ದಾವಣಗೆರೆ: ಶೈಕ್ಷಣಿಕ ಕಾಳಜಿಚೆ ಸಾಂಗತ ವಿದ್ಯಾರ್ಥಿಯಾ° ಮಧೆ° ಜ್ಞಾನಾಚೆ ಪರಿಜ್ಞಾನ ವಾಡಯಲ್ಯಾರಿ ಚೆರಡುವಾಂಲೆ° ಭವಿಷ್ಯ ಬರೆ° ಆಸತಾ. ಹ್ಯಾ ವಿಷಯಾರಿ ಶಿಕ್ಷಕ-ಶಿಕ್ಷಕಿಯಾಂಲೆ ಸಾಂಗತ ವ್ಹಡಿಲಾನಿ ಹಾತ ಮೇಳೊಕಾ ಮ್ಹಣು ಮಂಡ್ಯ ಜಿಲ್ಲೆಚೆ ಶ್ರೀರಂಗಪಟ್ಟಣಾಚೊ ಕ್ಷೇತ್ರ ಶಿಕ್ಷಣಾಧಿಕಾರಿ ಎ. ಅನಂತರಾಜು ಹಾಂನಿ° ಸಾಂಗಲೆ°. ದಾವಣಗೆರೆಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆ ಆನಿ ಕೆ.ಆರ್.ಎಸ್. ಸರ್ಕಾರಿ ಪದವಿ ಪೂರ್ವ ಕಾಲೇಜಾಚೆ ಜೋಡ ಆಶ್ರಯಾರಿ ಚಲೆಲೆ ಎಸ್.ಎಸ್.ಎಲ್.ಸಿ. ವಿದ್ಯಾರ್ಥಿಯಾಂಕ ಪರೀಕ್ಷಾ ಪೂರ್ವ ಸಿದ್ಧತಾ ಫುಕಟ ಕಾರ್ಯಾಗಾರ ಸಮಾರಂಭ ಹಾಜೆ° ಉಗ್ತಾವಣ ಕರನು ಆಶೆ° ಸಾಂಗಲೆ°. ಶ್ರೀರಂಗಪಟ್ಟಣಾಚೆ ಶಿಕ್ಷಣ ಸಂಯೋಜಕ ಡಾ. ಪ್ರತಿಮಾ ಮುಖೇಲ ಸೊಯ್ರೆ ಆಶಿಲೆ. 2023-24 ವರಸಾಂತ ಎಸ್.ಎಸ್.ಎಲ್.ಸಿ. ಪರೀಕ್ಷೆಂತು° ಪ್ರಥಮ ಭಾಸ ಕನ್ನಡಾಂತು° 125ಕ 125 ಅಂಕ ಜೋಡಿಲೆ ವಿದೈಆರ್ಥಿಯಾಂಕ ಕಿರೀಟ ದವರನು ಕನ್ನಡ ತಾಯಿ ಭುವನೇಶ್ವರಿ ಸ್ಮರಣಿಕಾ, ಭಾಂಗರಾಚೆ ಓಪ ಆಸಚೆ ಪದಕ ಸಹಿತ "ಕನ್ನಡ ಕೌಸ್ತುಭ" ರಾಜ್ಯ ಪ್ರಶಸ್ತಿ ದಿವನು ಸನ್ಮಾನ ಚಲೊ. ಕಲಾಕುಂಚ ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಪರೀಕ್ಷಾ ಪೂರ್ವ ಸಿದ್ಧತಾ ಬದಲ ಉಪನ್ಯಾಸ ದಿಲೆ°. ಕಾಲೇಜಾಚೊ ಉಪ ಪ್ರಾಚಾರ್ಯ ಸಿ. ಉಮೇಶ್ವರ, ಸಿಬಿಸಿ ಸಮಿತಿ ಅಧ್ಯಕ್ಷ ಎಂ.ಬಿ.ಕುಮಾರ್, ಎಸ್.ಡಿ.ಎಂ.ಸಿ. ಅಧ್ಯಕ್ಷ ರಾಜೇಶ ಆಚಾರಿ, ಸಮಾಜ ಸೇವಕ ಶ್ರೀಧರ ನಾಯಕ್, ಶಿಕ್ಷಕಿ ಶ್ರೀಮತಿ ವಿದ್ಯಾ ಶೆಣೈ ಆನಿ ಹೇರ ಉಪಸ್ಥಿತ ಆಶಿಲೆ. ಚಿತ್ರಶ್ರೀ ಪಂಗಡಾನ ಪ್ರಾರ್ಥನ ಸಾಂಗಲಿ. ಎಸ್.ಡಿ.ಎಂ.ಸಿ.ಸಾoದೊ ರಾಮಪ್ರಸಾದ ಪೊನ್ನುಸ್ವಾಮಿನ ಸ್ವಾಗತಾಚೆ ಉತ್ರ° ಸಾಂಗಲಿ°. ಸಹ ಶಿಕ್ಷಕ ಎಲ್. ಜಿ. ಲಿಂಗರಾಜಪ್ಪ ಹಾಂನಿ° ಸೂತ್ರ ಸಂಚಾಲನ ಕೆಲೆಂ. ಸಹ ಶಿಕ್ಷಕಿ ಎಸ್. ಜಯಲಕ್ಶ್ಮೀನ ಆಬಾರ ಮಾನಲೊ.

To Support Kodial Khaber click the following button.

ದಾವಣಗೆರೆ: ಹಾಂಗಾಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆನ ಶ್ರೀ ಗಣೇಶೋತ್ಸವದ ಪ್ರಯುಕ್ತ ಆಯೋಜನ ಕೆಲೆಲೆ ರಾಜ್ಯ ಸ್ಥರಾಚೆ 50 ಪೈಸೆ ಪೋಸ್ಟಲ್ ಕಾರ್ಡಾರ ಶ್ರೀ ಗಣಪತಿ ಚಿತ್ರ ಬರೊವಚೊ ಸ್ಪರ್ಧೊ “ಅಂಚೆ-ಕುοಚ” ಸ್ಪರ್ಧೆಚೊ ಫಲಿತಾಂಶ ಅಶೆ° ಆಸಾ. ಪ್ರಾಥಮಿಕ ವಿಭಾಗ ಪಯಲೆ° ಇನಾಂ ಉತ್ತರ ಕನ್ನಡ ಜಿಲ್ಲೆಚೆ ಗೋಕರ್ಣಾಚೆ ನಾರಾಯಣ ಪೈ, ದುಸ್ರೆ ಇನಾಂ ದಕ್ಷಿಣ ಕನ್ನಡ ಜಿಲ್ಲೆಚೆ ಪುತ್ತೂರಚೆ ಎ. ಪ್ರಚೇತ್ ಪೈ, ತಿಸ್ರೆ° ಇನಾಂ ಶಿವಮೊಗ್ಗ ಜಿಲ್ಲೆಚೆ ಜ್ಯೋತಿ ನಗರಾಚೆ ಹರ್ಷಿತ ಡಿ. ಆನಿ ತೊಕಣಾಯ ಇನಾಂ ಶಿವಮೊಗ್ಗ ಜಿಲ್ಲೆಚೆ ಬಳ್ಳಾಪುರಚೆ ಆರ್ಯನ್ ಪಿ., ಬಾಗಲಕೋಟೆ ಜಿಲ್ಲೆಚೆ ಶಿವಪುರಚೆ ಚಂದನ ಕೆ.ಸಿ. ಆನಿ ಮಹಾರಾಷ್ಟಾçಚೆ ಶ್ರೀರಾಂಪುರಚೆ ದೀಪಕ್ ವಾರ್ಕಾಂಡೆ ಹಾಂಕಾ° ಫಾವೊ ಜಾಲಾ°. ಕಿರಿಯರ ವಿಭಾಗಾಂತು° ಪಯಲೆ° ಇನಾ° ಬೆಂಗಳೂರಚೆ ನವ್ಯ ಮನೋಹರ ಪೈ, ದುಸ್ರೆ ಇನಾಂ ಮಂಡ್ಯ ಜಿಲ್ಲೆಚೆ ಹೊನ್ನಾಯನಕನಳ್ಳಿಚೆ ಹೆಚ್.ವಿ. ವಿಷ್ಣುಪ್ರಸಾದ್, ದಾವಣಗೆರೆಚೆ ಸಿರಾಲಿ ಎಲ್., ಶಿವಮೊಗ್ಗ ಜಿಲ್ಲೆಚೆ ಕಾಚಿನಕಟ್ಟೆಚೆ ನವ್ಯ.ಟಿ. ಹಾಂನಿ° ವಾಂಟೂನ ಘೆತಲಾ°, ತಿಸ್ರೆ ಇನಾಂ ಉತ್ತರ ಕನ್ನಡ ಜಿಲ್ಲೆಚೆ ಭಟ್ಕಳಚೆ ಸಮರ್ಥ ಮೂನಕಾಮೆ ಆನಿ ತೊಕಣಾಯಾಚೆ ಇನಾಂ ಕೇರಳ ರಾಜ್ಯಾಚೆ ಕಾಸರಗೋಡಚೆ ಆದ್ಯಂತ ಅಡೂರು, ಗದಗಾಚೆ ಸಂಗೀತ ಹಾದಿಮನಿ, ದಾವಣಗೆರೆಚೆ ಕೀರ್ತಿ ಜಿ.ಎಸ್., ನಿಧಿಶ್ರೀ, ದಾವಣಗೆರೆ ಜಿಲ್ಲೆಚೆ ಕೋಟೆಹಾಳಿಚೆ ತೇಜಸ್.ಎ.ಎಸ್., ಶಿವಮೊಗ್ಗ ಜಿಲ್ಲೆಚೆ ಬೇಡರ ಹೊಸಹಳ್ಳಿಚೆ ಭರತ್ ಆರ್. ಹಾಂಕಾ° ಫಾವೊ ಜಾಲಾ°. ಮ್ಹಾಲ್ಗಡೆಂಕ ಆಯೋಜನ ಜಾಲೆಲೆ ಸ್ಪರ್ಧೆಂತು° ಪಯಲೆ° ಇನಾಂ ಶಿವಮೊಗ್ಗ ಜಿಲ್ಲೆಚೆ ತೀರ್ಥಹಳ್ಳಿ ತಾಲ್ಲೂಕಾಚೆ ಆರಗಾಚೆ ಅಮೃತ ನೂತನ್ ಆನಿ ದಕ್ಷಿಣ ಕನ್ನಡ ಜಿಲ್ಲೆಚೆ ಕುದ್ರೋಳಿಚೆ ರಾಜೇಶ್ ಡಿ. ಶೇಟ್ ಹಾಂಕಾ, ದುಸ್ರೆ ಇನಾಂ ದಾವಣಗೆರೆಚೆ ಛಾಯಾ. ಎಸ್. ವಿ., ತಿಸ್ರೆ ಇನಾಂ ಉತ್ತರ ಕನ್ನಡ ಜಿಲ್ಲೆಚೆ ಭಟ್ಕಳಚೆ ಲೋಹಿತಾಶ್ವ. ಬಿ. ಆನಿ ತೊಕಣಾಯೆಚೆ ಇನಾಂ ಮಹಾರಾಷ್ಟ್ರಾಚೆ ನಾಸಿಕಚೆ ಚಾಂದನಿ ಚಂದಾವಾರ್ಕರ್, ತಮಿಳುನಾಡಾಚೆ ತಿರುವನಂತಪುರಚೆ ಯಶೋಧಾ ರವಿಚಂದ್ರ ಶೆಣೈ, ಬೆಳಗಾವಿಚೆ ಶರಣಪ್ಪ ಕರ್ಜಗಿ, ದಾವಣಗೆರೆಚೆ ಎ. ಎಸ್. ಯಶೋಧಮ್ಮ, ನಿರ್ಮಲಾ ಆರ್. ರಾವ್ ಹಾಂಕಾ° ಫಾವೊ ಜಾಲಾ°. ಕರ್ನಾಟಕ ಆನಿ ಹೇರ ರಾಜ್ಯಾ ದಾಕೂನ ಒಟ್ಟು 1,876 ಪೋಸ್ಟ ಕಾರ್ಡ° ಆಯಲೆ ಮ್ಹಣು ತೀರ್ಪುಗಾರಾ° ಪಯಕಿ ಎಕಲಿ ಜ್ಯೋತಿ ಗಣೇಶ್ ಶೆಣೈ ಆನಿ ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಕಳಯಲಾ°.

ಕಾಸರಗೋಡು: ಕಲಾ, ಸಾಹಿತ್ಯ, ಸಂಗೀತ, ಸಂಸ್ಕೃತಿ, ಆಧ್ಯಾತ್ಮ ಸಾರಕಿಲಿ ಆಮಗೆಲಿ ಲೋಕಪರಂಪರಾ ಆಮಿ ಮನಶಾಚಾ ಅವಸಾಂದ್ಯಾಚ ಮನಾಂಕ ಮೋಹಿತ ಕರಚಾಕ ಗುಂತಾಯತಾ ತೆನ್ನಾ ಸರ್ವ ಶಕ್ತಿಮಾಣತಾಯ ಪುರಾಯ ಜಾತಾ. ಜ್ಞಾನಾಚೆ ಭೂಕೆಕ ಲಾಗೂನ ಸಾಹಿತ್ಯಾಚೆ ಜ್ಞಾನಯಿ ವಾಡತಾ. ಹ್ಯಾ ಶೀಮಾ ವಲಯಾಚೆ ಪ್ರದೇಶಾಂತು° ಕನ್ನಡ ನಾಡು-ನುಡಿಚೆ ಇತಿಹಾಸ ಸಾಹಿತ್ಯ ಪರಂಪರೆಚಿ ಸೇವಾಆ ಕರತ ಆಸಚೆ ದಾವಣಗೆರೆಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆಚೊ ಪರಿಶ್ರಮ ತೋಕಣಾಯೆಚೊ ಮ್ಹಣು ಶ್ರೀ ಶ್ರೀ ಯೋಗಾನಂದ ಸರಸ್ವತಿ ಸ್ವಾಮೀಜಿ ಹಾಂನಿ° ಸಾಂಗಲಾ°.
ದಾವಣಗೆರೆಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆಚೊ ಅಂಗ ಸಂಸ್ಥೊ ಕಲಾಕುಂಚ ಕೇರಳ ಗಡಿನಾಡ ಶಾಖೊ ಹಾಂನಿ° ಆರತಾ° ಕೇರಳ ರಾಜ್ಯಾಚೆ ಕಾಸರಗೋಡು ಜಿಲ್ಲೆಚೆ ಉಪ್ಪಳಾಚೆ ಶ್ರೀಕ್ಷೇತ್ರ ಕೊಂಡೆವೂರಾಚೆ ಶ್ರೀ ಗಾಯಿತ್ರಿ ಮಂಟಪಾοತು° ಲಕ್ಷ್ಮೀ ವಿ. ಭಟ್ ಹಾಂಗೆಲೆ 'ಭಕ್ತಿ ಮಂಜರಿ' ಕವನ ಸಂಕಲನ ಲೋಕಾರ್ಪಣ ಕರನು ತಾಂನಿ° ಆಶೀರ್ವಚನ ದಿಲೆ°. ತ್ಯಾಚ ವೇಳಾರ ಮ್ಹಾಲ್ಗಡೆ ಸಾಹಿತಿ ಜಾವನು ಆಸಚೆ ಪಿ. ನಾರಾಯಣ ಮೂಡಿತ್ತಾಯ, ವಿ. ಬಿ. ಕುಳಮರ್ವ, ಮೀನಾಕ್ಷಿ ರಾಮಚಂದ್ರ, ಡಾ. ಸುರೇಶ್ ನೆಗಳಗುಳಿ ಹಾಂನಿ° 'ಸುಚರಿತರು', 'ಕಲರವ', 'ಭಾರತಾಂಭೆಗೆ ನಮನ', 'ಭಾವಸ್ಪರ್ಶ' ಹ್ಯಾ ಕವನ ಸಂಕಲನಾοಚೆ ಲೋಕಾರ್ಪಣ ಕರನು ಕೃತಿಂಚೆ ಅವಲೋಕನ ಕೆಲೆ°. ಲೇಖಕಿ ಲಕ್ಷ್ಮೀ ವಿ. ಭಟ್ ಹಾಂನಿ° ತಾಂಗೆಲೊ ಅನುಭವ ಕಳಯಲೊ ಆನಿ ಸಗಟಾಲೊ ಆಬಾರ ಮಾನಲೊ. ಛಾಪಕ ಪಿ. ವಿ. ಪ್ರದೀಪ್ ಕುಮಾರ್ ಹಾಂನಿ° ಶುಭಾಷಯ ಪಾಟಯಲೊ. ಗಾಯಕ ಸುಪ್ರಜಾ ರಾವ್, ರಾಧಾಮಣಿ ಆರ್.ರಾವ್, ದಿವಾಕರ ಬಲ್ಲಾಳ್, ಗಣಪತಿ ಭಟ್ ಫೆರ್ಮುಖ, ದೇವಾಂಶು ಕಾರಂತ್, ವೇದಾಂತ್ ಕಾರಂತ್, ಪ್ರಾರ್ಥನಾ ಅಡಿಗ, ಕೀರ್ತನಾ ಅಡಿಗ, ರೂಪಶ್ರೀ ಬಲ್ಲಾಳ್, ದಿವ್ಯಾ ಕಾರಂತ್ ಹಾಂನಿ° ಕೃತಿಂಚೆ ಕವನಾಂಕ ರಾಗ ಸಂಯೋಜನ ಕರನು ಗಾಯಚೆ° ಕೆಲೆ°.
ಆದಿತಿ ಲಕ್ಷ್ಮೀಲೆ ಪೂಜಾ ನೃತ್ಯಾಚೆ ಸಾಂಗತ ಶುರುವಾತ ಜಾಲೆಲೆ ಕಾರ್ಯಕ್ರಮಾಂತ ಕಲಾಕುಂಚ ಕೇರಳ ಗಡಿನಾಡ ಶಾಖೆಚೆ ಅಧ್ಯಕ್ಷಾ ಜಯಲಕ್ಷ್ಮೀ ಕಾರಂತ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ದಿವಾಕರ ಬಳ್ಳಾಲ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಯೋಗಿಶ ರಾವ್ ಹಾಂನಿ° ಆಬಾರ ಮಾನಲೊ. ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಆನಿ ಹೇರಾನಿ ಶುಭಾಷಯ ಪಾಟಯಲೊ.

ದಾವಣಗೆರೆ: ದಾವಣಗೆರೆ ಆನಿ ಸಾಲಿಗ್ರಾಮಚೆ ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಠಾನಾನ ಬೆಂಗಳೂರಚೆ ಬದರಿನಾಥ್ ಶರತ್ ಕಿಣಿ ಹಾಂಕಾ° "ಸರಸ್ವತಿ ಪುರಸ್ಕಾರ" ರಾಜ್ಯ ಪ್ರಶಸ್ತಿಕ ವಿಂಚೂನ ಕಾಡಲಾ ಮ್ಹಣು ಪ್ರತಿಷ್ಠಾನಾಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಕಳಯಲಾ°. 2022-23 ವರಸಾಕ ಸಾರ್ವಜನಿಕ ಶಿಕ್ಷಣ ಇಲಾಖೆನ ಕೆಲೆಲೆ ಪರೀಕ್ಷೇಂತು° 625 ತು° 612 ಅಂಕ ಜೋಡೂನ ಉತ್ತಮ ಸಾಧನಾ ಕೆಲೆಲೆ ಹಾಂನಿ° ಉಡುಪಿ ಜಿಲ್ಲೆಚೆ ಕುಂದಾಪುರಚೆ ಶ್ರೀ ವೆಂಕಟರಮಣ ವಿದ್ಯಾಸಂಸ್ಥೆοತು° ವ್ಯಾಸಂಗ ಕೆಲೆಲೆ°. ಬದರಿನಾಥ್ ಶರತ್ ಕಿಣಿ ಹಾಂಕಾ° ಜುಲೈ 30 ತಾರೀಕೆಕ ದಾವಣಗೆರೆಂತು° ಚಲಚೆ ಸುವಾಳ್ಯಾಂತು° ಪ್ರಶಸ್ತಿ ಪ್ರದಾನ ಚಲಚೆ° ಆಸಾ ಮ್ಹಣು ಕಲಾಕುಂಚ ಸಂಸ್ಥೊ ಆನಿ ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಹಾಂನಿ° ಕಳವಣಿಂತು° ಸಾಂಗಲಾ°.

ಯೋಗ ಸಾಧಕಿ ಮುಕ್ತಾ ಶ್ರೀನಿವಾಸ ಪ್ರಭುಕ ಭಾಂಗರಾ ಪದಕ

ಅಂತರ್ರಾಷ್ಟ್ರೀಯ ಯೋಗ ದೀವಸ ಆಚರಣೆ ಸಂದರ್ಭಾರಿ ದಾವಣಗೆರೆ ಜಿಲ್ಲಾ ಯೋಗ ಒಕ್ಕೂಟ ಆನಿ ಲಯನ್ಸ್ ಕ್ಲಬ್ ಜೋಡ ಆಶ್ರಯಾರಿ ಜಿಲ್ಲಾ ಸ್ಥರಾರಿ ಯೋಗ ಸ್ಪರ್ಧೊ ಚಲೊ. ಹಾಂತು° ಯೋಗ ಸಾಧಕಿ ಮುಕ್ತಾ ಶ್ರೀನಿವಾಸ ಪ್ರಭು ಹಾಂನಿ° ಪಯಲೆ° ಇನಾ° ಆನಿ ಭಾಂಗರಾ ಪದಕ ಜಿಕಲ್ಯಾಂತಿ. ಯೋಗ ಗುರು ವೈದ್ಯಶ್ರೀ ಚನ್ನಬಸವಣ್ಣ, ಡಾ. ಲಕ್ಶ್ಮೀ ಶ್ರೀನಿವಾಸ ಗುರುಜೀ, ಅಂತರ್ರಾಷ್ಟ್ರೀಯ ಯೋಗ ವರೇಣ್ಯಾರ ಅನಿಲ್ ರಾಯ್ಕರ್, ಜಿಲ್ಲಾ ಯೋಗ ಒಕ್ಕೂಟ ಹಾಜೊ ಅಧ್ಯಕ್ಷ ವಾಸುದೇವ ರಾಯ್ಕರ್, ಜಿಲ್ಲಾ ಆಯುಷ್ ಅಧಿಕಾರಿ ಡಾ. ಶಂಕರಗೌಡ, ಯೋಗ ಒಕ್ಕೂಟ ಹಾಜೊ ಗೌರವ ಅಧ್ಯಕ್ಷ ಬಿ.ಸಿ. ಉಮಾಪತಿ, ಪ್ರಧಾನ ಕಾರ್ಯದರ್ಶಿ ಡಾ. ಯು. ಸಿದ್ದೇಶ್, ಲಯನ್ಸ್ ಕ್ಲಬ್ ಅಧ್ಯಕ್ಷ ಎಸ್.ಆರ್. ನಾಗಭೂಷಾಣ್ ರಾವ್, ಸಿದ್ದಿ ವಿನಾಯಕ ಯೋಗ ಕೇಂದ್ರ ಹಾಜೆ ವ್ಹಾಂಗಡಿ, ಯೋಗ ಶಿಕ್ಷಕ, ಶಿಕ್ಷಕಿಯೊ ಉಪಸ್ಥಿತ ಆಶಿಲೆ. ದಾವಣಗೆರೆ ಗೌಡ ಸಾರಸ್ವತ ಸಮಾಜ ಆನಿ ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಠಾನ ತರಪೇನ ಸಾಲಿಗ್ರಾಮ ಗಣೇಶ್ ಶೆಣೈ ಆನಿ ಹೇರಾನಿ ಅಭಿನಂದನ ಪಾಟಯಲೆ°.

ದಾವಣಗೆರೆ: ಮಂಗಳೂರಚೆ ಕುಡ್ತೇರಿ ಶ್ರೀ ಮಹಾಮಾಯಾ ದೇವಸ್ಥಾನಾಚೆ ಶ್ರೀ ವಾಗೀಶ್ವರೀ ಯಕ್ಷಗಾನ ಸಂಘಾಚೆ ಶತಮಾನೋತ್ಸವಚೊ ವಾಮಟೊ ಜಾವನು ಆಯೋಜನ ಜಾಲೆಲೆ ಯಕ್ಷಪೀಠಿಕಾ ಸ್ಪರ್ಧೆಂತು° ವನಿತಾ ವಿಭಾಗಾಂತು° ಕೇರಳ ರಾಜ್ಯಾಚೆ ಮಂಗಲ್ಪಾಡಿಚೆ ಯಕ್ಷ ಮೌಕ್ತಿಕ ಯಕ್ಷಗಾನ ಮಹಿಳಾ ಪಂಗಡಾಚೆ ಸದಸ್ಯ, ಕಲಾಕುಂಚ ಕೇರಳ ಗಡಿನಾಡ ಶಾಖೆಚೆ ಸಮಿತಿ ಸದಸ್ಯ ಯಕ್ಷಗಾನ ತಾಳಮದ್ದಳೆಚೆ ಗಂಭೀರ ಅರ್ಥಪೂರ್ಣ ಅರ್ಥಧಾರಿ ಸರಸ್ವತಿ ಹೊಳ್ಳ ಹಾಂಕಾ° ಪ್ರಥಮ ಬಹುಮಾನ, ಯಕ್ಷಗಾನ ತಾಳಮದ್ದಳೆಚೆ ಪ್ರತಿಭಾವಂತ ಅರ್ಥಧಾರಿ ಶ್ರೀಲತಾ ನಾವಡ ಹಾಂಕಾ° ತಿಸ್ರೆ° ಇನಾ° ಫಾವೊ ಜಾಲಾ°. ಚೆರಡುವಾಂಲೆ ವಿಭಾಗಾಂತು° ಯಕ್ಷಗಾನ ಕಲಾವಿದ ಹರಿಕೀರ್ಥನಾ ಕಾಲಕ್ಷೇಪಾಚೊ ಬಾಲಪ್ರತಿಭಾ ಕುಮಾರ ಸಾತ್ವಿಕ್ ನಾವಡ ಹಾಕಾ ತಿಸ್ರೆ° ಇನಾ° ಫವೊ ಜಾಲಾ° ಮ್ಹಣು ಮಂಗಲ್ಪಾಡಿಚೆ ಯಕ್ಷ ಮೌಕ್ತಿಕ ಯಕ್ಷಗಾನ ಸಂಸ್ಥೆಚೆ ಸಂಸ್ಥಾಪಕ, ಕಲಾಕುಂಚ ಕೇರಳ ಗಡಿನಾಡ ಶಾಖೆಚೆ ಅಧ್ಯಕ್ಷಾ ಜಯಲಕ್ಷ್ಮಿ ಕಾರಂತ ಹಾಂನಿ° ಕಳಯಲಾ°.

ದಾವಣಗೆರೆ: ಹಾಂಗಾಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆನ ಮಹಾಶಿವರಾತ್ರಿ ಪ್ರಯುಕ್ತ 50 ಪಯಶೆಚೆ ಪೋಸ್ಟ್ ಕಾರ್ಡಾರಿ ಚಿತ್ರ ರಚನ ಕರಚೊ ಸ್ಪರ್ಧೊ ರಾಜ್ಯಾ ಸ್ಥರಾರಿ ಆಯೋಜನ ಕೆಲೆಲೊ. ಕರ್ನಾಟಕ ಆನಿ ಸೇಝಾರಿ ರಾಜ್ಯಾ° ದಾಕೂನ ಸಾಬಾರ 1,789 ಪೋಸ್ಟ್ ಕಾರ್ಡ° ಆಯಿಲಿಂತಿ ಮ್ಹಣು ಕಲಾಕುಂಚ ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಕಳಯಲಾ°. ಸ್ಪರ್ಧಿಕಾಂಚೆ ವಯಾಕ ಸಮ ಜಾವನು ವೆಗವೆಗಳೆ ವಿಭಾಗಾಂತು° ಸ್ಪರ್ಧೊ ಚಲೊ. ಮ್ಹಾಲ್ಗಡೆಲೆ ವಿಭಾಗಾಂತು° ಪಯಲೆ° ಇನಾಂ ತೀನ ಲೋಕಾಂಕ ವಾಂಟೂನ ಗೆಲೆ°. ದಕ್ಷಿಣ ಕನ್ನಡ ಜಿಲ್ಲೆಚೆ ಮಂಗಳೂರಚೆ ರಾಜೇಶ್ ಡಿ. ಶೇಟ್, ಗದಗಾಚೆ ಎಸ್. ಐ. ತೆಗ್ಗಿನಮನಿ, ಉತ್ತರ ಕನ್ನಡ ಜಿಲ್ಲೆಚೆ ಗೋಕರ್ಣಚೆ ನವ್ಯಾ ಮನೋಹರ ಪೈ ಹಾಂಕಾ° ಪಯಲೆ° ಇನಾಂ, ದಾವಣಗೆರೆಚೆ ಜೀವಿಕಾ ಎಂ. ಹಾಂಕಾ° ದುಸ್ರೆ ಇನಾಂ, ಕೇರಳ ರಾಜ್ಯಾಚೆ ಕಾಸರಗೋಡು ಮಂಜೇಶ್ವರಚೆ ಶಕುಂತಲಾ ನಾಗೇಶ್ ಶೆಣೈ ಹಾಂಕಾ° ತಿಸ್ರೆ° ಇನಾಂ, ದಾವಣಗೆರೆಚೆ ಡಾ|| ದೀಪಶ್ರೀ ಪ್ರಮೋದರ ಗುಜ್ಜಾರ್, ಲೀಲಾ ಸುಭಾಷ್ ಹಾಂಕಾ° ಸಮಾಧಾನಕರ ಇನಾಂ ಫಾವೊ ಜಾಲಾ°. ದ್ಹಾಕಲೆಲೆ ವಿಭಾಗಾಂತು° ಪಯಲೆ° ಇನಾಂ ಬಸವಾಪಟ್ಟಣಾಚೆ ವೀರೇಶ್ ಬಿಳಚಿ ಬಿ.ಎಸ್., ದುಸ್ರೆ ಇನಾ° ದಾವಣಗೆರೆಚೆ ಸುಭೀಕ್ಷಾ ಎಸ್., ತಿಸ್ರೆ ಇನಾಂ ಅರಸೀಕೆರೆಚೆ ಅನನ್ಯ ಜಿ, ಸಮಾಧಾನಕರ ಇನಾ° ಮಹಾರಾಷ್ಟಾçಚೆ ಶ್ರೀರಾಮಪುರಾಚೆ ಸುಶ್ಮಿತಾ ಪವಾರ್, ನಾಸಿಕಚೆ ಜಮೀರಾಬಾನು ಹಾಂಕಾ° ಫಾವೊ ಜಾಲಾ°. ಪ್ರಾಥಮಿಕ ವಿಭಾಗಾಂತು° ಪಯಲೆ° ಇನಾಂ ತಿರುವನಂತಪುರಾಚೆ ಪ್ರಾನ್ಸಿಸ್ ಡಿಲೇರಿಯ, ದುಸ್ರೆ ಇನಾಂ ಬಸವಾಪಟ್ಟಣಾಚೆ ಸಾತ್ವಿಕ್ ಕೆ.ಬಿ, ತಿಸ್ರೆ ಇನಾಂ ಜಗಳೂರಚೆ ವೈಭವ್ ಬಿ. ಜ್ಯೋಯ್ಸ್, ಸಮಾಧಾನಕರ ಇನಾಂ ಶಿರಾಲಿಚೆ ರಾಮದಾಸ್ ದೇವಣ್ಣ ನಾಯಕ್, ಶಿಗ್ಗಾವಚೆ ಶ್ರೀಪ್ರಿಯಾ ಬಸಪ್ಪ ಬಂಡೀಕಾರ್ ಹಾಂಕಾ° ಫಾವೊ ಜಾಲಾ°. ಸ್ಪರ್ಧೆಚೆ ನಿಯಮಾ ಪ್ರಮಾಣೆ ವಿಜೇತಾಂಕ ಅಭಿನಂದನಾ ಪತ್ರ ವ್ಯಾಟ್ಸಾಪ್ ಮುಖಾಂತರ ದಾಡೂನ ದಿತಾತಿ ಮ್ಹಣು ಕಳವಣಿ ಸಾಂಗತಾ.

ದಾವಣಗೆರೆ: ದಾವಣಗೆರೆಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆಚೆ 33ವೆ° ವಾರ್ಷಿಕೋತ್ಸವ ಆನಿ ಸಂಸ್ಥಾಪನಾ ದೀವಸಾ ಲಾಗೂನ ಗಾಂವಚೆ ಶ್ರೀ ಸಿದ್ಧಗಂಗಾ ವಿದ್ಯಾಸಂಸ್ಥೆಚೆ ಸಭಾಂಗಣಾοತು° ಕಲಾಕುಂಚ ಎಸ್.ಎಸ್. ಬಡಾವಣೆ ಶಾಖೆಚಿ ಅಧ್ಯಕ್ಷಾ ವಿಜಯಲಕ್ಶ್ಮೀ ಚಂದ್ರಪ್ಪ ಹಾಂಗೆಲೆ ಮುಖೇಲಪಣಾರಿ ಜಾನಪದ ಸಮೂಹ ನೃತ್ಯ ಕಾರ್ಯಕ್ರಮ ಚಲೊ. ಜಾನಪದ ತೋಣಿಯೆ ಖೇಳಾಂತು° ವಿಜಯಲಕ್ಶ್ಮೀ , ಮೀನಾ ಕಲ್ಲೇಶ್, ಶ್ವೇತಾ ಮಂಜುನಾಥ್, ಮಮತಾ ಕೊಟ್ರೇಶ್, ಸುಮಾ ಏಕಾಂತಪ್ಪ, ಸುಮಾ ನೀಲಕಂಠಪ್ಪ, ಸೌಮ್ಯ ಭಾಗ್ಯ ಪಿಸಾಳೆ ಆನೀ ಹೇರಾನಿ ಸಾಂಪ್ರಾದಾಯಿಕ ಸಮವಸ್ತç ಧಾರಣ ಕರನು ನೃತ್ಯ ಕೆಲೆ°.

ದಾವಣಗೆರೆ: ವಿದ್ಯಾಭ್ಯಾಸ ಫಕತ ಅಂಕಪಟ್ಟಿ ಆನಿ ರ‍್ಯಾಂಕಾοಕ ಸೀಮಿತ ಜಾಯನಾಶಿ° ಪರಂಪರೆಚೆ ಸಂಸ್ಕಾರ, ಸಂಸ್ಕೃತಿ, ಸಭ್ಯತಾ, ಸೌಮ್ಯತಾಚೆ ಮೇಳಪ ಜಾವನು ಶಿಕ್ಷಣ ಚಕಾಚಕಿತ ಜಾವಕಾ. ವಿದ್ಯಾರ್ಥಿಯಾನಿ ಪ್ರೌಡ ಶಿಕ್ಷಣ ಸ್ಥರಾರಿಚಿ ತಾಂಗೆಲಿ ಭವಿಷ್ಯಾಚಿ ದೀಶಾ ಬದಲ ಸಂಕಲ್ಪ ಕರಚೆ° ಜಾವಕಾ. ಆನಿ ದೋನ ಮ್ಹಯನ್ಯಾಂತ ಚಲಚೆ ಎಸ್.ಎಸ್.ಎಲ್.ಸಿ. ಪರೀಕ್ಷೆಕ ಆತಂಚಿ ಮಾನಸಿಕ ಜಾವನು ತಯಾರ ಜಾವಕಾ ಮ್ಹಣು ಕಲಾಕುಂಚ ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಸಾಂಗಲಾ°. 2022-23 ವರಸಾಚೆ ಎಸ್.ಎಸ್.ಎಲ್.ಸಿ. ವಿದ್ಯಾರ್ಥಿಯಾಂಕ ಪರೀಕ್ಷಾ ಪೂರ್ವ ತಯಾರಿ ಬದಲ ಚಲೆಲೆ ಫುಕಟ ಕಾರ್ಯಾಗಾರಾಂತು° ತಾಂನಿ° ಆಶಿ° ಸಾಂಗಲೆ°. ದಾವಣಗೆರೆಚೆ ಕಲಾಕುಂಚ ಡಿ.ಸಿ.ಎಂ. ಶಾಖೆನ ಆಯೋಜನ ಕೆಲೆಲೆ ತೀನ ದೀವಸಾಚೆ ಕಾರ್ಯಾಗಾರಾಂತು° ಗ್ರಾಮೀಣ ಪ್ರದೇಶಾಚೆ ಸರ್ಕಾರಿ ಪ್ರೌಢಶಾಲೆ ಹೊನ್ನೂರು, ಶ್ರೀ ಸಿದ್ದೇಶ್ವರ ಪ್ರೌಢಶಾಲೆ ಆನಗೋಡು, ಶ್ರೀ ರಂಗನಾಥಸ್ವಾಮಿ ಪ್ರೌಢಶಾಲೆ ನರ‍್ಲಿಗೆ, ಕರ್ನಾಟಕ ಪಬ್ಲಿಕ್ ಶಾಲೆ ಮಾಯಕೊಂಡ, ಸರ್ಕಾರಿ ಪ್ರೌಢಶಾಲೆ ಹೆಚ್.ಬಸಾಪುರ, ಶ್ರೀಮತಿ ನಾಗಮ್ಮ ಕೇಶವಮೂರ್ತಿ ಗ್ರಾಮೀಣ ಪ್ರೌಢಶಾಲೆ ಹುಚ್ಚವ್ವನಹಳ್ಳಿ, ಸರ್ಕಾರಿ ಪ್ರೌಢಶಾಲೆ ರಂಗವ್ವನಹಳ್ಳಿ, ಅಣಬೇರು ಕೆಂಚಪ್ಪ ಪ್ರೌಢಶಾಲೆ ಬಾಡ, ತರಳಬಾಳು ಜಗದ್ಗುರು ವಿದ್ಯಾಸಂಸ್ಥೆ ಅತ್ತಿಗೆರೆ ಅಶೆ° ಸಾಬಾರ ಶಿಕ್ಷಣ ಸಂಸ್ಥೆοಕ ವಚೂನ ಕಾರ್ಯಾಗಾರ ಚಲೊ. ತ್ಯಾ ತ್ಯಾ ಶಾಳೆಚೆ ಮುಖ್ಯೋಪಾಧ್ಯಾಯ, ಶಿಕ್ಷಕ, ಶಿಕ್ಷಕಿಯಾಲೆ ಸಾಂಗತ ಕಲಾಕುಂಚದ ಡಿ.ಸಿ.ಎಂ. ಶಾಖೆಚೆ ವಾಂಗಡಿ ಡಿ.ಹೆಚ್.ಚನ್ನಬಸಪ್ಪ, ವಿಶ್ವನಾಥ್, ಎಸ್. ಶಿವನಪ್ಪ, ನಾರಪ್ಪ ಆನಿ ಹೇರ ಉಪಸ್ಥಿತ ಆಶಿಲೆ.

ದಾವಣಗೆರೆ: "ಪ್ರೌಢಶಿಕ್ಷಣ ಮ್ಹಳೆಲೆ° ಜೀವನಾಚೆ, ಶಿಕ್ಷಣಾಚೆ ಎಕ ವಳೊವಪಾಚೊ ಬಿಂದು ಆಸಾ. ಹ್ಯಾ ಸ್ಥರಾರಿಚಿ ಚೆರಡುವಾಲೆಂ ಭವಿಷ್ಯಾಚೆ ಭವ್ಯ ದಿವ್ಯ ಸಾಧನೆಂಕ ಭದ್ರ ಬುನಿಯಾದಿ ಫಾತೊರ ಘಾಲಚೆ° ಗರಜ ಆಸಾ. ಶಿಕ್ಷಣ ಫಕತ ಅಂಕ ಪಟ್ಟಿಕ ಸೀಮಿತ ಜಾಯನಾಶಿ° ಆಮಗೆಲಿ ಸಂಸ್ಕೃತಿ, ಸಂಸ್ಕಾರಾಚೆ ಸಾಂಗತ ಬದ್ಧತಾ ದವರೂನ ಇಚ್ಛಾಶಕ್ತಿ ಆಪಣಾವನು ಕಸಲೆಯಿ ನಕಾರಾತ್ಮಕ ಚಿಂತನ ಕರನಾಶಿ° ವಾಚುಚೆ ಕರ್ತವ್ಯ ಮ್ಹಣು ಚಿಂತುಚೆ° ಚೆರಡುವಾಲಿ ಜವಾಬ್ದಾರಿ" ಮ್ಹಣು ಕಲಾಕುಂಚ ಕೇರಳ ಶಾಖೆಚಿ ಅಧ್ಯಕ್ಷಾ ಜಯಲಕ್ಶ್ಮೀ  ಕಾರಂತ್ ಹಾಂನಿ° ಸಾಂಗಲಾ°. ದಾವಣಗೆರೆಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆನ ಕೇರಳ ಗಡಿನಾಡ ಶಾಖೆಚೆ ಆಶ್ರಯಾರಿ ಆರತಾ° ಕಾಸರಗೋಡಾಚೆ ವೆಗವೆಗಳೆ ಶಾಳೆಂತು° 2022-23 ವರಸಾಚೆ ಎಸ್.ಎಸ್.ಎಲ್.ಸಿ. ವಿದ್ಯಾರ್ಥಿಯಾಂಕ ಪರೀಕ್ಷಾ ಪೂರ್ವ ಸಿದ್ಧತಾ ಫುಕಟ ಕಾರ್ಯಾಗಾರ ಆಯೋಜನ ಕೆಲೆಲೊ. ಕಲಾಕುಂಚಾಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಸಂಪನ್ಮೂಲ ವ್ಯಕ್ತಿ ಆಶಿಲೆ. ಕಲಾಕುಂಚ ಸಾಂದೆ ದಿವ್ಯ ಚಂದನ್, ಜಯಶ್ರೀರಾಜು, ಅಶೋಕ ಬಾಡೂರು ಆನಿ ಹೇರೆ ಉಪಸ್ಥಿತ ಆಶಿಲೆ. ವ್ಹಿಂಗವ್ಹಿοಗಡ ಶಾಳೆಂತು° ಚಲೆಲೆ ಹ್ಯಾ ಕಾರ್ಯಾಗಾರಾಂತು° ಸಾಬಾರ 2000 ವಿದಾರ್ಥಿಯಾನಿ ವಾಮಟೊ ಘೆತಲೊ.

ದಾವಣಗೆರೆ: ದಾವಣಗೆರೆಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆಚೆ ಸಾಂದೆ, ವಾಂಗಡಿ ಹಾಂನಿ° ಕರಾವಳಿ ಕರ್ನಾಟಕಾಂತ ದೋನ ದಿವಸಾಚಿ ಬ್ಹೊಂವ್ಡಿ ಕೆಲಿ. ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ಡಾ. ಶಿವರಾಮ ಕಾರಂತರ ಜನ್ಮಭೂಮಿ ಕೋಟಾಚೆ ಕಾರಂತ್ ಥೀಮ್ ಪಾರ್ಕ್’, ಸಾಲಿಗ್ರಾಮಾಚೆ ಡಿವೈನ್ ಪಾರ್ಕ್, ಶ್ರೀ ಗುರು ನರಸಿಂಹ ದೇವಸ್ಥಾನ, ಶ್ರೀ ಆಂಜನೇಯ ದೇವಸ್ಥಾನ, ಹಲವು ಮಕ್ಕಳ ತಾಯಿ ಕೋಟಾಚಿ ಶ್ರೀ ಅಮೃತೇಶ್ವರಿ, ಶ್ರೀ ಆನೆಗುಡ್ಡೆ ಶ್ರೀ ವಿನಾಯಕ, ಕುಂಭಾಶಿಚೆ ಶ್ರೀ ಚಂಡಿಕಾ ಚಾಮುಂಡೇಶ್ವರಿ, ಕೋಟೇಶ್ವರಚೆ ಕೋಟಿಲಿಂಗ ದೇವಾಲಯ, ಪಂಚಪಾοಡವಾನಿ ನಿರ್ಮಾಣ ಕೆಲೆಲೆ ಬೃಹತ್ ಪುಷ್ಕರಣಿ, ಶ್ರೀ ಲಕ್ಷ್ಮೀ , ಶ್ರೀ ಸರಸ್ವತಿ, ಶ್ರೀ ಪಾರ್ವತಿ, ಲಿಂಗರೂಪಾಚೆ ಮರಲ ದೇವಲಯ, ಉದ್ಭವ ಗಣಪತಿ, ಹಟ್ಟಿಯಂಗಡಿ, ಕೊಲ್ಲೂರು, ಸಿಗಂಧೂರೇಶ್ವರಿ ದೇವಾಲಯ, ಗಿಳಿಯಾರು ಸ್ವಾಮಿ ವಿವೇಕಾನಂದಾಲೆ 52 ಅಡಿ ಊಂಚಾಯೆಚಿ ಪುತ್ಥಳಿ, ಸಮುದ್ರ ತಡಿ (ಬೀಚ್), ಮಾರಣಕಟ್ಟೆ ದೈವಾಚಿ ಗುಡಿ ಅಶೆ° ಸಾಬಾರ ದೇವಳಂ ಆನಿ ದೈವಸ್ಥಾನಾಚೆ ವಿಕ್ಷಣ ಹ್ಯಾ ಪಂಗಡಾನ ಕೆಲೆ°. ಧಾರ್ಮಿಕ, ಸಾಂಸ್ಕೃತಿಕ, ಸಾಹಿತ್ಯ, ಆಧ್ಯಾತ್ಮಿಕ, ಐತಿಹಾಸಿಕ ಪರಂಪರಾ, ದಿವ್ಯ ಕ್ಷೇತ್ರಾಂಚೊ ಪ್ರವಾಸ ಅತ್ಯಂತ ಯಶಸ್ವಿ ತರಾನ ಜಾಲೊ ಮ್ಹಣು ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಕಳಯಲಾ°.

ಕಲಾಕುಂಚ ಮಹಿಳಾ ವಿಭಾಗಾಚಿ ಸಂಸ್ಥಾಪಕಾ ಜ್ಯೋತಿ ಗಣೇಶ್ ಶೆಣೈ, ಮ್ಹಾಲ್ಗಡಿ ಸಾಹಿತಿ ಶಶಿಕಲಾ ಶಂಕರಮೂರ್ತಿ, ಜಯಶ್ರೀರಾಜು, ಸುಮಾ ಏಕಾಂತಪ್ಪ, ಗಿರಿಜಮ್ಮ ಚನ್ನಬಸಪ್ಪ, ಸಾವಿತ್ರಿ ರೇವಣಸಿದ್ದಪ್ಪ, ಮಮತ ಕೊಟ್ರೇಶ್, ಗಣೇಶ್ ರಾವ್, ನಂಜಮ್ಮ ಆನಿ ಹೇರ ಹ್ಯಾ ಬ್ಹೊಂವ್ಡಿ ಪಂಗಡಾοತು° ಆಶಿಲೆ.