![Venkatesh](https://secure.gravatar.com/avatar/1301b6301b1ca079333273ca528f55b8?s=100&default=https%3A%2F%2Fkodialkhaber.com%2Fcomponents%2Fcom_k2%2Fimages%2Fplaceholder%2Fuser.png)
Venkatesh
ಪ್ರೋ. ಡಾ. ಯು. ಎಸ್. ನಾಯಕ ಹಾಂಕಾ° ಕೆಕಿ ಮಿಸ್ತಿ ಪ್ರಶಸ್ತಿ
ಪ್ರೋ. ಡಾ. ಯು. ಎಸ್. ನಾಯಕ ಹಾಂಕಾ° ಕೆಕಿ ಮಿಸ್ತಿ ಪ್ರಶಸ್ತಿ
ಮಂಗಳೂರು: ಹಾಂಗಾಚೆ ಎ. ಬಿ. ಶೆಟ್ಟಿ ಮೆಮೋರಿಯಲ್ ಇನಸ್ಟಿಟ್ಯೂಟ್ ಆಫ್ ಡೆಂಟಲ್ ಸಾಯನ್ಸಸ್ ಹಾಜೊ ಡೀನ ಆನೀ ನಾಯಕ್ಸ್ ಡೆಂಟಲ್ ಸ್ಪೆಷಾಲಿಟಿ ಕ್ಲಿನಿಕ್ ಎಂಡ್ ರ್ತೊಡೊಂನ್ಟಿಕ್ ಸೆಂಟರ್ ಹಾಜೊ ನಿರ್ದೇಶಕ ಪ್ರೋ. ಡಾ. ಯು. ಎಸ್. ಕೃಷ್ಣ ನಾಯಕ ಹಾಂಕಾ° 2020-21 ವರಸಾಚಿ ಪ್ರತಿಷ್ಠಿತ ಪ್ರೊ. ಕೆಕಿ ಮಿಸ್ತಿç ಪ್ರಶಸ್ತಿ ಫಾವೊ ಜಾಲ್ಯಾ. ಡಾ. ನಾಯಕ ಇಂಡಿಯನ್ ಡೆಂಟಲ್ ಎಸೊಸಿಯೇಶನಾಚೊ ಆದಲೊ ಅಧ್ಯಕ್ಷ ಜಾವನು ಸೇವಾ ದಿಲೆಲೊ ಜಾವನು ಆಸಾ.
ಶ್ರೀನಿವಾಸ ಕುಡ್ವ ದೇವಾದಿನ
ಮಂಗಳೂರು: ಮಂಗಳೂರಚೆ ವಾವಾದೀಕ ಉದ್ಯಮಿ ಶ್ರೀನಿವಾಸ ವಾಮನ ಕುಡ್ವ (೮೭) ಹಾಂನಿ° ಅಗೋಸ್ಟ ೨೯ಕ ತಾಂಗೆಲೆ ಸ್ವಗೃಹಾಂತು° ಅಂತರಲೆ. ಕೆನರಾ ಸ್ಪಿçಗ್ಸ್ ಹಾಜೆ ಅಧ್ಯಕ್ಷ ಆನೀ ಆಡಳಿತ ನಿರ್ದೇಶಕ ಆನೀ ಸಿ.ಪಿ.ಸಿ. ಲಾಜಿಸ್ಟಿಕ್ಸ ಹಾಜೆ ಅಧ್ಯಕ್ಷ ಆಶಿಲೆ ಹಾಂನಿ° ಸ್ಥಪಕ ವಾಮನ ಎಸ್. ಕುಡ್ವ ಹಾಂಗೆಲೆ ದುಸ್ರೊ ಪೂತು ಜಾವನು ಆಸಾತಿ. ಹಾಂನಿ° ಅಮೇರಿಕೆಂತು° ಮೆಟಲರ್ಜಿಂತು° ಎಂ. ಎಸ್. ಶಿಕ್ಷಣ ಫಾವೊ ಕರನು ೧೯೬೪ ಇಸವಿಂತು° ಪಯಲೆ° ಪಾವಟಿ ಭಾರತಾಂತು° ಕನಟಿನ್ಯೂವಸ್ ಕಾಸ್ಟಿಂಗ್ ಟೆಕ್ನಾಲಾಜಿ ಹಾಡಚಾಕ ಕಾರಣ ಜಾಲೆಂತಿ. ಕೆನರಾ ಚೇಂಬರ ಆಫ್ ಕಾಮರ್ಸ ಎಂಡ್ ಇಂಡಸ್ಟಿ, ಕೆನರಾ ಸ್ಟಾಕ್ ಎಕ್ಸಚೆಂಜ್ ಹಾಜೋ ಅಧ್ಯಕ್ಷ ಜಾವನೂಯೀ ಹಾಂನಿ° ಸೇವಾ ದಿಲೆಲಿ ಆಸಾ. ಆನಿ° ಬಾಯಲ, ದೋಗ ಪೂತ ಆಣೀ ದೋಗ ದ್ಹುವೆಂಕ ಸೋಡೂನ ಗೆಲ್ಯಾಂತಿ.
ಕೊಂಕಣಿ ಸಾಹಿತ್ಯಾಚೆ° ಡಿಜಿಟಲೀಕರಣ
೧೬ ಜ. ೨೦೨೧: ವೆಳಾಕಾಳಾಕ ಸಮ ಜಾವನ ಆಯಚೊ ಕಾಳ ಡಿಜಿಟಲ್ ಕಾಳ ಜಾಲಾ ದೆಕುನ ಕೊಂಕಣಿ ಸಾಹಿತ್ಯಾಕ ಸುತಾ ಹ್ಯಾ ಡಿಜಿಟಲ್ ಕಾಳಾಕ ವ್ಹರಚಿ ಗರಜ ಆಸಾ ದೆಕುನ ಆಮಿ ಆತಾಂಚೆ° ಸಾಹಿತ್ಯ ಡಿಜಿಟಲೀಕರಣ್ ಕೆಲೆಲೆ ಮ್ಹಣಕೆಚೀ ಮಾಕ್ಷಿಚೆ ಕಾಳಾಚೆ° ಕೊಂಕಣಿοತಲೆ° ಅಪರೂಬಾಯೆಚೆ° ಸಾಹಿತ್ಯ ಸುತಾ ಡಿಜಿಟಾಯ್ಜ್ ಕರುನ ಕೊಂಕಣಿಕ್ ಲಿಪಿ/ಬೊಲಿಚ್ಯೊ ಮೆರೊ/ಗಡಿ ಉತ್ರುನ ಜಾಗತಿಕ ಸ್ಥರಾಕ ಪಾವೋಚೆ ಗರಜ ಸಮಜುನು ಆಶಾವಾದಿ ಪ್ರಕಾಶನಾನ ’ವಿಲ್ಫಿ ರೆಬಿಂಬಸಾಚ್ಯೊ ಕಥಾ’ ಡಿಜಿಟಾಯ್ಜ್ ಕರಚೆ ಯೋಜನಾಚಿ ಶುರುವಾತ ಜಾವನು ಆಸಾ ಕೆಲೆಲೆ° ‘ಅಂತರ್ರಾಶ್ಟ್ರ್ತೀಯ್ ವೆಬಿನಾರ್’ ಜನವರಿ ೧೬ ತಾರಿಕೆರ (ಶನ್ವಾರಾ) ಸಾಂಜೆರ ೪:೩೦ ದಾಕೂನ ೬:೩೦ ರ್ಯಾಂತ ಚಲೆ°.
ವಲ್ಲಿ ಕ್ವಾಡ್ರಸಾನ್ ಯೆವ್ಕಾರ ಮಾಘಲೊ. ತಾಂನಿ° ಗೊಂಯ ಅಸ್ಮಿತಾಯೆಚ್ಯಾ ದಿಸಾಚಿ ಪರಬಿ ಪಾಟಯಲಿ. ಕೊಂಕಣಿ ಸಮಾಜೆಚೊ ಶಿಲ್ಪಿ - ರೆಬಿಂಬಸ್ ವಿಲ್ಫಿಚ್ಯಾ ನಾಂವಾರ ಅಧುರಿ° ಆಸ್ಲಿ° ಭಾಂದ್ಪಾ° ಉಭಿ° ಜಾಲಿ°, ಕೊಸಳ್ಳೆಲಿ° ಘರಾ°, ಫಾಸಾಳ್ಳೆಲಿ° ಕುಟ್ಮಾ° ಏಕ್ ಜಾಲಿ°, ವಿಲ್ಫಿ ರೆಬಿಂಬಸ್ ಏಕ ನಾಂವ ಕೊಂಕಣಿ ಲೊಕಾಂಚ್ಯಾ ಕಾಳ್ಜಾ-ಮನಾಂತ ಸ್ಥಿರ್ ಜಾವನ ಉರ್ಲಾ° ತರ ತಾಚೆ° ಸಾದೆಂಪಣ, ಖಾಲ್ತೆಂಪಣ ತಾಚಿ ಭೋವ ವ್ಹಡ ಆಸ್ತ ಜಾವನ ಆಶಿಲಿ ಮ್ಹಣುನ, ಕೊಂಕಣಿಚೆ ಅಮೊಲಿಕ್ ಸಾಹಿತ್ಯಾಕ ಲಿಪಿಯಾಂತರ ಕರುನ್ ಡಿಜಿಟಲ್ ಮಾಧ್ಯಮಾ° ಮುಖಾಂತರ ರ್ಗಟ್ ಕರಚೆ° ತಶೆಂಚ ಆಡಿಯೊ ಬುಕಾಂನಿ ಸುತಾ ತೆ° ಫಾವೊ ಕರುನ ಸಂಸಾರ ಭರ ಶಿಂಪಡ್ಲೆಲ್ಯಾ ಕೊಂಕಣಿ ಲೊಕಾಕ ಫಾವೊ ಜಾವಚೆ ದಿಶೆನ ಡಿಜಿಟಲ್ (ಇ) ಲೈಬ್ರೆರಿ ಕರಚೆ° ಆಶಾವಾದಿ ಪ್ರಕಾಶನಾಚೆ° ಯೋಜನಾ ಆಸಾ ಮ್ಹಣು ಕಳಯಲೆ°.
ಫೆಲಿಕ್ಸ್ ಲೋಬೊ ಖತಾರ್ ಹಾನಿ° ವೆಬಿನರಾಚೆ° ಉಗ್ತಾವಣ ಕೆಲೆ°. “ವಿಲ್ಫಿ ರೆಬಿಂಬಸಾನ್ ಆಪಣ್ಯಾ ಜಿಣ್ಯೆಕ ಕೊಂಕಣಿ ಸಮಾಝೆಕ ಸಮರ್ಪುನ ದಿಲ್ಲೆ° ಆನಿ ಆತಾ° ತಾಚ್ಯಾ ಸಾಹಿತ್ಯಾಕ ಡಿಜಿಟಲೀಕರಣ್ ಕರಚೆ° ಕಾಮ ಖರೆಂಚ ಜಾವನ ಕೊಂಕಣಿಚ್ಯಾ ಫುಡಾರಾಕ ಭೋವ ಉಪ್ಕಾರಾಕ ಪಡ್ಚೆ ತಸಲೆ°” ಮ್ಹಣು ತಾಂನಿ° ಸಾಂಗಲೆ°. ವಿಲ್ಫಿ ರೆಬಿಂಬಸಾ ಪರಿಂಚ ಹೆರಾಂಚೆ° ಅಮೊಲಿಕ ಸಾಹಿತ್ಯ ಸುತಾ ಡಿಜಿಟಾಯ್ಜ್ ಕರಚೆ° ದಿಶೆನ ಆಶಾವಾದಿ ಪ್ರಕಾಶನ ವಾವ್ರ ಕರುಂಕ ಸುಚಾವ ದಿಲೊ.
ದಾಯ್ಜಿವರ್ಲ್ಡ್.ಕೊಮ್ಚೊ ಪ್ರಧಾನ ಸಂಪಾದಕ ವಾಲ್ಟರ್ ನಂದಳಿಕೆ, ಎಡ್ಡಿ ಸಿಕೇರಾ, ಹೇಮಾಚಾರ್ಯ, ಕ್ಲೆರೆನ್ಸ್ ಕೈಕಂಬ, ವೀಜ್ ಇ-ಪತ್ರಾಚೊ ಸಂಪಾದಕ್ ದೊ|ಆಸ್ಟಿನ್ ಪ್ರಭು, ಸೆಫ್ ಮಥಾಯಸ್, ಜೇಮ್ಸ್ ಮೆಂಡೊನ್ಸಾ, ವೆಂಕಟೇಶ ಬಾಳಿಗಾ ಹಾಂನಿ° ಸಂದೇಶ ದಿಲೊ.
ಉಪ್ರಾಂತ ವೀಣಾ ರೆಬಿಂಬಸ್ ಪಾಯ್ಸಾನ ವಿಲ್ಫಿ ರೆಬಿಂಬಸಾಚ್ಯಾ ಡಿಜಿಟಲೀಕರಣಾಚೊ ಏಕ್ ವಾಂಟೊ; ಲಿಪಿಯಾಂತರ ಕರುನ ಇ-ಪುಸ್ತಕಾರುಪಾರ ಡಿಜಿಟಲ್ ಪರ್ಗಟ್ಣೆಚೆ° ಘೋಶಣ್ ಕರುನ, ವಿಲ್ಫಿ ರೆಬಿಂಬಸಾಚ್ಯೊ ಕಥಾ ಕನ್ನಡ, ನಾಗರಿ ತಶೆಂಚ ರೋಮಿ ಲಿಪಿಂನಿ ಇ-ಬುಕಾರುಪಾರ ಡಿಜಿಟಲ್ ಮಾಧ್ಯಮಾಂತ ವಾಚೂಚಾಕ ಫಾವೊ ಜಾಂವಚಾ ಮಿಸಾಂವಾಚೆ° ಉಗ್ತಾವಣ ಕರುನ ಹ್ಯಾ ವಾವ್ರಾಚಿ ಶುರುವಾತ ಕೆಲೆಲೆ ಆಶಾವಾದಿ ಪ್ರಕಾಶನಾಕ ಬರೆ° ಮಾಘಲೆ°.
ಬುಕಾಚೆ° ಉಗ್ತಾವಣೆಚೆ° ಘೋಶಣ ಕರುನ ‘ಪಿಂತ್ರಾ°’ ಕಥೆಕ ವಲ್ಲಿ ಕ್ವಾಡ್ರಸಾ ಥಾವ್ನ, ‘ಮೂಗುತಿ’ ಕಥೆಕ ಕ್ರಿಸ್ಟೋಫರ್ ನೀನಾಸಮ್ ಥಾವ್ನ, ತಶೆಂಚ ‘ಫಾತಿಮಾಚೆ° ಕಾಜರ’ ಕಥೆಕ ಎಡ್ಡಿ ಸಿಕೇರಿ ಥಾವ್ನ ಸಾದರಪಣ ಜಾವಚೆ° ವಿಶಯ ಘೋಷಣಾ ಕರುನ ತಾಂಗೆಲೊ ಸಂಧೇಶ ದಿಲೊ.
ತ್ಯಾ ಉಪ್ರಾಂತ ಕೊಂಕಣಿοತ್ಲೆ° ಪಯ್ಲೆ° ಡಿಜಿಟಲ್ ಸಾಹಿತ್ಯೀಕ ಜರ್ನಲ ‘ಪಯ್ಣಾರಿ’ಚೊ ದುಸ್ರೊ ಅಂಕೊ ಉಗ್ತಾವಣ ಜಾಲೆ°. ಆಶಾವಾದಿ ಪ್ರಕಾಶನಾಚೊ ಸಹ-ಸಂಪಾದಕ ಮಾ| ಜೇಸನ್ ಪಿಂಟೊನ ‘ಪಯ್ಣಾರಿ’ ಸಾಹಿತ್ಯೀಕ ಜರ್ನಲಾಚೆರ ಉಲೊವನು, ಕೊಂಕಣಿ ಸಮಾಜ ಆಜಿ ಸಭಾರ್ ರಿತಿಚ್ಯಾ ವಿಘ್ನಾಂಕ ಭಗುನ ಆಸಾ ಆನಿ ಹ್ಯಾ ಸಂಧರ್ಭಾರ ಸರ್ವ ಕೊಂಕಣಿ ಲೊಕಾಂನಿ ಜಾತ-ಲಿಪಿ-ಬೊಲಿಚ್ಯೊ ಗಡಿ ಉತ್ರುನ ಕೊಂಕಣಿಚೊ ಫುಡಾರ ಮತಿಂತ ಧರುನ ತ್ಯಾ ದಿಶೆನ ವಾವ್ರ ಕರಚಿ ಗರಜ ಸಮಜುನು ಪಾವಲ° ದವರಚೆ ಆಶಾವಾದಿ ಪ್ರಕಾಶನಾಚೆ ‘ಯದಹಾಂ ಜೀವಮಿ, ಅಹಮಾಶಾಂಸೆ (ಜೀವ ಆಸ್ತಾಶರ ರ್ವಸ್ತಾ°)’ ಧ್ಯೇಯಾಚೊ ಉಲ್ಲೇಕ ಕೆಲೊ. ಮೆಲ್ವಿನ್ ರೊಡ್ರಿಗಸಾನ ಪಯ್ಣಾರಿ ಜರ್ನಲಾಕ ಲೋಕಾರ್ಪಣ ಕೆಲೊ.
ಅಂತರ-ರಾಷ್ಟ್ರೀಯ ಪುರಸ್ಕೃತ ಸೂತ್ರ ಸಂಚಾಲಕ ಮಾನೆಸ್ತ್ ರೊನಾಲ್ಡ್ ಒಲಿವೆರಾ ಪಡುಕೋಣೆ ಹಾಂನಿ° ಸೂತ್ರ ಸಂಚಾಲನ ಕೆಲೆv.
ಮುಕಾವಯಲೆ ಕಾರ್ಯಾವಳಿಂತು° ದೊ| ಜಯಂತಿ ನಾಯ್ಕ ಹಿಗೆಲೆ° ‘ತಿಚಿ ಕಾಣಿ’ ಪುಸ್ತಕಾಚೆ° ಲೋಕಾರ್ಪಣ ಚಲೆ°. ಶೈಲೇಂದ್ರ ಮೆಹ್ತಾನ ಜಯಂತಿ ಬಾಯೆಲೊ ಒಳೊಕ ಕೆಲೊ. ವಸಂತ ಸಾವಂತಾನ ಜಯಂತಿ ನಾಯ್ಕಾಚ್ಯಾ ಕಥೆಂಚೆರ ಖೊಲಾಯೆನ ಉಲೊವಚೆv ಕೆಲೆ°. ಗೋಕುಲದಾಸ ಪ್ರಭುನ ಪುಸ್ತಕಾಕ ಲೋಕಾರ್ಪಣ ಕೆಲೆ°. ದೊ| ಪೂರ್ಣಾನಂದ ಚಾರಿನ ಸುತ್ರ ಸಂಚಾಲನ ಕೆಲೆ°.
ಬಸ್ತಿ ವಾಮನ್ ಶೆಣೈ, ಮಾ| ಬಾ| ರೋಯ್ಸನ್ ಫೆರ್ನಾಂಡಿಸ್, ಎಚ್ಚೆಮ್, ವಿಲ್ಸನ್ ಕಿನ್ನಿಗೋಳಿ, ದಿನೇಶ್ ಕೊರೆಯಾ, ಕನ್ಸೆಪ್ಟಾ ಫೆರ್ನಾಂಡಿಸ್ ಆಳ್ವ, ಆರ್. ಎಸ್. ಭಾಸ್ಕರ್, ಗೋಪಿನಾಥ್ ಆನಿ ದೇಸ-ವಿದೇಸ ದಾಕೂನ ಸಭಾರ ಕೊಂಕಣಿ ಮುಖೆಲಿ ಹಾಜರ ಆಸುನ ಆಪಲೆ ಸಂಧೇಶ ದಿಲೆ. ವಲ್ಲಿ ಕ್ವಾಡ್ರಸಾನ ಆಭಾರ ಮಾನಲೊ.
ಅನುವಾದ ಮ್ಹಳ್ಯಾರ ಮೀಟಾಚೆ ದೋಣಿರ ಬಯಸೂನ ನ್ಹಂಯಚ್ಯಾ ಎಕ ತಡಿ ತಾವನು ಆನೇಕ ತಡಿಕ ವಚೆ
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ ಮಂಗಳೂರಚೆ ಕಲ್ಲಚ್ಚು ಪ್ರಕಾಶನಾ ದಾಕೂನ ಪರಗಟ ಜಾಲೇಲ ಯುವ ಕವಿ ಆನಿ ಸಾಹಿತಿ ವೆಂಕಟೇಶ ನಾಯಕ್ ಹಾನಿ ಕನ್ನಡಾ ದಾಕೂನ ಕೊಂಕಣಿಕ ಅನುವಾದ ಕೆಲೆಲ ಪುಸ್ತಕ ‘ಬೆಂಝಲ ಆನೀ ಬಾಲಕೃಷ್ಣು’ , ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ವಿಜೇತ ಮ್ಹಾಲಗಡೊ ಕವಿ ಮೆಲ್ವಿನ್ ರೊಡ್ರಿಗಸ ಹಾನಿ ಗೂಗಲ ಮಿಟಾಂತು ಚಲೇಲ ಆನಲೈನ ಕಾರ್ಯಕ್ರಮಾಂತು ಲೋಕಾರ್ಪಣ ಕೆಲೆ. ಲೋಕಾರ್ಪಣ ಕರೂನ ಅನುವಾದ ಮ್ಹಣಚೆ ಫಕತ ಭಾಶಾ ಪಾಂಡಿತ್ಯಾಚೆ ಕಾಮ ನ್ಹಹೀ, ಅನುವಾದ ಕರತನಾ ಥಂಯ ಆಸಚೆ ಸತ್ವ ಆನಿ ಲೇಖಕಾಲೆ ಆಶಯ ದಶೆ ದವರೂನ ದುಸರೆ ಭಾಸೇಕ ಹಾಡಚೆ ಪ್ರಯತ್ನ ಆಸತಾ ಮ್ಹಣ ಸಾಂಗೂನ, ಅನುವಾದ ಮ್ಹಳ್ಯಾರ ಮಿಟಾ ದೋಣಿರ ಬಯಸೂನ ನ್ಹಂಯಚ್ಯಾ ಎಕ ತಡಿ ತಾವನು ಆನೇಕ ತಡಿ ವಚೆ ಕಾಮ, ಆಮಗೆಲ ಇಡ್ಲಿ ಇಂಗ್ಲೀಷಾοತು ರೈಸ್ ಕೆಕ್ ಜಾತಾನಾ ತಾಜೆ ಸಂಪೂರ್ಣ ಭಾವ ಬದಲತಾ ಅಸಲೆ ಜಾಗ್ರತಿ ಮನಾಂತು ಆಸೂಕಾ ಮ್ಹಣ ತಾಣಿ ಸಾಂಗಲೆ. ಕನ್ನಡಾಚೆ ಮ್ಹಾಲಗಡೋ ಕವಿ ಮಹೇಶ ಆರ್ ನಾಯಕ್ ಹಾನಿ ಬರಯಲೆಲೆ ‘ ೧೮ ಮೊಳ’ ವೆಂಕಟೇಶ ನಾಯಕ್ ಹಾನಿ ಕೊಂಕಣಿಕ ಅನುವಾದ ಕರೂನ ಕನ್ನಡ ಆನೀ ದೇವನಾಗರಿ ಲಿಪಿಂತು ಹ್ಯಾ ಪುಸ್ತಕ ಪರಗಟ ಜಾಲಾ. ಗೂಗಲ ಮಿಟ ಆನಲೈನ ಮಾಧ್ಯಮಾರ ಚಲೇಲ ಹ್ಯಾ ಕಾರ್ಯಕ್ರಮಾಂತು ಗೊಂಯಾ ದಾಕೂನ ಡಾ. ರಾಖಿ ಅಮೋಣಕರ, ಕೇರಾಳ ದಾಕೂನ ಡಾ. ವಾರಿಜ ನೀರೆಬೈಲು, ಆನಿ ಡಾ. ರಾಮಕೃಷ್ಣ ಬಿ,ಎಂ, ಡಾ ಯತೀಶ ಕುಮಾರ ಉಪಸ್ಥಿತ ಆಶಿಲೆ.
ಮಾಧವ ಪೈ ಹಾಂಕಾ° ಅಕಾಡೆಮಿ ಪ್ರಶಸ್ತಿ
ಶಿವಮೊಗ್ಗ: ಕೊಂಕಣಿ ಶಬ್ದ ರತ್ನಾಕರ ಬಿರುದಾಂಕಿತ ಶಬ್ದ ಸಾಹಿತಿ ಮಂದರ್ಕೆ ಮಾಧವ ಪೈ ಹಾಂನಿ° ಚಾಳಿಸ ವರಸ ಮಾಕ್ಷಿ ಇಂಗ್ಲಿಷ ದಾಕೂನ ಕನ್ನಡ ಭಾಶೆಕ ಅಣಕಾರ (ಭಾಷಾಂತರ) ಕರನು ದೋನ ವರಸ ಮಾಕ್ಷಿ ಬೆಂಗಳೂರಚೆ ಅರವಿಂದ ಆಶ್ರಮ ಹಾಂನಿ° ಛಾಪೊವನು ಪುಸ್ತಕ ರೂಪ ದಿಲೆಲಿ ಕೃತಿ ‘ಸಾವಿತ್ರಿ’ ಕಾವ್ಯಾಕ ಕರ್ನಾಟಕ ರಾಜ್ಯ ಸಾಹಿತ್ಯ ಅಕಾಡೆಮಿಚೆ ಪುಸ್ತಕ ಬಹುಮಾನ ಫಾವೊ ಜಾಲಾ°.
ಮಾಧವ ಪೈ ಹಾಂನಿ° 40 ವರಸ ಮಾಕ್ಷಿ ರಚನ ಕೆಲೆಲೆ ಸಾವಿತ್ರಿ ಕಾವ್ಯ ಬೆಂಗಳೂರಾಚೆ ಅರವಿಂದ ಆಶ್ರಮ ಹಾಂನಿ° ದೋನ ವರಸ ಮಾಕ್ಷಿ ಪುಸ್ತಕ ರೂಪ ದಿಲೆಲೆ°. ತ್ಯಾ ಕೃತಿಕ ಆತ° ಅಕಾಡೆಮಿನ ಪಂಚ್ವೀಸ ಹಜಾರ ನಗದ ಆನೀ ಫಲಕ ಸಹಿತ ಬಹುಮಾನ ಘೋಷಣ ಕೆಲಾ°. ಸಾನ ದಾಕೂನ ಶಬ್ದಾಚೆ ಸಾಂಗತ ಖೇಳತ ಹೋಡ ಜಾಲೆಲೊ ನಿವೃತ್ತ ಶಿಕ್ಷಕು ಮಾಧವ ಪೈ ಹಾಂನಿ° ಆಜೀಕಯೀ ಮ್ಹಾಲ್ಗಡೆ ಪ್ರಾಯೇರಿ ಸುತಾ ಬರೊವಚೆಂ ಕರನು ಆಯಿಲೆಂತಿ. ಖಂಚೇಯ ಪ್ರಚಾರಾಕ ವಚನಾಶಿ° ಹಾಂನಿ° ಪಾನಾಚೆ ಮಾಕ್ಷಿ ನಿಪೋನು ಬಶಿಲೆ° ಫಲಶೆ° ಆಯಚೆ ತರನಾಟ್ಯಾಂಕ ಕಳನಾಶಿ° ಜೀವನ ಕರನು ಆಸಾತಿ. ಮಾಧವ ಪೈ ಹಾಂನಿ° ಮಹರ್ಷಿ ಅರವಿಂದ ಹಾಂಗೆಲಿ ಇಂಗ್ಲಿಷ ಕೃತಿ ‘ಮದರ್’, ಕನ್ನಡಾಕ ‘ಮಾತೆ’ ಮ್ಹಣು ಭಾಷಾಂತರ ಕೆಲೆಲಿ ಆಸಾ. ಶಬ್ದಾರ್ಥ ಗೌರವ ಕೃತಿ ಕರ್ನಾಟಕ ಸಂಘಾನ ಪ್ರಕಟ ಕೆಲೆಲಿ ಆಸಾ. ಹಾಂನಿ° ಶಬ್ದಾಚೆ ವ್ಯುತ್ಪನ್ನಾಚೆ ಬದಲ ಪುಸ್ತಕ ಬರಯಿಲೆ° ಆಸಾ. 19 ಹಜಾರ ಶಬ್ದಾಚೆ° ಕನ್ನಡ ಕೊಂಕಣಿ ಶಬ್ದ ಕೋಶ, ಕನ್ನಡ ಕೊಂಕಣಿ ಸಂಸ್ಕೃತ ಪ್ರಾಕೃತ ಶಬ್ದಕೋಶ ಸುತಾ ಹಾಂನಿ° ರಚನ ಕೆಲೆಲೆ° ಆಸಾ.
ಸಾಗರಾಚೆ ಮುನ್ಸಿಪಲ್ ಹೈಸ್ಕೂಲಾಂತು° 1952 ಇಸವಿಂತು° ಕನ್ನಡ ಪಂಡಿತ ಜಾವನು ವೃತ್ತಿ ಜೀವನ ಶುರು ಕೆಲೆಲೆ ಹಾಂನಿ° ಶಿವಮೊಗ್ಗ, ಉಡುಪಿ, ಮಂಗಳೂರು ಮೆಳನು ರಾಜ್ಯಾಚೆ ಸಾಬಾರ ಕಡೆನ ಸೇವಾ ದೀವನು, ಸೇವಾ ಶುರು ಕೆಲೆಲೆ ಮುನ್ಸಿಪಲ್ ಹೈಸ್ಕೂಲಾಂತೂಚೀ ನಿವೃತ್ತಿ ಪಾವಲಿ ಆಸಾ. ತೇದನಾ ತೀ ಶಾಳಾ ಸರಕಾರಿ ಪದವಿಪೂರ್ವ ಕಾಲೇಜ ಜಾವನು ಆಶಿಲೆ°. ೮೩ ವರಸಾಚೆ ಮಾಧವ ಪೈ ಹಾಂನಿ° ಆರತಾ° ಅಂತರಲೆಲೆ ನಾವಾದಿಕ ಇತಿಹಾಸ ತಜ್ಞ ಶೆಟ್ಟರ್ ಹಾಂಕಾ° ಆತ್ಮೀಯ ಆಶಿಲೆ. ನಂತಾ° ತಾಂಗೆಲೆ ಸಾಂಗತಾ ಕಾಮ ಸುತಾ ಕೆಲೆಲೆ° ಆಸಾ. ಶೆಟ್ಟರ್ ಹಾಂನಿ° ತಾಂಗೆಲೆ ಹಳೆಗನ್ನಡ ಗ್ರಂಥ ಹಾಂಕಾ ಅರ್ಪಣ ಕರತಾನಾ ತ್ಯಾ ಕೃತಿಚೆ ಪಯಲೆ° ಪಾನಾರಿ ‘ಋಣ ಭಾರ’ ಜಾವನು ಹೆ° ಅರ್ಪಣ ಕರತಾ° ಮ್ಹಣು ಹಾತಾಕ್ಷರ ಘಾಲೆಲೆ° ವಿಶೇಷ ಜಾವನು ಆಸಾ.
ಕೊಡಿಯಾಲ ಖಬರ ಪಾಕ್ಷಿಕಾಚೆ ತರಪೇನ ‘ಕೊಂಕಣಿ ಶಬ್ದ ರತ್ನಾಕರ’ ಬಿರುದು ಫಾವೊ ಜಾಲೆಲೆ ಮಂದರ್ಕೆ ಮಾಧವ ಪೈ ಹಾಂಗೆಲೆ ಮಾರ್ಗದರ್ಶನಾರ ಚಲೆಲೆ ಕಾರ್ಯಗಾರಾಚೆ ನದರ.ο
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಪೋಫಳ
ಕಪರ್ೂರ ಸಹಿತ ಪೋಫಳ, ಚುನ್ನೊ ಲಾಯಿಲೆಂ ನಾಗವಲ್ಲಿ ಪಾನಾ ಜವಳ ಆಸೂಚೆ ಹೆಂ ತಾಂಬೂಲ ಅತಿಮನೋಹರ ಮ್ಹಣಚೀ ಏಕಿ ಸೂಕ್ತಿ ಆಸಾ. ಪಾನಾ ಸಾಂಗಾತಿ ಪೋಫಳಾ ಫೋಡಿ ದವರೂನ ದಿವಚಾಕ ವೀಡೊ ದಿವಚೊ ಮ್ಹಣತಾತಿ. ಆರತಾಂ ಪೋಫಳಾನ ಚಾ ಸುದಾ ಕರತಾತಿ.
ಉದ್ಗೃತ ವಾಕ್ಯಾಂಕ ಪೋಫಳ ಮ್ಹಣಚೊ ಶಬ್ದ ವಾಪರಲಲೋ ಆಸಾ ತೆ ಶಬ್ದಾಚೊ ಅರ್ಥ ಸಾಮಾನ್ಯ ಜಾವನ ಸಕಡಯೀ ಜಾಣತಾತಿ. ತೆಂ ಏಕ ಪಾನಾ ಸಾಂಗಾತಿ ಖಾವಚೊ ವಸ್ತು ಮ್ಹಣ ಜಾವನ ಆಸಾ. ಅಶಿಂ ಅರ್ಥ ಆಸೂಚೇ ಹೆ ಶಬ್ದಾಚೀ ವ್ಯುತ್ಪತ್ತಿ ಸಮಜೂವ್ಯಾಂ.
ಸಂಸ್ಕೃತ ಭಾಶೆಂತು ಪೋಪಳ ಮ್ಹಣಚೊ ಅರ್ಥ ಆಸಚೊ ಪೂಗಫಳ ಮ್ಹಣಚೊ ಏಕ ಶಬ್ದ ಆಸಾ. ಹೇ ಪೂಗಫಳ ಮ್ಹಣಚೆ ಶಬ್ದಾಚೆ ತದ್ಬವ ರೂಪ ಜಾವನು ಆಸಾ ಹೋ ಪೊಫಳ ಮ್ಹಣಚೋ ಶಬ್ದು. ಹೆ ಪೂಗಫಳ ಮ್ಹಣಚೆ ಶಬ್ದಯಾಚೆ ತದ್ಬವಾ ಜಾತಾನಾ ಗ ಅಕ್ಷರ ಲೋಪ ಜಾವನು ಪೊಫಳ ಮ್ಹಣ ರೂಪ ಪಾವತಾ. ಹೇ ಪೂಫಳ ಮ್ಹಣಚೊ ಶಬ್ದು ಜನಾಲೇ ತೊಂಡಾಂತ ಪೂ ಆಶಿಲೆ ಪೋ ಜಾವನು ಪೋಫಳ ಜಾಲೆಂ. ಪೂಗ>ಪೂಅ ಆಶಿಲೆಂ ಊ ಆನೀ ಅ ಮೆಳನು ಔ ಜಾವನು ಪೋ ಜಾಲ್ಲೆಂ. ಪೋ+ ಫಳ ಪೋಪಳ ಜಾಲ್ಲಾ.
ಹೆಂ ತಾಂಬೂಲಾಂತ ವಾಪರಚೋ ಏಕು ವಸ್ತು ಜಾವನು ಆಸಾ. ಶುಭ ಸಂಕೇತ ಜಾವನೂಯಿ ಆಸಾ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- तुळशी काट्टो
- कोरोनान शिकयिलो पाठ
- ಸತ್ಯನಾರಾಯಣ ಪೂಜಾ
- ಜುನಾಗಢ್
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ಘರ ಏಕ್ ದೇವುಳ
- GSB Scholarship League Application
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- ಮಸೀಂಗ
- ಹುಂಬರು (ಉಂಬರು)
- स्वावलंबन आनी आत्मविश्वास
- भारताचे अमृत स्वातंत्र महोत्सवाचे पांच अमृत घडियो
- ತಾಕೀತ (ತಾಕೀದ)
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- 'ಮಹಾ ಸರಕಾರ"
- ಲಾಕ್ಡೌನ್
Homage
Who is Online?
We have 90 guests and no members online