Displaying items by tag: GSB Mahila Vrinda
"ಸಿದ್ಧಿ ಮಾತಾಲೆ ಚಮತ್ಕಾರ" ಮ್ಹಳೆಲೆ° ಹಾಸ್ಯಮಯ ನಾಟ್ಕುಳೆ° ಪ್ರದರ್ಶನ
ಮಂಗಳೂರ: ಜಿ.ಎಸ್.ಬಿ ಮಹಿಳಾವೃಂದ (ರಿ) ಮಂಗಳೂರ ಹಾಂಗೆಲೊ ತೀಸಾ ವರಸಾಚೊ ಕೊಂಕಣಿ ದಿವಸ ಆಚರಣ ಜನವರಿ 21, 2024ಕ ಗೋಕರ್ಣ ಮಠಾಚೆ ದ್ವಾರಕನಾಥ ಸಭಾಗೃಹಾಂತ ಸಿ.ಎ.ನಂದಗೋಪಾಲ ಶೆಣೈ (ಅಧ್ಯಕ್ಷ, ವಿಶ್ವಕೊಂಕಣಿ ಕೇಂದ್ರ,ಶಕ್ತಿನಗರ) ಹಾಂಗೆಲೆ ಅಧ್ಯಕ್ಷತೆರಿ ಸಂಪನ್ನ ಜಾಲ್ಲೊ. ಸಮಾಜ ಸೇವೆ ಖಾತಿರಿ ತೋನ್ಸೆ ಗಜಾನನ ಪೈ(ನಿವೃತ್ತ ಕುದುರೆಮುಖ ಸಂಸ್ಥ್ಯಾಚೊ ಇಂಜಿನಿಯರ್), ಕೊಂಕಣಿ ಸಾಹಿತ್ಯ ಖಾತಿರಿ ಗೌರಿ ಆರ್.ಮಲ್ಯ ಆನಿ ದಿ. ಸುಧಾ ಆರ್ ಶೆಣೈ ಸ್ಮರಣಾರ್ಥ ಕೆ. ತಾರಾ ಶೆಣೈ ಹಾಂಕಾ ಸನ್ಮಾನ ಕೆಲೊ. ಸನ್ಮಾನಿತ ಗೌರಿ ಆರ್.ಮಲ್ಯ ಹಾನ್ನಿ ತಾನ್ನಿ ಕೊಂಕಣೀಕ ಭಾಷಾಂತರ ಕೆಲ್ಲೆಲೆ ತಮಿಳ ತಿರುಕ್ಕುರಳ್ ಕೃತಿಚೊ ಸಾರ ಸಾಂಗಲೆ ಆನಿ ಶಿಕ್ವಣೆಕ ಪ್ರಾಯೆಚೊ ಅಡಕಳ ನಾ ಮ್ಹೋಣ ಸಾಂಗಲೆಂ. ತೋನ್ಸೆ ಗಜಾನನ ಪೈ ಹಾನ್ನಿ ಪರಂಪರಾಗತ ಜಾವನು ಆಯಿಲೆ ಆಮಗೆಲೆ ಧರ್ಮ, ಸಂಸ್ಕೃತಿ ಉರೊವನ, ವಾಡೊವನ ಹಾಡಚೆ ಆಮಗೆಲೆ ಸಮಾಜಾಚೆ ಕರ್ತವ್ಯ ಮ್ಹೋಣು ಸಾಂಗಲೆಂ. ಅಧ್ಯಕ್ಷೀಯ ಉತ್ರಾಂತು ಸಿ.ಎ.ನಂದಗೋಪಾಲ ಶೆಣೈ ಹಾನ್ನಿ ಆಮಿ ಆಮಗೆಲೆ ಆವಯಭಾಸೆ ವಯರಿ ಅಭಿಮಾನು ದವರಕಾ, ಮ್ಹಾಲ್ಗಡ್ಯಾಲೆ ತ್ಯಾಗು, ಸಮಾಜಾಂತ ಎಕ್ಟಾಂಯ, ಧನಾತ್ಮಕ ಚಿಂತನ ಅವಶ್ಯ ಜಾವಕಾ ಮ್ಹೋಣು ಸಾಂಗಲೆ°. ಅಯೋಧ್ಯೆಂತು ರಾಮಲಲ್ಲಾಲೆ ಪ್ರಾಣಪ್ರತಿಷ್ಠಾ ಸಂಭ್ರಮು ಕು.ಶ್ವೇತಾ ಕಾಮತಾಲೆ ಭಜನೆ ಮುಖಾಂತರ ಸಾದರ ಜಾಲೊ. ಜಿ.ಎಸ್.ಬಿ ಮಹಿಳಾವೃಂದಾಚೆ ಅಧ್ಯಕ್ಷೆ ನಯನಾ ರಾವಾನ ಸೊಯರ್ಯಾಲೊ ಪರಿಚಯ ಸಾಂಗೂನ ಫೂಲ್ ದೀವನು ಸ್ವಾಗತ ಕೆಲ್ಲೆ°. ಕೊಂಕಣಿ ದಿವಸಾಚೆ ಪೂರ್ವಭಾವಿ ಜಾವನು ಭುರಗ್ಯಾಂಕ ಆನಿ ಸಮಾಜ ಬಾಂಧವಾಂಕ ಕೊಂಕಣಿ ಬಾಳಗೀತ, ಭಾವಗೀತ, ಕಾಣಿಯೊ, ಭಕ್ತಿಗೀತ ಸಾಂಗಚೊ ಸ್ಪರ್ಧೊ ಚಲಯಿಲೊ. ತಾಂತುಲೆ ವಿಜೆತಾಂಕ ಇನಾಮ ವಾಂಟೀಲೆ°. ಸಾಂಸ್ಕೃತಿಕ ಕಾರ್ಯಕ್ರಮಾಂತು ಕು. ಅಪೂರ್ವಾ ಕಾಮತ್ ಆನಿ ಕು. ಧನುಶ್ರೀ, ಕು. ಪೂರ್ವಿ ಆನಿ ಕು. ಸ್ತುತಿ ಪ್ರಭು, ಸಂಧ್ಯಾ ಪೈ ಹಾಂನಿ ನೃತ್ಯ ಪ್ರಸ್ತುತ ಕೆಲ್ಲೆ°. ಉಪ್ರಾಂತ ಮಹಿಳಾ ವೃಂದ ಸದಸ್ಯಾನಿ ಸಿದ್ಧಿ ಮಾತಾಲೆ ಚಮತ್ಕಾರ ಮ್ಹಳೆಲೆ° ಹಾಸ್ಯಮಯ ನಾಟ್ಕುಳೆ° ಪ್ರಸ್ತುತ ಕೆಲ್ಲೆ°. ಪಾತ್ರವರ್ಗಾಂತ ಮರೋಳಿ ಸಬಿತಾ ಕಾಮತ್, ಗೀತಾ ಸಿ. ಕಿಣಿ, ವಿಮಲಾ ಕಾಮತ್, ಅಮ್ಮೆಂಬಳ ಗೀತಾ ಕಾಮತ್, ಸುನಿತಾ ಕಾಮತ್, ಶ್ರೀಮತಿ ಎನ್. ಮೀನಾಕ್ಷಿ ಪೈ, ಶ್ರೀಮತಿ ನಾಳ್ ಪ್ರಭಾ ಪೈ ಆಶಿಲೆಂತಿ. ಮಮತಾ ಕಾಮತ್, ಲತಾ ಪ್ರಭು ಆನಿ ಪ್ರತಿಮಾ ಪ್ರಭುನ ದಿ. ಬಿ.ವಿ. ಬಾಳಿಗಾ ವಿರಚಿತ ಗೀತ ಗೋಡಿ ಗೋಡಿ ಹೋಡಿ ಭಾಸ ಕೊಂಕಣಿ ಪದ ಪ್ರಾರ್ಥನ ಸಾಂಗಲೆ°. ವಿಜಯಲಕ್ಷ್ಮಿ ಕಾಮತಾನ ಆಭಾರ ಮಾನಲೊ. ಚಂದ್ರಿಕಾ ಮಲ್ಯಾನ ಸೂತ್ರ ಸಂಚಾಲನ ಕೆಲೆಂ. ಇತರ ಸದಸ್ಯಾನಿ ಸಹಕಾರ ದಿಲೊ.
To Support Kodial Khaber click the following button.
ಜ. 21, ಮಹಿಳಾ ವೃಂದಾಚೊ ಕೊಂಕಣಿ ದೀವಸ
ಮಂಗಳೂರು: ಹಾಂಗಾಚೆ ಜಿ.ಎಸ್.ಬಿ. ಮಹಿಳಾ ವೃಂದಾಚೆ ತರಪೇನ ಜ. 21ಕ ರಥಬೀದಿಚೆ ಶ್ರೀ ಗೋಕರ್ಣ ಮಠಾಚೆ ದ್ವಾರಕನಾಥ ಸಭಾ ಭವನಾಂತು° "ಕೊಂಕಣಿ ದೀವಸ" ಆಚರಣ ಜಾವಚೊ ಆಸಾ. ವಿಶ್ವ ಕೊಂಕಣಿ ಕೇಂದ್ರಾಚೊ ಅಧ್ಯಕ್ಷ ನಂದಗೋಪಾಲ ಶೆಣೈ ಹಾಂಗೆಲೆ ಅಧ್ಯಕ್ಷತೆರಿ ಚಲಚೆ ಹ್ಯಾ ಕಾರ್ಯಕ್ರಮಾಂತು° ಕೊಂಕಣಿ ಸಮಾಜ ಸೇವಕ ಗಜಾನನ ಪೈ ತೋನ್ಸೆ ಹಾಂಕಾ° ಸೇವಾ ಕಾರ್ಯಕರ್ತ, ಕೊಂಕಣಿ ಸಾಹಿತ್ಯಾ ಖಾತಿರ ಲೇಖಕಿ ಗೌರಿ ಮಲ್ಯ ಹಾಂಕಾ° ಆನಿ ತಾರಾ ಶೆಣೈ ಹಾಂಕಾ° ಸುಧಾ ಶೆಣೈ ಸ್ಮರಣಾರ್ಥ ಪ್ರಶಸ್ತಿ ದೀವನು ಸನ್ಮಾನ ಚಲಚೊ ಆಸಾ. ಕೊಂಕಣಿ ದೀವಸಾ ಬದಲ ಆಯೋಜನ ಜಾಲೆಲೆ ಸ್ಪರ್ಧೆಂಚೆ ಇನಾ° ವಾಂಟಚೆ° ಆನಿ ಮಹಿಳಾ ವೃಂದಾಚೆ ಸಾಂದ್ಯಾಲೆ° ಸಾಂಸ್ಕೃತೀಕ ಪ್ರದರ್ಶನಯೀ ಜಾವಚೆ° ಆಸಾ ಮ್ಹಣು ಅಧ್ಯಕ್ಷಾ ನಯನಾ ರಾವ್ ಹಾಂನಿ° ಕೊಡಿಯಾಲ ಖಬರೆಕ ಕಳಯಲಾ°.
ಚೇತನ ಶಾಳೇಂತ ದೀಪಾವಳಿ ಆಚರಣ
ಜಿ. ಎಸ್. ಬಿ ಮಹಿಳಾವೃಂದ (ರಿ) ಮಂಗಳೂರ ಹಾಂಗೆಲೆ ವತಿನ ಮಂಗಳೂರಾಚೆ ವಿ.ಟಿ ರಸ್ತ್ಯಾರ ಆಸೂಚೆ ಚೇತನ ವಿಶೇಷ ಶಾಳೇಂತ ದೀಪಾವಳಿ ಆಚರಣ ನವೆಂಬರ ೧೫ ತಾರೀಕೆಕ ಆಚರಣ ಕೆಲೆ°. ಶ್ರೀಮತಿ ಸತ್ಯವತಿ ವಿಶ್ವನಾಥ ಕಾಮತ್ ಹಾಂನಿ ಪ್ರಾಯೋಜಿತ ಕೆಲೆಲೊ ಹೊ ಕಾರ್ಯಕ್ರಮ ಅಧ್ಯಕ್ಷೆ ಶ್ರೀಮತಿ ನಯನಾ ರಾವ್ ಹಾಂನಿ ದಿವೊ ಲಾವನ ಆರಂಭ ಕೆಲೊ. ಮಹಿಳಾವೃಂದಾಚೆ ಪ್ರತಿಮಾ ಪ್ರಭು, ಲತಾ ಪ್ರಭುನ ಭುರಗ್ಯಾಂಕ ಭಜನ ಶಿಕಯಲೆ°. ವಿಮಲಾ ಕಾಮತ್, ಚಂದ್ರಿಕಾ ಮಲ್ಯಾನ ಕಾಣಿಯೊ ಸಾಂಗಲೆ°. ಚೇತನ ಶಾಳೆಚ್ಯಾ ಭುರ್ಗ್ಯಾನಿ ಭಜನ ಆನಿ ಕಾಣಿಯೊ ಸಾಂಗಲೆ°. ಮಹಿಳಾವೃಂದಾಚೆ ಸಾಂದೆ ಆನಿ ಶಿಕ್ಷಕಾಂನಿ ಮೇಳನು ದಿವಲೆ ಸುತ್ತು ನೃತ್ಯಭಜನ ಸಾದರ ಕೆಲೆ°. ಶ್ರೀಮತಿ ಮರೋಳಿ ಸಬಿತಾ ಕಾಮತಾನ ಸೂತ್ರ ಸಂಚಾಲನ ಕೆಲೆ°. ಮುಖೇಲ ಶಿಕ್ಷಕಿನ ಆಭಾರ ಮಾನಲೊ. ಮಹಿಳಾವೃಂದಾಚೆ ಸರ್ವ ಕಾರ್ಯಕಾರಿ ಸಮಿತಿ ಸಾಂದೆ ಆನಿ ಇತರ ಸದಸ್ಯ ಹಾಜರ ಆಶಿಲೇಂತ. ಉಪ್ರಾಂತ ವಜನ ಲಾಸೂನ ಚೆರಡುಂವ ಆನಂದ ಪಾವಲೆಂತಿ. ಫಳಾರ ವಾಂಟೂನ ಕಾರ್ಯಕ್ರಮ ಆಖೆರ ಕೆಲೊ.
To Support Kodial Khaber click the following button.
ಜಿ.ಎಸ್.ಬಿ. ಮಹಿಳಾ ವೃಂದ - ಲಕ್ಶ್ಮೀ ಪೂಜಾ
ಮಂಗಳೂರು: ಹಾಂಗಾಚೆ ಜಿ.ಎಸ್.ಬಿ. ಮಹಿಳಾ ವೃಂದ (ರಿ.) ಹಾಂನಿ° ನ. 12ಕ ಶ್ರೀ ಗೋಕರ್ಣ ಮಠಾಂತು° ದೀಪಾವಳಿ ಪರಬೆಚೆ ವಾಂಟೊ ಜಾವನು ಶ್ರೀ ಲಕ್ಶ್ಮೀ ಪೂಜಾ ಕೆಲಿ. ವೇದಮೂರ್ತಿ ಹಾಂಗೆಲೆ ಮುಖೇಲಪಣಾರಿ ಚಲೆಲೆ ಶ್ರೀ ಲಕ್ಶ್ಮೀ ಅಷ್ಟೋತ್ತರಾಂತು° 70 ಸುವಾಸಿಯಾನಿ ವಾಂಟೊ ಘೆತಲೊ. ಅಧ್ಯಕ್ಷಾ ನಯನಾ ರಾವ್ ಹಾಂನಿ° ದೇವಾ ಮುಕಾರಿ ದಿವೊ ಲಾಯಲೊ. ಆದಲಿ ಅಧ್ಯಕ್ಷಾ ಮರೋಳಿ ಸಬಿತಾ ಕಾಂತ ಹಾಂನಿ° ಮಾರ್ಗದರ್ಶನ ದಿಲೆ°. ಉಪಾಧ್ಯಕ್ಷಾ ಲಕ್ಶ್ಮೀ ಭಂಡಾರಕಾರ, ಕಾರ್ಯದರ್ಶಿ ವಿಜಯಲಕ್ಶ್ಮೀ ಕಾಮತ್, ಕಾರ್ಯಕಾರಿ ಮಂಡಳಿಚೆ ಸಾಂದೆ ಆನಿ ಹೇರ ಸಾಂದೆ ಉಪಸ್ಥಿತ ಆಶಿಲೆ.
To Support Kodial Khaber click the following button.
ಉಕ್ಡೆ ತಾಂದ್ಲಾಚೆ ಗೊಡ್ಶೆ ಆನಿ ತಿಕ್ಷೆ ಖಾಣ ಸ್ಪರ್ಧೋ
ಮಂಗಳೂರು: ಜಿ.ಎಸ್.ಬಿ. ಮಹಿಳಾವೃಂದ (ರಿ) ಮಂಗಳೂರ ಹಾಂನಿ° ಆರತಾ° ತಾಂಗೆಲೆ ಸದಸ್ಯಾಂಕ ಉಕ್ಡೆ ತಾಂದ್ಲಾಚೆ ಗೊಡ್ಶೆ ಆನಿ ತಿಕ್ಷೆ ಖಾಣ ಸ್ಪರ್ಧೋ ಆಯೋಜನ ಕೆಲೆಲೊ. ಸೆಪ್ಟೆಂಬರ್ ಮ್ಹಯನ್ಯಾಚಿ ಹಿ ಸಭಾ ಸೆ. 25ಕ ಶ್ರೀ ಗೋಕರ್ಣ ಮಠಾಚೆ ದ್ವಾರಕನಾಥ ಸಭಾಗೃಹಾಂತು ಚಲಿ. ಪುಷ್ಪ ಪ್ರಭು ಆನಿ ನಯನಾ ಪ್ರಭು ಗೊಡ್ಶೆ ಖಾಣಾಕ ಆನಿ ಮಂಗಳಾ ಭಟ್ ಆನಿ ಲೀನಾ ಭಟ್ ತಿಕ್ಷೆ ಖಾಣಾಕ ನಿಣಾ೯ಯಕ ಜಾವಾನು ಆಯಿಲಿಂತಿ. ಮಹಿಳಾ ವೃಂದಾಚಿ ಅಧ್ಯಕ್ಷಾ ನಯನ ರಾವ್ ಹಾಂನಿ ನಿರ್ಣಾಯಕಾಲೊ ವಳಕ ಕರನು ಸ್ವಾಗತಾಚೆ ಉತ್ರ° ಸಾಂಗಲಿ°. ತಾಂಕಾ° ಯಾದಸ್ತಿಕಾ ದಿವಚೆ° ಜಾಲೆ°. ಹ್ಯಾಚ ಸಭೆಂತು° ದೋನ ಚರಡೂವಾಂಕ ವಿದ್ಯಾರ್ಥಿ ವೇತನ ದಿವಚೆ° ಜಾಲೆ°. ತಿಕ್ಷೆ ಖಾಣಾಂತು ಪಯಲೆ° ಇನಾಂ ಸವಿತಾ ಜಿ. ಕಾಮತ್ (ಪತ್ರಡೊ), ದೂಸರೆ ಇನಾಂ ಪದ್ಮಿನಿ ಕಾಮತ್(ಬಾಕ್ರಿ), ಗೊಡ್ಶೆ ಖಾಣಾಂತು ಪಯಲೆ° ಇನಾಂ ಗೌರಿ ಶೆಣೈ (ಹಲ್ವಾ), ದೂಸರೆ ಇನಾಂ ರಾಧಾ ಪ್ರಭು (ಪಾತ್ತೊಳಿ) ಹಾಂಕಾ° ಫಾವೊ ಜಾಲೆ°. ಜಯಲಕ್ಷ್ಮೀ ಶೆಣೈನ ವರದಿ ವಾಚಲಿ. ಮರೋಳಿ ಸಬಿತಾ ಕಾಮತ್ ಹಾಂನಿ° ಅನ್ಯ ಪ್ರಕಟಣ ವಾಚೂನ ಆಬಾರ ಮಾನಲೊ. ಲಕ್ಷ್ಮೀ ಭಂಡಾರಿನ ಸೂತ್ರ ಸಂಚಾಲನ ಕೆಲೆ°.
Click Support Us to support Kodial Khaber
ಕೃಷ್ಣಾಕ ಪಾಳ್ಳೆ° ಘಾಲೊ
ಮಂಗಳೂರು: ಹಾಂಗಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಮಹಿಳಾ ವೃಂದ ಮಂಗಳೂರು ಹಾಂಗೆಲೆ ತರಪೇನ ವಿ.ಟಿ.ರೋಡಾಚೆ ಶ್ರೀ ಕೃಷ್ಣ ಮಂದಿರಾοತು ಕೃಷ್ಣಾಕ ಪಾಳ್ಳೆಂ ಘಾಲಚೊ ಕಾರ್ಯಕ್ರಮ ಚಲೊ. ಸೆಪ್ಟೆಂಬರ 9 ತಾರೀಕೆಕ ಶ್ರಾವಣ ಮಾಸಾಚೆ ದಶಮಿ ತಿಥಿಕ ಸಾಂಜೆರಿ ಶ್ರೀ ಕೃಷ್ಣ ಜಯಂತಿ ಉತ್ಸವಾ ದೀವಸು ಮಹಿಳಾ ವೃಂದಾಚಿ ಅಧ್ಯಕ್ಷಾ ನಯನಾ ರಾವ್ ಆನಿ ರಾಧಿಕಾ ಭಟ ಹಾಂನಿ° ಶ್ರೀ ಕೃಷ್ಣಾಕ ಪಾಳ್ಳೆ° ಘಾಲೊ. ಮಹಿಳಾ ವೃಂದಾಚೆ ವತಿನ ಉಪಸ್ಥಿತ ಆಶಿಲೆ ಸರ್ವ ಸುಮಂಗಲಿ ಸ್ತ್ರೀಯಾಂಕ ಹಳದಿ, ಕುಂಕುಮ, ಕಾಂಕಣ ದಿವಚೆ° ಜಾಲೆ°. ದೇವಳಾಚೆ ಆಡಳಿತ ಮಂಡಳೀಚೆ ಸರ್ವ ಸದಸ್ಯ ಉಪಸ್ಥಿತ ಆಶಿಲಿಂಚಿ. ಹ್ಯಾಚ ಸಂದರ್ಭಾರಿ ಚೆರಡುವಾಂಕ ಧಾರ್ಮಿಕ ವೇಷ ಸ್ಪರ್ಧೊ ಚಲೊ. ಸಾಬಾರ 35 ಚೆರಡುವಾಂನಿ ವಾಂಟೊ ಘೆತಲೊ. ಶ್ರೀಮತಿ ನಾಯಕ ಹಾಂನಿ° ಇನಾಂ ವಾಂಟಿಲೆ°.
ಜಿ.ಎಸ್.ಬಿ. ಮಹಿಳಾ ವೃಂದ - ನೂತನ ಅಧ್ಯಕ್ಷಾ ನಯನಾ ರಾವ್
ಮಂಗಳೂರು: ಜಿ.ಎಸ್.ಬಿ.ಮಹಿಳಾ ವೃಂದ (ರಿ), ಮಂಗಳೂರು, ಹಾಜಿ 2023-24 ವರಸಾಚಿ ಮಹಾ ಸಭಾ ಗೋಕರ್ಣ ಮಠಾಚೆ ಸಭಾಗೃಹಾಂತು ಮ್ಹಾಲ್ಗಡಿ ಸದಸ್ಯಾ ಮರೋಳಿ ಸಬಿತಾ ಕಾಮತ್ ಹಾಂಗೆಲೆ ಮುಖೇಲಪಣಾರಿ ಚಲಿ. ನಿಕಟಪೂರ್ವ ಅಧ್ಯಕ್ಷಾ ರಾಧಿಕಾ ಕಾಮತ್ ಹಾಂನಿ ನೂತನ ಅಧ್ಯಕ್ಷಾ ನಯನಾ ರಾವ್ ಹಾಂಕಾ ಅಧಿಕಾರು ಹಾತಾಂತಾರ ಕೆಲೊ. ನೂತನ ಅಧ್ಯಕ್ಷಾನ ರಾಧಿಕಾ ಕಾಮತಿಕ ಫಲ, ಯಾದಸ್ತಿಕಾ ದೀವನು ಸಮ್ಮಾನು ಕೆಲೊ.
ಉಪಾಧ್ಯಕ್ಷಾ ಜಾವನು ಪೂರ್ಣಿಮಾ ಭಂಡಾರ್ಕಾರ್, ಕಾರ್ಯದರ್ಶಿ ವಿಜಯಲಕ್ಷ್ಮಿ ಕಾಮತ್, ಸಹ ಕಾರ್ಯದರ್ಶಿ ಮಮತಾ ಕಾಮತ್, ಕೋಶಾಧಿಕಾರಿ ವಸುಧಾ ಬಾಳಿಗಾ ಆನಿ ಸಹ ಕೋಶಾಧಿಕಾರಿ ಜಾವನು ಮೀನಾಕ್ಷಿ ಎನ್. ಪೈ ವಿಂಚೂನ ಆಯಿಲಿಂತಿ. ಮರೋಳಿ ಸಬಿತಾ ಕಾಮತ್, ಎ. ಗೀತಾ ಕಾಮತ್, ಚಂದ್ರಿಕಾ ಮಲ್ಯ, ಪ್ರಭಾ ಪೈ ಆನಿ ಗೀತಾ ಸಿ. ಕಿಣಿ ಸಲಹಾ ಸಮಿತಿಚೆ ಸಾಂದೆ ಜಾವನು ನೇಮಕ ಜಾಲಿಂತಿ. ತಶೀಂಚಿ ರಾಧಿಕಾ ಕಾಮತ್, ಪ್ರತಿಮಾ ಪ್ರಭು ಆನಿಕ ಗಾಯತ್ರಿ ಪ್ರಭು ಹಾಂನಿ ಕಾರ್ಯಕಾರಿ ಸಮಿತಿಚೆ ಇತರ ಸಾಂದೆ ಜಾವನು ನೇಮಕ ಜಾಲಿಂತಿ. ಕೋಶಾಧಿಕಾರಿ ವಸುಧಾ ಬಾಳಿಗಾ ಹಾಂನಿ 2022-23 ವರಸಾಚೆ ಲೇಕ ಪೋಕ ಮಂಡನ ಕೆಲೆ. 2023-24 ವರಸಾಚೆ ಲೆಕ್ಕ ಪರಿಷೋಧಕ ಜಾವನು ನಕುಲ್ ಪೈ ಹಾಂನಿ ನಿಯೋಜಿತ ಜಾಲಿಂತಿ. ನೂತನ ಅಧ್ಯಕ್ಷಾನ ಸಗಟ ಸಾಂದೆಲಾಗಿ ಸಹಕಾರು ಮಾಗಲೊ. ತಿಗೆಲೆ ಅಧ್ಯಕ್ಷಾವಧಿಂತು° ಖೂಬ ಸಮಾಜ ಸೇವಾ ಕರಚೊ ವಿಶ್ವಾಸ ಆಸಾ ಮ್ಹಣು ತಿಣೆ ಸಾಂಗಲೆ°. ನಿರ್ಗಮನ ಅಧ್ಯಕ್ಷಾ ರಾಧಿಕಾ ಕಾಮತಿನ ತಿಗೆಲೆ ಅಧಿಕಾರಾಚೆ ಅವಧಿಂತು ತಿಕಾ ಸಹಾಯ ಕೆಲೆಲೆ ಸಗಟ ಸಾಂದೆοಕ ಧನ್ಯವಾದು ದಿಲೊ. ಪೂರ್ಣಿಮಾ ಭಂಡಾರ್ಕರ್ ಹಾಂನಿ ವಾರ್ಷಿಕ ವರದಿ ವಾಚನ ಕೋರನು, ಆಭಾರು ವ್ಯಕ್ತ ಕೆಲೊ. ಸಬಿತಾ ಕಾಮತಿನ ಹೇರ ಪ್ರಕಟಣಾ ಕೆಲೆ°. ಶಾಂತಿ ಪಾಠು ಜಾತರಿ ಸಭಾ ಸಂಪಲಿ. ವೀರ ವಿಠಲ ದೇವಾಕ ಪೂಜಾ ಜಾತರಿ ಪ್ರಸಾದ ರೂಪಾರಿ ಭೋಜನ ವ್ಯವಸ್ಥಾ ಆಶಿಲಿ. ಸಾಬಾರ 120 ಸಾಂದೆ ಹಾಜರ ಆಶಿಲಿಂತಿ.
ಮಹಿಳಾ ವೃಂದಾಚೊ ಕೊಂಕಣಿ ದೀವಸ
ಮಂಗಳೂರು: "ಜಿ. ಎಸ್. ಬಿ ಮಹಿಳಾ ವೃಂದಾಚೆ ಖೂಬ ಸಮಾಜ ಸೇವಾ ಕರೀತ ಆಸಾತಿ. ಘರಕಡೆಚಿ ಜಬಾಬದಾರಿ, ಚೆರಡುವಾಂಲೆ° ಭವಿಷ್ಯ ಸಗಟ ಸಾಂಬಾಳನು ತಾಜೆ ಮಧೆ° ಸಮಾಜ ಸೇವಾ ಕರಚೆ° ಸುಲಭ ನ್ಹಹಿ°. ಆಮಗೆಲೆ ಸ್ತ್ರೀ ಯಾನಿ ಹಾಜೆ ಮಧೆ° ತಾಂಗೆಲೆ° ಸ್ವತಾಕ ಥೊಡೊ ವೇಳು ದವರನು ಆರೋಗ್ಯ ಸಾಂಬಾಳನು ಹಾಡಲ್ಯಾರಿ ತಾಂಗೆಲಿ ಉಮೇದಿ ವಾಡಚೆ ಸಾಂಗತ ವ್ಹಿಂಗಡಾಲಿ ಉಮೇದಿ ವಾಡೋಚಾಕ ಜಾತಾ" ಮ್ಹಣು ದಂತ ವೈದ್ಯ ತರನಾಟೊ ಡಾ| ಅರ್ಜುನ ನಾಯಕ ಹಾಂನಿ° ಸಾಂಗಲಾ°.
ಜಿ. ಎಸ್. ಬಿ ಮಹಿಳಾ ವೃಂದಾಚಾನಿ ಆಯೋಜನ ಕೆಲೆಲೆ "ಕೊಂಕಣಿ ದೀವಸ" ಕಾರ್ಯಕ್ರಮಾಚೆ ಅಧ್ಯಕ್ಷ ಸ್ಥಾನಾ ದಾಕೂನ ತಾಂನಿ° ಅಶೆ° ಸಾಂಗಲೆ°. ಜ. 15ಕ ಹಾಂಗಾಚೆ ರಥಬೀದಿಚೆ ಶ್ರೀ ಗೋಕರ್ಣ ಮಠಾಚೆ ಸಭಾಂಗಣಾοತು° ಕೊಂಕಣಿ ಸಾಹಿತಿ ಬಿ. ಸುರೇಶ ಬಾಳಿಗಾ, ಸಮಾಜ ಸೇವಕ ಕೆ. ವೆಂಕಟೇಶ ಕಾಮತ ಆನಿ ಭಜನ ಸೇವಾ ಖಾತೀರ ಸುಧಾ ಶೆಣೈ ಸ್ಮರಣಾರ್ಥ ಪ್ರಫುಲ್ಲಾ ಎನ್. ಮಲ್ಯ ಹಾಂಕಾ° ಸನ್ಮಾನ ಚಲೊ.
ಆದಲಿ ಅಧ್ಯಕ್ಷಾ ಮರೋಳಿ ಸಬಿತಾ ಕಾಮತ ಹಾಂನಿ° ಜಿ. ಎಸ್. ಬಿ ಮಹಿಳಾ ವೃಂದಾಚೊ ಇತಿಹಾಸ ಕಳಯಲೊ. ಪಂಚ್ಕದಾಯಿ ಮಾಸಿಕ ಪತ್ರಿಕೆಚೊ ಸಂಪಾದಕ ದೇವಾದಿನ ಬಿ. ವಿ. ಬಾಳಿಗಾ ಹಾಂನಿ° ತಾಗೆಲೆ ಪತ್ರಾಚೆ ರುಪ್ಯಾಳೊ ಮಹೋತ್ಸವಾಚೆ ವೇಳಾರ ಜಿ. ಎಸ್. ಬಿ. ಮಹೀಳಾ ವೃಂದಾಕ ಪಂಚ್ವೀಸ್ ಹಜಾರ ರುಪಯೊ ದೀವನು "ಕೊಂಕಣಿ ದೀವಸ" ಆಚರಣ ಕರೂಂಕ ಸಾಂಗಿಲೆ°. ತ್ಯಾ ಪ್ರಮಾಣೆ ಆಮಿ ಹರ ವರಸ "ಕೊಂಕಣಿ ದೀವಸ ಆಚರಣ ಕರತ ಆಸಾತಿ ಮ್ಹಣು ತೀಣೆ ಸಾಂಗಲೆ°.
ಸನ್ಮಾನಿತ ಸುರೇಶ ಬಾಳಿಗಾ ಹಾಂನಿ° ಗೀತ ಗಾಯನ ಕರನು ಮಹಿಳಾ ವೃಂದಾಕ ಆಬಾರ ಪ್ರಕಟ ಕೆಲೊ. ಹಾಂವೆ° ಮಾಕ್ಷಿಚೆ ಪಾಂಚ ವರಸ ದಾಕೂನ ಸಾಹಿತ್ಯ ರಚನ ಶುರು ಕೆಲಾ°. ಕೊರೊನಾ ಮಹಾಮಾರಿ ಚಾಳವಳೆಲೆ ವೇಳಾರ ಥೊಡೆ ಚಡ ಬರೊವಚಾಕ ಸಾಧ್ಯ ಜಾಲೆ°. ಹಾಕಾ ಮೆಗೆಲಿ ಬಾಯಲ ಆನಿ ಕೊಡಿಯಾಲ ವೆಂಕಟರಮಣು ಪ್ರೇರಣಾ ಜಾಲೆಂತಿ ಮ್ಹಣಚಾಕ ಸಂತೋಸ ಜಾತಾ ಮ್ಹಣು ತಾಣೆ ಸಾಂಗಲೆ°.
ಮಹಿಳಾ ವೃಂದಾಚಿ ಅಧ್ಯಕ್ಷಾ ರಾಧಿಕಾ ಕಾಮತಾನ ಸ್ವಾಗತಾಚೆ ಉತ್ರ° ಸಾಂಗಲಿ°. ವಿಜಯಲಕ್ಶ್ಮೀ ಕಾಮತ, ಲಕ್ಶ್ಮೀ ಭಂಡಾರಕಾರ್, ಎನ್. ಮಿನಾಕ್ಷಿ ಪೈ ಆನಿ ಗೀತಾ ಸಿ. ಕಿಣಿ ಹಾಂನಿ° ಸನ್ಮಾನಿತಾಲೊ ವಳಕ ಕರನು ದಿಲೊ. ಎನ್. ಪ್ರಭಾ ಪೈ ಹಾಂನಿ° ಸಭಾಧ್ಯಕ್ಷಾಲೊ ವಳಕ ಕರನು ದಿಲೊ. ಮಮತಾ ಕಾಮತ, ಪ್ರತಿಮಾ ಪ್ರಭು ಹಾಂನಿ° ಪ್ರಾರ್ಥನಾ ಗಾಯಲಿ. ಎ. ಗೀತಾ ಕಾಮತಾನ ಆಬಾರ ಮಾನಲೊ. ಚಂದ್ರಿಕಾ ಮಲ್ಯಾನ ಸೂತ್ರ ಸಂಚಾಲನ ಕೆಲ°.
ಉಪರಾಂತ ಚಲೆಲೆ ಸಾಂಸ್ಕೃತೀಕ ಕಾರ್ಯಕ್ರಮಾಂತು° ನಿರ್ಮಲಾ ಶೆಣೈ ಆನಿ ವಿದ್ಯಾ ಶೆಣೈಲೆ° ನೃತ್ಯ ಆನಿ ವೃಂದಾಚೆ ಸಾಂದ್ಯಾನಿ "ಕಾಗದಾ ಗೊಂದೊಳು" ನಾಟಕ ಪ್ರದರ್ಶನ ಕೆಲೆ°. ಹ್ಯಾ ನಾಟಕಾಂತು° ಮರೋಳಿ ಸಬಿತಾ ಕಾಮತ, ಗೀತಾ ಸಿ. ಕಿಣಿ, ಚಂದ್ರಿಕಾ ಮಲ್ಯ, ರಾಧಿಕಾ ಕಾಮತ, ಸುನೀತಾ ಕಾಮತ ಆನಿ ಲತಾ ಪ್ರಭು ಹಾಂನಿ° ನಟನ ಕೆಲೆ°.
ಕೊಂಕಣಿ ದೀವಸಾ ಪ್ರಯುಕ್ತ ಚಲೆಲೆ ಭಕ್ತಿ ಗೀತಾ, ಕಾಣಿಯೊ ಸಾಂಗಚೆ, ಭಾವಗೀತಾ ಸ್ಪರ್ಧೆಚೆ ಫಲಿತಾಂಶ
ಬಾಳಗೀತಾ/ಶಿಶು ಗೀತಾ
ಎಲ್.ಕೆಜಿ/ಯು.ಕೆಜಿ ವಿಭಾಗ
ಶ್ರೇಯಸ್ ಎಂ. ಶೇಟ್ (ಪಯಲೆ° ಇನಾ°)
ಭಕ್ತಿ ಮಲ್ಯ (ದುಸರೆ° ಇನಾ°)
ದಿವಿಶಾ ನಾಯಕ ಆನಿ ರಾಧಿಕಾ ಪೈ(ತಿಸರೆ° ಇನಾ°)
ಪಯಲೆ°, ದುಸರೆ° ಆನಿ ತಿಸರೆ° ಕಕ್ಷಾ ವಿಭಾಗ
ನಿಯತಿ ಆಶ್ವಿನ್ ಪೈ(ಪಯಲೆ° ಇನಾ°)
ವೈಷ್ಣವಿ ಪಾಡಿಯಾರ್(ದುಸರೆ° ಇನಾ°)
ಪಿ. ಸಿದ್ಧಾಂತ ಶೆಣೈ ಆನಿ ನಮನ ಪಂಡಿತ ನಾಯಕ(ತಿಸರೆ° ಇನಾ°)
ಚೌತೆ°, ಪಾಂಚವೆ° ಆನಿ ಸ್ಹವೆ° ಕಕ್ಷಾ ವಿಭಾಗ
ಮಧುಸೂದನ ಎಂ. ಶೇಟ್(ಪಯಲೆ° ಇನಾ°)
ಭೂಮಿಕಾ ಕಾಮತ(ದುಸರೆ° ಇನಾ°)
ಅನಘಾ ಪೈ(ತಿಸರೆ° ಇನಾ°)
ಭಕ್ತಿಗೀತಾ/ಭಾವಗೀತಾ (ಸಾತವೆ°, ಆಟವೆ°, ಣವೆ° ಆನಿ ದ್ಹಾವೆ° ಕಕ್ಷಾ)
ಅಕ್ಷಜ ಚೂರ್ಯಾ(ಪಯಲೆ° ಇನಾ°)
ಪ್ರೇರಣಾ ಎನ್. ಪೈ(ದುಸರೆ° ಇನಾ°)
ದೇವಿಕಾ (ತಿಸರೆ° ಇನಾ°)
ಕಾಲೇಜ್ ಆನೀ ಹೇರ ವಿಭಾಗ
ಮಮತಾ ಕಾಮತ (ಪಯಲೆ° ಇನಾ°)
ಶ್ವೇತಾ ಕಾಮತ (ದುಸರೆ° ಇನಾ°)
ಹೇರ (65ಕಯೀ ಚಡ ವಯ)
ಜಯಲಕ್ಷ್ಮೀ ನಾಯಕ (ಪಯಲೆ° ಇನಾ°)
ಲತಾ ಪ್ರಭು ಕೊಡಿಕಲ್ (ದುಸರೆ° ಇನಾ°)
ಎಂ.ಎ. ಪರೀಕ್ಷೆಂತು ಪ್ರಥಮ ಸ್ಥಾನ ಫಾವೊ ಕೆಲೆಲೆ ಮಂಗಲಾ ಭಟ್ ಹಾಂಕಾ ಸಮ್ಮಾನು
ಮಂಗಳೂರು: ಜಿ.ಎಸ್.ಬಿ. ಮಹಿಳಾ ವೃಂದ (ರಿ.), ಮಂಗಳೂರು, ಹಾಜೆ ಜುಲೈ ಮ್ಹಯನ್ಯಾಚಿ ಸಭಾ 25 ತಾರೀಖೆಕ ಮಂಗಳೂರು ಗೋಕರ್ಣ ಮಠಾಚೆ ದ್ವಾರಕಾನಾಥ ಭವನಾಂತು ಚಲೆ. ಮುಖೇಲ ಸಯರಿಣಿ ಜಾವನು ಆಯಿಲೆ ಭಾರತಿ ಅಕಾಡೆಮಿ ಶಾಳೆಚೆ ಪ್ರಾಂಶುಪಾಲಾ ಸುರೇಖಾ ಆರ್. ಭಟ್ ಹಾಂನಿ ಛಾತ್ರಾಂನಿ ತಾಂಗೆಲೆ ಶೈಕ್ಷಣಿಕ ಜೀವನಾಂತು ವಾಪೊರನು ಘೆವಚೆ ತಸಲೆ° ವಿಚಾರ ಬದಲ ಸುಮಾರ ಮಾಹಿತಿ ದೀವನು ಮಾರ್ಗದರ್ಶನ ದಿಲೆ°.
ವೃοದಾಚಿ ಅಧ್ಯಕ್ಷಾ ರಾಧಿಕಾ ಕಾಮತಿನ ಸ್ವಾಗತಾಚೆ ಉತ್ರಾ° ಸಾಂಗುನು, ಸೊಯರೆಂಲೆ ವಳಕ ಕರನು ಯಾದಾಸ್ತಿಕಾ ದಿಲಿ.
ಪ್ರಾರ್ಥನೆಚೆ ಸಾಂಗತ ಶುರು ಜಾಲೆಲೆ ಸಭೆಂತು ಪ್ರತಿಮಾ ನಾಯಕಾನ ಅಮೃತ ವಚನ ಸಾಂಗುನು, ಕಾರ್ಯದರ್ಶಿ ಪೂರ್ಣಿಮಾ ಭಂಡಾರ್ಕಾರ ಹಾಂನಿ ವರದಿ ವಾಚಲಿ. ವಿಮಲಾ ಕಾಮತಿನ ಸೂತ್ರ ಸಂಚಾಲನ ಕರನು ಆಭಾರ ಮಾನಲೊ. ಹ್ಯಾಚ ಸಂದರ್ಭಾರಿ ವೃಂದಾಚೆ ಸಾಂದೇಲೆ ನಾತರಾಂಕ ಶಿಕವಣೇಂತು ವಿಶಿಷ್ಟ ಸ್ಥಾನ ಘೆತಿಲೆ ಖಾತಿರ ಸಮ್ಮಾನ ಚಲೊ. ತಶೀಂಚಿ 5 ಛಾತ್ರಾಂಕ ತಾಂಗೆಲೆ ಶಿಕವಣೆ ಬದಲ ಆರ್ಥಿಕ ಸಹಾಯು ದಿಲೊ. ಕೊಂಕಣಿ ಎಂ.ಎ. ಪರೀಕ್ಷೆಂತು ಪ್ರಥಮ ಸ್ಥಾನ ಘೆತಿಲೆ ವೃಂದಾಚೆ ಸಾಂದಿಣಿ ಮಂಗಲಾ ಭಟ್ ಹಾಂಕಾಯಿ ಸಮ್ಮಾನು ಚಲೊ.
ರಾಧಿಕಾ ಕಿಣಿನ ತಿಗೆಲೆ ಚೆರಡುವಾಂಲೆ ವ್ಹಾರ್ಡಿಕ ಜಾಲೆಲೆ ಬದಲ ಹೇ ದಿಸಾಚೆ ಫಲಹಾರಾಚಿ ವ್ಯವಸ್ಥಾ ಕರನು ಸಂತೋಸ ವಾಂಟೂನ ಘೆತಲೊ. ಶಾಂತಿ ಪಾಠ ಸಾಂಗೂನ ಸಭಾ ಸಂಪಲಿ.
ಕುತ್ತಾರು ಪದವು ಬಾಲಕಾಶ್ರಮಾಕ ಜಿ.ಎಸ್.ಬಿ.ಮಹಿಳಾ ವೃಂದ, ಮಂಗಳೂರು ಹಾಂಗೆಲೆ ಭೇಟಿ
ಕುತ್ತಾರು ಪದವು ಬಾಲಕಾಶ್ರಮಾಕ ಜಿ.ಎಸ್.ಬಿ. ಮಹಿಳಾ ವೃಂದ, ಮಂಗಳೂರು ಹಾಜೆ ಕಾರ್ಯಕಾರಿ ಸಮಿತಿಚೆ ಸಾಂದೆ ಆನಿಕ ಇತರ ಆಸಕ್ತ ಸಾಂದೆ, ಅಧ್ಯಕ್ಷಾ ರಾಧಿಕಾ ಕಾಮತ್ ಸಮೇತ ಮೇಳನು ವರ್ಷಾವದಿ ಭೇಟಿ ದಿಲಿ. ದೊನಪಾರಾ ಪರ್ಯಂತ ಚೆರಡುವಾಂಕ ಕಾಣಿ ಸಾಂಗುನು, ತಾಂಚೆ ಕರಾನ ಭಜನ ಸಾಂಗೊನು ವೆಗವೆಗಳೆ ಖೇಳು ಖೆಳೊನು, ವಿಜೇಂತಾಕ ಇನಾಂ ವಾಂಟಪ ಕೆಲೆ. ತಾಂಕಾ ಫಳಾರ ವಾಂಟುನು ತಾಂಚೆ ಸಾಂಗತ ಮೇಳನು ಖುಷಿ ಪಾವಲಿಂತಿ. ತಶೀಂಚಿ ಆಶ್ರಮಾಕ ವೃಂದಾ ತರಪೇನ ವರ್ಷಂಪ್ರತಿ ದಿವಚೆ ದೇಣಿಗ ದಿಲೆ.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ಉದ್ಯೋಗ ಆನೀ ನಿರುದ್ಯೋಗ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 248 guests and no members online