Mumbai (40)
ಸೆ. 19 - 25 ಕವಳೆ ಮಠ ಶಾಖಾ, ವಾಲಕೇಶ್ವರ, ಶ್ರೀ ಗಣೇಶೋತ್ಸವ
Written by Editor
ಮುಂಬಯಿ: ಹಾಂಗಾಚೆ ಬಾಣಗಂಗಾಚೆ ವಾಲಕೇಶ್ವರ ಕವಳೆ ಮಠ ಶಾಖೆಚೆ ಕಾಳಿಕಾ ಮಾತಾ - ಶಾಂತಾದುರ್ಗಾ ದೇವಳಾಂತು° ಹ್ಯಾ ವರಸಾಚೆ (2023) ಶ್ರೀ ಗಣೇಶೋತ್ಸವ 19 ದಾಕೂನ 25 ತಾಂಯ ಆಚರಣ ಜಾತಾ. ಪರಮಪೂಜ್ಯ ಕವಳೆ ಮಠಾಧೀಶ ಹಾಂಗೆಲಿ ಆಜ್ಞಾ ಆನಿ ಆಶೀರ್ವಾದಾನ ಚಲಚೆ ಹ್ಯಾ ಉತ್ಸವಾಂತ ಗಣೇಶ ಚತುರ್ಥಿ ಸೆ. 19ಕ ಗಣೇಶೋತ್ಸವ ಶುರು ಜಾತಾ. ದೇವಿ ಶಾಂತಾದುರ್ಗಾ ಸಾನಿಧ್ಯಾನಾಂತು° ಮಠಾಚೆ ಸಂಕೀರ್ಣಾοತ ವಿವಿಧ ಪೂಜಾ, ಅನುಷ್ಠಾನ, ನೈವೇದ್ಯ ಚಲತಾತಿ. ಸಕಾಳಿ ಗಣಹೋಮ, ಅಥರ್ವಶೀರ್ಷ ಪಠಣ, ದೋನಪಾರಾ ಮೂಢ ಗಣಪತಿ ಸೇವಾ, ಮಹಾಪೂಜಾ ಚಲತಾತಿ. ಭೋಜನ ಪ್ರಸಾದ ಜಾವಚೊ ಆಸಾ. ಸಾಂಜವೇಳಾ ರಂಗ ಪೂಜಾ, ಪುಷ್ಪ ಪೂಜಾ, ರಾತಿ ಪೂಜಾ ಚಲತಾತಿ. ಹರ ದೀವಸ ದೇವಾಲೆ ಮುಕಾರಿ ಭಜನಾ, ಗಾಯನ, ನೃತ್ಯ ಆನಿ ವಿವಿಧ ವಿನೋದಾವಳಿ ಕಾರ್ಯಕ್ರಮ ಚಲಚೊ ಆಸಾ. ಮೂಲ ಕವಳೆ ಮಠ, ಗೋವಾ ದಾಕೂನ ಆಯಿಲೆ ಅನುಭವಿ ವೈದಿಕ ಶ್ರೇಷ್ಠಾಲೆ ಮಾರ್ಗದರ್ಶನಾರಿ ವಿವಿಧ ಧಾರ್ಮಿಕ ಕಾರ್ಯಕ್ರಮ, ವಿಧಿ ವಿಧಾನ°, ಅನುಷ್ಠಾನ° ಚಲಚೆ ಆಸಾ. 7 ದಿವಸಾಚೆ ಉತ್ಸವಾಚೆ ಸಮಿತಿಂತು° ಪ್ರಮೋದ್ ಗಾಯತೊಂಡೆ, ಚಿಂತಾಮಣಿ ನಾಡಕರ್ಣಿ, ಸುಧೀರ್ ಫಡನ್ವಿಸ್, ತೋನ್ಸೆ ವೆಂಕಟೇಶ್ ಶೆಣೈ, ಕಿರಣ್ ವೈದ್ಯ, ಅನಂತ್ ಎಸ್. ಪೈ ಆಸಾತಿ. ತಶಿಂಚಿ ಬೆಂಗಳೂರ ದಾಕೂನ ವಿಶೇಷ ಜಾವನು ಯೆವಚೆ ಪ್ರಶಾಂತ್ ಶೆಣೈ, ಸಮೀರ್ ನಾಡಕರ್ಣಿ, ವಿಜಯ್ ಹುಂಸವಾಡ್ಕರ, ಪ್ರಸಾದ್ ಮಜುಂದಾರ್, ದಯಾನಂದ್ ಗಾಯತೊಂಡೆ, ಮಂದಾರ್ ಸರಾಫ್ ಸಕ್ರೀಯ ಆಸತಾತಿ. ಮುಂಬಯಿ ಮಹಾನಗರ, ಉಪನಗರಾಚೆ ಸಂಘ ಸಂಸ್ಥೆಚೆ ಪ್ರತಿನಿಧಿ ಆನಿ ಸ್ವಯಂಸೇವಕಾοಕಾಯಿ ಆಮಂತ್ರಣ ಗೆಲಾ°. ಸೆ. 25 ಕ ಸೋಮವಾರ ಸಾಂಜವೇಳಾ ಗಣಪತಿಲಿ ಮೂರ್ತಿ ಬಾಣಗಂಗಾ ತಳೆಂತು° ಜಲಸ್ಥಂಬನ ಕರತಾತಿ ಮ್ಹಣು ಮಠಾಚೆ ಸ್ಥಳೀಯ ಸಮಿತಿ ಸಾಂದೊ ಆನಿ ವಕ್ತಾರ ಕಮಲಾಕ್ಷ ಸರಾಫ್ ಹಾಂನಿ° ಕಳಯಲಾ°.
ಮುಂಬಯಿ: ಹಾಂಗಾಚೆ ಬಾಣಗಂಗಾ ಪರಿಸರಾಚೆ ವಾಲಕೇಶ್ವರ ಶ್ರೀ ಗೌಡಪಾದಾಚಾರ್ಯ ಕೈವಲ್ಯ ಮಠಾಚೆ ಶಾಖಾ ಮಠಾಚೆ ಕಾಳಿಕಾ ಮಾತಾ - ಶಾಂತಾದುರ್ಗಾ ದೇವಳಾಂತು° ಶ್ರಾವಣ ಶುಕ್ಲ ಪಂಚಮಿ ದೀವಸು ಅ. 21ಕ ನಾಗರಪಂಚಮಿ ಪ್ರಯುಕ್ತ "ಮಹಾಪಂಚಮಿ" ಆಚರಣ ಜಾಲೆ°. ಗೋಂಯಚೆ ಶ್ರೀ ಮಹಾಲಕ್ಷ್ಮಿ ದೇವಳಾಂತು° ಶೋಭಕೃತ ಸಂವತ್ಸರಾಚೆ (2023) ಚಾತುರ್ಮಾಸ್ಯ ವ್ರತ ಆಚರಣ ಕರತ ಆಸಚೆ ಪರಮಪೂಜ್ಯ ಕೈವಲ್ಯ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೀಜಿ ಹಾಂಗೆಲೆ ಆದೇಶಾಚೆ ಪ್ರಮಾಣೆ ಹೆ° ಜಾಲೆ°.
ಸಕಾಳಿ ದೇವತಾ ಪ್ರಾರ್ಥನೆಚೆ ಸಾಂಗತ ಶುರು ಜಾವನು ಚಂಡಿಕಾ ಹವನ ಜಾತರಿ ದೋನಪಾರಾ 12.30 ಕ ಪೂರ್ಣಾಹುತಿ ಸಾಂಗತ ಸಂಪನ್ನ ಜಾಲೆ°. ಉಪರಾಂತ ವೇದಘೋಷ, ನಾಮ ಘೋಷ, ಭಜನಾ, ಸಂಕೀರ್ತನಾ ಸಹಿತ ದೇವಾಲಿಒ ಪೂಜಾ ಚಲಿ. ತ್ಯಾ ನಂತರ ಶ್ರೀ ಶಾಂತಾದುರ್ಗಾ ದೇವಿ ಆನಿ ಚಂಡಿಕಾ ದೇವಿಕ ಮಹಾಮಂಗಳಾರತಿ ಅರ್ಪಣ ಜಾಲಿ. ಸಮಾಜ ಬಾಂಧವಾοಕ ಆನಿ ಸೇವಾದಾರಾಂಕ ತೀರ್ಥ ಪ್ರಸಾದ ಆನಿ ಪ್ರಸಾದಭೋಜನ ವಾಡಚೆ° ಜಾಲೆ°. ದೀಸ ಭರ ಸಮಾಜಾಚೆ ಸುವಾಸಿನಿನಿ ಶ್ರೀ ದೇವಿಕ 'ಹೊಂಟಿ' ಭರಚೆ° ಜಾಲೆ°. ರಾತಿ ಪೂಜಾ ಜಾತರಿ ಭೋಜನ ಪ್ರಸಾದ ಆಶಿಲೊ. ಪ್ರಧಾನ ಅರ್ಚಕ ವೇದಮೂರ್ತಿ ಶಶಿಕಾಂತ ನಾಯಕ ಆನಿ ಹೇರಾನಿ ಪೂಜಾ ವಿಧಿ ಸಂಪನ್ನ ಕೆಲಿ. ಸಮಿತಿಚೆ ಸಾಂದೆ ಕಾರ್ಯದರ್ಶಿ ಪ್ರಮೋದ್ ಗಾಯತೊಂಡೆ, ಚಿಂತಾಮಣಿ ನಾಡಕರ್ಣಿ, ಕಿರಣ್ ವೈದ್ಯ, ಸಮೀರ್ ನಾಡಕರ್ಣಿ ಉಪಸ್ಥಿತ ಆಶಿಲೆ. ಸ್ವಯಂಸೇವಕ ಜಾವನು ವಿಜಯ್ ಹಂಸ್ವಾಡ್ಕರ್, ಪ್ರಸಾದ್ ಮೂಜುಂದಾರ, ಅನಂತ್ ಎಸ್. ಪೈ ಹಾಂನಿ° ಸಹಕಾರ ದಿಲೊ. ಸಾರಸ್ವತ ಬ್ಯಾಂಕಾಚೊ ನಿರ್ದೇಶಕ ಕಿಶೋರ್ ರೆಂಗ್ಣೆಕರ್ ಆನಿ ಹೇರ ಉಪಸ್ಥಿತ ಆಸೂನ ಪ್ರಸಾದ ಸ್ವೀಕಾರ ಕೆಲೊ. ಮ್ಹಣು ವಕ್ತಾರ ಕಮಲಾಕ್ಷ ಸರಾಫ್ ಹಾಂನಿ° ಕಳಯಲಾ°.
ಹಾಸ್ಯ ಪ್ರಧಾನ ಕೊಂಕಣಿ ಸಂಗೀತ ನಾಟಕ 'ಲಗ್ನಾ ಪಿಶೆ°' ಮೂಹೂರ್ತ
Written by Editor
ಮುಂಬಯಿ: ಉತ್ತರ ಕನ್ನಡ ಜಿಲ್ಲೆಚೆ ಹೊನ್ನಾವರ ತಾಲೂಕು ಕಾಸರಕೋಡು ಗಾಂವಚೆ ಬಿಂದುಮಾಧವ ದೇವಸ್ಥಾನ ಮೂಳಾಚೆ ಅನುಭವಸ್ಥ ನಾಟಕಕಾರ ಬಾಲಕೃಷ್ಣ ಪುರಾಣಿಕ ವಿರಚಿತ ಹಾಸ್ಯ ಪ್ರಧಾನ ಕೊಂಕಣಿ ಸಂಗೀತ ನಾಟಕ 'ಲಗ್ನಾ ಪಿಶೆ°', ಲಿಮ್ಕಾ ದಾಖಲೊ ಖ್ಯಾತಿಚೊ ದಿಗದರ್ಶಕ ಡಾ. ಚಂದ್ರಶೇಖರ್ ಶೆಣೈ ಹಾಂಗೆಲೆ ನಿರ್ದೇಶನಾರ ಆರತಾ° ಸ್ಥಾಪನಾ ಜಾಲೆಲೆ 'ಆಮ್ಮಿ ರಂಗಕರ್ಮಿ' ಕೊಂಕಣಿ ನಾಟಕ ಆನಿ ಸಾಂಸ್ಕೃತಿಕ ಕಲಾ ಸಂಸ್ಥೊ ಪ್ರಸ್ತುತ ಕರತಾ. ಹ್ಯಾ ನಾಟಕಾಚೊ ಮೂಹೂರ್ತ ಆರತಾ° ಮುಂಬೈ ದಾದರ್ (ಪೂರ್ವ) ಹಾಂಗಾ ಸಂಸ್ಥೆಚೆ ವಿಶ್ವಸ್ಥಾಲೆ ದಫ್ತರಾಮತು° ವಿಶ್ವಸ್ಥ ಉದ್ಯಮಿ ಎನ್.ಎಸ್.ಕಾಮತ್, ನಾಟಕಕಾರ ಡಾ. ಚಂದ್ರಶೇಖರ್ ಶೆಣೈ, ರಂಗನಟ, ಯಕ್ಷಗಾನ ಕಲಾವಿದ ತೋನ್ಸೆ ವೆಂಕಟೇಶ್ ಶೆಣೈ ಆನಿ ಕೊಂಕಣಿ- ಕನ್ನಡ ಹಾಸ್ಯ ರಂಗನಟ, ಕನ್ನಡಿಗ ಕಲಾವಿದರ ಪರಿಷತ್ತ ಹಾಜೊ ಉಪಾಧ್ಯಕ್ಷ ಕಮಲಾಕ್ಷ ಸರಾಫ್ ಹಾಂಗೆಲೆ ಉಪಸ್ಥಿತಿರಿ ಜುಲೈ 22ಕ ಚಲೆ°.
'ಲಗ್ನಾ ಪಿಶೆ°' ಕೊಂಕಣಿ ನಾಟಕಾಚೆ ಪ್ರಧಾನ ಭೂಮಿಕೆಂತು° ಮ್ಹಾಲ್ಗಡೊ ರಂಗ ನಟ ಕಮಲಾಕ್ಷ ಸರಾಫ್, ಹಾಸ್ಯ ರಂಗ ಕಲಾವಿದ ಹರೀಶ್ ಚಂದಾವರ, ಕೊಂಕಣಿ ಮ್ಹಾಲ್ಗಡೊ ನಟ ತೋನ್ಸೆ ವೆಂಕಟೇಶ್ ಶೆಣೈ, ತರನಾಟೆ ಕಲಾವಿದ ಜಯೇಶ್ ಪ್ರಭು, ಅರ್ಚನಾ ಭಟ್, ವೈಷ್ಣವಿ ಪ್ರಭು ಆನಿ ಹೇರ ಅಭಿನಯ ಕರತಾತಿ. ಸರ್ವ ಕಲಾವಿದ ಆನಿ ಸಂಗೀತ ನಿರ್ದೇಶಕ ಕೃಷ್ಣ ಚಂಡಾವರ ಸುತಾ ಉಪಸ್ಥಿತ ಆಶಿಲೆ. ಸಾಬಾಋ ದೋನ ತಾಸ ಸುಮಧುರ ಆನಿ ಪ್ರಾಸಬದ್ಧ ಛಂದಸ್ಸ ಆಶಚೆ° ಗಾಯನ ಆಸೂನ ಪ್ರೇಕ್ಷಕ ಲೋಕಾಂಕ ಹಾಸಚೆ° ತಶಿ° ಕರಚೆ° 'ಲಗ್ನಾ ಪಿಶೆ°' ನಾಟಕಾಂಚೆ ಖೂಬ ಪ್ರದರ್ಶನ° 'ಆಮ್ಮೀ ರಂಗಕರ್ಮಿ' ಸಂಸ್ಥೊ ಮುಂಬಯಿ, ಉಪನಗರ, ಬೆಂಗಳೂರು, ಮೈಸೂರು, ಮಂಗಳೂರು, ಉತ್ತರಕನ್ನಡಾಚಿ ಕರಾವಳಿ ಆನಿ ಹೇರ ಪ್ರದೇಶಾಂತು° ಕರಚೆ° ಆಸಾ. ನಾಟಕಾಚೆ ಪಾರ್ಶ್ವ ಗಾಯಕ ಜಾವನು ಅಮಿತ್ ಸೌಕೂರು, ಶ್ಲೋಕಾ ಚಂದಾವರ್, ಚೈತ್ರ ನೀರೊಲಿ, ಅಮೇವ ನೆರೋಲಿ, ವಿವೇಕ ಕಾಯ್ಕಿಣಿ (ತಬಲಾ) ಆಸತಲೆ. ದ್ವನಿ ಮುದ್ರಣ ಶರದ್ ಶಿರಾಲಿ ಹಾಂನಿ° ಕೆಲೆಲೆಮ ಆಸಾ. ವೇಷಭೂಶ ಶಾಂತಾರಾಮ ಮಹಾಲೆ ಹಾಂಗೆಲೆ° ಜಾವನು ಆಸಾ. ಆವಾಜಾಚೆ ಸಂಯೋಜನಾ ಸಹಿತ ನಾಟಕ ಪ್ರದರ್ಶನಾಚೆ ಸಂಯೋಜನಾಚಿ ಜಬಾಬ್ದಾರಿ ವಿಶ್ವಸ್ಥ ಸುಧಾಕರ ಭಟ್, ಎನ್.ಎಸ್.ಕಾಮತ್, ವೆಂಕಟೇಶ್ ಶೆಣೈ ಆನಿ ಕಮಲಾಕ್ಷ ಸರಾಫ್ ಹಾಂಗೆಲಿ ಜಾವನು ಆಸಾ.
ಮುಂಬಯಿ: ಮಹಾರಾಷ್ಟ್ರಾಂತು° ಕನ್ನಡ ಭಾಷಾ ಸಹಿತ ಕರ್ನಾಟಕಾಚೆ ಹೇರ ಭಾಶಾ ಜಾವುನ ಆಸಚೆ ಕೊಂಕಣಿ, ತುಳು, ಕೊಡವ, ಬ್ಯಾರಿ ಆನಿ ಸಾಂಸ್ಕೃತೀಕ ಪ್ರಕಾರ ಜಾವನು ಆಸಚೆ ನಾಟಕ, ಯಕ್ಷಗಾನ, ನೃತ್ಯ, ಸಂಗೀತ ಆನಿ ಚಿತ್ರಕಲಾ ಹಾಜೆ ಪೋಷಣ ಕರ ಆಸಚೆ ಆನಿ ಸರ್ವ ಕಲಾ ಆನಿ ಸಾಂಸ್ಕೃತಿಕ ಸಂಸ್ಥೆοಚೆ ಕಲಾವಿದಾಂಚೊ ಮಾತೃ ಸಂಸ್ಥೊ 'ಕನ್ನಡಿಗ ಕಲಾವಿದರ ಪರಿಷತ್ತು ಮಹಾರಾಷ್ಟ್ರ (ರಿ), ಮುಂಬೈ, ಹಾಂಗೆಲೆ ಸದಸ್ಯಾಲೆ ಕಲಾ ಕೃತಿಂಚೆ ಮೋಕಳಿಕ ಆರತಾ° ಜೂನ್ 24ಕ ಮಾತುಂಗಾ, ಮುಂಬಯಿಚೆ, ಮೈಸೂರ್ ಅಸೋಸಿಯೇಷನ್ ಹಾಂಗಾ ಘಡಲೆ°. ಪರಿಷತ್ತಾಚೊ ಅಧ್ಯಕ್ಷ ಡಾಕ್ಟರ್ ಸುರೇಂದ್ರಕುಮಾರ್ ಹೆಗ್ಡೆ, ಪದಾಧಿಕಾರಿ ಆನಿ ಆಮಂತ್ರಿತ ಸೊಯ್ರೆನಿ ಮೇಳನು ದಿವೋ ಲಾವನು ಸಮಾರಂಭಾಚೆ ಉಗ್ತಾವಣ ಕೆಲೆ°. ಹ್ಯಾ ಸಣದರ್ಭಾರಿ ಕನ್ನಡ- ಕೊಂಕಣಿ ಹಾಸ್ಯ ನಟ ಕಮಲಾಕ್ಷ ಸರಾಫ್ ಹಾಂನಿ° ಕನ್ನಡ ಭಾಶೆಕ ಅಣಕಾರ ಕೆಲೆಲೆ° ಡಾಕ್ಟರ್ ಚಂದ್ರಶೇಖರ ಶೆಣೈ ಹಾಂಗೆಲೆ ಮರಾಠಿ ದಾಕೂನ ಕೊಂಕಣಿ ಭಾಶೆಕ ಅಣಕಾರ ಕೆಲೆಲೆ° 'ನಂದಾದೀಪ' ನಾಟಕಾಚೆ ಪುಸ್ತಕಾಚೆ ಮೋಕಳಿಕ ಜಾಲೆ°.
ಹ್ಯಾಚ ವೇಳಾರ ನಾವಾದೀಕ ಯಕ್ಷಗಾನ ಕಲಾಕಾರ ದಾಮೋದರ ಶೆಟ್ಟಿ ಇರುವೈಲು ಹಾಂನಿ° ರಚನ ಕೆಲೆಲೆ° 'ಪುರಾಣ ಪಾತ್ರ ಪ್ರದೀಪಿಕೆ' ಪುಸ್ತಕಾಚೆಯೀ ಉಗ್ತಾವಣ ಜಾಲೆ°. ಹ್ಯಾ ವೇಳಾರ ದೋಗ ಲೇಖಾಂಕಯಿ ಸನ್ಮಾನ ಚಲೊ. ಎನ್. ಎಸ್. ಕಾಮತ್, ಪ್ರದೀಪ್ ಚಂದನ್, ಪೋಲ್ಯ ಉಮೇಶ್ ಶೆಟ್ಟಿ, ಮಧುಸೂಧನ್ ಟಿ ಆರ್, ಎಂ.ನರೇοದ್ರ, ಡಾ. ಚಂದ್ರಶೇಖರ್ ಶೆಣೈ, ಡಾ. ಸುನೀತಾ ಶೆಟ್ಟಿ, ಶ್ರೀನಿವಾಸ್ ಸಾಫಲ್ಯ ಉಪಸ್ಥಿತ ಆಶಿಲೆ. ಪರಿಷತ್ತಾಚೆ ಕಲಾವಿದಾನಿ ಆಯೋಜನ ಕೆಲೆಲೆ° ಯಕ್ಷಗಾನ ತಾಳ ಮದ್ದಳೆ ಕಾರ್ಯಕ್ರಮ ಪ್ರಸಂಗ 'ಪಂಚವಟಿ' ಆನಿ 'ವಾಲಿ ಮೋಕ್ಷ' ಪ್ರದರ್ಶನ ಜಾಲೆ°. ವಾಸುದೇವ್ ಶೆಟ್ಟಿ, ಮಾರ್ನಾಡ್, ಜಿ ಟಿ ಆಚಾರ್ಯ, ಗೀತಾ ಭಟ್, ಆದ್ಯಪಾಡಿ, ಕೆ.ಕೆ. ಶೆಟ್ಟಿ, ದಾಮೋದರ ಶೆಟ್ಟಿ ಇರುವೈಲು ಆನಿ ಡಾಕ್ಟರ್ ಸುರೇಂದ್ರ ಕುಮಾರ್ ಹೆಗ್ಡೆ ಹಾಂನಿ° ಪಾತ್ರಧಾರಿ ಆಶಿಲೆ.
ಮುಂಬಯಿ: ಮಧುಸೂದನ ಕಾಲೇಲ್ಕರ್ ಹಾಂನಿ° ಮರಾಠಿ ಭಾಶಧೆನ ರಚನ ಕೆಲೆಲೆ° "ದೀವಾ ಜಳುದೇ ಸಾರಿ ರಾತ" ನಾಟಕಾಚೆ° ಕೊಂಕಣಿ ಆಣಕಾರ ಡಾ. ಚಂದ್ರಶೇಕರ ಶೆಣೈ ಹಾಂನಿ° ಕೆಲೆಲೆ°. ತಾಜೆ ಪನ್ನಾಸ ಪ್ರದರ್ಶನ ಜಾವನು ಲಿಮ್ಕಾ ಬುಕ್ ಆರ್ಫ ರೆಕಾರ್ಡಾಂತು° ಸ್ಥಾನ ಪಾವಿಲೆ° ಆಸಾ. ಆತ° ನಾವಾದೀಕ ಕೊಂಕಣಿ ಹಾಸ್ಯ ಕಲಾವಿದ ಕಮಲಾಕ್ಷ ಸರಾಫ ಹಾಂನಿ° ಹ್ಯಾ ನಾಟಕ ಕನ್ನಡ ಭಾಶೆಕ ಅಣಕಾರ ಕೆಲಾ°. ಹಾಜೆ° ಮೊಕಳಿಕ ಜೂನ್ 24ಕ ಮಾಟುಂಗಾಚೆ ಮೈಸೂರು ಅಸೋಸಿಯೆಶನ್ ಹಾಂಗಾ ಚಲಚೆ° ಆಸಾ.
ನಂದಾದೀಪ ಕೊಂಕಣಿ ನಾಟಕಾಚೆ° ನಿರ್ಮಾಣ ಮುಂಬಯಿಚೆ ಕಲಾ ಸಂಗಮ ಸಂಸ್ಥೆನ ಕರನು ಡಾ. ಚಂದ್ರಶೇಖರ ಶೆಣೈ ಹಾಂನಿ° ನಿದೇರ್ಶನ ಕರನು ದೇಶ ಭರ ಪನ್ನಾಸ ಪ್ರದರ್ಶನ ಕೆಲಾ°. 2009 ಇಸವಿಂತು° ಕೊಡಿಯಾಲಾಚೆ ಪುರಭವನಾಂತು° ಪನ್ನಾಸಾವೆ° ಪ್ರದರ್ಶನ ಕರನು ಲಿಮ್ಕಾ ಬುಕ್ ಆಫ್ ರೆಕಾರ್ಡ ಹಾಂತು° ಸ್ಥಾನ ಪಾವತಾನಾ ವಿಜಯಶ್ರೀ ಕಾಮತ್, ಆವಿನಾಶ ತ್ರಾಸಿ, ಕಮಲಾಕ್ಷ ಸರಾಫ್, ವೆಂಕಟೇಶ ಶೆಣೈ, ಅನುಪಮಾ ಶೆಣೈ, ಸುರೇಶ ಕಿಣಿ, ರೋಹಿಣಿ ಭಟ್, ಆನಂದ್ರಾಯ ಪ್ರಭು, ಶಾಂತರಾಮ ಮಹಾಲೆ, ನೇಹಾ ಜೋಶಿ, ಪ್ರಕಾಶ ಭಟ್, ರವೀಂದ್ರ ಪೈ ಹಾಂನಿ° ನಟನ ಕೆಲೆಲೆ° ಆಸಾ.
ಹ್ಯಾ ನಾಟಕಾಚೆ ಮಹತ್ವ, ಪೂರ್ಣ ಭಾವಾಂಶ ಮನಾಂತ ಘೆವನು ನಾವಾದೀಕ ಹಾಸ್ಯ ಕಲಾಕಾರ ಕಮಲಾಕ್ಷ ಸರಾಫ್ ಹಾಂನಿ° ಹ್ಯಾ ನಾಟಕಾಚೆ ಅಣಕಾರ ಕೊವಿಡ್ 19 ಲಾಕಡೌನಾ ವೇಳಾರ ಶುರು ಕೆಲೆಲೆ°. ಸರ್ವ ಸಮಾಜಾಚೆ ಆನಿ ಭಾಶೆಚೆ ಲೋಕಾಂಕ ಆಶ್ರಯ ದಿವಚೆ ಮುಂಬಯಿ ಶಹರಾಂತ ನಾಟಕ, ಯಕ್ಷಗಾನ, ನೃತ್ಯ, ಸಂಗೀತ ಆನಿ ಚಿತ್ರಕಲಾ ಅಶೆ° ಸರ್ವ ಕ್ಷೇತ್ರಾಂತು° ಕನ್ನಡ, ನಂತಾ° ಕೊಂಕಣಿ, ತುಳು, ಬ್ಯಾರಿ ಭಾಶೆಚೆ ಪ್ರತಿನಿಧಿ ಲೋಕ ತಾಂಗತಾοಗೆಲೆ ಕಲಾಕಾರಾಂಕ ಉಮೇದಿ ವಾಡೊಚೆ° ಕರತಾತಿ. ತಸಲೊ ಎಕ ಮನಿಸ್ ಡಾ. ಸುರೇಶಕುಮಾರ ಹೆಗ್ಡೆ ಹಾಂಗೆಲೆ ಮುಖೇಲಪಣಾರಿ ಕನ್ನಡ ಕಲಾವಿದಾಂಚೆ ಪರಿಷತ್ತು ಮಹಾರಾಷ್ಟ್ರಾ (ರಿ.) ಸಂಸ್ಥೆನ ತಾಂಗೆಲೊ ಉಪಾಧ್ಯಕ್ಷ ಕಮಲಾಕ್ಷ ಸರಾಫ್ ಹಾಂನಿ° ಅಣಕಾರ ಕೆಲೆಲೆ° 'ನಂದಾದೀಪ' ಪುಸ್ತಕಾಚೆ° ಮೊಕಳಿಕ ಜೂನ್ 24ಕ ಸಾಂಜವೇಳಾ 4.30ಕ ಮಾಟುಂಗಾಚೆ (ಪೂರ್ವ) ಹಾಂಗಾಚೆ ಮೈಸೂರು ಅಸೋಸಿಯೇಶನ್ ಸಂಕೀರ್ಣಾοತು° ಕರತಾ ಆಸಾತಿ.
ಮುಂಬಯಿ: ಶಂಬರ ವರಸಾಚೊ ಇತಿಹಾಸ ಆಸಚೊ ಸಂಸ್ಥೊ ಜಿ. ಎಸ್. ಬಿ. ಸ್ಕಾಲರಶಿಪ್ ಲೀಗ್ ಹಾಂನಿ ಪ್ರಧಾನ ಕರಚೆ ವಿದ್ಯಾರ್ಥಿ ವೇತನಾ ಬದಲ ಮಾಹಿತಿ ಫಾಯಸ ಕೆಲ್ಯಾ.
Dear Editor,
Since the Pandemic 2020, GSB Scholarship League has stopped issuing hard copies of Application forms to the poor and needy G S B students who want to apply for the annual scholarship amount.
All students whose names and mobile numbers are registered with the League will be sent a link on their mobile to get the online application forms in the month of August 2023
All instructions to fill up the form is given. PLEASE read the instructions carefully, fill up the form and SUBMIT.
Write your Bank details giving utmost importance to fill up correct details. All chosen students will get the scholarship amount through NEFT, in their bank accounts. About a fortnights time after the last date of submitting the application form, you can go through your bank statement and look for scholarship amount provided you are selected to get the scholarship for the year 2023-24.
No bank cheques will be issued.
Online applications are simple, applying is simple, minimum documents to be attached.
In spite of this if you need to ask some more details, please send e mails on This email address is being protected from spambots. You need JavaScript enabled to view it. All queries will be replied.
For the NEW students to get the Application form: Please send a request email on This email address is being protected from spambots. You need JavaScript enabled to view it. giving the student’s name, fathers name, surname, date of birth, Class studying at present, and ONLY ONE MOBILE NUMBER. You will get a link on your Mobile number you had given, within 5 to 7 days.
Last date for receiving application forms will be October 31st 2023. The server closes on that day. Late applications will be rejected by the server.
One more request with those who are doing their graduate studies.: Those who want to volunteer their services to needy school students, here is an opportunity!!!!!
School going students in small villages, whose parents are not tech savvy need this service. Help them to get online application forms, and also fill up the application forms.
Funds permitting League might support some post graduate applicants.
Gita R.Pai
Chairperson
GSB Scholarship League
ज्यून १०: दीस्पडतो ग्रास जोडुंक पर्गांवाक वचून सयत कोंकणी बावटो उभो करून कोंकणी वावर करून आयिल्ल्या, प्रत्येक जावन गलफांत जाल्ल्या कोंकणी वावराची एकामेका ओळोक करून दिंवच्या इराद्यान आशावादी प्रकाशनान सन्वारा, ज्यून १० तारिकेर एक डिजिटल परिसंवाद आसा केलें. अखील भारतीय कोंकणी परिशदेची आधली अध्यक्ष बाय उशा राणेन उग्तावण उलवपांत ’विदेशांत कोंकणी वावर केल्लो विवर कोंकणिंत एका पुसतकारुपार पर्गटून येवंक जाय आनी आमच्या लोकाक त्या वावराची माहेत मेळुंक जाय’ म्हणाली. मुखेल सयरो दो|आसटीन प्रभून आमी एका सांकळिच्या गांचिपरीं वेग-वेगळ्या लिपिच्यांनी सांगाता मेळून एका मनान कोंकणी वावर करुंक जाय म्हणालो. उत्तर कर्नाटकाचो नाम्नेचो तियात्रिसत स्याम्सन लोपेजान कोंकणी कांतारां, तियात्रां मुखांत्र कशें हेर प्रांत्याच्या कोंकणी लोकांक मेळुंक अपणाक आवकास लाभलो अशेंच जायतें कोंकणी तालेंत मुकार येवपाक आवकास करुंक असलीं वेबिनारां सकुंदीत म्हणालो. धेंपे कोलेजिच्या कोंकणी विभागाची मुखेसत बाय अंजू साखरदांडेन अपल्या उलवपांत बाब दामोदर मावजो, बाय हेमा नायक, बाब एडवीन जे.एफ.डी’सोज आनी हेरांच्या कादंबरेंनी गलफाचें जिवीत पिंत्रायिल्लें आमी अध्ययन करून आयल्यांव पूण पयलेपावटीं आमकां ही संधी मेळ्ळी - गलफांतल्या कोंकणी वावराविशीं समजुंक, असलीं कामां फुडेंय जावंक जाय म्हणाली.
परिसंवादाच्या पयल्या वांट्यांत स्मिता शेणय हिणें ’पर्गांवचो वावर अमोलीक, पूण आमी केदिंच त्या वावराक मोल दिल्लें ना, सामाजीक स्थितियंतरांत कोंकणी लोक भाशीक/धर्मीक बंधडेक लागून गोंयां सोडून लागशिल्या राज्यांनी वचून जियेवंक लागलो आनी तेदनां ताणीं तांच्या कुटमासवें फकत दोनांक अपणासवें व्हेलें; अपलो देव आनी अपली आवय भास. तितलेंच न्हय, अपल्या आवय भाशेचो मोग करून तिचो पोस सयत केलो’ म्हणाली. शैलेंद्र मेहतान सयऱ्यांची ओळोक करून दितच परिसंवादाची सुर्वात करून हेमाचाऱ्यन सत्तराव्या दाकड्याथावन मोटवी ओळोक करून दिवून उपरांत दायजिदुभाय संघटनाच्या वावराविशीं तांच्या दिश्टाव्याविशीं, तांच्या सुर्विल्ल्या वावरांत फूड करुंक मेळल्ल्या अडचणेविशीं सविसतार रितीन उलवन, आज कोंकणिंत दायजिदुभय एक व्हड रूक जावन मंगळुरांत सयत दायजिदुभाय संघटनाचे सांदे गांवार गांव वचून ’येया आमी कोंकणी उलव्यां’ म्हळ्ळीं काऱ्यीं चलवन आसात म्हणालो.
त्ये उपरांत क्लेरेन्स कैकंबान मसकतांतल्या बर्पी मित्राच्या सविसतार वावराविशीं उलवन, मसकतांतल्या साहितीक तालेंतांनी अपलीं तालेंतां फकत मसकताक मात्र सीमीत करून दवरिनासतां, दायजिदुभय.कोम, मायभास.कोम, दायज.कोम अशें सर्व नेमाळीं तशेंच जाळिजाग्यांक तेंको दिवून आयलें म्हणालो. खतारांत पाटल्या पंचवीस-तीस वर्सां थावन चलून आसच्या वावराची माहेत दिवन ग्ल्याडसन अल्मेडान होच वावर हाच्याकी बरे रितीन मुकारून व्हर्चो आशावाद वेक्त केलो. त्ये उपरांत कुवेयटांतल्या कोंकणी वावराविशीं उलवन बाय ऐडा डिसिलवा पालडकान कोंकणी कुळवार कुवेयट संघटनाच्या बुन्यादी वावराची तशेंच आशावादी प्रकाशनाच्या सुर्विल्या वावराची ओळोक करून दितच वल्ली क्वाड्रसान सविसतार रितीन कुवेयटांत जाल्ल्या कोंकणी साहित्यीक वावराची ओळोक करून दिली; सत्तावीस कोंकणी पुसतकां आशावादी प्रकाशनान पर्गटलीं, पांतीस मयन्याळीं कामासाळां, बात्तीस पुसतक समीक्षा, स कथापाठ, कोंकणी अभियान, अट्टावीस मयन्याळे कविता स्पर्धे, दोन वर्साचे कवी, तशेंच दोन वर्साचे कथाकार पुरसकार, तशेंच २००४ थावन २००७ पऱ्यांत वर्साळे साहितीक स्पर्धे मांडून हाडले मात्र न्हय, मुंबय आनी गांवांत सयत कोंकणी कामासाळां चलवन व्हेलीं म्हणालो.
परिसंवादाचो वांटो गौरंग भंडायेन चलवन व्हेलो. अखेरिचो वांटो शैलेंद्र मेहतान चलवन व्हेलो. कन्सेपटा फेर्नांडिसान अपल्या संपणेच्या उलवपांत, परिसंवादांत जाल्ल्या सर्व उलवपांचेर एक नदर घालून प्रमूक विश्यांचेर उज्वाड फांकयित्त, हें खरेंच एक जागतीक परिसंवाद, आनी ही एक सुर्वात मात्र, फुडें एकेका राश्ट्रांत जाल्ल्या समग्र कोंकणी वावराचेर खोलायेचें अध्ययन चलंवच्या दिशेन परिसंवाद मांडून हाडुंक उलो दिलो.
वल्ली क्वाड्रसान धिन्वास पाटवन जुलाय १ तारिकेर ’सिरिवंताच्या साहित्याचो अभ्यास’ सुर्वात जावंक आसच्या कथापाठ चोवत्या शिंकळेची तशेंच सिरिवंताची मोटवी ओळोक करून दिली.
ಮುಂಬಯಿ: ಹಾಂಗಾಚೆ ದಾದರಚೆ ಜಿ.ಎಸ್.ಬಿ.ಎಸ್. ಮೆಡಿಕಲ್ ಟ್ರಸ್ಟಾಚೆ ಮೆಡಿಕಲ್ ಸೆಂಟರಾοತು° ಆರತಾ° ಚಾಳಿಸ ವರಸ ಜಾಲೆಲೆ ಸ್ತ್ರೀಯಾಂಕ ಕ್ಯಾನ್ಸರ್ ತಪಾಸಣಾ ಶಿಬಿರ ಚಲೆ°. ಶುರುವೆಕ ಡಾ| ವಿಕಾಸ ಗುಪ್ತಾ, ಡಾ| ಸ್ವಾತಿ ಸತ್ಪುತೆ, ಡಾ| ಅಂಕಿತಾ ಗುಲೆ ಹಾಂನಿ° ದಾಂತ ಆನಿ ತೊಂಡಾಚಿ ತಪಾಸಣಾ ಕೆಲೆ. ಉಪರಾಂತ ಡಾ| ಮೀರಾ ನಾಯ್ಕ್ ಹಾಂನಿ° ಗೈನಾಕ್ ಆನಿ ಪಾಪ್ಸಮಿರ್ ತಪಾಸಣಾ, ಡಾ| ಗೌರಿ ಅಮೋನಕರ ಹಾಂನಿ° ಮೆಮೊಗ್ರಾಫಿ ಕೆಲಿ. ದಾರಲೆಂಕಯೀ ರಗತಾಚಿ ಪರೀಕ್ಷಾ, ಪಿ.ಎಸ್.ಎ, ಡಾ| ದಿಲೇಶ ಮೋಗಾ ಹಾಂನಿ° ಇ.ಎನ್.ಟಿ ಪರೀಕ್ಷಾ, ಡಾ| ಜಿತೇಂದ್ರ ಸಖಾರಾಣಿ ಹಾಂನಿ° ಯುರೊಲಾಜಿ ಪರೀಕ್ಷಾ ಕೆಲಿ.
ಎನ್.ಕೆ.ಜಿ.ಎಸ್.ಬಿ ಬ್ಯಾಂಕ ಹ್ಯಾ ಶಿಬಿರಾಂಚೆ ಪ್ರಾಯೋಜಕ ಆಶಿಲೆ. ಬ್ಯಾಂಕಾಚೆ ಎ.ಜಿ.ಎಂ ವಿನಯ್ ರಾವ ಉಪಸ್ಥಿತ ಆಶಿಲೆ. ಟ್ರಸ್ಟಾಚಿ ಟ್ರಸ್ಟಿ ಕಾರ್ಯದರ್ಶಿ ಗೀತಾ ಆರ್. ಪೈ ಹಾಂನಿ° ಮೆಡಿಕಲ್ ಸೆಂಟರಾ ಬದಲ್ ಮಾಹಿತಿ ದಿಲಿ.
ಮುಂಬಯಿ: ಶಂಬರ ವರಸಾಚೊ ಇತಿಹಾಸ ಆಸಚೊ ಸಂಸ್ಥೊ ಜಿ. ಎಸ್. ಬಿ. ಸ್ಕಾಲರಶಿಪ್ ಲೀಗ್ ಹಾಂನಿ ಆರತಾ° ದಾನಿ ಲೋಕಾಂಚೆ ಸಹಮಿಲನ್ ಆಯೋಜನ ಕೆಲೆ°. ಲೀಗಾಚೊ ಅಧ್ಯಕ್ಷ ಎಸ್. ಎಸ್. ಭಟ್ ಹಾಂನಿ° ಗೋಕರ್ಣ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮೀಜಿ ಹಾಂಗೆಲೊ ಆನಿ ದೇವಾಲೊ ಉಡಗಾಸ ಕಾಡೂನ ಸ್ವಾಗತಾಚೆ ಉತ್ರ° ಸಾಂಗಲಿ°. ಉದ್ಯಮಿ ವಂದನಾ ಆನಿ ಶಶಿಕಾಂತ ಶ್ಯಾನಭಾಗ ಮುಖೇಲ ಸೊಯ್ರೆ ಆಶಿಲೆ. ಕಾರ್ಯದರ್ಶಿ ಗಣೇಶ ಶ್ಯಾನಭಾಗ ಹಾಂನಿ° ಸೊಯ್ರೆಲೊ ವಳಕ ಕರನು ದಿಲೊ ಆನಿ ತಾಂನಿ ಅರ್ಹ ವಿದ್ಯಾರ್ಥಿಯಾಂಕ ದಿವಚೊ ಸಹಕಾರಾಚೊ ಉಡಗಾಸ ಕಾಳೊ. ಚೇರಪರ್ಸನ ಗೀತಾ ಆರ್. ಪೈ ಹಾಂನಿ° ಲೀಗ್ ಕಶಿ° ಕಾಮ ಕರತಾ ಮ್ಹಳೆಲೆ ವಿಷಯ ಕಳಯಲೊ. ವಿದ್ಯಾರ್ಥಿ ವೇತನ ದಿವಚೆ ನದರೇನ ನವೀನ ದಾನಿ ಲೋಕ ಮುಕಾರ ಯೆತಾ ಆಸಾತಿ ಮ್ಹಣು ತೀಣೆ ಸಾಂಗಲೆ°. ದಾನಿ ಲೋಕ ಜಾವನು ಆಸಚೆ ಸತೀಷ್ ಆಚಾರ್, ಗುರುದಾಸ ಪೈ, ಕಾಂಚನ ಗಾರ್ಸೆ, ಸಂಜಯ್ ಲೊಟ್ಲಿಕರ್, ದಿನೇಶ ಕಿಣಿ, ನೀಲಕಂಠ ಶ್ಯಾನಭಾಗ, ಸಮೀರ್ ಕೊಪ್ಪಿಕಾರ್ ಹಾಂನಿ ಶುಭಾಷಯ ಪಾಟಯಲೊ. ಲೀಗ್ ಅತ್ಯುತ್ತಮ ಸೇವಾ ಕರತ ಆಸಾ, ಮುಕಲಾವಯಲೆ ದೀವಸಾಂತು° ಆನಿಕಯೀ ಚಡ ಸೇವಾ ಜಾವೊ ಮ್ಹಣು ತಾಂನಿ° ಸಾಂಗಲೆ°. ಶಶಿಕಾಂತ ಶ್ಯಾನಭಾಗ ಹಾಂನಿ° ಅರ್ಜಿ ಕಶಿ° ಪರಿಶೀಲನ ಕರತಾತಿ ಮ್ಹಣು ಕಳಯಲೆ°. ಲೀಗಾನ ಪನ್ನಾಸ ಲಾಖ ರುಪಯೊ ವಿದ್ಯಾರ್ಥಿ ವೇತನ ದಿಲಾ° ಮ್ಹಣು ತಾಣೆ ಸಾಂಗಲೆ°. ಕಾರ್ಯದರ್ಶಿ ಮಧುಕರ ಪೈನ ಆಭಾರ ಮಾನಲೊ. ಗೋಕರ್ಣ ಮಠ ಸಮಿತಿಚೊ ಅಧ್ಯಕ್ಷ ಮುಕುಂದ ಕಾಮತ, ಪ್ರಕಾಶ ಪೈ ಆನಿ ವಿನಾಯಕ ಶ್ಯಾನಭಾಗ ಉಪಸ್ಥಿತ ಆಶಿಲೆ.
ಪಂಡರಾಪುರ ವಿಠೋಭ ದೇವಸ್ಥಾನಾಕ ಶ್ರೀಮದ್ ಸಂಯಮೀοದ್ರ ತೀರ್ಥ ಭೇಟಿ
Written by Editor
ಮುಂಬಯಿ: ಮಹಾರಾಷ್ಟಾಚೆ ಪಂಡರಾಪುರಾಚೆ ಪುರಾಣ ಪ್ರಸಿದ್ಧ ಶ್ರೀ ವಿಠೋಭ ದೇವಸ್ಥಾನಾಕ ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸಂಯಮೀοದ್ರ ತೀರ್ಥ ಸ್ವಾಮೀಜಿ ಹಾಂನಿ° ಆರತಾ° ಭೇಟಿ ದಿಲಿ. ದೇವಳಾಚೆ ಶಿಷ್ಟಾಚಾರ ಪ್ರಮಾಣೆ ಗುರುವರ್ಯಾಂಕ ಸ್ವಾಗತ ಕರಚೆ° ಜಾಲೆ°. ಗುರುವರ್ಯಾಲೆ ಉಪಸ್ಥಿತಿರಿ ಶ್ರೀ ವಿಠೋಭ ದೇವಾಕ ದೇವಳಾಚೆ ಅರ್ಚಕ ವೃಂದಾನ ವಿಶೇಷ ಅಲಂಕಾರ ಕೆಲೊ. ಶ್ರೀಮದ್ ಸಂಯಮೀοದ್ರ ತೀರ್ಥ ಹಾಂನಿ° ಕಾಶೀಮಠ ಸಂಸ್ಥಾನಾಚೆ ಆರಾಧ್ಯ ದೇವು ವ್ಯಾಸ ರಘುಪತಿಲೆ ತಸ್ವೀರ ಆಸಚೊ ಸ್ವರ್ಣಹಾರ ಶ್ರೀ ವಿಠೋಭ ದೇವಾಕ ಅರ್ಪಣ ಕೆಲೆ°. ಹ್ಯಾ ಸಂದರ್ಭಾರಿ ಸುಕೃತೀಂದ್ರ ಸ್ವಾಮಿ ಸೇವಾ ಪ್ರತಿಷ್ಠಾನ ಹಾಜೊ ಅಧ್ಯಕ್ಷ ರಘುವೀರ್ ಭಂಡಾರಕಾರ್, ಗುರುಪ್ರಸಾದ್ ಕಾಮತ್ ಕಾಞಗಾಡ್, ರಾಘವೇಂದ್ರ ಭಕ್ತ, ವಿಶ್ವನಾಥ ಭಟ್, ಪಂಡರಾಪುರ ಬ್ಯಾಂಕಾಚೊ ಸಿಇಒ ಉಮೇಶ್ ವಿರ್ದೆ, ಕೊಚ್ಚಿ ನವೀನ್ ಕಾಮತ್ ಆನೀ ಖೂಬ ಶಿಷ್ಯವರ್ಗ ಉಪಸ್ಥಿತ ಆಶಿಲೆ.
More...
ಜಾಗತಿಕ್ ಡಿಜಿಟಲ್ ಕೊಂಕಣಿ ಕವಿಗೋಶ್ಟಿ जागतीक डिजिटल कोंकणी कविगोश्टी
Written by Editor
ಕೆವಿನ್ ಡಿ’ಮೆಲ್ಲೊ ಸ್ಮಾರಕ್ ಪಯ್ಣಾರಿ ವರಸಾಚೊ ಕಥಾಕಾರ್ 2023
Written by Editor
ವಡಾಲಾ ಮಠಾಚೆ ವಾರ್ಷಿಕೋತ್ಸವಾಚೆ ಸಂದರ್ಭಾರಿ ಜಿ. ಎಸ್. ಬಿ. ಎಸ್. ಮೆಡಿಕಲ್ ಟ್ರಸ್ಟ್ ಹಾಂಗೆಲೆ ಜೋಡ ಆಶ್ರಯಾರಿ ಬ್ಲಡ್ ಪ್ರಶರ್, ಬ್ಲಡ್ ಶುಗರ್, ದೋಳೆ, ದಾಂತ, ಗೈನಾಕಾಲಜಿ ಆನಿ ಹಾಡಾಂಚೆ ತಪಾಸಣಾ ಕರನು ಮಾರ್ಗದರ್ಶನ ದಿವಚೆಮ ಜಾಲೆ°. ಡಾ. ಅಶೋಕ ಕೆರೂರ್, ಡಾ. ಯಮುನಾ ಕೆರೂರ್, ಡಾ. ಕಾಂಚನಾ ನಾಯಕ, ಡಾ. ವಿಮಲ ತೇಲಾಂಗ್, ಡಾ. ಸೀಮಾ ಮಾಹಾಲೆ, ಡಾ. ಶ್ರೇಯಾ ಜೊಷಿ, ಡಾ. ಸಚಿನ್ ಜೈನ್, ಡಾ. ವಿವೇಕ ಪೈ, ಡಾ. ಚೌಸೆ ಶರಿಫಾ, ಡಾ. ದಾವಿಂದರ ತುಲಪುಲೆ, ಡಾ. ಅನಿಲ್ ಕುಮಾರ ಸಿಂಘಾಲ, ಡಾ. ಗೀತಾಂಜಲಿ ಬೆಲೆಕರ್, ಡಾ. ಶೋನಿರ ಪೈ, ಡಾ. ಪ್ರತಿಕ ಸತ್ಪುತೆ, ಡಾ. ಸ್ವಾತಿ ಸತ್ಪುತೆ ಹಾಂನಿ° ಆರೋಗ್ಯ ಸೇವಾ ದಿಲಿ.
ಮುοಬಯಿ: ಸಂಕ್ರಾοತಿ ಆಚರಣ ಬದಲ ಜಿ.ಎಸ್.ಬಿ.ಎಸ್ ಮೆಡಿಕಲ್ ಟ್ರಸ್ಟ್, ದಾದರ ಹಾಂನಿ° ಆರತಾ° ತಾಂಗೆಲೆ ಉದ್ಯೋಗಿಯಾಲೆ ಖಾತಿರ ಹಳದಿ ಕುಂಕುಮ ಕಾರ್ಯಕ್ರಮ ಆಯೋಜನ ಕೆಲೊ. ಉಡಿಗಿರೆ° ವಾಂಟಚೆ° ಆನಿ ಸಾಂಗತ ಜೇವಚೆ° ಜಾಲೆ°. ಅಧ್ಯಕ್ಷ ಡಾ. ಸುಹಾಸ ಪ್ರಭುನ ಶುಭಾಷಯ ಪಾಟಯಲೊ. ಟ್ರಸ್ಟಾಚೆ ಹಿತೈಷಿ ರಾಧಾ ಕಿಣಿ, ಅಜೀತಾ ಕಿಣಿ, ಡಾ. ಆರ್. ಎನ್. ಕಿಣಿ ಆನಿ ಸುಮನಾ ಕಿಣಿ ಮಾನಾಚೆ ಸೊಯ್ರೆ ಆಶಿಲೆ. ಗೀತಾ ಆರ್. ಪೈನ ಸ್ವಾಗತಾಚೆ ಉತ್ರ° ಸಾಂಗಲಿ°.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
https://www.youtube.com/user/MrBaligavenkatesh
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಪಾವುಣೇ
ತೇ ಹಾಡಿಲೇ ಸಾಮಾನಾಚೇ ಮೋಲ ಪಾವುಣಶೆಂ ರೂಪಾಯ ಜಾಲ್ಲಿ. ಸಕಾಳಿಂ ಪಾವುಣೇ ಪಾಂಚಾಕ ಉಠಾನ ತೋ ಚಮಕಣ ಕರತಾ. ಹಾಂಗಾ ಉದ್ದೃತ ವಾಕ್ಯಾಂತ ಪಾವುಣೇ ಮ್ಹಣಚೋ ವಾಪರಲೋ ಜೋ ಶಬ್ದ ಆಸಾ ತಾಜೋ ಅರ್ಥ ಆನಿ ನಿಷ್ಪತ್ತಿ ಸಮಜೂಯಾಂ. ಪಾವುಣೇ ಮ್ಹಣಚೇ ಹೆಂ ಶಬ್ದಾಂತು ಪಾವ ಆನೀ ಊಣೆ ಮ್ಹಣಚೇ ದೋನ ಶಬ್ದ ಆಸತಿ. ಪಾವ ಮ್ಹಳ್ಯಾರ ಏಕಾಚೇ ಚಾರ ಭಾಗಾಂತು ಏಕ ಭಾಗ ಮ್ಹಣು ಅಥರ್ು. ಹೋ ಸಂಸ್ಕೃತ ಭಾಶೇಚೇ ಪಾದ ಮ್ಹಣು ಮ್ಹಣಚೇ ಶಬ್ದಾಚೆ ತದ್ಬವ ರೂಪ. ಆನೀ ಊಣೇ ಮ್ಹಳ್ಯಾರ ಕಮೀ, ಕಮ್ಮೀ ಮ್ಹಣ ಅರ್ಥ. ಹೊ ಸಂಸ್ಕೃತಾಚೇ ಊನ ಮ್ಹಣಚೇ ಶಬ್ದಾಚೇ ತದ್ಬವರೂಪ ಪಾದಊನ > ಪಾದ ಊನಿ > ಪಾವೂನ > ಪಾವುಣೇ ಮ್ಹಣು ಜಾಲಾ. ಸಂಸ್ಕೃತಾಚೇ ಪಾದೋನ ಮ್ಹಳ್ಯಾರಿ ಪಾದ + ಊನ = ಪಾದ ಊನ = ಪಾದೂಣೆ ಮ್ಹಣ ಜಾವನ ಪಾವುಣೇ ಮ್ಹಣ ಜಾಲ್ಲಾ. ಹಾಜೋ ಅರ್ಥ ಪಾವ ಅಂಶ ಕಮ್ಮೀ ಮ್ಹಣು. ಅಶ್ಶಿಂ ಜಾವುನ ಪಾವುಣೆಶೇಂ ಮ್ಹಳ್ಯಾರ ಪಾವ ಊಣೆ ಶಂಬರ ಮ್ಹಣ ಅರ್ಥ ಮ್ಹಳ್ಯಾರ ಪಾಂಚ ಸತ್ತರಿ. ಪಾವುಣೀ ಪಾಂಚಾಕ ಪಾವು ಊಣೆ ಪಾಂಚಾಕ ಮ್ಹಣು ಅಥರ್ು ಮ್ಹಳ್ಯಾರ ಪಾಂಚಾಕ ಪಾವು ಭಾಗ ಊಣೆ ಮ್ಹಣು ಅರ್ಥ ಮಳ್ಯಾರ 3/4 ಮ್ಹಣು.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ‍್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Home
ಶ್ರದ್ಧಾಂಜಲಿ
ಅಂಡಾರು ರಾಮದಾಸ ಕಿಣಿ
Featured Chandrika Mohan Pai KC Prabhu
Anniversaries
Shabdh Vihaar
Homage
Jobs Finders
Well Wishers
Most Read
- ಆಧುನಿಕ ಮಹಾಭಾರತ
- “ದಕ್ಷಿಣದ ಸಾರಸ್ವತರು”
- कन्याकुमारिच्या स्वामी विवेकानंद स्मारकाक ५० वरसां
- ಸತ್ಯನಾರಾಯಣ ಪೂಜಾ
- ಕುದ್ಮುಲ ರಂಗರಾವ್
- ಘರ ಏಕ್ ದೇವುಳ
- GSB Scholarship League Application
- ರಚನಾ...
- ಜುನಾಗಢ್
- कोरोनान शिकयिलो पाठ
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- तुळशी काट्टो
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- 'ಮಹಾ ಸರಕಾರ"
- ಹುಂಬರು (ಉಂಬರು)
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ತಾಕೀತ (ತಾಕೀದ)
- ಗುಜರಾತ - ಪಾಲಿಟಾನಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- स्वावलंबन आनी आत्मविश्वास
- ಮಸೀಂಗ
- भारताचे अमृत स्वातंत्र महोत्सवाचे पांच अमृत घडियो
- ಉದ್ಯೋಗ ಆನೀ ನಿರುದ್ಯೋಗ
- SUKRTINDRA ORIENTAL RESEARCH INSTITUTE
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಶ್ರಾವಣ ಮಾಸು ಆನಿ ಚೂಡಿ ಪೂಜಾ
- ಅಂತರಾಷ್ಟ್ರೀಯ ವನಿತಾ ದಿವಸು
Homage
Events
Who is Online?
We have 161 guests and no members online
