂಸ್ಥೆಚೆ ಸುರೇಶ್ ಎಸ್. ನಾವೂರು ಹಾಂನಿ ಸೂತ್ರ ಸಂಚಾಲನ ಕೆಲೆ°. ಭಜನಾ ಮಂಡಳಿಚೆ ಮಾಯಾ ಕಾಮತ್ , ರಮ್ಯಾ ಮಲ್ಯ ಕುಂದಾಪುರ , ಭಾಗೀರಥಿ ಕಿಣಿ ಹಾಂಕಾ° ಯಾದಸ್ತಿಕಾ ದೀವನು ಸನ್ಮಾನ ಚಲೊ. ಉಪರಾಂತ ಭಜನಾ ಕಾರ್ಯಕ್ರಮ ಚಲೊ.
To Support Kodial Khaber click the following button.
More...
ಮೇ. 10, 2024 - ಅಕ್ಟೋಬರ್ 18, 2025 ತಾಂಯ ಶ್ರೀ ರಾಮನಾಮ ಜಪ ಶುರು ಜಾಲೆ°
Written by Editor
ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು° ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಗುರುಪೀಠಾಂತು° ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ 550ವೆ° ವರಸಾಚೆ ಆಚರಣ ಆನಿ ಸಮಾಜಾಚೆ ಉದ್ಧಾರಾ ಖಾತಿರ ಮಠಾಧಿಪತಿ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ಒಡೆಯರ್ ಸ್ವಾಮೀಜಿ ಹಾಂಗೆಲೆ ಉಪದೇಶಾನುಸಾರ ಶ್ರೀ ರಾಮನಾಮ ಜಪ ಅಭಿಯಾನ ಮೇ. 10 ಅಕ್ಷಯ ತೃತೀಯಾ ದೀವಸು ಸಾಮೂಹಿಕ ಪ್ರಾರ್ಥನಾ, ಶ್ರೀ ರಾಮದೇವಾಲೆ ತಸ್ವಿರಾಚೆ ಮೆರವಣಿಗಾ ಕರನು ಶ್ರೀ ಸಚ್ಚಿದಾನಂದ ಸಭಾಗ್ರಹಾಂತು° ಶ್ರೀರಾಮನಾಮಜಪ ಶುರು ಜಾಲೆ°. 18 ಅಕ್ಟೋಬರ್ 2025 ತಾಂಯ ಚಲಚೆ ಹ್ಯಾ ಅಭಿಯಾನಾಚೆ ಪಯಲೆ ದೀವಸು ಪಯಲೆ ಪಾಳಿಕ ಶಂಬರಿಕಯೀ ಚಡ ಲೋಕ ಉಪಸ್ಥಿತ ಆಶಿಲೆ. ಶ್ರೀರಾಮ ನಾಮಜಪ ಅಭಿಯಾನಾಕ ಉಡುಪಿಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ಜಪ ಕೇಂದ್ರ ಆಸಾ ಆನಿ ಹಾಕಾ ಶ್ರೀ "ರಘುನಾಯಕ:" ಮ್ಹಣು ನಾಮಕರಣ ಕೆಲಾ°. ಹಾಂಗಾ ಚಲಚೆ ಶ್ರೀ ರಾಮನಾಮ ಜಪ ಅಭಿಯಾನಾಕಾ ಉಡುಪಿ ನಂತಾ° ಲಾಗಿಚೆ ಗಾಂವ° ಜಾವನು ಆಸಚೆ ಕಟಪಾಡಿ, ಉದ್ಯಾವರ, ಮುಲ್ಕಿ, ಕಾಪು, ಪಡುಬಿದ್ರೆ, ಮಲ್ಪೆ, ಹಿರಿಯಡ್ಕ, ಹರಿಕಂಡಿಗೆ, ಮಣಿಪಾಲ್, ಕಲ್ಯಾಣಪುರ ಹಾಂಗಾಚೆ ಭಕ್ತಾಭಿಮಾನಿಯಾಂಕ ವಾಂಟೊ ಘೆವಚಾಕ ಅವಕಾಶ ಆಸಾ. ಮೇ 10 ದಾಕೂನ 18 ಮೇ 2024 ಸಾಂಜವೇಳಾ 4:00 ದಾಕೂನ 5:30, 19 ಮೇ 2024 ದಾಕೂನ ಸಾಂಜವೇಳಾ 5:45 ದಾಕೂನ 7:00 ಗಂಟೆ ತಾಂಯ, ಹರ ಆಯತಾರಾ ಸಕಾಳಿ 9:30 ದಾಕೂನ 11:00 ಗಂಟೆ ತಾಂಯ ವಿಶೇಷ ಪಾಳಿ ಆಯೋಜನ ಜಾಲ್ಯಾ. ಶ್ರೀ ರಾಮನಾಮಜಪ ಅಭಿಯಾನಾಕ ಶ್ರೀ ದೇವಳಾಚದೆ ಆಡಳಿತ ಮೊಕ್ತೇಸೇರ ಪಿ. ವಿ. ಶೆಣೈ, ಅರ್ಚಕ ದಯಾಘನ್ ಭಟ್, ದೀಪಕ್ ಭಟ್ ಹಾಂನಿ° ಸಹಕಾರ ದಿಲಾ. ಆಡಳಿತ ಮಂಡಳಿಚೆ ಸಾಂದೆ, ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ ಜಪ ಕಮಿಟಿಚೆ ಸಾಂದೆ, ಯುವಕ ಮಂಡಳಿ ಸಾಂದೆ, ಮಹಿಳಾ ಮಂಡಳಿ ಸಾಂದೆ ಆನಿ ಖೂಬ ಸಮಾಜ ಬಾಂದವ ಉಪಸ್ಥಿತ ಆಶಿಲೆ.
ಉಡುಪಿ: ಕಾಸರಗೋಡು ಚಿನ್ನಾ ಹಾಂಗೆಲಿ ಪರಿಕಲ್ಪನೆಚಿ "ಘರ್ ಘರ್ ಕೊಂಕಣಿ" ಕಾರ್ಯಕ್ರಮಾಚಿ 151ವಿ° ಆವೃತ್ತಿ ಮಣಿಪಾಲಚೆ ಪೆರಂಪಳ್ಳಿ ರಸ್ತೆಚೆ ಸಾಯಿರಾಧಾ ಗ್ರೀನ್ ವೇಲಿಚೆ ನಾವಾದಿಕ ಸಾಹಿತಿ, ಕಾಡಬೆಟ್ಟು ಮನೋಹರ ನಾಯಕ್ ಆನಿ ಶೀಲಾ ನಾಯಕ್ ಹಾಂಗೆಲೆ ಘರಾಕಡೆನ ಚಲೆ. ಕಾಸರಗೋಡು ಚಿನ್ನಾ ಹಾಂನಿ° ಉಗತಾವಣ ಕರನು "ಮಾತೃಭಾಸ ಶ್ರೇಷ್ಠ ಆಸಾ ತೀ ಶಿಕಯಿಲಿ ಆವಸು ದೇವಾಕ ಸಮಾನ. ಹೆ° ಋಣ ಪಾವೋಚಾಕ ಜಾಯನಾ." ಮ್ಹಣು ಸಾಂಗಲೆ°. ಹ್ಯಾ ಕಾರ್ಯಕ್ರಮಾಂತು° ತರಂಗ ಹಪ್ತಾಳಾಯಾಚಿ ಸಂಪಾದಕಿ ಸಂಧ್ಯಾ ಪೈ, ಸಂಗೀತಗಾರ ತೋನ್ಸೆ ರಂಗ ಪೈ, ರಂಗ ಕಲಾವಿದ ಶಶಿಭೂಷಣ ಕಿಣಿ, ನಿರ್ಮಾಪಕ ಟಿ.ಎ. ಶ್ರೀನಿವಾಸ ಉಪಸ್ಥಿತ ಆಶಿಲೆ. ಮನೋಹರ್ ನಾಯಕ್ ಹಾಂನಿ° ರಚನ ಕೆಲೆಲೆ° ಕೊಂಕಣಿ ಸಂಸ್ಕೃತಿಚೆ ವ್ಹಾರ್ಡಿಕ ಆನಿ ಬಾಳಗೀತೆಂಚೆ ವಿಡಿಯೊ ಆನಿ ಕೊಂಕಣಿ ಭಾಷಿಗ ಪಂಗಡಾoಚೆ ವೈವಿಧ್ಯಮಯ ಸಾಂಸ್ಕೃತಿಕ ಕಾರ್ಯಕ್ರಮಾಂಚೆ ಪ್ರದರ್ಶನ ಜಾಲೆ°. ಚೇಂಪಿ ರಾಮಚಂದ್ರ ಭಟ್ ಸೂತ್ರ ಸಂಚಾಲಕ ಆಶಿಲೆ. ಸಮಾರೋಪ ಕಾರ್ಯಕ್ರಮ ಹೊಟೇಲ್ ಮಧುವನ್ ಸೆರಾಯ್ ಹಾಜೆ ಮಧುರಾ ಸಭಾಂಗಣಾoತು° ಚಲೆ. ಟಿ. ಎಂ. ಎ. ಪೈ ಪೌಂಡೇಶೆನ್ ಹಾಜೆ ಟಿ. ಅಶೋಕ್ ಪೈ ಹಾಂನಿ° ದೀವೊ ಲಾಯಲೊ. ವೇದಿರಿ ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ನಂದಗೋಪಾಲ್ ಶೆಣೈ, ವೈಶ್ಯವಾಣಿ ಸಮಾಜಾಚೆ ಅಧ್ಯಕ್ಷ ವಸಂತ ನಾಯಕ್ , ಕುಡಾಳ್ ದೇಶಸ್ಥ ಸಮಾಜಾಚೆ ಅಧ್ಯಕ್ಷ ರಾಧಾಕೃಷ್ಣ ಸಾವಂತ್, ಕೊಂಕಣಿ ಸಾಹಿತ್ಯಕಾರ ಡಾ ಜೆರಾಲ್ಡ್ ಪಿಂಟೋ, ಸಮಾಜ ಸೇವಕ ವಿಶ್ವನಾಥ ಶೆಣೈ, ಶ್ರೀ ದುರ್ಗಾಂಭ ದೇವಸ್ಥಾನಾಚೆ ಅರ್ಚಕ ಶಿವಾನಂದ ಭಟ್, ಲಾವಕಾರ ಖಾರ್ವಿ, ದೈವಜ್ಞ ಸುಬ್ರಹ್ಮಣ್ಯ ಶೇಟ್, ಪಲ್ಲವಿ ಮಡಿವಾಳ ಕುಮಟಾ, ಮನೋಹರ ನಾಯಕ್ ಆನಿ ಶೀಲಾ ನಾಯಕ್ ಉಪಸ್ಥಿತ ಆಶಿಲೆ. ಹ್ಯಾಚ ವೇಳಾರ ಉಡುಪಿ ವಠಾರಾಚೆ 12 ಸಾಧಕಾಂಕ ಸನ್ಮಾನ ಚಲೊ. ವಿಧ್ವಾನ್ ಹರಿ ಪ್ರಸಾದ್ ಶರ್ಮಾ ಆನಿ ಚೇಂಪಿ ರಾಮಚಂದ್ರ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಮುಲ್ಕಿ ರವೀಂದ್ರ ಪ್ರಭು ಹಾಂಗೆಲೆ ಸಂಗೀತ ಕಾರ್ಯಕ್ರಮ ಜಾತರಿ ಕಾರ್ಯಕ್ರಮ ಸಂಪನ್ನ ಜಾಲೊ.
To Support Kodial Khaber click the following button.
ಮಲ್ಪೆ ಶ್ರೀ ರಾಮ ಮಂದಿರಾಚೆ ದೇವಾಕ ಸರ್ವ್ಣ ಕವಚ ಅರ್ಪಣ, ಶ್ರೀ ರಾಮಧಾಮ ಇಮಾರತ ಲೊಕಾರ್ಪಣ
Written by Editor
ಉಡುಪಿ: ಹಾಂಗಾ ಲಾಗಿಚೆ ಶ್ರೀ ರಾಮ ಮಂದಿರ, ಮಲ್ಪೆ ಹಾಂಗಾ ನವೀನ ಜಾವನು ಬಾಂದಿಲೆ ಶ್ರೀ ರಾಮಧಾಮ ಇಮಾರತಾಚೆ ಲೋಕಾರ್ಪಣ ಆನಿ ದೇವಾಕ ಸ್ವರ್ಣ ಕವಚ ಅರ್ಪಣ ಆರತಾಂ(ಮಾ.18) ಚಲೆ. ಸಕಾಳಿ 8-30 ಕ ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ಶ್ರೀ ವಿದ್ಯಾಧೀಶತೀರ್ಥ ಶ್ರೀ ಪಾದ ಒಡೆಯರ್ ಸ್ವಾಮೀಜಿ ಹಾಂಕಾ° ಕಲ್ಮಾಡಿ ಸಾಂಕವಾ ಲಾಗಿ ದಾಕೂನ ಚಂಡೆ, ಮಂಗಳವಾದ್ಯ, ಭಜನ ಆನಿ ಪೂರ್ಣಕುಂಭ ಸಹಿತ ಮೆರವಣಿಗೆರಿ ಸ್ವಾಗತ ಚಲೆ°. ಉಪರಾಂತ ಪಾದ ಪೂಜಾ, ಫಲ ಪುಷ್ಪ ಆನಿ ಗುರುಕಾಣಿಕಾ ಅರ್ಪಣ ಜಾಲೆ°. ಶ್ರೀ ರಾಮದೇವಾಲೆ ಸನ್ನಿಧಿಂತು° ಸಮೂಹಿಕ ಪ್ರಾರ್ಥನಾ, ವೇದಮಂತ್ರ ಪಠಣ ಜಾತರಿ ಪೂಜ್ಯ ಗುರವರ್ಯಾಂಲೆ ಹಸಾ ಉಗ್ತಾವಣ ಜಾವನು ಪಂಚ್ವಿಸ ವರಸ° ಜಾತಾತಿ. ತ್ಯಾಚ ಉಡಗಾಸಾಕ ದೇವಾಕ ಸ್ವರ್ಣ ಕವಚ ಸಮರ್ಪಣ ಜಾವಚೆಂ ಸಂತೋಸಾಚೊ ವಿಷಯ, ಆಮಿ ಶ್ರೀ ರಾಮಾಲೆ ಆದರ್ಶ ಗುಣ ಆಪಣಾವನು ಶ್ರೀ ರಾಮಾಲಿ ಚರಿತ್ರಾ, ನೀತಿ ಜೀವನಾಂತು° ಪಾಲನ ಕರನು ಹೇರಾಂಕ ಪಾಯವಾಟ ಜಾವಕಾ ಮ್ಹಣು ಗುರುವರ್ಯಾನಿ ಅನುಗ್ರಹ ಸಂದೇಶ ದಿಲೊ. ಇಮಾರತ ಬಾಂದಪಾಕ ಸಹಕಾರ ದಿಲೆಲೆ ದಾನಿ ಲೋಕಾಂಕ ಸನ್ಮಾನ ಚಲೊ.
ಶ್ರೀ ರಾಮ ಮಂದಿರಾಚೆ ಅಧ್ಯಕ್ಷ ಕೆ. ಗೋಕುಲ್ ದಾಸ್ ಪೈ, ಜಯದೇವ ಭಟ್ ಕಲ್ಯಾಣಪುರ, ಲಕ್ಷ್ಮಣ ಭಟ್, ಅರ್ಚಕ ಶೈಲೇಶ ಭಟ್, ವಿಶ್ವನಾಥ ಭಟ್, ಕೃಷ್ಣ ಶೆಣೈ, ಅನಂತ ಕಾಮತ್, ಸುಧೀರ್ ಶೆಣೈ, ಸಂತೋಷ ಆಚಾರ್ಯ, ಶಾಲಿನಿ ಪೈ, ಜಿ.ಎಸ್.ಬಿ ಸಮಾಜಾಚೆ ಶ್ರೀ ರಾಮ ಸೇವಾ ಟ್ರಸ್ಟ, ಜಿ.ಎಸ್.ಬಿ ಯುವಕ ಮಂಡಳಿ, ಜಿ .ಎಸ್.ಬಿ ಮಹಿಳಾ ಮಂಡಳಿ ಆನಿ ಹೇರ ಉಪಸ್ಥಿತ ಆಶಿಲೆ.
To Support Kodial Khaber click the following button.
ರಾಜ್ಯ ಬಾಕ್ಸಿಂಗ್ ಸ್ಪರ್ಧಾಕೂಟಾಂತು° ಉಡುಪಿ ದ್ವಿತೀಯ ಪ್ರಶಸ್ತಿ
Written by Udupi
ಉಡುಪಿ: ಕರ್ನಾಟಕ ಅಮೆಚೂರ್ ಬಾಕ್ಸಿಂಗ್ ಅಸೋಸಿಯೇಶನ್ ಹಾಂನಿ° ಆರತಾ° ಬೆಂಗಳೂರಚೆ ಅಟಲ್ ಬಿಹಾರಿ ವಾಜಪೇಯಿ ಕ್ರೀಡಾಂಗಣಾoತು° ಘಡೊನ ಹಾಡಲೆಲೆ ಕರ್ನಾಟಕ ರಾಜ್ಯ ಬಾಕ್ಸಿಂಗ್ ಸ್ಪರ್ಧಾಕೂಟಾಂತು° ಉಡುಪಿ ಜಿಲ್ಲಾ ಅಮೆಚೂರ್ ಬಾಕ್ಸಿಂಗ್ ಅಸೋಸಿಯೇಶನ್ ಹಾಂನಿ° 9 ಭಾಂಗರಾಚೆ 9 ರುಪ್ಯಾಂಚೆ 4 ಕಾಶ್ಯಾಚೆ° ಪದಕ° ಜಿಕೂನ ಸಮಗ್ರ ದ್ವಿತೀಯ ಪ್ರಶಸ್ತಿ ಆಪಣ್ಯಾಲ್ಯಾ. ಭಾಂಗರಾ ಪದಕ ಜಿಕಿಲೆ: ಸಾಯಿ ವೈಷ್ಣವ್, ವಂದಿತ್, ಶ್ರೇಯಸ್ ಐತಾಳ್, ಮಾನ್ಸಿ ಜೆ ಸುವರ್ಣ, ಸಾಯಿ ಸಂತೋಷ್ ಕೋಟ್ಯಾನ್, ಅರ್ಹನ್ ಅಹ್ಮದ್, ಪ್ರೀತಮ್ ವಿ. ಯಮನೂರಪ್ಪ ಪೂಜಾರ್, ವಿರಾಜ್ ಬಂಗೇರ. ರುಪ್ಯಾ ಪದಕ ಜಿಕಿಲೆ: ರಿಯಾನ್ಸ್ ನಂದನ್, ಸಕ್ಷಮ್, ಆರ್ಯನ್ ವಿಜಯ ಶೆಟ್ಟಿ, ಸೃಷ್ಟಿ ಶೇಟ್, ಅಖಿಲೇಶ್ ಜಿ ನಾಯ್ಕ್, ಸಚಿನ್ ಪಡುಬಿದ್ರಿ, ವಿಕೇಶ್ ಕುಲಾಲ್, ಶುಭಾಂಶ್, ಸಾಚಿ. ಕಾಶೆ° ಪದಕ ಜಿಕಿಲೆ: ಶ್ರೀಕರ್ ಐತಾಳ್, ಲಕ್ಷ್ಮೀಶ, ಧನವಂತ್, ಆರ್ಯನ್. ಸಮಾಧಾನಕರ ಇನಾಂ ಜಿಕಿಲೆ: ಮಹಮದ್ ಕೈಫ್, ಆದಿತ್ಯ ಪೈ, ಶ್ರೀಜೆಶ್ ನಾಯ್ಕ್. ಶಿವಪ್ರಸಾದ ಆಚಾರ್ಯ ಕೋಚ್ ಆಶಿಲೆ.
To Support Kodial Khaber click the following button.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
https://www.youtube.com/user/MrBaligavenkatesh
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಫರ್ಕಟ
ಫರ್ಕಟ ಆಂಗವಲೇ ನೆಸೂನ ಗಾಂವ ಭರೀ ಭೋಂವತಾ. ಫರ್ಕಟ ಆಶಿಲೇ ಪೂರಾಯ ಕಾಡೂನ ಭಾಯರ ಉಡಯ. ಹಾಂಗಾಚೇ ಉದ್ಘೃತ ವಾಕ್ಯಾಂತ ಜೋ ಫರ್ಕಟ ಮ್ಹಣಚೊ ಶಬ್ದು ವಾಪರಲಾ ತ್ಯಾ ಶಬ್ದಾ ವಿಶಿ ಸಮಜೂವ್ಯಾಂ. ಫರ್ಕಟ ಮ್ಹಣಚೊ ಹೊ ಶಬ್ದು ಸಂಸ್ಕೃತ ಭಾಷೇಚೊ ಕರ್ಪಟ ಮ್ಹಣಚೊ ಶಬ್ದು ಆಸಾ ತಾಚೆ ಅಪಭ್ರಂಶ ರೂಪ ಜಾವುನು ಆಸಾ. ಕರ್ಪಟ ಮ್ಹಣಚೆ ಹೇ ಶಬ್ದಾಂತುಲೆ ಅಕ್ಷರ ಪಲ್ಲಟ ಜಾವುನು ಪರ್ಕಟ ಮ್ಹಣ ಜಾಲಾ. ಕೊಂಕಣಿ ಭಾಷೇಂತು ಪಯಲೆ ಅಕ್ಷರ ಹ ಕಾರ ಸಹಿತ ಉಚ್ಚಾರ ಕರಚಿ ರೀತಿ ಆಶಿಲ್ಯಾನ ಪ ಮ್ಹಣಚೆ ಅಕ್ಷರ ಪ್ಹ>ಫ ಮ್ಹಣ ಉಚ್ಚಾರ ಪಾವಲಾ ಆನಿ ಪರ್ಕಟ>ಫರ್ಕಟ್ ಮ್ಹಣ ರೂಪ ಪಾವಲಾ ಆನಿ ಹಾಜೊ ಅರ್ಥ ಪಿಂದಿಲೇ, ಫತ್ತೆ ಮಾರಲೇಲೇ, ಝಿರಝಿರೇಲೇ ಅಂಗವಲೇ ಮ್ಹಣು ಜಾವನು ಆಸಾ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ‍್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Home
ಶ್ರದ್ಧಾಂಜಲಿ
ಅಂಡಾರು ರಾಮದಾಸ ಕಿಣಿ
Featured Chandrika Mohan Pai KC Prabhu
Anniversaries
Shabdh Vihaar
Homage
Jobs Finders
Well Wishers
Most Read
- ಆಧುನಿಕ ಮಹಾಭಾರತ
- “ದಕ್ಷಿಣದ ಸಾರಸ್ವತರು”
- कन्याकुमारिच्या स्वामी विवेकानंद स्मारकाक ५० वरसां
- ಸತ್ಯನಾರಾಯಣ ಪೂಜಾ
- ಕುದ್ಮುಲ ರಂಗರಾವ್
- ಘರ ಏಕ್ ದೇವುಳ
- GSB Scholarship League Application
- ರಚನಾ...
- ಜುನಾಗಢ್
- कोरोनान शिकयिलो पाठ
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- तुळशी काट्टो
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- 'ಮಹಾ ಸರಕಾರ"
- ಹುಂಬರು (ಉಂಬರು)
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ತಾಕೀತ (ತಾಕೀದ)
- ಗುಜರಾತ - ಪಾಲಿಟಾನಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- स्वावलंबन आनी आत्मविश्वास
- ಮಸೀಂಗ
- भारताचे अमृत स्वातंत्र महोत्सवाचे पांच अमृत घडियो
- ಉದ್ಯೋಗ ಆನೀ ನಿರುದ್ಯೋಗ
- SUKRTINDRA ORIENTAL RESEARCH INSTITUTE
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಶ್ರಾವಣ ಮಾಸು ಆನಿ ಚೂಡಿ ಪೂಜಾ
- ಅಂತರಾಷ್ಟ್ರೀಯ ವನಿತಾ ದಿವಸು
Homage
Events
Who is Online?
We have 295 guests and no members online
