ಉಡುಪಿ: ಹಾಂಗಾಚೆ ತೆಂಕಪೇಟೆ ಲಕ್ಷ್ಮೀ ವೆಂಕಟೇಶ ದೇವಳಾಚೆ ಜಿ  ಎಸ್ ಬಿ  ಮಹಿಳಾ  ಮಂಡಳಿನ ಮಕರ ಸಂಕ್ರಾoತಿ ದೀವಸು ಭುವನೇಂದ್ರ ಮಂಟಪಾoತು° ಸುವಾಸಿನಿಯಾಂಕ ಕಳದಿ ಕುಂಕುಮ ದಿವಚೆ°, ವನಿತಾ  ಸಾಧಕಿಯಾಂಕ ಸನ್ಮಾನ ಕರಚೆ° ಆನಿ ಸಾಧಕ ವಿದ್ಯಾರ್ಥಿಂಕ ಸನ್ಮಾನ ಕೆಲೊ. ಗೌರವಾಧ್ಯಕ್ಷಾ ಪ್ರಭಾ ಶೆಣೈ, ಅಧ್ಯಕ್ಷಾ ಸುಧಾ ಶೆಣೈ ಆನಿ ವ್ಹಾಂಗಡಿ ಉಪಸ್ಥಿತ ಆಶಿಲೆ. 

To Support Kodial Khaber click the following button.

ಹೈದರಾಬಾದ: ಆಂಧ್ರಪ್ರದೇಶ ಹೋಟೆಲ್ ಎಸೋಸಿಯೆಶನ್ ಹಾಜೊ ಪ್ರಧಾನ ಕಾರ್ಯದರ್ಶಿ ಜಾವನು ಉಡುಪಿ ಜಿಲ್ಲೆಚೆ ದೊಡ್ಡರಂಗಡಿ ಗಾಂವಚೊ ಐ. ರಘುವೀರ ಶೆಣೈ ಹಾಂಗೆಲೆ° ನೆಮಣೂಕ ಜಾಲಾ°. ಅಕ್ಟೋಬರ್ 4 ತಾರೀಕೆಕ ಚಲೆಲೆ ಮಹಾಸಭೆಂತು° ಹಾಂಗೆಲೆ° ನೆಮಣೂಕ ಜಾಲೆ°. ಆಂಧ್ರಪ್ರದೇಶಾಚೆ ನಂದ್ಯಾಲ ಗಾಂವಾoತು° ಶ್ರೀನಿಧಿ ಹೋಟೆಲ್ ಚಲಾಯತಾ ಆಸಚೆ ಹಾಂಕಾ° ರಾಯಲಸೀಮಾ ವಿಭಾಗಾಚಿ ಜಬಾಬ್ದಾರಿ ಮೆಳೆಲಿ ಆಸಾ. ಮೂಲತ: ದೊಡ್ಡೆರಂಗಡಿಚೆ ಜಾವನು ಆಸಚೆ ಹಾಂನಿ° ಸಮಾಜ ಸೇವೆಂತೂಯಿ ಮುಕಾರ ಆಸಾತಿ.

ಐ. ರಘುವೀರ ಶೆಣೈ: ಹಾಂಗೆಲೊ ಜಲ್ಮು ಉಡುಪಾಂತು° ಜಾಲೆ°. ಐ. ಕೃಷ್ಣ ಶೆಣೈ ಆನಿ ರಾಧಾ ಶೆಣೈ ಹಾಂಗೆಲೊ ಪೂತು ಜಾವನು ಜಲ್ಮಾಕ ಆಯಿಲೆ ಹಾಂಕಾ° ಚಾರ ಭಾವ ಆನಿ ಎಕಲಿ ಬ್ಹಯಣಿ ಆಸಾತಿ. ಹಾಂಗೆಲೆ ಮೂಳಾವೆ ಶಿಕ್ಷಣ ದೊಡ್ಡೆರಂಗಡಿಚೆ ಕುಕ್ರಾಜೆ ಸರಕಾರಿ ಶಾಳೆಂತು° ಜಾಲೆ°. ಹಿರಿಯಡ್ಕ ಸರಕಾರಿ ಕಾಲೇಜಾ ದಾಕೂನ ಪಿ.ಯು.ಸಿ ಶಿಕ್ಷಣ ಫಾವೊ ಕೆಲೆಲೆ ಹಾಂನಿ° ಪದವಿ ಶಿಕ್ಷಣ ನಂದ್ಯಾಳಾoತು° ಪ್ರಾಪ್ತ ಕೆಲೆ°.
ಕರ್ನೂಲ್ ಜಿಲ್ಲಾ ಹೋಟೇಲ್ ಎಸೋಸಿಯೇಶನಾಚೆ ಅಧ್ಯಕ್ಷ ಜಾವನು ಆಸಚೆ ಹಾಂನಿ° ನಂದ್ಯಾಳಾoತು° ಶ್ರೀ ನಿಧಿ ರೆಸ್ಟೋರೆಂಟ್ ಚಲಾಯಶಿತಾ ಆಸಾತಿ. ತ್ಯಾ ನಂತಾ° ನಂದ್ಯಾಳಾoತು° ಶ್ರೀ ನಿಧಿ ಟಿಫಿನ್ ಸೆಂಟರ್ ಆನಿ ಹೋಟೇಲ್ ಅಕ್ಷಯ್, ಆಟ್ಮಕುರುಂತು° ಹೋಟೇಲ್ ಗೀತಾ ಭವನ ಹಾಂನಿ° ಚಲಾಯಸಿತಾ ಆಸಾತಿ.
ಜಿನಿಯಸ್ ರೂರಲ್ ಎಜುಕೇಶನ್ ಎಂಡ್ ಎಂಪವರಮೆoಟ್ ಸೊಸೈಟಿ ಹಾಜೆ ಗೌರವಾಧ್ಯಕ್ಷ, ಮಹಾ ನಂದೀಶ್ವರ ಆಧ್ಯಾತ್ಮ ಎಂಡ್ ಸಾಂಸ್ಕೃತೀಕ ಸೇವಾ ಕೇಂದ್ರ ಹಾಜೆ ಅಧ್ಯಕ್ಷ, ಜಿ.ಎಸ್.ಬಿ ಸಮಾಜ ಆಂಧ್ರಪ್ರದೇಶ ಹಾಜೆ ಸಂಚಾಲಕ, ಕರುನಾಡ ಭಂದು ಸೇವಾ ಸಮಿತಿ ಹಾಜೆ ಅಧ್ಯಕ್ಷ ಆನಿ ಡಿಸ್ಟ್ರಿಕ್ಟ್ಡ ಟೂರಿಸಮ್ ಕೌನ್ಸಿಲ್ ಹಾಜೆ ಸದಸ್ಯ ಜಾವನು ಹಾಂನಿ° ಸೇವಾ ದಿತಾ ಆಸಾತಿ. ಹಾಂಕಾ ಬಾಯಲ ಗೀತಾ ಶೆಣೈ ಆನೀ ಚೆರಡುವಂ ಹೃಷಿಕೇಶ ಆನೀ ಅನಿರುದ್ಧ ಹಾಂಗೆಲೋ ಸಂಪೂರ್ಣ ಸಹಕಾರ ಮೆಳೆಲೊ ಆಸಾ.

Click Support Us to support Kodial Khaber 

ಉಡುಪಿ: ಹಾಂಗಾಚೆ ಕಲ್ಯಾಣಪುರಾಚೆ ಗಾದ್ದೆಂತು° ಜಿ.ಎಸ್.ಬಿ ಸಭಾ ಕಲ್ಯಾಣಪುರ ಹಾಂಗೆಲೆ ತರಪೇನ "ಯೆಯ್ಯಾ ಖೆಳುಯಾ° ಪಾವಸಾಡಿಂತು°" ಕಾರ್ಯಕ್ರಮ ಚಲೊ. ಚೆರಡುವಾಂಕ ಆನಿ ಹೊಡಾಂಕ ಪಾವಸಾಂತೂಚಿ ಖೇಳ ಚಲೆ. ಗಾದ್ದೆಂತು° ಖೇಳಚೊ ಅನುಭವ ಸಗಟಾಂಕ ಮೇಳಕಾ ಆನಿ ಸಗಟಾಂಕ ಪಾವಸಾಚೊ ಆನಂದ ಮೇಳಕಾ ಮ್ಹಳೆಲೊ ಉದ್ಧೇಶ ಹ್ಯಾ ಕಾರ್ಯಕ್ರಮಾಚೊ ಜಾವನು ಆಶಿಲೊ. ಶ್ರೀ ವೆಂಕಟರಮಣಾಲೊ ಉಡಗಾಸ ಕಾಣು ದಿವೊ ಲಾವನು ಕಾರ್ಯಕ್ರಮಾಚೆ ಉಗ್ತಾವಣ ಜಾಲೆ°.

1-10 ವರಸಾಚೆ ಚೆರಡುವಾಂಕ ಚೆಂಡು ಉಡೊವಚೊ ಸ್ಫರ್ಧೋ ಚಲೊ. 'ಕೆರೆ-ದಡ' ಖೇಳ ಸಗಟಾಂಕ ಆವಡಲೊ. ಬಾಲಕ/ಬಾಲಕಿಯಾಂಕ ಆನಿ ಮ್ಹಾಲ್ಗಡೆಂಕ ಗೋಣಿಚೀಲಾಚೊ ಖೇಳ, ಲೆಮನ್ ಅಂಡ್ ಸ್ಪೂನ್, ರಿವರ್ಸ್ ವಾಕಿಂಗ್, ಥ್ರೋಬಾಲ್ ಖೇಳ ಚಲೊ. ಸಗಟಾನ ಸಂತೋಸಾನ ವಾಂಟೊ ಘೆವಚೆ° ಪಳೊವಚಾಕ ಮೆಳೆ°. ಸಕಾಳಿ ಬನ್ಸ್ ಆನಿ ಕುರ್ಮಾ ಕಾಫಿನ ಫಳಾರಾನ ದಿಸಾಚೆ ಶುರುವಾತ ಜಾಲೆ°. ದೋನಪಾರ ಜೆವಣ ತಾಂಯ ವೈಯಕ್ತಿಕ ಖೇಳ ಚಲೆ.

ಜೇವಣಾಕ ಚಟ್ನಿ, ಪತ್ರಾಡೋ, ತಾಯಕಿಳೆಚೆ ಡಾಂಗರ್, ಶೀತ, ಕುಳಿತ ಸಾರು, ಗೊಡ್ಶೆ° ಆಶಿಲೆ°. ಹಾಕಾ ಚಡ ವೇಳ ದಿನಾಶಿ° ದೋನಪಾರಚೆ ಖೇಳ ಶುರು ಜಾಲೆ. ಬಾಯಲ ಮನಶಾಂಕ ಆನಿ ದಾರಲೆಂಕ ಪ್ರತ್ಯೇಕ ಹಗ್ಗಜಗ್ಗಾಟ ಖೇಳ ಚಲೊ. ಚಾರ ಪಂಗಡಾನ ಹ್ಯಾ ಖೇಳಾಂತು° ವಾಂಟೊ ಘೆತಲೊ. ಗಾದ್ದೆಚೆ ಚಿಕಲಾಂತು° ಬುಡ್ಡಿಲೆ ಸಗಟಾನ ಆನಂದಾನ ವಾಂಟೊ ಘೆತಲೊ. ಸಗಟಾ ಪಶಿ ಬರೊ ಖೇಳ ಮ್ಹಳ್ಯಾರಿ ಗಾದ್ದೆಂತು ಪುರಲೆಲೆ ಎಕ ವಿಕೇಟಾಕ ಮಾತೆ° ಲಾವನು ತಾಜೆ ಸುತ್ತು ಘಾಲನು ಪರತೂನ ತಾಂನಿ° ಶುರು ಕೆಲೆಲೆ ಜಾಗೆಕ ಪಾವಚೊ ಖೇಳು. ಗಮ್ಮತ್ ಮ್ಹಳ್ಯಾರಿ ಚಡಾವತ ಲೋಕಾಂಕ ಮಾತೆ° ಗ್ಹುವನು ರಾಬಿಲೆ ಕಡೆನ ರಾಬಚಾಕ ಜಾಯನಾಶಿಂ ತಾಂನಿ° ಭೋಗಚೆ ಕಷ್ಟ ಪಳೊವನು ವ್ಹಿಂಗಡಾಲೆ ತೊಂಡಾರ ಹಾಸು ಪಳೊವಚಾಕ ಮೆಳೆ°. ಆಕೇರಿಕ ಸಗಟಾನ ಮೇಳನು ಕೆಲೆಲೆ° ರೈನ್ ಡ್ಯಾನ್ಸ್ ಖೂಬ ಕಾಳ ಉಡಗಾಸ ದವರಚೆ° ತಶಿ° ಆಶಿಲೆ°. ಪಯಲೆ° ಪಾವಟಿ ಅಸಲೊ ಎಕ ಕಾರ್ಯಕ್ರಮ ಜಿ.ಎಸ್.ಬಿ. ಸಮಾಜಾ ತರಪೇನ ಚಲನು ಸಮಾಜಾಚೆ ಲೋಕಾ ಮಧೆಂ ಭಾಂದವ್ಯ ವಾಡೊಚೆ° ಪ್ರಯತ್ನ ಜಾಲೆ°.

ಕೋಟೇಶ್ವರ್: ಕೊಂಕಣ್ ಸ್ಪೋರ್ಟ್ಸ್ ಹಾಗೂ ಕಲ್ಚರಲ್ ಅಸೋಸಿಯೇಷನ್(ರಿ) ಕೋಟೇಶ್ವರ ಆನಿ ಶ್ರೀ ರಾಮ ಸೇವಾ ಸಂಘ ಕೋಟೇಶ್ವರ ಹಾಂಗೆಲೆ ಜೋಡ ಆಸ್ರಯಾಂತ ಕರ್ನಾಟಕ ರಾಜ್ಯ ಚೆಸ್ ಅಸೋಸಿಯೇಷನ್ ಆನಿ ಉಡುಪಿ ಜಿಲ್ಲಾ ಚೆಸ್ ಅಸೋಸಿಯೇಷನ್ ಹಾಂಗೆಲೆ ಸಹಯೋಗಾನ ಗೌಡ ಸಾರಸ್ವತ ಸಮಾಜ (ಜಿ.ಎಸ್.ಬಿ) ಸಮಾಜಾಚಾಂಕ ಕರ್ನಾಟಕ ರಾಜ್ಯ ಸ್ಥರಾಚೆ° ಮುಕ್ತ ರಾಪಿಡ್ ಚೆಸ್ ಟೂರ್ನಾಮೆಂಟ್ "ಕೊಂಕಣ್ ಟ್ರೋಫಿ-2023" ಜುಲೈ 30 ಕ ಕೋಟೇಶ್ವರಚೆ ಶ್ರೀ ಪಟ್ಟಾಭಿ ರಾಮಚಂದ್ರ ಕಲ್ಯಾಣ ಮಂದಿರಾοತು° ಆಯೋಜನ ಜಾಲಾ°. ನಾಂವ° ನೋಂದ ಕರಚಾಕಾ ಆಖೇರಿಚೊ ದೀವಸ ಜುಲೈ 28 ಜಾವನು ಆಸಾ. ಹ್ಯಾ ಟೂರ್ನಾಮೆಂಟ್ ಪ್ರವೇಶ ಶುಲ್ಕ ಆಸಚೆ° ನಾ. ವಿಜೇತಾಂಕ ಪ್ರಶಸ್ತಿ ಆನಿ ನಗದು ಇನಾಂ ಮೇಳತಲೆ°. 8,10,13,15 ವಯಾಚೆ ಆನಿ ಮುಕ್ತ ವಿಭಾಗಾಂತು° ಉತ್ತಮ ಖೇಳಾಡು ಪ್ರಶಸ್ತಿ ಆನಿ ಟರ‍್ನಾಮೆಂಟಾಚೆ ಉತ್ತಮ ಯುವ, ಮ್ಹಲ್ಗಡೊ ಖೇಳಾಡು ಆನಿ ವನಿತಾ ಖೇಳಾಡು ಅಶೆ° ಸಾಬಾರ ಇನಾಂ ಆಸಾತಿ. ಬಾಬು ಜೆ ಪೂಜಾರಿ ಟೂರ್ನಾಮೆಂಟಾಚೆ ಮಖೇಲ ತೀರ್ಪುಗಾರ ಆಸತಾತಿ. ಚಡತೆ ಮಾಹಿತಿಕ ಆಯೋಜಕಾಂಕ ದೂರವಾಣೆ ಸಂಖೊ 7829774747 ರಿ ಸಂಪರ್ಕ ಕರಯೆತ ಮ್ಹಣು ಕೊಂಕಣ್ ಸ್ಪೋರ್ಟ್ಸ್ ಆನಿ ಕಲ್ಚರಲ್ ಅಸೋಸಿಯೇಷನ್ (ರಿ) ಹಾಜೊ ಅಧ್ಯಕ್ಷ ಆಟಕೆರೆ ಅನಂತ ಪೈ ಹಾಂನಿ° ಕಳವಣಿಂತು° ಸಾಂಗಲಾ°.

ಮುಂಬಯಿ: ಶಂಬರ ವರಸಾಚೊ ಇತಿಹಾಸ ಆಸಚೊ ಸಂಸ್ಥೊ ಜಿ. ಎಸ್. ಬಿ. ಸ್ಕಾಲರಶಿಪ್ ಲೀಗ್ ಹಾಂನಿ ಪ್ರಧಾನ ಕರಚೆ ವಿದ್ಯಾರ್ಥಿ ವೇತನಾ ಬದಲ ಮಾಹಿತಿ ಫಾಯಸ ಕೆಲ್ಯಾ.

Dear Editor,

Since the Pandemic 2020, GSB Scholarship League has stopped issuing hard copies of Application forms to the poor and needy G S B students who want to apply for the annual scholarship amount.

All students whose names and mobile numbers are registered with the League will be sent a link on their mobile to get the online application forms in the month of August 2023

All instructions to fill up the form is given.  PLEASE read the instructions carefully, fill up the form and SUBMIT.

Write your Bank details giving utmost importance to fill up correct details. All chosen students will get the scholarship amount through NEFT, in their bank accounts.  About a fortnights time after the last date of submitting the application form, you can go through your bank statement and  look for  scholarship amount provided you are selected to get the scholarship for the year 2023-24.

No bank cheques will be issued.

Online applications are simple, applying is simple, minimum documents to be attached.

In spite of this if you need to ask some more details, please send e mails on This email address is being protected from spambots. You need JavaScript enabled to view it.   All queries will be replied.

For the NEW students to get the Application form:  Please send a request  email  on  This email address is being protected from spambots. You need JavaScript enabled to view it. giving the student’s name, fathers name, surname, date of birth, Class studying at present, and ONLY ONE MOBILE NUMBER. You will get a link on your Mobile number you had given, within 5  to 7 days.

Last date for receiving application forms will be October 31^st 2023. The server closes on that day. Late applications will be rejected by the server.

One more request with those who are doing their graduate studies.: Those who want to volunteer their services to needy school students, here is an opportunity!!!!!

School going students in small villages, whose parents are not tech savvy need this service. Help them to get online application forms, and also fill up the application forms.

Funds permitting League might support some post graduate applicants.

Gita R.Pai

Chairperson

GSB Scholarship League

ಮಲ್ಪೆ : ಶ್ರೀ ರಾಮ ಮಂದಿರ ಹಾಜೆ ರುಪ್ಯಾಳೊ ವರಸಾಚೆ ಸಂಭ್ರಮಾಕ ಲಾಗೂನ ಚಲತ ಆಸಚೆ ದುಸ್ರೆ ಸ್ಥರಾಚೆ ಅಭಿವೃದ್ಧಿ ಕಾಮಾಕ ಲಾಗೂನ "ನವೀನ ಅರ್ಚಕಾಂಚೆ ವಸತಿ ಗೃಹ" ಆನೀ "ಅತಿಥಿ ಗೃಹ" ಹಾಜೆ ಶಂಕು ಸ್ಥಾಪನಾ ಆರತಾಂ ಚಲೆ. ವೇದಮೂರ್ತಿ ಜಯದೇವ ಭಟ್ ಆನೀ ವಿಗ್ನೇಶ್ ಭಟ್ ಹಾಂಗೆಲೆ ಮುಖೇಲಪಣಾರಿ ಸಕಾಳಿ ಟಿ. ನಾರಾಯಣ ಪೈ ಆನಿ ತಾಂಗೆಲಿ ಧರ್ಮಪತ್ನಿ ವಿಜಯಲಕ್ಷ್ಮಿ ಪೈ ಹಾಂಗೆಲೆ ಹಸ್ತಾನ ಗಾಂವಚೆ ಮ್ಹಾಲ್ಗಡೆಲೆ ಉಪಸ್ಥಿತಿರಿ ಚಲೆಲೆ ಹ್ಯಾ ಕಾರ್ಯಕ್ರಮಾಂತು° ಶ್ರೀರಾಮ್ ಮಂದಿರಾಚೆ ಅಧ್ಯಕ್ಷ ಗೋಕುಲ್ದಾಸ್ ಪೈ, ಐಸಿಡಿಎಸ್ ಹಾಜೊ ಕಾರ್ಯದರ್ಶಿ ಪ್ರಭಾಕರ್ ಪೈ, ವಿಶ್ವನಾಥ್ ಭಟ್, ಹನುಮಂತ ಕಾಮತ್, ವೈಕುಂಠ ನಾಯಕ, ಶಿವಾನಂದ ಭಂಡಾರಕರ್, ಅನಂತ್ ಶೆಣೈ, ರಾಧಾಕೃಷ್ಣ ಶೆಣೈ, ಅನಂತ್ ಕಾಮತ್, ದೇವ್ರಾಯ್ ಭಟ್, ಸುರೇಂದ್ರ ಭಂಡಾರಕರ್ ಹಾಂನಿ ಉಪಸ್ಥಿತ ಆಶಿಲೆ.
ಸುಧೀರ್ ಶೆಣೈನ ಸ್ವಾಗತಾಚೆ ಉತ್ರ° ಸಾಂಗಲಿ°. ಅನಿಲ್ ಕಾಮತ್ ಹಾಂನಿ° ಆಬಾರ ಮಾನಲೊ. ಮಹಿಳಾ ಮಂಡಳಿಚಿ ಅಧ್ಯಕ್ಷಾ ಶಾಲಿನಿ ಜಿ ಪೈ, ವಿಜಯ ಶೆಣೈ, ಪ್ರಭಾವತಿ ನಾಯಕ, ಪ್ರತೀಕ್ಷಾ ಭಂಡಾರಕರ್, ಶಾಂತಿ ಶೆಣೈ, ಸುಷ್ಮಾ ಶೆಣೈ, ಮಮತಾ ಪೈ, ಶ್ರೇಯಾ ಶೆಣೈ, ವಸುಧ ವಿ ಕಾಮತ್, ಯುವಕ್ ಮಂಡಳಿಚೆ ಸುನಿಲ್ ಶೆಣೈ, ಗೋವಿಂದ್ರಾಯ್ ಭಂಡಾರಕರ್, ದಿನೇಶ್ ಗಡಿಯಾರ, ಪವನ್ ಭಂಡಾರಕರ್, ರಾಮಚಂದ್ರ ಶೆಣೈ, ಮಾಯಾಂಕ್ ಕಾಮತ್ ಆನಿ ಹೇರಯಿ ಉಪಸ್ಥಿತ ಆಶಿಲೆ.

ದಾವಣಗೆರೆ: ಹಾಂಗಾಚೆ ಗೌಡ ಸಾರಸ್ವತ ಸಮಾಜಾಚೆ ಶ್ರೀ ಸುಕೃತೀಂದ್ರ ಕಲಾಮಂದಿರಾοತು° ಶಿರಸಿಚೆ ಸೊಂದಾ ಸ್ವರ್ಣವಲ್ಲಿ ಮಹಾಸಂಸ್ಥಾನಾಚೆ ಮಠಾಧೀಶ ಶ್ರೀಮದ್ ಗಂಗಾಧರೇοದ್ರ ಸರಸ್ವತಿ ಮಹಾಸ್ವಾಮೀಜಿ ಹಾಂಗೆೆಲೆ ಉಪಸ್ಥಿತಿರಿ ಶ್ರೀ ಭಗವದ್ಗೀತ ಅಭಿಯಾನ ಸಂಪನ್ನ ಜಾಲೆ°. ದಾವಣಗೆರೆಚೆ ಶ್ರೀ ಜಗದ್ಗುರು ತರಳಬಾಳು ವಿದ್ಯಾ ಸಂಸ್ಥೆಚೆ ಸಂಸ್ಕೃತ ಶಿಕ್ಷಕ ಶಂಕರಾನοದ ಹಾಂನಿ° ಭಗವದ್ಗೀತೆ ಬದಲ ಉಪನ್ಯಾಸ ದಿಲೆ°. ಕಾರ್ಯಕ್ರಮಾಚಿ ಸಂಯೋಜಕಿ ಶೀಲಾ ರವಿಚಂದ್ರ ನಾಯಕ್ ಹಾಂನಿ° ಗೀತ ಪಠಣ ಕೆಲೆ°. ಗೌಡ ಸಾರಸ್ವತ ಸಮಾಜಾಚಿ ಅಧ್ಯಕ್ಷಾ ಅಮಿತಾ ವೇಣುಗೋಪಾಲ್ ಪೈ ಆನಿ ಹೇರ ಉಪಸ್ಥಿತ ಆಶಿಲೆ.

ಮοಗಳೂರು: ಹಾಂಗಾಚೆ ರಥಬೀದಿಚೆ ಶ್ರೀ ವೆಂಕಟರಮಣ ದೇವಳಾಚೆ ವಠಾರಾಂತ ಶಂಬರ ವರಸ ದಾಕೂನ ಪೂಜೂನ ಆಯಿಲೆ ಶ್ರೀ ಶಾರದಾ ಮಹೋತ್ಸವ ಅ. 6ಕ ಶಾರದಾ ಗುರುವಾರ ರಾತಿ 10 ಗಂಟ್ಯಾಕ ಶುರು ಜಾಲೆಲಿ ಶಾರಾಧ ಮಾತೆಲಿ ಶೋಭಾಯಾತ್ರಾ ಶುಕ್ರಾರ ಸಕಾಳಿ 10ಕ ಮಹಾಮಾಯಾ ದೇವಳಾಚೆ ತಳೆಂತು° ಶಾರದಾ ವಿಗ್ರಹ ವಿಸರ್ಜನ ಕರನು ಸಂಪನ್ನ ಜಾಲಿ. ಅ.6 ಕ ಸಕಾಳಿ ದಾಕೂನ ವೆಗವೆಗಳೆ ವಾಘಾ ವೇಸಾಂಚೆ° ಪಂಗಡಾನಿ ಸರಸ್ವತಿ ಕಲಾ ಮಂಟಪಾοತು° ಸೇವಾ ರೂಪಾರಿ ನಾಂಚೆ° ಕೆಲೆ°. ರಾತಿ ಮಂಗಳಾರತಿ ಜಾತರಿ ಶ್ರೀ ವೆಂಕಟರಮಣ ದೇವಾಲೆ ಪ್ರದಕ್ಷಿಣಾ ಜಾವನು ಶಾರದಾ ದೇವಿಲಿ ಮೆರವಣಿಗಾ ಶುರು ಜಾಲಿ.
ಶ್ರೀ ಮಹಾಮಾಯಾ ದೇವಳ, ಕೆನರಾ ಹೈಸ್ಕೂಲಾ ಮಾಕ್ಷಿ ರಸ್ತೊ, ಮಂಜೇಶ್ವರ ಗೋವಿಂದ ಪೈ ವೃತ್ತ, ಅಮ್ಮೆಂಬಳ ಸುಬ್ಬರಾವ್ ಪೈ ರಸ್ತೊ, ಡೊಂಗರಕೇರಿ, ನ್ಯೂಚಿತ್ರಾ ಟಾಕೀಸ್, ಬಸವನಗುಡಿ, ಚಾಮರಗಲ್ಲಿ, ರಥಬೀದಿ ಜಾವನು ಶೋಭಾಯಾತ್ರಾ ಮಹಾಮಾಯಾ ತಳೆಕ ಪಾವಲಿ.

ಖೂಬ ವಾಘಾವೇಸಾಮಚೆ ಪಂಗಡ, ಅನಾರ್ಕಲಿ, ರಾಕ್ಷಸ ವೇಸ, ವ್ಹಿಂಗವ್ಹಿοಗಡ ಸ್ಥಬ್ದ ಚಿತ್ರ° ಆಸೂನ ಚಲೆಲೆ ಶೋಭಾಯಾತ್ರಾ ಪಳೊವಚಾಕ ಗಾಂವ° ಪರಗಾಂವಚೆ ಲೋಕ ಆಯಿಲ್ಯಾನ ರಸ್ತೆ ಭರ ಲೋಕ ಆಶಿಲೆ.
ಮಂಗಳೂರು ಶ್ರೀ ವೆಂಕಟರಮಣ ದೇವಳಾಚೆ ವಠಾರಾಂತ ಆಸಚೆ ಆಚಾರ್ಯಾ ಮಠಾಚೆ ವಸಂತ ಮಂಟಪಾοತು° ಶಂಬರ ವರಸ ದಾಕೂನ ಪೂಜೂನ ಆಯಿಲೆ ಶಾರದಾ ಮಾತೇಕ ಹ್ಯಾ ವರಸ ಶತಮಾನೋತ್ಸವಾಚೊ ಸಂಭ್ರಮು. ಭಾಂಗರಾ ಕಾಪಡ, ಭಾಂಗರಾ ಮೋರು ಅಸಲೆ ವಿಶೇಷ ಸೇವಾ ಮಾತೆಕ ಹ್ಯಾ ವರಸ ಮೇಳೆಲಿ ಆಸಾ. ತ್ಯಾ ನಂತಾ° ಮುಕಾವಯಲೆ ವರಸ ಶಾರದೆಕ ಭಾಂಗರ ಪೀಠ ಜಾವಕಾ ಮ್ಹಳೆಲೆ ನದರೇನ ಬೆಂಗಳೂರಚೆ ಉದ್ಯಮಿ ಪಿ. ದಯಾನಮದ ಪೈ ಆನೀ ಪಿ. ಸತೀಶ ಪೈ ಹಾಂನಿ° ಎಕ ಕಿಲೊ ಭಾಂಗರ ದಿವಚೆಂ ವಾಗ್ದಾನ ಸುತಾ ಕೆಲೆಲೆ° ಆಸಾ. 10 ದೀವಸ ದೇವಿಕ ವೆಗವೆಗಳೆ ಪೂಜಾ, ಸಹಸ್ರ ಚಂಡಿಕಾ ಮಹಾಯಾಗ, ಚೆರಡುವಾಂಕ ವಿದ್ಯಾರಂಭ ಇತ್ಯಾದಿ ಕಾರ್ಯಕ್ರಮ ಚಲೊ. ಶೋಭಾ ಯಾತ್ರೆಚೆ ಆಖೇರಿಕ ಪ್ರಸಾದ ವಿತರಣ ಜಾಲೆ°. ಮುಖ್ಯ ಜಾವನು ವಾಘಾವೇಸಾಂಚೆ° ಪಂಗಡ ಆನಿ ಹೇರ ಸ್ಥಬ್ದಚಿತ್ರಾಂಚೆ ಮುಖೆಲಿಂಕ ಆಪೊವನು ಪ್ರಸಾದ ದಿವಚೆ° ಜಾಲೆ°.

ಹೈದರಾಬಾದ: 38 ವರಸ ಕೆನರಾ ಬ್ಯಾಂಕಾಂತು° ಸೇವಾ ದೀವನು ನಿವೃತ್ತ ಜಾತರಿ ತಾಗೆಲೆ ಚೆರಡುವಾಂಲೆ° ಉದ್ಯಮಾಕ ಮೇಳೂಂಕ ಹೈದರಾಬಾದಾಕ ಗೆಲೆಲೊ ಅಚ್ಚುತ ಪೈ (95 ವರಸ) ಹಾಂನಿ° ಜುಲೈ 7ಕ ಹೈದರಾಬಾದಾಂತು° ದೇವಾದಿನ ಜಾಲೆ. ಪಂದ್ರ ವರಸ ಕೆನರಾ ಬ್ಯಾಂಕಾಚೆ ಬಂದರ ಬ್ರಾಂಚಾಂತು°, 10 ವರಸ ಫೌಂಡರ್ಸ್ ಬ್ರಾಂಚಾಂತು° ಆನಿ ಹೇರ ಬ್ರಾಂಚಾಂತು° ಸೇವಾ ದಿಲೆಲೆ ಹಾಂನಿ° ಮಂಗಳೂರು ಸರ್ಕಲ್ ಆಫೀಸಾಂತು° ಡಿವಿಜನ್ ಮ್ಯಾನೇಜರ್ ಜಾವನು ನಿವೃತ್ತ ಜಾಲೆಲೆ.

ನಿವೃತ್ತ ಜಾತರಿ ಹೈದರಾಬಾದಾಂತು° ತಾಂಗೆಲೊ ಪೂತು ಪ್ರಕಾಶ ಪೈನ ಸಾಂಬಾಳನು ಹಾಡಲೆಲಿ ಪುಝುಲೋನಾ ಕಂಪನಿಚೊ ಅಧ್ಯಕ್ಷ ಜಾಲೆಲೆ ಹಾಂಗೆಲೆ ಮಾರ್ಗದರ್ಶನಾರಿ ವಾಡಿಲಿ ಕಂಪನಿ ಆಜಿ ಅತ್ಯುನ್ನತ ಸ್ಥರಾಕ ಪಾವಿಲಿ ಆಸಾ. ಸಮಾಜ ಸೇವಾ ಮನೋಭಾವ ಆಸಚೆ ಹಾಂಗೆಲೆ ಮುಖೇಲಪಣಾರಿ ಹಾಂಗೆಲೆ ಕುಟುಂಬೆಚೆ ತರಪೇನ ವಾರಂಗಲಾಂತು° ಜ್ಯೂನಿಯರ್ ಕಾಲೇಜ ಸುತಾ ಶುರು ಜಾಲಾ°.

ಜಿ. ಎಸ್. ಬಿ ಸಮಾಜಾಚೆ ಬದಲ ವಿಶೇಷ ಕಾಳಜಿ ಆಶಿಲೆ ಹಾಂನಿ° ಸಾರಸ್ವತ ಮಠಾಂಕ, ಸಮಾಜಾಕ ಆನೀ ಹೇರ ರೂಪಾರಿ ಖೂಬ ದಾನ ಧರ್ಮ ಕೆಲೆಲೆ ಆಸಾ. ಪ್ರಕಾಶ ಪೈ ಆನಿ ಅನಂತ ಪೈ ಸಹಿತ ತೀನ ಪೂತ ಆನಿ ಎಕ ದ್ಹುವೆಕ ಸೋಡೂನ ತಾಂನಿ° ಗೆಲ್ಯಾಂತಿ. ಆಜಿ (ಜುಲೈ 8) ಸಕಾಳಿ 10 ಗಂಟ್ಯಾಕ ತಾಂಗೆಲೊ ಅಂತ್ಯ ಸಂಸ್ಕಾರ ಚಲೊ.

ಆಮಗೆಲೆ ತರನಾಟೆನಿ ಉದ್ಯಮಶೀಲ ಜಾವಕಾ ಆನಿ ಸ್ವಂತ ಉದ್ಯಮ ಸ್ಥಾಪನಾ ಕರಕಾ ಮ್ಹಣು ತಾಂಗೆಲೆ ಸೋಪನ ಜಾವನು ಆಸಾ.

ಮುಂಬಯಿ: ಹಾಂಗಾಚೆ ದ್ಹಾರಾವಿ ಪ್ರದೇಶಾಚೆ ಲೋಕಾ° ಖಾತಿರ ಜಿ. ಎಸ್. ಬಿ. ಎಸ್. ಮೆಡಿಕಲ್ ಟ್ರಸ್ಟ್ ಹಾಂನಿ° ಗೋವಾ ಹಿಂದು ಅಸೋಸಿಯೇಶನ್ ಹಾಂಗೆಲೆ ಪ್ರಾಯೋಜಕತ್ವಾರಿ ವೈದ್ಯಕೀಯ ಶಿಬಿರ ಮಾಂಡೊನ ಹಾಡಲೆ.
ಬ್ಲಡ್ ಪ್ರಶರ್, ಶುಗರ್, ದಾಂತ, ದೋಳೆ, ಖಾತ, ಗೈನೆಕ್ ತಪಾಸಣಾ ಕರನು ಎಕ ಫಿಸಿಶಿಯನಾಕ ಮೇಳಚಿ ವ್ಯವಸ್ಥಾ ಶಿಬಿರಾಂತು° ಆಶಿಲಿ. ಸಾಬಾರ ಶಂಬರ ಲೋಕಾನ ಶಿಬಿರಾಚೆ ಉಪೇಗ ಘೆತಲೆ°. ಗೋವಾ ಹಿಂದು ಅಸೋಸಿಯೇಶನ್ ಹಾಜೆ ಅಧ್ಯಕ್ಷ ಸುಭಾಷ ಸರಾಫ್ ಆನೀ ಕಾರ್ಯದರ್ಶಿ ರಾಜೇಂದ್ರ ಪೈ ಉಪಸ್ಥಿತ ಆಶಿಲೆ. ಸಂಪದಾ ಬೈಟ್, ರೀನಾ ಕಾನಡೆ ಆನಿ ಚಂದ್ರಮೋಹನ ಹಾಂನಿ° ಶಿಬಿರ ಸಾಂಬಾಳನು ಹಾಡಲೆ°. ಜಿ. ಎಸ್. ಬಿ. ಎಸ್. ಮೆಡಿಕಲ್ ಟ್ರಸ್ಟಾಚಿ ಟ್ರಸ್ಟಿ – ಕಾರ್ಯದರ್ಶಿ ಗೀತಾ ಆರ್. ಪೈನ ಆಬಾರ ಮಾನಲೊ.

ಕ್ಯಾನ್ಸರ್ ತಪಾಸಣಾ ಶಿಬಿರ
ಜಿ. ಎಸ್. ಬಿ. ಎಸ್ ಮೆಡಿಕಲ್ ಟ್ರಸ್ಟ್ ಹಾಂನಿ° ಆರತಾ° ಬ್ರೆಸ್ಟ್ ಕ್ಯಾನ್ಸರ್ ಡಿಟೆಕ್ಷನ್ ಶಿಬಿರ ಮಾಂಡೋನ ಹಾಡಲೆ°. ಚಾಳಿಸ ವರಸಾ ವಯಲೆ ಸ್ತ್ರೀಯಾ° ಖಾತಿರ ಆಯೋಜನ ಜಾಲೆಲೆ ಹ್ಯಾ ಶಿಬಿರಾಚೆ ಪ್ರಾಯೋಜಕ ಲಕ್ಷ್ಮೀಕಾಂತ ಪ್ರಭು ಆಶಿಲೆ. ಸಕಾಳಿ 8.30ಕ ಶುರು ಜಾವನು ಸಾಂಜವೇಳ 5 ಥಾಂಯ ಚಲೆಲೆ ಶಿಬಿರಾಚೆ ಉಪೇಗ ಖೂಬ ಸ್ತ್ರೀಯಾನಿ ಘೆತಲೆ. ಪ್ರಾಯೋಜಕಾಲೆ ತರಪೇನ ಬೀನಾ ಶೆಣೈ ಉಪಸ್ಥಿತ ಆಶಿಲಿಂತಿ.