Mangalore

Monday, 18 October 2021 17:00

‘ಆಸ್ಪೆಕ್ಟ್ಸ್ ಆಫ್ ಎಡುಕೇಶನ್: ಎನ ಇಂಡಿಯನ್ ಪರಸ್ಪೆಕ್ಟಿವ್’ ಹಾಜೆ° ಮೊಕಳಿಕ

ಸುಕೃತೀಂದ್ರ ಓರಿಯೆಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್ ಹಾಜೆ ಸ್ವರ್ಣ ಮಹೋತ್ಸವಾಚೆ ಸಂದರ್ಭಾರ ಪ್ರಕಟ ಜಾಲೆಲೆ ಚೌತೆ° ಪುಸ್ತಕ ‘ಆಸ್ಪೆಕ್ಟ್ಸ್ ಆಫ್ ಎಡುಕೇಶನ್: ಎನ ಇಂಡಿಯನ್ ಪರಸ್ಪೆಕ್ಟಿವ್’ ಹಾಜೆ° ಮೊಕಳಿಕ ಪರಮಪೂಜ್ಯ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮೀಜಿ ಹಾಂನಿ° ವಿಜಯದಶಮಿ ದಿವಸ ಕೆಲೆ°. ಹ್ಯಾ ಪುಸ್ತಕಾಚೆ ಲೇಖಕ ಇನ್ಸ್ಟಿಟ್ಯೂಟಾಚೆ ಗೌರವ ನಿರ್ದೇಶಕ ಡಾ ವಿ. ನಿತ್ಯಾನಂದ ಭಟ್ ಉಪಸ್ಥಿತ ಆಶಿಲೆ. ಹಾಜೆ ಪಯಲೆಂ ಇನ್ಸ್ಟಿಟ್ಯೂಟಾನ ಪ್ರಕಟ ಕೆಲೆಲಿ° ತೀನ ಪುಸ್ತಕಾ° ‘ಇಕೊಲಾಜಿಕಲ್ ಎವೆರನೆಸ್ ಎಂಡ್ ರಿಲೆವೆನ್ಸ್ ಟುಡೆ’ - ಲೇಖಕ: ಡಾ ವಿ. ನಿತ್ಯಾನಂದ ಭಟ್, ಪ್ರೋ. ಎನ್. ಪ್ರಭಾಕರ ಪ್ರಭು ಹಾಂನಿ ಮಲಯಾಳಂ ಭಾಶೆಕ ಅಣಕಾರ ಕೆಲೆಲೆ ‘ಕಾಂತಾರ ರಾಮ ಹಾಂಗೆಲಿ ಸುವರ್ಣಮಂಜರಿ ಹಾಜೆ ಸಾಂಗತ ಶ್ರೀ ತ್ರಿವಿಕ್ರಮ ಪಂಡಿತಾಚಾರ್ಯ ಹಾಂಗೆಲೆ ವಾಯುಸ್ತುತಿ’, ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ವಿಜೇತ ಕೊಂಕಣಿ ಕವಿ ಶರತಚಂದ್ರ ಶೆಣೈ ಹಾಂಗೆಲೆ ರಚನಾ ‘ಗುರುವಚನಸುಧಾ’ - ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಗುರುವಾಣಿ ಕವನ ರೂಪಾರ ಎದೋಳೂಚಿ ಗುರುವರ್ಯಾನ ಮೊಕಳಿಕ ಕೆಲೆಲೆ° ಆಸಾ ಮ್ಹಣು ಕಳವಣಿಂತು° ಸಾಂಗಲಾ°.
ಸುಕೃತೀಂದ್ರ ಓರಿಯೆಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್ ಹಾಜೆಂ ಸ್ಥಾಪನಾ 1971 ಇಸವಿಂತು° ಶ್ರೀ ಕಾಶಿ ಮಠ ಸಂಸ್ಥಾನಾಚೆ ವಿಸಾವೆ ಗುರುವರ್ಯ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂನಿ° ಆಮಗೆಲೆ ದೇಶಾಚೆ ಉಂಛ ಸ್ಥರಾಚೆ ರೀತಿ ರಿವಾಜ ಆನಿ ಸಂಸ್ಕೃತಿ ರಾಕೂನ ಹಾಡಚೆ ನದರೇನ ಕೆಲೆಲೆ°. ಪನ್ನಾಸ ವರಸ° ಪೂರ್ಣ ಕೆಲೆಲೆ ಹ್ಯಾ ಸಂಸ್ಥೆನ 2021-22 ವರಸ ಸ್ವರ್ಣ ಮಹೋತ್ಸವ ಜಾವನು ಆಚರಣ ಕರಚೆ° ಕೆಲಾ°. ಸ್ವರ್ಣ ಮಹೋತ್ಸವಾಚೆ ಉಡಗಾಸಾಕ ಶ್ರೀ ಸುಕೃತೀಂದ್ರ ಸಭಾಗೃಹಾಚೆ ನವೀಕರಣ ಸಂಸ್ಕೃತ ಆನೀ ವಾಸ್ತು ವಿದ್ಯಾ ಶಿಖೊವಚಾಕ ಶ್ರೀಮದ್ ಸುಧೀಂದ್ರ ತೀರ್ಥ ಪಾಠಶಾಳಾಚೆ ಸ್ಥಾಪನಾ, ಶ್ರೀ ಮಧ್ವಾಚಾರ್ಯ, ದ್ವ್ಯೇತ ವೆದಾಂತ, ಜಿ. ಎಸ್. ಬಿ ಸಮಾಜಾಚೊ ಇತಿಹಾಸ ಆನೀ ಸಂಸ್ಕೃತಿ, ಶ್ರೀ ಕಾಶಿ ಮಠ ಸಂಸ್ಥಾನಾಚಿ ಗುರುಪರಂಪರಾ ಆನೀ ಹೇರ ವಿಷಯಾಚೆ ಪುಸ್ತಕ°, ಜರ‍್ನಲ್ಸ್, ಸ್ಮರಣಿಕಾ, ತಾಳೆಗರಿ ಆನಿ ಹೇರ ವಿಷಯ ಸಂಗ್ರಹ ಕರಚಾಕ ಶ್ರೀಮದ್ ಸುಧೀಂದ್ರ ತೀರ್ಥ ಸಾರಸ್ವತ ಪುಸ್ತಕಾಲಯ, ಇಂಡೋಲಾಜಿಕಲ್ ಪ್ರಾಮುಖ್ಯತಾ ಆಸಚೆ ಪುಸ್ತಕಂ ಪ್ರಕಟ ಕರಚೆ°, ಸ್ವರ್ಣ ಮಹೋತಸ್ವಾಚೆ ಉಡಗಾಸಾಕ ಸ್ಮರಣ ಸಂಚಿಕಾ ಪ್ರಕಟ ಕರಚೆ°, ರಾಜ್ಯ ಆನಿ ರಾಶ್ತ್ರ ಸ್ಥರಾಚೆ ಪರಿಸಂವಾದ ಆಯೊಜನ ಕರಚೆ°, ಶಾಳಾ ಆನಿ ಕಾಲೇಜ ವಿದ್ಯಾರ್ಥಿಯಾಂಕ ಸಾಹಿತಿಕ ಸ್ಪರ್ಧೆ ಆಯೋಜನ ಕರಚೆ°, ಸಾಂಸ್ಕೃತೀಕ ಕಾರ್ಯಕ್ರಮ ಆನೀ ಸಭಾ ಆಯೋಜನ ಕರಚೆಂ, ತಾಳೆಗರಿ, ಹಾತ ಬರಪಾಚೆ ಸಾಹಿತ್ಯ ಆನೀ ಹೇರ ಪ್ರಾಚಿನ ಪುಸ್ತಕಾಂಚೆ ಡಿಜಿಟೈಸೆಶನ್ ಅಶೆ° ಖೂಬ ಕಾರ್ಯಕ್ರಮ ಮಾಂಡೂನ ಹಾಡಚೊ ನಿರ್ಧಾರ ಸಂಸ್ಥೆನ ಘೆತಲಾ.

सुकृतींद्र ओरियॆंटल् रिसर्च इन्स्टिट्यूट् हाजॆ स्वर्ण महोत्सवाचॆ संदर्भार प्रकट जालॆलॆ चौतॆ° पुस्तक ‘आस्पॆक्ट्स् आफ् ऎडुकेशन्: ऎन इंडियन् परस्पॆक्टिव्’ हाजॆ° मॊकळिक परमपूज्य श्रीमद् संयमींद्र तीर्थ स्वामीजि हांनि° विजयदशमि दिवस कॆलॆ°. ह्या पुस्तकाचॆ लेखक इन्स्टिट्यूटाचॆ गौरव निर्देशक डा वि. नित्यानंद भट् उपस्थित आशिलॆ. हाजॆ पयलॆं इन्स्टिट्यूटान प्रकट कॆलॆलि° तीन पुस्तका° ‘इकॊलाजिकल् ऎवॆरनॆस् ऎंड् रिलॆवॆन्स् टुडॆ’ - लेखक: डा वि. नित्यानंद भट्, प्रो. ऎन्. प्रभाकर प्रभु हांनि मलयाळं भाशॆक अणकार कॆलॆलॆ ‘कांतार राम हांगॆलि सुवर्णमंजरि हाजॆ सांगत श्री त्रिविक्रम पंडिताचार्य हांगॆलॆ वायुस्तुति’, साहित्य अकाडॆमि प्रशस्ति विजेत कॊंकणि कवि शरतचंद्र शॆणै हांगॆलॆ रचना ‘गुरुवचनसुधा’ - श्रीमद् सुधींद्र तीर्थ स्वामीजि हांगॆलॆ गुरुवाणि कवन रूपार ऎदोळूचि गुरुवर्यान मॊकळिक कॆलॆलॆ° आसा म्हणु कळवणिंतु° सांगला°.
सुकृतींद्र ओरियॆंटल् रिसर्च इन्स्टिट्यूट् हाजॆं स्थापना 1971 इसविंतु° श्री काशि मठ संस्थानाचॆ विसावॆ गुरुवर्य श्रीमद् सुधींद्र तीर्थ स्वामीजि हांनि° आमगॆलॆ देशाचॆ उंछ स्थराचॆ रीति रिवाज आनि संस्कृति राकून हाडचॆ नदरेन कॆलॆलॆ°. पन्नास वरस° पूर्ण कॆलॆलॆ ह्या संस्थॆन 2021-22 वरस स्वर्ण महोत्सव जावनु आचरण करचॆ° कॆला°. स्वर्ण महोत्सवाचॆ उडगासाक श्री सुकृतींद्र सभागृहाचॆ नवीकरण संस्कृत आनी वास्तु विद्या शिखॊवचाक श्रीमद् सुधींद्र तीर्थ पाठशाळाचॆ स्थापना, श्री मध्वाचार्य, द्व्येत वॆदांत, जि. ऎस्. बि समाजाचॊ इतिहास आनी संस्कृति, श्री काशि मठ संस्थानाचि गुरुपरंपरा आनी हेर विषयाचॆ पुस्तक°, जर‍्नल्स्, स्मरणिका, ताळॆगरि आनि हेर विषय संग्रह करचाक श्रीमद् सुधींद्र तीर्थ सारस्वत पुस्तकालय, इंडोलाजिकल् प्रामुख्यता आसचॆ पुस्तकं प्रकट करचॆ°, स्वर्ण महोतस्वाचॆ उडगासाक स्मरण संचिका प्रकट करचॆ°, राज्य आनि राश्त्र स्थराचॆ परिसंवाद आयॊजन करचॆ°, शाळा आनि कालेज विद्यार्थियांक साहितिक स्पर्धॆ आयोजन करचॆ°, सांस्कृतीक कार्यक्रम आनी सभा आयोजन करचॆं, ताळॆगरि, हात बरपाचॆ साहित्य आनी हेर प्राचिन पुस्तकांचॆ डिजिटैसॆशन् अशॆ° खूब कार्यक्रम मांडून हाडचॊ निर्धार संस्थॆन घॆतला.

Parampujya Kashimathadhipati H.H. Shrimad Samyamindra Tirtha Swamiji released the fourth Golden Jubilee publication of Sukrtindra Oriental Research Institute titled 'Aspects of Education: An Indian Perspective' on 15th October 2021 Vijayadashami Day. The book is authored by Dr V Nithyanantha Bhat, Hon. Director of the Institute.

The first three Golden Jubilee publications are :

1. Ecological Awareness in the Vedas and Its Relevance Today

This book, written By Dr. V. Nithyanantha Bhat, Honorary Director, Sukrtindra Oriental Research Institute was released on the World Environment day (5^th June 2021). The Foreword of this book is by Dr. Nanditha Krishna, well-known Historian and Environmentalist.

2. VAYUSTUTI OF SRI TRIVIKRAMA PANDITACHARYA WITH SUVARNAMANJARI OF KANTARA RAMA (Malayalam Translation) – released by HH Shrimad Samyamindra Tirtha Swamiji on 26^th August 2021. Translated by Prof. N. Prabhakara Prabhu.

3. Guruvachanasudha – released by HH Shrimad Samyamindra Tirtha Swamiji on 26^th August 2021. This book is composed by Sahitya Akademi Award winning Konkani poet Sri. Saratchandra Shenoi. In this composition the the guidelines of His Holiness Shrimad Sudhindra Tirtha Swamiji are compiled and presented in poetry.

Sukrtindra Oriental Research Institute was founded in 1971 by His Holiness Shrimad Sudhindra Tirtha Swamiji, Twentieth Pontiff of Shri Kashi Math Samsthan, in the name of His Guru His Holiness Shrimad Sukratindra Tirtha Swamiji, with the object of contributing towards the preservation of the rich and ancient tradition and culture of India. The present Chief Patron of the institute is Shrimad Samyamindra Tirtha Swamiji.

The Institute has completed 50 years of its service in the field of Education and Culture, and the Year 2021-2022 is being celebrated as its Golden Jubilee Year. To commemorate the Golden Jubilee, it has been decided to embark upon the following projects. They are:

1. Renovation and Modernization of Sree Sukrtindra Hall, the Conference Hall of the

Institute.

2. Construction of Shrimad Sudhindra Tirtha Pathasala for teaching Sanskrit,

Vastuvidya, etc.

3. Establishing Shrimad Sudhindra Tirtha Saraswata Library exclusively for books,

journals, souvenirs, manuscripts, etc. on Shri Madhvacharya, Dvaita Vedanta,

History and Culture of GSB Community, Shri Kashi Math Samsthan Guruparampara,

etc.

4. Publication of books on subjects of Indological importance.

5. Publication of a Souvenir in Commemoration of the Golden Jubilee.

6. Organizing Seminars at both National and State Levels.

7. Conducting Literary Competitions for students at School and College Levels.

8. Conducting Cultural programmes and meetings.

9. Digitisation of Palm-leaf Manuscripts, Paper Manuscripts and rare books of the

Library.

Published in Kerala

Tagged under

Be the first to comment!

Sunday, 10 October 2021 12:58

ಕಾರಂತ ಜಲ್ಮ ದೀವಸ - ಸಂದ್ಯಾ ಪೈ ಹಾಂಕಾ° ಕಾರಂತ ಪ್ರಶಸ್ತಿ

ಮಂಗಳೂರು: “ಆಮಗೆಲೆ ಜೀವನಾಂತು° ಆಮೀ ಆಪಣಾಯಿಲೆ ಮೌಲ್ಯ° ಆಮಗೆಲೆ ಜೀವನಾಚೆ ಸಾರ್ಥಕತಾ ದಾಕಯತಾ. ಆಧ್ಯಾತ್ಮೀಕ ಚಿಂತನೆನ ಹೆ° ಸಾಧ್ಯ ಆಸಾ. ಆಮಗೆಲೆ ಚೆರಡುವಾಂಕ ಆಮೀ ಸಾನ ದಾಕೂನ ಕಸಲೆ° ಸಾಂಗೂನ ದಿತಾತಿ ತೆ° ಮುಕಾರ ತಾಂಗೆಲೆ ಜೀವನಾಚೆ ಮೌಲ್ಯ° ಜಾತಾತಿ. ಮುಕಾವಯಲೆ ಜನವರಿ ಮ್ಹಯನ್ಯಾಂತು° ತರಂಗ ಹಪ್ತಾಳ್ಯಾಕ 40 ವರಸ° ಜಾತಾತಿ ಆನಿ ಹಾಂವೆ° ತರಂಗಾಕ ಮೇಳನು 25 ವರಸ° ಜಾತಾತಿ. ಇತಲೆ ವರಸ ಮೆಗೆಲೊ ಅನುಭವ ಹಾಂವೆ° ಆಮಗೆಲೆ ವಾಚಕಾಲೆ ಸಾಂಗತ ವಾಂಟೂನ ಘೆತಲಾ. ಮಾಕ್ಷಿಚೆ ದೇಡ ವರಸಾಂತ ಕೊರೊನಾ ಆನಿ ಲಾಕಡೌನ್ ಮ್ಹಣು ಮಾಕಾ ೨೫ ವರಸ ಮಾಕ್ಷಿಚೆ° ಜೀವನಾಚೆ ಖೂಬ ಯಾದ ಆಯಲೆ°. ಹಾಂವೆ° ಕಸಲೆ° ಕೀ ಹೊಡಗಾನ ಘೆತಲಾ° ಮ್ಹಣು ಭೊಗಲೆ°. ತ್ಯಾ ದೆಕೂನ ಆನೀ ಮುಕಾರಿ ಖಂಚೆಯ ಸಾರ್ವಜನಿಕ ಸಮಾರಂಭಾಕ ಯೆವಚಾಕ ನಾ ಆನಿ ಪ್ರಶಸ್ತಿ ಸ್ವೀಕಾರ ಕರಚಾಕ ನಾ ಮ್ಹಣು ನಿರ್ಧಾರ ಕೆಲಾ” ಮ್ಹಣು ತರಂಗ ವಾರ ಪತ್ರಿಕೆಚಿ ವ್ಯವಸ್ಥಾಪಕ ಸಂಪಾದಕಿ ಸಂಧ್ಯಾ ಎಸ್. ಪೈ ಹಾಂನಿ° ಸಾಂಗಲಾ°.

ಕಲ್ಕೂರ ಪ್ರತಿಷ್ಠಾನ ಮಂಗಳೂರು ಹಾಂನಿ° ಆಯೋಜನ ಕೆಲೆಲೆ ಕೋಟಾ ಶಿವರಾಮ ಕಾರಂತ ಜಲ್ಮ ದೀವಸ ಸಮಾರಂಭಾoತು° ಪ್ರಧಾನ ಕೆಲೆಲಿ ‘ಕಾರಂತ ಪ್ರಶಸ್ತಿ’ ಸ್ವೀಕಾರ ಕರನು ತಾಂನಿ° ಅಶೆ° ಸಾಂಗಲೆ°. ಮಂಗಳೂರು ವಿಶ್ವ ವಿದ್ಯಾನಿಲಯಾಚೆ ಉಪ ಕುಲಪತಿ ಡಾ| ಪಿ. ಎಸ್ ಯೆಡಪಾಡಿತ್ತಾಯ, ಮಂಗಳೂರು ಮಹಾನಗರ ಪಾಲಿಕೆಚೊ ಮಹಾಪೌರ ಪ್ರೇಮನಂದ ಶೆಟ್ಟಿ, ಮಂಗಳೂರು ನಗರ – ದಕ್ಷಿಣ ಹಾಂಗಾಚೊ ಶಾಸಕ ವೇದವ್ಯಾಸ ಕಾಮತ, ಕರ್ನಾಟಕ ಬ್ಯಾಂಕಾಚೆ ಮಹಾಪ್ರಭಂದಕ ನಾಗರಾಜ ಶ್ಯಾನುಭೊಗ ಆನೀ ಹೇರ ಉಪಸ್ಥಿತ ಆಶಿಲೆ. ಪ್ರತಿಷ್ಠಾನಾಚೊ ಅಧ್ಯಕ್ಷ ಪ್ರದೀಪಕುಮಾರ ಕಲ್ಕೂರ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ° ಆನಿ ಶಿವರಾಮ ಕಾರಂತ ಹಾಂಗೆಲೆ° ಗುಣಗಾನ ಕೆಲೆ°.

Published in Mangalore

Tagged under

Be the first to comment!

Saturday, 09 October 2021 13:41

ಕೊಂಕಣಿಚೆ° ಫುಡಾರ ತರನಾಟ್ಯಾನಿ ಸಾಂಬಾಳಕಾ – ವೆಂಕಟೇಶ ಬಾಳಿಗಾ

ಮಂಗಳೂರು: “ಆಮಗೆಲೆ ಮ್ಹಾಲ್ಗಡೆಲೆ° ಝುಜಾ ನಿಮಿತ ಆಮಗೆಲಿ ಮಾಯಭಾಸ್ ಕೊಂಕಣಿಕ ಮೇಳಕಾ ಆಶಿಲೆ° ಸಗಟ ಸರಕಾರಿ ಸವಲತ್ತ ಮೇಳೆಲೆ° ಆಸಾ. ಗೊಂಯ ರಾಜ್ಯಾಚಿ ರಾಜಭಾಸ ಕೊಂಕಣಿ ಆಸಾ. ಕೇಂದ್ರ ಸಾಹಿತ್ಯ ಅಕಾಡೆಮಿ ಕೊಂಕಣಿ ಸಾಹಿತ್ಯಾಕ ಪ್ರಶಸ್ತಿ ದಿತಾ. ಕೊಂಕಣಿ ಭಾಶೆಕ ದೇಶಾಚೆ ಸಂವಿಧಾನಾಚೆ ಆಟ್ವೆ ವಳೇರಿಂತು° ಮಾನ್ಯತಾ ಮೇಳನು 25 ವರಸ° ಜಾಲ್ಯಾಂತಿ. ಕರ್ನಾಟಕ ಸರಕಾರಾನ ಕೊಂಕಣಿ ಸಾಹಿತ್ಯ ಅಕಾಡೆಮಿ ಸ್ಥಾಪನಾ ಕರನು 25 ವರಸ° ಜಾಲ್ಯಾಂತಿ. ಕೊಂಕಣಿ ಸಾಹಿತ್ಯಾಕ ಜಾe್ಞನಪೀಠ ಆನಿ ಸರಸ್ವತಿ ಸಮ್ಮಾನ ಪುರಸ್ಕಾರ ಲಾಭಲ್ಯಾ. ಕರ್ನಾಟಕಾಚೆ ಕರಾವಳಿ ಜಿಲ್ಲಾ ಜಾವನು ಆಸಚೆ ದಕ್ಷಿಣ ಕನ್ನಡ, ಉಡುಪಿ ಆನಿ ಉತ್ತರ ಕನ್ನಡ ಜಿಲ್ಲೆಚೆ ಶಾಳೆಂತು್° ಸ್ಹವೆ ಕಕ್ಷಾ ದಾಕೂನ ಐಚ್ಛಿಕ ಭಾಸ ಜಾವನು ಕೊಂಕಣಿ ಶಿಖಚಾಕ ಅವಕಾಶ ಮೇಳನು 10 ವರಸ° ಜಾಲಿಂತಿ. ಕಾಲೇಜಾಂತು° ಕೊಂಕಣಿ ಭಾಶೆಚೆ ಅಧ್ಯಯನ ಕರಚಾಕ ಅವಕಾಶ ಆಸಾ. ಆಮಗೆಲೆ ಮಾತೃಭಾಸ ಕೊಂಕಣಿಕ ಹೆ° ಸರ್ವ ಸುಲಭಾಯೆರಿ ಮೆಳನಿ. ಸಗಟಯೀ ಝುಜ ಕೆಲೆಲ್ಯಾನ ಮೆಳಾ°. ಜಾಲ್ಯಾರ ಆಜಿಕಯಿ ಕೊಂಕಣಿ ಶಿಕ್ಷಣ ಫಾವೊ ಕರತಲೆ ವಿದ್ಯಾರ್ಥಿ ಊಣೆ ಆಸಾತಿ. ವ್ಹಡಿಲ ಲೋಕ ಆಜಿಕಯಿ ಕೊಂಕಣಿ ಶಿಕ್ಷಣ ಫಾವೊ ಕೆಲ್ಯಾರ ಕಸಲೆ° ಮೆಳತಾ ಮ್ಹಣ ವಿಚಾರತಾತಿ.” ಮ್ಹಣು ಕೊಡಿಯಾಲ ಖಬರ ಪಾಕ್ಷಿಕ ಪತ್ರಿಕೆಚೊ ಸಂಪಾದಕ ವೆಂಕಟೇಶ ಬಾಳಿಗಾ ಮಾವಿನಕುರ್ವೆ ಹಾಂನಿ° ಸಾಂಗಲೆ°. ಸಂತ ಲೂವಿಸ್ ಕಾಲೇಜಾಚೆ ಕೊಂಕಣಿ ಸಂಘಾಚೆ ಉಗ್ತಾವಣ ಕರನು ತಾಂನಿ ಉಲಯತಲೆ. “ಆಮಗೆಲೆ ಮುಕಾವಯಲೆ ಪೀಳಗಿಕ ಕೊಂಕಣಿ ಭಾಸ ವರೊಕಾ ಜಾಲ್ಯಾರ ಆಮೀ ಕೊಂಕಣಿ ಭಾಸ ಬರೊವಚೆಂ ಆನಿ ವಾಚೂಚೆ° ಕರಕಾ. ಕೊಂಕಣಿ ಲೋಕಾಂಕ ಹೊ ಸಂದೇಶ ಪಾವೊಚೆ° ಆಂದೋಲನ ರೂಪಾರಿ ಕರಕಾ. ಹ್ಯಾ ನದರೆನ ತರನಾಟ್ಯಾನಿ ಮುಕಾರ ಯೆವನು ಕಾಮ ಕರಕಾ” ಮ್ಹಣು ತಾಂನಿ° ಉಲೊ ದಿಲೊ.
ಡಾ| ಡೆನ್ನಿಸ್ ಫರ‍್ನಾಂಡಿಸ್ ಸುವಾಳ್ಯಾಚೆ ಅಧ್ಯಕ್ಷ ಆಶಿಲೆ. ಮಾಕ್ಷಿಚೆ 25 ವರಸ ದಾಕೂನ ಸಂತ ಲೂವಿಸ್ ಕಾಲೇಜಾಚೆ ಕೊಂಕಣಿ ಸಂಸ್ಥೆನ ಕೊಂಕಣಿ ಭಾಶೆ ಬದಲ್ ಕೆಲೆಲೆ ವಾವ್ರಾ ವಿಷಯ ತಾಂನಿ° ಮಾಹಿತಿ ದಿಲಿ. ಚರ್ಚಾಂತು° ಕೊಂಕಣಿ ಯೆತರಿ ಕೊಂಕಣಿ ಭಾಸ ವಾಡಲಿ ಮ್ಹಣು ತಾಂನಿ° ಸಾಂಗಲೆ°. ಕಾಲೆಜಾಚೆ ವಿದ್ಯಾರ್ಥಿ ಕೊಂಕಣಿ ಭಾಸ ಆನಿ ಸಂಘಾಚೆ ಬದಲ ಖೂಬ ಉಮೇದಿ ದಾಕಯತ ಆಸಾತಿ. ಕೊಂಕಣಿ ಭಾಶೆಚೆ° ಫುಡಾರ ಬರೆ° ಆಸಾ ಮ್ಹಣು ತಾಂನಿ° ಸಾಂಗಲೆ°.

ಸಂಘಾಚಿ ಕಾರ‍್ಯದರ್ಶಿ ವಿಯೋಲಾ ಲೂವಿಸಾನ ಸ್ವಾಗತಾಚೆ° ಉತ್ರ° ಸಾಂಗಲಿ°. ಮನಿಶ್ ಪಿಂಟೋನ ಡಿಜಿಟಲ್ ವಾರ್ಷಿಕ ಪತ್ರ ‘ಪರ್ಜಳ’ ಪ್ರಕಟ ಕೆಲೆ°. ಎಶ್ಲಿನಾ ಡಿಸೋಜಾನ ಆಬಾರ ಮಾನಲೊ. ರೀಯ ಪಿಂಟೋನ ಸೂತ್ರ ಸಂಚಾಲನ ಕೆಲೆ°. ಕೇವಿನ್ ಮಸ್ಕರೇನ್ಹಸ್ ಆನಿ ಪಂಗಡಾನ ನೃತ್ಯ, ರಾಹುಲ್ ಆನೀ ಪಂಗಡಾನ ನಾಟ್ಕುಳೆ° ಆನೀ ರಿಜಿಯಾ ಗೋಮ್ಸ್ ಆನೀ ಪಂಗಡಾನ ಸಮೂಹ ಗಾಯನ ಪ್ರಸ್ತುತ ಕೆಲೆ°. ಅಬ್ದುಲ ರಹಮಾನ ಇರ್ಷಾದ ಹಾಂನಿ ರಚಯಿಲೆ° ದ್ಯೇಯ ಗೀತೆಚೆ ಸಾಂಗತ ಕಾರ್ಯಕ್ರಮ ಶುರು ಜಾಲೊ.

Published in Mangalore

Tagged under

Be the first to comment!

Friday, 01 October 2021 12:42

ಮೂಡುಬಿದಿರೆ : ರಾಗ ವೈಭವ

ಮೂಡುಬಿದಿರೆ: ಶಾಸ್ತ್ರೀಯ ಸಂಗೀತಾಚೆ ಬದಲ ಉಮೇದಿ ಯೆವಕಾ ಜಾಲ್ಯಾರ ಶುರುವೆಕ ಬಯಸೂನು ಆಯಕೂಕಾ. ಶರಣಾಲೆ°, ದಾಸ, ಶರೀಫ ಸಾಹಿತ್ಯ ಆಯಕತಾ ಶಾಸ್ತ್ರೀಯ ಸಂಗೀತಾ ಲಾಗಿ ಪಾವಚಾಕ ಸಾಧ್ಯ ಆಸಾ. ಸ್ವರಭಾವ ಆಶಿಲೆ ಕಡೆನ ಪ್ರಭಾವ ಆಸತಾ. ಭಕ್ತಿ, ಭಾವ, ಶ್ರದ್ಧಾ ಆಸತಾನಾ ಸಂಗೀತಾಚೆ ಪ್ರಭಾವಾಚೆ ಸಾಂಗತ ಅಭ್ಯಾಸ, ಗುರುಕೃಪಾ ಆನಿ ಅದೃಷ್ಟ ಆಸಲ್ಯಾರ ಗಾಯಕ ಸಾಧಕ ಜಾವಚಾಕ ಸಾಧ್ಯ ಮ್ಹಣು ನಾವಾದೀಕ ಹಿಂದೂಸ್ತಾನಿ ಗಾಯಕ ಪಂಡಿತ್ ವೆಂಕಟೇಶ್ ಕುಮಾರ್ ಹಾಂನಿ° ಸಾಂಗಲೆ°. ಹಾಂಗಾಚೆ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನಾಚೆ ತರಪೇನ ಕನ್ನಡ ಭವನಾಚೆ ಕೆ. ಅಮರನಾಥ ಶೆಟ್ಟಿ ಸಭಾಂಗಣಾಂತ ಘಡಲೆಲೆ ‘ಸಂಧ್ಯಾರಾಗ' ಕಾರ್ಯಕ್ರಮಾಂತು° ಜಮೀಲೆ ಸಂಗೀತಾಸಕ್ತ ಲೋಕಾ ಮುಕಾರ ತಾಂನಿ° ಅಶೆ° ಸಾಂಗಲೆ°.

ಸಂಗೀತಾಚೆ ವಿದ್ಯಾರ್ಥಿಯಾಂಕ ಯೋಗ್ಯ ಗುರು, ಅಭ್ಯಾಸಾಂತ ಶ್ರದ್ಧಾಚೆ ಸಾಂಗತ ಅದೃಷ್ಟ ಮುಖ್ಯ ಜಾತಾ ಮ್ಹಣು ತಾಂನಿ° ಸಾಂಗಲೆ°.

ರಾಗ ವೈಭವ: ಮುಲ್ತಾನಿ ರಾಗಾನ ತಾಗೆಲೆ ಸಂಗೀತ ಕಾರ್ಯಕ್ರಮ ಶುರು ಕೆಲೆಲೆ ಪಂಡಿತ್ ಎಂ. ವೆಂಕಟೇಶ್ ಕುಮಾರ್ ಹಾಂನಿ ಉಪರಾಂತ ಶಂಕರ ರಾಗ ಗಾಯಲೊ. ಭಕ್ತಿ ಗೀತೆಂತು° ಕಲಿಯುಗದೊಳು ಹರಿನಾಮವ ನೆನೆದರೆ, ವಾರ ಒಂದರಿಯೆ, ಹಾಡಿ ಕಮಲೇ ಕಮಲಾಲಯೇ, ಮಾತಾ ಭವಾನಿ, ಭಾಗ್ಯದಾ ಲಕ್ಷ್ಮೀ ಬಾರಮ್ಮಾ, ಅಕ್ಕ ಕೇಳವ್ವ ನಾನೊಂದ ಕನಸ ಕಂಡೆ ಗಾವನು ಒಂದು ಬಾರಿ ಸ್ಮರಣೆ ಸಾಲದೇ ಭಜನೆಚೆ ಸಾಂಗತ ದೋನ ಗಂಟ್ಯಾಚಿ ಕಛೇರಿ ಸಂಪನ್ನ ಕೆಲಿ. ಹಾಕಾ ಹಾರ್ಮೊನಿಯಾಂರಿ ಪ್ರೊ. ನರೇಂದ್ರ ಎಲ್. ನಾಯಕ್ ಮಂಗಳೂರು, ತಬ್ಲಾರಿ ಕೇಶವ ಜೋಷಿ ಬಾಗಲಕೋಟೆ ಆನೀ ಅಭಿಜಿತ್ ಶೆಣೈ ಕಡಂದಲೆ, ತಾನ್ಪುರಾರಿ ಕುಂದಾಪುರ ಚಿಂತನ ಧನ್ಯ, ಚಿನ್ಮಯ ಧನ್ಯ , ಮಂಜಿರಾ ಆನೀ ಪಾರ್ಶ್ವ ತಾಳೊ ಜಾವನು ಉಡುಪಿಚೆ ನಾಗರಾಜ್ ಶೇಟ್ ಹಾಂನಿ° ಸಹಕಾರ ದಿಲೊ. ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನಾಚೊ ಅಧ್ಯಕ್ಷ ಡಾ. ಎಂ. ಮೋಹನ ಆಳ್ವ ಹಾಂನಿ° ಕಲಾವಿದಾಂಕ ಸಮ್ಮಾನ ಕೆಲೊ. ಜೈನ ಮಠಾಚೆ ಭಟ್ಟಾರಕ ಶ್ರೀ ಸಹಿತ ಗಣ್ಯ, ಕಾರ್ಯಕ್ರಮಾತು° ಉಪಸ್ಥಿತ ಆಶಿಲೆ. ರಾಂ ಪ್ರಸಾದ್ ಕಾಂಚೋಡು ಹಾಣೆ ಸೂತ್ರ ಸಂಚಾಲನ ಕೆಲೆ°.

Published in Mangalore

Tagged under

Be the first to comment!

Start
Prev
19
20
21
22
23
24
25
26
27
28
Next
End

Page 28 of 28

Math-Mandir

ಶ್ರೀ ಕಾಶೀಮಠ ಸಂಸ್ಥಾನ ವೆಲಫೆರ್

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ

ಯುಗಾದಿ ಪ್ರಯುಕ್ತ ಶ್ರೀದೇವಾಕ

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°

ಗೋಕರ್ಣ ಮಠಾಧೀಶ ಮೊಕ್ಕಾ°

ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°

View All

Youth

cache/resized/c4ee2d8f413b2cab1bb88adc876a5320.png

ಉದ್ಯೋಗ ಆನೀ ನಿರುದ್ಯೋಗ

ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ

ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ

18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ

GSB Scholarship League

This application is only for the poor

View All

Events

कोंकणिंतल्या अस्तुरी

कोंकणिंतल्या अस्तुरी साहित्याचेर

ಅನುವಾದ ಮ್ಹಳ್ಯಾರ ಮೀಟಾಚೆ ದೋಣಿರ

ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ

ಮಕರ ಸಂಕ್ರಾοತಿ ಆಚರಣಾ

ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ

View All

https://www.youtube.com/user/MrBaligavenkatesh

Editorial

ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,

ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.

Shabdvihar

ಆಗ್ರೋ

ತಾಣೇ ಮಾಕಾ ಜೇವಣ ಕರನೂಚಿ ವಚೂಕಾ ಮ್ಹಣು ಆಗ್ರೋ ಕೆಲ್ಲೋ. ತಾಣೇ ಆಗ್ರೋ ಕೆಲೆಲ್ಯಾನ ಹಾಂವ ತಾಗೆಲೆ ಸಾಂಗಾತಿ ಸಿನೇಮಾಕ ಗೇಲೊ.

ವಯಿಲೆ ಉದ್ಘೃತ ವಾಕ್ಯಾಂತು ಆಗ್ರೋ ಮ್ಹಣಚೋ ಜೋ ಶಬ್ದು ವಾಪರಲಾ ತೇ ಶಬ್ಧಾಚಿ ವ್ಯುತ್ಪತ್ತಿ ಸಮಜೂವ್ಯಾಂ. ಸಂಸ್ಕೃತ ಭಾಷೆಂತು ವತ್ತಾಯ, ಬಲವಂತ ಮ್ಹಣಚೇ ಅಥರ್ಾಚೊ ಆಗ್ರಹ ಮ್ಹಣಚೊ ಜೋ ಶಬ್ದು ಆಸಾ. ತೇ ಶಬ್ದಾಚೇ ತದ್ಬವ ರೂಪ ಜಾವನು ಆಸಾ ಹೋ ಆಗ್ರೋ ಮ್ಹಣಚೋ ಶಬ್ದು. ಆಗ್ರಹ ಮ್ಹಣಚೇ ಶಬ್ದಾಂತೂಲೆ ಅಂತಿಮ ಅಕ್ಷರ ಹ ಕಾರ ಲೋಪ ಜಾವನು ಆಗ್ರ ಮ್ಹಣ ಉರಲೊ. ತೋ ಕೋಕಣೀಂತ ಪ್ರತ್ಯಯ ಮೆಳನು ಆಗ್ರೋ ಮ್ಹಣ ರೂಪ ಪಾವಲಾ.

Education