ಬೆಂಗಳೂರು: ಸಂಗೀತ ನೃತ್ಯ ಅಕಾಡೆಮಿ ಹಾಂನಿ° 2020 ವರಸಾಚಿ ಕರ್ನಾಟಕ ಕಲಾಶ್ರೀ ಪ್ರಶಸ್ತಿ ನಾವಾದಿಕ ತಬಲಾ ವಾದಕ ಮಣಿಪಾಲಚೆ ಟಿ. ರಂಗ ಪೈ ಹಾಂಕಾ° ಪ್ರಧಾನ ಕೆಲ್ಯಾ. ಆರತಾ°(ಜ.14)ಕ ಬೆಂಗಳೂರಚೆ ರವೀಂದ್ರ ಕಲಾಕ್ಷೇತ್ರಾಂತು° ಘಡಲೆಲೆ ಕಾರ್ಯಕ್ರಮಾಂತು° ಮ್ಹಾಲ್ಗಡೊ ಗಾಯಕ ಗರ್ತಿಕೆರೆ ರಾಘವೇಂದ್ರ ಹಾಂನಿ° ಪ್ರಶಸ್ತಿ ಪ್ರಧಾನ ಕೆಲಿ. ಕೊವಿಡ್ ಪಾಸಿಟಿವ್ ಜಾಲೆಲ್ಯಾನ ಮಖೇಲ ಮಂತ್ರಿ ಬಸವರಾಜ ಬೊಮ್ಮಾಯಿ ಆನಿ ಕನ್ನಡ ಆನಿ ಸಂಸ್ಕೃತಿ ಮಂತ್ರಿ ಇಲಾಖೆಚೊ ಸುನಿಲಕುಮಾರ್ ಹಾಂಗೆಲೆ ಅನುಪಸ್ಥಿತಿರಿ ಹೊ ಕಾರ್ಯಕ್ರಮ ಚಲೊ. ರಂಗ ಪೈ ಹಾಂನಿ° ಸಾಬಾರ ದಶಕಾ ದಾಕೂನ ನಾವಾದಿಕ ಹಿಂದುಸ್ಥಾನಿ ಸಂಗೀತಗಾರಾοಕ ತಬಲಾ ಸಾಥ ದಿಲೆಲೆ ಆಸಾ. ಹಾಂನಿ° ಮಣಿಪಾಲಚೆ ಡಾ| ಟಿ.ಎಂ.ಎ. ಪೈ ಪಾಲಿಟೆಕ್ನಿಕ್ ಹಾಂಗಾ ಪ್ರಾಂಶುಪಾಲ ಜಾವನು ಸೇವಾ ದಿತಾ ಆಸಾತಿ.