ಮಂಗಳೂರು: ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ದ್ಹಾ ಪೆಂಟೆಚೆ ದೇವಳ ಜಾವನು ಆಸಚೆ° ಮಂಜೇಶ್ವರಚೆ° ಶ್ರೀಮತ್ ಅನಂತೇಶ್ವರ್ ದೇವಳಾಚೊ ಷಷ್ಠಿ ಮಹೋತ್ಸವ ಡಿಸೆಂಬರ್ 13 ದಾಕೂನ 19 ತಾಂಯ ಚಲಚೊ ಆಸಾ ಮ್ಹಣು ದೇವಳಾಚೆ ಕಳವಣಿಂತು° ಸಾಂಗಲಾ°. ಚೌದಾ ತಾರೀಕೆಕ ಧ್ವಜಾರೋಹಣ, ಪಂದ್ರಾಕ ಹಗಲೋತ್ಸವು, ಸತ್ರಾಕ ರುಪ್ಯಾ ಪಾಲ್ಲಂಕಿ ಉತ್ಸವು, ಸೋಳಾಕ ಭಾಂಗ್ರಾ ಪಾಲ್ಲಂಕಿ ಉತ್ಸವು, ಆಟ್ರಾಕ ರಥಾರೋಹಣ ಆನಿ 19ಕ ಅವಭೃತೊತ್ಸವು ಚಲಚೊ ಆಸಾ ಮ್ಹಣು ಕಳವಣಿ ಸಾಂಗತಾ.

  To Support Kodial Khaber click the following button.

ಮಂಗಳೂರು: ಉಡುಪಿ ಜಿಲ್ಲೆಚೆ ಕಾಪು, ಪಡುಬಿದಿರೆ, ಕಟಪಾಡಿ, ಮಂಚಕಲ್ ಪರಿಸರಾಚೆ ಸಾಬಾರ 150 ಜಿ.ಎಸ್.ಬಿ ಲೋಕಾನ ಜೂ.4ಕ ಮಂಜೇಶ್ವರ ಶ್ರೀಮದ್ ಅನಂತೇಶ್ವರ ದೇವಳಾಕ ಸಾಮೂಹಿಕ ಭೇಟಿ ದಿಲಿ. ದೋನ ಬಸ್, ದ್ಹಾ ಕಾರಾರಿ ಆಯಿಲೆ ಹಾಂನಿ° ಶುರುವೆಕ ನಗರ ಭಜನಾ ಸೇವಾ ದಿಲಿ. ದೇವಳಾ ಬಾಗಲಾ ದಾಕೂನ ಶುರು ಜಾಲೆಲಿ ಹೀ ಸೇವಾ ಮಹಾಮಾಯಾ ಗುಡಿ, ಮುಖ್ಯಪ್ರಾಣ ದೇವಳ, ಕಾಶಿಮಠಾಂತು° ಭಜನ ಸೇವಾ, ಗೊಪೂಜಾ ಅರ್ಪಣ ಕೆಲಿ. ದೊನಪಾರ ಪೂಜಾ ಜಾತರಿ ಪ್ರಸಾದ ಭೋಜನ ಆಶಿಲೆ°. ತ್ಯಾಚ ರಾತಿ ದೀಪಾಲಂಕಾರ ಆಶಿಲೊ. ಯಾತ್ರೆಕ ಆಯಿಲೆ ಚಡಾವತ ಲೋಕಾನ ಪಯಲೆ° ಪಾವಟಿ ದೇವಳಾಕ ಭೇಟಿ ದಿಲೆಲೆ ದಾಕೂನ ತಾಂಗೆಲೆ ತೊಂಡಾರ ವಿಶೇಷ ಸಂತೋಸ ದಿಸೂಂಕ ಮೆಳೊ.

ಮೂಡುಬಿದಿರೆ: ಆಟ್ರ ಪೆಂಟೆοಚೆ ದೇವಳ ಮ್ಹಣು ನಾವಾದೀಕ ಮಂಜೇಶ್ವರ ಶ್ರೀಮದ್ ಅನಂತೇಶ್ವರ ದೇವಸ್ಥಾನಾಚೆ ನೂತನ ಸ್ವರ್ಣ ಪಲ್ಲಂಕಿ ಆಟ್ರ ಪೆಂಟ ಜಾವನು ವಚೆ ವಾಟೆರಿ ಮೂಡುವೇಣುಪುರ ಶ್ರೀ ವೆಂಕಟರಮಣ ದೇವಳಾಚೆ ಭಕ್ತವೃಂದಾನ ಮೂಡುಬಿದಿರೆಂತು° ಗೌರವಾದರಾನ ಸ್ವಾಗತ ಕೆಲೆ°.
ಉಡುಪಿಚೆ ಆಭರಣ ಜ್ಯುವೆಲ್ರ‍್ಸ ಹಾಂಗಾ ತಯಾರ ಜಾಲೆಲೆ ನೂತನ ಪಲ್ಲಂಕಿಕ ಅಲಂಕೃತ ವಾಹನಾರಿ ದವರೂನ ಆಟ್ರ ಪೆಂಟೆοಚಿ ಭೇಟಿ ಶುರು ಜಾಲೆಲಿ. ಕಾರ್ಕಳ ದಾಕೂನ ಮೂಡುಬಿದಿರೆಕ ಆಯಿಲಿ ಪಲ್ಲಂಕಿಕ ಮೂಡುಬಿದಿರೆ ಶ್ರೀ ಹನುಮಂತ ದೇವಳಾ ಲಾಗಿ ಆಡಳಿತ ಮಂಡಳಿ ಆನಿ ಸಮಾಜ ಭಾಂಧವಾನಿ ಸ್ವಾಗತ ಕೆಲೆ°. ಮಂಗಲ ವಾದ್ಯ ಗೌರವ ದಿವನು ಶ್ರೀ ವೆಂಕಟರಮಣ ದೇವಳಾಕ ಪಲ್ಲಂಕಿ ವ್ಹರಚೆ ಜಾಲೆ°. ಆಡಳಿತ ಮೊಕ್ತೇಸರ ಜಿ. ಉಮೇಶ ಪೈ ಆನಿ ಹೇರ ಮೊಕ್ತೇಸರಾನಿ ಸ್ವರ್ಣ ಪಲ್ಲಂಕಿಕ ಹಾರಾರ್ಪಣ ಕರನು ಸ್ವಾಗತ ಕೆಲೆ°. ಅರ್ಚಕ ವೇ. ಮೂ. ಕೆ. ಪದ್ಮನಾಭ ಭಟ್ ಹಾಂನಿ° ಆರತಿ ದಾಕೊವನು ಪಾರ್ಥನಾ ಸಾಂಗಲಿ. ಮಂಜೇಶ್ವರ ಶ್ರೀಮದ್ ಅನಂತೇಶ್ವರ ದೇವಸ್ಥಾನಾಚೆ ತರಪೇನ ಎಂ. ಪುರುಷೋತ್ತಮ ಆಚಾರ್ಯ ಹಾಂನಿ° ಪ್ರಸಾದ ವಾಂಟಿಲೊ. ಮಂಜೇಶ್ವರ ದೇವಳಾಚೊ ಆಡಳಿತ ಮಂಡಳಿ ಅಧ್ಯಕ್ಷ ಕೋಟೇಶ್ವರ ದಿನೇಶ್ ಜಿ. ಕಾಮತ್ ಆನಿ ಹೇರ ಟ್ರಸ್ಟಿ ಉಪಸ್ಥಿತ ಆಶಿಲೆ. ಉಪರಾಂತ ಪಲ್ಲಂಕಿಕೆಚೆ ವಾಹವ ಗುರುಪುರ ದೇವಳಾ ತರಪೇನ ಗೆಲೆ.