ಮಂಗಳೂರು: ಜಳಾರ ಚಾಬೂನ ಪಸರೂಚೊ ಡೆಂಗ್ಯೂ ರೋಗಾಚೆಂ ಲಕ್ಷಣ° ಆನಿ ತಾಜೆ ಬದಲ ಜಾಗೃತಿ ಘೆವಚೆ ಘೆವಚೆ ಆನಿ ಮಾಹಿತಿ ದಿವಚೆ ಖಾತಿರ ಸಮಾಜ ಸೇವಿಕಾ ಮಂಜೂಳಾ ನಾಯಕ ಹಾಂನಿ° ಕೊಡಿಯಾಲಚೆ ಡೊಂಗರಕೇರಿ ವಾರ್ಡಾಂತು° ಪಾದಯಾತ್ರಾ ಕೆಲಿ. "ಶುದ್ಧ ಉದಾಕ ರಾಬಚೆ ಕಡೆನ ಜಳಾರಂ ವಾಡತಾತಿ, ತ್ಯಾ ನಿಮಿತ ಪರಿಸರ ಸ್ವಚ್ಛ ದವರಚೆಂ ಕರಕಾ ಆನಿ ಜಳಾರ ನಿವಾರಕ ಔಷದಾಂಚೆ° ವಾಪರಪ ಕರಕಾ" ಮ್ಹಣು ತಿಣೆ ಸಾಂಗಲೆ°. ಅನಗತ್ಯ ಭಿವಚೆ° ಕರನಾಶಿ° ರೋಗಾಚೆ ಲಕ್ಷಣ° ದಿಸಲೆ ತಶಿ° ವೈದ್ಯಾಂಕ ಸಂಪರ್ಕ ಕರಕಾ ಮ್ಹಣು ತಿಣೇ ಸಾಂಗಲೆ°. ಡೊಂಗರಕೇರಿ ವಾರ್ಡ ಡೆಂಘಿ ಮುಕ್ತ ವಾರ್ಡ ಕರೂಯಾ° ಮ್ಹಣು ಉಲೊ ದಿಲೊ. ಹ್ಯಾ ಜಾಗೃತಿ ಕಾರ್ಯಕ್ರಮಾಂತು° ಜೆಸಿಂತಾ, ಸಂಜನಾ ಚಲವಾದಿ, ವಿದ್ಯಾ ಶೆಣೈ, ಬಿ.ಕೆ ಚಂದ್ರಣ್ಣ, ಸಂಗಪ್ಪ ಭಡಕನ್ನ ಆನಿ ಮಂಜು ಮಡ್ಡಿ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಮಂಗಳೂರು: ಸಾಮರಸ್ಯ ಮಂಗಳೂರು ಸಂಘಟನೆನ ಕೊಡಿಯಾಲಚೆ ಬಂಟ್ಸ್ ಹಾಸ್ಟೆಲ್ ಲಾಗಿಚೆ ಸಿ. ವಿ. ನಾಯಕ್ ಸಭಾಗೃಹಾಂತು° ಮೇ 29 ಕ ಆಯೋಜನ ಕರಚೆ “ಸೌಹಾರ್ದ ಸಮ್ಮಿಲನ” ಕಾರ್ಯಕ್ರಮಾಚೆ ಯೆವ್ಕಾರ ಪತ್ರಾಚೆ ಉಗ್ತಾವಣ ಕಾರ್ಯಕ್ರಮ ಆಜಿ ಮೇ. 23ಕ ಗಾಂವಚೆ ಮಣ್ಣಗುಡ್ಡೆಚೆ ಶ್ರೀ ಮಹಾಗಣಪತಿ ನವದುರ್ಗಾ ದೇವಸ್ಥಾನಾಂತು° ಚಲೆ°.
ಯೆವ್ಕಾರ ಪತ್ರ ಉಗ್ತಾವಣ ಕಾರ್ಯಕ್ರಮಾಂತು° ಸಾಮರಸ್ಯ ಮಂಗಳೂರು ಸಂಘಟನೆಚಿ ಅಧ್ಯಕ್ಷಾ ಮಂಜುಳಾ ವೈ ನಾಯಕ, ಪ್ರಧಾನ ಕಾರ್ಯದರ್ಶಿ ಕೆ. ಚೇತನ್ ಕುಮಾರ್, ಕೋಶಾಧಿಕಾರಿ ಪ್ರಕಾಶ್ ಬಿ. ಸಾಲ್ಯಾನ್ ಉಪಸ್ಥಿತ ಆಶಿಲೆ. ಕಾರ್ಯಕ್ರಮಾಂತು° ಸಮಿತಿಚೆ ವಾಂಗಡಿ ಮಾಜಿ ಉಪಮೇಯರ್ ಮೊಹಮ್ಮದ್ ಕುಂಜತ್ತಬೈಲ್, ಯೋಗೀಶ್ ನಾಯಕ್, ಚೇತನ್ ಕುಮಾರ್, ದೀಕ್ಷಿತ್ ಅತ್ತಾವರ, ಸಮರ್ಥ್ ಭಟ್, ಶಾಂತಲಾ ಗಟ್ಟಿ, ಶಸಿಕಲಾ ಪದ್ಮನಾಭನ್, ಆಮ್ ಆದ್ಮಿ ಪಕ್ಷಾಚೊ ಜಿಲಾಧ್ಯಕ್ಷ ಸಂತೋಷ ಕಾಮತ್, ಸಹಬಾಳ್ವೆ ಉಡುಪಿ ಹಾಜೊ ಅಧ್ಯಕ್ಷ ಅಮೃತ್ ಶೆಣೈ, ಸಾಮಾಜಿಕ ಕಾರ್ಯಕರ್ತ ಜೆರಾರ್ಡ್ ಟವರ್ಸ್ ಆನಿ ಹೇರ ಉಪಸ್ಥಿತ ಆಶಿಲೆ.
ಮೇ 29ಕ ದೋನಪಾರ ಅಪರಾಹ್ನ 4.00 ಗಂಟೆಕ ಚಲಚೆ ಸೌಹಾರ್ದ ಸಮ್ಮಿಲನ ಕಾರ್ಯಕ್ರಮಾಂತು° ಮಾಜಿ ಜಿಲಾಧಿಕಾರಿ ಸಶಿಕಾಂತ್ ಸೆಂಥಿಲ್ ಉದ್ಘಾಟಕ ಆಸತಾತಿ ಆನಿ ಹುಬ್ಬಳ್ಳಿಚೆ ವೀರಕ್ತ ಮಠ ಹಾಜೆ ಶ್ರೀ ಗುರುಪಾದೇಶ್ವರ ಸ್ವಾಮೀಜಿ ಅಧ್ಯಕ್ಷ ಆಸತಾತಿ.

ಮೈಸೂರು: ಖೂಬ ಕಾಳ ದಾಕೂನ ಮಂಗಳೂರಾοತು° ಜಾತಿ, ಮತ ಭೇದ ನಾತಿಲೆ° ನಿಷ್ಪಕ್ಷಪಾತ ಸಮಾಜ ಸೇವಾ ಕರತ ಆಸಚಿ ಆನಿ ಸಂದರ್ಯವರ್ಧನ ಕ್ಷೇತ್ರಾಂತು° ನಾವಾದಿಕ ಸ್ತ್ರೀ ಮಂಜುಳಾ ನಾಯಕ ಹಾಂಕಾ° ಕರ್ನಾಟಕ ಮಹಿಳಾ ರತ್ನ ಅವಾರ್ಡ್ (KMRA) ಸಂಸ್ಥೆನ ಸಮಾಜ ಸೇವಾ ಕ್ಷೇತ್ರಾಂತು° 2022 ವರಸಾಚಿ “ಕರ್ನಾಟಕ ಮಹಿಳಾ ರತ್ನ” ಪ್ರಶಸ್ತಿ ದೀವನು ಸನ್ಮಾನ ಕೆಲಾ. “ಹರ ಎಕ ಸ್ತ್ರೀ ಎಕ ನಾ ಎಕ ವಿಷಯಾರಿ ಸಾಧಕಿ. ಖಂಚೇಯ ಫಲಾಪೇಕ್ಷಾ ನಾತಿಲೆ° ಸೇವಾ ಕೆಲ್ಯಾರಿ ಎಕ ನಾ ಎಕ ದಿವಸ ದೇವು ಹಾತ ಧರತಾ ಮ್ಹಣಚಾಕ ಹೆ° ಎಕ ಸ್ಪಷ್ಟ ನಿದರ್ಶನ” ಮ್ಹಣು ಮಂಜುಳಾ ನಾಯಕ ಸಾಂಗತಾ. ಹಾಂವೆ° ಸಮಾಜಾ ಖಾತಿರ ಕೆಲೆಲೆ ಕಿಂಚಿತ ಸೇವಾ ಮಾನೂನ ಘೆವನು ಮಾಕಾ KMRA ಸಂಸ್ಥೆನ ಮಾಕಾ ಹಿ ಪ್ರಶಸ್ತಿ ಪ್ರದಾನ ಕೆಲ್ಯಾ ಮ್ಹಣು ತಿ ಸಾಂಗತಾ. ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಸಾಲು ಮರದ ತಿಮ್ಮಕ್ಕ ಆನಿ ಮಾತಾ ಮಂಜಮ್ಮ ಜೋಗತಿ ಹಾಂಗೆಲೆ ಉಪಸ್ಥಿತಿರಿ ಹಿ ಪ್ರಶಸ್ತಿ ಪ್ರದಾನ ಜಾಲಿ.