Displaying items by tag: Udupi
ಮಲ್ಪೆ ಶ್ರೀ ರಾಮ ಮಂದಿರಾಚೆ ದೇವಾಕ ಸರ್ವ್ಣ ಕವಚ ಅರ್ಪಣ, ಶ್ರೀ ರಾಮಧಾಮ ಇಮಾರತ ಲೊಕಾರ್ಪಣ
ಉಡುಪಿ: ಹಾಂಗಾ ಲಾಗಿಚೆ ಶ್ರೀ ರಾಮ ಮಂದಿರ, ಮಲ್ಪೆ ಹಾಂಗಾ ನವೀನ ಜಾವನು ಬಾಂದಿಲೆ ಶ್ರೀ ರಾಮಧಾಮ ಇಮಾರತಾಚೆ ಲೋಕಾರ್ಪಣ ಆನಿ ದೇವಾಕ ಸ್ವರ್ಣ ಕವಚ ಅರ್ಪಣ ಆರತಾಂ(ಮಾ.18) ಚಲೆ. ಸಕಾಳಿ 8-30 ಕ ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ಶ್ರೀ ವಿದ್ಯಾಧೀಶತೀರ್ಥ ಶ್ರೀ ಪಾದ ಒಡೆಯರ್ ಸ್ವಾಮೀಜಿ ಹಾಂಕಾ° ಕಲ್ಮಾಡಿ ಸಾಂಕವಾ ಲಾಗಿ ದಾಕೂನ ಚಂಡೆ, ಮಂಗಳವಾದ್ಯ, ಭಜನ ಆನಿ ಪೂರ್ಣಕುಂಭ ಸಹಿತ ಮೆರವಣಿಗೆರಿ ಸ್ವಾಗತ ಚಲೆ°. ಉಪರಾಂತ ಪಾದ ಪೂಜಾ, ಫಲ ಪುಷ್ಪ ಆನಿ ಗುರುಕಾಣಿಕಾ ಅರ್ಪಣ ಜಾಲೆ°. ಶ್ರೀ ರಾಮದೇವಾಲೆ ಸನ್ನಿಧಿಂತು° ಸಮೂಹಿಕ ಪ್ರಾರ್ಥನಾ, ವೇದಮಂತ್ರ ಪಠಣ ಜಾತರಿ ಪೂಜ್ಯ ಗುರವರ್ಯಾಂಲೆ ಹಸಾ ಉಗ್ತಾವಣ ಜಾವನು ಪಂಚ್ವಿಸ ವರಸ° ಜಾತಾತಿ. ತ್ಯಾಚ ಉಡಗಾಸಾಕ ದೇವಾಕ ಸ್ವರ್ಣ ಕವಚ ಸಮರ್ಪಣ ಜಾವಚೆಂ ಸಂತೋಸಾಚೊ ವಿಷಯ, ಆಮಿ ಶ್ರೀ ರಾಮಾಲೆ ಆದರ್ಶ ಗುಣ ಆಪಣಾವನು ಶ್ರೀ ರಾಮಾಲಿ ಚರಿತ್ರಾ, ನೀತಿ ಜೀವನಾಂತು° ಪಾಲನ ಕರನು ಹೇರಾಂಕ ಪಾಯವಾಟ ಜಾವಕಾ ಮ್ಹಣು ಗುರುವರ್ಯಾನಿ ಅನುಗ್ರಹ ಸಂದೇಶ ದಿಲೊ. ಇಮಾರತ ಬಾಂದಪಾಕ ಸಹಕಾರ ದಿಲೆಲೆ ದಾನಿ ಲೋಕಾಂಕ ಸನ್ಮಾನ ಚಲೊ.
ಶ್ರೀ ರಾಮ ಮಂದಿರಾಚೆ ಅಧ್ಯಕ್ಷ ಕೆ. ಗೋಕುಲ್ ದಾಸ್ ಪೈ, ಜಯದೇವ ಭಟ್ ಕಲ್ಯಾಣಪುರ, ಲಕ್ಷ್ಮಣ ಭಟ್, ಅರ್ಚಕ ಶೈಲೇಶ ಭಟ್, ವಿಶ್ವನಾಥ ಭಟ್, ಕೃಷ್ಣ ಶೆಣೈ, ಅನಂತ ಕಾಮತ್, ಸುಧೀರ್ ಶೆಣೈ, ಸಂತೋಷ ಆಚಾರ್ಯ, ಶಾಲಿನಿ ಪೈ, ಜಿ.ಎಸ್.ಬಿ ಸಮಾಜಾಚೆ ಶ್ರೀ ರಾಮ ಸೇವಾ ಟ್ರಸ್ಟ, ಜಿ.ಎಸ್.ಬಿ ಯುವಕ ಮಂಡಳಿ, ಜಿ .ಎಸ್.ಬಿ ಮಹಿಳಾ ಮಂಡಳಿ ಆನಿ ಹೇರ ಉಪಸ್ಥಿತ ಆಶಿಲೆ.
To Support Kodial Khaber click the following button.
ರಾಜ್ಯ ಬಾಕ್ಸಿಂಗ್ ಸ್ಪರ್ಧಾಕೂಟಾಂತು° ಉಡುಪಿ ದ್ವಿತೀಯ ಪ್ರಶಸ್ತಿ
ಉಡುಪಿ: ಕರ್ನಾಟಕ ಅಮೆಚೂರ್ ಬಾಕ್ಸಿಂಗ್ ಅಸೋಸಿಯೇಶನ್ ಹಾಂನಿ° ಆರತಾ° ಬೆಂಗಳೂರಚೆ ಅಟಲ್ ಬಿಹಾರಿ ವಾಜಪೇಯಿ ಕ್ರೀಡಾಂಗಣಾoತು° ಘಡೊನ ಹಾಡಲೆಲೆ ಕರ್ನಾಟಕ ರಾಜ್ಯ ಬಾಕ್ಸಿಂಗ್ ಸ್ಪರ್ಧಾಕೂಟಾಂತು° ಉಡುಪಿ ಜಿಲ್ಲಾ ಅಮೆಚೂರ್ ಬಾಕ್ಸಿಂಗ್ ಅಸೋಸಿಯೇಶನ್ ಹಾಂನಿ° 9 ಭಾಂಗರಾಚೆ 9 ರುಪ್ಯಾಂಚೆ 4 ಕಾಶ್ಯಾಚೆ° ಪದಕ° ಜಿಕೂನ ಸಮಗ್ರ ದ್ವಿತೀಯ ಪ್ರಶಸ್ತಿ ಆಪಣ್ಯಾಲ್ಯಾ. ಭಾಂಗರಾ ಪದಕ ಜಿಕಿಲೆ: ಸಾಯಿ ವೈಷ್ಣವ್, ವಂದಿತ್, ಶ್ರೇಯಸ್ ಐತಾಳ್, ಮಾನ್ಸಿ ಜೆ ಸುವರ್ಣ, ಸಾಯಿ ಸಂತೋಷ್ ಕೋಟ್ಯಾನ್, ಅರ್ಹನ್ ಅಹ್ಮದ್, ಪ್ರೀತಮ್ ವಿ. ಯಮನೂರಪ್ಪ ಪೂಜಾರ್, ವಿರಾಜ್ ಬಂಗೇರ. ರುಪ್ಯಾ ಪದಕ ಜಿಕಿಲೆ: ರಿಯಾನ್ಸ್ ನಂದನ್, ಸಕ್ಷಮ್, ಆರ್ಯನ್ ವಿಜಯ ಶೆಟ್ಟಿ, ಸೃಷ್ಟಿ ಶೇಟ್, ಅಖಿಲೇಶ್ ಜಿ ನಾಯ್ಕ್, ಸಚಿನ್ ಪಡುಬಿದ್ರಿ, ವಿಕೇಶ್ ಕುಲಾಲ್, ಶುಭಾಂಶ್, ಸಾಚಿ. ಕಾಶೆ° ಪದಕ ಜಿಕಿಲೆ: ಶ್ರೀಕರ್ ಐತಾಳ್, ಲಕ್ಷ್ಮೀಶ, ಧನವಂತ್, ಆರ್ಯನ್. ಸಮಾಧಾನಕರ ಇನಾಂ ಜಿಕಿಲೆ: ಮಹಮದ್ ಕೈಫ್, ಆದಿತ್ಯ ಪೈ, ಶ್ರೀಜೆಶ್ ನಾಯ್ಕ್. ಶಿವಪ್ರಸಾದ ಆಚಾರ್ಯ ಕೋಚ್ ಆಶಿಲೆ.
To Support Kodial Khaber click the following button.
ಸಿಎ ಉತ್ತೀರ್ಣ ಮಹಾಲಕ್ಷ್ಮಿ ಕಿಣಿಕ ಸನ್ಮಾನ
ಉಡುಪಿ: ಹಾಂಗಾಚೆ ಕಲ್ಸಂಕಾಚೆ ಟಿ. ವಸಂತ ಕಿಣಿ ಆನಿ ವನಿತಾ ಕಿಣಿ ಹಾಂಗೆಲಿ ದ್ಹುವ ಮಹಾಲಕ್ಷ್ಮಿ ಕಿಣಿ, ಸಿಎ ಅಂತಿಮ ಪರೀಕ್ಷೆಂತು° ಉತ್ತೀರ್ಣ ಜಾಲೆಲೆ ಸಂದರ್ಭಾರಿ ನಾಯಕ್ ಎಂಡ್ ಎಸೋಸಿಯೇಟ್ಸ್ ಹಾಂನಿ° ಸನ್ಮಾನ ಕೆಲೊ. ಪೂರ್ಣಪ್ರಜ್ಞ ಸಂಧ್ಯಾ ಕಾಲೇಜಾಚಿ ಪ್ರಾಂಶುಪಾಲಾ ಡಾ. ಸುಕನ್ಯಾ ಮೇರಿ ಜೆ., ಟಿ. ವನಿತಾ ಕಿಣಿ, ಭಾರತೀಯ ಲೆಕ್ಕ ಪರಿಶೋಧನಾ ಸಂಸ್ಥೆ ಉಡುಪಿ ಶಾಖಾ ಹಾಜೊ ಆದಲೊ ಅಧ್ಯಕ್ಷ ನರಸಿಂಹ ನಾಯಕ್ ಉಪಸ್ಥಿತ ಆಶಿಲೆ. ಮಹಾಲಕ್ಷ್ಮಿ ಕಿಣಿನ ಎಂಜಿಎಂ ಕಾಲೇಜಾಂತು° ದ್ವಿತೀಯ ಪಿಯುಸಿ, ಪೂರ್ಣಪ್ರಜ್ಞ ಸಂಧ್ಯಾ ಕಾಲೇಜಾಂತು° ಪದವಿ ಶಿಕ್ಷಣ ಕರತ ಸಿಎ ವ್ಯಾಸಂಗ ಕೆಲೆಲೆ°. ಮೂಡಬಿದಿರೆಚೆ ಸಿಎ ಆಕಾಶದೀಪ್ ಪೈ ಸಾಂಗತ ಲಗ್ನ ಜಾತರಿ ತಾಗೆಲೆ ಸಹಕಾರಾನ ತೀಣೆ ಸಿಎ ಅಂತಿಮ ಪರೀಕ್ಷಾ ಬರಯಲಿ ಮ್ಹಣು ತೀಣೆ ಹ್ಯಾ ವೇಳಾರ ಸಾಂಗಲೆ°. ಶ್ರಾವ್ಯಾ ಪೂಜಾರಿನ ಸ್ವಾಗತಾಚೆ ಉತ್ರ° ಸಾಂಗಲಿ°. ಶಮಾ ಕುಂದರಾನ ಸುತ್ರ ಸಂಚಾಲನ ಕೆಲೆಂ. ಸುಪ್ರೀತಾನ ಆಬಾರ ಮಾನಲೊ.
To Support Kodial Khaber click the following button.
ಘರ ಘರಾ° ಭಜನಾ - ಮಾಯಾ ಕಾಮತ ಮಣಿಪಾಲ ಮುಖೇಲಪಣ
ಉಡುಪಿ: ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಮಾಯಾ ಕಾಮತ ಈಶ್ವರ ನಗರ ಮಣಿಪಾಲ ಹಾಂಗೆಲೆ ಮುಖೇಲಪಣಾರಿ ಆರತಾ° ಘರ ಘರಾ° ಭಜನಾ ಕಾರ್ಯಕ್ರಮ ಚಲೊ. ಉಡುಪಿಚೆ ಮಾತೃಶ್ರೀ ನಿಲಯಾಚೆ ಸುಜಾತಾ ಗಣೇಶ್ ಹಾಂಗೆಲೆ ಘರಕಡೆ ಶಾಸಕ ಯಶಪಾಲ್ ಎ ಸುವರ್ಣ ಹಾಂನಿ° ದಿವೋ ಲಾವನು ಉಗತಾವಣ ಕೆಲೆ°. ಫುಡೆ ಕಾಳಾಂತು ಸಗಟ ಘರಾಂತು° ದಿವೋ ಲಾವನು ಭಜನ ಕರತಲೆ. ಆಯಚೆ ತರನಾಟೆಂಕ ಆಮಗಲೆ ಸನಾತನ ಸಂಸ್ಕೃತಿ ಶಿಕೊವಚೆ° ಗರಜೆಚೆ° ಮ್ಹಣು ತಾಣೆ ಸಾಂಗಲೆ°. ಮುಖೇಲ ಸೊಯ್ರೆ ಜಾವನು ಕೋಸ್ಟಲ್ ಸೆಕ್ಯೂರಿಟಿ ಪೊಲೀಸ್ ಇನ್ಸ್ಪೆಕ್ಟರ್ ಪ್ರಮೋದ್ ಕುಮಾರ್, ವೀಣಾ ಶೆಟ್ಟಿ, ರಾಷ್ಟ್ರೀಯ ಸ್ವಯಂಸೇವಕ ಸಂಘಾಚೆ ಶೈಲದ್ರ ಶೆಟ್ಟಿ, ತಾರಾ. ಯು. ಆಚಾರ್ಯ, ಜಿ. ಸ್. ಬಿ ಮಹಿಳಾ ಮಂಡಳಿ ಉಡುಪಿ ಅಧ್ಯಕ್ಷಾ ಸುಧಾ ಶೆಣೈ, ಮೋಹಿನಿ ಭಟ್, ವಿದ್ಯಾ ಶರ್ಮಾ ಕಟಪಾಡಿ, ಪ್ರಭಾ ರಾವ್ ಕಲ್ಯಾಣಪುರ, ವಿದ್ಯಾ ನಾಯಕ್, ಸುಜಾತಾ ಪೂಜಾರಿ, ರೇವತಿ ರಾಜೀವನಗರ, ಎನ್. ನಾಗರಾಜ ಕುಮಾರಿ,
ಸುಜಾತಾ ಪೂಜಾರಿ, ಸುಮಿತ್ರಾ ಪೂಜಾರಿ ಪ್ರಗತಿ ನಗರ, ಗೀತಾ ಸಂಜೀವ, ಗೀತಾ ಮಿಥುನ ಪೂಜಾರಿ, ಪ್ರಭಾವತಿ ಸದಾಶಿವ, ಸುಧಾರಾಣಿ ಮುನಿಯಪ್ಪ, ಪ್ರಭಾ ಉಪಸ್ಥಿತ ಆಶಿಲಿ°. ರಾಜ್ಯಶ್ರೀ ಸುಧಾರಾಮ್ ಶೆಟ್ಟಿನ ಪ್ರಾರ್ಥನಾ ಗಾಯಲಿ. ಸವಿತಾ ಶೆಟ್ಟಿ ಈಶ್ವರ ನಗರ ಹಾಂನಿ° ಸೂತ್ರ ಸಂಚಾಲಕ ಆಶಿಲೆ.
To Support Kodial Khaber click the following button.
ಶ್ರೀ ರಾಮ ಮಂದಿರ ಮಲ್ಪೆ - ಕರ ಸೇವಕಾಂಕ ಸನ್ಮಾನ
ಮಲ್ಪೆ: ಅಯೋಧ್ಯೆಂತು° ಶ್ರೀ ರಾಮಚಂದ್ರ ದೇವಾಲೆ ಪ್ರತಿಷ್ಠೆ ಪ್ರಯುಕ್ತ ಹಾಂಗಾಚೆ ಶ್ರೀ ರಾಮ ಮಂದಿರಾoತು° ಜಿ ಎಸ್ ಬಿ ಸಮಾಜ ಮಲ್ಪೆ ತರಪೇನ ಸಕಾಳಿ ಸಾಮೂಹಿಕ ಪ್ರಾರ್ಥನಾ, ಪಂಚಾಮೃತ ಅಭಿಷೇಕ, ಕಲಶಾಭಿಷೇಕ, ರಾಮ ನಾಮ ಹವನ, ಶ್ರೀ ದೇವಾಕ ವಿಶೇಷ ಅಲಂಕಾರ, ಮಹಾಪೂಜಾ ಚಲೆ. ಧಾರ್ಮಿಕ ಸಭಾ ಕಾರ್ಯಕ್ರಮಾಚಿ ಅಧ್ಯಕ್ಷತಾ ಶ್ರೀ ರಾಮ ಮಂದಿರ ಜಿ ಎಸ್ ಬಿ ಸಮಾಜ ಮಲ್ಪೆ ಹಾಜೆ ಅಧ್ಯಕ್ಷ ಕೆ ಗೋಕುಲದಾಸ್ ಪೈ ಹಾಂನಿ° ಸಾಂಬಾಳಲಿ. ಶಾಸಕ ಯಶಪಾಲ್ ಸುವರ್ಣ, ಆದಲೆ ಶಾಸಕ ರಘುಪತಿ ಭಟ್, ಆದಲೆ ಮಂತ್ರಿ ಮಧ್ವರಾಜ್, ನಾರಾಯಣ ಪೈ ಮಣಿಪಾಲ, ಕಲ್ಯಾಣಪುರ ಶ್ರೀ ವೆಂಕಟರಮಣ ದೇವಳಾಚೆ ಮೋಕ್ತೆಸರ ಅನಂತಪದ್ಮನಾಭ ಕಿಣಿ, ಆನಿ ಹೇರ ಉಪಸ್ಥಿತ ಆಶಿಲೆ. ಅಯೋಧ್ಯೆಚೆ ಶ್ರೀ ರಾಮ ಮಂದಿರ ನಿರ್ಮಾಣ ಕರಚಾಕ ಕರಸೇವಾ ಕೆಲೆಲೆ ನರೇಂದ್ರ ನಾಯಕ ಉಡುಪಿ, ಪ್ರಮೋದ್ ಭಂಡಾರಕಾರ ಮಲ್ಪೆ, ಜಯಂತ್ ಸಾಲಿಯಾನ್ ಪಡುಕೆರೆ ಹಾಂಕಾ° ಯಾದಸ್ತಿಕಾ ದೀವನು ಸನ್ಮಾನ ಚಲೊ. ಆಕಾಶವಾಣಿ ಆನಿ ದೂರದರ್ಶನ ಕಲಾವಿದ ರಾಜೇಶ್ ಪಡಿಯಾರ್ ಮೈಸೂರು, ರಂಜಿತ್ ಭಟ್, ವಾಣಿಶ್ರೀ ಪ್ರಮೋದ್ ಹಾಂಗೆಲೊ ಸುಗಮ ಸಂಗೀತ ಕಾರ್ಯಕ್ರಮ ಚಲೊ.
To Support Kodial Khaber click the following button.
ವನಿತಾ ಸಾಧಕಿಯಾಂಕ ಸನ್ಮಾನ
ಉಡುಪಿ: ಹಾಂಗಾಚೆ ತೆಂಕಪೇಟೆ ಲಕ್ಷ್ಮೀ ವೆಂಕಟೇಶ ದೇವಳಾಚೆ ಜಿ ಎಸ್ ಬಿ ಮಹಿಳಾ ಮಂಡಳಿನ ಮಕರ ಸಂಕ್ರಾoತಿ ದೀವಸು ಭುವನೇಂದ್ರ ಮಂಟಪಾoತು° ಸುವಾಸಿನಿಯಾಂಕ ಕಳದಿ ಕುಂಕುಮ ದಿವಚೆ°, ವನಿತಾ ಸಾಧಕಿಯಾಂಕ ಸನ್ಮಾನ ಕರಚೆ° ಆನಿ ಸಾಧಕ ವಿದ್ಯಾರ್ಥಿಂಕ ಸನ್ಮಾನ ಕೆಲೊ. ಗೌರವಾಧ್ಯಕ್ಷಾ ಪ್ರಭಾ ಶೆಣೈ, ಅಧ್ಯಕ್ಷಾ ಸುಧಾ ಶೆಣೈ ಆನಿ ವ್ಹಾಂಗಡಿ ಉಪಸ್ಥಿತ ಆಶಿಲೆ.
To Support Kodial Khaber click the following button.
'ಲಗ್ನಾ ಪಿಶೆ°' ಕೊಂಕಣಿ ನಾಟಕ ಸಪ್ತಾಹ ಯಶಸ್ವಿ ಸಂಪನ್ನ
ಮುಂಬಯಿ: ಆಮ್ಮೀ ರಂಗಕರ್ಮಿ (ರಿ), ಮುಂಬೈ ಹಾಜೆ ಕಲಾವಿದ ಹಾಂನಿ° ಗುರು ಕೃಪಾ ಕಲಾ ರಂಗ, ಶ್ರೀ ಕಾಶೀ ಮಠ, ದಹಿಸರ್ ಹಾಂಗೆಲೆ ಸಹಯೋಗಾರಿ ಬಾಲಕೃಷ್ಣ ಪುರಾಣಿಕ್, ಕಾಸರಕೊಡ್ ಹಾಂಗೆಲೆ ರಚನಾ ಆನಿ ಲಿಮ್ಕಾ ಖ್ಯಾತಿಚೊ ಡಾ. ಚಂದ್ರಶೇಖರ್ ಶೆಣೈ ನಿರ್ದೇಶನಾಚೆ ಕೊಂಕಣಿ ಹಾಸ್ಯ ಪ್ರಧಾನ ಸಂಗೀತಮಯ ನಾಟಕ 'ಲಗ್ನಾ ಪಿಶೆ°' ಹಾಜೆ° 7 ಪ್ರದರ್ಶನ° ಡಿ 26 ದಾಕೂನ ಜನವರಿ 1 ತಾಂಯ ಕರಾವಳಿ ಜಿಲ್ಲೆಂತ ಕಾರ್ಕಳ, ಸಿದ್ದಾಪುರ, ಕುಂದಾಪುರ, ಶಿರಾಲಿ, ಭಟ್ಕಳ್, ಮಂಗಳೂರು ಆನಿ ಉಡುಪಿಂತು° ಪ್ರದರ್ಶನ ಕರನು ಮುಂಬಯಿಕ ಪರತೂನ ಆಯಲೆ. ಶ್ರೇಷ್ಠ ಸಂಗೀತ ಆನಿ ನೈಜ್ಯ ಹಾಸ್ಯ ಭರಿತ ಹ್ಯಾ ನಾಟಕಾಕ ಪ್ರೇಕ್ಷಕಾನಿ ಖೂಬ ಪ್ರಶಂಸಾ ದಿಲಿ. ಪಾತ್ರವಗಾಂತು° ಮುಂಬಯಿಚೆ ನಾವಾದೀಕ ಕೊಂಕಣಿ - ಕನ್ನಡ ಹಾಸ್ಯ ರಂಗನಟ, ಕನ್ನಡಿಗ ಕಲಾವಿದರ ಪರಿಷತ್ತು ಮಹಾರಾಷ್ಟ್ರ ಹಾಜೊ ಉಪಾಧ್ಯಕ್ಷ ಕಮಲಾಕ್ಷ ಸರಾಫ್, ಸಾರಸ್ವತ ಸಮಾಜಾಚೊ ರಂಗನಟ ಹರೀಶ್ ಚಂದಾವರ್, ಮ್ಹಾಲ್ಗಡೊ ರಂಗನಟ ಆನಿ ಯಕ್ಷಗಾನ ಕಲಾವಿದ ತೋನ್ಸೆ ವೆಂಕಟೇಶ್ ಶೆಣೈ, ಪ್ರಬುದ್ಧ ನಾಟಕ ಆನಿ ಯಕ್ಷಗಾನ ಕಲಾವಿದಾ ಅಕ್ಷತಾ ಕಾಮತ್, ಯುವ ಪ್ರತಿಭಾವಂತ ಕಲಾವಿದ ಪ್ರಮೋದ್ ಮಲ್ಯ ಆನಿ ಚಂದ್ರಶೇಖರ್ ಶೆಣೈ ಹಾಂನಿ° ಅಧ್ಬುತ ನಟನ ಕೆಲೆ°. ನಾಟಕಕಾ ಸಂಗೀತ ನಿರ್ದೇಶನ ಕೃಷ್ಣ ಚಂದಾವರ್ ಹಾಂನಿ° ಕೆಲೆ°. ಸುಧಾಕರ್ ಭಟ್ ಹಾಂನಿ° ಸೌಂಡ್ ಆನಿ ಉಜ್ವಾಡ ಸಾಂಬಾಳಲೊ, ರಂಗಸಜ್ಜಿಕಾ, ಆನಿ ಪಾರ್ಶ್ವ ಸಂಗೀತಾಚಿ ಜಬಾಬದಾರಿ ತಾಂನಿ° ಸಾಂಬಾಳಲಿ. ಹರ ಎಕ ಪ್ರದರ್ಶನಾಚೆ ವೇಳಾರಿ ಸಭಾಗೃಹ ಭರ ಪ್ರೇಕ್ಷಕ ಆಶಿಲೆ.
To Support Kodial Khaber click the following button.
ಭಜನಾ ತರಬೇತಿ ಆನಿ ಸಾಧಕಾಂಕ ಸನ್ಮಾನ
ಮಣಿಪಾಲ: ಹಾಂಗಾಚೆ ಈಶ್ವರ ನಗರಚಿ ಮಾಯಾ ಕಾಮತ್ ಹಾಂಗೆಲೆ ಮುಖೇಲಪಣಾರಿ ಶ್ರೀ ಮಹಾಮಾಯಾ ಭಜನಾ ಮಂಡಳಿಚೆ 17ವೊ° ವಾರ್ಷಿಕೋತ್ಸವಾಚೊ ವಾಂಟೊ ಜಾವನು ಪ್ರಗತಿ ನಗರಾಚೆ ಅಂಗನವಾಡಿoತು° ಭಜನಾ ತರಬೇತಿ ಆನಿ ಭಜನಾ ಕಾರ್ಯಕ್ರಮ ಚಲೊ. ಶ್ರುತಿ. ಜಿ ಶೆಣೈ ಹಾಂನಿ° ದೀವೊ ಲಾವನು ಉಗ್ತಾವಣ ಕೆಲೆ°. ಪ್ರಗತಿ ನಗರ ಅಂಗನವಾಡಿ ಶಾಳೆಚಿ ಶಿಕ್ಷಕಿ ಹೇಮಲತಾ ಮಾಧವ, ಭದ್ರಕಾಳಿ ಮಂದಿರಾಚೊ ಉಪಾಧ್ಯಕ್ಷ ಮಿಥುನ್ ಪೂಜಾರಿ, ಸುಜಾತಾ ಪೂಜಾರಿ ಪ್ರಗತಿನಗರ, ಸುಗಣ ಶೆಟ್ಟಿ ಅಂಬಾಗಿಲು, ಅಹಲ್ಯ ರಾವ್ ಅಂಬಾಗಿಲು, ವಿದ್ಯಾ ನಾಯಕ್ ಲಕ್ಷೀಂದ್ರ ನಗರ, ಸುಜಾತಾ ಗಣೇಶ್ ಉಡುಪಿ, ನಾಗರಾಜ್ ಆಚಾರ್ಯ ಉಪಸ್ಥಿತ ಆಶಿಲೆ. ಹ್ಯಾಚ ಕಾರ್ಯಕ್ರಮಾಂತು° ಸಾಧಕ ಜಾವನು ಆಶಿಲೆ ಪ್ರಭಾ ರಾವ್, ಕುಸುಮಾ ಕಾಮತ್ ಕರ್ವಾಲ್, ಸುಮಿತ್ರ ಪೂಜಾರಿ ಪ್ರಗತಿ ನಗರ ಹಾಂಕಾ° ಸನ್ಮಾನ ಚಲೊ. ಸವಿತಾ ಶೆಟ್ಟಿ ಈಶ್ವರ ನಗರ ಮಣಿಪಾಲ ಹಾಂನಿ° ಸೂತ್ರಸಂಚಾಲಕ ಆಶಿಲೆ. ಪ್ರಭಾವತಿನ ಪ್ರಾರ್ಥನಾ ಗಾಯಲಿ. ವಿದ್ಯಾ ಶರ್ಮಾ ಕಟಪಾಡಿ, ಸಂಜನಾ ಮೋಹನ್, ಹರಿಣಿ ನಾಯಕ್, ಗೀತಾ ಸಂಜೀವ, ಜ್ಯೋತಿ ನಾಯಕ್, ಯಶೋದಾ ಕುಂದರ್, ನಿತ್ಯಲಕ್ಷ್ಮಿ ಭಟ್, ಯುಕ್ತಾವತಿ ರಾಮಚಂದ್ರ ಹಾಂನಿ° ಸಹಕಾರ ದಿಲೊ. ಸವಿತಾ ಶೆಟ್ಟಿ ಹಾಂನಿ° ಅಂಗನವಾಡಿಚೆ ಚೆರಡುವಾಂಕ ಉಡಗಿರೆ ದಿಲೆ°. ಭಜನಾ ಪಂಗಡಾಚೆ ಭಜನ ಚಲೆ. ಶ್ರೀಮತಿ ಸವಿತಾ ಶೆಟ್ಟಿನ ಆಭಾರ ಮಾನಲೊ.
95ವೊ° ಭಜನಾ ಸಪ್ತಾಹ ಮಹೋತ್ಸವ
ಉಡುಪಿ: ಹಾಂಗಾಚೆ ಶ್ರೀಕ್ಷೇತ್ರ ಕಲ್ಯಾಣಪುರ ಶ್ರೀವೆoಕಟರಮಣ ದೇವಳಾಂತು° ವರ್ಷoಪ್ರತಿ ಚಲಚೊ ಭಜನಾ ಸಪ್ತಾಹ ಮಹೋತ್ಸವ ಡಿ. 8 ಸಕಾಳಿ ದಾಕೂನ ಡಿ. ಸಕಾಳಿ 8.00 ಗoಟೆ ತಾಂಯ ಚಲಚೊ ಆಸಾ. ಆಜಿ ಸಕಾಳಿ ಸಪ್ತಾಹ ಸಮಿತಿಚೆ ವ್ಹಾಂಗಡಿ ಆನಿ ದೇವಳಾಚೆ ಆಡಳಿತ ಮoಡಳಿಚೆ ಸಾಂದೆ, ಅರ್ಚಕ ಕೆ. ಜಯದೇವ್ ಭಟ್, ಗಣಪತಿ ಭಟ್ ಹಾಂಗೆಲೆ ಉಪಸ್ಥಿತಿರಿ ಸಾಮೂಹಿಕ ಪ್ರಾರ್ಥನಾ ಕರನು ದೇವಾಕ ಮಂಗಳಾರತಿ ದಾಕೋವನು 95ವೊ° ಭಜನಾ ಸಪ್ತಾಹ ಮಹೋತ್ಸವಾಕ ಚಾಲನ ದಿವಚೆ° ಜಾಲೆ°. ಹರಿನಾಮ ಸoಕೀರ್ತನ ಕರತ ಶ್ರೀವಿಠೋಭ ರಖುಮಾಯಿ ದೇವಾಂಕ ಪಲ್ಲಕ್ಕಿರಿ ದವರನು ಸಪ್ತಾಹಾಚೆ ಸಾಳಿರಿ ದವರನು ಮಹಾ ಮಂಗಳಾರತಿ ದಾಕಯತರಿ ಭಜನಾ ದೀಪಸ್ತಂಭಾಕ ಪ್ರಧಾನ ಅರ್ಚಕ ಜಯದೇವ್ ಭಟ್ ಹಾಂನಿ° ಆರತಿ ದಾಕಯಲಿ.
ಸಪ್ತಾಹ ಮಹೋತ್ಸವಾಚೆ ಪ್ರಯುಕ್ತ ಶ್ರೀದೇವಾಕ, ಪರಿವಾರ ದೇವಾಂಕ ಆನಿ ದೇವಳಾಚೆ ಭಿತರಿ ವಿಶೇಷ ಫುಲ್ಲಾ ಅಲಂಕಾರ ಕೆಲೆಲೊ. ಗಾಂವ ಪರಗಾಂವಚೆ ಭಜನಾ ಮಂಡಳಿಚಾನಿ ಭಜನ ಸೇವಾ ದಿಲಿ. ದೇವಳಾಚೆ ಆಡಳಿತ ಮೊಕ್ತೇಸರ ಕೆ. ಅನಂತಪದ್ಮನಾಭ ಕಿಣಿ, ಸಪ್ತಾಹ ಸಮಿತಿಚೊ ಅಧ್ಯಕ್ಷ ಕೆ. ತುಳಸಿದಾಸ್ ಕಿಣಿ, ಕೆ. ಸೀತಾರಾಮ್ ಭಟ್, ಅರವಿoದ ಬಾಳಿಗಾ ಆನಿ ಕೆ. ಲಕ್ಷ್ಮೀನಾರಾಯಣ ನಾಯಕ್, ಟಿ. ಶಿವಾನoದ ಕಿಣಿ, ಕೆ. ದತ್ರಾತ್ರೇಯ ಕಿಣಿ, ಕೆ. ಕಾಶಿನಾಥ್ ಭಟ್, ಜಿ. ಎಸ್. ಬಿ ಸಭಾಚೆ ಮುಖೇಲಿ ಕೆ. ರಾಮಕೃಷ್ಣ ಕಿಣಿ, ಯು. ವಿದ್ಯಾಧರ ಕಾಮತ್, ಕೆ. ವಿನೋದ್ ಕಾಮತ್, ಕೆ. ಲಕ್ಷ್ಮೀಶ್ ಭಟ್, ಮoಜುನಾಥ ನಾಯಕ್, ಡಾ. ವಿನಾಯಕ ಶೆಣೈ, ಕೆ. ಅನoತ ಬಾಳಿಗಾ, ಭಜನಾ ಪಾಳಿದಾರ, ಮಹಿಳಾ ವೃಂದಾಚೆ ಸಾಂದೆ ಆನಿ ಹೇರ ಉಪಸ್ಥಿತ ಆಶಿಲೆ.
To Support Kodial Khaber click the following button.
ಹೊಸಬೆಳಕು ಆಶ್ರಮಾಚೆ ಬೋರ್ ವೆಲ್ಲಾಕ ಪಂಪ್
ಬೈಲೂರು: ಹಾಂಗಾಚೆ ಕೌಡೂರಾಚೆ ಹೊಸಬೆಳಕು ಆಶ್ರಮಾಚೆ ನವೀನ ಇಮಾರತಾಚೆ ಬಾಂದಪ ದಾನಿ ಲೋಕಾಲೆ ಸಹಕಾರಾನ ಚಲತಾ ಆಸಾ. ಹಾಂಗಾ ನಿರ್ಮಾಣ ಜಾಲೆಲೆ ಬೋರ್ ವೆಲ್ಲಾಕ ಪಂಪ್ ಆನಿ ವಿದ್ಯುತ್ ಸಂಪರ್ಕ ಕರನು ಉಗ್ತಾವಣ ಕರಚೆ° ಜಾಲೆ°. ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ ಸಂಸ್ಥೆಚೊ ಗೌರವಾಧ್ಯಕ್ಷ ಉಡುಪಿಚೆ ಯು. ವಿಶ್ವನಾಥ ಶೆಣೈ ಹಾಂನಿ° ದೀವೊ ಲಾವನು ಉಗ್ತಾವಣ ಕೆಲೆ°. ಸಮಾಜ ಸೇವಕ ರವೀಂದ್ರ ನಾಯಕ್, ಹೊಸಬೆಳಕು ಸೇವಾ ಟ್ರಸ್ಟ್ ಹಾಜೊ ಸಂಸ್ಥಾಪಕ ವಿನಯಚಂದ್ರ, ತನುಲಾ ತರುಣ್, ಜಯರಾಮ್ ಪಾಟ್ಕರ್, ದೇವದಾಸ ಕಾಮತ್ ಆನಿ ಹೇರ ಉಪಸ್ಥಿತ ಆಶಿಲೆ.
To Support Kodial Khaber click the following button.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಮಸೀಂಗ
ಮಸೀಂಗಾ ಪಾಲ್ಯಾ ಮುದ್ದೊ ಕರತಾತಿ. ಮಸೀಂಗಾ ಫುಲ್ಲಾಚೀ ಭುತ್ತಿ ಕರತಾತಿ. ಗೂಳ ಆನೀ ಮಸೀಂಗ ಘಾಲೂನ ಕೆಲೆಲೊ ಕೋಳಂಬೊ ಭೌವ ರುಚಿಕರ. ಹೇ ವಯಲೆ ವಾಕ್ಯಾಂತು ಮಸೀಂಗ ಮ್ಹಣಚೊ ಜೋ ಶಬ್ದು ವಾಪರಲೊ ಆಸಾ ತಾಜೊ ಅರ್ಥ ಸರ್ವಯೀ ಜಾಣಾ. ಸರ್ವ ಸಾಮಾನ್ಯ ಸಕಡಾನಿ ತಾಚೀ ರೂಚಿ ಪಳಯಲ್ಯಾ. ಮಸೀಂಗ ರಾಂದಯೇಕ ವಾಪರಚೋ ಏಕ ವಸ್ತು. ಹಾಚಿ ವ್ಯುತ್ಪತ್ತಿ ವಿಶಿ ವಿಚಾರ ಕರಯಾಂ.
ಮಸೀಂಗ ಮ್ಹಣು ಖಂಚಾಕ ಆಮೀ ಸಾಂಗತಾತ ತೆಂ ಅಥರ್ಾಚೊ ಸಂಸ್ಕೃತ ಶಬ್ದು ಶೋಭಾಂಜನ, ಪದ್ರಾರಿನಾಶನ ಮ್ಹಣು ಜಾವನು ಆಸಾ. ಮಸೀಂಗ ಮ್ಹಣಚೇ ಶಬ್ದಾಕ ಆನೀಕ ಹೇ ಸಂಸ್ಕೃತ ಶಬ್ದಾಕ ಕಾಂಯಿ ಸಂಬಂಧ ಆಶಿಲೊ ದಿಸನಾ ಮ್ಹಣತಾನಾ ಮಸೀಂಗ ಶಬ್ದು ಖ್ಹಂಯ ದಾಕೂನ ಆಯಲೊ ಪಳೊವಯಾಂ. ಬಾರಾ ಶತಮಾನಾಚೆ ಏಕ ಶಿವಶರಣೆ ಗಿರಿಜವ್ವಾ ಮ್ಹಣಚೆ ನಾವಾಂಚೆ ಏಕ ವಚನಕಾತರ್ಿನ ತಿಗೇಲೆ ವಚನಾಂತ ಮಹಿಷ ಮ್ಹಣು ಮಸೀಂಗ ಮ್ಹಣಚೆ ಅಥರ್ಾರಿ ಪ್ರಯೋಗ ಕೆಲ್ಲಾ ಮ್ಹಣತಾನಾ ಮಸೀಂಗ ಮ್ಹಣಚೊ ಶಬ್ದಾಚೇ ಮೂಲ ಮಹಿಷ ಮ್ಹಣು ಜಾಲ್ಲೆ. ಮಸೀಂಗ ಮ್ಹಣಚೇ ಶಬ್ದಾಂತು ದೋನಿ ಶಬ್ದ ಮಸಿ + ಷಾಂಗ ಮ್ಹಣು ಆಸತಿ. ಮಸಿ ಮ್ಹಣಚೊ ಶಬ್ದು ಮಹಿಷ ಶಬ್ದಾಚೆ ಅಪಭ್ರಂಶ ರೂಪ. ಮಹಿಷಿ > ಮ ಇಸ ಮಸೀ ಮ್ಹಣು ಜಾಲ್ಲಾ. ತಾಕಾ ಸಾಂಗ ಶಬ್ದು ಮೆಳೇಲೇ ತಾವಳಿ ಮಸಿ + ಸಾಂಗ ಮಸೀಂಗ ಮ್ಹಣು ಜಾಲ್ಲಾ. ಮಸೀಂಗ ಮ್ಹಣಚಾತೋಂಚಿ ಸಾಂಗ ಶಬ್ದು ಮೇಳನು ಆಶಿಲ್ಯಾನ ಮಸೀಂಗಾ ಸಾಂಗ ಮ್ಹಳ್ಯಾರಿ ಹಾಂತು ಸಾಂಗ ಶಬ್ದಾಚಿ ದ್ವಿರುಕ್ತಿ ಪ್ರಯೋಗ ಜಾಲ್ಯಾವರಿ ಜಾತಾ. ಜಾಲ್ಲೆ ನಿಮಿತ್ತ ಮಸೀಂಗ ಮ್ಹಳ್ಯಾರ ಪುರೊ. ಮಸೀಂಗಾ ಸಾಂಗ ಮ್ಹಣಕಾ ಮ್ಹಣು ನಾ. ಗೋಯಾಂತು ಮಸಕಾ ಸಾಂಗಾ ಮ್ಹಣತಾತಿ. ಹಿಂದೀಂತು ಮುನಗಾ ಮ್ಹಣತಾತಿ.
ವಿಶೇಷ ಕಸಲೆಂ ಮ್ಹಳ್ಯಾರಿ ಸಂಸ್ಕೃತ ಭಾಶೆಂತು ಹೆ ಮಸೀಂಗಾಕ ಸ್ತ್ರೀ ಚಿತ್ತಹಾರಿ ಮ್ಹಣತಾತಿ. ಹಾಜೆನ ಹೆ ಮಸೀ ಸಾಂಗ ಬಾಯಲಾಲೇ ಮನ ಅಪಹರಣ ಕರಚೇ ಜಾವನು ಆಸಾ. ಮ್ಹಳಯಾರಿ ಬಾಯಿಲಾಂಕ ಹೆಂ ಮನೀಸಾಂಗ ಭೌ ಪ್ರಿಯ ಜಾವನು ಆಸಾ ಖ್ಹಂಯ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ಜುನಾಗಢ್
- GSB Scholarship League Application
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 22 guests and no members online