ವಾಕಸ್ವಾತಂತ್ರ‍್ಯ !

Category: Editorial

21 11

ಆಮಕಾ ವಾಕಸ್ವಾತಂತ್ರ‍್ಯ ಆಸಾ. ಆಮಕಾ ವಾಕಸ್ವಾತಂತ್ರ‍್ಯಜಾವಕಾ. ವಾಕಸ್ವಾತಂತ್ರ‍್ಯ ಪ್ರಜಾಪ್ರಭುತ್ವಾಚೆ ಮುಖ್ಯ ಲಕ್ಷಣ ಅಶೆ° ಸಾಬರ ವಿಷಯ ಆಮಕಾ ಆಯಕೂಂಕ ಮೇಳತಾ. ಸಂವಿಧಾನಾಚೆ ಆರ್ಟಿಕಲ್ ೧೯ ಆಮಕಾ ವಾಕಸ್ವಾತಂತ್ರ‍್ಯದಿತಾ. ಜಾಲ್ಯಾರ ಆಜೀ ಚಡಾವತ ಲೋಕ ತಾಂಗೆಲೊ ಮನಾಂತೂಲೆ ವಿಚಾರ ಉಗತೆ° ರೂಪಾರಿ ಸಾಂಗಚಾಕ ಇಚ್ಛಾ ಪಾವನಾ. ಆಮಕಾ ಆಮಗೆಲೆ ದೊಳೆ ಮುಕಾರ ಜಾವಚೆ ವಿಷಯ ಪಳಯತಾನಾ ಉಲೋವುಯಾ° ಮ್ಹಣು ದಿಸತಾ. ಜಾಲ್ಯಾರ ಆಮೀ ಉಲೋವಚಾಕ ಇಚ್ಛಾ ಪಾವನಾತಿ. ಆಮಕಾ ಇತ್ಯಾಕ ಹೆ° ? ಆನೀ ಕೋಣ ಪುಣಿ ಉಲಯತಲೆ, ಅಶೆ° ಭೊಗತಾ. ಹೆ° ಇತ್ಯಾಕ ಅಶೆ° ? ಫುಡೆ ದಾಕೂನ ಅಶಿಂಚಿ ಚಲನೂ ಆಯಲಾಂವೆ ? ಅಶೆ° ಥೊಡೆ ಸವಾಲ ದೊಳೆ ಮುಕಾರ ಯೆತಾತಿ.

ಆಮಕಾ ಉಗತೆ° ರೂಪಾನ ಸವಾಲ ಘಾಲಚಾಕ ಕಷ್ಟ ಜಾಲ್ಯಾರ ಆಮೀ ಆಮಕಾಚೀ ಸವಾಲ ಘಾಲಚಾಂತು° ಚೂಕಿ ಆಸಾವೆ ? ಆಂಗೆಲೆ ಸವಾಲಾಂಕ ಆಮೀಚ ಜವಾಬ ದಿವಚಾಕ ಜಾಯತವೆ ? ಅಶೆ° ಏಕ ಚಿಂತನ ಆಸಾ. ಆಮಕಾ ಆಮಗೆಲೆ ಆಜೂಬಾಜೂನ ಜಾವಚೆ° ಚೂಕಿ ಮ್ಹಣು ದಿಸಲ್ಯಾರಯೀ ಆಮಕಾ ಸಾಂಗಚಾಕ ಮನ ಯೆನಾ ! ಚೂಕಿ ಕರತಲ್ಯಾಂಕ ನಾತಿಲೆ° ಭಂಯ ಯಾ ಲಜ ಆಮಕಾ ಆಸತಾ. ಅಶೆ° ಇತ್ಯಾಕ ಜಾತಾ ? ಆಜೀ ಆಂಕಾ ಅಮಗೆಲೆ ಕುಟುಂಬ ಆನೀ ಆಮೀ ಮುಖ್ಯ ಜಾಲಾ°. ಹಾಂತು° ಚೂಕಿ ನಾ. ಜಾಲ್ಯಾರ ಆಮಗೆಲೆ ಘರಾ ಭಾಯರ ಜಾವಚೆ° ಆಮಗೆಲೆ ಕುಟುಂಬೆಚೆ ವಯರಿ ಪ್ರಭಾವ ಘಾಲತಾ ಮ್ಹಳೆಲೆ° ಕಳನೂಯೀ ನೂತ ಬಯಸಚೆಂ ಸಮವೆ ?
ಏಕ ವಿಷಯ ಮನಾಂತು° ಘೆವಕಾ. ಫಟಿ ಮಾರತಲ್ಯಾಂಕ ಉಗತೆ° ರೂಪಾರಿ ಫಟಿ ಮಾರಚಾಕ ಖಾಂಯ ಭಂಯ ದಿಸನಾ ಆಸಚೆ°. ತೆ° ಕಶಿಂ ಸಾಧ್ಯ ಜಾತಾ ? ತಾಂಕಾ° ಕೋಣ ಹೀ ಶಕ್ತಿ ದಿತಾ ? ಸತ್ಯ ಉಲಯತಲೊ ಇತ್ಯಾಕ ಭಿತಾ ? ಆಜೀ ಸೋಶಿಯಲ ಮಿಡಿಯಾ ಆನೀ ಹೇರ ಮಧ್ಯಮಾಂತು° ಚಡಾವತ ಫಟಿಯೊ ಫಾಯಸ ಜಾವಚೆ° ದಿಸತಾ. ಖಂಚೆ ಸತ್ಯ ಆನೀ ಖಂಚೆ ಅಸತ್ಯ ಮ್ಹಣು ಗೊಂದೊಳು ಜಾತಾ. ಹಾಜೇನ ಅಧಿಕಾರ ಫವೊ ಕರಚೆ° ಆನಿ ಹೊಡಗಾನ ಘೆವಚೆಂ ದಿಸತಾ. ಹಾಕಾ ಸಗಟ ಅಂತ್ಯ ಕೆದನಾ ? ಖರೆ° ಅರ್ಥಾರಿ ವಾಕಸ್ವಾತಂತ್ರ‍್ಯಾಕ ಅರ್ಥ ಕೇದನಾ ಮೆಳತಾ ?

ಸಾಮಾನ್ಯ ಲೋಕಾನಿ ಉಗತೆ° ರೂಪಾನ ಉಲೋವಚಾಕ ಶುರು ಕೆಲ್ಯಾರ ಹೆ° ಸಾಧ್ಯ ಆಸಾ. ಆಮಕಾ ಫಟಿ ಮ್ಹಣು ದಿಶಿಲೆ° ವಿಷಯಾರಿ ಸವಾಲ ಘಾಲ್ಯಾರ ಹೆ° ಬದಲ ಜಾತಲೆ°. ಸವಾಲ ಘಾಲ್ಯಾರ ಘೆರಾವ ಘಾಲತಾತಿ ಮ್ಹಣು ಭಂಯ ಆಸವೆ ? ಆಜೀ ತೆಂಚಿ ಜಾತಾ ಆಸಾ. ವ್ಯವಸ್ಥೆಚೆ ಬದಲ ಸವಾಲ ಘಾಲ್ಯಾಋ ತ್ಯಾ ವ್ಯವಸ್ಥೆಚೆ ಭಡವೆ ಆಂಗಾರಿ ಪಡತಾತಿ. ತಾಂಕಾ° ಸವಾಲ ಆಯಕೂನ ಅಭ್ಯಾಸ ನಾ. ಯಾ ಸವಾಲಾಂಕ ಜವಬ ದಿವಚೆ ಜಬಾಬದಾರಿ ತಾಂಕಾ° ನಾ ಮ್ಹಳೆಲೆ° ಚಾಲಚಲಾಣಾಂತು° ಕಳತಾ.
ಥೊಡೆ ಸವಾಲಾಂಕ ಸವಾಲ° ಘಾಲನೂಚಿ ಜಬಾಬ ಮೇಳತಾ. ಹಾಕಾ ಹಾಸಚೆಂ ಕೀ ರಡಚೆ° ಮ್ಹಣು ಕಳನಾ. ಆಮಗೆಲೆ ವಾಕಸ್ವಾತಂತ್ರ‍್ಯ ಗಟ್ಟಿ ಕರಚಾಕ ಸರಕಾರಾನ ದಿಲೆಲೆ° ಅಸ್ತç ಆರ್. ಟಿ. ಐ. ಸರಕಾರಾನ ಆರತಾ° ತೆ° ಸುತಾ ಪಾತಳ ಕರಚೆ° ಜಾಲಾ°. ಸೂಕ್ಷö್ಮ ಜಾವನು ಸಾಂಗಚೆ° ಜಾಲ್ಯಾರ ವಾಕಸ್ವಾತಂತ್ರ‍್ಯಚೆ ನಿಮಿತ ಸತ್ಯ ಭಾಯರ ಯೆವಚೆ° ಜಾತಾ. ಸತ್ಯಾಚೆ ಭಂಯ ಸಗಟಾಂಕ ಆಸಾ. ಸವಾಲಂಚೀ ನಾ ಜಾಲ್ಯಾರ ಜಬಾಬ ದಿವಚೆ° ಖಂಚಾಕ ಮ್ಹಳೆಲೆ° ಚಿಂತನ ದವರನು ಸವಾಲಾಂಕ ಲಗಾಮ ಘಾಲಚೆ° ಪ್ರಯತ್ನ ಜಾತಾ ಆಸಾ.

ಆಮೀ ಆಮಕಾಚೀ ಸವಾಲ° ಘಾಲೂಯಾ° ! ಮನಾಚೆ ಧೈರ್ಯ ವಾಡೊಯಾ° ! !

Math-Mandir

ಶ್ರೀ ಕಾಶೀಮಠ ಸಂಸ್ಥಾನ ವೆಲಫೆರ್

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ

ಯುಗಾದಿ ಪ್ರಯುಕ್ತ ಶ್ರೀದೇವಾಕ

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°

ಗೋಕರ್ಣ ಮಠಾಧೀಶ ಮೊಕ್ಕಾ°

ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°

View All

Youth

cache/resized/c4ee2d8f413b2cab1bb88adc876a5320.png

ಉದ್ಯೋಗ ಆನೀ ನಿರುದ್ಯೋಗ

ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ

ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ

18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ

GSB Scholarship League

This application is only for the poor

View All

Events

कोंकणिंतल्या अस्तुरी

कोंकणिंतल्या अस्तुरी साहित्याचेर

ಅನುವಾದ ಮ್ಹಳ್ಯಾರ ಮೀಟಾಚೆ ದೋಣಿರ

ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ

ಮಕರ ಸಂಕ್ರಾοತಿ ಆಚರಣಾ

ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ

View All

https://www.youtube.com/user/MrBaligavenkatesh

Editorial

ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,

ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.

Shabdvihar

ನೀಪ-ನಿಪಯ

ಮಾದಕ ವಸ್ತು ಚಡುವಾಂಕ ಮೇಳನಾ ತಶೀಂ ನಿಪೋವನ ದವರಕಾ. ತೇಂ ನಿಪಯ್, ದಾಖೋವನಕಾ, ಪೋಲಿಸಾಂಕ ಪಳಯಿಲ್ಯಾರ ತೋ ನಿಪತಾ ಹೇ ಉದ್ಘೃತ ವಾಕ್ಯಾಂತ ನಿಪಯ್, ನಿಪತಾ ಮ್ಹಣಚೊ ಜೋ ಶಬ್ದು ಪಾಪರಲೊಲೊ ಅಸಾ ತಾಜೊ ಅರ್ಥ ಆನಿ ವ್ಯುತ್ಪತ್ತಿ ಅಶಿ ಆಸಾ. ನೀಪ ಮ್ಹಳ್ಯಾರ ಕೋಣಂಕಯಿ ದಿಸನಾಶಿ ಆಸ ಆನಿ ನಿಪಯ ಮ್ಹಳ್ಯಾರ ಕೊಣಾಂಕಯಿ ದಿಸನಾ ತಶೀಂ ದವರ ಮ್ಹಣ ಅಥರ್ು. ಕೋಣಾಂಕಯಿ ದಿಸನಾಶಿ ಆಸೊ ನ್ಹಹಿಂವೇ ಕರಕಾ ಜಾಲ್ಯಾರ ತೇ ವಸ್ತುಚೇರಿ ಕಸಲೇಂಯಿ ಧಾಂಪುಕಾ ನ್ಹಹಿಂವೇ ತೇ ವಸ್ತುಕ ಖಂಚಾಚೇಯಿ ಆಡ ದವರಕಾ, ತಾಜೇರಿ ಕಸಲೇಂಯಿ ಪಾಂಗೂರಕಾ ಜಾತಾ. ಅಶೀಂ ಧಾಂಪಪ, ಆಡ ದವರಪ, ಪಾಂಗರೂಚೆ ಕರಚಾಕ ನೀಪ, ನಿಪಯಿ ಮ್ಹಣತಾತಿ. ಅಶೀಂ ಕರಚೇ ಜೋ ಅಸಾ ತೇಂ ನಿಪೊವಚೆ ಹೊ ಅರ್ಥೊ ದಿವಚೊ ಹೊ ನಿಪಪ ಶಬ್ದು ಸಂಸ್ಕೃತ ಭಾಷೇಚೋ ಲಿಪ್ ಮ್ಹಣಚೆ ಧಾತೂಚೆ ತಧ್ಬವ ರೂಪ ಜಾವುನು ಆಸಾ. ಲಿಪ್ ಮ್ಹಣಚಾಂತೂಲೆ ಲಿ ಅಕ್ಷರ ನಿ ಜಾವುನು ಲಿಪ್-ನಿಪ್ (ನಿಪಪ) ಮ್ಹಣಚೊ ಕೊಂಕಣೀಂತು ರೂಪ ಪಾವಲಾ ಆನಿ ಹಾಜೋ ಅಥರ್ು ವಯರ ಸಾಂಗಲ್ಯಾ ವರೀ ಕೋಣಾಂಕಯಿ ದಿಸನಾಶಿ ಕರಚಾಕ, ಧಾಂಪಪ, ಆಡ ದವರಪ, ಪಾಂಗೂರಪ ಮ್ಹಣ ಜಾವನು ಆಸಾ.

Education