ಮುಂಬಯಿ: ಆಮ್ಮೀ ರಂಗಕರ್ಮಿ (ರಿ), ಮುಂಬೈ ಹಾಜೆ ಕಲಾವಿದ ಹಾಂನಿ° ಗುರು ಕೃಪಾ ಕಲಾ ರಂಗ, ಶ್ರೀ ಕಾಶೀ ಮಠ, ದಹಿಸರ್ ಹಾಂಗೆಲೆ ಸಹಯೋಗಾರಿ ಬಾಲಕೃಷ್ಣ ಪುರಾಣಿಕ್, ಕಾಸರಕೊಡ್ ಹಾಂಗೆಲೆ ರಚನಾ ಆನಿ ಲಿಮ್ಕಾ ಖ್ಯಾತಿಚೊ ಡಾ. ಚಂದ್ರಶೇಖರ್ ಶೆಣೈ ನಿರ್ದೇಶನಾಚೆ ಕೊಂಕಣಿ ಹಾಸ್ಯ ಪ್ರಧಾನ ಸಂಗೀತಮಯ ನಾಟಕ 'ಲಗ್ನಾ ಪಿಶೆ°' ಹಾಜೆ° 7 ಪ್ರದರ್ಶನ° ಡಿ 26 ದಾಕೂನ ಜನವರಿ 1 ತಾಂಯ ಕರಾವಳಿ ಜಿಲ್ಲೆಂತ ಕಾರ್ಕಳ, ಸಿದ್ದಾಪುರ, ಕುಂದಾಪುರ, ಶಿರಾಲಿ, ಭಟ್ಕಳ್, ಮಂಗಳೂರು ಆನಿ ಉಡುಪಿಂತು° ಪ್ರದರ್ಶನ ಕರನು ಮುಂಬಯಿಕ ಪರತೂನ ಆಯಲೆ. ಶ್ರೇಷ್ಠ ಸಂಗೀತ ಆನಿ ನೈಜ್ಯ ಹಾಸ್ಯ ಭರಿತ ಹ್ಯಾ ನಾಟಕಾಕ ಪ್ರೇಕ್ಷಕಾನಿ ಖೂಬ ಪ್ರಶಂಸಾ ದಿಲಿ. ಪಾತ್ರವಗಾಂತು° ಮುಂಬಯಿಚೆ ನಾವಾದೀಕ ಕೊಂಕಣಿ - ಕನ್ನಡ ಹಾಸ್ಯ ರಂಗನಟ, ಕನ್ನಡಿಗ ಕಲಾವಿದರ ಪರಿಷತ್ತು ಮಹಾರಾಷ್ಟ್ರ ಹಾಜೊ ಉಪಾಧ್ಯಕ್ಷ ಕಮಲಾಕ್ಷ ಸರಾಫ್, ಸಾರಸ್ವತ ಸಮಾಜಾಚೊ ರಂಗನಟ ಹರೀಶ್ ಚಂದಾವರ್, ಮ್ಹಾಲ್ಗಡೊ ರಂಗನಟ ಆನಿ ಯಕ್ಷಗಾನ ಕಲಾವಿದ ತೋನ್ಸೆ ವೆಂಕಟೇಶ್ ಶೆಣೈ, ಪ್ರಬುದ್ಧ ನಾಟಕ ಆನಿ ಯಕ್ಷಗಾನ ಕಲಾವಿದಾ ಅಕ್ಷತಾ ಕಾಮತ್, ಯುವ ಪ್ರತಿಭಾವಂತ ಕಲಾವಿದ ಪ್ರಮೋದ್ ಮಲ್ಯ ಆನಿ ಚಂದ್ರಶೇಖರ್ ಶೆಣೈ ಹಾಂನಿ° ಅಧ್ಬುತ ನಟನ ಕೆಲೆ°. ನಾಟಕಕಾ ಸಂಗೀತ ನಿರ್ದೇಶನ ಕೃಷ್ಣ ಚಂದಾವರ್ ಹಾಂನಿ° ಕೆಲೆ°. ಸುಧಾಕರ್ ಭಟ್ ಹಾಂನಿ° ಸೌಂಡ್ ಆನಿ ಉಜ್ವಾಡ ಸಾಂಬಾಳಲೊ, ರಂಗಸಜ್ಜಿಕಾ, ಆನಿ ಪಾರ್ಶ್ವ ಸಂಗೀತಾಚಿ ಜಬಾಬದಾರಿ ತಾಂನಿ° ಸಾಂಬಾಳಲಿ. ಹರ ಎಕ ಪ್ರದರ್ಶನಾಚೆ ವೇಳಾರಿ ಸಭಾಗೃಹ ಭರ ಪ್ರೇಕ್ಷಕ ಆಶಿಲೆ.

To Support Kodial Khaber click the following button.

ಕುοದಾಪುರ: ಲೋಕಾ ಮೋಗಾಳ, ಮಹಾ ದಾನಿ, ಅನಿವಾಸಿ ಭಾರತೀಯ ಅಂಡಾರು ರಾಮದಾಸ ಕಿಣಿ ಹಾಂನಿ° ಅಕಾಲಿಕ ಜಾವನು ಅಂತರಲೆ ಮ್ಹಣು ಕಳನು ತಾಗೆಲೆ ಅಭಿಮಾನಿ ಲೋಕಾ° ಮಧೆ° ದು:ಖ ಭರಲಾ°. ದೇವಾದಿನ ಜಾಲೆಲೆ ಕಿಣಿ ಮಾಮಾಲೆ ಆತ್ಮಾಕ ಶಾಂತಿ ಮಾಘೂನ ತಾಂಗೆಲಿ ಬ್ಹಯಣಿ ಶೈಲಾನ ಬರಯಿಲಿ ಶ್ರದ್ಧಾಂಜಲಿ ಹಾಂಗಾ ಪ್ರಕಟ ಕೆಲ್ಯಾ.

“ಅಂಡಾರು ವಿಠಲ ಕಿಣಿ ಆನಿ ರುಕ್ಮಿಣಿ ಕಿಣಿ ಹಾಂಗೆಲೆ ಪಾಂಚ ಚೆರಡುವಾ° ಪಯಕಿ ಪಯಲೆ° ಚೆರಡು ಜಾವನು ಜುಲೈ 20, 1956 ಇಸವಿಂತು° ಜಲ್ಮಲೆಲೊ ಮೆಗೆಲೊ ಮ್ಹಾಲ್ಗಡೊ ಭಾವು ಅಂಡಾರು ರಾಮದಾಸ ಕಿಣಿ. ಮುನಿಯಾಲಾಂತು° ಪ್ರಾಥಮಿಕ ಶಿಕ್ಷಣ, ಜ್ಯೋತಿ ಪ್ರೌಡಶಾಳಾ ಅಜೇಕಾರಾಮತು° 9ವೆ ಕಕ್ಷಾ ಶಿಖತ ಆಸತಾನಾ ಬಾಪುಸು ದೇವಾದಿನ ಜಾಲೊ. ಉಪರಾಂತ ಕಷ್ಟಾನ ಕಾರ್ಕಳಚೆ ಶ್ರೀ ಭುವನೇಂದ್ರ ಕಾಲೇಜಾಂತು° ಪಿ. ಯು. ಸಿ ಶಿಕ್ಷಣ ಫಾವೊ ಕರನು ಪೋಸ್ಟ್ ಆಫೀಸ್, ಫೋವಾ ಮಿಲ್ಲ್, ಬಿ. ಆರ್. ಕೆ ಕಾಜು ಬಿಯೆ ಕಾರ್ಖಾನೊ ಆಶೆ° ಸಾಬಾರ ಕಡೆನ ವೆಗವೆಗಳೆ ನಮೂನ್ಯಾಚೆ ಕಾಮ ಕರನು ಆವಸೂಕ ಕಳನಾಶಿ° ದೇಶಾಚೆ ಭೂಸೈನ್ಯಾಚೆ ಸಂದರ್ಶನಾಕ ಹಾಜರ ಜಾವನು 6 ವರಸ° ಯೋಧ ಜಾವನು ಸೇವಾ ದಿಲೆಲೆ ಮೆಗೆಲೆ ಭಾವಾನ ಆಮಕಾ ಸಗಟಾಂಕ ಫುಕಟ ಶಿಕ್ಷಣಾಚಿ ವ್ಯವಸ್ಥಾ ಕೆಲೆಲಿ.
ಉಪರಾಂತ ಮುನಿಯಾಲಾಚೊ ತಾಗೆಲೊ ಆಪ್ತ ಮಿತ್ರ ಚಂದ್ರಕಾοತ ಮಲ್ಯಾಲೆ ಮದದ ಘೆವನು ಮಸ್ಕತಾಕ ಪಾವಲೊ. ತಂಯ ಎಕ ವರಸಾಚೊ ಅನುಭವ ಜೋಡೂನ ದುಬೈಕ ಪಾವಲೊ. ತಾಗೆಲಿ ಕರ್ತವ್ಯನಿಷ್ಠಾ ಆನಿ ಪ್ರಾಮಾಣಿಕಪಣಾನ ಸಾಬಾರ 40 ವರಸ° ಎಕಲೋಚಿ ವಿದೇಶಿ ಅಧಿಕಾರಿಲೊ ಸಹಾಯಕ ಜಾವನು ತಾಗೆಲೊ ಭಾವುಸೊ ವಾಡೂನು, ಸಾಂಗತ ಜಲ್ಮಲೆಲೆ ಬ್ಹಯಣಯೊ ಆನಿ ಭಾವಾಲೆ ವ್ಹಾರ್ಡಿಕ ಕರೊನು, ಉಪರಾಂತ ಸಗಟಾಲೆ ಓತ್ತಾಯಾಕ ಸೋನಿಯಾಲೆ ಸಾಂಗತ ಜುಲೈ 3, 1992ಕ ಲಗ್ನ ಜಾಲೆಲೊ. ಬಾಯಲ ಜಾವನು ಸ್ವೀಕಾರ ಕರತರಿ 30 ವರಸಾಚೆ ದಾಂಪತ್ಯ ಜೀವನಾಂತು° ಕುಮಾರಿ ಧಮ್ಯಾಲೆ ಆಗಮನಾನ ಸಂತೋಸ ದ್ವಿಗುಣ ಜಾವನು ಸುಖಮಯ ಜೀವನ ಚಲಯತಲೊ.
ತಾಣೆ ಘೊಳೆಲೆ ದುಡ್ವಾಚೆ ಚಡಾವತ ವಾಂಟೊ ಸಾಮಾಜಿಕ ಸೇವಾ ಕಾರ್ಯಾಂಕ ವಿನಿಯೋಗ ಕರತಾಶಿಲೊ.
1. ಪ್ರಾಥಮಿಕ ಸ್ಥರಾಚೆ ದಾಕೂನ ಉನ್ನತ ಶಿಕ್ಷಣ ತಾಂಯ ಆರ್ಥಿಕ ಜಾವನು ಮಾಕ್ಷಿ ಆಸಚೆ ಸಮಾಜಾಚೆ ವಿದ್ಯಾರ್ಥಿಯಾಂಕ ವಿದ್ಯಾರ್ಥಿ ವೇತನ ದಿವಚೆ°.
2. ಸಾಬಾರ 28 ವರಸ° ಸಮಾಜಾಚೆ ವಟುಂಕ ಫುಕಟ ಬ್ರಹ್ಮೋಪದೇಶ
3. ದುರಬಳೆ ಲೋಕಾಂಕ ಲಗ್ನಾ ಕಾತಿರ ಮದದ.
4. ಉಡುಪಿ ಜಿಲ್ಲೆಚೆ ಸಾಬಾರ ಶಿಕ್ಷಣ ಸಂಸ್ಥೆοಕ ಗ್ರಂಥಾಲಯ, ಪ್ರಯೋಗಾಲಯ, ಇಮಾರತ ಬಾಂದಪ, ಆಕ್ಷರ ದಾಸೋಹ ಕಾರ್ಯಕ್ರಮಾಂಕ ದುಡ್ವಾ ಮದದ. ಎಸ್. ವಿ. ಟಿ ಶಾಲಾ ಕಾರ್ಕಳ ಹಾಂಗಾ ಸಭಾ ಭವನ.
5. ಜಿ. ಎಸ್. ಬಿ. ಸಮಾಜಾಚೆ ನಂತಾ° ಹೇರ ಸಮಾಜಾಚೆ ಲೊಕಾಂಕ ಅನಾರೋಗ್ಯ, ಘರ ಬಾಂದಪ, ವ್ಹಾರ್ಡಿಕ ಅಸಲೆ ವಿಷಯಾಮಕ ದುಡ್ವಾ ಮದದ ಕರತಲೊ.
6. ಆವಸು ಬಾಪಸುಲೆ ನಾಂವಾರಿ ಖೂಬ ದೇವಳಾಂತು° ಶಾವತ ಸೇವಾ ರೂಪಾರಿ ಸಮಾರಾಧನೆಕ ಎಫ್. ಖ ಕೆಲೆಲಿ ಆಸಾ.
7. ಮುನಿಯಾಲು ಶ್ರೀ ಲಕ್ಷ್ಮಿ ವೆಂಕಟರಮಣ ದೇವಳಾಕ ಪಲ್ಲಂಕಿ, ದೇವಾಲೊ ಮಾಂಟೊವು, ಗರ್ಭಗುಡಿಚೆ ಧ್ವಾರಾಕ ರುಪ್ಯಾ ಕವಚ, ಶ್ರೀ ದೇವಾಕ ಭಾಂಗರಾ ಕವಚ ಹಾಜೆ° ಸಮರ್ಪಣ ಪೂಜ್ಯ ಗುರುವರ್ಯ ಶ್ರೀಮದ್ ಸಂಯಮೀοದ್ರ ತೀರ್ಥ ಹಾಂಗೆಲೆ ಹಸ್ತಾನ ಸಮರ್ಪಣ.
8. ಮುನಿಯಾಲು ಪ್ರದೇಶಾಚೆ ಗ್ರಾಮಾಂತು° ಆಸಚೆ ಮ್ಹಾಲ್ಗಡೆ ಲೋಕಾಂಕ ವ್ರದ್ಯಾಪ್ಯ ವೇತನ.
9. ವಿಶ್ವ ಕೊಂಕಣಿ ಕೇಂದ್ರಾοತ° ‘ಹಾಲ್ ಆಫ್ ಫೇಮ್’ ನಿರ್ಮಾಣ.
ಅಶೆಂ ಖೂಬ ಸೇವಾ ಕಾರ್ಯ ಹಾಣೆ ಕೆಲೆಲೆ° ಆಸಾ. ದ.ಕ ಆನಿ ಉಡುಪಿ ಜಿಲ್ಲೆಚೆ ಗಂಗೊಳ್ಳಿ ತಾಂಯ ಸಾಬಾರ ಧಾರ್ಮಿಕ ಕಾರ್ಯಕ್ರಮಾಂಕ ದುಡ್ವಾ ಮದದ, ದುರಬಳೆಂಕ ಕೆದನಾಯಿ ಮದದ ಕರತ ‘ದಾನಶೂರ ಕರ್ಣ’ಸೊ ಪ್ರಜ್ವಲನು ಅಲ್ಪಾಯುಷ್ಯಾಚೆ ಹ್ಯಾ ಅವಧಿಂತು° ಶತಾಯೂಷಿ ಸೊ ಜೀವನ ಕರನು ಸೇವಾ ಪೂರ್ಣ ಕೆಲೆಲೊ ಆಸಾ ಮೆಗೆಲೊ ಭಾವು ಅಂಡಾರು ರಾಮದಾಸ ವಿಠಲ ಕಿಣಿ.
ಪ್ರಾಯ 60 ದಾಂಟವಲ್ಯಾರಯಿ ತೆಂ ಫಕತ ಎಕ ಆಂಕಡೊ, ಮೆಗೆಲೆ ದೇಹ – ಮನ ಆನಿಕಯಿ ಸಾಬಾರ ಸಮಾಜಮುಖಿ ಕಾಮ ಉಮೇದಿನ ಕರಚಾಕ ತಯಾರ ಆಸಾ ಮ್ಹಣು ಮುಕಾರ ವತಲೊ ಭಾವಾಕ ಪರಮಾತ್ಮಾನ ತಾಗೆಲೆ ಮೋಗಾ ದ್ಹುವೆನ ಪೋಟೋನು ಧರನು ಆಸತನಚೀ ವ್ಹೆಲೊ.
ಕಿಣಿ ಮಾಮು, ದುಬಾಯಿ ಸೇಟ್, ದುಬಾಯಿ ಮಾಮಾ ಮ್ಹಣು ನಾವಾದೀಕ ಜಾಲೆಲೊಮೆಗೆಲೆ ಭಾವಾನ 66 ವರಸಾಚೆ ತಾಗೆಲೆ ಜೀವಿತಾವಧಿಂತು° 40 ವರಸ° ವಿದೇಶಾಂತು° ಆಸೂನ ತ್ಯಾಚ ಜಾಗೇರಿ ನಿರಾಯಾಸ ಜಾವನು ಆಖೇರಿಚೊ ಶ್ವಾಸ ಘೆತಲೊ.
ತಾಗೆಲೆ ದಿವ್ಯಾತ್ಮಾಕ ಪರಮಾತ್ಮು ಚಿರಶಾಂತಿ ದಿವೋ, ತಾಕಾ ಸದ್ಗತಿ ಪ್ರಾಪ್ತ ಜಾವೊ ಮ್ಹಣು ಪ್ರಾರ್ಥನಾ ಕರೂಯಾ°.”
- ಶೈಲಾ ಗೋಪಾಲಕೃಷ್ಣ ಭಟ್, ಕುಂದಾಪುರ

ಕಾರ್ಕಳ: ಎಸ್.ಎನ್.ಎಸ್. ಅರ್ಥ್ ಮೂವರ್ಸ್ ಹಾಜೊ ಮಾಲಕ ಕಾರ್ಕಳ ಸುಧೀರ ಪುರಾಣಿಕ(61 ವರಸ) ಆಜಿ(ಅ. 21) ಕೇರಳಚೆ ಕೊಚ್ಚಿಂತು° ಹೃದಯಘಾತಾನ ಅಂತರಲೆ. ಕಾರ್ಕಳಚೆ ವೆಂಕಟರಮಣ ಭಜನಾ ಮಂಡಳಿಕ 50 ವರಸ° ಪೂರ್ಣ ಜಾಲೆಲೆ ಸಂದರ್ಭಾರ ಗುರುವರ್ಯಾ ಲಾಗಿ ಪ್ರಸಾದ ಸ್ವೀಕಾರ ಕರಚಾಕ ಗೆಲೆಲೆ ಪಂಗಡಾoತ ಹಾಂನಿ° ಆಶಿಲೆ ಮ್ಹಣು ಕಳನು ಆಯಲಾ°. ಬಾಯಲ, ಎಕ ಪೂತು ಆನೀ ದೋನ ಧುವೆಂಕ ಸೊಡೂನ ತಾಂನಿ ಗೆಲ್ಯಾಂತಿ. 

ಅಮ್ಚೆ ಕ್ರಿಯೇಷನ್ಸ್ ಅರ್ಪಣ ಕರತಾ ‘ಅಮ್ಚೆ ಸಂಸಾರ್’ ಕೊಂಕಣಿ ಸಿನೆಮಾ

ಕಾರ್ಕಳ: ಆರ್.ಎಸ್.ಬಿ ಕೊಂಕಣಿ ಭೋಲಿಂತು° ಬಹು ನಿರೀಕ್ಷಿತ ಚಲನಚಿತ್ರ "ಅಮ್ಚೆ ಸಂಸಾರ” ವಗೀಚ ತುಮಗೆಲೆ ಲಾಗಿಚೆ ಸಿನೆಮಾ ಗೃಹಾಂತ ಪ್ರದರ್ಶನ ಜಾವಚೆ° ಆಸಾ. ಸಂಪೂರ್ಣ ಸಾಂಸಾರಿಕ ಚಿತ್ರ ಜಾವನು ಆಸಚೆ° ಹೆ° ಏಕ ಸಂಸಾರಾoತ ಚಲಚೆ ಸುಖ ದು:ಖ ಸುಂದರ ತರಾನ ದಾಕೊವಚೆ° ಪ್ರಯತ್ನ ಕರತಾ. ದೈವ-ದೇವಾಚೆರಿ ಖೂಬ ನಂಬಿಕಾ ಆಸಚೆ ಶೇತಗಾರ ಕುಟುಂಬಾಚಿ ಕಾಣಿ ‘ಅಮ್ಚೆಸಂಸಾರ್’ ಸಿನೆಮಾಚಿ ಜಾವನು ಆಸಾ. ಎಕ ಸಂಸಾರ ಮೇಳನು ಆಸಲ್ಯಾರಿ ಮೆಳಚೊ ಸಂತೋಸ ಮುಕಾವಯಲೆ ಪಿಳಗಿಕ ದಾಕೊವಚೆ° ಹ್ಯಾ ಸಿನೆಮಾಚೆ ಉದ್ಧೇಶ ಜಾವನು ಆಸಾ. 
ಕಾರ್ಕಳಚೆ ಸಂದೀಪ ಕಾಮತ್ ಹಾಂನಿ° ಹ್ಯಾ ಚಲನಚಿತ್ರಾಕ ಕಥಾ, ಚಿತ್ರಕಥಾ ನಿರ್ದೇಶನ  ಕರನು ಸಿನೆಮಾ ಕ್ಷೇತ್ರಾಕ ಪಾವಲ° ದವರಲೆಲೆ° ಆಸಾ. ಭುವನೇಶ ಪ್ರಭು ಹಿರೇಬೆಟ್ಟು ಹಾಂನಿ° ಛಾಯಾಗ್ರಾಹಣ, ಪ್ರಜ್ವಲ ಸುವರ್ಣ ಛಾಯಾಗ್ರಹಣ/ಸಂಕಲನ ಹಾಜಿ ಜಬಾಬದಾರಿ ನಿರ್ವಹಣ ಕೆಲ್ಯಾ. ಕಾರ್ತಿಕ ಮುಲ್ಕಿ ಹಾಂನಿ° ಸಂಗೀತ ದಿಲಾ°. ಯಕ್ಷಗಾನಾಚಿ ನಾವಾದೀಕ ವನಿತಾ ಭಾಗವತ ಕಾವ್ಯಶ್ರೀ ಆಜೇರು ಆನೀ ಪಲ್ಲವಿ ಪ್ರಭು ಮಂಗಳೂರು ಹಾಂನಿ° ಪದ° ಗಾಯಲ್ಯಾಂತಿ. ವಿಜಯ ನಾಯಕ, ರೋಹನ ನಾಯಕ, ಭವ್ಯ ಪ್ರಭು, ಪಾಂಡುರoಗ ಪ್ರಭು ಪರ್ಕಳ, ಪೂರ್ಣಿಮಾ ಸುರೇಶ್, ಪುಂಡಲೀಕ ಮಾರಾಠೆ, ಸುಮತಿ ಕಾಮತ್, ಸದಾನಂದ ನಾಯಕ್, ಕುಸುಮ ಕಾಮತ್, ಶ್ರೀಕಾಂತ ನಾಯಕ, ಅಜೆಕಾರು, ಸುಧೀರ್, ಮಾಸ್ಟರ್ ಸ್ವಸ್ತಿಕ್, ಮಾಸ್ಟರ್ ಸಾರ್ಥ್ವಿಕ್, ಬೇಬಿ ಸುಹಾನಿ ಆನೀ ಹೇರಾನಿ ಮುಖ್ಯ ಭೂಮಿಕಾ ಕೆಲೆಲಿ ಆಸಾ. ಹೆ° ಸಿನೆಮಾ ಅಕ್ಟೋಬರ್ ಮ್ಹಯನ್ಯಾಂತು° ಲೋಕಾರ್ಪಣ ಜಾತಾ ಆನೀ ಹಾಕ ಸರ್ವ ಕೊಂಕಣಿ ಸಮಾಜ ಬಾಂಧವಾನಿ ಸಂಪೂರ್ಣ ಸಹಕಾರ ದೀವಕಾ ಮ್ಹಣು ನಿರ್ದೇಶಕ ಸಂದೀಪ ಕಾಮತ ಹಾಂನಿ° ಮಾಘಣಿ ಕೆಲೆಲಿ ಆಸಾ. 

कार्कळ: आर्.ऎस्.बि कॊंकणि भोलिंतु° बहु निरीक्षित चलनचित्र "अम्चॆ संसार” वगीच तुमगॆलॆ लागिचॆ सिनॆमा गृहांत प्रदर्शन जावचॆ° आसा. संपूर्ण सांसारिक चित्र जावनु आसचॆ° हॆ° एक संसाराoत चलचॆ सुख दु:ख सुंदर तरान दाकॊवचॆ° प्रयत्न करता. दैव-देवाचॆरि खूब नंबिका आसचॆ शेतगार कुटुंबाचि काणि ‘अम्चॆसंसार्’ सिनॆमाचि जावनु आसा. ऎक संसार मेळनु आसल्यारि मॆळचॊ संतोस मुकावयलॆ पिळगिक दाकॊवचॆ° ह्या सिनॆमाचॆ उद्धेश जावनु आसा. 
कार्कळचॆ संदीप कामत् हांनि° ह्या चलनचित्राक कथा, चित्रकथा निर्देशन  करनु सिनॆमा क्षेत्राक पावल° दवरलॆलॆ° आसा. भुवनेश प्रभु हिरेबॆट्टु हांनि° छायाग्राहण, प्रज्वल सुवर्ण छायाग्रहण/संकलन हाजि जबाबदारि निर्वहण कॆल्या. कार्तिक मुल्कि हांनि° संगीत दिला°. यक्षगानाचि नावादीक वनिता भागवत काव्यश्री आजेरु आनी पल्लवि प्रभु मंगळूरु हांनि° पद° गायल्यांति. विजय नायक, रोहन नायक, भव्य प्रभु, पांडुरoग प्रभु पर्कळ, पूर्णिमा सुरेश्, पुंडलीक माराठॆ, सुमति कामत्, सदानंद नायक्, कुसुम कामत्, श्रीकांत नायक, अजॆकारु, सुधीर्, मास्टर् स्वस्तिक्, मास्टर् सार्थ्विक्, बेबि सुहानि आनी हेरानि मुख्य भूमिका कॆलॆलि आसा. हॆ° सिनॆमा अक्टोबर् म्हयन्यांतु° लोकार्पण जाता आनी हाक सर्व कॊंकणि समाज बांधवानि संपूर्ण सहकार दीवका म्हणु निर्देशक संदीप कामत हांनि° माघणि कॆलॆलि आसा. 

ಶ್ರೀಮದ್ ಸಂಯಮೀoದ್ರ ಸ್ವಾಮೆಲಿ ಕಾರ್ಕಾಳ ಭೇಟಿ
ಉಡುಪಿ ಜಲ್ಲೆಚೆ ಶಹರ ಕಾರ್ಕಳ ಇತಿಹಾಸಿಕ ಆನಿ ಸಾಂಸ್ಕೃತಿಕ ಕೇಂದ್ರ ಜಾವನು ಆಸ್ಸ. ಹಾಂಗಾಚೆ ಶ್ರೀ ವೆಂಕರಮಣ ದೇವಸ್ಥಾನ ಮಸ್ತ ಇತಿಹಾಸು ಆಸ್ಸ ಆನಿ ಹೆ^o ಎಕ ಪ್ರಾಚೀನ ದೇವಸ್ಥಾನ. ಹೇ ದೇವಳಾಕ ಚಡ ಊಣೆ 600 ವರಸಾಚೆ ಇತಿಹಾಸು ಆಸ್ಸ.
ಸುಮಾರ ವರಸ ಗೋವಾಂತು ಆಸ್ಸಲೆ ಗೌಡ ಸಾರಸ್ವತ ಬ್ರಾಹ್ಮಣ ವಿಂಗಡ ವಿಂಗಡ ಕಾರಣಾಂಕ ತಾಂಗೆಲೆ ಮೂಲ ನಿವಾಸ ಸೋಣು ಕಾರ್ಕಳಾಂತು ಯೆವನು ರಾಬಿಲೆ. ತಾಂಗೆಲೆ ಧಾರ್ಮಿಕ ಸಾಂಸ್ಕೃತಿಕ ಆನಿ ಸಾಮಾಜಿಕ ಉನ್ನತಿ ಸಾಧನೆಂಕ ಹಾಂಗಾ ಸಾನಾಚಿ ಏಕ ಗುಡಿ ಬಾಂದೂನು, ತಾಂತೂಚಿ ಶ್ರೀ ವೆಂಕಟರಮಣ ದೇವಾ ಪ್ರತಿಷ್ಟಾಪನ ಕರನು ಆರಾಧನಾ ಕರತಾ ಆಶಿಲೆ. ಆಜೀ ದೇವಳ ಅಭಿವೃದ್ದಿ ಜಾವನು ಪಡು ತಿರುಪತಿ ಕ್ಷೇತ್ರ ಮ್ಹಣು ಪ್ರಖ್ಯಾತಿ ಗೆತಲಾ ಆನಿ ಮಸ್ತ ಭಜಕ ವೃಂಧಾoಕ ಆನಿ ಸುತ್ತ ಘರವೃಂದ ಯೆವನು ನಂವೋಚ ಏಕ ಗಾಂವೂಚಿ ಸೃಷ್ಟಿ ಜಾಲಾ.
ಫುಡೆ ಪಾಂಡ್ಯ ನಗರಿ ಮ್ಹಣು ಆಪಯತಾ ಆಶಿಲೆ ಹಿರಿಯಂಗಡಿ ಪೆಂಟಾ ದಾಕುನು  ಕಾರ್ಕಳ - ಕಳಸ ರಾಯು ಆಳ್ವಿಕೆ  ಕರತಾಲೊ. ವಿಜಯ ನಗರಾಚೆ ಮಹಾ ಮಂಡಲೆಶ್ವರು ಜಾವನು ಆಶಿಲೊ ಬೈರರಸಾನ ಆಮಗೆಲೆ ವಯರಿ ಅನುಕಂಪ ದವರನು ಹೇ ದೇವಸ್ಥಾನ ಬಾಂದೂಕ ಆಮಕಾ ಅನುಕೂಲ ಕರನು ದಿಲೆ. ತೋ ಜೈನ ಮತಾವಲಂಬಿ ಜಾಲ್ಯಾರಿ, ಗೋವಾಂತು ಪೋರ್ಚುಗೀಸಾಲೆ ಅತ್ಯಾಚಾರು, ಬಲವಂತಾಚೆ ಮತಾಂತರಾ ದಾಕೂನು ಚೂಕುನು ತ್ಹಂಯ ದಾಕೂನ ದ್ಹಾವನು ಆಯಿಲೆ  ಸಾರಸ್ವತ ಬ್ರಾಹ್ಮಣಾಂಕ ಕಾರ್ಕಳ - ವರಂಗ - ಬಾರ್ಕೂರು ಮಾರ್ಗಾಂತು ಏಕು ಗುಡ್ಡ ಪ್ರದೇಶು ದೀವನು ಹೆ^o ದೇವಳ  ಕರುಂಕ ಸಹಾಯ ಕೆಲ್ಲೊ.
     ಸೋಮ ಶರ್ಮ ಮ್ಹಳೆಲೆ ಪ್ರಸಿದ್ದ ವಿದ್ವಾಂಸು ತಿರುಪತಿ ಯಾತ್ರೆ ವಚ್ಚೂನು ವಾಪಾಸ ತ್ಹಂಯ ದಾಕ್ಕುನು ಅನುಗ್ರಹ ಜಾಲ್ಲೆಲೆ ಶ್ರೀ ದೇವಿ ಭೂದೇವಿ ಯುಕ್ತ ವೆಂಟರಮಣ  ವಿಗ್ರಹ ಗೆವನು ಕಾರ್ಕಳಾಕ ಆಯಿಲೊ. ಹಾಂಗಾ ಸೊಹಿರೆ ಪ್ರಭುಲೆ ಘರಕಡೆ ತೊ ರಾಬಲೊ. ಉಪರಾಂತ ತಾನ್ನಿ ದೊಗ್ಗಾನಯಿ ಹಾಂಗಾ ತೀ ಮೂರ್ತಿ ಪ್ರತಿಷ್ಠಾಪನ ಕೆಲ್ಲಿ ಮ್ಹಣು ದಾಖಲೊ ಆಸಾ. ಗುಡಿ ಬಾಂದೂಚೆ ಫುಡೆ ಥೊಡೆ ಕಾಳ ದೇವು ಏಕ ಸಾನ ಚಪ್ಪರಾಂತು ಸ್ತಾಪನಾ ಜಾವನು ಪೂಜಾ ಘೆತಾ ಶಿಲೆ ನಿಮಿತ ಸಪ್ಪರ ಶ್ರೀನಿವಾಸ ಮ್ಹಣುಯೀ ವಳಕತಾ. ಹಾಂಗಾ ಮಾಧ್ವ ಸಂಪ್ರದಾಯಾಚೆ ದೇವಸ್ಥಾನಚಿ ನಾಂತಿಲೆ ಸಂದoರ್ಭಾರಿ ಹೇ ದೇವಸ್ಥಾನ ಸ್ಥಾಪನಾ ಜಾವನು 25/4/1537 ಕ ಹೇ ದೇವಳಾಚೆ ಮೂಲ ಪ್ರತಿಷ್ಟಾ ಜಾಲ್ಲೆ. (ಶಾಲಿವಾಹನ ಶಕ 145ಂ ಹೇವಿಳಂಬಿ ಸಂವತ್ಸರಾಚೆ ವೈಶಾಖ ಶುದ್ಧ 15 ಪೌರ್ಣಮಿ ಬುಧವಾರ) ತೋ ಸ್ವತಃ ಜೈನ ಮಠಾಚೊ ಜಾಲ್ಲೆರಿ, ಬೈರರಸಾನ ದೇವಳ ನಿರ್ಮಾಣಾಂಕ  ಸಹಾಯ ಕೆಲ್ಲೆ ಮ್ಹಣು ಹಾಂಗಾಚೆ ಇತಿಹಾಸ ಸಾಂಗತಾ. ಪೆಂಟೆಚೆ ಸಮಸ್ತ ಜನಾಲೊ ದೇವು ಜಾವನು ಆಶಿಲೆ ವೆಂಕಟರಮಣ ದೇವಸ್ಥಾನ ಆಜೀ ಹಾಂಗಾಚೆ ಏಕ ಪ್ರಸಿದ್ಧ ದೇವಸ್ಥಾನ ಜಾವನು ಅಭೀವೃದ್ದಿ ಜಾಲಾ. ಹಾಂಗಾಚೆ ಪೆಂಟೆಚೆ ಭಕ್ತಾಲೆ ಶ್ರಧ್ದಾ ಭಕ್ತಿನ 2016ತು^o ಹೇ ದೇವಸ್ಥಾನ ಪುನರ್ ಪ್ರತಿಷ್ಟಾ ಜಾಲೆ. ತೆದನಾ ಶ್ರೀಮದ್ ಕಾಶಿ ಮಠಾಚೆ ಪರಮ ಪೂಜ್ಯ ಗುರುವರ್ಯ ಶ್ರೀ ಸಂಯಮೀoದ್ರ ಸ್ವಾಮೇಲೆ ದಿವ್ಯ ಉಪಸ್ಥಿತಿ ಹಾಂಗಾ ಆಶಿಲಿ. 
ಕಾರ್ಕಳಾಂತು ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಮುಕಾರ  ಪ್ರಸಿದ್ಧ ಶ್ರೀ ಹನುಮಂತ ದೇವಸ್ಥಾನಯಿ ಆಸ. ಹಾಕಾ ಲಾಗೂನು ಶ್ರೀ ಕಾಶಿ ಮಠಾಚೆ ಏಕ ಶಾಖೋಯಿ ಹಾಂಗಾ ದೇವಸ್ಥಾನಾ ದಾಕೂನು ತಳಯಿಕ ವಚೆ ವಾಟೇರಿ ಆಸ. ಕಾರ್ಕಳಾಚೆ ಶ್ರೀ ಕಾಶಿಮಠಾಕ ಸುಮಾರ ಶಂಬರಿ ವರಸಾಚೆ ಇತಿಹಾಸ ಆಸ. ವೆಂಕಟರಮಣ ದೇವಸ್ಥಾನಾಚೆ ಜೀರ್ಣೋದ್ಧಾರ ಕಾಮ 2015ತು^o ಜಾತಾ ಆಸತಾನಾ ಭಜಕಾಂಕ ಹೋ ಕಾಶೀ ಮಾಠಾಚೊಯೀ ಜೀರ್ಣೋದ್ಧಾರ ಕರಕಾ ಮ್ಹಣು ಮನಾಕ ದಿಸಲೆ^o. ಪರಮ ಪೂಜ್ಯಾ ಗುರುವರ್ಯ ಶ್ರೀ ಸುಧೀಂದ್ರ ತೀರ್ಥ ಸ್ವಾಮ್ಯಾಲೆ ಅನುಮತಿ ಘೆವ್ನ ಹೇ ಮಠಾಚೆ ಜೀರ್ಣೋದ್ಧಾರ ಕಾಮ ಸ್ವಾಮ್ಯಾಲೆ ಪಟ್ಟ ಶಿಷ್ಯ ಶ್ರೀಮತ್ ಸಂಯಮೀoದ್ರ ಸ್ವಾಮ್ಯಾಲೆ ಉಪಸ್ಥಿತಿಂತು 2 ಆಗಸ್ಟ್ 2015ಕ ಸಂಪನ್ನ ಜಾವನು. ಮಾರ್ಚ್ 28, 2016ತುಂ ದೇವಸ್ಥಾನಾಚೆ ಕುಂಬಾಭಿಷೇಕಾಚೆ ಫುಡೆ ಮಠಾಚೆ ಕಾಮ ಪೂರ್ಣ ಜಾವನು ಪೂಜ್ಯ ಗುರುವರ್ಯಾಲೆ^o ವಾಸ್ತವ್ಯ ಸದಾನ ಹೇ ಮಠಾಂತೂಚೀ ಜಾಲ್ಲೆಲೆ ಆಸ್ಸ. ತಾಜೆ ನಂತರ 2017ತು^o ಪೂಜ್ಯ ಗುರುವರ್ಯ ಹಾಂಗ ಆಯಿಲೆ, ಜಾಲ್ಯಾರಿ ಸುಮಾರ 4 ವರ್ಷ ದಾಕೂನು ಪೂಜ್ಯ ಗುರುವರ್ಯ ಶ್ರೀಮತ್ ಸಂಯಮೀoದ್ರ ತೀರ್ಥ ಸ್ವಾಮೆ ಕಾರ್ಕಾಳಾಕ ಮಸ್ತ ದಿಸಾಚೆ ವಾಸ್ತವ್ಯಕ ಯೇನಿ ಆಶಿಲೆ.
ಭಜಕಾಲೆ ಆನಿ ಶ್ರೀ ದೇವಳಾಚೆ ಆಮಂತ್ರಣ ಪ್ರಕಾರ ಪಯರಿ 22.6.2021ಕ ಸಾಂಜವೇಳಾ 6 ಗಂಟೆಕ ಸೋಮೆಶ್ವರ ಮೊಕ್ಕಾo ದಾಕೂನು ಪೂಜ್ಯ ಗುರುವರ್ಯ 7 ದಿಚಸಾಚೆ ವಾಸ್ತವ್ಯಕ ಕಾರ್ಕಳಾಕ ಯೇವನು ಪಾವಲಿಂತಿ.  ಪ್ರಥಮ ಜಾವನು ಗುರುವರ್ಯ ಶ್ರೀ ವೆಂಕಟರಮಣ ದೇವಸ್ಥಾನಾಂಕ ಭೇಟಿ ದಿಲ್ಲೆ. ತ್ಹಂಯಿ ದೇವಳಾಚೆ ಒಂದನೇ ಮೊಕ್ತೇಸ್ವರ ಜಾವನು ಆಶಿಲೆ ಜಯರಾಮ ಪ್ರಭು ಮಾಮಾನ ಸ್ವಾಗತ ಕರನು ದೇವಸ್ಥಾನಾಂತೂ ಸ್ವಾಮ್ಯಾಲೆ ಪಾದಪೂಜಾ ಕೆಲಿ.  ನಂತರ ಶ್ರೀ ಗುರುವರ್ಯ ವಾಸ್ತವ್ಯಾಕ ಶ್ರೀ ಕಾಶೀಮಠಾಕ ಆಯಲಿಂತಿ. ಪ್ರತಿ ನಿತ್ಯ ಸಕಾಳಿ ಆನಿ ಸಾಂಜವೇಳಾ ವಿವಿಧ ಮಂಡಳಿಚೆ ಸಂದರ ಭಜನಾ ಕಾರ್ಯಕ್ರಮ ಸಂಪನ್ನ ಜಾಲೆ. ನಂತರ ಪೂಜ್ಯ ಗುರುವರ್ಯಾನ ತಾಂಗೆಲೊ ದೇವು ವೇದವ್ಯಾಸಾಕ ತ್ರಿಕಾಲ ಪೂಜಾ, ಭಿಕ್ಷೆ ಆನಿ ಭಕಾಂಕ ಕೋವಿಡ್ ನಿಯಮಾಚೆ ಪಾಲನ ಕರನು ಪಾದಪೂಜಾ ಕೆಲ್ಲೆಲಾಂಕ ಫಲಮಂತ್ರಾಕ್ಷ ಪ್ರಧಾನ ಕೆಲ್ಲೆ.
ಸ್ವಾಮೆಲೆ ಉಪಸ್ಥಿತಿಂತೂ ಪ್ರತಿನಿತ್ಯ ಸಮಾಜಾಚೆ ಆನಿ ಲೋಕ ಕಲ್ಯಾಣಾರ್ಥ ಲಘು ವಿಷ್ಣು ಅಭಿಷೇಕ, ಶ್ರೀ ಸುಧರ್ಶನ ಹೋಮ, ಧನ್ವಂತರಿ ಹೋಮ, ಲಕ್ಷಿö್ಮ ನಾರಾಯಣ ಹೃದಯ ಹವನ, ಅಭಿಷೇಕು ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಆಯೋಜನ ಜಾಲೆಂ. 28/6/2021ಕ ಪೂಜ್ಯ ಗುರುವರ್ಯಾಲೆ ಅನುಗ್ರಹ ಪ್ರವಚನಯೀ ಭಕ್ತಾಂಕ ಜಾಲ್ಲೆ. ಆಮಗೆಲಿ ಸಂಸ್ಕೃತಿ ವರೋಚಾಕ ತಾನ್ನಿ ಸರ್ವಾಂಕ ಮಾರ್ಗದರ್ಶನ ಕೆಲೆಂ. ಸೋಮವಾರ 29/06/2021 ಸಾಂಜೆರಿ ಹಾಂಗಾ ದಾಕೂನ ಪೂಜ್ಯ ಗುರುವರ್ಯ ಕೋಟೇಶ್ವರ ಮೊಕ್ಕಾಂಕ ಚಮಕಲಿಂತಿ. ಆಶಿಂ 7 ದಿವಸು  ಬಾರೀ ವಿಜೃಂಭಣೇರಿ ಆನಿ ವೈಭವಾರಿ ಹಾಂಗಾಚೆ ವಿವಿಧ ಕಾರ್ಯಕ್ರಮ ಸಂಪನ್ನ ಜಾಲ್ಲೊ. ಭಜಕಾಲೆ ಮಸ್ತ ದಿಸಾಚೆ ಅಪೇಕ್ಷೆ ಪ್ರಕಾರ ಪೂಜ್ಯ ಗುರುವರ್ಯಾನ ಹಾಂಗಾ 7 ದೀವಸು ಮೊಕ್ಕಾಂ ಕರನು ಸಕ್ಕಡ ಭಕ್ತವೃಂದ ಪರಿಪೂರ್ಣ ಅನುಗ್ರಹ ಕರನು ಚಮಕಲೆ ಮ್ಹಳೆಲೊ ಹೋ ಅಭೂತ ಪೂರ್ವ ಅನುಭವ ಆಮಕಾ ಮೆಳೊ.
ಪೂಜ್ಯ ಕಾಶೀ ಮಠಾದೀಶ 2/8/2016 ಕ ಶ್ರೀ ಕಾಶೀ ಮಾಚೆ 21 ನೇ ಯತಿವರ್ಯ ಜಾವನು ಪೀಠಾರೋಹಣ ಕೆಲ್ಲೆಲೆ ಆಮಗೆಲೆ ಗೌರವಾದಾರಾಕ ಪಾತ್ರ ಜಾಲ್ಲೆಲೆ ಪೂಜ್ಯ ಗುರುವರ್ಯ ಸಾತ ದಿಸಾಚಿ ಹಾಂಗೆಲಿ ಉಪಸ್ಥಿತಿ ಸಗಳೆ ಪೆಂಟೆoತು ಏಕ ನವೀನ ವಿದ್ಯುತ ಸಂಚಾರ ಮ್ಹಣಕೆೆ ಜಾಲೆ^o. ಭಜಕಾಂಕ ತಾಂಗೆಲೆ ಜೀವನಾಂತು^o ಸ್ವಾಮೇಂಕ ಮೆಳನು ಧನ್ಯ ಜಾಲೆ ಮ್ಹಳೆಲೆ ಪವಿತ್ರ ಭಾವನ ಯೆವಚೆ ತಶಿಂ ಜಾಲಾ^o ಮ್ಹಳೇರಿ ತಾಂತೂ ಕಾಂಯೀ ಅತಿಶಯೋಕ್ತಿ ನಾ ಮ್ಹಣು ದೈರ್ಯಾನ ಆಮಿ ಸಾಂಗಯೆತ. 
-    ವೆಂಕಟೇಶ ಹೆಗ್ಡೆ, ಕಾರ್ಕಳ