ಮಂಗಳೂರು: ಹಾಂಗಾಚೆ ಬೆಸೆಂಟ್ ಮಹಿಳಾ ಕಾಲೇಜಾಚೆ ಹಿಂದಿ ವಿಭಾಗಾನ ಆರತಾ° ಹಿಂದಿ ದೀವಸ ಆಚರಣ ಕೆಲೊ. ಸೇಂಟ್ ಅಲೋಶಿಯಸ್ ಕಾಲೇಜಾಚೆ ಹಿಂದಿ ವಿಭಾಗಾಚೊ ಮುಖ್ಯಸ್ಥ ಡಾ. ಮುಕುಂದ ಪ್ರಭು ಮುಖೇಲ ಸೊಯ್ರೆ ಆಶಿಲೆ. ಹಿಂದಿ ಭಾಶೆಚೆ ಮಹತ್ವ, ಅಣಕಾರ ಕ್ಷೇತ್ರಾಂತು ಹಿಂದಿ, ಅಂತ ರಾಷ್ಟ್ರೀಯ ಸ್ಥರಾರಿ ಹಿಂದಿ ಭಾಶೆಚಿ ಅಭಿವೃದ್ಧಿ ಬದಲ ತಾಂನಿ° ಉಲಯಲೆ. ಆಮಿ ಸರ್ವ ಭಾಶೆಂಕ ಗೌರವ ದಿವಕಾ ಆನಿ ಚಡ ಚಡ ಭಾಸ ಶಿಕಲೆ ತಶಿ ಜ್ಞಾನ ವಾಡತಾ ಮ್ಹಳೆಲೆ° ಸಮಜೂನ ಘೆವಕಾ ಮ್ಹಣು ಉಲೊ ದಿಲೊ. ಬೆಸೆಂಟ ಕಾಲೇಜಾಚೆ ಹಿಂದಿ ವಿಭಾಗಾಚೊ ಮುಖ್ಯಸ್ಥ ಡಾ. ಪರಶುರಾಮ ಗ. ಮಾಳಗೆ ಹಾಂನಿ° ಪ್ರಸ್ತಾವಿಕ ಉತ್ರ° ಸಾಂಗಲಿ°. ಕೀರ್ತನಾ ಶೆಟ್ಟಿನ ಸ್ವಾಗತಾಚೆ ಉತ್ರಂ ಸಾಂಗಲಿ°. ಕಾಲೇಜಾಚೊ ಪ್ರಾಂಶುಪಾಲ ಡಾ. ಸತೀಶ್ ಕುಮಾರ್ ಶೆಟ್ಟಿ, ಪ್ರಾಧ್ಯಾಪಕ ಚೆನ್ನಕೇಶವ ಆನಿ ಜ್ಞಾನೇಶ್ವರಿ ಉಪಸ್ಥಿತ ಆಶಿಲಿ°. ಅನಘಾ, ವೈಷ್ಣವಿ, ಗೌತಮಿ ಹಾಂನಿ° ಪ್ರಾರ್ಥನಾ ಗಾಯಲಿ. ನಹಿಜಾನ ಆಬಾರ ಮಾನಲೊ. ಸುಮೈಯಾನ ಸೂತ್ರ ಸಂಚಾಲನ ಕೆಲೆ°. ವಿದ್ಯಾರ್ಥಿಯಾನಿ ದೇಶಭಕ್ತಿ ಗೀತ ಗಾಯಲೆ°.