ಸ್ವಾತಂತ್ರ್ಯಾಚೆ ಅಮೃತ
ಭಾರತ ದೇಶ ಬ್ರಿಟಿಷ ದಾಸ್ಯಾ ದಾಕೂನ ಭಾಯರ ಯೆವನು ಪ್ರಜಾತಂತ್ರಾತ್ಮಕ ಸ್ವತಂತ್ರ ಜಾವನು ಆಮಗೆಲೆ ರಾಜ್ಯ ಯೆವನು 75 ಜಾವನು ಆಸಚೆ ಹ್ಯಾ ವೇಳೆಂತು ಬ್ರಿಟಿಷ ದಾಸ್ಯ (ಜ್ಞಾನ) ಲಾಗೂನ ಆಮೀ ಕಿತಲೆ ಸ್ವತಂತ್ರ ಜಾಲಾ ಮ್ಹಣಚೆ ಪ್ರಮುಖ ಘಜಾಲಿ ಜಾವನು ಆಸಾ. 1857ತು ಘಡಲೆಲ ವಿಚಾರು ಬ್ರಿಟಿಷ ನದರೇಂತು ‘ಸಿಪಾಯಿ ದಂಗೆ’ ಮ್ಹಣಚೆ ನಾಂವಾರಿ ಉಲ್ಲೇಖ ಜಾವನು ಆಸತನಾ ಆಮೀ ತೇ ಪ್ರಥಮ ಸ್ವಾತಂತ್ರ ಸಂಗ್ರಾಮ ಮ್ಹಣೂನ ಆಪೋವನು ಆಮಗೆಲ ಲೋಕಾಲೆ ಯೋಗದಾನಾಚೆ ಸ್ಮರಣ ಆಮೀ ಕರತಾಂಚಿ. ಬ್ರಿಟಿಷಾನಿ ಜೆನ್ನಾ ದೇಶ ಭೇತೂಂಕ ವಾಟ ಪಳಯಲಕೀ ತಾನ್ನಿ ಸೀದಾ ಸೀದಾ ಹಾತಾಂತು ಘೆತಿಲೆ ಭಾರತಾಚೆ ಸಂಸ್ಕೃತಿ ಆನೀ ಹಾಂಗಾ ಆಶಿಲೆ ಜ್ಞಾನ ವ್ಯವಸ್ಥಾ. ಆಜೂನ ಆಮೀ ಭಾರತಾಚ ಇತಿಹಾಸಾಚೆ ಮನನ ಕರತಾನ ಥೊಡೆಶಿ ಘಡಲೆಲ ವಿಚಾರಾಚೇರ ಅವಲೋಕನ ಕರತಾನ ಗೆಜೆಟಿಯರಾಂತು ಉಲ್ಲೇಖ ಜಾಲೇಲ ಆಧಾರಾರೀ ಆಮೀ ಆಮಗೆಲ ಇತಿಹಾಸ ನಿರ್ಮಾಣ ಕೆಲಾ ಆನೀ ದೇಶಭರ ವಿಶ್ವವಿದ್ಯಾನಿಲಯಾಂತು ಪಠ್ಯಕ್ರಮ ಜಾವನು ಭಾರತ ಮ್ಹಳ್ಯಾರಿ ಫಕತ ಅನಾಗರಿಕ ಲೋಕಾಂಗೆಲೆ ದೇಶ ಮ್ಹಳೇಲ ಆಲೋಚನ ಯೆವಚೆ ತಸಲೆ ಪಠ್ಯ ಆಜೂನ ಆಮಚೆ ಮಧೇ ಚಾಲ್ತಿ ಆಸೂನ, 1857 ತು ಬ್ರಿಟಿಷ ಸೈನ್ಯಾಂತು ಆಶಿಲೆ ಭಾರತೀಯ ಲೋಕಾನಿ ಸರಕಾರಾಚೆ ವಿರುದ್ದ ಆವಾಜ ಉಟೋವನು ಬ್ರಿಟಿಷ ಅಧಿಪತ್ಯ ಆಸಚೆ ತಾಂಗೇಲ ಠಾಣಾ ಆನೀ  ವ್ಯಕ್ತಿಂಕ ಜೀವಶಿ ಮಾರನು ತಾಂಗೇಲ ಪರಾಕ್ರಮಾನಿ ಬ್ರಿಟಿಷ ಲೋಕಾಂಕ ಭಂಯ ಉಟೋವಚೆ ತಸಲೆ ಕಾರ್ಯ ಕೆಲೆಲ ಆಸಾ ಆನೀ ತಸಲೆ ಘಟನಾ ಸಾಬಾರ ಲೋಕಾಂಕ ತೇ ರಾಜ್ಯಾಚೆ ವಿರುದ್ದ ಆವಾಜ ಉಟಾವಚಾಕ ಪ್ರೇರಣ ದಿತಾ ಮ್ಹಣತಾನ ತಾಂಗೇಲ ಮನೋಸ್ಫರ್ಯ ಕಮೀ ಕರಚಾಕ ತ್ಯಾ ಸಿಪಾಯಿ ಲೋಕಾಂಕ ಚೋರ ಆನೀ ಲೂಟಿಕರತಲೆ, ದೇಶ ದ್ರೋಹಾಚೆ ಆರೋಪಾರ ಶಿಕ್ಷಾ ದಿವೂನ ಪಾಶೀ ಆನೀ ಜೀವಶಿ ಮಾರಲೆಲ ಥಾಂಯ ಚಲ್ಲಾ ಆನೀ ಉಲ್ಲೇಖ ಕರತಾನ ‘ಸಿಪಾಯಿ ಭಂಡ’ ಮ್ಹಣೂನ ಸಾಂಗೂನ ದಾಖಲ ಕೆಲೆಲ ಆಸೂನ ಆಜೂನ ಆಮೀ ತಸೇ ಸಾಂಗೂನ ಆಯಲ್ಯಾಂಚಿ ಪುಣ ಸ್ವತಂತ್ರಾಚೆ ಸಂಗ್ರಾಮ ಮ್ಹಣೂನ ಆಮಗೆಲೆ ಲೋಕಾನ ತಾಕಾ ನಾಂವ ದಿಲೇಲ ಆಸಾ. ಹ್ಯಾ ಘಟನಾಚೆ ಉಲ್ಲೇಖ ಕರತಾನ ತಾಜ್ಯಾಕಯ 20 ವರಸ ಪುಡೆ ಆಮಗೆಲೆ ಕೊಡಿಯಾಲಾಂತು 1837ತು ಘಡಲೆಲ ‘ಅಮರ ಸುಳ್ಯ ಸಂಗ್ರಾಮ’ ಅಸಲೆಚ ಪಂಕ್ತೀoತು ಪ್ರಮುಖ ಜಾತಾ. ಕೊಡಿಯಾಲಾಂತು ಬಾವುಟ ಗುಡ್ಡೋ ಕಳಿತ ನಾತಿಲೆ ಕೊಣಾಯ ಆಸತಲೊ ನಾ. ಅಸಲೆ ನಾಂವ ಯೆವಚಾಕ ಕಾರಣ ತೆದನಾಚೆ ಸೌತ್ ಕೆನರಾಂತು ಆಮಗೆಲೆ ಲೋಕಾನ ಬ್ರಿಟಿಷ ಲೋಕಾಂಗೆಲ ವಿರುದ್ದ ಸಂಘರ್ಷ ಕರೂನ ಬಲಿದಾನ ದಿಲೇಲ ವಿಚಾರ ಪ್ರಮುಖ ಜಾತಾ. ಬ್ರಿಟಿಷ ಲೋಕಾನ ಘಾಲೆಲ ಆಯಕರಾಚೆ ವಿರುದ್ದ ಕಲ್ಯಾಣಪ್ಪ (ಪುಟ್ಟ ಬಸಪ್ಪ) ಹಾಂಗೇಲ ಮುತಾಲಿಕೆರ ಸಾಬಾರ ಲೋಕಾನಿ ಸುಳ್ಯಾ ದಾಕೂನ ಪ್ರಾರಂಭ ಕರೂನ ಬೆಳ್ಳಾರೆಂತು ಬ್ರಿಟಿಷ ಖಜಾನಾ ಲೂಟಿ ಕರೂನ ಏಪ್ರಿಲ್ 05, 1837ತು ಲೈಟ್ ಹೌಸ್ ಹಿಲಾಕ ಯೆವನು ಕೊಡಗಾಚೆ ಹಾಲೇರಿ ಸಂಸ್ಥಾನಾಚೆ ಬಾವುಟೊ ಉಬಯಲೋ ಜಾಗೋ, ಬ್ರಿಟಿಷಾಂಗೆಲೆ ಬಾವಟೋ ಕಾಡೂನ ಹಾಲೇರಿ ಸಂಸ್ಥಾನಾಚೆ ಬಾವಟೋ ಉಬಯಲೇ ಕಾರಣಾನಿ ತಾಕಾ ಬಾವುಟ ಗುಡ್ಡೆ ಮ್ಹಳೇಲ ನಾಂವ ಪಡಲೆ. ಅಮರ ಸುಳ್ಯ ಸಂಗ್ರಾಮ ಆಮಕಾ ಪ್ರಮುಖ ಜಾವಕಾ ಪುಣ ಆಮಕಾ ಬ್ರಿಟಿಷ ಗೆಜೆಟಿಯರ್ ಆಧಾರಿತ ಇತಿಹಾಸ ಪಳಯತನಾ ಹ್ಯಾ ಎಕ ಲೂಟಿಕೋರ ಲೋಕ ಆನೀ ಕೊಡಗಾಚೆ ಪಾಳೆಗಾರ ಲೋಕಾನಿ ಕೆಲೆಲ ಲೂಟಿ ಮ್ಹಳೇಲ ಉಲ್ಲೇಖ ದಿವೂನ ಹಾಂತೂ ವಾಂಟೋ ಘೆತಿಲ್ಯಾಂಕ ಕೊಡಗಾಚೆ ಕೋಟೆಂತು ಉಗತೆ ಸಕ್ಕಡ ಲೋಕಾಂಗೆಲೆ ಮುಖಾರ ಪಾಶೀ ಮರಣ ದಂಡನೇಚೆ ಸಜಾ ದೀವೂನ ಲೋಕಾಂಗೆಲೆ ಮನೋಸ್ಫರ್ಯ ಸಕಲ ಘಾಲಚೆ ಆನೀ ತ್ಯಾ ಉಪರಾಂತ ಕೊಣಾಯ ತೇ ನದರೇನ ಬ್ರಿಟಿಷ ಸಾಮಾಜ್ಯಾಚೆ ವಿರುದ್ದ ಆವಾಜ ಉಟಾವಚಾಕ ನಜ ತಸಲೆ ಕಾರ್ಯ ಕೆಲೆಲ ಬ್ರಿಟಿಷ ಲೋಕಾನ ಕರೂನ ಅಸಲೆ ಇತಿಹಾಸ ಸ್ವತಂತ್ರ ಭಾರತಾಂತೂಯ ರೈತಲೋಕಾಂಗೆಲೆ  ಪ್ರತಿಭಟನ ಆನೀ ಸಮುದಾಯ ಕೇಂದ್ರಿತ ಕರೂನ ಭಾರತಾಚೆ ಇತಿಹಾಸಾ ದಾಕೂನ ದೂರ ದವರಲೆಲೆ ಆಸಾ. ಆಮಗೆಲೆ ಗಾಂವಚೆ ರಾಣಿ ಅಬ್ಬಕ್ಕ ತಿಕಾ ಆನೀ ತಿಗೇಲ ಸೈನ್ಯಾ ಮುಖಾರ ಪರಾಜಿತ ಜಾಲೇಲ ಬ್ರಿಟಿಷ ಲೋಕ ಅಸಲೆ ಇತಿಹಾಸ ಆಮಗೆಲೆ ದೇಶಾಚೆ ವಿಶ್ವವಿದ್ಯಾನಿಲಯಾಂತು ಶೈಕ್ಷಣಿಕ ಜಾವನು ಅಧ್ಯಯನಾಕ ಪಾವಿಲೆ ನಾ ಆಜ ಬ್ರಿಟಿಷ ನಾಂತಿ ಫಕತ ಆಮೀ ಆಸೂಚೆ ಆನೀ ಭರಮೇಂತು ಆಮೀ ಅಸಲೆ ಘಟನಾ ಪುನರಾವಲೋಕನ ಕರೂನ ಬಲಿದಾನ ದಿಲೇಲ ಆಮೆಗೆಲ ಲೋಕಾಂಕ ಸೂಕ್ತ ಸ್ಥಾನ ಇತಿಹಾಸಾಮತು ಮೆಳಚೆ ತಶಿ ಕರಕಾ ತ್ಯಾ ದಾಕೂನ ಸ್ವಾತಂತ್ರಾಚೆ ಹ್ಯಾ ವರಸಾಂತು ಆಮಗೆಲೆ ಇತಿಹಾಸ ಘಾಂಟೋನ ಅಮೃತ ಕಾಡಚೆ ಕಾಮ ಜಾವಕಾ. 

ಆರತಾ ಕೊಡಿಯಾಲಾಂತು ಪಿವಿಎಸ್ ಲಾಗಿ ಆಸಚೆ ಕೆಆರ್ ರಾವ್ ಜವೋ ಕರಂಗಲ್ಪಾಡಿ ವಚೆ ವಾಟ ರೂಂದ ಜಾವಚೆ ಕಾಮ ಚಾಲೂ ಆಸಾ, ಆನೀ ಹಾಜೆ ಪುಡೆ ಥಂಯ ಆಶಿಲೆ ಹಾಸ್ಟೆಲಾಚೆ ಕಂಪೌοಡ ಮಾರನು ರಸ್ತೊ ರೂಂದ ಕರಚ್ಯಾಂತು ಆನೀ ಥಂಯ ಆಸಚೆ ಕರೆಂಟಾ ಕಂಬೇοತು ಕಾಮ ಚಾಲೂ ಆಸಾ, ಹ್ಯಾ ಸಕ್ಕಡ ಸ್ಮಾರ್ಟ ಸಿಟಿಚೆ ಪ್ಲಾನಾಂತು ಚಲತಾ ಆಸಾ. ಆಶೆ ತೇ ಕಂಪೌοಡ ಕಾಡಲೆಲ ನಿಮಿತ ತ್ಯಾ ದಿಕಾನ ವತನಾ ಎಕ ಮನಶ್ಯಾಲೆ ಪ್ರತಿಮಾ ಲೋಕಾಂಕ ದಿಸಚ್ಯಾಕ ಮೆಳತಾ. ಆನೀ ತೇ ಕುದ್ಮುಲ ರಂಗರಾವ ಹಾಂಗೇಲ ನಾವಾರ ಆಸಚೆ ಚಲಿಯಾಲೆ ಹಾಸ್ಟೆಲ್. ಕೊಡಿಯಾಲಾಚೆ ಲೋಕಾನ ಅಭಿವೃದ್ದಿಚೆ ವಿಸರಲೆಲೆ ಸಾಬಾರ ನಾಂವಾ ಪಯಕೀ ಕುದ್ಮುಲ ರಂಗರಾವ ಹ್ಯಾ ನಾಂವಯ ಎಕ. ಕಾರ್ನಾಡ ಸದಾಶಿವ ರಾವ್, ಉಳ್ಳಾಲ ಶ್ರೀನಿವಾಸ ಮಲ್ಯಾ, ಕಮಲಾದೇವಿ ಚಟ್ಟೋಪಾಧ್ಯಾಯ ಅಸಲೆ ಹೋಡ ಹೋಡ ‘ಕೊಂಕಣಿ’ ಲೋಕಾಂಗೆಲೆ ನಾಂವ ಆಜ ಪ್ರತಿಮಾ ಜಾವನು ಜವೋ ರಸ್ತೆಕ ನಾಂವ ಜಾವನು ಕೆಎಸ್‌ರಾವ ರೋಡ್, ಕೆಆರ್‌ರಾವ್ ರೋಡ್, ಯು.ಎಸ್‌ಮಲ್ಯಾ ರೋಡ್ ಜಾವನು ರಾಬಲಾ,

ಗಾοವಾοತು ‘ನಿಸರ್ಗ’ ಚಂಡಮಾರಯತಾಚೊ ಪಾವಸು ಘಡದ ಜಾವನು ಯೆತಾ ಆಸತನಾ, ಹೂನ ಕಾಫಿ ಆನೀ ಪಿಯಾವಾ ಬಜೋ ಖಾವನು ಆರಾಮ ಜಾವನು ಆಸಚೆ ಪರಿಸ್ಥಿತಿ ಹ್ಯಾ ಪಾವಸಾಡೀಂತು ಕೋಣಾಕಯ ನಾ ಮ್ಹಣೇತ, ಜವೋ ಚಡಾವತ ಲೋಕಾಂಕ ಮ್ಹಣೇತ, ಹಾಕಾ ಕಾರಣ ದೇಶಾಚೆ ಆರ್ಥಿಕ ವಿಷಮ ಪರಿಸ್ಥಿತಿ. ಲಾಕ್ ಡೌನ್, ಸೀಲ ಡೌನ್, ಬಂದ ಥೋಡೆ ಸೋಡಚೆ, ಥೊಡೆ ಧಾಂಪಚೆ, ವೈರಸ್ ವಾಂಟುಚೆ, ಟೆಸ್ಟ, ತೊಂಡಾಕ ಆಂಕಟಿ, ಹಾತಾಕ ಸ್ಯಾನಿಟೈಸರ್ ಆನೀ ಮಾತ್ಯಾಕ ಪಿಸ್ತೂಲ ( ದೇಹಾಚೆ ಉಷ್ಣಾಂಶ ಮೆಜೂಚೆ ಸಾಧನ) ಅಶೆ ಆಸತನಾ ಸಕ್ಕಡ ಲೋಕ ಹೋಂ ಅರೆಸ್ಟ ಜಾವನು ಘೆಲಾಂಚಿ. ಶಾಳಾ ಕಾಲೇಜ ಶುರು ಜಾತಾ ಜಾಯನಾ, ಆನಲೈನ ಶಿಕೋವಕಾ, ಅಂತಿಮ ವರಸಾಂತಲ್ಯಾಕ ಮಾತ್ರ ಪರೀಕ್ಷಾ ವರಲೇಲೇಂಕ ಸೀದಾ ಪಾಸ್ ಕರಕಾ, ಆನಲೈನ ಶಿಕಯಲ್ಯಾರ ಪಾವನಾ, ನೆಟವರ್ಕ ನಾ, ನೆಟವರ್ಕ ಆಸಲ್ಯಾರ ತಸಲೆ ಮೊಬೈಲ ನಾ, ಮೊಬೈಲ ಆಸಲ್ಯಾರ ತಾಕಾ ಚಾರ್ಜಾಕ ಗಾಂವಾοತು ಕರೆಂಟ ನಾ ಆನೀಕಯ ಅಸಲೇಚ ವಿನಾಕಾರಣ ಕಾರಣ ಮೆಳತಾ ವತಾ.

ರಾಜ್ಯಾAತು ‘ಮೆಡಿಕಲ್ ಎಮರ್ಜೆನ್ಸಿ’ ಘೋಷಣ ಜಾವೂನ ರಾಜ್ಯಾಂತು ಘೋಷಿತ ಬಂದ್ ಜಾಲಾ. ದೇಶ ವಿದೇಶಾಂತು ತಾಂತೂಯ ಪ್ರಮುಖ ಜಾವೂನ ಚೀನಾ ರಾಜ್ಯಾಂತು ಪ್ರಾರಂಭ ಜಾಲೇಲ ಮಾರಣಾಂತಿಕ ಜಾಲೇಲ ಎಕ ರೋಗ ಆಜ ಸಕ್ಕಡ ಕಡೇನ ವ್ಯಾಪ್ತಿ ವಾಡೋವನು ಸುಮಾರ ಜನ ಮರಣ ಪಾವಿಲೆ ಖಬರೀ ಪ್ರಮುಖ ಜಾಲಾ. ಮನಷ್ಯಾಲೆ ಖಾಣ ಜೆವಣಾಚೆ ಪದ್ದತಿ ಆನೀ ಜೀವನ ಕ್ರಮಾಕ ಹೊಂದೂನ ಜಾಲೇಲ ಬದಲಾವ ಆನೀ ತಂತ್ರಜ್ಞಾನ ಕೇಂದ್ರಿತ ಜೀವನಾಕ ಎಕ ಬ್ರೇಕ್ ಘಾಲೆವರೀ ಜಾಲಾ. ಅಸಲೆ ಎಕ ಸಾಂಕ್ರಾಮಿಕ ರೋಗ ನವೆ ಮ್ಹಣೂನ ದೇಶಾಂತು ಸ್ವಾತಂತ್ರö್ಯ ಪೂರ್ವಾ ದಾಕೂನ ಅಸಲೆ ರೋಗ ಭಾದಿತ ಜಾಲೇಲ ಆಸಾ. ಜಾಲ್ಯಾರ ತ್ಯಾ ವೇಳಾರ ಅಸಲೆ ವೈದ್ಯಕೀಯ ಪರಿಸ್ಥಿತಿಕ ಆನೀ ಆಜೀಕ ಸಾಬಾರ ಫರಕ ಆಸಾ. ಆಜ ಆಮೀ ಸಧೃಡ ಮ್ಹಳೇಲ ಅಹಂಭಾವ ಮಿತಿ ಮಿರವೂನ ವಚೆ ವೇಳಾರ ಪ್ರಾಕೃತಿಕ ಸಂತುಲಾನ ಹ್ಯಾ ರೋಗ ಪರತ ಮನುಷ್ಯಾಲೆ ಅಸ್ತಿತ್ವ ಹ್ಯಾ ಪ್ರಪಂಚಾAತು ಕಸಲೆ ಮ್ಹಳೇಲ ದಾಕೋವನ ದಿವಚಾಕ ಆಯಲಾ ಮ್ಹಣಯೇತ.

ಕೊರೋನಾ ಮ್ಹಣಚೆ ರೋಗ ಸಾಂಕ್ರಾಮಿಕ ಜಾವೂನ ಆಸೂನ ತೇ ಮನಷ್ಯಾ ದಾಕೂನ ಮನಷ್ಯಾಕ ಯೆತಾ ತ್ಯಾ ದಾಕೂನ ಜನನಾ ಭರಚೆ ಜಾಗ್ಯಾಂತು ಸರಕಾರಾನ ನಿರ್ಭಂದ ಘಾಲೇಲ ಆಸಾ, ಆನೀ ಸಾಮಾನ್ಯ ಜಾವೂನ ಬಂದ್ ಗಲಾಟೊ ಸೆಕ್ಷನ್ ಆನೀ ಕರ್ಫೂ ಮ್ಹಣೂನ ಘರಾಂತು ಬಶೀಲೆ ಲೋಕಾಂಕ ಪರತ ಹ್ಯಾಚ ಪರಿಸ್ಥಿತಿರ ಆಸಾ. ಆತಾ ಸದ್ಯಾಕ ಸಾತ ದಿಸಾಕ ಆನೀ ಶಾಳಾ ಕಾಲೇಜಾಕ ಪಂದ್ರಾ ದಿಸಾಕ ಬಂದ್ ಘೊಷಣ ದಿಲೇಲ ಆಸಾ ಹಾಜೆ ನಿಮಿತ ಜನಸಾಮಾನ್ಯಾಲೆ ಜೀವನಾ ವಯರಿ ಪ್ರಭಾವ ಪಡಚೆ ಆಸಾ. ದೇಶಾಂತು ಹ್ಯಾ ಸಾಂಕ್ರಾಮಿಕ ರೋಗಾಕ ಲಾಗೂನ ಕಾನೂನ ಜಾರಿ ಆಸೂನ ಲೋಕಾಂಕ ಸಂಚಾರ ಕರಚೆ ವಿಚಾರಾಕ ಲಾಗೂನ ನಿರ್ಭಂದ ಕೆಲೆಲ ಆಸಾ. ಭಾಯಲೆ ದೇಶಾ ದಾಕೂನ ಭಾರತಾಕ ಯೆವಚಾಕ ನಿರ್ಭಂದ ಆಸೂನ ಆಯಿಲೆ ಲೋಕಾಂಕ ಆರೋಗ್ಯ ತಪಾಸಣ ಕರೂನ ಸೂಕ್ತ ನಿಗಾ ದವರಚೆ ವ್ಯವಸ್ಥೇ ಕೆಲೆಲ ಆಸಾ. ಪ್ರವಾಸಿ ಕೇಂದ್ರಾAತು ಲೋಕಾನ ಸಂದರ್ಶನ ದಿನಾಶಿ ಸಂಚಾರ ಕರಚೆ ಉಣೆ ಕರಕಾ ಮ್ಹಳೇಲ ಆಸಾ. ಆಜ ಜನಾನ ಮೆಳೆಚೆ ತಸಲೆ ಧಾರ್ಮಿಕ ಕೇಂದ್ರಾAತು ಸಮೇತ ಲೋಕಾನ ಭೇಟದಿವಚೆ ಪುಡೆ ಆಲೋಚನ ಕರಚೆ ಪಡಚೆ. ರಾಜ್ಯಾಂತು ಸಂಪೂರ್ಣ ಜಾವೂನ ವ್ಯಾರು ವಹಿವಾಟು ಸಂಪೂರ್ಣ ಬಂದ್ ಜಾವೂನ ರಾಜ್ಯಾಕ ತಶೇ ದೇಶಾಕ ಸಾಬಾರ ನಷ್ಟ ಜಾವಚೆ ಆಸಾ.

ರಾಜ್ಯಾಂತು ವಾರಡೀಕ, ಧಾರ್ಮಿಕ ತಶೇ ಜನ ಭರಚೆ ಕಾರ್ಯಕ್ರಮಾಕ ಸಂಪೂರ್ಣ ನಿಷೇಧ ಘಾಲೇಲ ಆಸಾ, ತ್ಯಾ ದಾಕೂನ ಶಾಳೇಂತು ಪರೀಕ್ಷಾ ವೇಳ ಆಸೂನ ಪರೀಕ್ಷಾ ಬರಯನಾಶೀ ವಿದ್ಯಾರ್ಥಿಂಕ ಸೀದಾ ಪಾಸ್ ಅಶೆ ನಿರ್ಣಯ ಘೆತಿಲೆ ಆಸಾ, ತಶೆ ಕಾಲೇಜಾಂತು ಹ್ಯಾ ವೇಳಾರ ಚಲಚಾಕ ಆಸಚೆ ಕಾಲೇಜಾಚೆ ವಾರ್ಷಿಕೋತ್ಸವ, ಕ್ರೀಡಾಕೂಟ ಕರಚೆ ತಶೆ ನಾ ಜಾವೂನ ಶಾಳಾ ಆನೀ ಕಾಲೇಜಾಂತು ಶಿಕಚೆ ವಿದ್ಯಾರ್ಥೀಂಕ ಹ್ಯಾ ಕೊರೊನಾ ಬಂದ್ ಸಂತೋಸ ದಿಲಾ ಮ್ಹಣಯೇತ, ತ್ಯಾ ದಾಕೂನ ಕೋರೋನಾ ಸಂಬAದೀ ಸಾಮಾಜಿಕ ಜಾಲಾತಾಣಾಂತು ತಾಚೆ ಟ್ರೋಲ ತಾಂಯ ಪ್ರಾರಂಭ ಜಾಲಾ. ಕೊರೋನಾ (ಕೋವಿಡ್) ಮ್ಹಣಚೆ ಹ್ಯಾ ವೈರಸ್ ಆಘಾತಕಾರಿ ಜಾವನು ಆಸೂನ ಚೈನಾ ದೇಶಾಂತು ಅಸಚೆ ಖಾಣ ಜೆವಣಾಚೆ ಪದ್ದತಿ ಆನೀ ಜೀವನಕ್ರಮಾಕ ಹೊಂದುನ ಅಸಲೆ ಮಹಾಮಾರಿ ವೈರಸ್ ಉತ್ಪನ್ನ ಜಾಲಾ ಮ್ಹಣೂನ ಸಕ್ಕಡಾನಿ ಚೈನಾಕ ಬೋಟ ದಾಕಯಿತನಾ ಆರತಾ ಚೈನಾ ತೇ ಆಮಗೆಲೆ ನ್ಹಂಯ ಅಮೇರಿಕಾಂತು ಕೋರೊನಾ ವೈರಸ್ ಆಸೂನ ಅಮೇರಿಕಾನ ತೆ ವೈರಸ್ ಚೈನಾಕ ಹಾಡಲೆಲೆ ಮ್ಹಣೂನ ಆತಾ ಸಾಂಗಚಾಕ ಪ್ರಾರಂಭ ಜಾಲಾ. ಜಾಗತಿಕ ವಲಯಾಂತು ಅಮೇರಿಕಾ ಅಭಿವೃದ್ದಿ ಜಾಲೇಲ ರಾಷ್ಟç ಜಾವೂನ ಆಸೂನ ತಾಕಾ ಸಮಾನ ಜಾವೂನ ವಾಡತಾ ಆಸಚೆ ಆನೇಕ ದೇಶ ತೇ ಚೈನಾ ಅಶೆ ಅಸೂನ ಅಮೇರಿಕಾ ರಾಷ್ಟಾçಂತು ಕೊರೂನಾ ಹಾಜೆ ಪುಡೆ ಆಸೂನ ಚೈನಾ ದೇಶಾಚೆ ವಾಡಾವಳಿಕ ಮಾರ ದಿವಕಾ ಮ್ಹಳೇಲ ಖಾತಿರ ಅಮೇರಿಕಾನ ಅಶೆ ಕೆಲಾ ಮ್ಹಣ ಚೈನಾ ಆಜ ಸಾಂಗೂಕ ಲಾಗಲಾ. ಚೈನಾಂತು ಬರೋಬರ ಆಜ ಎಕ ಲಾಖ ಲೋಕಾಂಕ ಹ್ಯಾ ವೈರಸ್ ಆಸೂನ ಪ್ರಭಾವ ಜಾವೂನ ಆಜ ದೇಶಾಂತು ಶಂಬರ ಲೋಕಾಂಕ ಹ್ಯಾ ವೈರಸ್ ಆಸಾ ಮ್ಹಳೇಲ ವಿಚಾರಾಕ ಲಾಗೂನ ದೇಶಾಂತು ಆನೀ ರಾಜ್ಯಾಂತು ಜಾಗ್ರತಾ ಕ್ರಮ ಜಾವೂನ ಎಕ ವಾರಾಚೆ ಘೋಷಿತ ಬಂದ್ ದಿಲೇಲ ಆಸಾ. ಅಸಲೆ ಮಹಾಮಾರಿ ಪಳಯತನಾ ಅಭಿವೃದ್ದಿ ಧಾಂವಡೀAತು ಪ್ರಕೃತಿಕ ವಿಸೋರಚೆ ಆನೀ ನಿರ್ಲಕ್ಷ ಕರಚೆ ಸಮ ನ್ಹಂಯ ಮ್ಹಳೇಲ ಆಮೀ ಶಿಕೂಕಾ ಪಡತಾ.