ಕೋಟ: ಕೋಟ ಶ್ರೀ ಕಾಶೀಮಠ ಶ್ರೀ ಮುರಳೀಧರ ಕೃಷ್ಣ ಮುಖ್ಯಪ್ರಾಣ ದೇವಳಾಂತು° ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಶ್ರೀ ಸಂಯಮೀ°ದ್ರ ತೀರ್ಥ ಸ್ವಾಮೀಜಿ ಹಾಂಗೆಲೊ ಚಾತುರ್ಮಾಸ್ಯ ವೃತಾಚರಣ ಸಂಪನ್ನ ಜಾಲೆಲೆ ಪ್ರಯುಕ್ತ ದಿಗ್ವಿಜಯ ಮಹೋತ್ಸವ ಗಾಂವ ಪರಗಾಂವಚೆ ಹಜಾರಾನಿ ಸಂಖ್ಯಾನ ಆಯಿಲೆ ಭಕ್ತಾದಿನ ಉಪಸ್ಥಿತ ಆಸೂನ ಆರತಾ° ಘಡಲೊ.

ಹ್ಯಾ ಸಂದರ್ಭಾರ ಶ್ರೀ ವ್ಯಾಸರಘುಪತಿ ನರಸಿಂಹ ದೇವಾಕ ವಿಶೇಷ ಪವಮಾನ ಅಭಿಷೇಕ, ಮಹಾಪೂಜಾ, ಮಹಾ ಸಮಾರಾಧನಾ ಚಲೆ. ರಾತ್ರಿ ದಿಗ್ವಿಜಯಾಚೆ ಪಯಲೆ° ಗುರುವರ್ಯಾನ ಇಷ್ಟ ದೇವಾಕ ಪೂಜಾ ಕೆಲಿ. ಪೆಂಟೆ ಮೆರವಣಿಗೆ ಖಾತೀರ ಉಗ್ತೆ° ವಾಹನಾರಿ ಗುರುವರ್ಯಾನ ಬಯಸಲೆ ಸತಾನ ಗಾಂವ ಪರಗಾಂವಚೆ ದೇವಳ, ಮಂದಿರಾ°ಚೆ° ತರಪೇನ ಮಾಲಾರ್ಪಣ ಕರಚೆ° ಜಾಲೆ°. ಗುರುವರ್ಯಾನ ತಾಂಕಾ° ಮಂತ್ರಾಕ್ಷತ ದೀವನು ಆಶೀರ್ವಾದ ಕೆಲೊ. ದಿಗ್ವಿಜಯ ಮಹೋತ್ಸವ ಪ್ರಯುಕ್ತ ಗುರುವರ್ಯಾಂಕ ಪುಷ್ಪಾಲಂಕೃತ ಉಗ್ತೆ° ವಾಹನಾರಿ ಬಸೋವನು ಕೋಟ ದಾಕೂನ ಮಣೂರು-ಕರಿಕಲ್ಕಟ್ಟೆ ಆಣೀ ಥಂಯ ದಾಕೂನ ಕೋಟ ಹೈಸ್ಕೂಲ್ ಉಪರಾಂತ ರಾಷ್ಟಿçಯ ಹೆದ್ದಾರಿರಿ ಅದ್ಧೂರಿ ಪುರಮೆರವಣಿಗಾ ಚಲಿ. ಮೆರವಣಿಗೆ ವಚೆ ವಾಟೇರಿ ಜಿ. ಎಸ್. ಬಿ. ಲೋಕಾಲೆ ಘರಾಂತ ವಿದ್ಯುತ್ ದೀವ್ಯಾನ ಅಲಂಕಾರ ಕೆಲೆಲೊ. ಖೂಬ ಕಡೇನ ಭಕ್ತ ಲೋಕಾಂಕ ಮಂತ್ರಾಕ್ಷತ ದಿವಚೆಂಮ ಜಾಲೆಂ. ಗೌಡಸಾರಸ್ವತ ಸಮಾಜಾಚಿ ಸಂಸ್ಕೃತಿ ದಾಕೊವಚೆ ಸಾಬಾರ ದ್ಹಾ ಟ್ಯಾಬ್ಲೋ, ವೇಷ ಭೂಷಣ, ಚಂಡೆ ವಾದ್ಯ ಮೆರವಣಿಗೆಚೆ ಚಂದಾಯಿ ವಾಡಯಲಿ. ಗಾಂವ ಪರಗಾಂವಚೆ ಲೋಕಾಂಕ ಪ್ರಸಾದ ಸ್ವೀಕಾರ ಕರಚಾಕ ತೀನ ಕಡೇನ ವ್ಯವಸ್ತಾ ಆಶಿಲಿ. ಸಾಬಾರ ಕಡೇನ ಖಾಣ ಜೇವಣಾಚಿ ವ್ಯವಸ್ಥಾ ಆಶಿಲಿ.

ರಾತಿ ಗುರುವರ್ಯಾನಿ ದಿಗ್ವಿಜಯಾಕ ಯೇತಾನಾ ಜಮೀಲೆ ಶಿಷ್ಯವರ್ಗಾ ಗುರುಮಹಾರಾಜ್, ಗುರುಮಹಾರಾಜ್ ಜೈ ಜೈ ಗುರುಮಹಾರಾಜ್ ಘೋಷಣಾ ಘಾಲನು ಸಾಲಾಣ ಯೇವು ಪ್ರಣಾಂ ಕರಚೆ° ಜಾಲೆ°. ಕಾರ್ಯಕ್ರಮಾಚೆ ಸಂದರ್ಭಾರಿ ಸಾಬಾರ ಕಡೇನ ಸಾಂಸ್ಕೃತಿಕ ಕಾರ್ಯಕ್ರಮ ಆಯೋಜನ ಕೆಲೆಲೊ. ಪರಬೇ ಮ್ಹಣಕೆ ವೆಗವೆಗಳೆ ಸ್ಟಾಲ್‌°, ಚೆರಡುವಾಂಕ ಖೇಳಚಾಕ ವ್ಯವಸ್ಥಾ ಆಶಿಲಿ. ಕಾಶೀಮಠ ವ್ಯವಸ್ಥಾಪನ ಸಮಿತಿ ಅಧ್ಯಕ್ಷ ಎಂ. ರಮೇಶ ಪಡಿಯಾರ, ಜಿ. ಎಸ್. ಬಿ. ಸೇವಾ ಸಂಘಾಚೊ ಅಧ್ಯಕ್ಷ ನರಸಿಂಹ ಪ್ರಭು ಕೋಟ, ಪ್ರಧಾನ ಅರ್ಚಕ ವೇ| ಮೂ| ಕಪಿಲದಾಸ್ ಭಟ, ಚಾತುರ್ಮಾಸ ಸಮಿತಿ ಅಧ್ಯಕ್ಷ ಕೆ. ರಾಧಕೃಷ್ಣ ನಾಯಕ, ಗೌರವಾಧ್ಯಕ್ಷ ಯು. ದಾಮೋದರ ಶೆಣೈ ಕುಂದಾಪುರ, ವೆಂಕಟೇಶ ಪ್ರಭು ಬೆಂಗಳೂರು, ಕಾರ್ಯದರ್ಶಿ ವೇದವ್ಯಾಸ ಪೈ, ಶಾಸಕ ವೇದವ್ಯಾಸ ಕಾಮತ, ಯುವಕ ಸಮಾಜಾಚೊ ಅಧ್ಯಕ್ಷ ಚಂದ್ರಕಾ°ತ ಪೈ, ಕಾರ್ಯದರ್ಶಿ ಅರವಿಂದ ಭಟ ಆನೀ ಹೇರ ಉಪಸ್ಥಿತ ಆಶಿಲೆ.

 ಉಡುಪಿ ಜಿಲ್ಲೆಚೆ ಕುಂದಾಪುರ ತಾಲೂಕೇಚೆ ಬಸ್ರೂರು ಏಕ ಇತಿಹಾಸ ಪ್ರಸಿದ್ಧ ನಗರ. ಸರ್ವ ಧರ್ಮ ಪಂಥಾಕ ಆಶ್ರಯ ದಿಲ್ಲೇಲಿ ಭೂಂಯಿ ಹೀ. ತಾಂತೂಯಿ ಗೌಡ ಸಾರಸ್ವತ ಬ್ರಾಹ್ಮಣ ವೃಂದಾಕ ಖರೇಂಚಿ ಪುಣ್ಯ ಭೂಮಿ.

ಶ್ರೀ ಸಂಸ್ಥಾನ ಕಾಶೀ ಮಠಾಚೆ ದ್ವಿತೀಯ ಗುರುವರ್ಯ ಶ್ರೀಮತ್ ಕೇಶವೇಂದ್ರ ತೀರ್ಥ ಸ್ವಾಮ್ಯಾನಿ ಹೇ ಗಾವಾಂತು ಶಾಖಾ ಮಠ ಸ್ಥಾಪನ ಕೆಲ್ಲೆಲೆ ವಿಚಾರು ಸರ್ವ ವೇದ್ಯ. ತಾಜ್ಜೆ ಫಲಶುೃತಿ ರೂಪಾರಿ ಪರಂಪರೇಚೆ ಸರ್ವ ಸ್ವಾಮ್ಯಾಲೆ ವಾಸ್ತವ್ಯ ಹೇ ಮಠಾಂತು ಘಢ್ಲೇಲೆ ಆಸ್ಸ. ಧರ್ಮ ಜಾಗೃತಿ ಕೆಲ್ಲೀಲಿ ಆಸ್ಸ. ಹೇಚಿ ಶಾಖಾಮಠಾಂತು ಶ್ರೀಮದ್ ಕೇಶವೇಂದ್ರ ತೀರ್ಥ ಆನಿ ಶ್ರೀಮದ್ ಭುವನೇಂದ್ರ ತೀಥರ್ಾಲೆ ವೃಂದಾವನ ಆಸ್ಸ.

ಶ್ರೀಮದ್ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ ತಿನ್ನಿ ಸ್ವಾಮೆ ಶ್ರೀಮತ್ ಜೀವೋತ್ತಮ ತೀರ್ಥ ಶ್ರೀಪಾದ ವಡೇರ ಸ್ವಾಮ್ಯಾನಿ ತಾಂಗೆಲೆ ಪೂರ್ವಾಶ್ರಮ ಕುಟುಂಬಾಚೆ ಹೇ ಗಾಂವಾಂತು ಶಾಖಾ ಮಠು ಆರಂಭ ಕರನು ಧರ್ಮ ಧ್ವಜು ಊರಿಲಲೊ ಆಸ್ಸ.

ತೀನಿ ಕುಲದೇವಳ ಆಸ್ಸಚಿ ಹೇ ಪಟ್ಟಣಾಂತು. ಶ್ರೀ ಮಹಾಲಸಾ ನಾರಾಯಣಿ, ಶ್ರೀ ಲಕ್ಷ್ಮೀ ದಾಮೋದರ ಆನಿ ಶ್ರೀ ಶಾಂತೇರಿ ಕಾಮಾಕ್ಷಿ. ತೆಂ ನಂತಾ ಸಮಾಜಾಚೆ ದೋನಿ ಕೌಟುಂಬಿಕ ದೇವಾಲಯ ಹಾಂಗಾ ಆಸ್ಸಚಿ. ಏಕ ಶ್ರೀ ರಾಮ ಚಂದ್ರಾಲೆ ಆನ್ನೇಕ ಶ್ರೀ ಮುಖ್ಯಪ್ರಾಣಾಲೆ.

ಅಸಲೆ ನಾವಾಧಿಕ ಗಾಂವಾಂಕ ಶ್ರೀ ಕಾಶಿ ಮಠ ಸಂಸ್ಥಾನಾಚೆ ಪ್ರಥಮ ಗುರುವರ ಶ್ರೀಮದ್ ಯಾದವೇಂದ್ರ ತೀರ್ಥ ಸ್ವಾಮಿ ತಾಂಗೆಲೆ ಶಿಷ್ಯ ಯತಿವರ ಶ್ರೀಮದ್ ಕೇಶವೇಂದ್ರ ತೀರ್ಥ ಸಮೇತ ಮೂಲ ಮಠ ವಾರಾಣಸಿ ದಾಕೂನು ಧರ್ಮ ಅಭಿಯಾನಾಕ ಭಾಯರ ಸಲರ್ೆ. ತೇ ವೇಳಾರಿ ಭದ್ರತಾ ಊಣೆ. ಸಂಚಾರ ಸಾಧನ ಅತ್ಯಲ್ಪ. ಸೌಕಾರ್ಯ ಭಾರಿ ಥೋಡೆ. ಜಾಲೆ ತರೀ ವೈಷ್ಣವ ಸಿದ್ಧಾಂತ ಪ್ರಚಾರ ಕರಚೆ ಚಾಂಗ ಇಚ್ಛಾ ತಾಂಗೆಲಿ. ಉತ್ತರ ಭಾರತಾ ದಾಕೂನ ದಕ್ಷಿಣ ಭಾರತಾಕ ಆಯಲೆ. ಬೊಟ್ಟಾನ ಮೆಜೂಚೆ ತಿತಲೆ ಶಿಬಂದಿ. ಸಂಸ್ಥಾನಾಚೆ ದೇವು. ನಿತ್ಯ ಜಪ-ಪೂಜೇಚೆ ಸಾಹಿತ್ಯ ಬಶರ್ಿ ಅವಶ್ಯಕ ವಸ್ತು ಘೇವನು ಪಾದಚಾರಿ ಜಾವನು ಬೋವಾಂತ ಬಸರೂರಾಕ ಪಾವಲೆ.

ತಾಂಗೆಲೆ ಯಾತ್ರೆಚೆ ಖಬರ ಮಾಲ್ಘಡ್ಯಾನಿ ಸಾಂಗಿಲೆ ಆಯ್ಕತಾನಚಿ ಕಡ-ಕಡು ಯೆತಾ. ಪಾಯ ವಾಟೇರಿ ಯೆವಚೆ. ದಿಸಾಚೆ ಮನಾಕ ಹಿತ ಜಾವಚೆ ಪ್ರದೇಶಾಂತುಂ ರಾಬ್ಬೂನು ಜಪ-ತಪ, ಸರಳ ಆಹಾರ ಘೆವಚೆ. ವಾತ್ತ ರಾಂಪು ಆಸ್ತಾನ ಪ್ರಯಾಣ ಊಣೆ. ರಾತ್ತಿ ವರೇಕ ಸಂಚಾರು. ಚಾನ್ನಿವೆ ರಾತ್ರಿ ಚಡ ಚಮಕತ ವಚ್ಚೆ. ಕಾಳ್ಶಿ ರಾತ್ತಿ ವೇಳಾರಿ ದೀವಟಿಗೆ ಹುಜ್ವಾಡಾರಿ ಪ್ರವಾಸು. ಧೈರ್ಯ ಕಸಂಲೆ ? ಶ್ರೀ ಸಂಸ್ಥಾನಾಚೆ ದೇವು. ತಾಂಗೆಲೆ ತಪೋ ಬಲ. ತಾಜ್ಜೆ ಬಶರ್ಿ ಧರ್ಮ ರಕ್ಷಣೆಚೆ ಅಚಲ ನಿಷ್ಟಾ.

ಬಸ್ರೂರು ಗಾಂವಾಚೆ ಬಡಗಾ ದಿಕ್ಕಾಂತು ಹೊಳೆತ ಆಸ ವಾರಾಹೀ ನ್ಹಂಯ (ಪಂಚ ಗಂಗವಳಿಂತು ಹೀ ಏಕಿ ನ್ಹಂಯಿ) ನ್ಹಣಯಚಿ ತಡಿ ದೇವಾಲಯಕ, ಯಜ್ಞ-ಯಾಗಾಕ, ಜ್ಞಾನ ಸತ್ರಾಕ ಸಕ್ಕಡಾಕ ಚಾಂಗಾಂತು ಚಾಂಗ. ನ್ಹಂಯಚೆ ತಡ್ಯೆರಿ ರಾಬ್ಲಾರಿ ಕೋಟಶಾದ್ರಿ ಗುಡ್ಡೊ ದಿಸತಾ. ಚಾಂಗ ಫಲ - ಪುಷ್ಪಾನ ಸುಂದರ ಪರಿಸರ. ಥಂಯ ಥಂಯ ಕೃಷಿಚೆ ಜಾಗೊ. ಸುವಿಶಾಲ ಭೂಮಿ. ಮನಾಕ ಖೂಷಿ ದಿವಚೆ ತಸಲೆ ರಾನ. ಬಂದರು ಆಶ್ಶಿಲೊ, ಬೋಟ ಯೆವಚೆ ಪಟ್ಟಣ ಹೇಂ. ಹಾಂಗಾಚೆ ಚೊಕಚಿ ಜಾಗೊ, ಶುಧ ವಾರೆಂ, ಚಾಂಗ ವಾತಾವರಣ. ಹೆಂ ಯತಿ ದ್ವಯಾಲೆ ಮನಾಕ ಆನಂದ ದಿತಾ.

ಹೊಡ್ಡ ಸ್ವಾಮ್ಯಾನಿ ಸಾನ್ನ ಸ್ವಾಮೇ ಶ್ರೀ ಕೇಶವೇಂದ್ರಾಂಕ ಮಾರ್ಗದರ್ಶನ ಕರನು, ತಾಂಗೆಲೆ ಉದ್ದೇಶು ಸಫಲ ಕರುಂಕ ಆಶೀವರ್ಾದ ದೀವನು ಬಸ್ರೂರ ದಾಕೂನು ಉತ್ತರ ಕನ್ನಡ ಜಿಲ್ಲೆಚೆ ಭಟ್ಕಳಾಕ ಪಯಣ ಘೆತಲೆಂ.

ಬಸರೂರಾಂತು ರಾಬ್ಬಿಲೆ ಶ್ರೀ ಕೇಶವೇಂದ್ರ ಸ್ವಾಮ್ಯಾನಿ ವೇಳು ಕರನಿ. ಸಖತ್ ಪ್ರಯತ್ನ ಮುಕಾಶರ್ಿಲೆ. ಮೂಡ ಕೇರಿಂತು ವೈಷ್ಣವ ಪಂಥಾಚೆ ಏಕ ಶ್ರೀ ವೇಂಕಟಪತಿ ದೇವಳ ಆಶಿಲೆಂ. ತೇ ದೇವ ಮಂದಿರ ಅವ್ಯವಸ್ಥೆರಿ ಆಶಿಲೆಂ ಮ್ಹಣಾತಾಚಿ ಪರಿಸರಾಚೆ ಜಾಂಟೆ ಲೋಕ. ಆಮಗೆಲೆ ಸಮಾಜಾಚೆ ಬಹುತೇಕ ಲೋಕಾಂಕ ಶ್ರೀ ವೆಂಕಟರಮಣೂಂಚಿ ಇಷ್ಟ ದೇವು. ಶಾಖಾ ಮಠು ಒದಗಾರಿ ಕರಕಾ, ಸರ್ವ ಅನುಕೂಲ ಜಾವಕಾ ಮ್ಹಣು ಸಾಧನೇರಿ ಆಶಿಲೆ ಹೇ ಗುರೂಂಕ ತೋ ಕಾಮಿತಾರ್ಥ ಪ್ರದಾಯಕು ವಲ್ವಲೊ ಮ್ಹಣು ದಿಸತಾ. ಆಪೊನು ದಿಲೆಲೆ ಮ್ಹಣಕೆ ತೇ ದೇವಾಲಯ ಸ್ವಾಮ್ಯಾಂಕ ಮೆಳೆಂ. ಸ್ವಾಮ್ಯಾನಿ ದೇವಳಾಚೆ ನವೀಕರಣ ಯಥಾ ಸಾಧ್ಯ ಕರನು, ದಕ್ಷಿಣ ಭಾರತಾಂತು ಶ್ರೀ ಕಾಶೀ ಮಠ ಸಂಸ್ಥಾನಾಚೆ ಪ್ರಪ್ರಥಮ ಶಾಖಾ ಮಠಾಕ ಶುಭ ನಾಂದಿ ಕೆಲಿ. ಪರಿವ್ಯಾಜಾಕ ಜಾವನು ಆಯಿಲೆ ತಾಂಗೆಲೆ ಉದ್ದೇಶು ಸಫಲ ಜಾಲೊ.

ಥೊಡೆ ಸಮಯಾರಿ ಭಟ್ಕಳಾಂತು ಗೋಪಿ ನ್ಹಂಯಚೆ ತಡಿರಿ ವಾಸ್ತವ್ಯ ಆಶಿಲೆ ಗುರು ಶ್ರೀಮದ್ ಯಾದವೇಂದ್ರ ತೀರ್ಥ ಅಸ್ವಸ್ಥ ಜಾಲೆ. ತೇ ನದೀ ತೀರಾರಿ ತೇ ಮುಕ್ತ ಜಾಲೆ. ಶ್ರೀ ಶ್ರೀ ಕೇಶವೇಂದ್ರ ಸ್ವಾಮೆ ಥಂಯ ಪಾವನು ವಿಧ್ಯುಕ್ತ ಸರ್ವ ವಿಧಿ ವಿಧಾನ ಆಚರಣ ಕರನು ಪರತ ಬಸ್ರೂರಾಕ ಆಯಲೆ. ಭಜಕಾಂಕ ಮಾರ್ಗದರ್ಶನ ಕರನು ಪುನಃ ಬನಾರಸಾಕ ದಿಗ್ವಿಜಯ ಕರನು, ಬಸ್ರೂರ ಶಾಖಾ ಮಠಾಕ ಯೇವನು ವೃಂದಾವನಸ್ಥ ಜಾಲೆ (ಸನ್ 1670). ಬಸ್ರೂರಾಂತೂಚಿ ಮುಕ್ತಿ ಜಾವಕಾ ಮ್ಹಣು ತೇ ಗುರುವರ್ಯಾಲೆ ಸಂಕಲ್ಪು ಆಸ್ತಲೊ. ನಡೆದಷ್ಟೂ ದಾರಿ ಮ್ಹಣು ಹೇ ಧಮರ್ಮಾಚಾರ್ಯನಿ ಲೆಕ್ಕಿಂಲೆ ನಾ. ಪಡೆದಷ್ಟೂ ಭಾಗ್ಯ ಮ್ಹಣಚೆ ತಾಂಗೆಲೆ ಸನ್ಯಸ್ತ ಜೀವನಾಚಿ ಗತಿ ಆಶಿಲಿ.

ಬಸ್ರೂರು ಶ್ರೀ ಕಾಶಿಮಠಾಂತು ದೋನಿ ವೃಂದಾವನ ಆಸ್ಸಚಿ. ಶ್ರೀ ವೆಂಕಟರಮಣಾಲೆ ಸಮಕ್ಷಮ ಪರಸ್ಪರ ಅಭಿಮುಖ ಜಾವನು ದೋನ ಪವಿತ್ರ ಸಮಾಧಿ ಆಸ್ಸಚಿ. ಉಜ್ವಾಯನಿ ಶ್ರೀ ಶ್ರೀ ಕೇಶವೇಂದ್ರ ತೀರ್ಥಂಲಿ ಸಮಾಧಿ. ದಾವೇನ ಶ್ರೀ ಶ್ರೀ ಭುವನೇಂದ್ರ ತೀರ್ಥಂಲಿ ಸಮಾಧಿ (ಮುಕ್ತಿ: ಸನ್ 1886).

ಹೇಚಿ ಶಾರ್ವರಿ ಸಂ|| ಫಾಲ್ಗುಣ ಬಹುಳ ತಯ್ಯೆ ದಿವಸು (ದಿ|| 12-3-2020) ಬಸರೂರು ಶ್ರೀ ಕಾಶೀ ಮಠಾಂತು ಪೂಜನೀಯ ಪೀಠಾಧಿಪತಿ ಶ್ರೀಮದ್ ಸಮ್ಯಮೀಂದ್ರ ತೀರ್ಥ ಹಾಂಗೆಲೆ ಆಶೀವರ್ಾದ ಪುರಃಸರ ತೀನ ದೀವಸಾಚೆ (ದಿ|| 10-3-2020 ಧೋನರ್ು 12-3-2020) ಶ್ರೀ ಶ್ರೀ ಕೇಶವೇಂದ್ರ ತೀರ್ಥ ಗುರು ಶ್ರೇಷ್ಠಾಂಲೆ ಪುಣ್ಯ ತಿಥಿಚೆ ವಿಶೇಷ ಸಂಭ್ರಮಾಚೊ ದೈವಿಕ, ಸಾಂಸ್ಕೃತಿಕ ಉತ್ಸವು ಸಂಪನ್ನ ಜಾವೂಂಕ ಆಸ. ಮಹೋತ್ಸವ ಸಮಿತಿಚೆ ಸರ್ವ ಮ್ಹಾಲ್ಗಡೆ ಕಾರ್ಯ ಪ್ರವೃತ್ತ ಜಾವನು ಆಸ್ಸಚಿ. ಸಮಸ್ತ ಸಮಾಜ ಬಾಂಧವ ಹೇ ಅಪೂರ್ವ ಕಾರ್ಯಂತು ಭಾಗಿ ಜಾವನು ಪುನೀತ ಜಾವೂಂಕ ಉತ್ಸುಕಿತ ಜಾವನು ಆಸ್ಸಚಿ.

ಬಸರೂರಾಚೆ ಕಾರ್ಯಕ್ರಮಾಚೆ ವಿಶೇಷತಾ ಉಡಗಾಸು ಕಾಡುಯಾಂ. ಹೇ ಪುಣ್ಯ ಕಾಲಾರಿ ಶ್ರೀ ಸಂಸ್ಥಾನಾಚೆ ಹೇ ಇತಿಹಾಸಾಚೆ ದರ್ಶನ ಭಾಗ್ಯ ಆಮಕಾ ಜಾತ್ತಾ. ಶ್ರೀಮದ್ ಯಾದವೇಂದ್ರ ತೀರ್ಥ ಧರನು ಸಗಳಿ ಗುರು ಪರಂಪರೆಚೆ ಸಂಸ್ಮರಣಾಚೆ ಯೋಗು - ಭಾಗ್ಯ ಆಮಗೆಲೆ ಜಾತಾ. ಪ್ರಚಲಿತ ಧರ್ಮ ಪೀಠಾಧಿಪತಿ ಹಾಂಗೆಲೆ ಆಶೀರ್ವಾದು ಆಮಗೆಲೆ ಸೆರಗಾಂತು ಪಡತಾ. ಆತ್ತಂಚಿ ಹೇಂ ಮನನ ಕರಯಾಂ.

ಸಾಡಿ ತೀನಿ ಶತಮಾನಾಚೆ ಮಾಕ್ಷಿ ಭಾವಚಿತ್ರಾಚೆ ಸುವಿಧಾ ಆಶಿಲಿ. ಆಮಗೆಲೆ ಸ್ವಾಮೆ ಶ್ರೀಮದ್ ಸುಧೀಂದ್ರ ತೀಥರ್ಾನಿ ಶ್ರೀ ಸಂಸ್ಥಾನಾಂತು ಲಭ್ಯ ಆಧಾರ ಆನಿ ವಿವಿಧ ಸಂಪನ್ಮೂಲಾ ಆಧಾರಾರಿ ಪೂಜ್ಯ ಶ್ರೀಮದ್ ಕೇಶವೇಂದ್ರ ಸ್ವಾಮ್ಯಾಲೆ ಚಿತ್ರ ಬರಿ ಕಾಲ ಚಿಂತನ ಕರನು ಕಾಲ್ಪನಿಕ ಚಿತ್ರ ಸಮಾಜಾಕ ದಿಲೆಲೆಂ ಆಸ್ಸ.
ತೇಂ ಚಿತ್ರ ಪಳಯತನಾಚಿ ಆಮಿ ಪುಲಕಿತ ಜಾತಾಚಿ. ಪವಿತ್ರ ಗಂಗೆಂತು ತಾಂಗೆಲೆ ಉತ್ತಮಾಂಗಾರಿ ಶ್ರೀ ವೇದವ್ಯಾಸ ವಿಗ್ರಹ ಧರನು ರಾಬ್ಬಿಲೆ ದೃಶ್ಯ. ಆಮ್ಮಿ ಗಂಗಾ ಮಾತೇ ಲಾಗಿ ಮಾಘೂಯಾಂ. ಜಗದಾಧಾರ ತವ ಜಲ ಧಾರಾ (ಹೇ ಗಂಗಾ ! ತುಗೆಲೆ ಪಾವನ ಜಲಧಾರ ಸಗಳೆ ಜಗಾಕಚಿ ಆಧಾರ ದಿವಚೆ ತಸ್ಸಲಿ)
ಗಂಗಾ ! ಗಂಗೆ ! ಮಾಂ ಪುನೀಹಿ (ಹೇ ಗಂಗಾ ಮಾತಾ ಮಾಕ್ಕಾ (ಆಮಕಾ) ಪರಿಶುದ್ಧ ಕರಿ)

ಹೇಂ ಆಟೋವು ಕರೂಯಾಂ. ಶ್ರೀ ವೇದವ್ಯಾಸು ದೇವು ಜ್ಞಾನ ಆನೀ ಅಭಯ ದಿತ್ತಲೊ. ದೇವಾ ! ಆಮಕಾ, ಆಮಗೆಲೆ ಚೆರಡು ಬಾಳಾಂಕ ಚಾಂಗ ಜ್ಞಾನ ದೀ. ತಾಜ್ಜೆ ಬಶರ್ಿ ಅಭಯ ದೀ. ಮಾಘೂಯಾಂ.

ಸಂಮಾನನೀಯ ಶ್ರೀ ಶ್ರೀ ಕೇಶವೇಂದ್ರ ಗುರು ವರಾಂಲೆ ತೀ ದಿವ್ಯ ಮುಖ ಮುದ್ರಾ, ತೇಜಸ್ವಿ ದೋಳೆ, ತೊಂಡಾಚೆ ವರ್ಚಸ್ಸು ಪಳೋವೂಯಾಂ.

ಸಮಾಜಾಚೆ ಸರ್ವತೋಮುಖ ಪ್ರಗತಿ ಪಸಾವತ ಆಸ್ಸಲೆ ಭಂಗಿರಿ ಚಿಂತನ ಕರತ ಆಸ್ಸಚಿ ತೇ ಗುರು ವರೇಣ್ಯ.

ಮುಕಾವಯಿಲೆ ಸರ್ವ ಸ್ವಾಮ್ಯಾನಿ ತೀ ಸತ್ ಚಿಂತನಾ ಕಾರ್ಯ ರೂಪಾಕ ಹಾಡೂನ ಸಮಾಜಾಕ ದೈವ ಬಲ - ಗುರುಬಲ ದಿವಯಲಾಂ.

ಹೇ ಅನನ್ಯ ಆರಾಧನಾ ಮಹೋತ್ಸವಾಂತು, ಶ್ರೀ ಹರಿ ವಾಯು ಗುರು ಸನ್ನಿಧಾನಾಂತು ಸಮಷ್ಟಿ ಮಾಗಣೆ ಆಮಗೆಲೆ ಜಾವೂಕಾ.

ಶ್ರೀ ಶ್ರೀ ಸುಧೀಂದ್ರ ತೀಥರ್ಾನಿ ಬಸರೂರಾಂತೂಚಿ ಅನೇಕ ಕಾರ್ಯಕ್ರಮಾಂತು ಶ್ರೀ ಶ್ರೀ ಕೇಶವೇಂದ್ರ ತೀಥರ್ಾಂಲೆ ಗುಣ ಸಾಂಗಿಲೆ ಆಸ್ಸ.

ಆದರಣೀಯ ಶ್ರೀ ಕೇಶವೇಂದ್ರ ಸ್ವಾಮೆ ದೀಘರ್ಾಯುಷಿ ವೇದ ವೇದಾಂತಾಂತು ಪಾರಂಗತ. ಶ್ರೀ ಕಾಶೀ ಕ್ಷೇತ್ರಾಂತು ಪರ್ಯಂತ ಮಧ್ವ ಸಿದ್ಧಾಂತಾಚೆ ತಾಂಗಿಲೆ ಪರಿಣತಿ ದಾಕಯಿಲಿ ಆಸ್ಸ. ಸಕಡಾ ಪಶೀ ತೇ ಮಹಾ ಸಾಧಕ ಸ್ವಾಮೇ.

ಹೇ ಸಂದೇಶಾಚೆ ಅನುಸಂಧಾನ ಹೇ ವಿಶೇಷ ಪ್ರಸಂಗಾರಿ ಕರಚೆ ಆಮಗೆಲೆ ಕರ್ತವ್ಯ.

ಶ್ರೀ ಶ್ರೀ ಕೇಶವೇಂದ್ರ ಶ್ರೀ ಪಾದಾಂಲೆ ಯೋಗ್ಯತಾ, ವಿಶಿಷ್ಟ ಗುಣ ಮನಾಂತು ಗಟ್ಟಿ ಬಸ್ಕಾರಾಚಾಕ ತಾಂಗೆಲೆ ಸಾಧನಾ ಕ್ಷೇತ್ರ ಬಸರೂರಾಚೆ ಏಕ ಮಾತ್ರ ಸಾಹಸೂಚಿ ಪಾವತಾ.
ದಾನಾಚ್ಛೇಯೋನು ಪಾಲನಂ ಅಶ್ಶಿಂ ನವ್ ನವೇಂಚಿ ಕರಚೆ ಪಶೀ ಆಶಿಲೆ ರಾಕೂಕಾ; ತೇಂಚಿ ತಾಂಗೆಲೆ ಜೀವನ ಮೌಲ್ಯ ಜಾವೂಕಾ.

ತಾನ್ನಿ ಶಾಖಾ ಮಠಾಕ ನವೇಚಿ ದೇವಾಲಯ ಬಾಂದಿಶೀನಿ. ತಾಂಕಾ ಮಳ್ಳೆಲೆ ಚಾಂಗಾ ಸಾನ್ನಿಧ್ಯಾಚೆ ತ್ರಿನಾಮೀ ಶ್ರೀ ವೆಂಕಟೇಶು ಉಪಾಸ್ಯ ದೇವು ಜಾವನು ಆಶ್ಶಿಲೇಂಚಿ ಪೂಜನೀಯಾನಿ ದೇವಸ್ಥಾನ ಕೆಲೆಂ. ಶ್ರೀ ಶಾಖಾ ಮಠು ಕರನು ಶ್ರೀ ಸಂಸ್ಥಾನಾಕ ಚಾಂಗಾ ದೇಣಿಗಾ ದಿವಯಲಿ.

ಹೇಚಿ ಪ್ರಸಂಗಾರಿ ಏಕ-ದೋನಿ ಘಟನಾ ಉಲ್ಲೇಖ ಕರಚೆಂ ಸಮುಚಿತ ಜಾವೂಂಕಾ ಶಕ್ಯ ಆಸ್ಸ.

ಸತ್ತಾವನ್ (57) ವಷರ್ಾ ಮಾಕ್ಷಿ ಹೇಚಿ ಶಾಖಾ ಮಠಾಚೆ ಜೀರ್ಣೋದ್ಧಾರ ಪ್ರತಿಷ್ಠಾ ಕಾರ್ಯ - ಶಿಖರ ಕಲಶ ಪ್ರತಿಷ್ಠಾ ಸಮಾರಂಭು.

ತೇಂ ಶಿಖರ ಪ್ರಾಯ ಉತ್ಸವಾಚೆ ಸವರ್ಾದರಣೀಯ ಶ್ರೀ ಶ್ರೀ ಸುಧೀಂದ್ರ ಶ್ರೀ ಪಾದಾನಿ ಅಗ್ರ ಪೂಜೇಚೆ ಆಶೀರ್ವಾದು ದಿತ್ತಚಿ ವ್ಯಕ್ತ ಕೆಲೆಂ.

ಆಜೀ ಆಮ್ಮಿ ಆಮಗೆಲೆ ಪರಮ ಗುರು ಶ್ರೀಮದ್ ವರದೇಂದ್ರ ತೀರ್ಥ ಸ್ವಾಮ್ಯಾನಿ ತಯ್ಯಾರ ಕರನು ದವರಲೆಲೆಂ ಶಿಖರ ಕಲಶಾಚೆ ಪ್ರತಿಷ್ಠಾ ಕೆಲ್ಯಾ. ಆಮ್ಮಿ ನವೊ ಕಲಶು ಕರಯಿನಿ. ಹೇ ಕಲಶಾಂತು ಆಮಕಾ ಶ್ರೀ ಶ್ರೀ ವರದೇಂದ್ರ ತೀಥರ್ಾಂಲೆ ದಿವ್ಯ ದರ್ಶನ ಜಾತಾ ಆಸ್ಸ. ಸಂಸ್ಥಾಪಕ ಯತಿವರ ಶ್ರೀ ಶ್ರೀ ಕೇಶವೇಂದ್ರ ಶ್ರೀ ಪಾದಾಂಲೆ ಚಾಂಗ ಉಡಗಾಸು ಜಾತಾ ಆಸ್ಸ.

ಆಶಿರ್ವಾದಾಚೆ ವಿಚಾರು ಮುಕಾಸರ್ಿತಚಿ ತಾನ್ನಿ ಸಂದೇಶು ದಿಲ್ಲೊ. ದೇವು-ಧರಮು-ಧರ್ಮ ಗುರು-ಸಂಸ್ಕಾರು-ಸಂಸ್ಕೃತಿ ಹೇ ಪಸಾವತ ಶಿಷ್ಯ ಕೋಟಿ ಕೆದನಾಯಿ ಜಾಗಿ ಆಸೂಕಾ. ತೇಂ ಚಾಂಗಾಂತು ಚಾಂಗ.

ಮಾಲ್ಘಡ್ಯಾನಿ ಕಸಲೆಂ ರಕ್ಷಣ ಕೆಲ್ಲಾಂ, ತೇಂಚಿ ಆಮಕಾ ರಕ್ಷಾ ಕವಚ ?

ಹೇಂ ಅನುಗ್ರಹ ವಾಕ್ಯ ಶ್ರೀಮದ್ ಕೇಶವೇಂದ್ರ ತೀರ್ಥಂನಿ ಶ್ರೀ ವ್ಯಾಸ ಪೀಠಾಚೆ ಮುಖಾಂತರ ಸಮಾಜಾಕ ದಿವಯಿಲೆಂ ತಶಿಂ ದೆಕ್ಕೂಂ ಪಡತಾ. ಯೆವಚೆ ಮುಕುಟ ಪ್ರಾಯ ಉತ್ಸವಾಕ ಹೀಂ ವಾಕ್ಯ ಚೈತನ್ಯ ದಿತ್ತಾ ಆಸಾ.

ಬಸ್ರೂರು ಶ್ರೀ ಶಾಖಾ ಮಠಾಚೆ ಸುವಿಶಾಲ ಭೂ ಸಂಪತ್ತೀಚೆ ಸಂಪಾದನ ಶ್ರೀಮತ್ ಕೇಶವೇಂದ್ರ ತೀರ್ಥಂಲೆ (ಮಠು - ಹಾಡಿ ಗಾದ್ದೊ ಆಶಿಲೊ ಜಾಗೋ.)

ಬಸರೂರು ಶ್ರೀ ಶಾರದಾ ಕಾಲೇಜಾಕ ಚಾರಿ ಎಕ್ರೊ ಜಾಗೋ ಭೂದಾನ ಕರತಾನ ಹೊಡ್ಡ ಸ್ವಾಮ್ಯಾನಿ ಕಾಲೇಜು ಸಮಿತಿಚಾಂಕ ಸಾಂಗಿಲೆ ಕಸಲೆಂ ?

ವಿದ್ಯಾ ದಾನ ಚಂದ ರೂಪಾರಿ ಚೆಡರ್ುವಾಂಕ ದಿವೊಕಾ. ತಾಜೆ ಬಶರ್ಿ ಏಕ ವಿಚಾರು ಕೆದನಾಯಿ ಉಡಗಾಸಾಂತು ಆಸ್ಸೋಂ. ಬಸ್ರೂರ ಏಕ ಪ್ರಶಾಂತ ಪರಿಸರಾಚೊ ಗಾಂವು. ನವೇ ಕಾಲೇಜ್ ಶುರು ಜಾತಾ. ವಿಂಗ ವಿಂಗಡ ಗಾಂವಾಚೆ ಚೆಡರ್ುಂವ ಯೆತಲೀಂ. ವಾತಾವರಣಾಚೆ ಶಾಂತತಾ ಪಾಡ ಜಾಯನಾಶಿಂ ಪಳಯಾ.

ದಾನ ಅನುಪಾಲನ ದೋನಯೀ ಜಾವೂಕಾ. ಅಸ್ಸಲೆ ಸಂಸ್ಥಾನಾಚೆ ಹೋಡ ಮನ ಹೇ ಸಂದರ್ಭರಿ ಯೆವಜೂಚೆ ಅವಶ್ಯ. ತೇಂಚಿ ಶ್ರೀಮದ್ ಕೇಶವೇಂದ್ರ ತೀಥರ್ಾಂಲೆ ಚರಣಾಕ ಅಭಿವಾದನ ಕಾರ್ಯ ಜಾತ್ತಾ.

ಹೇಚಿ ಬಸ್ರೂರು ಶಾಖಾ ಮಠಾ ವತೀನ ಗುರುಪುರ ಪೆಂಟೆಚೆ ದೇವಳಾಕ ಶ್ರೀ ವರದರಾಜ ವೆಂಕಟರಮಣ (ಪಾಟ್ಟಾ ದೇವು) ಶ್ರೀಮದ್ ಮಾಧವೆಂದ್ರ ತೀರ್ಥನಿ ಅನುಗ್ರಹ ಕೆಲ್ಲಾಂ.
ಮಂಗಳೂರು ಲಾಗ್ಗಿಚೆ ಪುತ್ತೂರು ಪೆಂಟೆಚೆ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಸ್ಥಾನಾಕ ಉತ್ಸವಾ ದೇವು ಶ್ರೀಮದ್ ಸುದೀಂದ್ರ ತೀಥರ್ಾನಿ ಹೇಚಿ ಪುಣ್ಯ ಕ್ಷೇತ್ರಾ ದಾಕೂನು ಅನುಗ್ರಹ ಕೆಲೆಲೆ ಸರ್ವಾಂಕ ಕಳಿತ ಆಸಾ.

ಶ್ರೀ ಸಂಸ್ಥಾನಾಚೆ ಪ್ರಾಚೀನ ಶಾಖಾ ಮಠಾಚೆ ಅಸಲೆ ಅನೇಕಾನೇಕ ಸಾನ್ನ ವಿದ್ಯಮಾನ ಅನುಕರಣೀಯ. ಪ್ರಾಥಮಿಕ ಶಾಳೆಚೆ ಸಾನ್ನ ಚೆಡರ್ುಂವಾಲೆ ಕೋಪಿ ಪುಸ್ತಕಾಂತು ಅಧ್ಯಾಪಕು ಅಥವಾ ಅದ್ಯಾಪಿಕೇಂಲೆ ಸುವರ್ೆಚೆ ಚಂದ ಸಾಲು ಆಸ್ತಾ. ತಸ್ಸಲೆ ಏಕ ಸಾಲು ಹೇ ಪವಿತ್ರ ಕ್ಷೇತ್ರಾಂತು ಮಾತ್ಯೆಂತು ಶ್ರೀ ಶ್ರೀ ಕೇಶವೇಂದ್ರ ಸ್ವಾಮ್ಯಾನಿ ಬರೋನು ದವರಲಾಂ. ಆಮಗೆಲೆ ಮಾಲ್ಘಡ್ಯಾನಿ ತೀ ಪಂಕ್ತಿ ವಾಚೂನು ಆಚರಣೆಕ ಹಾಳಾಂ. ಆಮ್ಮಿ ತೇಚಿ ವಾಟ್ಟೇರಿ ವಚೂಯಾಂ.

ದೇವಾಲಿ ದಯಾ, ದೇವಾಲಿ ಪ್ರಸನ್ನ ಪೂರ್ಣ ಕೃಪಾ ದೃಷ್ಟಿ ಮೆಳಚೆಂ ಪೂಜ್ಯ ಧರ್ಮಗುರು ಮುಖಾಂತರ ಹೇಂ ವಾಕ್ಯ ಶ್ರೀ ಮನ್ಮದ್ವಾಚಾರ್ಯಂಲೆ ಮಹಾಭಾರತ ತಾತ್ಪರ್ಯ ನಿರ್ಣಯ ಗ್ರಂಥಾಚೆ ಏಕ ಚಾಂಗ ಮ್ಹಣ್ಣಿ.

ತಶ್ಶಿಂ ಹೇ ಉತ್ತುಂಗ ಆರಾಧನೆಂತು ಹರಿಸ್ಮರಣ ಆನೀ ಗುರುಸ್ಮರಣ ಕರನು ಧನ್ಯ ಜಾವಚೆ ಮಹೋತ್ಸವಾಚೆ ದಿವಸು ಲಾಗ್ಗ ಲಾಗ್ಗಿ ಯೆತಾ ಆಸ್ಸ.

ಆಮ್ಮಿ ಸಕ್ಕಡ ಮನಾನ ಸರ್ವ ಸೇವೆಂತು ಸಹಭಾಗಿ ಜಾವೂಯಾಂ. ಗುರು ಅಭಿವಂದನ ಕರನು ಪುನೀತ ಜಾವೂಯಾಂ.

|| ಓಂ ಶ್ರೀ ಹರಿ ಗುರುಭ್ಯೋ ನಮಃ ||

ಸಾರ್ಧ ತ್ರಿಶತ ಪುಣ್ಯ ತಿಥಿ ಮಹೋತ್ಸವು (ಹೇಚಿ ಶಾರ್ವರಿ ಸಂ|| ಫಾಲ್ಗುಣ ಕೃಷ್ಣ ತೃತೀಯ (12. 3. 2020 ಗುರುವಾರ ಶ್ರೀಮದ್ ಕೇಶವೇಂದ್ರ ತೀರ್ಥ ಗುರುವರ್ಯಲೆ ಪುಣ್ಯ ಸಂಸ್ಮರಣ ಮಹೋತ್ಸವು. ತೇ ಪಸಾವತ ಹೀ ಶಬ್ದ ಪುಷ್ಪಾಂಜಲಿ)

ಲೇಖಕ: ಬಸ್ರೂರು ಪಾಂಡುರಂಗ ಆಚಾರ್ಯ, ಉಡುಪಿ.