ಕೊಂಕಣಿ ಸಾಂಸ್ಕೃತೀಕ ಸಂಘಾಚೊ ಆದಲೊ ಅಧ್ಯಕ್ಷ, ಕೊಂಕಣಿ ಭಾಶಾ ಮಂಡಳ ಕರ್ನಾಟಕ ಹಾಜೊ ಖಜಾಂಚಿ, ರಾಘವೇಂದ್ರ ಮಿತ್ರ ಮಂಡಳಿಚೊ ಅಧ್ಯಕ್ಷ ಸಮಾಜ ಸೇವಕ, ಭಾರತೀಯ ಜನತಾ ಪಾರ್ಟಿಚೊ ನಿಷ್ಠಾವಂತ ಕಾರ್ಯಕರ್ತ ವಿಠಲ ಕುಡ್ವ (54 ವರಸ) ಸೆ. 13ಕ ಸಕಾಳಿ ಬಜೀಲಕೇರಿಚೆ ಸ್ವಗೃಹಾಂತು° ಹೃದಯಾಘಾತಾನ ಅಂತರಲೊ. ಆರತಾ° ಸೆ.18ಕ ಮಂಗಳೂರಾoತು° ತಾಂಗೆಲೆ ಆತ್ಮಾಕ ಶಾಂತಿ ಮಾಘಚಾಕ ಶ್ರದ್ಧಾಂಜಲಿ ಸಭಾ ಚಲಿ. ಮಂಗಳೂರು ದಕ್ಷಿಣ ಕ್ಷೇತ್ರಾಚೊ ಶಾಸಕ ವೇದವ್ಯಾಸ ಕಾಮತ ಹಾಂನಿ° ಭಾಷ್ಪಾಂಜಲಿ ಅರ್ಪಣ ಕೆಲಿ. “ವಿಠಲ ಕುಡ್ವ ಹಾಂನಿ° ಬಾರತೀಯ ಜನತಾ ಪಾರ್ಟಿಚೆ ನಿಷ್ಠಾವಂತ ಕಾರ್ಯಕರ್ತ ಆಶಿಲೆ. ತಾಂಗೆಲೆ ಸ್ಥಾನ ಕೋಣಯಿ ಭರಚಾಕ ಜಾಯನಾ. ಪಕ್ಷಾಕ ಆನೀ ಸಮಾಜಾಕ ಹೆ° ಎಕ ಹೊಡ ನಷ್ಟ” ಮ್ಹಣು ತಾಂನಿ° ಸಾಂಗಲೆ°. ವಿಠಲ ಕುಡ್ವ ಹಾಂಗೆಲೆ ಕುಟುಂಬೆಚೆ ಸಾಂಗತ ಆಮೀ ಸಗಟ ಆಸತಾತಿ ಮ್ಹಣು ತಾಂನಿ ಭಾಷೈಲೆ°. ರೊಟರಿ ಸಂಸ್ಥೆ ತರಪೇನ ಕೃಷ್ಣ ಶೆಟ್ಟಿ ಹಾಂನಿ° ಶ್ರದ್ಧಾoಜಲಿ ಅರ್ಪಣ ಕೆಲೆ. ರೊಟರಿ ಸಂಸ್ಥೆ ತರಪೇನ ವಿಠಲ ಕುಡ್ವ ಹಾಂಗೆಲೆ ನಾಂವಾರಿ ಬಿ. ಇ. ಎಂ ಹೈಸ್ಕೂಲಾಕ 25 ಕಂಪ್ಯೂಟರ° ದಿತಾತಿ ಮ್ಹಣು ತಾಂನಿ° ಕಳಯಲೆ°. ಶ್ರೀ ಕೃಷ್ಣ ಮಂದಿರಾಚೆ ತರಪೇನ ಉಲಯತಾ ಮೋಕ್ತೆಸರ್ ನರೇಶ ಕಿಣಿ ಹಾಂನಿ° ಮಂದಿರಾಚೆ ಪಯಲೆ ಮ್ಹಾಳಿಯೆರ ಆಸಚೆ ಶ್ರೀಕೃಷ್ಣಾಲೆ ವಿಗ್ರಹಾಕ ವಿಠಲ ಕುಡ್ವ ಹಾಂಗೆಲೆ ನಾಂವಾರಿ ಮಾಂಟೊವ ಬಸಯತಾತಿ ಮ್ಹಣು ಕಳಯಲೆ°. ಕೊಂಕಣಿ ಭಾಶಾ ಮಂಡಳಾಚೊ ಅಧ್ಯಕ್ಷ ವೆಂಕಟೇಶ ಎನ್. ಬಾಳಿಗಾ, ಕೊಂಕಣಿ ಸಾಂಸ್ಕೃತಿಕ ಸಂಘಾಚೆ ಖಜಾಂಚಿ ಎಂ. ಆರ್. ಕಾಮತ, ಸಾಧನಾ ಬಳಗಾಚೆ ತರಪೇನ ಪ್ರಕಾಶ ಶೆಣೈ, ಬಿ. ಇ. ಎಂ ಹೈಸ್ಕೂಲಾಚಿ ನಿವೃತ್ತ ಶಿಕ್ಷಕಿ, ಛಾಯಾಗ್ರಾಹಕ ಸಂತೋಷ ಶೆಣೈ ಹಾಂನಿ° ಶೃದ್ಧಾಂಜಲಿ ಅರ್ಪಣ ಕರನು ಉಲಯಲಿಂತಿ.  ಪದ್ಮಿನಿ ಕಾಮತ ಹಾಂನಿ° ಪ್ರಾರ್ಥನಾ ಸಾಂಗಲಿ. 

ಅಮ್ಚೆ ಕ್ರಿಯೇಷನ್ಸ್ ಅರ್ಪಣ ಕರತಾ ‘ಅಮ್ಚೆ ಸಂಸಾರ್’ ಕೊಂಕಣಿ ಸಿನೆಮಾ

ಕಾರ್ಕಳ: ಆರ್.ಎಸ್.ಬಿ ಕೊಂಕಣಿ ಭೋಲಿಂತು° ಬಹು ನಿರೀಕ್ಷಿತ ಚಲನಚಿತ್ರ "ಅಮ್ಚೆ ಸಂಸಾರ” ವಗೀಚ ತುಮಗೆಲೆ ಲಾಗಿಚೆ ಸಿನೆಮಾ ಗೃಹಾಂತ ಪ್ರದರ್ಶನ ಜಾವಚೆ° ಆಸಾ. ಸಂಪೂರ್ಣ ಸಾಂಸಾರಿಕ ಚಿತ್ರ ಜಾವನು ಆಸಚೆ° ಹೆ° ಏಕ ಸಂಸಾರಾoತ ಚಲಚೆ ಸುಖ ದು:ಖ ಸುಂದರ ತರಾನ ದಾಕೊವಚೆ° ಪ್ರಯತ್ನ ಕರತಾ. ದೈವ-ದೇವಾಚೆರಿ ಖೂಬ ನಂಬಿಕಾ ಆಸಚೆ ಶೇತಗಾರ ಕುಟುಂಬಾಚಿ ಕಾಣಿ ‘ಅಮ್ಚೆಸಂಸಾರ್’ ಸಿನೆಮಾಚಿ ಜಾವನು ಆಸಾ. ಎಕ ಸಂಸಾರ ಮೇಳನು ಆಸಲ್ಯಾರಿ ಮೆಳಚೊ ಸಂತೋಸ ಮುಕಾವಯಲೆ ಪಿಳಗಿಕ ದಾಕೊವಚೆ° ಹ್ಯಾ ಸಿನೆಮಾಚೆ ಉದ್ಧೇಶ ಜಾವನು ಆಸಾ. 
ಕಾರ್ಕಳಚೆ ಸಂದೀಪ ಕಾಮತ್ ಹಾಂನಿ° ಹ್ಯಾ ಚಲನಚಿತ್ರಾಕ ಕಥಾ, ಚಿತ್ರಕಥಾ ನಿರ್ದೇಶನ  ಕರನು ಸಿನೆಮಾ ಕ್ಷೇತ್ರಾಕ ಪಾವಲ° ದವರಲೆಲೆ° ಆಸಾ. ಭುವನೇಶ ಪ್ರಭು ಹಿರೇಬೆಟ್ಟು ಹಾಂನಿ° ಛಾಯಾಗ್ರಾಹಣ, ಪ್ರಜ್ವಲ ಸುವರ್ಣ ಛಾಯಾಗ್ರಹಣ/ಸಂಕಲನ ಹಾಜಿ ಜಬಾಬದಾರಿ ನಿರ್ವಹಣ ಕೆಲ್ಯಾ. ಕಾರ್ತಿಕ ಮುಲ್ಕಿ ಹಾಂನಿ° ಸಂಗೀತ ದಿಲಾ°. ಯಕ್ಷಗಾನಾಚಿ ನಾವಾದೀಕ ವನಿತಾ ಭಾಗವತ ಕಾವ್ಯಶ್ರೀ ಆಜೇರು ಆನೀ ಪಲ್ಲವಿ ಪ್ರಭು ಮಂಗಳೂರು ಹಾಂನಿ° ಪದ° ಗಾಯಲ್ಯಾಂತಿ. ವಿಜಯ ನಾಯಕ, ರೋಹನ ನಾಯಕ, ಭವ್ಯ ಪ್ರಭು, ಪಾಂಡುರoಗ ಪ್ರಭು ಪರ್ಕಳ, ಪೂರ್ಣಿಮಾ ಸುರೇಶ್, ಪುಂಡಲೀಕ ಮಾರಾಠೆ, ಸುಮತಿ ಕಾಮತ್, ಸದಾನಂದ ನಾಯಕ್, ಕುಸುಮ ಕಾಮತ್, ಶ್ರೀಕಾಂತ ನಾಯಕ, ಅಜೆಕಾರು, ಸುಧೀರ್, ಮಾಸ್ಟರ್ ಸ್ವಸ್ತಿಕ್, ಮಾಸ್ಟರ್ ಸಾರ್ಥ್ವಿಕ್, ಬೇಬಿ ಸುಹಾನಿ ಆನೀ ಹೇರಾನಿ ಮುಖ್ಯ ಭೂಮಿಕಾ ಕೆಲೆಲಿ ಆಸಾ. ಹೆ° ಸಿನೆಮಾ ಅಕ್ಟೋಬರ್ ಮ್ಹಯನ್ಯಾಂತು° ಲೋಕಾರ್ಪಣ ಜಾತಾ ಆನೀ ಹಾಕ ಸರ್ವ ಕೊಂಕಣಿ ಸಮಾಜ ಬಾಂಧವಾನಿ ಸಂಪೂರ್ಣ ಸಹಕಾರ ದೀವಕಾ ಮ್ಹಣು ನಿರ್ದೇಶಕ ಸಂದೀಪ ಕಾಮತ ಹಾಂನಿ° ಮಾಘಣಿ ಕೆಲೆಲಿ ಆಸಾ. 

कार्कळ: आर्.ऎस्.बि कॊंकणि भोलिंतु° बहु निरीक्षित चलनचित्र "अम्चॆ संसार” वगीच तुमगॆलॆ लागिचॆ सिनॆमा गृहांत प्रदर्शन जावचॆ° आसा. संपूर्ण सांसारिक चित्र जावनु आसचॆ° हॆ° एक संसाराoत चलचॆ सुख दु:ख सुंदर तरान दाकॊवचॆ° प्रयत्न करता. दैव-देवाचॆरि खूब नंबिका आसचॆ शेतगार कुटुंबाचि काणि ‘अम्चॆसंसार्’ सिनॆमाचि जावनु आसा. ऎक संसार मेळनु आसल्यारि मॆळचॊ संतोस मुकावयलॆ पिळगिक दाकॊवचॆ° ह्या सिनॆमाचॆ उद्धेश जावनु आसा. 
कार्कळचॆ संदीप कामत् हांनि° ह्या चलनचित्राक कथा, चित्रकथा निर्देशन  करनु सिनॆमा क्षेत्राक पावल° दवरलॆलॆ° आसा. भुवनेश प्रभु हिरेबॆट्टु हांनि° छायाग्राहण, प्रज्वल सुवर्ण छायाग्रहण/संकलन हाजि जबाबदारि निर्वहण कॆल्या. कार्तिक मुल्कि हांनि° संगीत दिला°. यक्षगानाचि नावादीक वनिता भागवत काव्यश्री आजेरु आनी पल्लवि प्रभु मंगळूरु हांनि° पद° गायल्यांति. विजय नायक, रोहन नायक, भव्य प्रभु, पांडुरoग प्रभु पर्कळ, पूर्णिमा सुरेश्, पुंडलीक माराठॆ, सुमति कामत्, सदानंद नायक्, कुसुम कामत्, श्रीकांत नायक, अजॆकारु, सुधीर्, मास्टर् स्वस्तिक्, मास्टर् सार्थ्विक्, बेबि सुहानि आनी हेरानि मुख्य भूमिका कॆलॆलि आसा. हॆ° सिनॆमा अक्टोबर् म्हयन्यांतु° लोकार्पण जाता आनी हाक सर्व कॊंकणि समाज बांधवानि संपूर्ण सहकार दीवका म्हणु निर्देशक संदीप कामत हांनि° माघणि कॆलॆलि आसा. 

ಕೊಂಕಣಿ ಮಾನ್ಯತಾಯ ದೀವಸ 2021
ಕೊಡಿಯಾಲ ಖಬರ - ಸಾನ ಕಾಣಿಯೊ ಬರೊವಚೊ ಸ್ಪರ್ಧೊ - ಫಲಿತಾಂಶ
ಕೊಂಕಣಿ ಮಾನ್ಯತಾಯ ದೀವಸ 2021 ಸಂದರ್ಭಾರ ಕೊಡಿಯಾಲ ಖಬರ ಕೊಂಕಣಿ ಪಾಕ್ಷಿಕ ಪತ್ರಿಕಾ ಹಾಂನಿº www.kodialkhaber.com ಅಂತರಜಾಳ ಪತ್ರಾಚೆ ಜೋಡ ಆಶ್ರಯಾರ ಆಯೋಜನ ಕೆಲೆಲೆ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಕ ಬರಿ ಪ್ರತಿಕ್ರಿಯಾ ಮೆಳೆಲಿ ಆಸಾ. ವ್ಹಿಂಗವ್ಹಿoಗಡ ಗಾಂವಾº ದಾಕೂನ 53 ಕಾಣಿಯೊ ಹ್ಯಾ ಸ್ಪರ್ಧೆಕ ಆಯಲ್ಯಾಂತಿ. ಥೊಡೆ ಕಾಣಿಯೊ ಉತ್ತಮ ದರ್ಜೆಚೆ ಆಸಚೆº ಕೊಂಕಣಿ ಸಾಹಿತ್ಯ ಕ್ಷೇತ್ರಾಕ ಸಂತೋಸಾಚೊ ವಿಷಯ ಜಾವನು ಆಸಾ. ಚಡಾವತ ಲೋಕಾನ ಪಯಲೆ ಪಾವಟಿ ಕೊಂಕಣಿ ಭಾಸ ವಾಪರೂನ ಕಾಣಿಯೊ ಬರಯಿಲೆº ದಿಸೂನ ಯೆತಾ. 7 ಕಾಣಿಯೊ ದೇವನಾಗರಿ ಲಿಪಿಯೆಂತ ಆನೀ 46 ಕಾಣಿಯೊ ಕನ್ನಡ ಲಿಪಿ ವಾಪರೂನ ಬರಯಿಲೊ ಆಸಾತಿ. ಇನಾº ಪ್ರಾಯೋಜನ ಕರಚಾಕ ದೋಗ ಲೋಕ ಮುಕಾರ ಆಯಿಲ್ಯಾನ ದೇವನಾಗರಿ ಆನೀ ಕನ್ನಡ ಲಿಪಿಂತ ಬರಯಿಲೆ ಕಾಣಿಯೆಂಕ ವೆಗವೆಗಳೆ ಇನಾº ಘೋಷಣ ಕೆಲ್ಯಾಂತಿ. ದೇವನಾಗರಿ ಲಿಪಿಚೆ ದುಸ್ರೆ ಇನಾº ದೋಗ ಲೋಕಾಂಕ ವಾಂಟೂನ ಗೆಲಾº. ಫಲಿತಾಂಶ ಅಶೆº ಆಸಾ. 
ಕನ್ನಡ ಲಿಪಿ: 
ಪಯಲೆº ಇನಾº ರೂ. 1,500/- - ಗಣೇಶ ಕಾಮತ, ಮೂಡುಬಿದಿರೆ (ರಚನಾ),

ದುಸ್ರೆº ಇನಾº ರೂ. 1,000/-  - ಬಿ. ಸುರೇಶ ಬಾಳಿಗಾ, ಬಿ. ಸಿ. ರೋಡ್ (ಎಕ ರುಪಯೆ ಕಾಣಿ),

ತಿಸ್ರೆº ಇನಾº ರೂ. 750/-  - ಜಯಲಕ್ಷಿö್ಮ ಎನ್., ಮಿಯಾರ್ (ಪರಿವರ್ತನ)

ಪ್ರೋತ್ಸಾಹಕ ಇನಾº - ಹರ ಎಕಳೆಕ ರೂ. 500/-

ಅನಿತಾ ಪೈ, ಮಂಗಳೂರು (ಉಜ್ವಾಡು),

ವಾಸುದೇವ ಶ್ಯಾನಭಾಗ, ಶಿರಸಿ (ಸ್ವಾರ್ಥಿ),

ಮನೋಹರ ಜನ್ನು, ಉಜಿರೆ (ವಿಷಾದಾಚೆ ಥೆಂಬೆ),

ಸ್ಮಿತಾ ಪ್ರಭು, ಮಂಗಳೂರು (ಉಠ್ರೆ ಕೃಷ್ಣಾ), 
ಮುಕ್ತಾ ಶ್ಯಾನುಭಾಗ, ಹೊನ್ನಾವರ (ಹ್ಯಾ ಗುಲಾಬಿ ಖಾತಿರ)
ದೇವನಾಗರಿ ಲಿಪಿ:
ಪಯಲೆº ಇನಾº - ರೂ. 1,500/- ಆರುಂದತಿ, ಬೆಂಗಳೂರು (ತುಳಸಿಕಾಟ್ಟೊ),

ದುಸರೆº ಇನಾº  ರೂ. 1,000/-  ದೋಗ ಲೋಕಾನ ವಾಂಟೂನ ಘೆತಲಾಂ.  ವನಿತಾ ನಾಯಕ, ಕುಮಟಾ (ಸ್ಥಿತಪ್ರಜ್ಞ) ಆನೀ ಎಲ್. ಕಮಲಾಕ್ಷ ರಾವ್, ಬೆಂಗಳೂರು (ಉದಾಕ).
ಕೋಟಾ ಶ್ರೀಕಾಂತ ಶೆಣೈ ಆನೀ ಡಾ| ಪ್ರಕಾಶ ನಾಯಕ ಲಂಡನ್ ಹಾಂನಿº ಇನಾº ಪ್ರಾಯೋಜನ ಕೆಲಾº. ಕೊಡಿಯಾಲ ಖಬರ ತಾಂಗೆಲೆ ಆಭಾರ ಮಾನತಾ ಆನೀ ಇನಾº ಜಿಕಿಲ್ಯಾಂಕ ಅಭಿನಂದನ ಪಾಟಯತಾ. ನಗದ ಇನಾಂಚೆ ಸಾಂಗತ ಸಗಟ ವಿಜೇತಾಂಕ ಅಭಿನಂದನಾ ಪತ್ರ ಟಪ್ಪಾಲಾರಿ ದಾಡತಾತಿ.

ಕೊಂಕಣಿ ಸಾಂಸ್ಖೃತೀಕ ಸಂಘಾಚೊ ಆದಲೊ ಅಧ್ಯಕ್ಷ, ಕೊಂಕಣಿ ಭಾಶಾ ಮಂಡಳ ಕರ್ನಾಟಕ ಹಾಜೊ ಖಜಾಂಚಿ, ರಾಘವೇಂದ್ರ ಮಿತ್ರ ಮಂಡಳಿಚೊ ಅಧ್ಯಕ್ಷ ಸಮಾಜ ಸೇವಕ, ಭಾರತೀಯ ಜನತಾ ಪಾರ್ಟಿಚೊ ನಿಷ್ಠಾವಂತ ಕಾರ್ಯಕರ್ತ ವಿಠಲ ಕುಡ್ವ (54 ವರಸ) ಆಜೀ (13.09.2021) ಸಕಾಳಿ ಬಜೀಲಕೇರಿಚೆ ಸ್ವಗೃಹಾಂತುº ಹೃದಯಾಘಾತಾನ ಅಂತರಲೊ. ಸಮಾಜಸೇವಕ ಆನೀ ಸಂಘಟಕ ಆಶಿಲೆ ಹಾಂನಿ ಹ್ಯಾ ಕೊವಿಡ್ ಮಹಾಮಾರಿಚೆ ವೇಳಾರ ಮಾಕ್ಷಿಚೆ ದೇಡ ವರಸ ತಾಂಗೆಲೆ ಪಂಗಡಾಚೆ ಸಾಂಗತ ನಿರಂತರ ಆಶಕ್ತ ಲೋಕಾಂಕ ಖಾಣ ಜೇವಣ ವಾಂಟಚೆº, ದೀನಸಿ ಕಿಟ್ ವಾಂಟಚೆº ಕರನು ಆಯಿಲೆ. ಆರತಾº ತಾಂನಿº ವ್ಯಾಕಸಿನೇಶನ್ ಕಾರ್ಯಾಂತೂಯಿ ಖೂಬ ಸಕ್ರಿಯ ಆಶಿಲೆ. ಬಾಯಲ ವಿದ್ಯಾ, ಚೆಲೊ ಅನಂತ ಆನೀ ದ್ಹುವ ಅದಿತಿಕ ಸೋಡೂನ ತಾಂನಿº ಗೆಲ್ಯಾಂತಿ. ಕೊಂಕಣಿ ಭಾಶಾ ಮಂಡಳಾಚೊ ಅಧ್ಯಕ್ಷ ವೆಂಕಟೇಶ ಎನ್. ಬಾಳಿಗಾ, ವಿಶ್ವ ಕೊಂಕಣಿ ಕೇಂದ್ರಾಚೊ ಅಧ್ಯಕ್ಷ ಬಸ್ತಿ ವಾಮನ ಶೆಣೈ, ಕೊಂಕಣಿ ಸಾಂಸ್ಕೃತಿಕ ಸಂಘಾಚೆ ಅಧ್ಯಕ್ಷ ಗೋವಿಂದರಾಯ ಪ್ರಭು, ಕೊಂಕಣಿ ಅಕಾಡೆಮಿಚೊ ಸಾಂದೊ ಅರುಣ್ ಶೇಟ್, ಕೊಂಕಣಿ ವಾವ್ರಾಡಿ ಗೀತಾ ಸಿ. ಕಿಣಿ, ರತ್ನಾಕರ ಕುಡ್ವ, ಎಂ. ಆರ್. ಕಾಮತ, ಸಂತೋಷ ಶೆಣೈ ಹಾಂನಿº ಶೃದ್ಧಾಂಜಲಿ ಸಾಂಗಲ್ಯಾ.  

ಆಮಗೆಲೆ ಸಗಟ ವಾಚಕಾಂಕ ಗೌರಿ ಗಣೇಶ ಪೂಜಾ ಆನೀ ಗಣೇಶ ಚತುರ್ಥಿ ಪರಬೆಚಿ ಶುಭೇಚ್ಛಾ ಸಾಂಗಚಾಕ ಖೂಬ ಸಂತೋಸ ಜಾತಾ. ಸೆ.9ಕ ಗೌರಿ ಪರಬ ಆನೀ ಸೆ.10ಕ ಗಣೇಶ ಚತುರ್ಥಿ ದೇಶಾಚೆ ವೆಗವೆಗಳೆ ಪ್ರದೇಶಾಂತುº ಅತ್ಯಂತ ವಿಜೃಂಭಣೆನ ಆಚರಣ ಕರತಾತಿ. 

ಆಜೀ ಬಾಜಾರಾಂತುº ಖೂಬ ಲೋಕಾನ ಫೂಲ, ಕಬ್ಬು, ಫಲ ಆನೀ ಹೇರ ವಿಷಯ ಖರೀದಿ ಕರಚೆº ಪಳೋವಚಾಕ ಮೆಳೆº. ಗಣೇಶ ವಿಗ್ರಹ ಕರತಲೊ ಕೊಡಿಯಾಳ ರಥಬೀದಿಚೊ ವಿನಾಯಕ ಶೇಟಾಲೆ ಪ್ರಮಾಣೆ ತಾಣೆ ಹ್ಯಾ ವರಸಯೀ ಸಬಾರ 350 ಗಣೇಶ ವಿಗ್ರಹº ಕೆಲ್ಯಾಂತಿ. ಸರಕಾರಾಚಿ ಮಾರ್ಗಸೂಚಿ ಪ್ರಮಾಣೆ ಹೀ ಪರಬ ಆಚರಣ ಕರಚಾಕ ತಾಣೆ ಉಲೊ ದಿಲಾ.

 2019 ಇಸವಿಚೆ ಆಖೇರಿಕ ಆಯಿಲೆ ಹ್ಯಾ ಕರೋನಾ ಮಹಾಮಾರಿನ ಮಾಕ್ಷಿ ವರಸ ಆಮಕಾ ಹೀ ಪರಬ ಆಚರಣ ಕರಚಾಕ ಖೂಬ ತೊಂದ್ರೆ ದಿಲೆಲೆ ಆಸಾ. ಹ್ಯ ಆವರಸ ಸುತ ಸರಕಾರನ ಜಾಲೆ ತಿತಲೆ ಸರಳ ರೀತಿರಿ ಗೌರಿ ಗಣೇಶ ಪರಬ ಆಚರಣ ಕರಚಾಕ ಸೂಚನಾ ದಿಲೆಲಿ ಆಸಾ. ತಾಜೆ ಪಾಲನ ಕರಚೆº ಆಮೆಗೆಲೆ ಕರ್ತವ್ಯ ಜಾತಾ.
ಸಗಟಾಂಕ ಪರತೂನ ಏಕ ಪಾವಟಿ ಗೌರಿ ಗಣೇಶ ಪರಬೇಚಿ ಶುಭೇಚ್ಛಾ ಸಾಂಗತಾತಿ.

ವೆoಕಟೇಶ ಬಾಳಿಗಾ ಮಾವಿನಕುರ್ವೆ
ಸಂಪಾದಕ
ಆನೀ
ವಿದ್ಯಾ ವಿ. ಬಾಳಿಗಾ
ಸಹ ಸಂಪಾದಕಿ