2021 ವಚೂನ 2022 ಆಯಲೆ°. ಮಾಕ್ಷಿಚೆ ದೋನ ವರಸ ದಾಕೂನ ಕೊರೊನಾ, ಲಾಕಡೌನ್ ಆನಿ ವ್ಯಾಕ್ಸಿನೇಶನ್ ಮ್ಹಣು ಆಮಿ ಆಮಗೆಲೆ ಜೀವನಾಚೆ ವಿಚಿತ್ರ ದೀಸ ಪಳಯಲೆ. ಸ್ಥೈರ್ಯ ಆನೀ ದೈರ್ಯ ಆಪಣಾವನು ಆಮಿ ಜೀವನ ಮುಕಾರಶಿಲೆ°. ಕಷ್ಟ ಮನಾಶಕ ಯೇನಾಶಿ° ಆನಿ ಕೋಣಾಕ ಯೆವಚೆ° ? ಮ್ಹಳೆಲೆ ದ್ಯೇಯ ವಾಕ್ಯ ಮನಾಂತ ದವರೂನ ದೋನ ವರಸ ಕಾಡಚೆ° ಜಾಲೆ°. 2022 ವರಸಾಂತು ಆಮಗೆಲೊ ಹೊ ಅನುಭವ ಆಮಕಾ ಖೂಬ ಮದದಾಕ ಯೆತಲೊ. ‘ಆಮ್ರಿಕಾನ್’ ಮ್ಹಳೆಲೆ ನವೀನ ಭೂತ ಆಮಕಾ ದಾಕೊವಚೆ° ಪ್ರಯತ್ನ ಜಾತಾ ಆಸಾ. ಸಾಮಾನ್ಯ ಲೋಕಾಲಾಗಿ ಉಲಯಲ್ಯಾರಿ ಸಾಂಗತಾತ ಕೀ “ಹೆ° ಪುರಾ ಆಮಕಾ ಭಿವೊಚಾಕ. ಆಮಗೆಲೆ ಜೀವನಾಂತು° ಶಿಸ್ತು ದವರಲ್ಯಾರಿ ಖಂಚೆ ಕಾನ್ ಯಿ ಆಮಕಾ ಖಾಂಯ ಕರನಾ. ಖಾಣ ಜೇವಣಾಂತು° ಆನೀ ಆರೋಗ್ಯಾ ಬದಲ ಶಿಸ್ತು ದವರಾ ವ್ಹಿಂಗಡ ಸಗಟ ವಿಸರಾ” ಮ್ಹಣತಾತಿ.