ದಾವಣಗೆರೆ: ಹಾಂಗಾಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆಚೆ ಕಲಾಕುಂಚ ಮಹಿಳಾ ವಿಭಾಗಾನ ಅಂತರಾಷ್ಟೀಯ  ಮಹಿಳಾ ದಿನಾಚರಣೆ ಬದಲ ಹರ ವರಸ ಆಯೋಜನ ಕರಚೆ “ದಾವಣಗೆರೆಯ ಗೃಹಿಣಿ ಸ್ಪರ್ಧೆ-2023” ಹಾಕಾ ನೋದ ಕರಚಾಕ ಮಾರ್ಚ 15, 2023 ತಾರಿಕ ಆಕೇರಿಚೊ ಜಾವನು ಆಸಾ ಮ್ಹಣು ಕಲಾಕುಂಚ ಮಹಿಳಾ ವಿಭಾಗಾಚಿ ಸಂಸ್ಥಾಪಕಾ ಜ್ಯೋತಿ ಗಣೇಶ್ ಶೆಣೈ ಹಾಂನಿ° ಕಳಯಲಾ°. ಚಡತೆ ಮಾಹಿತಿಕ
9538732777, 9743897578, 8317427179, 9844691391 ಹ್ಯಾ ಮೊಬೈಲಾಂಕ ಸಂಪರ್ಕ ಕರಯೆತ ಮ್ಹಣು ಸಂಸ್ಥೆAಚಿ ಅಧ್ಯಕ್ಷಾ ಹೇಮಾ ಶಾಂತಪ್ಪ ಪೂಜಾರಿ ಹಾಂನಿ° ಕಳವಣಿಂತು° ಸಾಂಗಲಾ°.

ಮಂಗಳೂರು ಶಹರ ಉದರಗತ ಪ್ರಾಧಿಕಾರ (ಮುಡಾ) ಹಾಂನಿ° ಕೊಡಿಯಾಲಚೆ ಕುಂಜತಬೈಲ್ ಲೇಔಟಾಂತ ವಿಕಸೀತ ಕೇಲ್ಯಾ ಘರಾ° ಸ್ಥಳಾಂಚೇ° ವಿತರಣ ಕರಪಾಚೀ ಪ್ರಕ್ರಿಯಾ 6 ಮಾರ್ಚಾ ಸಾವನ ಅರ್ಜ ಜಾರೀ ಕರೂನ ಆಪಯಲ್ಯಾ. ಆರತಾ° ಘಡಲೆಲೆ ಪತ್ರಿಕಾ ಗೋಷ್ಠಿಂತು° ಮುಡಾ ಅಧ್ಯಕ್ಷ ರವಿಶಂಕರ ಮಿಜಾರ ಅಶೆ° ಸಾಂಗಲೆ°. ವೇವಸ್ಥೀತ ಭರಲೇಲೇ ಅರ್ಜಿಯೊ 6 ಏಪ್ರೀಲ 2023 ಮೇರೇನ ಪ್ರಾಧಿಕಾರಾಕ ಸಾದರ ಕರಚೆ° ಪಡತಲೆ°. ಉರ್ವಾ ಸ್ಟೋರ್ಸಾಂತಲ್ಯಾ ಮುಡಾ ಕಾರ್ಯಾಲಯಾಂತ ಉಗಡಪಾಚ್ಯಾ ಖಾಶೇಲ್ಯಾ ಕೌಂಟರಾಚೇರ ಅರ್ಜಿಯೊ ಮೆಳತಾತಿ ಆನಿ ಸ್ಥಳಾಂಚ್ಯಾ ವಟ್ಟ ಖರ್ಚಾಚ್ಯಾ 10% ಠೇವಣಿ ಆನಿ ಅರ್ಜಿ ಶುಲ್ಕ ಭರಚೆ° ಪಡತಲೆ°. ತ್ಯಾ ನಂತಾ° ಬ್ಯಾಂಕ್ ಆಫ್ ಬರೋಡಾಚೆ 15 ಶಾಖಾಂನಿ ಅರ್ಜಿಯೊ ಮೆಳತಾತಿ ಮ್ಹಣು ತಾಣೆ ಸಾಂಗಲಾ°.
ವಟ್ಟ ಸ್ಥಳಾ° ಮದೀ° 50 % ಸುವಾತೀ ಸಾಮಾನ್ಯ ಲೋಕಾ° ಖಾತೀರ ರಾಖೂನ ದವರಲ್ಯಾತ ಅಶೇ° ಮಿಜಾರ ಹಾಂಣೀ ಸಾಂಗಲೇ°. ಉರಿಲ್ಲ್ಯಾ ಸುವಾತೀಂತಲೀ 10% ಹೇರ ಮಾಗಾಸ ಜಾತೀ ಖಾತೀರ, 3% ಅನುಸುಚೀತ ಜಮಾತೀ ಖಾತೀರ, 15% ಅನುಸುಚೀತ ಜಾತೀ° ಖಾತೀರ, 5% ಮಾಜೀ ಸೈನಿಕಾಂಕ, ಮೇಲ್ಲ್ಯಾ ಸೈನಿಕಾಂಚ್ಯಾ ಕುಟುಂಬಾಕ ಆನೀ ಕೇಂದ್ರೀಯ ಸಶಸ್ತ್ರ ದಳಾಚ್ಯಾ ವಾಂಗಡ್ಯಾ ಖಾತೀರ ರಾಖೂನ ದವರಲ್ಯಾತ. ತೇ ಭಾಯರ 7% ಸುವಾತೀ ರಾಜ್ಯ ಸರಕಾರೀ ಕರ್ಮಚಾರ್ಯಾ್ಯ° ಖಾತೀರ ಆನೀ ರಾಜ್ಯ ಭೌಶೀಕ ಕ್ಷೇತ್ರಾಂತಲ್ಯಾ ಉದ್ದೇಗ ಆನೀ ಅಧಿಕಾರ ಯಾಂಚ್ಯಾ ಕರ್ಮಚಾರ್ಯಾ್ಯ° ಖಾತೀರ, 2% ಕೇಂದ್ರ ಸರಕಾರಾಚ್ಯಾ ಕರ್ಮಚಾರ್ಯಾ್ಯಂ ಖಾತೀರ ಆನೀ ಸಂಘರಾಜ್ಯ ಭೌಶೀಕ ಕ್ಷೇತ್ರಾಂತಲ್ಯಾ ಉದ್ದೇಗ ಆನೀ ಪ್ರಾಧಿಕರಣಾಂಚ್ಯಾ ಕರ್ಮಚಾರ್ಯಾ್ಯಂ ಖಾತೀರ ರಾಖೂನ ದವರಲ್ಯಾತ. 5% ಸ್ಥಳ ಪತ್ರಕಾರಾ° ಖಾತೀರ ಆನೀ ವಿಜ್ಞಾನ, ಕಲಾ ಆನೀ ಖೇಳಾಂ ಮಳಾರ ಜೇ ಸಾಧ್ಯತಾಯ ಮೇಳೋವಪೀ ಲೋಕಾ° ಖಾತೀರ ರಾಖೂನ ದವರಲ್ಯಾತ ಆನೀ 3% ಸುವಾತೀ ಅಪಂಗತ್ವ ಆಶಿಲ್ಲ್ಯಾ ವ್ಯಕ್ತೀ° ಖಾತೀರ ರಾಖೂನ ದವರಲ್ಯಾತ ಅಶೇ° ತಾಂಣೀ ಸಾಂಗಲೇ°. ಅರ್ಜದಾರ ಉಣ್ಯಾಂತ ಉಣೇ° ಪಾಂಚ ವರ್ಸಾ° ಕರ್ನಾಟಕಾಂತ ರಾವಪೀ ಆಸೂಂಕ ಜಾಯ ಅಶೇ° ಮಿಜಾರ ಹಾಂಣೀ ಸಾಂಗಲೇ°.

ಎಕ ಅವಘಾಡಾಂತು° ದೋನಯ ಹಾತ ವಗಡಾಯಲೇ ತರೀ ವ್ಹಡ ಸಾಧನಾ ಕೆಲೆಲೊ ಏಕ ಉದ್ಯಮಿ ಜಿ.ಕೆ. ಡೆಕೋರೇಟರ್ಸಚೋ ಗಣೇಶ ಕಾಮತ ದೇವಾದಿನ
ಮೂಡಬಿದಿರೆಃ ಜಿ.ಕೆ. ಡೆಕೋರೇಟರ್ಸ, ಜಿ.ಕೆ. ಗಾರ್ಡನ ಸಿಟೀಚೋ ಧನೀ ಗಣೇಶ ಕಾಮತ (46) ಹ್ಯಾ ತರಣಾಟ್ಯಾ ಉದ್ಯಮಿ ಶುಕ್ರಾರಾ(ಮಾರ್ಚ 3) ಆಪಲ್ಯಾ ಘರಾಂತ ಹೃದಯವಿಕಾರಾಕ ಲಾಗೂನ ಮರಣ ಪಾವಲೊ. ಸಕಾಳೀ° ತಾಕಾ ಖೂಬ ದುಯೇಂತ ದಿಸಲೋ ಆನೀ ರೋಖಡೋಚ ತಾಕಾ ಹಾಸ್ಪಿಟಲಾಂತ ಹಾಡಲೋ, ಪೂಣ ರೋಖಡೋಚ ತಾಕಾ ಮರಣ ಆಯಲೆ°. ತೊ ತಾಚೀ ಬಾಯಲ, ಧೂವ, ಆವಯ ಆನೀ ಭಾವ ಸೋಡೂನ ಗೇಲಾ. ದೋನ ದಶಕಾ° ಆದಿ° ಆಪಲ್ಯಾ ಕಾರಕಿರ್ದೀಂತ ವೀಜ ಪಡೂನ ತಾಕಾ ಗಂಭೀರ ಜಖಮೀ ಜಾವನ ದೋನೂಯ ಹಾತ ಗೆಲೆ. ಧೈರ್ಯ ಆನೀ ಆತ್ಮವಿಸ್ವಾಸಾನ ಸಜವಣೀ ಆನೀ ವೇವಸ್ಥಾಪಕಾಚ್ಯಾ ಮಳಾರ ಏಕ ಯಶಸ್ವೀ ತರಣಾಟೋ ವೇವಸಾಯೀಕ ಜಾವನ ತಾಣೇ° ಸಗಳ್ಯಾಂಕ ಅಜಾಪೀತ ಕೆಲೆ°. ತಾಚ್ಯಾ ಜಿ.ಕೆ. ಸ್ವತಾಚೋ ವೇವಸಾಯ ಕರಪೀ ಸಂಘಟನಾ° ವರವೀಂ ಜಾಯತ್ಯಾ ಕುಟುಂಬಾοಕ ಏಕ ನಿಯೋಕ್ತಾ ಮ್ಹೂಣ, ಸಜಾವಟ, ಮಾಚಯೇರ, ಡಿಝಾಯನಾಂತ ಸೃಜನಶೀಲ ವಿಚಾರ ಕರೂನ ಧರ್ಮ ಸಂಸಾದ, ಜಿ.ಏಸ.ಬಿ. ಸಂವಸಾರೀಕ ಪರಿಶಧ, ನವೋದಯ ಸಮಾವೇಶ ಅಶೋ ಜಾಯತ್ಯೋ ವ್ಹಡ ಪರಿಶದೋ ಆನೀ ಸುವಾಳೋ ಯೇಸಸ್ವೀಪಣಾನ ಘಡೋವನ ಹಾಡಪಾಕ ತಾಣೆ° ಪರದೇ ಫಾಟಲ್ಯಾನ ಖೂಬ ಕಶ್ಟ ಘೇತಲೆ.
ದುಖ್ಖದ ನಾಯಕ: ಹಾಂಗಾಚ್ಯಾ ಪೋನ್ನೇಛಾರೀ ಶ್ರೀ ಲಕ್ಷ್ಮೀ ವೇಂಕಟರಮಣ ದೇವಳಾಚೋ ಎಂ. ಪಿ. ಕಾಮತ ಘಾರಾಣೆಚೊ ಗಣೇಶ ಕಾಮಠ ಲ್ಹಾನ ಪಿರಾಯೇಚೇರ ಸಹಾಯ್ಯಕ ಮ್ಹಣೂನ ಶಾಮಿಯಾನಾ ಆನೀ ಸಜವಣ ಉದ್ದೇಗಾಂತ ಭರತೀ ಜಾಲೊ. 2001 ವರ್ಸಾ ಕಾರ್ಕಳ ಮೈದಾನಾಂತಲ್ಯಾ ಫ್ಲಡ್ ಲಿಟ್ ಕಾರ್ಯಕ್ರಮಾಕ ಲಾಯಟೀಚೀ ವೇವಸ್ಥಾ ಕರತನಾ ಉಚ್ಚ ತಾಣ ಆಶಿಲ್ಲ್ಯಾ ವೀಜ ತಾರೇಕ ಹಾತ ಲಾಯಿಲ್ಲ್ಯಾನ ಗಂಭೀರ ಅವಸ್ಥೇಂತ ತೋ ಜಳಲೋ. ಉಪರಾಂತ ಮೂಡಬಿದಿರೀಚ್ಯಾ ರೋಟರೀ ಕ್ಲಬಾನ ತಾಕಾ ದೋನೂಯ ಕೃತ್ರೀಮ ಹಾತ ಬಸಪಾಕ ಆದಾರ ಕೇಲೊ.
ನಿರಾಶಾ ಆಸೂನ ಆತ್ಮವಿಸ್ವಾಸಾನ ವಾಡಪೀ ಗಣೇಶ ಕಾಮತ ಹಾಣೇ° ಆಪಲೋ ಸ್ವತಾಚೋ ಲ್ಹಾನ ವೇವಸಾಯ ಪಂಗಡ ತಯಾರ ಕೆಲೊ ಆನೀ ಜಿ. ಕೆ. ಸಜವಣದಾರಾ ಹೀ ಕಂಪನಿ ವಾಡಯಲಿ ಆನಿ ಜಾಯತ್ಯಾ ಜಣಾಂಕ ಉದರ ನಿರ್ವಾಹಾಚೀ ವೇವಸ್ಥಾ ಕೆಲಿ. ಸ ವರ್ಸಾ° ಆದೀ° ಜಿ. ಕೆ. ಗಾರ್ಡನ ಸಿಟಿ ಸಭಾಂಗಣ ನಿರ್ಮಾಣ ಕರನು ಕೋವಿಡ ಕಾಳಾಂತ ಖೂಬ ಸವಲತೀಚ್ಯಾ ದರಾನ ಸಾದೇ ಲಗ್ನಾಂಕ ಪ್ರೋತ್ಸಾಹನ ದಿಲ್ಲೇ°. ತಾಗೆಲ ಉದ್ಯಮಾಂತು° ಕರ್ಮಚಾರಿ ಆಶಿಲಿ ಲತಾಲೆ ಸಾಂಗತ ಲಗ್ನ ಜಾವನು ತಿಣೆ ಹಾಕಾ ಸಾಂಬಾಳನು ಹಾಡಿಲೆ° ವಿಶೇಷ ಆಸಾ. ಏಕ ಪರೋಪಕಾರಿ ಆಶಿಲೊ ಗಣೇಶ ಕಾಮತ ಹಾಣೇ° ಉಪರಾಂತ ಆಪಲ್ಯಾ ಕಾರಕಿರ್ದೀಂತ ಯೇಸಸ್ವೀಪಣಾನ ಪಾವಲಾ° ಉಬಾರೂನ ಮುಖಾರ ಸರಲೊ ಆನೀ ಬಸಕಾ, ಸುವಾಳೋ ಆನೀ ಅಧಿವೇಶನ ವೇವಸ್ಥಾಪನಾಂತಲ್ಯಾ ವೇವಸಾಯೀಕ ಖಾಶೇಲಪಣಾಕ ಲಾಗೂನ ರಾಜ್ಯ ಪಾಂವಡ್ಯಾರ ತಾಕಾ ಮಾನ್ಯತಾಯ ಮೇಳ್ಳಿ. ಗಾಂವ ಪರಗಾಂವಚ್ಯಾ ಕಾರ್ಯಾವಳೀಂಚೀ ತೋ ಸದಾಂಚ ಸವಲತೀಚ್ಯಾ ವೇವಸ್ಥಾ ಕರತಾಲೋ ಆನೀ ತಾಂಕಾ° ಪ್ರೋತ್ಸಾಹನ ದಿತಾಲೊ.
ಶಾಮಿಯಾನ ಓನರ್ಸ ಅಸೋಸಿಏಶನಾಚೇ ಮೂಡಬಿದಿರೆ ಯುನಿಟಾಚೊ ಸಂಸ್ಥಾಪಕ ಅಧ್ಯಕ್ಷ ಆಶಿಲೊ ಆನಿ ಸಧ್ಯಾಕ ಗೌರವಾಧ್ಯಕ್ಷ ಆಶಿಲೊ. ಧಾರ್ಮಿಕ ಮೆರವಣಿಗೆಂತು° ಪೌರಾಣಿಕ ಕಲ್ಪನೇಚ್ಯಾ ಸ್ಥಬ್ದಚಿತ್ರಾ° ನಿರ್ಮಾಣ ಕರತಲೆ ಹಾಂನಿ° ಮೂಡುಬಿದಿರೆಚೆ ಭೌಶೀಕ ಶ್ರೀ ಗಣೇಶೋತ್ಸವಾಚ್ಯಾ ಟ್ರಕ ಸಜಾವಟ, ನಿಮಾಣ್ಯಾ ಉತ್ಸವಾಂತ ಆಂತರಾಳ ಡಾಬರ ಡಿಝಾಯನ, ಏಕಾಂತ ಗಣೇಶೋತ್ಸವಾಚ್ಯಾ ಟೇಬಲಾಚಿ ತಯಾರಿ ಹಾಂಚೆ ಖಾತೀರ ತಾಕಾ ಜಾಯತಿ° ವರ್ಸಾ° ವಳಖ ಮೆಳ್ಳಿ. ಬೇದ್ರದ ಬರ‍್ಸೆರ್ (2016) ಮಾ. ಮಂಗಳೂರ ಪ್ರೆಸ್ ಕ್ಲಬ್ ಪುರಸ್ಕಾರ (2017) ಸಯತ ಜಾಯತ್ಯಾ ಸಂಸ್ಥಾ° ಕಡಲ್ಯಾನ ತಾಕಾ ಜಾಯತೇ ಭೋವಮಾನ ಆನೀ ಪುರಸ್ಕಾರ ಮೇಳ್ಯಾತ.
ಆಮದಾರ ಉಮಾನಾಥಾ ಕೋಟ್ಯಾನ, ಆದಲೇ ಮಂತ್ರೀ ಅಭಯಚಂದ್ರ ಜೈನ, ಮಿಥುನ ರೈ, ಆಳ್ವಾಸ ಏಜ್ಯುಕೇಶನ ಫೌಂಡೇಶನಾಚೇ ಅಧ್ಯಕ್ಷ ಡಾ. ಎಂ. ಮೋಹನ ಆಳ್ವಾ, ಶಾಮಿಯಾನ ಓನರ್ಸ ಅಸೋಸಿಯೆಶನ ಹಾಜೊ ಜಿಲ್ಲಾಧ್ಯಕ್ಷ ಬಾಬೂ ಕೆ. ವಿ., ವೇವಸಾಯೀಕ ಕೆ. ಶ್ರೀಪತಿ ಭಟ್ಟ, ನಾರಾಯಣ ಪಿ. ಎಂ. ಆನಿ ಹೇರಾಂನಿ ದು:ಖ ಪ್ರಕಟ ಕೆಲೆ°. ತಾಚ್ಯಾ ಮರಣಾಚೀ ಖಬರ ಆಯಕೂನ ವ್ಹಡ ಪ್ರಮಾಣಾಂತ ಲೋಕ ತಾಚ್ಯಾ ನಿವಾಸ ಸ್ಥಾನಾಕ ನಿಮಾಣೋ ಶ್ರದ್ಧಾಂಜಲೀ ದಿವಪಾಕ ಗೆಲೆ. ಉಪರಾಂತ ನಿಮಾಣೇ ಯಾತ್ರಾ ವೇಳಾರ ಲವಂತ ಬೇಟ್ಟೂ ರಸ್ತ್ಯಾರ ಆಶಿಲ್ಲ್ಯಾ ತಾಚ್ಯಾ ಸಂಸ್ಥೇಚ್ಯಾ ಆವಾರಾಂತಯ ಭೌಸಾಕ ನಿಮಾಣೋ ಶ್ರದ್ಧಾಂಜಲೀ ದಿವಪಾಕ ಜಾಲೆ°.

भारताचे सांस्कृतिक परंपेरेंत वसंतोत्सव खूब प्रमुख आनी समयोचित आसा.वर्सुकी ऋतुचक्रांत 12 मासां आनी 6 ऋतुंचो वर्णन वराह मिहिराचे काला सावन आसा. महाकवी काळिदास आपण्याले अद्भुत काव्य ‘ऋतु संहार’ हांतु खूबशे ऋतुंचे शोभित वर्णन दिता. ऋतु चक्राचो युवकाल म्हळ्यार वसंत ऋतु आनी जीणेचो वसंतकाल म्हळ्यार यौवन अशें म्ह्णतात. माघ शु पंचमीक वसंत कालाचे आगमन जावुन फ़ाल्गुणचे बहुळ पंचमी मेरेन तो आसता म्हणु भारताचे लोकांलो अभिमत. त्या खतिर भारतांत ह्या समयाचेर वसंतोत्सव मानयतात.

भागवत पुराणाचे दशम स्कंदांचे 8 आनी 9 जुंवळींत भगवंतान ग्वाल-बाला-गोपिकां सांगात वसंत उत्सव मानयलो भो शोभित वर्णन आसा आनी 16-19 वे शतमानांत शेखड्यानी चित्रां रचयल्यांची. भास कविले ‘महा श्वेता’ कल्ह्णाले ‘राजतरंगिणी’ बिल्हणाले ‘चौरपंचाशिखा’ हांतु सगळीं वसंत उत्सवाचो खूब वर्णन आसा. आयज बी असेतु-हिमाचल मेरेन चालती आस्च्या वसंतोत्सव पळोवुंक मेळता. खूब वावंट काडून रोहुन वाडयिलें शेतांत फ़सल कटाव जातर लोक संतोशान संगीत-नांच- रंगा खेळ खेळतात. काश्मीर, हिमाचल, आसाम, मणिपुर, बंगाल, राजस्थान, गोमांतक, मध्य भारत, तमिळनाडु अशें सगळेय भारतांत हाचो दबाजो आसता. खूब प्रदेशांत होळी म्हळ्यार कोंकणी सीमेंत शिग्मो म्हणतात.

कोंकण्य़ाले शिग्म्यांत मांड मांडोवुन धालो, फ़ुगडी, गोडे मोडनी, शिवज़, सत्री, गुलाल इत्यादी नांवांन परब मानयतात. गोंयांत सांप्रदायक आनी आधुनिक शिग्म्याचो ‘राज परब’ म्हणु उत्साहान वेवेगळे गांवांत 10-15 दिवस मानयतात. कोंकणी कुडमी समाजांत रंग रंगाचो पोषाक घालुन फ़ाल्गुण पुनवेक देवाक प्रणाम करून शेतांत अग्नी सुतु सांप्रदायिक जानपद कोंकणी पदां म्हणत नृत्य करतात. व्हडल्या शारांत एक कालाचेर रावळेरांत आशिले शास्त्रीय संगीत आनी वेवेगळी शास्त्रीय नृत्यांचो उत्सव आयज सार्वजनिक रंग मंदिरांत मान्यतात.

ईशान्य भारतांत रंग पंचमीक सरस्वतिचो पूजन केल्यार कोंक्ण सीमेंत देवुळांत वसंत मांटवांत देवालो मूर्तीयो प्रतिष्ठ करून पारंपरिक ‘वसंत सेवा’ करून ‘अष्टावधान’ सेवा करतात. हांतूय ऋग्वेद, यजुर्वेद, सामवेद, अथर्ववेद, काव्य, कविता, संगीत आनी नृत्य म्हळेले आट विधांचे साहितिक सेवा दितात. अशें बरो सुंदर वसंतोत्सव (Spring festival) भारतीय संस्कृतायेचो एक प्रमुख आनी मानसोल्लासित परब म्हणयेत.