ಗಾοವಾοತು ‘ನಿಸರ್ಗ’ ಚಂಡಮಾರಯತಾಚೊ ಪಾವಸು ಘಡದ ಜಾವನು ಯೆತಾ ಆಸತನಾ, ಹೂನ ಕಾಫಿ ಆನೀ ಪಿಯಾವಾ ಬಜೋ ಖಾವನು ಆರಾಮ ಜಾವನು ಆಸಚೆ ಪರಿಸ್ಥಿತಿ ಹ್ಯಾ ಪಾವಸಾಡೀಂತು ಕೋಣಾಕಯ ನಾ ಮ್ಹಣೇತ, ಜವೋ ಚಡಾವತ ಲೋಕಾಂಕ ಮ್ಹಣೇತ, ಹಾಕಾ ಕಾರಣ ದೇಶಾಚೆ ಆರ್ಥಿಕ ವಿಷಮ ಪರಿಸ್ಥಿತಿ. ಲಾಕ್ ಡೌನ್, ಸೀಲ ಡೌನ್, ಬಂದ ಥೋಡೆ ಸೋಡಚೆ, ಥೊಡೆ ಧಾಂಪಚೆ, ವೈರಸ್ ವಾಂಟುಚೆ, ಟೆಸ್ಟ, ತೊಂಡಾಕ ಆಂಕಟಿ, ಹಾತಾಕ ಸ್ಯಾನಿಟೈಸರ್ ಆನೀ ಮಾತ್ಯಾಕ ಪಿಸ್ತೂಲ ( ದೇಹಾಚೆ ಉಷ್ಣಾಂಶ ಮೆಜೂಚೆ ಸಾಧನ) ಅಶೆ ಆಸತನಾ ಸಕ್ಕಡ ಲೋಕ ಹೋಂ ಅರೆಸ್ಟ ಜಾವನು ಘೆಲಾಂಚಿ. ಶಾಳಾ ಕಾಲೇಜ ಶುರು ಜಾತಾ ಜಾಯನಾ, ಆನಲೈನ ಶಿಕೋವಕಾ, ಅಂತಿಮ ವರಸಾಂತಲ್ಯಾಕ ಮಾತ್ರ ಪರೀಕ್ಷಾ ವರಲೇಲೇಂಕ ಸೀದಾ ಪಾಸ್ ಕರಕಾ, ಆನಲೈನ ಶಿಕಯಲ್ಯಾರ ಪಾವನಾ, ನೆಟವರ್ಕ ನಾ, ನೆಟವರ್ಕ ಆಸಲ್ಯಾರ ತಸಲೆ ಮೊಬೈಲ ನಾ, ಮೊಬೈಲ ಆಸಲ್ಯಾರ ತಾಕಾ ಚಾರ್ಜಾಕ ಗಾಂವಾοತು ಕರೆಂಟ ನಾ ಆನೀಕಯ ಅಸಲೇಚ ವಿನಾಕಾರಣ ಕಾರಣ ಮೆಳತಾ ವತಾ.

ಶಾಂತು ಸರಕಾರಿ ಕಾಮೇಲ್ಯಾಂಕ ಬಾದಾ ನಾ, ಎಕ ದೀಸಾಚಕೀ ಪಾಂಚ ದೀಸ ಜವೋ ಎಕ ಹಪ್ತೋ ಅಶೆ ಪಗಾರ ಕಟ್ ಕೊರನು ಸರಕಾರಾಚೀ ದಾನ ದಿಲೆಲ ಆಸಾ ಆನೀ ಸರಕಾರಾನಯ ಸೀದಾ ಕಟ್ ಕರೂನ ಘೆತಿಲೇಯ ಆಸಾ. ಹಾಜೆ ನಂತರ ಯೆವಚೆ ಪ್ರೆöÊವೆಟ್ ಜವೋ ಸರಕಾರಿ ಸ್ವಾಮ್ಯ ನಾತಿಲೆ ತಶೆ ಖಾಸಗಿ ವ್ಯಕ್ತಿಂಗೆಲೆ ವ್ಯಾರು ಆನೀ ವಹಿವಾಟು. ಹಾತಾಂತು ಹೋಡ ಮಾರ ಪಡಲೇಲ ಟೂರಿಸಂ ಜವೋ ಪ್ರಯಾಣಾಚೆ ವ್ಯವಸ್ಥಾ ಆಶಿಲೆ ವ್ಯಾರು ಸದ್ಯಾಚೆ ಪರಿಸ್ಥಿತಿ ಅವಲೋಕನ ಕೆಲ್ಯಾರ ಲೋಕ ಆನೀ ದುಸರೆ ಗಾಂವಾಕ ಭೋಂವಚೆ ಭೋಂವಡಿ ರಾಬಲಾ, ಹಾಕಾ ಕಾರಣ ಅನೇಕ ಆಸಚ್ಯಾಕ ಪುರೋ ಹಾತಾಂತು ದುಡು ನಾ ಜವೋ ಗಾಂವಾοತು ಆಸಚೆ ನಿರ್ಭಂದ ತಶೆ ಕೊರೊನಾಚೆ ಭಂಯ ತಶೆ ಸದ್ಯ ಯಾತ್ರಾ ಭೊಂವಡಿ ಆನೀ ಘರಾಚೆ ಎಕ ಕೂಡಾ ದಾಕೂನ ಆನೇಕ ಕೂಡಾಕ ತಸಲೆ ಪರಿಸ್ಥಿತಿ, ವಿದೇಶ ಪ್ರಯಾಣ ಕೋಣಾಯ ಸಪನ ತಾಂಯ ಪಳೇತಲೆ ನಾಂಚಿ.

ಥಂಯ ದಾಕೂನ ಹಾಂಗಾ ಯೆವನು ಪಾವಚೆ ಮ್ಹಳ್ಯಾರ ಎಕ ಹೋಡ ವಿಶಯು ಆಜೀಕ.. ಆಮಗೆಲೆ ಲೋಕ ತಾನಿ ಯೆವಕಾ ಆನೀ ತಾನಿ ಕೊರೋನಾ ಘೆವನು ಯೆತಾಂಚಿ ತಾನಿ ನಾಕಾ ಅಸಲೆ ದ್ವಂದ್ವಾοತು ಆಸಂಚೀ. ತ್ಯಾ ದಾಕೂನ ಟೂರಿಸಂ ಥಂಡೆಲೆ ಆನೀ ತಾಕಾ ಹೊಂದೂನ ಆಶಿಲೆ ಲಾಡ್ಜಿಂಗ ಆನೀ ಬೋರ್ಡಿಂಗ, ದೇಶಾಂತು ನವೆ ಬಿಸಿನೆಸ್ ಮಾಡೆಲ ಮ್ಹಣು ಚರ್ಚಾ ಜಾತನಾ ಆಯಿಲೆ ಪ್ರಮುಖ ಉದ್ಯಮ ‘ಓಯೋ ರೂಮ್ಸ’ ಎಕ ತರ್ನಾಟೇನ ಸಕ್ಕಡ ಕಡೇನ ರೂಮಾಚೆ ವ್ಯವಸ್ಥಾ ಕರೂನ ಸಾನ ವೇಳಾಂತು ಹೋಡ ಸಾಮ್ರಾಜ್ಯ ಬಾಂದಿಲೆ ಜಾಲ್ಯಾರ ಆತಾ ಸಕ್ಕಡ ಕಡೇನ ತ್ಯಾ ಬೋರ್ಡ ಕಾಡೂನ ಸೈಡಾಕ ಧವರಲೆಲೆ ದಿಸಚಾಕ ಮೆಳತಾ ಆನೀ ತ್ಯಾ ಮಾತ್ರ ಮ್ಹಣು ನಯ ಟೂರಿಸ್ಟ ಹೋಂ ಸ್ಟೇ, ಪ್ರವಾಸಿ ಸ್ಥಳಾಂತು ಆಶಿಲೆ ಲೋಕ ಥೋಡ್ಯಾನಿ ಸರಕಾರಾಚೆ ಸಾಂಗತ ಸಮಜಣಿ ಕೋರುನು ಕ್ವಾರಂಟೈನ ಪ್ಲೇಸ್ ಕೊರನು ಧವರೂನ ಸದ್ಯಾ ಪರಿಸ್ಥಿತಿಂತು ಬಿಡಿ ಜಳೋವಚೆ ಕಾಮ ಕೆಲೆ, ಆನೀ ಪ್ರಯಾಣ ಸೌಕರ್ಯ ಸರಕಾರಿ ಥೊಡೆ ಬಸ್ ಆನೀ ಎಕ ಸೀಟಾರ ಎಕಲೋ ಮ್ಹಣು ಸಗಳೇ ಬಸ್ ಭೋರನು ವಚೆ ಖಾಸಗಿ ಮಾಲಿಕತ್ವಾಚೆ ಥೊಡೆ ಬಸ್ ರೋಡಾರ ಆಯಲಾ ಆನೀ ತಾಂಕಾ ಡಿಸೇಲ, ಡ್ರೆವರ ಕ್ಲಿನರ ಕಂಡೆಕ್ಟರ್ ಮ್ಹಣು ಪೋಸಚೇ ಹೋಡ ವಿಶಯು ಜಾವನು ಆಸಾ, ದೇಶ ವಿದೇಶಾಚೆ ಬಿಸನೆಸ್ ಪ್ರೋಸೆಸ್ ಔಟಸೋರ್ಸಿಂಗ – ವರ್ಕ ಫ್ರಮ್ ಹೋಂ ಮ್ಹಣೂ ಸಾಂಗಲ್ಯಾರೀಯ ಪಾಶಾತ್ಯ ರಾಷ್ಟಾಂತು ಅಸಲೆ ಲಾಕಡೌನ ಆನೀ ಬಂದ ಆಸತನಾ ಆನೀ ತ್ಯಾ ದೇಶಾಂತು ಪ್ರೋಸೆಸ್ ಔಟ್ ಸೋರ್ಸ ಕರಚಾಕ ನಜ ಆಮಗೆಲೆ ರಾಷ್ಟಾತಾಂಕಾ ಉದ್ಯೋಗ ಮೆಳಕಾ ಮ್ಹಳೇಲ ಕಾನೂನ ಲಾಗೂ ಜಾತಚೀ, ಕಾಸ್ಟ ಕಟೀಂಗ ನಾವಾರಿ.. ೫೦% ಪಗಾರ ನಾತಲ್ಯಾರ ಪುವರ್ ಪರ್ಪಾಮೆಂಸ್ಸ ನಾವಾರ ಗೇಟ ಪಾಸ್ ತಯಾರ ಜಾವನು ಆಸಾ.

ಹ್ಯಾ ಸಕ್ಕಡ ಮ್ಹಯಿನೆ ಮ್ಹಯಿನೆ ಪಗಾರ ಮೆಜಿತಲೇಲ ಕಾಣಿ ಜಾಲ್ಯಾರ ಆನೀ ತೇ ಠಕ್ಕೇಂತು ಯೆವನು ರಾಬತಾ ಆಸತನಾ ಭಾರತಾಚೆ ಆರ್ಥಿಕ ವ್ಯವಸ್ಥೇಂತು ೮೦% ಲೋಕ ಆಸಚೆ ಅಸಂಫಟಿತ ವಲಯ ಜವೋ ಅನ್ ಆರ್ಗನೈಸ್ಡ ಸೆಕ್ಟರ್ ಹಾಂತು ಪ್ರಮುಖ ಜಾವನು ಸ್ಥಳಾಂತರ ಕಾಮೇಲಿ ಲೋಕ- ಬಿಲ್ಡಿಂಗ ನಿರ್ಮಾಣ, ಕೈಗಾರಿಕಾ ಕ್ಷೇತ್ರಾಂತು ಸಫಾಯಿ ಕರ್ಮಚಾರಿ ಲೋಕಾಂಕ ಪೋಟಾಕ ನಾತಿಲೆ ಪರಿಸ್ಥಿತಿ, ಶೇತ್ಕಾರಾಂಕ ಸುರವೇಕ ಬಾದಾ ಜಾಲ್ಯಾರೀಯ ತಾಜೆ ಉಪರಾಂತ - ಲೋಕಾಂಕ ಪೋಟಾಕ ಖಾವಕಾ ಜಾಲೇಲ ನಿಮಿತ ಕ್ರಮಬದ್ದ ನಾತಲ್ಯಾರೀಯ ತಾಂಗೇಲ ವ್ಯಾರು ಚಲಾವಣೇಂತು ಆಸಾ, ಹಾಂತು ದಿನಸಿ, ರಾಂದಕಾಯಿ ವ್ಯಾರೇಲ ಲೋಕಾಂಕ ಭರಪೂರ ವ್ಯಾರು ಜಾಲ್ಯಾರೀಯ ವರಲೆಲ ಸ್ವಂತ ಉದ್ಯಮ ಆಶಿಲ ಲೋಕಾಂಕ ನಷ್ಟ ಜಾಲೇಲ ಆಸಾ, ಆನೀ ಹ್ಯಾ ಸಕ್ಕಡಾ ಮಧೇಂತು ರಾಜ್ಯ ಸರಕಾರಾ ದಾಕೂನ ವೃತ್ತಿಕೇಂದ್ರಿತ ಧನ ಸಹಾಯ ಘೋಷಣ ಜಾವೂನ ಹೋಡ ಹೋಡ ಅಂಕಿ ಸಂಖ್ಯಾ ಲೋಕಾನ ಮೆಜೂನ ಉಡಗಾಸ ಧವರಲೆಲ ನಾ, ಆನೀ ಥೊಡೆ ಲೋಕ ಕಸಲೆ ಮೆಳೇಲ ನಾ ಮ್ಹಣು ಚಾನೆಲಾಚೆ ಮುಖಾರ ಆಯಿಲೆ ಆಸಾ.

ಕೇಂದ್ರ ಸರಕಾರಾಚೆ ಪ್ಯಾಕೆಜ ಹೋಡ ಆಸೂನ ತೇ ಲೋಕಾಂಕ ಸೀದಾ ಸೀದಾ ಮೆಳಚೆ ತಸಲೆ ನಂಯ, ತೇ ಕೆದನಾ ಕಶೇ ಕೋಣಾಕ ಮೆಳೂನ ಕೋಣಾಕ ಯೆತಾ ಕಿತಲೆ ಅಸಲೆ ಅಸ್ಪಷ್ಟತಾ ವಿತ್ತ ಸಚಿವಾಲಯಾಂತು ಆಸಚೆ ಕಳಿತಾಕ ಯೆತಾ, ತ್ಯಾ ನಂತಾ ಬ್ಯಾಂಕಾಚೆ ಲೋನ, ವಾಡೀಕ ವಾಡಿ ಭರಚೆ ಲೋಕಾಂಕ ನಾಂಕಾಕ ಮೋವ ಸಾರೋಚ ಕಾಮ ಮಣೇತ , ರಾಷ್ಟಾçಚೆ ವಿತ್ತ ಸಚಿವಾಲಯ ಆನೀ ಕೇಂದ್ರ ಬ್ಯಾಂಕ ಜಾವನು ಆಸಚೆ ರಿಸರ್ವ ಬ್ಯಾಂಕಾ ಮಧೇಂತು ಎಕ ರೀತಿಚೆ ಮೇಳಾಮೇಳಿ ಆಸೂಕಾ - ಲೋಕ ಕೇಂದ್ರಿತ ಕಸಲೆ ಕಾರ್ಯಕ್ರಮ ಹಾಡತನಾ ಸಮಾಲೋಚನ ಜಾವನು ಲೋಕಾಂಕ ಬಾದಾ ಜಾಯನಾತಲ್ಯಾವರೀ ತೇ ಕೋಣಾಕ ಪಾವಕಾ ತಾಕಾಚ ಮೆಳಕಾ ಅಸಲೆ ಪಾಲಿಸಿ ಆಧಾರಿತ ಯೋಜನಾ ಯೆವಕಾ. ದೇಶಾಂತು ಚಡತಾ ಆಸಚೆ ಕೋರೋನಾ ಭಾದಿತ ಲೋಕಾಂಗೆಲೆ ಸಂಖ್ಯಾ ದಿಸಾನ ದೀಸ ಚಡತಾ ಆಸಾ, ತಶೆ ಮರತಲೇ ಲೋಕಯ ಚಡ ಜಾಲ್ಯಾತ ಸಕ್ಕಡ ಪರತ ಸಾಮಾನ್ಯ ರೂಪಾರ ಯೆವಚಾಕ ಪ್ರಯತ್ನ ಕರತಾ ಆಸಂಚೀ ವ್ಯಾರು ವಹಿವಾಟು ಜಾವಚಾಕ ಜನಾಲೆ ಹಾತಾಂತು ದುಡು ನಾ ಜಾಲಾ, ಅರ್ಥಶಾಸ್ತಾçಚೆ ನಿಯಮಾ ಪ್ರಕಾರ ಲೋಕಾಂಕ ವಸ್ತು ಘೆವಚೆ ತಸಲೆ ‘ಪರ್ಚೆಸಿಂಗ ಪವರ’ ಮ್ಹಳ್ಯಾರ ವಿಟಮಿನ ಎಂ – ಮನಿ ದುಡು ಲೋಕಾಂಕ ಮೆಳಕಾ ತ್ಯಾ ವೇಳಾ ತೋ ಬಾಜಾರಾಂತು ವಸ್ತು ಖರೀದಿಚೆ ಮಾಗಣೀ ಮುಖಾರ ಧವರತಾ ಆನೀ ತಾಜೆ ಬದಲ ತೋ ದುಡು ದಿತಾ, ತೇ ದುಡು ಪರತ ತೇ ವಸ್ತುಚೆ ಉತ್ಪಾದನೇಕ ಲಾಗೂ ಜಾವೂನ ವ್ಯಾರು ವಾಡತಾ, ಉತ್ಪಾದನ ಕೆಲೆಲ ಮಾನವ ಸಂಪನ್ಮೂಲಾಕ ಪಗಾರ ಮೆಳತಾ ತ್ಯಾ ಪರತ ಬಾಜಾರಾಕ ಯೆತಾ ಅಸಲೆ ಎಕ ಚಕ್ರೀಯ ವ್ಯವಸ್ಥಾ ದೇಶಾಂತು ಚಲಕಾ.

ಜಾಲ್ಯಾರ ಸದ್ಯಾಚೆ ಪರಿಸ್ಥಿತಿಂತು ಲೋಕ ಸಾಮಾಗ್ರಿ ಆನೀ ಸೇವಾ ಖಾತೀರ ಬಾಜಾರಾಂತು ಮಾಗಣಿ ದವರಚಾಕ ಮಾಕಶಿ ಮುಖಾರ ಪಳೋವಚೆ ತಸಲೆ ಕಾಳ ಮ್ಹಳ್ಯಾರ ಪರ್ಜೆಸಿಂಗ ಪವರ ಉಣೆ ಜಾಲಾ ಜವೋ ನಾ ಜಾಲಾ, ತ್ಯಾ ದಾಕೂನ ತಾಕಾ ಹೋಂದೂನ ಉತ್ಪಾದನ ರಾಬತಾ, ಆನೀ ಲೋಕಾಂಕ ಕಾಮ ಮೆಳನಾ ಅಸಲೆ ಎಕ ಪರಿಸ್ಥಿತಿ ದೇಶಾಂತು ಬಾದ್ಯತಾ ಜಾವನು ಆಸಚೆ ವೇಳೇಂತು ವಿತ್ತ ಮಂತ್ರಿಲೆ ಸಮಾಧಾನ ಆನಿ ದೇಶಾಚೆ ಆಖೇರಿ ವ್ಯಕ್ತಿಲೆ ವಿಶಯಾಂತು ಚಿಂತನ ತಾಗೇಲ ಪೋಟ ಕಶೆ ಭರಚೆ ತಾಗೇಲ ಹಾತಾಂತು ದುಡು ಕಶೇ ಘಾಲಚೆ ತಾಕಾ ದಿಸಾಕ ಪನ್ನಾಸ -ಶಂಬರ ಅಶೆ ಲೇಕ ಸಾಂಗಲ್ಯಾರ ಜವೋ ತಾಕಾ ತ್ಯಾ ಪಗಾರಾಚೆ ಕಾಮ ಮೆಳಯಾರ ಜಾತಾ ನಾತಲ್ಯಾರ ಸರಕಾರಾಚೆ ಪ್ಯಾಕೆಜ ಪ್ಯಾಕೆಜ ಘೊಷಣಾ, ದುರಬಳ್ಯಾಂಕ ತಶೆ ಸಾನ ಆನೀ ಮಧ್ಯಮ ವರ್ಗಾಚೆ ವ್ಯಕ್ತಿಂಕ ತಶೇ ವ್ಯಾರೇಲಿಂಕ ಅರ್ಥು ಜಾಯನಾಶಿ ರಾಬತಾ ಆನೀ ತಸಲೆ ಹೋಡ ಅಂಕೆ ಸಂಖೇοತು ಹೋಡ ಹೋಡ ವಿದ್ವಾನ ಟಿವಿಂತು ಬಯಶೂನ ತಾಂತೂಲೆ ಶುನ್ಯಾಚೆ ಲೇಕ ಘಾಲೂನ ಚರ್ಚಾ ಕರತಾ ಆಸತನಾ ದುರಬಳೇನ ಕಿಸೇಂತು ಆಸಚೆ ಧಾ ರೂಪಯೀ ಹಾತಾಂತು ಧರೂನ ತೋಂಡ ತೋಂಡ ಪಳೋವಚೆ ಪರಿಸ್ಥಿತಿ ನಿರ್ಮಾಣ ಜಾತಾ.

ಗಾಂಧೀಜಿ ಅಸಲೆ ಕಾರಣಾನ ಆಜೂನ ಪ್ರಸ್ತುತ ಜಾತಾ, ದೇಶಾಚೆ ಅಭಿವೃದ್ದಿ ಜವೋ ಆರ್ಥಿಕ ಪರಿಸ್ಥಿತಿ ಸಧೃಡ ಜಾವಕಾ ಜಾಲ್ಯಾರ ಆನೀ ದೇಶಾಕ ಕಸಲೆ ಮಾರ ಪಡಲ್ಯಾರೀಯ ಪರತ ಉಟೋವನು ರಾಬಚೆ ತ್ರಾಣ ದಿವಚೆ ಗ್ರಾಮೀಣ ಪದ್ದತೀಂತು ಜಾಲ್ಯಾರ ಆಮೀ ಧಾಂವಿಲೆ ಕೈಗಾರೀಕರಣ ಆನೀ ಐಟಿ ಬಿಟಿ ಆನೀ ಕರೋಡಾನ ಬಾಂದಿಲ ವ್ಯವಸ್ಥಾ ಎಕ ವೇಳಾಕ ಸೂಕ್ತ ಮ್ಹಣ ಜಾಲ್ಯಾರೀಯ ಆಜ ಆತ್ಮನಿರ್ಭರ ಭಾರತಾಕ ಗ್ರಾಮೋದ್ಧಾರ ಪ್ರಸ್ತುತ ಜಾಲಾ, ದೇಶೀಯತಾ ಪ್ರಮುಖ ಜಾಲಾ ಆನೀ ಪುಣಿ ಗಾಂಧೀಜಿಲೆ ಗ್ರಾಮರಾಜ್ಯ- ರಾಮರಾಜ್ಯ ಕರೂನ ದೇಶ ಸಧೃಡ ಕರಚೆ ತಸಲೆ ಕಾಮ ಜಾವಕಾ. ಆಜ ಆಮೀ ಕೊರೋನಾ ಉಹಾನ ಧಾಕೂನ ಆಯಲಾ, ಹ್ಯಾ ಚೈನಾ ದೇಶಾಚೆ ಜೈವಿಕ ಯುದ್ದ ಅಸಲೆ ಚರ್ಚಾ ಕರತಾ ಆಸತಾನ ಟಿಕಟಾಕ ತಸಲೆ ಆ್ಯಪ್ ಅನ್ ಇನ್ಟಾಲ ಕರಚ್ಯಾಂತು ಮುಖಾರ ಯೆತಾ ಆಸಂಚಿ ಜಾಲ್ಯಾರ ಗಾಂಧೀಜಿನ ಸಾಂಗಿಲೆ ಸ್ವದೇಶಿ ಫಕತ ನೋಟಾಂತು ಚಿತ್ರ ಘಾಲೂನ ಆಮೀ ಅರ್ಥ ವ್ಯವಸ್ಥೇಕ ಖಾಸಗೀಕರಣ ತಸಲೆ ಮಾದರಿ ಘೆತಿಲ ಆಸಾ, ಆನೀ ಗಾಂಧಿಜಿಲ ಅರ್ಥ ವ್ಯವಸ್ಥಾಚೆ ಪರಿಕಲ್ಪನಾ ಪರತ ಸಾಧ್ಯ ಕರಚ್ಯಾಂತು ಭಾರತಾಚೆ ಲೋಕಾಂಗೆಲೆ ಜೀವನ ಶೈಲಿ ಬವಲಾವ ಹಾಡಚ್ಯಾಂತು ಸ್ವದೇಶೀ ಚಿಂತನ ಪ್ರಾರಂಭ ಜಾವಕಾ ಆನೀ ತೆದನಾ ಪ್ರಧಾನ ಮಂತ್ರಿಲೆ ಆತ್ಮನಿರ್ಭರ ವ್ಯಕ್ತಿ ಆತ್ಮ ನಿರ್ಭರ ವ್ಯಾರು ವಹಿವಾಟು ಆತ್ಮನಿರ್ಭರ ದೇಶಾಚೆ ಅರ್ಥವ್ಯವಸ್ಥಾ ಆನೀ ಆತ್ಮನಿರ್ಭರ ಭಾರತ ಸಾಧ್ಯ ಜಾತಾ.

• Prev
• Next