ಸೂರ್ಯಾತಾಪ(ಹೈಪರ್ ಥರ್ಮಿಯಾ) ಅಥವಾ ವತ್ತಾಚೆ ಹೂನಸಾಣಿ ಹ್ಯಾ ವರಸ ಚಡ ಜಾಲ್ಯಾ. ದೀಸ್ ಗೆಲ್ಲಿಲೆ ತಶೆಂ ಮೇ ಮಹಿನ್ಯಾಚೆ ತಾಪಮಾನ ಚಡತಚ ಆಸ್ಸಾ. ಕರಾವಳಿ ಭಾಗಾಚೆ ಉತ್ತರಕನ್ನಡ, ಉಡುಪಿ ಆನಿ ದಕ್ಷಿಣಕನ್ನಡಾಂತು ಸಾಮಾನ್ಯ 28-30 ಡಿಗ್ರಿ ಉರಚೆ ತಾಪಮಾನ ಆರತಾಂ 33-38 ಡಿಗ್ರಿ ಪರ್ಯಂತ ಪಾವಲ್ಯಾ. ಉತ್ತರ ಕರ್ನಾಟಕಾಂತು ಹೇಂ ಪ್ರಮಾಣ 40-44 ಡಿಗ್ರಿ ಪರ್ಯಂತ ಆಸಾ. ತ್ಯಾ ನಿಮಿತ್ಯಾನ ಉಷ್ಣಾಘಾತಾಕ ತೀನ ಜಣ ಮರಣ ಪಾವಲ್ಯಾಂತಿ.
ವಾತಾವರಣಾಂತು ಹೂನಸಾಣಿ ಚಡಿಲೆ ತಶಿಚ ಆರೋಗ್ಯ ಸಂಬoಧಿತ ಸಮಸ್ಯಾಯಿ ಚಡತ ಆಸಾ. ಸರ‍್ಯಾಘಾತಾನ ಜಳಚೆ(ಉರಿ), ಮಾನಸಿಕ ಆಘಾತ, ನಿದ್ರಾಹೀನತಾ, ಆಂಗಾಕ ಕುಚಕುಚ, ತಕಲೆ ಘುಂವಚೆ, ನಾಡಿ ಚಡೂಣೆ ಮಾರನು ಘೆವಚೆ, ಮಾತ್ತೆದೂಕ, ಚಾಮಾಚೆರ ದದ್ದು ಯವಚೆ, ಚಾಮ ಕಾಳೆ ಜಾವಚೆ ಅಸಲೆ ಖೂಬ ದೋಶ ದಿಸ್ಸೂನು ಯೆತ್ತಾ. ಪನ್ನಾಸ ವರಸಾ ವಯಲೆ ಮಾಲಘಡೆ ಜಣಾಂನಿ ಭಾಯ್ರಿ ಚಡ ಭೋಂವನಾಶಿ ಘರಾಂತೂಚ ಉರಚೆ ಬರೆ ಮೋಣು ವೈದ್ಯ ಸಾಂಗತಾತಿ.

ಹೇ° ಕಠಿಣ ಪರಿಸ್ಥಿತಿಂತು ಆರೋಗ್ಯ ರಾಕೂನು ಘೆವಚೆ ಮ್ಹತ್ವಾಚೆ ಆನಿ ಗರಜೆಚೆ ಜಾವ್ನಾಸಾ.
ಹೀಟ್ ಸ್ಟ್ರೋಕ್  ಯಾ ಹೀಟ್ ವೇವ್ ಥಾವ್ನ ರಕ್ಷಣೆಕ ಆಮ್ಮಿ ಅಶ್ಯಿ ಕರ್ಯೇತ.
• ಚಡ್ತೆ ಉದ್ದಾಕ ಪಿವಚೆ. (ದಿವ್ಸಾಕ ಪಾಂಚ ಲೀಟರ್)
• ದ್ರವಾಹಾರಾಚೆ ಸೇವನಾ ಚಡ ಕರಚೆ.
• ದಿವಸಾಚೆ ವತ್ತಾಂತು ಭೋಂವ್ಡಿ ಊಣೆ ಕರಚೆ.
• ಹೂಮ ಯವ್ನು ಆಂಗಾಕ ಮಿಡಸಾಣಿ ಯೆತ್ತಾ. ತಾತ್ತಾವಳಿ ಹಾತ, ಪಾಯು, ತೋಂಡ, ದೋಳೆ ತಂಪು ಉದಕಾನ ಧೂಯಕಾ.
• ಸನ್ ಸ್ಕ್ರೀನ್  ಕ್ರೀಂ/ ಲೋಶನ್ ವಾರ‍್ಯೇತ.
• ಘರಾ ಭಾಯ್ರಿ ವತ್ತಾನಾ ಟೋಪಿ, ಛತ್ರಿ ವಾಪರಚೆ.
• ದೋಳೆಚೆ ರಕ್ಷಣೆಕ ಸನ್ ಗ್ಲಾಸ್ ಕನ್ನಡಕ ಘಾಲಚೆ.
• ಧಗ್ಗಿ ಪೂಳಿಚೆ ತ್ರಾಸ ಆಸಲೆರಿ ಶ್ರೀಗಂಧಾ(ಚoದನ)ಚೆ ಉದ್ದಾಕ ಲಾವೊಚೆ.
• ದೂದ, ತಾಕ, ಲೋಣಿ, ಆವಾಳೆ, ಸುಕ್ಕಿಲೆ ದ್ರಾಕ್ಷ, ಖರ್ಜೂರ, ಸಪೋಟ, ಕಾಳಿಂಗಣ, ಸೀತಾಫಲ, ಕರಬೂಜ, ಚಿಬ್ಬಡ ತಸಲೆ ಪದಾರ್ಥ ಚಡ ಖಾವಚೆ.
• ಮಾತ್ತಿಚೆ ಮಡಕೆಂತು ದವರಿಲೆ ಉದ್ದಾಕ ಪಿವಚೆ ಬರೆ.
• ಕಾಪೂಸಾಚೆ ಪಾತಳಶೆ ಧವೆ ಕಪಡೆ ಘಾಲಚೆ.
• ಆಯುರ್ವೇದಾಂತು ಸಾಂಗಿಲೆ ಋತುಚರ್ಯ(ಸಮ ವೇಳೆಕ ಆಹಾರ ಖಾವಚೆ ಆನಿ ದಿನಚರಿ) ಪಾಲನ ಕರಚೆ ನಿಮಿತ್ಯಾನ ಉಷ್ಣಾಂಶಾಚೆ ತ್ರಾಸ ಯೇನಾಶಿಲೆ ತಶೆ° ಆರೋಗ್ಯಾಚೆ ರಾಕ್ವಣ ಕರಚೆ ಆಮಗೆಲೆ ಹಾತಾಂತುಚ ಆಸಾ.

ಮಂಗಳೂರು: ಹಾಂಗಾಚೆ ಪುರಭವನಾಂತು ಚಲೆಲೆ ಜನತಾದರ್ಶನ ಕಾರ್ಯಕ್ರಮಾಂತು ಸಾಮಾಜಿಕ ಕಾರ್ಯಕರ್ತ ಡಾ. ಅರವಿಂದ ಶ್ಯಾನಭಾಗ ಹಾಂನಿ° ಜಿಲ್ಲಾ ಉಸ್ತುವಾರಿ ಮಂತ್ರಿ ದಿನೇಶ ಗುಂಡುರಾವ್ ಹಾಂಕಾ° ಭೇಟೂನು ಮಂಗಳೂರಚೆ ರಸ್ತೆ ಅವ್ಯವಸ್ಥೆಚೆ ವಿಷಯಾರ ಗಂಭೀರ ಚರ್ಚಾ ಕೆಲಿ. ಜನಾಂಗೆಲೆ ಮರಣಾಕ ಕಾರಣ ಜಾವನು ಆಸಚೆ ರಸ್ತೆ ದುರಸ್ತಿ ಕರಚೆ ತಶೆ° ಮನವಿ ಕೆಲಿ. ಮಂತ್ರಿನ ಸಕಾರಾತ್ಮಕ ರೀತಿರ ಸ್ಪಂದನ ದಿವನು ಅರ್ಜಿ ಮಂಗಳೂರು ಮಹಾನಗರ ಪಾಲಿಕಾಚೆ ಆಯುಕ್ತಾಕ ವರ್ಗ ಕರನು ರಸ್ತೆ ದುರಸ್ತಿಕ ಕ್ರಮ ಘೆವಚೆ ತಶೆ° ಸೂಚೊವಣಿ ದಿಲಿ. ವಿಧಾನ ಪರಿಷತ ಶಾಸಕ ಹರೀಶ್ ಕುಮಾರ್, ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್, ಜಿಲ್ಲಾ ಪಂಚಾಯತ್ ಮುಖೇಲ ಕಾರ್ಯ ನಿರ್ವಹಣಾಧಿಕಾರಿ ಡಾ. ಆನಂದ್, ಶಹರ ಪೊಲೀಸ್ ಆಯುಕ್ತ ಅನುಪಮ್ ಅರ್ಗವಾಲ್, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ರಿಷ್ಯಂತ್ ಸಿ.ಬಿ. ಆನಿ ಹೇರ ಉಪಸ್ಥಿತ ಆಶಿಲೆ.