ಮಣಿಪಾಲ: ರೋಟರಿ ಮಣಿಪಾಲ ಹಿಲ್ಸ್ ಹಾಂಗೆಲೆ ಪ್ರಾಯೋಜಕತ್ವಾರಿ ರಾಜೀವನಗರ, ನೇತಾಜಿನಗರ, ಪ್ರಗತಿನಗರ, ಆದರ್ಶನಗರ, ಮಂಚಿಕೋಡಿ, ಮೂಡುಅಲೆವೂರು ರೋಟರಿ ಸಮುದಾಯ ದಳಾಂಚೆ ವ್ಯಾಪ್ತಿಚೆ ಗ್ರಾಮೀಣ ಚೆರಡುವಾ° ಕಾತಿರ ಮುದ್ದುಕೃಷ್ಣ ಸ್ಪರ್ಧೊ ಆಯೋಜನ ಜಾಲೊ. ಮಣ್ಣಪಳ್ಳಾಚೆ ರೋಟರಿ ಹಾಲಾಂತು° ಚಲೆಲೆ ಹ್ಯಾ ಕಾಯಾಕ್ರಮಾಂತು ರೋಟರಿ ಉಪರಾಜ್ಯಪಾಲ ಡಾ ಕೆಂಪರಾಜ್ ಹಾಂನಿ° ದೀವೊ ಲಾಯಲೊ. ಅಧ್ಯಕ್ಷ ರಮಾನಂದ ಭಟ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ತಾರಾ ಶೆಟ್ಟಿ ಹಾಂನಿ° ಶುಭಾಷಯ ಪಾಟಯಲೊ. ತೀನ ವಿಭಾಗಾಂತು° ಚಲೆಲೆ ಹ್ಯಾ ಸ್ಪರ್ಧೇಂತು° 67 ಚೆರಡುವಾನಿ ವಾಂಟೊ ಘೆತಲೊ. ಜೈತ ಚೆರಡುವಾಂಕ ಪಯಲೆ°, ದುಸ್ರೆ° ಆನಿ ತಿಸ್ರೆ° ಇನಾಂ ವಾಂಟಚೆ° ಜಾಲೆ°. ವಲಯ ತರಬೇತುದಾರ ರಾಮಚಂದ್ರ ಉಪಾದ್ಯಾಯಾನ ಇನಾಂ ವಾಂಟಿಲೆ°. ಗೋಪಿನಾಥ ರಾವ್ ಸರ್ವಾದೆ ಹಾಂನಿ° ವಾಂಟೊ ಘೆತಿಲೆ ಸಗಟ ಚೆರಡುವಾಂಕ ಪ್ರೋತ್ಸಾಹಕರ ಇನಾಂ ವಾಂಟಿಲೆ°. ಕಾರ್ಯದರ್ಶಿ ಉಪ್ಪುಂದ ಮಾಧವ ಮಯ್ಯಾನ ಆಬಾರ ಮಾನಲೊ.