ಮಣಿಪಾಲ: ಹಾಂಗಾಚೆ ಈಶ್ವರ ನಗರಾಚೆ ಶ್ರೀ ಮಹಾಮಾಯಾ ಭಜನಾ ಮಂಡಳಿ ಆನಿ ಮುಕ್ತಾಂಜಲಿ ನೃತ್ಯ ಸಂಸ್ಥೊ ಹಾಂಗೆಲೆ ಜೋಡ ಆಶ್ರಯಾರಿ ಮಾಯಾ ಕಾಮತ್ ಹಾಂಗೆಲೆ ಮುಖೆಲಪಣಾರಿ ಸರಸ್ವತಿ ಶಾಳೆಚೆ ಸಭಾಂಗಣಾοತು° ಬಾನ್ಸುರಿ ಆನಿ ನೃತ್ಯ ತರಬೇತಿಚೆ ಉಗ್ತಾವಣ ಸರಸ್ವತಿ ಶಾಳೆಚಿ ಮುಖ್ಯಉಪಾಧ್ಯಾಯಿನಿ ಶಾಂತಿ ಲತಾ ಹಾಂನಿ° ದೀವೊ ಲಾವನು ಕೆಲೆ°. ಮುಖೇಲ ಸೊಯ್ರೆ ಜಾವನು ಆಶ್ಲೇಷ ಹೋಟೆಲ್ ಮಣಿಪಾಲ ಹಾಜಿ ವಾಂಟೆಲಿ ವೀಣಾ ಶ್ರುತಿ ಶೆಣೈ, ಎಂಐಟಿಚೊ ಅಸಿಸ್ಟೆಂಟ್ ಪ್ರೊಫೆಸರ್  ನಾಗರಾಜ್ ಕಾಮತ್, ಶಿಕ್ಷಕಿ ಸವಿತಾ ಶೆಟ್ಟಿ, ಸತೀಶ್ ಎನ್, ವರ್ತಕ  ಸಂಘ  ಉಡುಪಿ ಹಾಜೊ ಜಿಲ್ಲಾಧ್ಯಕ್ಷ ಸಹನಶೀಲ ಪೈ, ಕುಸುಮಾವತಿ ವಾಗ್ಲೇ, ಸುಗುಣ ಶೆಟ್ಟಿ, ರಮ್ಯಾ ಮಲ್ಯ ಆನಿ ಸಂಪನ್ಮೂಲ ವ್ಯಕ್ತಿ ಮುಕ್ತಾ ನಾಗೇಶ್ ಉಪಸ್ಥಿತ ಆಶಿಲೆ. (ವೇಣು ವಿದ್ವಾನ್ ಸುಂದರ ಉಡುಪಿ ಹಾಂಕಾ° ಸನ್ಮಾನ ಚಲೊ. ಮೋಹಿನಿ ಭಟ್, ವಿದ್ಯಾ ಶರ್ಮಾ, ನಂದಿನಿ ಶೆಣೈ, ದೀಪಾ ಶೆಣೈ, ನಾಗರತ್ನ ಕಟಪಾಡಿ ಉಪಸ್ಥಿತ ಆಶಿಲಿಂತಿ. ವೆಗವೆಗಳೆ ಭಜನಾ ಮಂಡಳಿಚೊ ಭಜನಾ ಕಾರ್ಯಕ್ರಮ ಚಲೊ. 

ಉಡುಪಿ: ಹಾಂಗಾಚೆ ನೋರ್ತ್ ಶಾಳಾ ಹಳೇ ವಿದ್ಯಾರ್ಥಿ ಆನಿ ಶಾಲಾಭಿವೃದ್ಧಿ ಸಮಿತಿಚೆ ತರಪೇನ ಆಟ ದಿವಸಾಚೆ ವೈಶಾಕಾ ಶಿಬಿರ ಚಲೆ°. ಉಡುಪಿಚೆ ತರನಾಟೊ ಉದ್ಯಮಿ ಅಜಯ್ ಪಿ. ಶೆಟ್ಟಿ ಹಾಂನಿ° ಉಗ್ತಾವನ ಕೆಲೆಲ ಹ್ಯಾ ಶಿಬಿರಾಚೆ ಸಮಾರೋಪ ಕಾರ್ಯಕ್ರಮ ಆರತಾ° ಶಾಳಾ ವಠಾರಾಂತು° ಚಲೊ. ದಾನಿ ಆನಿ ಸಮಾಜ ಸೇವಿಕಾ ರಂಜಿತಾ ರಮಾನಾಥ್ ನಾಯಕ್, ಮುರಳಿ ಬಲ್ಲಾಳ್, ಭಾಗ್ಯಶ್ರೀ ದೊಡ್ಡಮನಿ ಆನಿ ಆನಿ ಕಲ್ಯಾಣಿ ಪೈ ಮಾನಾಚೆ ಸೊಯ್ರೆ ಆಶಿಲೆ. ಪ್ರೊ. ಶ್ರೀನಾಥ್ ರಾವ್ ಕೆ ಹಾಂನಿ° ಕಾರ್ಯಕ್ರಮಾಚೆ ಅಧ್ಯಕ್ಷ ಆಶಿಲೆ. ಶುಭಾ ರಾವ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಅನನ್ಯಾ ಚೇತನ್ ನಾಯಕ್ ಹೀಣೆ ಪ್ರಾರ್ಥನಾ ಗಾಯಲಿ. ಶ್ರೀದೇವಿ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಪ್ರೊ. ಕೆ. ಶ್ರೀನಾಥ್ ರಾವ್ ಹಾಂನಿ° ಪ್ರಾಸ್ತಾವಿಕ ಭಾಷಣ ಕೆಲೆ°. ರಂಜನ್ ಭಾಗವತ್ ಹಾಂನಿ° ಆಭಾರ ಮಾನಲೊ.

ಆಟ ದಿವಸಾಚೆ ಹ್ಯಾ ಶಿಬಿರಾಂತು° ಉಡುಪಿ ಜಿಲ್ಲೆಚೆ ವೆಗವೆಗಳೆ ಶಾಳೆಚೆ ಸಾಬಾರ 45 ವಿದ್ಯಾರ್ಥಿಯಾನಿ ವಾಂಟೊ ಘೆತಲೊ. ತಾಂಕಾ° ನ್ರತ್ಯ, ಚಿತ್ರಕಲಾ, ಕರಕುಶಲ ತರಬೇತಿ, ವ್ಯಕ್ತಿತ್ವ ವಿಕಸನ, ಪೇಪರ್ ಕ್ರಾಫ್ಟ್, ನೀತಿ ಕಥಾ, ಗ್ರಾಮೀಣ ಕ್ರೀಡಾ ಅಶೆ° ಖೂಬ ವಿಷಯಾಚೆರಿ ಮಾಹಿತಿ ದಿವಚೆ° ಜಾಲೆ°. ವ್ಹಡಿಲಾನಿ ಶಿಬಿರಾ ವಿಷಯಾರಿ ಬರೊ ಅಭಿಪ್ರಾಯ ಕಳಯಲೊ. ವಾಂಟೊ ಘೆತಿಲೆ ಸಗಟ ವಿದ್ಯಾರ್ಥಿಯಾಂಕ ಪ್ರಶಂಸಾ ಪತ್ರ, ಡ್ರಾಯಿಂಗ್ ಕಿಟ್, ಸ್ಟೈನ್ ಲೆಸ್ ಸ್ಟೀಲ್ ವಾಟರ್ ಬಾಟಲ್ ದಿವಚೆ ಜಾಲೆ°.
ಅಂತರರಾಷ್ಟ್ರೀಯ ಯೋಗ ಪ್ರಶಸ್ತಿ ವಿಜೇತಾ ಕುಮಾರಿ ಶಿವಾನಿ ಶೆಟ್ಟಿ ಆನಿ ಶಿಬಿರಾಕ ಮಾರ್ಗದರ್ಶನ ದಿಲೆಲಿ ಕಲ್ಯಾಣಿ ಪೈ ಹಾಂಕಾ° ಸನ್ಮಾನ ಕರಚೆ° ಜಾಲೆ°. ವಿದ್ಯಾರ್ಥಿಯಾನಿ ಸಾಂಸ್ಕೃತೀಕ ಕಾರ್ಯಕ್ರಮ ದಿಲೊ.
ಶಾಳಾ ಹಳೇ ವಿದ್ಯಾರ್ಥಿ ಸಂಘಾಚೊ ಕಾರ್ಯದರ್ಶಿ ಮಹೇಶ್ ನಾಯಕ್, ಜಂಟಿ ಕಾರ್ಯದರ್ಶಿ ಹರೀಶ್ ಶೇರಿಗಾರ್, ಸಾಂದೆ ಅಮರನಾಥ್ ಭಟ್, ಶೇಖ್ ಮಕ್ಬೂಲ್, ಚೇತನ್ ಕುಮಾರ್ ನಾಯಕ್, ಸತೀಶ್ ಹೆಗಡೆ, ಅನಿಲ್ ಬೈಲಕೆರೆ, ಸತೀಶ್ ಶೇಟ್, ಸುಧೀಂದ್ರ ರಾವ್, ವಿಶ್ವನಾಥ್ ಬಾಳಿಗಾ, ಚಂದ್ರಕಲಾ ಬಾಳಿಗಾ, ಶಾಂತಾ ಬಾಳಿಗಾ, ಜ್ಯೋತಿ ಬಲ್ಲಾಳ್, ಶಾಲಾ ಶಿಕ್ಷಕಿ ಶೋಭಾ ಶೆಟ್ಟಿ, ಸಂಪನ್ಮೂಲ ವ್ಯಕ್ತಿ ಸ್ರಜನ್ ಶೇರಿಗಾರ್, ಹರಿಪ್ರಸಾದ್, ಶ್ರೀದೇವಿ ಆನಿ ಹೇರ ಉಪಸ್ಥಿತ ಆಶಿಲೆ.

ಉಡುಪಿ: ಹಾಂಗಾ ಲಾಗಿಚೆ ನಯಂಪಳ್ಳಿ ಕಾಶೀಮಠ ಶ್ರೀ ಗೋಪಾಲ ಕೃಷ್ಣ ದೇವಸ್ಥಾನಾಂತು° 16 ವೆ° ವರಸಾಚೆ ಪುನರ್  ಪ್ರತಿಷ್ಠಾ ವರ್ಧಂತಿ ಮಹೋತ್ಸವ ಚಲೊ. ಸಾಮೂಹಿಕ ದೇವತಾ ಪ್ರಾಥನಾ, ಸಾನಿಧ್ಯ ಹವನ, ಶತ ಕಲಶಾಭಿಷೇಕ, ವೆಗವೆಗಳೆ ಭಜನಾ ಮಂಡಳಿಚಿ ಭಜನ ಸೇವಾ, ಶ್ರೀ ದೇವಾಕ ವಿಶೇಷ ಫುಲ್ಲಾ ಅಲಂಕಾರ, ಮಹಾ ಪೂಜಾ ಚಲಿ. ಉಪರಾಂತ ಸಮಾರಾಧನಾ ಚಲಿ. ಅರ್ಚಕ ಶ್ರೀಜಿತ್ ಶರ್ಮಾ, ಲಕ್ಷ್ಮಣ ಭಟ್, ಗಣಪತಿ ಭಟ್, ಗಣೇಶ ಭಟ್ ನಂತಾ° ನಯಂಪಳ್ಳಿ ಶ್ರೀ ಕಾಶೀಮಠಾಚೆ ವ್ಯವಸ್ಥಾಪನಾ ಸಮಿತಿಚೆ ಅಧ್ಯಕ್ಷ ಶಿರಿಯಾರ ಗಣೇಶ ನಾಯಕ್, ಕಾರ್ಯದರ್ಶಿ ಅರವಿಂದ ಭಟ್ ಆನಿ ಸಮಾಜ ಭಾಂದವ ಉಪಸ್ಥಿತ ಆಶಿಲೆ. ರಾತಿ ಫುಲ್ಲಾ ಪೂಜಾ, ವಸಂತ ಪೂಜಾ, ಅಷ್ಟಾವಧಾನ ಸೇವಾ, ಪಲ್ಲಕಿ ಉತ್ಸವ ಪ್ರಸಾದ ವಾಂಟಪ ಜಾಲೆ°. 

ಕೆಮುತ್ತೂರ್: ಉಡುಪಿ ಲಾಗಿಚೆ ಕೆಮುತ್ತೂರ್ ಗಾಂವಚೆ ಶ್ರೀ ಲಕ್ಷ್ಮೀ ನರಸಿಂಹ ದೇವಳಾಂತು° ಪ್ರಧಾನ ಅರ್ಚಕ ವೇದ ಮೂರ್ತಿ ಸುಜಯ ಆಚಾರ್ಯ ಉದ್ಯಾವರ ಹಾಂನಿ° ನಿರಂತರ ಸಾಬಾರ 50 ವರಸ ಕಾಳ ಪೂಜಾ ಸೇವಾ (ಸುವರ್ಣ ಪೂಜಾ ಸೇವಾ ಮಹೋತ್ಸವ) ದಿಲೆಲೆ ಕಾತಿರ ದೇವಳಾಚೆ ವತಿನ ಗೌರವಾರ್ಪಣ ಕರನು ಅಭಿನಂದನ ಸಾಂಗಚೆ° ಜಾಲೆ°. ಶ್ರೀ ದೇವಾಲೆ ಸನ್ನಿಧಿಂತು° ವಿಶೇಷ ಫುಲ್ಲಾ ಅಲಂಕಾರ, ಸಾಮೂಹಿಕ ಪ್ರಾಥನಾ, ಗಣಹೋಮ, ಸತ್ಯನಾರಾಯಣ ಪೂಜಾ, ವೆಗವೆಗಳೆ ಭಜನಾ ಮಂಡಳಿಚಾನ ಸಕಾಳಿ ದಾಕೂನ ಸಾಂಜವೇಳ ತಾಂಯ ಭಜನಾ ಸೇವಾ, ಮಹಾ ಪೂಜಾ ದರ್ಶನ ಸೇವಾ-ಪ್ರಸಾದ ವಾಂಟಪ, ಸಾರ್ವಜನಿಕ ಅನ್ನ ಸಂತರ್ಪಣ ಆನಿ ಭರತನಾಟ್ಯ ಕಾರ್ಯಕ್ರಮ ಚಲೊ. ಧಾರ್ಮಿಕ ಸಭೆಂತು° ವೇದ ಮೂರ್ತಿ ಗಣೇಶ್ ಭಟ್ ಕಾಪು, ವೇದಮೂರ್ತಿ ಕಮಲಾಕ್ಷ ಭಟ್ ಕಾಪು, ವೇದಮೂರ್ತಿ ರವೀಂದ್ರ ಭಟ್ ಶಿರ್ವ, ದರ್ಶನ ಪಾತ್ರಿ ಕೆ ರಮೇಶ ಕಾಮತ್, ದೇವಳಾಚೆ ಆಡಳಿತ ಮೊಕ್ತೇಸರ ರಾಮದಾಸ ಕಾಮತ್, ಆಡಳಿತ ಮಂಡಳಿಚೆ ಸಾಂದೆ ಉಮೇಶ್ ಕಾಮತ್, ವೆಂಕಟೇಶ ಕಾಮತ್, ನರಹರಿ ಕಾಮತ್, ವಿಠ್ಠಲದಾಸ ಕಾಮತ್, ಅನಂತ ಕಾಮತ್, ಪ್ರದೀಪ್ ಕಾಮತ್, ವಸಂತ ಕಾಮತ್, ಪದ್ಮನಾಭ ಕಾಮತ್, ವಾಸುದೇವ ಕಾಮತ್, ಜಿ ಎಸ್ ಬಿ ಮಹಿಳಾ ಆನಿ ಯುವಕ ಮಂಡಳಿಚೆ ಸಾಂದೆ ಉಪಸ್ಥಿತ ಆಶಿಲೆ.