ಭಟ್ಕಳ: ಶ್ರೀ ಸಂಸ್ಥಾನ ಕಾಶೀಮಠಾಚೆ 20ವೆ° ಯತಿವರ್ಯ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಜನ್ಮ ಶತಾಬ್ದಿ ಆರಾಧನಾ ಮಹೋತ್ಸವಾಕ ಲಾಗೂನ ಜುಲೈ 15(ಆಷಾಢ ಮಾಸಾಚೆ - ಸ್ವಾತಿ ನಕ್ಷತ್ರ) ದೀವಸು ಭಟ್ಕಳಚೆ ಸ್ನೇಹಾ ವಿಶೇಷ ಚೆರಡುವಾಂಲೆ ಶಾಳೆಕ ಭಟ್ಕಳಚೆ ಶ್ರೀ ಕಾಶೀಮಠ ವ್ಯವಸ್ಥಾಪಕ ಸಮಿತಿಚೆ ಸಾಂದ್ಯಾನಿ ಭೇಟಿ ದೀವನು ದಿವ್ಯಾಂಗ್ ವಿದ್ಯಾರ್ಥಿಯಾಲೆ ಸಾಂಗತ ದೋನಪಾರಾಛೆ ಜೇವಣ ಕೆಲೆ°. ಸಮಿತಿಚೆ ಡಾ. ವಿಶ್ವನಾಥ ನಾಯಕ, ಬಿ. ಕೆ. ಪೈ, ಶ್ರೀಧರ ಶಾನಭಾಗ, ವೆಂಕಟೇಶ್ ನಾಯಕ, ಸುನೀಲ ಕಾಮತ್, ಭಟ್ಕಳ ಎಜ್ಯುಕೇಶನ ಟ್ರಸ್ಟ್ ಹಾಜೆ ಶ್ರೀ ಗುರು ಸುಧೀಂದ್ರ ಕಾಲೇಜಾಚೆ ಉಪನ್ಯಾಸಕ ವೃಂದಾಚೆ ಲೋಕ ಉಪಸ್ಥಿತ ಆಶಿಲೆ. ಶ್ರೀ ಕಾಶೀಮಠ ಸಮಿತಿಚೆ ಅಧ್ಯಕ್ಷ ಸುರೇಂದ್ರ ಆನಂದ ಕಾಮತ ಹಾಂನಿ° ಕಾರ್ಯಕ್ರಮ ಆಯೋಜನ ಕರಚಾಕ ಸಹಕಾರ ದಿಲೊ. ಉಪರಾಂತ ಗೊಡ್ಶೆ° ವಾಂಟೂಚೆ° ಜಾಲೆ°.

To Support Kodial Khaber click the following button.

ಶ್ರೀ ಕೃಷ್ಣಾ ಮಿಲ್ಕ್ಸ್ ಪ್ರ್ಯೆ ಲಿ. ಹಾಜೊ ಸ್ಥಾಪಕ ನಿರ್ದೇಶಕ ಹನುಮಂತ(ಪುತ್ತು) ಪೈ (68 ವರಸ) ಹಾಂನಿº ಕಾಲಿ ಅಷ್ಟಮಿ ದೀವಸು ಪೂಜಾ ಸಂಪನ್ನ ಕರನು ದೇವಾದಿನ ಜಾಲೆ. ಗೌಡ ಸಾರಸ್ವತ ಸಮಾಜಾಚೆ ತೀನ ಮಠಾಚೆ ಸ್ವಾಮೆಂಕ ಲಾಗಿಚೆ ಜಾವನು ಆಶಿಲೆ ಹಾಂನಿº ಕವಳೆ ಆನೀ ಗೋಕರ್ಣ ಮಠಾಚೆ ಸ್ವಾಮ್ಯಾ ಮಧೆº ಸಾಂಕೋವ ಜಾವನು ಆಶಿಲೆ. ಗೋಕರ್ಣ ಮಠಾಧೀಶ ಶ್ರೀಮದ್ ವಿದ್ಯಾಧೀರಾಜ್ ತೀರ್ಥ ಹಾಂಗೆಲೆ ಸಾಂಗತ ಸಾಬಾರ ತೀರ್ಥಯಾತ್ರಾ ಕೆಲೆಲೆ ಹಾಂನಿº ಖೂಬ ದೇವಳಾಂಚೆ ಜೀರ್ಣೋದ್ಧಾರಾಂತ ಸೇವಾ ದಿಲೆಲಿ ಆಸಾ. ಹಾಂಗೆಲೆº ಉದ್ಯಮಶೀಲತಾ ಆನೀ ಕ್ರೀಯಾಶೀಲತಾ ತರನಾಟೆಂಕ ಆದರ್ಶಪ್ರಾಯ ಆಶಿಲೆ.

ಶ್ರೀ ಪುತ್ತು ಪೈ (ಹನುಮಂತ ಎಂ ಪೈ) ಹಾಂಗೆಲೆ ಅಂತಿಮ ದರ್ಶನಾಕ ಭಟ್ಕಳ ರಘುನಾಥ ರೊಡಾಚೆ ತಾಂಗೆಲೇ ಸ್ವ ಗೃಹಾಂತು ಅಜಿ ಧನಪಾರಾ 12.30 ದುಕುನು ಅವಕಾಶ ಉರ್ತಾ  ಮಾಸ್ಕ ಧಾರಣಾ ಅನೀ ಅಂತರ ಪಾಲನಾ ಕೋರ್ನು ಸಮಾಜ ಭಾಂದವಾನಿ ಸಹಕಾರ ದೀವ್ಕಾ ಮ್ಹಣು ಧಾ ಲೋಕಾಲೆ ತರಪೇನ ಮಾಗಣಿ ಆಸಾ.

ವಿ ಸೂ: ಭಟ್ಕಳ ಪೆಂಟೆ ಆಂಗಡಿಕಾರಾನಿ ಗೌರವ ಸೂಚಕ ಜಾವ್ನು ಅಜಿ ಧನಪಾರಾ 12.30 ನಂತರ ಆಂಗಡಿ ಬಂಧ ಕೋರ್ಕಾ ಮೋಣು ವಿನಂತಿ