ಮೂಡುಬಿದಿರೆ: ಉತ್ಥಾನ ದ್ವಾದಶಿ ಪ್ರಯುಕ್ತ ಮೂಡುಬಿದಿರೆಚೆ ಮೂಡುವೇಣುಪುರ ಶ್ರೀ ವೆಂಕಟರಮಣ ದೇವಳಾಂತು° ತುಳಸಿ ಪೂಜಾ ಚಲಿ.

ಮಲ್ಪೆ: ಹಾಂಗಾಚೆ ಶ್ರೀ ರಾಮ ಮಂದಿರ, ಜಿ. ಎಸ್. ಬಿ. ಸಮಾಜ ಯುವಕ, ಮಹಿಳಾ ಮಂಡಳಿಚೆ ಜೋಡಾಶ್ರಯಾರಿ ಕಾರ್ತಿಕ ಮಾಸಾಚೆ ಏಕಾದಶಿ ದೀವಸು ಭಜನಾ ಕಾರ್ಯಕ್ರಮ ಆನಿ ರಾತಿ ಶ್ರೀ ದೇವಾಲೆ ಸನ್ನಿಧಿಂತು° ಹಜಾರಾನಿ ಸಂಖ್ಯಾನಿ ಪಣತಿ ಲಾವನು ವಿಶ್ವ ರೂಪ ದರ್ಶನ ದರ್ಶನ ಜಾಲೆ°. ವಿಶೇಷ ಆಕರ್ಷಣ ಜಾವನು ಶ್ರೀ ರಾಮ ದರ್ಶನ, ವೀರ ವಿಠಲ, ರಂಗೋಲಿ, ಫುಲ್ಲಾ ರಂಗೋಲಿ, ದಿವಯಾನ ರಚನ ಕೆಲೆಲೆ ಓಂ, ಸ್ವಸ್ತಿಕ್, ಶಂಖ ಚಕ್ರ ಪಳೊವಚಾಕ ಮೆಳೆ°.

ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ತೆಂಕಪೇಟೆ ಉಡುಪಿ ಹಾಂಗಾ ಕಾರ್ತಿಕ ಮಾಸಾಂತು° ಸಕಾಳಿ ಪಾಂಚ ಗಂಟ್ಯಾಕ ಪಶ್ಚಿಮ ಜಾಗರ ಪೂಜಾ, ಸುಪ್ರಭಾತ, ಕಾಕಡ ಆರತಿ, ಶ್ರೀ ದೇವರ ಸನ್ನಿಧಿಂತು° ಹಜಾರಾನಿ ಸಂಖ್ಯಾನಿ ಪಣತಿ ಲಾವನು ವಿಶ್ವ ರೂಪ ದರ್ಶನ ಚಲೆ°. ಹ್ಯಾ ವರಸ ವಿಶೇಷ ಜಾವನು ಶ್ರೀ ರಾಮ ದರ್ಶನ , ಶ್ರೀ ಮಹಾಲಕ್ಷ್ಮೀ, ಶಿವ ಲಿಂಗ ದರ್ಶನ, ಹರೇ ಶ್ರೀನಿವಾಸ, ರಂಗೋಲಿ ಪಳೊವಚಾಖ ಮೆಳೆ°. ಪ್ರಧಾನ ಅರ್ಚಕ ವಿನಾಯಕ ಭಟ್ ಹಾಂನಿ° ಪೂಜಾ ಕೆಲಿ. ಆಡಳಿತ ಮೊಕ್ತೇಸರ ಪಿ. ವಿ. ಶೆಣೈ, ಆಡಳಿತ ಮಂಡಳಿಚೆ ಸಾಂದೆ ಗಣೇಶ್ ಕಿಣಿ, ರೋಹಿತಾಕ್ಷ ಪಡಿಯಾರ್, ವಸಂತ್ ಕಿಣಿ, ವಿಶ್ವನಾಥ್ ಭಟ್, ನಾರಾಯಣ ಪ್ರಭು ಆನಿ ನರಹರಿ ಶೆಣೈ ವಿಶಾಲ್ ಶೆಣೈ, ನಾಗೇಶ್ ಪೈ, ಭಾಸ್ಕರ್ ಶೆಣೈ, ಪ್ರದೀಪ್ ರಾವ್, ಮಟ್ಟಾರ್ ಸತೀಶ್ ಕಿಣಿ, ಸುರೇಶ ಭಟ್, ದಯಾಘಾನ್ ಭಟ್, ರವೀಂದ್ರ ಭಟ್, ದೀಪಕ್ ಭಟ್, ಜಿ.ಸ್.ಬಿ. ಯುವಕ ಮಂಡಳಿ, ಮಹಿಳಾ ಮಂಡಳಿ ಸಾಂದೆ ಆನಿ ಸಮಾಜ ಭಾಂದವ ಉಪಸ್ಥಿತ ಆಶಿಲೆ.

ಭದ್ರಗಿರಿ: ಹಾಂಗಾಚೆ ಶ್ರೀ ವೀರವಿಠ್ಠಲ ದೇವಸ್ಥಾನಾಂತು° ಕಾರ್ತಿಕ ಏಕಾದಶಿ ಪ್ರಯುಕ್ತ ಅಖಂಡ ಭಜನಾ ಏಕಾಹ ಮಹೋತ್ಸವವು ಚಲೊ. ಶ್ರೀ ದೇವತಾ ಪ್ರಾರ್ಥನಾ ಆನಿ ದೀಪ ಪ್ರಜ್ವಾಲನ ಕರನು ಸಕಾಳಿ ಭಜನಾ ಕಾರ್ಯಕ್ರಮ ಶುರು ಜಾಲೊ. ಆಡಳಿತ ಮೊಕ್ತೇಸರ ಭದ್ರಗಿರಿ ಪಾಂಡುರοಗ ಆಚಾರ್ಯ, ಗೌರಾವಾಧ್ಯಕ್ಷ ನಾಗರಮಠ ಮಂಜುನಾಥ ನಾಯಕ್, ಆಡಳಿತ ಆನಿ ವಿಶ್ವಸ್ಥ ಮಂಡಳಿಚೆ ಸಾಂದೆ ಸತೀಶ ಕಿಣಿ ಬೆಳ್ವೆ, ಪ್ರಭಾಕರ ಭಟ್, ಗಣೇಶ ಪೈ ಪರ್ಕಳ, ಉದಯ ಪಡಿಯಾರ್, ಮಹೇಶ ಆಚಾರ್ಯ, ಗಿರಿಧರ ರಾವ್, ಭದ್ರಗಿರಿ ವೀರವಿಠ್ಠಲ ಭಜನಾ ಮಂಡಳಿಚೆ ಸಾಂದೆ ಕೆ ಸಿ ಪ್ರಭು, ಸಿ. ಕೃಷ್ಣ ಪೈ, ಕೆ.ಪಿ.ಕಿಣಿ ,ಪುಷ್ಕರ್ ಭಟ್, ಪುರೋಹಿತ ವೇದಮೂರ್ತಿ ಕಲ್ಯಾಣಪುರ ಕಾಶೀನಾಥ ಭಟ್ ಆನಿ ಅರ್ಚಕ ಸದಾನಂದ ಆಚಾರ್ಯ ಆನಿ ಭಜಕ ಲೋಕ ಉಪಸ್ಥಿತ ಆಶಿಲೆ. ಅಖಂಡ ಭಜನಾ ಮಹೋತ್ಸವಾಂತು° ಗಾಂವ ಪರಗಾಂವಚೆ 14 ಭಜನಾ ಮಂಡಳಿನಿ ವಾಂಟೊ ಗೆತಲೊ. ಸಾಂಜವೇಳಾ ದೀಪೋತ್ಸವ ಆನಿ ರಾತಿ ಪ್ರಸನ್ನಪೂಜಾ ಜಾವನು ಭಜನಾ ಮಂಗಲೋತ್ಸವ ಸಂಪನ್ನ ಜಾಲೊ.

ಉಡುಪಿ: “ಕನ್ನಡ ಮಾಧ್ಯಮ ಶಾಳೆಂಕ ಸರಕಾರ, ಅಧ್ಯಾಪಕ, ಗಾಂವοಚೆ ಲೋಕ ಆನಿ ಚರೆಡುವಾಂನಿ ಮೇಳನು ಉತ್ತಮ ಶಿಕ್ಷಣ ದೀವಚೆ° ಪ್ರಯತ್ನಚೀ ಖರೆ° ಅರ್ಥಾರಿ ರಾಜ್ಯೋತ್ಸವ ಮ್ಹಣೋನ ಘೆತಾ. ಸರಕಾರಾನ ನಿರ್ಲಕ್ಷ್ಯ ದಾಕಯಿಲೆ ನಿಮಿತ ಕನ್ನಡ ಮಾಧ್ಯಮ ಶಾಳಾ  ಆಂಗ್ಲ ಮಾಧ್ಯಮಾಕ ಪರಿವರ್ತನ ಕರಚೆಂ ಚೂಕಿ ಜಾತಾ. ಅಧ್ಯಾಪಕಾಂಚೊ ಸಂಖೊ ಭರನು, ವ್ಹಿಂಗಡ ಕಾಮಾಚೆ ತ್ರಾಸ ದಿನಾಶಿ° ಆನಿ ಸರಕಾರಾನ ಆಂಗ್ಲ ಮಾಧ್ಯಮಾಕ ಪ್ರೋತ್ಸಾಹ ದಿವಚೆ° ಕರಚಾಕ ನಜ. ಕನ್ನಡ ಆನಿ ಹೇರ ಭಾಸ ಶಿಖೊವಚೆ ಕರನಾತಲ್ಯಾರಿ ವಗೀಚ ಕನ್ನಡ ಭಾಸ ಅದೃಶ್ಯ ಜಾತಾ.”  ಮ್ಹಣು ರೋಟರಿ ಸಂಸ್ಥೆಚೊ ಆದಲೊ  ಗವರ್ನರ್ ರಾಜಾರಾಂ ಭಟ್ ಹಾಂನಿ° ಸಾಂಗಲೆ°.

ಪಟ್ಲ ರೂರಲ್ ಎಜುಕೇಶನ್ ಸೊಸೈಟಿಚೆ ಸಾಂಗತ ಯು. ಎಸ್. ನಾಯಕ್ ಪ್ರೌಢಶಾಳೆಂತು° ಆಚರಣ ಜಾಲೆಲೆ ಕನ್ನಡ ರಾಜ್ಯೋತ್ಸವ, ರೋಟರಿ ಬಸ್ಸಾಚೆ ಭೇಂಟ ಆನಿ ದೇವಾದಿನ ಪಿ. ಆರ್. ನಾಯಕ್ ಸಂಸ್ಮರಣಾ ಕಾರ್ಯಕ್ರಮಾಚೊ ಮುಖೇಲ ಸೊಯ್ರೊ ಜಾಔನು ತಾಂನಿ° ಆಶೆ° ಸಾಂಗಲೆ°. ರೋ. ಗಣೇಶ ನಾಯಕ್ ಬೆಲ್ಪತ್ರೆ ಬಸ್ಸ ಭೇಂಟ ದಿಲೆ°.  ರೋ. ದಯಾನಂದ ಶೆಟ್ಟಿ ಹಾಂನಿ° ದೇವಾದಿನ ಪಿ. ರವೀಂದ್ರ ನಾಯಕ್ ಹಾಂಗೆಲೆ° ಗುಣಗಾನ ಕೆಲೆ°. ಪತ್ರಕರ್ತ ರೋ. ನಿತ್ಯಾನಂದ ಪಡ್ರೆ ಹಾಂನಿ° ಫಕತ ಮಾತೃಭಾಸ ವ್ಯಕ್ತಿಲೆ ವಿಕಸನಾಕ ಸುಲಭ ವಾಟ ಮ್ಹಣು ಸಾಂಗಲೆ°.

ಶಾಳಾ ಸಂಚಾಲಕ ನಾರಾಯಣ ಶೆಣೈ, ರೋ. ರಾಮಚಂದ್ರ ಉಪಾಧ್ಯ, ಗಣೇಶ್ ನಾಯಕ್, ಡಾ. ಮುದ್ದಣ್ಣ ನಾಯಕ್, ಮುಖ್ಯೋಪಾಧ್ಯಾಯ ಶ್ರೀಕಾಂತ ಪ್ರಭು, ಜ್ಯೋತಿರಾದಿತ್ಯ ನಾಯಕ್ ಉಪಸ್ಥಿತ ಆಶಿಲೆ. ರೋಟರಿ ಅಧ್ಯಕ್ಷ ನಿತ್ಯಾನಂದ ನಾಯಕ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಸಚ್ಚಿದಾನಂದ ನಾಯಕ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಶಶಿಕಲಾ ಹಾಂನಿ° ಆಬಾರ ಮಾನಲೊ.

ಉಡುಪಿ: ಉಡುಪಿ ಜಿಲ್ಲಾ ಸಣ್ಣ ಕೈಗಾರಿಕಾ ಸಂಘ ಹಾಜಿ 30ವೆ° ವಾರ್ಷಿಕ ಮಹಾಸಭಾ ಆರತಾ° ಕೋಟೇಶ್ವರ ಗೋವಿಂದರಾಯ ವಿಠ್ಠಲ್ ಕಾಮತ ಸಭಾಂಗಣಾοತು° ಘಡಲಿ. 2022-2023 ವರಸಾಕ ಕೆ. ಕೆ. ಫಿಶ್ ನೆಟ್ ಕೋ., ನೇಜಾರ್ ಹಾಜೆ ಕೆ. ಪ್ರಶಾಂತ್ ಬಾಳಿಗಾ ಅವಿರೋಧ ಅಧ್ಯಕ್ಷ ಜಾವನು ನೇಮಣೂಕ ಜಾಲಿಂತಿ. ಉಪಾಧ್ಯಕ್ಷ ಹರೀಶ್ ಕುಂದರ್, ಯು. ಅಜಿತ್ ಶೆಣೈ, ಎಂ. ವಸಂತ್ ಕಿಣಿ, ಕಾರ್ಯದರ್ಶಿ ಜಾವನು ಎಂ. ವಲ್ಲಭ್ ಭಟ್, ಕೋಶಾಧಿಕಾರಿ ಜಾವನು ಕೃಷ್ಣ ಪ್ರಸಾದ್, ಸಹ ಕಾರ್ಯದರ್ಶಿ ಜಾವನು ಕೆ. ಸುರೇಶ ಶೆಣೈ, ಶ್ರೀನಿವಾಸ ಶೆಟ್ಟಿಗಾರ್, ರಂಜನ್ ಕಲ್ಕೂರ್ ನೇಮಣೂಕ ಜಾಲ್ಯಾಂತಿ. 

ಆದಲೊ ಅಧ್ಯಕ್ಷ ಐ. ಆರ್. ಪೆರ್ನಾಡೀಸ್ ಆನಿ ಹೇರ ಪೂರ್ವಾಧ್ಯಕ್ಷಾನಿ ಮೇಳನು  ಸರ್. ಎಂ. ವಿಶ್ವೇಶ್ವರಯ್ಯ ಹಾಂಗೆಲೆ  ಭಾವಚಿತ್ರಾಕ ಮಾಲಾರ್ಪಣ ಕೆಲೆ°. ಆದಲೆ ಅಧ್ಯಕ್ಷ ಎಂ. ವಿಶ್ವನಾಥ್ ಭಟ್, ವಿನ್ಸನ್ಟ್ ಪಿಂಟೋ, ಜಾನ್ ಡಿಸಿಲ್ವ ಹಾಂನಿ° ಶುಭಾಶಯ ಪಾಟಯಲೊ. ವೆಂಕಟೇಶ್ ಆರ್. ಪೈ ಆನಿ ವಾಮನ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°.  

ಉಡುಪಿ: ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ತೆಂಕುಪೇಟೆ ಉಡುಪಿ ಹಾಂಗಾ ಪೂಜಿಲಿ ಶಾರದಾ ದೇವಿಲಿ ಶೋಭಾ ಯಾತ್ರಾ ದೇವಳಾ ದಾಕೂನ ಭಾಯರ ಸರನು ಐಡಿಯಲ್ ಸರ್ಕಲ್, ಡಯಾನಾ ಸರ್ಕಲ್, ತ್ರಿವೇಣಿ ಸರ್ಕಲ್, ಚಿತ್ತರಂಜನ್ ಸರ್ಕಲ್, ಕೊಳದ ಪೇಟೆ ಮುಖಾಂತರ ದೇವಳಾಕ ಯೇವನು ಪದ್ಮ ಸರೋವರಾಂತು° ವಿಸರ್ಜನ ಚಲೆ. ಶೋಭಾಯಾತ್ರೆ ಖಾತಿರ ಉಡುಪಿ ನಗರ ತಳಿರು ತೋರಣ ವಿದ್ಯುತ್ ದೀವ್ಯಾನಿ ಶೃಂಗಾರನು ಆಶಿಲೆ ರಸ್ತೆರಿ ಕೀಲು ಕುದುರೆ, ತಟ್ಟೀರಾಯ, ವೆಂಕಟರಮಣ, ಶ್ರೀ ದೇವಿ, ಶ್ರೀ ಮೂಕಾಂಬಿಕಾ ತಸಲೆ ಸ್ಥಬ್ದ ಚಿತ್ರ°, ಚಂಡೆ ಮೇಳ, ಮಂಗಳ ವಾದ್ಯ ಆಸೂನ ಶೋಭಾ ಯಾತ್ರಾ ಚಲಿ.

ದೇವಳಾಚೆ ಅರ್ಚಕ ದಯಾಘನ್ ಭಟ್, ಆಡಳಿತ ಮೋಕ್ತೆಸರ್ ಪಿ. ವಿ. ಶೆಣೈ, ವಸಂತ್ ಕಿಣಿ, ವಿಶ್ವನಾಥ್ ಭಟ್, ಪುಂಡಲೀಕ್ ಕಾಮತ, ಗಣೇಶ್ ಕಿಣಿ, ಅಶೋಕ ಬಾಳಿಗಾ, ರೋಹಿತಾಕ್ಷ ಪಡಿಯಾರ್, ನರಹರಿ ಪೈ, ವಿಶಾಲ್ ಶೆಣೈ, ಉಮೇಶ್ ಪೈ, ಶಾಮ್ ಪ್ರಸಾದ್ ಕುಡ್ವಾ, ನಿತೇಶ, ನಾಗೇಶ್ ಪೈ ಆನಿ ಹೇರ ಉಪಸ್ಥಿತ ಆಶಿಲೆ.

ಹ್ಯಾ ದೀಸಾಂತು° ಜಿ.ಎಸ್.ಬಿ ಯುವಕ ಮಂಡಳಿ ಹಾಂನಿ° ಕೊಂಕಣಿ ಪೌರಾಣಿಕ ನಾಟಕ “ವಿಜಯ ಪಾರಿಜಾತ” ಖೆಳಿಂತಿ. ಪೂರ್ಣಿಮಾ ಗುರುನಾಥ ಉಡುಪಿ ಹಾಂಗೆಲೆ ನಿರ್ದೇಶನಾರ ಚಲೆಲೆ ಹ್ಯಾ ನಾಟಕಾಂತು° ಮಹಿಳಾ ಮಂಡಳಿಚೆ ಸಾಂದ್ಯಾನಿ ನಟನ ಕೆಲೆ°.

ಶ್ರೀ ದುರ್ಗಾಂಬಾ ಯಕ್ಷಗಾನ ಕಲಾ ಮಂಡಳಿ ಮಣಿಪಾಲ ಹಾಂನಿ° ಕೊಂಕಣಿ ಯಕ್ಷಗಾನ “ಶಮತಂಕ ರತ್ನ” ಖೇಳಚೆ° ಜಾಲೆ°. ರತ್ನಾಕರ ಶೆಣೈ ಶಿವಪುರ ಹಾಂಗೆಲೆ ನಿರ್ದೇಶನ ಆನಿ ಭಾಗವತಿಕಾ, ಗಣೇಶ್ ಶೆಣೈ ಶಿವಪುರ ಹಾಂಗೆಲೆ ಚಂಡೆ ಆನಿ ಶ್ರೀಪತಿ ಭಟ್ ಉಡುಪಿ ಮದ್ದಳೆಚೆರಿ ಸಾಥ ದಿಲೆ°.

ಶಿರ್ವ: ಉಡುಪಿ ಜಿಲಾ ಕನ್ನಡ ಸಾಹಿತ್ಯ ಪರಿಷತ್ತು ಕಾಪು ತಾಲೂಕು ಘಟಕಾಚೆ 2022 -27 ವರಸಾಂಕ ನವೀನ ಅಧ್ಯಕ್ಷ ಜಾವನು ನಿವೃತ್ತ ಶಿಕ್ಷಕ, ಮ್ಹಾಲ್ಗಡೊ ಪತ್ರಕರ್ತ ಬಿ. ಪುಂಡಲೀಕ ಮರಾಠೆ ಹಾಂಕಾ ಜಿಲ್ಲಾ ಕಸಾಪ ಅಧ್ಯಕ್ಷ ನೀಲಾವರ ಸುರೇಂದ್ರ ಅಡಿಗ ಹಾಂಗೆಲೆ ಶಿಪಾರಾಸಾಕ ಲಾಗೂನ ಕಸಾಪ ರಾಜ್ಯಾಧ್ಯಕ್ಷ ನಾಡೋಜ ಡಾ. ಮಹೇಶ ಜೋಷಿ ಹಾಂನಿ° ನೇಮಣೂಕ ಕೆಲಾ°. ನವೀನ ಜಾವನು ಘೋಷಣ ಜಾಲೆಲೆ ಕಾಪು ತಾಲೂಕಾಚೆ ಪ್ರಥಮ ಅಧ್ಯಕ್ಷ ಜಾವನು ನೇಮಣೂಕ ಜಾವನು ದೋನ ವರಸಾಂಚೆ ಸೀಮಿತ ಅವಧಿಂತು° ಕುತ್ಯಾರು, ಮೂಡುಬೆಳ್ಳೆ ಆನಿ ಪಡುಬಿದ್ರಿ ಪ್ರದೇಶಾಂತು° ಮ್ಹಾಲ್ಗಡೆ ಸಾಹಿತಿ ಮುದ್ದು ಮೂಡುಬೆಳ್ಳೆ, ಕೆ. ಎಲ್. ಕುಂಡοತಾಯ, ಭರತ್ ಕುಮಾರ್ ಪೊಲಿಪು ಹಾಂಗೆಲೆ ಸರ್ವಾಧ್ಯಕ್ಷತೆರಿ ತೀನ ತಾಲೂಕು ಸಾಹಿತ್ಯ ಸಮ್ಮೇಳನ ಸಂಘಟನ, ಮ್ಹಾಲ್ಗಡೆಲೆ ಕಡೇನ ಸಾಹಿತ್ಯ ಚಲಪ, ಶಾಲೆ ಕಡೇನ ಸಾಹಿತ್ಯ, , ದತ್ತಿ ಉಪನ್ಯಾಸ, ಪುಸ್ತಕ ಮೋಕಳಿಕ, ಕನ್ನಡ ನಾಡು ನುಡಿ, ಸಾಹಿತ್ಯ ಸಂಸ್ಕೃತಿ, ಜಾನಪದಾಕ ಸಂಬοಧ ಪಾವನು ನವೆಂಬರ್ ಮ್ಹಯನ್ಯಾಂತು° ಮ್ಹಯನ್ಯಾ ಗಲಗಲೊ ಕಾರ್ಯಕ್ರಮ ಸಂಘಟನ ಕೆಲಾ. ಹಾಂನಿ° ಧಾರ್ಮಿಕ, ಸಾಮಾಜಿಕ, ಸಾಂಸ್ಕೃತಿಕ ಸೇವಾ ಕ್ಷೇತ್ರಾಂತು° ಸಕ್ರೀಯ ಆಸಾತಿ, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಭಾರತೀಯ ಜೇಸೀಸ್, ರೋಟರ್ಯಾಕ್ಟ, ರೋಟರಿ, ಸ್ಥಳೀಯ ಸಾಂಸ್ಕೃತಿಕ ಸಂಘಟನೆοತು° ಸೇವಾ ದಿಲ್ಯಾ. ಪ್ರಸ್ತುತ ಮಂಗಳೂರು ವಿಶ್ವವಿದ್ಯಾನಿಲಯಾಚೆ ಕೊಂಕಣಿ ಅಧ್ಯಯನ ಪೀಠಾಚೆ ಸಲಹಾ ಸಮಿತಿಚೆ ಸಾಂದೆ, ಭಾರತ ಸೇವಾದಳ ಉಡುಪಿ ಜಿಲ್ಲಾ ಸಮಿತಿಚೆ ಸಾಂದೆ, ಅಂತಾರಾಷ್ಟ್ರೀಯ ರೋಟರಿಚೆ ಜಿಲ್ಲಾ ಸಮಿತಿಚೆ ಸಭಾಪತಿ ಜಾವನು ಆಸಾತಿ.