ಮಂಗಳೂರು: ಕೊಂಕಣಿ ಭಾಶೆಕ 1992 ಆಗಸ್ಟ್ 20 ದೀವಸು ಸಾಂವಿಧಾನಿಕ ಮಾನ್ಯತಾ ಮೆಳೆಲೆ ಸಂತೋಸಾಕ 2024 ಆಗಸ್ಟ್ 20 ದೀವಸು ಮಂಗಳೂರಚೆ ಪುರಭವನಾಂತು° ಕೊಂಕಣಿ ಮಾನ್ಯತಾ ದೀವಸ ಆಚರಣ ಕೊಂಕಣಿ ಸಾಹಿತ್ಯ ಅಕಾಡೆಮಿ ಆನಿ ಕೊಂಕಣಿ ಭಾಷಾ ಮಂಡಳ (ರಿ) ಹಾಂಗೆಲೆ ಜೋಡ ಆಶ್ರಯಾರಿ ಆನಿ ವೆಗವೆಗಳೆ ಕೊಂಕಣಿ ಸಂಘ ಸಂಸ್ಥೆoಚೆ ಸಹಕಾರಾನ ಕರತಾತಿ. ಸಕಾಳಿ 9.30ಕ ಕೊಂಕಣಿ ದ್ವಜಾರೋಹಣ ಕರನು ಚಾಲನ ದಿತಾತಿ. 10.00 ಗಂಟೆಕ ಹೈಸ್ಕೂಲ್ ಆನಿ ಕಾಲೇಜು ವಿಭಾಗಾಚೆ ವಿದ್ಯಾರ್ಥಿಯಾಂಕ ಕೊಂಕಣಿ ಸಾಂಸ್ಕೃತಿಕ ವೈಭವ ವಿವಿಧ ಸ್ಪರ್ಧೆ ಚಲಚೆ ಆಸಾ. ಸಾಂಜವೇಳಾ 4.30ಕ ಸಮಾರೋಪ ಕಾರ್ಯಕ್ರಮ ಚಲತಲೊ. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಚೊ ಮಂತ್ರಿ ಶಿವರಾಜ್ ಎಸ್. ತಂಗಡಗಿ ಮುಖೇಲ ಸೊಯ್ರೆ ಆಸತಲೆ ಆನಿ ವಜೇತಾಂಕ ಇನಾಂ ವಾಂಟತಲೆ. ಉಪರಾಂತ ವ್ಹಿಂಗವ್ಹಿ0ಗಡ ಜಾನಪದ ಕಲಾಪಂಗಡಾoಚೆ ಸಾಂಸ್ಕೃತಿಕ ಪ್ರದರ್ಶನ ಜಾವಚೆ° ಆಸಾ ಮ್ಹಣು ಅಕಾಡೆಮಿಚೆ ಕಳವಣಿಂತು° ಸಾಂಗಲಾ°.

To Support Kodial Khaber click the following button.