ಸುಖಿ ಸಂಸಾರ ಮ್ಹಳ್ಯಾರ ಕಸಲೆ° ? ಮ್ಹಣು ಆರತಾ° ಆಮಗೆಲೆ ಥೊಡೆ ದೋಸ್ತಾಲೆ° ಮಧೆ° ಚರ್ಚಾ ಜಾಲಿ. ವಿಷಯ ಚರ್ಚಾ ಕರತ ಕರತ ವೇಳು ಗೆಲೆಲೊ ಕಳನಿ. ಶಬರಿಮಲೈ, ಸೋನಿಯಾ ಗಾಂಧಿ, ನಿರ್ಮಲಾ ಸೀತಾ ರಾಮನ್, ಶೋಭಾ ಕಂದ್ಲಾಜೆ ಹ್ಯಾ ಬದಲಯಿ ಖೂಬ ಆಯಯಕೂಂಕ ಮೆಳೆ°.

ಸಂಸಾರ ಮ್ಹಳ್ಯಾರಿ ಕಸಲೆ° ಮ್ಹಣು ಏಕಲೇನ ಅಶೆ° ವ್ಯಾಖ್ಯಾನ ಕೆಲೆ° “ಆಮಕಾ ವ್ಹಾರ್ಡಿಕ ಜಾತರಿ ಆಮಗೆಲೊ ಸಂಸಾರ ಶುರು ಜಾತಾ. ತೆದೋಳು ಥಾಂಯ ಆಮೀ ಸ್ವತಂತ್ರ ಆಸತಾತಿ. ಉಪತಾಂತ ಆಮೀ ಸಂಸಾರ ಬಂಧಂನಾಂತು° ಪಡತಾತಿ” ಮ್ಹಣು ತಾಣೆ ಸಾಂಗಲೆ°. ಅಶೆ° ಚಿಂತನ ಕರತಲೆ ಖೂಬ ಲೋಕ ಆಸಚೆ° ಸಾಧ್ಯತಾ ಆಸಾ.

ಜಾಲ್ಯಾರ ಏಕ ಮ್ಹಾಲ್ಗಡೆ ದೋಸ್ತಾಲೆ ಪ್ರಮಾಣೇ ಆಮೀ ಹ್ಯಾ ಜಗಾಂತು ಜಲ್ಮಾಕ ಯೆತ ದಾಕೂನ ಆಮೀ ಹ್ಯಾ ಸಂಸಾರಾಚೆ ವಾಂಟೊ ಜಾತಾತಿ. ತ್ಯಾ ದೇಕೂನ ಆಮಕಾ ಬುದ್ದಿ ಭರಚೆಂ ಥಾಂಯ ಆಮೀ ವ್ಹಿಂಗಡಾನ ಸಾಂಗಿಲೆ ಮ್ಹಣಕೆ, ಮ್ಹಳ್ಯಾರಿ ಆಮಗೆಲೆ ಆವಸು ಬಾಪುಸು, ಗುರು ಆನೀ ಹೇರ ಮ್ಹಾಲ್ಗಡೇನ ಸಾಂಗಿಲೆ° ಸಮ ಮ್ಹಣು ಲೇಕೂನ ವ್ಯವಹಾರ ಕರತಾತಿ. ತಾಂಕಾ° ನಂಬಗೂನ ಪಾವಲ° ದವರತಾತಿ. ಚೂಕಿ ಜಾಲ್ಯಾರ ತಾಂನಿ° ಸುಮ ಕರತಾತಿ ಮ್ಹಳೆಲೆ ಮ್ಹಳಲೆ ಧೈರ್ಯಾನ ಮುಕಾರ ವತಾತಿ.

“ಜೀವನ ರ‍್ಯಂತ ಆಮೀ ಅಶೆ° ಆಸಚಾಕ ಜಯನಾ. ಆಮಕಾ ಥೊಡಿ ಬುದ್ದಿ ಯೆತಾನ ಆಮೀ ಸವಾಲಾ° ಘಾಲಚಾಕ ಶುರು ಕರತಾತಿ. ಸವಾಲಾಂಕ ಜವಾಬ ಮೇಳು ಥಾಂಯ ಸೋದುನ ವತಾತಿ” ಮ್ಹಣು ಆನೀ ಏಕಲೊ ದೋಸ್ತಾನ ಸಾಂಗಲೆ°. ತಾಗೆಲೆ ಪ್ರಮಾಣೆ ಆಮೀ ಮ್ಹಾಲ್ಗಡೆನ ಸಾಂಗಲಾ° ಮ್ಹಣು ಸಗಟ ನಂಬಗೂಚೆ ಗರಜ ನಾ. ಆಮೀ ವೈಜ್ಞಾನಿಕ ಜಾವನು ವಿಶ್ಲೇಷಣ ಕರಚೆ° ಕರಕಾ. ಸಾಧಕ ಭಾದಕ ಸಮಾಝಾಕ. ಸತ್ಯ ಆನೀ ಘಟಿ ಹಾಜೆ ಮಧೆ° ಫರಕ ಕರಚಾಕ ಶಿಖೂಕಾ. ಘಟಿ ಮ್ಹಣು ದಿಸಲ್ಯಾರಿ ವಿರೋಧ ಕರಕಾ ಅಶೆಂ ಖೂಬ ಸಾಂಗಲೆ° ತಾಣೆ.

ವ್ಹಾರ್ಡಿಕ ಜಾತರಿ ಸಂಸಾರ ಶುರು ಜಾತಾ ಮ್ಹಳೆಲೆ ದೋಸ್ತಾಲೆ ಪ್ರಮಾಣೆ ಏಕ ಚೆಲಿನ ಏಕ ಚೆಲೆಕ ವ್ಹಾರ್ಡಿಕ ಕರನು ಘೆವನು ತಿಗೆಲೊ ಏದೊಳಚೊ ಸಂಸಾರ ಸೋಡುನ ನವೀನ ಸಂಸಾರಾಂತು° ಮೆಳಚೆ° ಜಾತಾ. ದೋನ ಘರಾಂತು° ರೀತಿ ರಿವಾಜ ವ್ಹಿಂಗಡ ಆಸಚೆ° ಸಾಧ್ಯತಾ ಚಡ ಆಸಾ. ತಿಗೆಲೊ ಆಶಿಲೊ ಸಂಸಾರ ಸೋಡೂನ ತೀಣೆ ನವೀನ ಸಂಸಾರ ಯೆತನಾ ತೀಕಾ ನವೀನ ಸಂಸಾರಾAತು ಆಧಾರ ಜಾವನು ಆಸಚೊ ತಿಗೆಲೊ ಬ್ಹಾಮುಣು. ತ್ಯಾ ನಿಮೀತ ಬ್ಹಾಮಣಾಲಿ ಜವಬ್ದಾರಿ ಚಡ ಮ್ಹಣು ತಾಗೆಲೊ ಅಭಿಪ್ರಾಯ.
“ತೆ° ಸಗಟ ಫುಡೆ ಕಾಳಂತು° ಜಾಲೆ° ಆಜೀ ಕಾಳ ಬದಲ ಜಾಲಾ. ಆಯಿಚೊ ಚೆಲಿಯೊ ಖಾಂಯ ಊಣೆ ನಾಂತಿ. ತಾಂನಿ ಸುತಾ ಬರೆಂ ಜೋಡತಾತಿ. ತಾಂಕಾ° ಕಸಲೊ ನಮೂನ್ಯಾಚೊ ಬ್ಹಾಮುಣು ಜಾವಕಾ ಮ್ಹಣು ತಾಂನಿ° ಸೋದಿತಾತಿ. ಬ್ಹಾಮುಣು ‘ಕಂಪಾಟಿಬಲ್’ ನಾ ಜಾಲ್ಯಾರ ಸೋಡುನ ವಚಾಕಯೀ ತಯಾರ ಆಸಾತಿ” ಮ್ಹಣು ಏಕ ದೋಸ್ತಾನ ಚಿಕೆ ದುಃಖಾನ ಸಾಂಗಲೆ°. ತಾಕಾ ಹ್ಯಾ ವಿಷಂಯಾರಿ ಸ್ವಂತ ಅನುಭವ ಆಸಾಶೆಂ ಆಮಕಾ ಭೊಗಲೆ°.

ಚೆಲೊ ಜಾವೊ ಚೆಲಿ ಆಯಿಚೆ ಪರಿಸ್ಥಿತಿರಿ ದೋಗನಾಯಿ ವ್ಹಾರ್ಡಿಕ ಮ್ಹಳ್ಯಾರ ಕಸಲೆಂ ಮ್ಹಣು ಸಮ ಜಾವನು ಅರ್ಥ ಕರನು ಘೆವಚೆ° ಗರಜ ಆಸಾ. ಏದೊಳೂಚಿ ಅರ್ಥ ಕರನು ಗೆತಲ್ಯಾ ಮ್ಹಣಕೆ ಏಕ ಚೆಲೊ ಆನೀ ಏಕ ಚೆಲಿ ದೋನ ವ್ಹಿಂಗವ್ಹಿಂಗಡ ರೀತಿ ರಿವಾಜ ಆಸಚೆ ಘಾರಾ° ದಾಕೂನ ಯೆವನು ತಾಂಗೆಲೊ ಸಂಸಾರ ಬಾಂದಿತಾತಿ. ಆಸಲೇ ಸಂದಂರ್ಭಾರಿ ಗರಜೆಚೆಂ ಜಾವನು ಥೊಡೆ ವಿಚಾರ ಮನಾಂತು° ದವರಕಾ ಜಾತಾ. ಹಾಕಾ ಏದೊಳು ಸಂಸಾರ ಪಳಯಿಲ್ಯಾನಿ ಥೊಡೆ° ಸೂತ್ರ° ತಯಾರ ಕರನು ಹ್ಯಾ ತರನಾಟ್ಯಾಲೆ ಮುಖಾರ ದವರಕಾ. ವ್ಹಾರ್ಡಿಕೆಚೆ ಪಯಲೆ° ತಾಂಕಾ° ಕೌನ್ಸೆಲಿಂಗ್ ಕರಚೆಂ°ಚೂಕಿ ಜಾಯನಾ. ವ್ಹಾರ್ಡಿಕ ಮ್ಹಳ್ಯಾರಿ ಕಸಲೆ° ? ವ್ಹಾರ್ಡಿಕ ಜಾತರಿ ಕಸಲೆ ನಮೂನ್ಯಾಚೆ ಸವಾಲ° ಯೆತಾತಿ (FAQ). ತ್ಯಾ ಸವಾಲಂಕ ಜವಾಬ ಸೋದೂಚೆ° ಕಶಿ° ? ಅಶೆ° ಖೂಬ ವಿಶಯಾರಿ ಮಾರ್ಗದರ್ಶನ ದಿವಚೆಂ ಯಾ ಮೆಳಚೆ° ಜಾವಕಾ.

“ಹ್ಯಾ ಜಗಾರ ಸಗಟ ಸಂಸಾರ ಸುಖಿ: ಆಸಾತವೆ ? ಹ್ಯಾ ಸವಾಲಾಕ ಜವಾಬ ಸೋದಿಲ್ಯಾರಿ ೧೦% ಲೋಕ ನಾ ಮ್ಹಣತಾತಿ ಆನೀ ೯೦% ಲೋಕ ಸುಖಿ: ಆಸಾತಿ ಮ್ಹಣು ಘಟಿ ಮಾರತಾತಿ” ಮ್ಹಳೆಲೆ° ಏಕ ಕುಶಾಲೆಚೆ° ಉತ್ತರ ಆಸಾ. ಉತ್ತರ ಕುಶಾಲೆಚೆಂ ಜಾವನು ದಿಸತಾ. ಜಾಲ್ಯಾರ ಹೆ° ಸತ್ಯ ಮ್ಹಣು ಸಗಟಾಂಕ ಭೊಗತಾ. ಏಕಚ ಘರಾಕಡೆನ ಹೋಡ ಜಾಲೆಲೆ ಲೋಕಾ ಮಧೆಂ ಕೇದನಾ ಮತಭೇದ ಆಸತಾಕೀ, ದೋನ ವ್ಹಿಂಗವ್ಹಿಂಗಡ ಘರಾಕಡೆನ ದಾಕೂನ ಯೆವನು ವ್ಹಾರ್ಡಿಕ ಜಾವಚೆ ಚೆಲೊ ಆನೀ ಚೆಲಿಯೆನ ವಿಚಾರ ಭೇದ ದವರನು ಘೆವಚಾಂತುA ಖಾಂಯ ಆಶ್ಚರ್ಯ ನಾ. ಬ್ಹಾಂವಡಾಲೆ ಮಧೆ°, ಬಾಪೂಸ ಪೂತಾಲೆ ಮಧೆ° ವಿಚಾರ ಭೇದ ಯೆತಾನ ಆವಸೂಕಿ ಯಾ ಬ್ಹಯಣಿಕೀ ಕಶಿ° ಮದ್ಯಸ್ಥಿಕ ಕರಚೆ° ಪ್ರಯತ್ನ ಕರತಾ ? ಪಳಯಲಾಂವೆ° ? ‘ತಾಕಾ ಭಾಸನಾ, ಪ್ರಾಯ, ತುಮೀ ಚಿಕೇ ಸಮಾಧಾನ ಘೆಯೊ !’, ‘ತುಂವ° ಕಸಲೆಂರೆ ? ಆನಾಲಾಗಿ ಚರ್ಚಾ ಕರತಾ ? ಆನಾಕ ಪ್ರಾಯ ಜಾಯನಿವೆ ? ಸುಧಾರಸೂನ ವಚ’ ಅಸಲಿ° ಉತ್ರ° ಆಯಕೂಂಕ ಮೆಳತಾತಿ.

ತಶಿಂಚಿ ಬ್ಹಾಮುಣ ಬಾಯಿಲೆ ಮಧೆ° ವಿಚಾರ ಭೇದ ಆಸತಾನಾ ಅಸಲೆ° ಉತ್ರ° ಉಡಗಾಸಾಕ ಯೆವಚೆ° ಗರಜ ಆಸಾ. ವ್ಹಾರ್ಡಿಕ ಮ್ಹಳ್ಯಾರಿ ‘ಎಡ್ಜಸ್ಟಮೆಂಟ್’ ಮ್ಹಣತಾ ಏಕ ಬುದ್ವಂತು ದೋಸ್ತು. “ಆಮಗೆಲೆ ಘರಕಡೆ ಸಾನ ಸಾನ ವಿಶಯಾರಿ ಸಗಟ ನಿರ್ಣಯ ಘೆವಚೆ ಮೆಗೆಲೆ ಬಾಯಿಲೆನ. ಖಂಚೆ ನಮೂನ್ಯಾಚೆ ಘರ ಘೆವಕಾ, ಹ್ಯಾ ಪಾವಟಿ ಭೊಂವಚಾಕ ಖಂಯ ವಚೆ° ? ತೇರಾ ವೇಳಾರಿ ಖಂಚೆ° ವಸ್ತç ಘೆವಕಾ ?, ಚೆರಡುವಾಂನಿ ಕಸಲೆ° ಶಿಖೂಕ ಅಸಲೆ° ಸಾನ ಸಾನ ನಿರ್ಣಯ ತೀ ಘೆತಾ.

ಹೋಡ ಹೋಡ ನಿರ್ಣಯ ಹಾಂವ° ಘೆತಾ° ಮ್ಹಣತಾ ತೊ. “೨೦೧೯ತು° ಪ್ರಧಾನ ಮಂತ್ರಿ ಕೋಣ ಜಾತಾ ?, ಮೋದಿ ಕೀ ರಾಹುಲ್, ಟ್ರಂಪಾಲೆ ವಣತೀಕ ದುಡು ದಿವಕಾಕೀ ನಾಕಾ, ದೀಪಿಕಾಲೆ ವ್ಹಾರ್ಡಿಕೆಕ ಕೋಣಾಕ ಸಾಂಗೂಕಾ ? ಅಸಲೆ ಹೋಡ ಹೋಡ ವಿಷಯಾರಿ ಹಾಂವೆAಚೀ ನಿರ್ಣಯ ಘೆವಚೆ° ಮ್ಹಣು ತೊ ಮ್ಹಣತಾ.

ತಾಗೆಲೆ ಪ್ರಮಾಣೆ ಬಾಯಲೆಲಾಗಿ ಚರ್ಚಾ ಕರಚಾಕ ನಜ. ‘ಸೋರೀ’ (ಆಂಗ್ಲ ಶಬ್ದು) ಮ್ಹಳ್ಯಾರಿ ಮಾಫ ಕರಿ ಆನೀ ‘ಸರಿ’ (ಕನ್ನಡ ಶಬ್ದು) ಮ್ಹಳ್ಯಾರಿ ವಯೀ ಹ್ಯಾ ದೋನ ಶಬ್ದ ಜೀವನಾಂತು° ಸುಖಿ: ಆಸಚಾಕ ಗರಜೆಚೆ° ಜಾವನು ಆಸಾ ಮ್ಹಣತಾ ತೊ.

ಬಾಯಲ ಆಣೀ ಬ್ಹಾಮುಣ ಮ್ಹಣ ನ್ಹಹಿ° ಸಗಟಾನ ಎಕಲೇನ ಆನೀ ಏಕಲೇಕ ಅರ್ಥು ಕರನು ಘೆವಚೆ° ಪ್ರಯತ್ನ ಕೆಲ್ಯಾರಿ ಜೀವನ ಸುಖಿ: ಜಾತಾ. ಏಕಚ ವೇಳಾರ ಅರ್ಥ ಕರಚಾಕ ಜಾಯನಾತಲ್ಯಾರಿ ಅನರ್ಥ ಅಂತೂ° ಕರಚಾಕ ನಜ !

• Prev
• Next