ಆರತಾಂ ಆಯಕಲೆಲೆ ಖಬರೆಚೆ ಪ್ರಮಾಣೆ ಆಮಗೆಲೆ ರಾಜ್ಯಾಚೊ ನಾವಾಧಿಕ ಉದ್ಯಮಿ ಆನೀ ಅಂತರಾಷ್ಟಿçಯ ಬ್ರಾಂಡ್ ‘ಕೆಫೆ ಕಾಫಿ ಡೇ’ ಹಾಜೋ ಸ್ಥಾಪಕು ವಿ. ಜಿ. ಸಿದ್ಧಾರ್ಥ ಹಾಗೆಲೆಂ ಮಡೆ° ನೇತ್ರಾವತಿ ನ್ಹಂಯಚೆ ಬಗಲೆನ ಮೆಳಾ°. ಹೋ ಏಕ ದುಃಖದಾಯಕ ವಿಷಯ ವಯಿ. ಪನ್ನಾಸ ಹಜಾರ ಲೋಕಾಂಕ ನೌಕರಿ ದಿಲೆಲೊ, ಬಾರಾ ಹಜಾರ ಎಕರೊ ಕಾಫೀ ಎಸ್ಟೇಟ ಆಶಿಲೊ, ನಾವಾದಿಕ ಬ್ರಾಂಡ ತಯಾರ ಕರನು ಮುನಾಫೊ ಕರತಾ ಆಶಿಲೊ ಉದ್ಯಮಿಕ ಅಸಲೆ° ಅಂತ್ಯ ಯೆತಾ ಮ್ಹಳ್ಯಾರಿ ಕೊಣಾಕಯಿ ನಂಬಗುಚಾಕ ಜಾಯನಾ. ಶುರುವೆಚೆ ದೋನ ದೀವಸ ಮ್ಹಳ್ಯಾರಿ ತಾಗೆಲೆ° ಮಡೆ° ಮೆಳಚೆ ಪಯಲೆ° ಥೊಡೆ ದೇಶಭಕ್ತಾನಿ ತೋ ದೇಶ ಸೋಡುನ ದ್ಹಾಂವಲಾ ಮ್ಹಣು ಗಾಬು ಗಾಲೆಲೊಯಿ ಆಸಾ.

ಆಜೀ ದೇಶಾಚಿ ಆರ್ಥಿಕ ಪರಿಸ್ಥಿತಿ ಸಮ ನಾ ಮ್ಹಣು ಹೋಡ ಹೋಡ ಉದ್ಯಮಿ ಸುತಾ ಉಗ್ತೆ° ತರಾನ ಸಾಂಗಚೆ° ಆಯಕೂಂಕ ಮೆಳತಾ. ಆಯಚೆ ಆರ್ಥಿಕ ಪರಿಸ್ಥಿತಿ ಆನೀ ಸಿದ್ಧಾರ್ಥನ ದೇವಾದಿನ ಜಾವಚಾಕ ಸಂಬಧ ಆಸಾವೆ ? ಖೂಬ ಲೋಕಾಲೆ ಪ್ರಮಾಣೆ ತಾಣೆ ನೇತ್ರಾವತಿ ನ್ಹಂಯತುA ಉಡೂನ ಆತ್ಮಹತ್ಯಾ ಕೆಲ್ಯಾ. ತೆ° ವಯಿ ಕೀ ನ್ಹಹಿ° ಮ್ಹಣು ಪೋಲಿಸಂಚಾಲಿ ತನಿಖಾ ಸಂಪತರಿ ಕಳತಲೆ°. ಆತ್ಮಹತ್ಯಾ ಮ್ಹಣಚಾಕ ಏಕ ಕಾರಣ ಮ್ಹಳ್ಯಾರಿ ಸೋಶಿಯಲ ಮೀಡಿಯಾರಿ ಗುಂವತ ಆಸಚೆ ಸಿದ್ಧಾರ್ಥಾನ ಆಖೇರಿ ದೀವಸು ತಾಗೆಲೆ ಕಂಪನಿಚೆ ಆಡಳಿತ ವರ್ಗಾಚೆ ಲೋಕಾಂಕ ಉದ್ಧೇಶ ದವರನು ಬರಯಿಲೆ° ಪತ್ರ. ತಾಣೆ ನೇತ್ರಾವತಿ ನ್ಹಂಯಚೆ ಲಾಗಿ ಪಾವಚೆ ಪಯಲೆಂ ತಾಣೆ ಥೊಡೆ ಲೋಕಾಂಕ ತ್ಯಾ ಪತ್ರಾಚೆ ಬದಲ ಫೋನಾರಿ ಮಾಹಿತಿ ದಿಲೆಲಿ ಆಸಾ. ಹೆ° ಸಗಟ ಪಳಯತಾನಾ ಆತ್ಮಹತ್ಯಾ ಕರನು ಆಸಚೆ° ಸಾಧ್ಯ ಆಸಾ ಮ್ಹಣಯೆತ.

ಏಕ ಯಶಸ್ವಿ ಉದ್ಯಮಪತಿ ಆತ್ಮಹತ್ಯಾ ಕರನು ಘೆತಾ ಮ್ಹಣಚೆ ಏಕ ನಂಗುಚಾಕ ಸಾಧ್ಯ ನಾತಿಲೊ ವಿಶಯ. ಸಿದ್ಧಾರ್ಥಾಲಿ ಆಸ್ತಿ ೨೧,೦೦೦ ಕರೋಡ ಆನೀ ರೀಣ ಸಾಬಾರ ೮೦೦೦ ಕರೋಡ ಮ್ಹಣು ಮಾದ್ಯಮಾಂತುA ಪಳೊವಚಾಕ ಮೆಳತಾ. ಜಾಲ್ಯಾರಯೀ ತಾಣೆ ಹಿ ವಾಟ ಇತ್ಯಾಕ ಘೆತಲಿ ಮ್ಹಳೆಲೆ° ಕಳನು ಯೆನಾ.

ಏಕ ಉದ್ಯಮ ಶುರು ಕರನು ತೆ° ಅಂತರಾಷ್ಟಿçಯ ಸ್ಥರಾಕ ವ್ಹರಚೆಂ ತಿತಲೆಂ ಸುಲಬಾಚೊ ವಿಷಯ ನ್ಹಹಿಂ. ಸಗಟ ಉದ್ಯಮಶೀಲ ವ್ಯಕ್ತಿ ಕಷ್ಟ ಪಾವನು ಹೆಂ ಕರತಾ. ಆಜೀ ಆಮಿ ಆಮಗೆಲೆ ತರನಾಟೆಂ ಮಧೆಂ ಉಧ್ಯಶೀಲತಾ ವಾಡೋಚಾಕ ಪ್ರಯತ್ನ ಕರಚೆಂ ವೇಳಾರ ಅಸಲಿ ಏಕ ಘಡಣಿ ಜಾವಚೆಂ ಚಾಂಗ ವಿಷಯ ನ್ಹಹಿಂ. ಮಾಕ್ಷಿಚೆ ಥೊಡೆ ವರಸಾಂತುA ಸಾಬಾರ ೫೦೦೦ ಉದ್ಯಮಿ ದೇಶ ಸೋಡುನ ಗೆಲ್ಯಾಂತಿ ಮ್ಹಣು ಏಕ ಅಂದಾಜೊ ಸಾಂಗತಾ. ಹಾಂತು° ಮಲ್ಯ, ನೀರವ ಆನೀ ಚೊಕ್ಸಿ ಸುತಾ ಆಸಾತಿ. ಹಾಂನಿ ಅಶೆ° ಕರಚಾಕ ಕಾರಣ ಕಸಲೆ° ? ಸಾಬಾರ ಲೊಕಾನಿ ‘ಫ್ರಾಡ್’ ಕರನು ಕಾನೂನಾಕ ಭಿವನು ಅಶೆಂ ಕೆಲಾಂ ಮ್ಹಣತಾತಿ. ಏಕ ಉದ್ಯಮಶೀಲ ವ್ಯಕ್ತಿನ ‘ರಿಸ್ಕ್’ ಘೆವಚಾಕ ಶಿಖೂಕಾ ಮ್ಹಣತಾತಿ. ‘ರಿಸ್ಕ್’ ಮ್ಹಳ್ಯಾರಿ ಕಾನೂನಾಕ ವಿರೋಧ ವಚೆ° ಮ್ಹಣಯೆತವೆ ? ಕಾನೂನಾಕ ಭಿನಾಶಿ° ಭಿತರಿ ಭಿತರಿ ನಿಪೋವನು ಉದ್ಯಮ ಕರತಲ್ಯಾಂಕ ಉದ್ಯಮಶೀಲ ಮ್ಹಣಯೆತವೆ ? ಕಾನೂನಾಕ ಸಮ ಜಾವನು ಸಫಲ ಉದ್ಯಮ ಕರಚಾಕ ಜಾತಾವೆ ? ಸಫಲ ಉಧ್ಯಮಪತಿ ಜಾವಕಾ ಜಾಲ್ಯಾರ ಕಾನೂನಾಚೆ ವಿರೋಧ ಕಾಮ ಕರಚೆ° ಗರಜೆಚೆವೆ° ?

ಸಿದ್ಧಾರ್ಥಾನ ತಾಗೆಲೆ ಆಖೇರಿಚೆ° ಪತ್ರಾಂತು° ತಾಣೆ ಚೂಕಿ ಕೆಲ್ಯಾ ಮ್ಹಣು ಸಾಂಗಲಾ°. ಜಾಲ್ಯಾರ ತಾಣೆ ತೆ° ತಾಗೆಲಿ ಕಂಪನಿಚೆ ಹಿತದೃಷ್ಟಿನ ಕೆಲೆಲೆ° ಮ್ಹಣು ತೊ ಸಾಂಗತಾ. ತಾಗೆಲೆ ಕಂಪನಿತು° ದುಡು ಘಾಲೆಲೆ ಲೋಕಾಲೊ, ಸರಕಾರಿ ಅಧಿಕಾರಿಯಾಲೊ ದಬಾವಾನ ತಾಣೆ ಹ್ಯಾ ಪರಿಸ್ಥಿತಿಕ ಯೆವಚೆ° ಜಾಲೆ° ಮ್ಹಣು ತೋ ತ್ಯಾ ಪತ್ರಾಂತು° ಸಾಂಗತಾ.

ಉದ್ಯಮ ಶುರು ಕರತಾನಾ ಆಸಚೆ ಸರಕಾರಿ ನೀತಿ ನಿಯಮ ಸರಕಾರ ಬದುತಾನಾ ಬದಲ ಜಾತಾ ಆಸತಾ. ಉದ್ಯಮ ವಾಡತಾನಾ ಹ್ಯಾ ಬದಲ ಜಾಲೆಲೆ ಪರಿಸ್ಥಿತಿ ಸಾಂಬಾಳನು ಹಾಡಚೆಂ ಜಾತಾ. ಸಿದ್ದಾರ್ಥನ ಉದ್ಯಮ ವಾಡೊಚೆಂ ಮ್ಹಣು ರೀಣ ಘೆವಚೆಂ ಜಾಲೆಂ. ಜಾಲ್ಯಾರ ಆಜೀ ದೇಶಾಚಿ ಆರ್ಥಿಕ ಪರಿಸ್ಥಿತಿಕ ಲಾಗೂನ ಸರಕಾರಾಚೆ ನಿಯಮ ಸುತಾ ಬದಲ ಜಾತಾ ಆಸಾ.

ಸರಕಾರಾನ ನಿರ್ಧಾಕ್ಷಿಣ್ಯ ಜಾವನು ಕಾನೂನ ರೀತಿರಿ ಕಾಮ ಕರಚೆ° ಶುರು ಕೆಲೆಲ್ಯಾನ ‘ರಿಸ್ಕ್’ ಘೆತಿಲೆ ಉದ್ಯಮಪತಿಂಕ ತೊಂದರೆ ಜಾಲಾ. ಹಾಂತೂ° ಕಾಂಯ ಚೂಕಿ ನಾ ಮ್ಹಣು ಸಾಮಾನ್ಯ ಮನಿಸ ಸಾಂಗತಾ. ಆಜೀ ದೇಶಾಂತು ವೆಗವೆಗಳೆ ರಾಜ್ಯಾಂತು° ರೀಣ ಪರತೂನ ದೀವಚಾಕ ಜಾಯನಾಶಿ° ಬ್ಯಾಂಕ ಆನೀ ಹೇರ ರೀಣ ದಿಲೆಲೆ ಲೋಕಾಲೆ ದಬಾವಾನ ಹಾಜರಾನಿ ಸಂಖ್ಯಾನಿ ಶೇತಕಾರ ಲೋಕ ಆತ್ಮಹತ್ಯಾ ಕರನು ಘೆತಾ ಆಸಾತಿ. ಹ್ಯಾ ಕಾರಣಾಖ ಸರಕಾರಂ ಸುತಾ° ಪಡಚೆ° ಆಮೀ ಪಳಯತಾತಿ. ತಾಂನಿA ಉದ್ಯಮ ಪತಿ ನ್ಹಹಿ°. ಜಾಲ್ಯಾರ ತಾಂನಿ° ಸುತಾ ‘ರಿಸ್ಕ್’ ಘೆವಚೆ° ಕರತಾತಿ.

ತ್ಯಾ ದೇಕೂನ ಮುಕಾವಯಿಲೆ ಪಿಳಗಿಚೆ ಲೋಕಾಂಕ ಮ್ಹಳ್ಯಾರ ತರನಾಟ್ಯಾಂಕ ಉದ್ಯಮಶೀಲತಾ ವಾಡಯಾ ಮ್ಹಣತಾನಾ ಜಾಗೃತೆರಿ ಸಾಂಗಚಿ ಪರಿಸ್ಥಿತಿ ಆಯಲ್ಯಾ. ಏಕಂತು° ಸತ್ಯ, ಹ್ಯಾ ದೇಶಾಂತು ನೌಕರಿ ಸೃಷ್ಟಿ ಕರತಾ ಜಾಲ್ಯಾರ ‘ರಿಸ್ಕ್’ ಘೆವಚಾಕ ತಯಾರ ಆಶಿಲೆ ಖೂಬ ಉದ್ಯಮ ಪತಿಯಾಲೆ° ಗರಜ ಆಸಾ.

ಉದ್ಯಮಶೀಲತಾ ಮರಚಾಕ ಸೊಡೂಂಕ ನಜ !

• Prev
• Next