ಮಂಗಳೂರು: ಜಗದ್ವಿಕ್ಯಾತ ಐಡಿಯಲ್ ಐಸ್ ಕ್ರೀಮ್ಸ ಹಾಜೊ ಸ್ಥಾಪಕು, ಮಂಗಳೂರು ರಥಬೀದಿಚೆ ಶ್ರೀ ವೆಂಕಟರಮಣ ದೇವಸ್ಥಾನಾಚೊ ಆದಲೊ ಮೊಕ್ತೇಸರ, ಮಂಗಳೂರು ಶ್ರೀ ಗೋಕರ್ಣ ಮಠಾಚೆ ಆಡಳಿತ ಸಮಿತಿಚೊ ಅಧ್ಯಕ್ಷ ‘ಪಬ್ಬ ಮಾಮ’ ಮ್ಹಣೂಚಿ ವಳಕತಲೊ ಶಿಬರೂರು ಪ್ರಭಾಕರ ಕಾಮತ (79) ಹಾಂನಿ° ಆಜಿ (ನ. 6) ಸಕಾಳಿ 3.30 ಗಂಟ್ಯಾಕ ದೇವಾದಿನ ಜಾಲೆ. 
1975 ಇಸವಿಂತು° ಮೆ. 1ಕ ಮಂಗಳೂರಾಚೆ ಹಂಪನಕಟ್ಟಾoತು° ಹಾಂನಿ° ಐಡಿಯಲ್ ಐಸ್‌ಕ್ರೀಮ್ಸ್ ಹಾಜೆ° ಪಯಲೆ ದುಕಾನ ಉಗ್ತೆ ಕೆಲೆಲೆ° ಆಜೀ ತೆ° ದುಕಾನ ಭಾರತಾಚೆ ತಿಸ್ರೆ° ಹೋಡ ಐಸ್‌ಕ್ರೀಮ್ಸ ಪಾರ್ಲರ್ ಜಾವನು ವಾಡೂನ ಆಯಲಾ°. ಪ್ರಭಾಕರ ಕಾಮತ ಹಾಂಗೆಲೆ ದೂರದರ್ಶಿತ್ವ ಗುಣಾಕ ತಕೀತ ಐಡಿಯಲ್ ಐಸ್ ಕ್ರೀಮ ಆಜೀ ಮಂಗಳೂರ ಪರಿಸರಾಚೆ 80 ಠಕೊ ಲೋಕಾಲೆ° ಪಸಂದೆಚೆ ಐಸ್ ಕ್ರೀಮ್ ಜಾಲಾ°. ಸ್ವತ: ಐಸ್ ಕ್ರೀಮ್ ತಯಾರ ಕರನು ಪರೀಕ್ಷಾ ಕರತಲೆ ಹಾಂಗೆಲೆ ‘ಗಡ್ ಬಡ್’ ಐಸಕ್ರೀಮ್ ನಾವಾದೀಕ ಆಸಾ. 
90ಚೆ ದಶಕಾಂತು° ಮಂಗಳೂರು ರಥಬೀದಿಚೆ ಶ್ರೀ ವೆಂಕಟರಮಣ ದೇವಳಾಚೆ ಮೊಕ್ತೆಸರ್ ಜಾವನು ಸೇವಾ ದಿಲೆಲೆ ಹಾಂನಿ° ಪರ್ತಗಾಲಿ ಶ್ರೀ ಗೋಕರ್ಣ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮೆಲೆ ಪರಮ ಆಪ್ತ ವಲಯಾಂತು° ಆಶಿಲೆ. 1980 ಇಸವಿ ದಾಕೂನ ಮಠಾಚೆ ಸೇವಾ ಶುರು ಕೆಲೆಲೆ ಹಾಂಕಾ° ಗುರುವರ್ಯಾನಿ ಮಂಗಳೂರು ಸ್ಥಳೀಯ ಗೋಕರ್ಣ ಮಠಾಚೆ ಅಧ್ಯಕ್ಷ ಜಾವನು ನೆಮಣೂಕ ಕರನು ಪವರ್ ಆಫ್ ಅಟಾರ್ನಿ ಸುತಾ ದಿಲೆಲಿ. 
ಶ್ರೀ ಗೋಕರ್ಣ ಮಠಾಚೆ ಗುರುವರ್ಯಾಲೆ ದೋನ ಚಾತುರ್ಮಾಸಾಂತು° ಸಕ್ರೀಯ ಆಶಿಲೆ ಹಾಂನಿ° 1992ತು° ಚಾತುರ್ಮಾಸ ಸಮಿತಿಚೆ ಖಾಜಾನದರ ಆನೀ 2016 ಇಸವಿಂತು° ಘಡಲೆಲೆ ಸ್ವರ್ಣ ಚಾತುರ್ಮಾಸ ಸಮಿತಿಚೆ ಅಧ್ಯಕ್ಷ ಜಾವನು ಸೇವಾ ದಿಲ್ಯಾ. 2019 ಇಸವಿಂತು° ಬದರಿನಾಥ ಮಠಾಂತು° ಘಡಲೆಲೆ ಚಾತುರ್ಮಾಸಾ ವೇಳಾರಿ ದೋನ ಮ್ಹಯನೊ ಹಾಂನಿ° ಬದರಿನಾಥಾಂತೂಚಿ ಆಶಿಲೆ. 
ಶ್ರೀ ಗೋಕರ್ಣ ಮಠಾಚೆ ಶ್ರೀ ದ್ವಾರಕನಾಥ ತೀರ್ಥ ಟ್ರಸ್ಟಾಚೆ ಎಕ ಟ್ರಸ್ಟಿ ಜಾವನು ಸೇವಾ ದೀವನು ಆಶಿಲೆ ಹಾಂನಿ° ಮಂಗಳೂರು ಗೋರ್ಕಣ ಮಠಾಚೆ ಮಾಕ್ಷಿ ಬಾಂದಿಲೆ ಪೂರ್ಣಪ್ರಜ್ಞ ವಸತಿ ನಿಲಯ(ವ್ರದ್ಧಾಶ್ರಮ) ಹಾಜೆ ಆಡಳಿತ ಸಮಿತಿಚೆ ಅಧ್ಯಕ್ಷ ಆಶಿಲೆ. ಹಾಂನಿ ಮಠಾಕ ಆನಿ ಸಮಾಜಾಕ ದಿಲೆಲಿ ಸೇವಾ ಮಾನೂನ ಘೆವನು ಗುರುವರ್ಯಾನ “ಜಿವೋತ್ತಮ” ಪ್ರಶಸ್ತಿ ದೀವನು ಸನ್ಮಾನ ಕೆಲೆಲೊ ಆಸಾ. 
ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಹಾಂನಿ° ಬ್ರಹ್ಮೆöÊಕ್ ಜಾತರಿ ಶ್ರೀಮದ್ ವಿದ್ಯಾಧೀಶ ತೀರ್ಥ ಹಾಂನಿ° ಪೀಠಾರೋಹಣ ಕರತಾನಾ ಹಾಂನಿ° ಕೋರ್ ಕಮಿಟಿಂತು° ಸೇವಾ ದಿಲ್ಯಾ. 

ಪ್ರಭಾಕರ ಕಾಮತ ಹಾಂಗೆಲಿ ಅಂತ್ಯ ಕ್ರೀಯಾ ತಾಂಗೆಲ ಘರಾಕಡೆನ ಆಜೀ 12.30 ದಾಕೂನ 2.00 ಗಂಟ್ಯಾ ಮಧೆ° ಚಲಚಾ ಆಸಾ ಮ್ಹಣು ತಾಂಗೆಲೊ ಪೂತು ಮುಕುಂದ ಕಾಮತ ಹಾಂನಿ° ಕಳಯಲಾ°. 

ಮಂಗಳೂರು: ಆಮಗೆಲೆ ಲೋಕಾನ ಕೊಂಕಣಿ ಭಾಸ ಆನಿ ಸಾಹಿತ್ಯಾಚೆ ಸೇವಾ ಕರಕಾ ಮ್ಹಳೆಲೆ ಉದ್ದೇಶ ದವರನು ದೇವಾದಿನ ಜಿ. ಜಿ. ವಾಸುದೇವ ಪ್ರಭು ಹಾಂನಿ° 1981ಇಸವಿಂತು ಸ್ಥಾಪನ ಕೆಲೆಲೆ ಕೊಂಕಣಿ ಸಾಂಸ್ಕೃತೀಕ ಸಂಘ ಹಾಜಿ ಮಹಾಸಭಾ ಅ. 24ಕ ವಿ. ಟಿ. ರಸ್ತೆಚೆ ಶ್ರೀ ಕೃಷ್ಣ ಮಂದಿರಾoತು° ಚಲಿ. ಗೌರವಾಧ್ಯಕ್ಷ ಜಾವನು ಮುಕುಂದ ಕಾಮತ್, ನವೀನ ಅಧ್ಯಕ್ಷ ಜಾವನು ವೇದಮೂರ್ತಿ ದಿನೇಶ ಭಟ್, ಉಪಾಧ್ಯಕ್ಷ ಜಾವನು ಸವನಾಳ ಜನಾರ್ಧನ ರಾವ್, ಕಾರ್ಯದರ್ಶಿ ಜಾವನು ಮಮತಾ ಕಾಮತ, ಖಜಾಂಚಿ ಜಾವನು ವಸಂತ ರಾವ್, ಸಂಚಾಲಕ ಜಾವನು ಬಿಂದುಮಾಧವ ಶೆಣೈ, ಸಹಸಂಚಾಲಕಿ ಜಾವನು ದೀಪಾಲಿ ಖಂಬದಕೋಣೆ, ಸಾಂಸ್ಕೃತೀಕ ಕಾರ್ಯದರ್ಶಿ ಜಾವನು ಜಯಾ ಪೈ ಆನಿ ಗಜಾನನ ಶೆಣೈ, ಮಾಧ್ಯಮ ಕಾರ್ಯದರ್ಶಿ ಜಾವನು ಪಿ. ಸುರೇಶ ಶೆಣೈ ಹಾಂಗೆಲೆ ನೆಮಣೂಕ ಜಾಲೆಂ. ಸಲ್ಲಾ ಸಮಿತಿಕ ಆದಲೆ ಅಧ್ಯಕ್ಷ ಗೀತಾ ಸಿ. ಕಿಣಿ, ಎಂ. ಆರ್. ಕಾಮತ, ವೆಂಕಟೇಶ ಬಾಳಿಗಾ, ಗೊವೀಂದರಾಯ ಪ್ರಭು, ರತ್ನಾಕರ ಕುಡ್ವ, ನಿರಂಜನ ರಾವ್, ಅರುಣ್ ಜಿ. ಶೇಟ್, ಸಂತೋಷ ಶೆಣೈ ಹಾಂಗೆಲೆ ನೆಮಣೂಕ ಜಾಲೆ°. “ಕೊಂಕಣಿ ಸಾಂಸ್ಕೃತೀಕ ಸಂಘಾಚೊ ಇತಿಹಾಸ ಮಜಬೂತ ಆಸಾ. ಮುಕಾವಯಲೆ ದೀವಸಾಂತ ಕೊಂಕಣಿ ಭಾಸ ಆನಿ ಸಾಹಿತ್ಯಾಚೆ ಬದಲ ಖೂಬ ಕಾರ್ಯಕ್ರಮ ಕರತಾತಿ. ಸಗಟಾನ ಸಹಕಾರ ದೀವಕಾ” ಮ್ಹಣು ನವೀನ ಅಧ್ಯಕ್ಷ ದಿನೇಶ ಭಟ್ ಹಾಂನಿ° ಮಾಘಣಿ ಕೆಲಿ. ರತ್ನಾಕರ ಕುಡ್ವ ಹಾಂನಿ° ವರದಿ ವಾಚಲಿ. ಎಂ. ಆರ್. ಕಾಮತ ಹಾಂನಿ° ಲೇಖಪಾಕ ಮಂಡನ ಕೆಲೆ°.  

ಮಂಗಳೂರು: “ಕೊಂಕಣಿ ಭಾಸ ಉಲೊವಚೆ ಲೋಕ ಸಾಬಾರ 42 ಸಮಾಜಾಂತು° ವಾಂಟೂನ ಗೆಲ್ಯಾಂತಿ. ತಾಂಗೆಲಿ ಭೊಲಿ ವ್ಹಿಂಗವ್ಹಿoಗಡ ಆಸಾ. ಹ್ಯಾ ಸರ್ವ ಲೋಕಾನಿ ಏಕ ಜಾವನು ಕೊಂಕಣಿ ಭಾಶೆಚಿ ಸೇವಾ ಕರಕಾ” ಮ್ಹಣು ಲೇಖಪರಿಶೋಧಕ ನಂದಗೋಪಾಲ ಶೆಣೈ ಹಾಂನಿ° ಸಾಂಗಲಾ°. ಚಲನಚಿತ್ರ ನಟು, ರಂಗಕರ್ಮಿ, ನಿರ್ದೇಶಕ ಕಾಸರಗೋಡು ಚಿನ್ನಾ ಹಾಂನಿ° ಭಾಷಾಂತರ ಕೆಲೆಲೆ ನಾಟಕ° “ಸೂಣೆ” ಆನೀ “ಸೂಣೆ ಬಾಲ” ಹ್ಯಾ ದೋನ ಕೃತಿಂಚೆ ಮೊಕಳಿಕ ಕರನು ತಾಂನಿ° ಉಲಯತಲೆ. “ಯುವ ಪೀಳಗಿಕ ಮಾತೃ ಭಾಸ ಕೊಂಕಣಿಚಿ ಸೇವಾ ಕರಚಾಕ ಲಾಗಿ ಹಾಡಚೆಂ ಅಸಲೆ ನಾಟಕಾಂಚೆ ನಿಮಿತ ಸಾಧ್ಯ ಆಸಾ” ಮ್ಹಣೂಯಿ ತಾಂನಿ° ಸಾಂಗಲೆ°. 
ಕೊಂಕಣಿ ಸಾಂಸ್ಕೃತಿಕ ಸಂಘ, ಮಂಗಳೂರು ಹಾಂನಿ° ವಿ. ಟಿ. ರಸ್ತೆಚೆ ಕೃಷ್ಣ ಮಂದಿರಾoತು° ಆಯೋಜನ ಕೆಲೆಲೆ ಹ್ಯಾ ಸುವಾಳ್ಯಾಂತು° ಮಂದಿರಾಚೊ ಮೊಕ್ತೇಸರ ನರೇಶ ಆರ್. ಕಿಣಿ ಹಾಂನಿ° ಪ್ರಥಮ ಪ್ರತಿ ಸ್ವೀಕಾರ ಕೆಲಿ. ಮಂದಿರಾಚೆ ಸಭಾಗೃಹ ಕೊಂಕಣಿ ಭಾಶೆಚೆ ಶಕ್ತಿಕೇಂದ್ರ ಕರಕಾ ಮ್ಹಣು ಮಂದಿರಾಚೆ ಆಡಳಿತ ಮಂಡಳಿನ ಠರಯಲಾ°. ಕೊಂಕಣಿ ಭಾಶೆಚೆ ಖಂಚೆಯ ಕಾಮಾಕ ಆಮೀ ಸಂಪೂರ್ಣ ಸಹಕಾರ ದಿತಾತಿ ಮ್ಹಣು ತಾಂನಿ° ಭಾಷೈಲೆ°. 
ಕೊಂಕಣಿ ವಾವ್ರಾಡಿ ರೋಯ್ ಕ್ಯಾಸ್ಟಲಿನೊ, ಕೊಡಿಯಾಲ ಖಬರ ಪಾಕ್ಷಿಕ ಪತ್ರಿಕೆಚೊ ಸಂಪಾದಕ ವೆಂಕಟೇಶ ಬಾಳಿಗಾ ಮಾವಿನಕುರ್ವೆ, ರಂಗನಟು ಗೋಪಿನಾಥ ಭಟ್, ಉದ್ಯಮಿ ಕೆ. ಪಿ. ಪ್ರಶಾಂತ ರಾವ್, ಎಸ್. ಎಲ್. ಶೇಟ್ ಜ್ಯುವೆಲರ್ಸ್ ಎಂಡ್ ಡೈಮಂಡ್ ಹೌಸ್ ಹಾಜೆ ಪ್ರಶಾತ ಶೇಟ್ ಹಾಂನಿ° ಶುಭಾಷಯ ಪಾಟಯಲೊ. 

ಲೇಖಕಿ ಶಕುಂತಳಾ ಆರ್. ಕಿಣಿ ಹಾಂನಿ° ಪುಸ್ತಕಚೆ ಬದಲ ಉಲಯಲಿಂತಿ. “ಹ್ಯಾ ದೋನ ನಾಟಕಾಂತು° ಆಯಚೆ ಆಡಳಿತ ವ್ಯವಸ್ಥೆಚೆ ವಿಮರ್ಶಾ ಕೆಲೆಲೆಂ ದಿಸೂನ ಯೆತಾ” ಮ್ಹಣು ತಾಂನಿ° ಸಾಂಗಲೆ°. 
“ಸಾಹಿತ್ಯ ರಚನ ಸುಲಭ ನ್ಹಹಿ°. ತಾಜೆ ಮಾಕ್ಷಿ ಖೂಬ ಕಾಮ ಆಸಾ. ಹಾಂವ° ಮೆಗೆಲೆ ವ್ಯಾರಾ ಮಧೆ° ಹೆ° ಕರತಾ°. ಸಾಹಿತಿ ಲೋಕಾಂಕ ಕೊಂಕಣಿ ಸಮಾಜನ ದಿವಚೊ ಪಾಟಿಂಬೊ ಖೂಭ ಊಣೆ ಆಸಾ. ಥೊಡೆ ಉದಾಋ ಮನಚೆ ದಾನಿ ಲೋಕ ಮದದ ಕರತಾತ ದೆಕೂನ ಸಹಿತಿ ಲೋಕಾಲಿ ಉಮೇದಿ ಭಾಗನಿ. ಸಗಟಾನ ಕೊಂಕಣಿ ಪುಸ್ತಕ° ಖರೀದಿ ಕರನು ಸಾಹಿತಿಲಿ ಉಮೇದಿ ವಾಡೋಕಾ” ಮ್ಹಣು ಲೇಖಕ ಕಾಸರಗೋಡು ಚಿನ್ನಾ ಹಾಂನಿ° ಸಾಂಗಲೆ°. ಕೊಂಕಣಿ ಸಾಂಸ್ಕೃತೀಕ ಸಂಘಾಚೆ ತರಪೇನ ಕಾಸರಗೋಡು ಚಿನ್ನಾ ಹಾಂಕಾ° ಸನ್ಮಾನ ಚಲೊ. 
ಕೊoಕಣಿ ಸಾಂಸ್ಕೃತಿಕ ಸಂಘಾಚೊ ಖಜಾಂಚಿ ಎಂ. ಆರ್. ಕಾಮತ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಸಂತೋಷ ಶೆಣೈನ ಆಭಾರ ಮಾನಲೊ. ರತ್ನಾಕರ ಕುಡ್ವ ಹಾಂನಿ° ಸೂತ್ರಸಂಚಾಲನ ಕೆಲೆ°. ಅಧ್ಯಕ್ಷ ಗೋವಿಂದರಾಯ ಪ್ರಭು ಉಪಸ್ಥಿತ ಆಶಿಲೆ.  

ಮಂಗಳೂರು: ನಿವೃತ್ತ ಪ್ರಾದ್ಯಾಪಕ ರಾಘವೇಂದ್ರ ಪ್ರಭು ಎಂ. ಹಾಂಗೆಲೆ ಫುಲಟ ಕಥಾ ಸಂಕಲನ ‘ಅಸಂಗ’ ಹಾಜೆ° ಮೊಕಳಿಕ ಡಾ| ನಾ. ದಾಮೋದರ ಶೆಟ್ಟಿ ಹಾಂನಿ° ಆರತಾ° ಕೆಲೆ°. ‘ಸಾಹಿತಿ ಜಾವಕಾ ಮ್ಹಣು ಮೆಗೆಲೊ ಉದ್ಧೇಶ ನಾ ಆಶಿಲೊ. ಜಾಲ್ಯಾರ ಸಾಹಿತ್ಯಾಚೆ ಉಪಾಸನಾ ಕೆಲ್ಯಾರಿ ಮೆಳಚೊ ಸಂತೋಸ ಹ್ಯಾ ಕೃತಿ ರಚನ ಕರನು ಮಾಕಾ ಮೆಳಾ’ ಮ್ಹಣು ಪ್ರಭು ಹಾಂನಿ° ಸಾಂಗಲೆ°. ತುಪ್ಪೆಕಲ್ಲು ನರಸಿಂಹ ಶೆಟ್ಟಿ, ಸಾಹಿತಿ ರಘು ಇಡ್ಕಿದು, ಎಂ. ನರಸಿಂಹ ಭಟ್, ಗೀತಾ ಎನ್. ಭಟ್ ಉಪಸ್ಥಿತ ಆಶಿಲೆ. ಕೃಷ್ಣಾನಂದ ಶೆಣೈ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಮೋಹನ ಚಂದ್ರ ಹಾಂನಿ° ಕೃತಿ ಬದಲ್ ಸಾಂಗಲೆ°. ಸೋಮಶೇಖರ ಬಿ. ಎಂ. ಹಾಂನಿ° ಸೊಯ್ರೆಲೊ ವಳಕ ಕೆಲೊ. 

ಮಂಗಳೂರು, ಅ 22: ಮಂಗಳೂರಚೊ ಜಾಹೀರಾತು ಸಂಸ್ಥೊ ಮ್ಯಾಗ್ನಂ ಇಂಟರ್‌ಗ್ರಾಫಿಕ್ಸ್ ಹಾಜೆ ಅಧ್ಯಕ್ಷ ಸುಧೀರ್ ಪಿ. ಘಾಟೆ (64) ಆಜೀ ಹಾಂಗಾಚೆ ಖಾಸಗಿ ಆಸ್ಪತ್ರೆಂತು° ಅಂತರಲೆ. ಲೆಕ್ಕ ಪರಿಶೋಧಕ ದಫ್ತರಾಂತ ವೃತ್ತಿ ಜೀವನ ಶುರು ಕರನು 1992 ಇಸವಿಂತು° ಮ್ಯಾಗ್ನಂ ಇಂಟರ್‌ಗ್ರಾಫಿಕ್ಸ್ ಜಾಹೀರಾತು ಸಂಸ್ಥೊ ಶುರು ಕೆಲೆಲೆ ಹಾಂನಿ ದೇಶಭರ 18 ಶಾಖೆ ಶುರು ಕರನು ಜಾಹೀರಾತು ಕ್ಷೇತ್ರಾಂತು° ರಾಷ್ಟಿಯ ಸ್ಥರಾರಿ ನಾವಾದೀಕ ಜಾಲೆಲೆ. 
1995 ಇಸವಿಂತು° ಭಾರತೀಯ ಜನತಾ ಪಾರ್ಟಿಚೆ ರಾಜ್ಯ ಯುವ ಮೋರ್ಚಾಚೊ ಪ್ರಧಾನ ಕಾರ್ಯದರ್ಶಿ ಜಾವನು ಹಾಂನಿ ಸೇವಾ ದಿಲೆಲೆ ಹಾಂನಿ° ಉಪರಾಂತ ಪಿ.ಆರ್.ಎಸ್.ಐ ಸಂಸ್ಥೆಚೆ ಅಧ್ಯಕ್ಷ ಜಾವನೂಯಿ ಸೇವಾ ದಿಲ್ಯಾ. 
ರಾಷ್ಟç ಸ್ಥರಾಚೆ ಫುಡಾರಿ ದೇವಾದಿನ ಅಟಲ್ ಬಿಹಾರಿ ವಾಜಪೇಯಿ, ಸುಷ್ಮಾ ಸ್ವರಾಜ್, ಮುರಳಿ ಮನೋಹರ್ ಜೋಷಿ ಆನೀ ಎಲ್. ಕೆ. ಅಡ್ವಾಣಿ ತಸಲೆ ಮುಖೆಲಿಯಾಲೆ ಸಾಂಗತ ಕಾಮ ಕೆಲೆಲೆ ಹಾಂನಿ° ಬಿ. ಎಮ್. ಎಸ್ ಹಾಜೆ ಪ್ರಧಾನ ಕಾರ್ಯದರ್ಶಿ ಜಾವನು ಆಶಿಲೆ ದೇವಾದಿನ ಪ್ರಭಾಕರ್ ಘಾಟೆ ಆನಿ ಶಾರದಾ ಘಾಟೆ ದಂಪತಿಲೆ ಪೂತು ಜಾವನು ಆಸಾತಿ. ಕರ್ಣಾಟಕ ಬ್ಯಾಂಕಾoತ ಡಿಜಿಎಂ ಸುಮನಾ ಘಾಟೆ, ದ್ಹುವ, ಪೂತು, ಜಂವಯಿ ಆನೀ ಖೂಬ ಬಂಧು ಬಳಗಾಕ ಸೋಡೂನ ತಾಂನಿ° ಗೆಲ್ಯಾಂತಿ. 
ಸಂಸದ ನಳಿನ್ ಕುಮಾರ್ ಕಟೀಲ್, ಕಲ್ಲಡ್ಕ ಪ್ರಭಾಕರ್ ಭಟ್, ಬಿಜೆಪಿ ದ. ಕ. ಜಿಲ್ಲಾಧ್ಯಕ್ಷ ಸುದರ್ಶನ್, ವಿನಯ್ ಹೆಗ್ಡೆ, ಮೋಹನ್ ಆಳ್ವ, ದಾ. ಮ. ರವೀಂದ್ರ, ಮೂಡಾ ಅಧ್ಯಕ್ಷ ರವಿಶಂಕರ್ ಮಿಜಾರು, ಕರ್ಣಾಟಕ ಬ್ಯಾಂಕಾಚೆ ಎಂ. ಡಿ. ಮಹಾಬಲೇಶ್ವರ ಭಟ್, ಸಂಜೀವ ಮಠಂದೂರು, ಆದಲೊ ಮಂತ್ರಿ ನಾಗರಾಜ ಶೆಟ್ಟಿ, ವಿಧಾನ ಪರಿಷತ್ ಸಾಂದೊ ಪ್ರತಾಪ್ ಸಿಂಹ ನಾಯಕ್, ಬಿಜೆಪಿ ರಾಜ್ಯ ವಕ್ತಾರ ಗಣೇಶ್ ಕಾರ್ಣಿಕ್, ಶಾಸಕ ಭರತ್ ವೈ. ಶೆಟ್ಟಿ, ಮಾಜಿ ಮೇಯರ್ ಭಾಸ್ಕರ್ ಮೊಯಲಿ, ಪ್ರವೀಣ್, ತರ್ಜನಿ ಕಮ್ಯನಿಕೇಶನ್ ಪ್ರೆ. ಲಿ ಹಾಜೊ ಎಂಡಿ ಸಂಜಯ್ ಪ್ರಭು, ಆರ್‌ಎಸ್‌ಎಸ್ ಹಾಜೆ ಗೋಪಾಲ್ ಚೆಟ್ಟಿಯಾರ್, ಸುನಿಲ್ ಆಚಾರ್,  ಮಾಜಿ ಶಾಸಕ ಅಣ್ಣಾ ವಿನಯ ಚಂದ್ರ‍್ರ, ಬಾಲಕೃಷ್ಣ ಭಟ್, ಮೋನಪ್ಪ ಭಂಡಾರಿ ಆನೀ ನಿಲೇಶ್‌ಕುಮಾರ್, ಸುಧೀರ್ ಶೆಟ್ಟಿ, ಪ್ರದೀಪಕುಮಾರ್ ಕಲ್ಕೂರ, ಗೌರವ್ ಹೆಗ್ಡೆ, ಎಸ್.ಎಂ. ಕಾಮತ್, ಬಿ.ಎಂ.ಎಸ್ ಹಾಜೆ ವಿಶ್ವನಾಥ ಶೆಟ್ಟಿ, ಧರ್ಮರಾಜ್, ಮೋತಿಶ್ಯಾಂ ಹಾಜೊ ಹರ್ಷದ್ ಆನೀ ಹೇರಾನಿ ಶ್ರದ್ಧಾಂಜಲಿ ಅರ್ಪಣ ಕೆಲಿ. 
ಆರ್‌ಎಸ್‌ಎಸ್ ಕಾರ್ಯವಾಹ ದತ್ತಾತ್ರೇಯ ಹೊಸಬಾಳೆ, ಸಹ ಕಾರ್ಯವಾಹ ಮುಕುಂದ್, ಬಿಜೆಪಿ ರಾಷ್ಟಿಯ ಕಾರ್ಯದರ್ಶಿ ಸುನಿಲ್ ದೆಯೋಧರ್, ವಿಧಾನ ಸಭಾ ಸ್ಪೀಕರ್ ವಿಶ್ವೇಶ್ವರ ಹೆಗಡೆ ಕಾಗೇರಿ, ವಿಆರ್‌ಎಲ್ ಸಮೂಹ ಸಂಸ್ಥೆಚೊ ಚೇರ‍್ಮೆನ್ ವಿಜಯ್ ಸಂಕೇಶ್ವರ, ಸಂಘ ಚಾಲಕ ವಾಮನ್ ಶೆಣೈ, ಎಂ. ಬಿ. ಪುರಾಣಿಕ್, ಮಂತ್ರಿ ಕೋಟ ಶ್ರೀನಿವಾಸ್ ಪೂಜಾರಿ, ಎಸ್. ಅಂಗಾರ, ಮಾಜಿ ಶಾಸಕಿ ಶಕುಂತಲಾ ಶೆಟ್ಟಿ, ಶಾಸಕ ವೇದವ್ಯಾಸ ಕಾಮತ್, ರಾಜೇಶ ನಾಯ್ಕ್, ಉಮಾನಾಥ ಕೋಟ್ಯಾನ್, ಸಂಧ್ಯಾ ಪೈ, ಕೃಷ್ಣ ಜೆ. ಪಾಲೆಮಾರ್ ಹಾಂನಿ° ಸಂತಾಪ ವ್ಯಕ್ತ ಕೆಲಾ.