ಮುಂಬಯಿ: ಹಾಂಗಾಚೆ ಬಾಣಗಂಗಾ ಪರಿಸರಾಚೆ ವಾಲಕೇಶ್ವರ ಶ್ರೀ ಗೌಡಪಾದಾಚಾರ್ಯ ಕೈವಲ್ಯ ಮಠಾಚೆ ಶಾಖಾ ಮಠಾಚೆ ಕಾಳಿಕಾ ಮಾತಾ - ಶಾಂತಾದುರ್ಗಾ ದೇವಳಾಂತು° ಶ್ರಾವಣ ಶುಕ್ಲ ಪಂಚಮಿ ದೀವಸು ಅ. 21ಕ ನಾಗರಪಂಚಮಿ ಪ್ರಯುಕ್ತ "ಮಹಾಪಂಚಮಿ" ಆಚರಣ ಜಾಲೆ°. ಗೋಂಯಚೆ ಶ್ರೀ ಮಹಾಲಕ್ಷ್ಮಿ ದೇವಳಾಂತು° ಶೋಭಕೃತ ಸಂವತ್ಸರಾಚೆ (2023) ಚಾತುರ್ಮಾಸ್ಯ ವ್ರತ ಆಚರಣ ಕರತ ಆಸಚೆ ಪರಮಪೂಜ್ಯ ಕೈವಲ್ಯ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೀಜಿ ಹಾಂಗೆಲೆ ಆದೇಶಾಚೆ ಪ್ರಮಾಣೆ ಹೆ° ಜಾಲೆ°.
ಸಕಾಳಿ ದೇವತಾ ಪ್ರಾರ್ಥನೆಚೆ ಸಾಂಗತ ಶುರು ಜಾವನು ಚಂಡಿಕಾ ಹವನ ಜಾತರಿ ದೋನಪಾರಾ 12.30 ಕ ಪೂರ್ಣಾಹುತಿ ಸಾಂಗತ ಸಂಪನ್ನ ಜಾಲೆ°. ಉಪರಾಂತ ವೇದಘೋಷ, ನಾಮ ಘೋಷ, ಭಜನಾ, ಸಂಕೀರ್ತನಾ ಸಹಿತ ದೇವಾಲಿಒ ಪೂಜಾ ಚಲಿ. ತ್ಯಾ ನಂತರ ಶ್ರೀ ಶಾಂತಾದುರ್ಗಾ ದೇವಿ ಆನಿ ಚಂಡಿಕಾ ದೇವಿಕ ಮಹಾಮಂಗಳಾರತಿ ಅರ್ಪಣ ಜಾಲಿ. ಸಮಾಜ ಬಾಂಧವಾοಕ ಆನಿ ಸೇವಾದಾರಾಂಕ ತೀರ್ಥ ಪ್ರಸಾದ ಆನಿ ಪ್ರಸಾದಭೋಜನ ವಾಡಚೆ° ಜಾಲೆ°. ದೀಸ ಭರ ಸಮಾಜಾಚೆ ಸುವಾಸಿನಿನಿ ಶ್ರೀ ದೇವಿಕ 'ಹೊಂಟಿ' ಭರಚೆ° ಜಾಲೆ°. ರಾತಿ ಪೂಜಾ ಜಾತರಿ ಭೋಜನ ಪ್ರಸಾದ ಆಶಿಲೊ. ಪ್ರಧಾನ ಅರ್ಚಕ ವೇದಮೂರ್ತಿ ಶಶಿಕಾಂತ ನಾಯಕ ಆನಿ ಹೇರಾನಿ ಪೂಜಾ ವಿಧಿ ಸಂಪನ್ನ ಕೆಲಿ. ಸಮಿತಿಚೆ ಸಾಂದೆ ಕಾರ್ಯದರ್ಶಿ ಪ್ರಮೋದ್ ಗಾಯತೊಂಡೆ, ಚಿಂತಾಮಣಿ ನಾಡಕರ್ಣಿ, ಕಿರಣ್ ವೈದ್ಯ, ಸಮೀರ್ ನಾಡಕರ್ಣಿ ಉಪಸ್ಥಿತ ಆಶಿಲೆ. ಸ್ವಯಂಸೇವಕ ಜಾವನು ವಿಜಯ್ ಹಂಸ್ವಾಡ್ಕರ್, ಪ್ರಸಾದ್ ಮೂಜುಂದಾರ, ಅನಂತ್ ಎಸ್. ಪೈ ಹಾಂನಿ° ಸಹಕಾರ ದಿಲೊ. ಸಾರಸ್ವತ ಬ್ಯಾಂಕಾಚೊ ನಿರ್ದೇಶಕ ಕಿಶೋರ್ ರೆಂಗ್ಣೆಕರ್ ಆನಿ ಹೇರ ಉಪಸ್ಥಿತ ಆಸೂನ ಪ್ರಸಾದ ಸ್ವೀಕಾರ ಕೆಲೊ. ಮ್ಹಣು ವಕ್ತಾರ ಕಮಲಾಕ್ಷ ಸರಾಫ್ ಹಾಂನಿ° ಕಳಯಲಾ°.