Displaying items by tag: Vidya Kalpaka
विद्याकल्पक 'क्षितीज' ३ दिवसाचे शिबीर
विद्याकल्पक विद्यार्थी वेतन योजनेंत वेंचून आयिल्ले द .क आनी उडुपी जिल्लेंतले कालेज विद्यार्थिंक 'क्षितीज' तीनी दिवसाचे उचीत कौशल्य तरबेत शिबीर विश्व कोंकणी केंद्रांत ता. २८-०६-२०२४ थावन ३०-०६-२०२४ मेरेन आयोजन केल्लें. हें शिबिरांतू वेवेगळे गांवा थाकून आयिले यूव विद्यार्थीक योग शिक्षण ताकून मृदू कौशल्य, जीवन कौशल्य, म्हाल्गडे ओट्टू सहबाळवे जीवनांत कलेचो अगत्य, यूव उद्यम कारांक प्रेरणा उपन्यास, अशीं वेवेगळे क्षेत्राचे ज्नान आनी तांगेले भविषयाचे शिक्षण आनी वृत्ती जीवना खातीर आत्म विश्वास वृद्धी करचे वेवेगळे विचार भासा भास चल्लें. शिबिराचे उग्तावण समारंभांत मुखेल सोयरे जावनू आयिले निवृत्त ब्यांक अधिकारी बालचंद्र राव हानी शिबिरार्थिंक स्फूर्तिदायक संदेश दिल्लें. म्हाल्गडे लेक तपासक सी.ए जयंत शेणै नगर, सी.ए सुरेंद्रनायक, वेदमूर्ती बी गणपती भट उळ्ळाल उपस्थीत आशिलीं. विश्व कोंकणी केंद्र अध्यक्ष सी. ए. नंदगोपाल शेणै हान्नी सोयरेंक स्वागत केलें. उपाध्यक्ष गिलबर्ट डिसोज, खजांची बी. आर भट, डा. बी. देवदास पै उपस्थीत आशिलीं. प्रसिद्ध रंगभूमी कलावीद कासरगोडू चिन्ना हान्नी रंगभूमिचे प्रात्यक्षिका दिलें. कुडपी विद्या शेणै, प्रीतम कामत, क्यारोल पायस, सुमती पै, राजेंद्र भट, विशेष तरबेतुदार जावनू आशिलिंची.
योगगुरू श्री गोपालकृषण भट देलंपाडी हानी दोनी दिवसाचे योग तरबेती दिलें. श्रीनिवास भट, वंदना किणी, प्रहलाद पै हानी विशेष उपन्यास दिलें. क्यालिफोर्नियाचे यूव उद्यमी सुशील पडियार हान्नी शिबिरार्थिंगेले सांगाताक आन लैन मुखांतर संवाद केलें.
ह्या संधरबारी मंगळूरू विश्वविद्यानिलय २०२४ इसविचे एं कां परीक्षेंतू पयले रांक घेतिले विद्याकल्पकचे सायिबरकट्टे नंदिता हेगडे हांका अभिनंदन करन मान दिलें. शिबिरांत कार्कळाचे वात्सल्य धाम आनी शक्तिनगराचे रमाशक्ती मिशन हांगाची म्हाल्गडी लोकय भाग घेवनू खुशी पावलीं.
To Support Kodial Khaber click the following button.
“ವಿದ್ಯಾರ್ಥಿಯಾನಿ ತಾರ್ಕಿಕ ಚಿಂತನ ಕರಕಾ” - ಸಿ.ಎ. ಯು. ರಾಮದಾಸ ಕಾಮತ್
ಸೊಮೇಶ್ವರ, ಉಡುಪಿ: “ವಿದ್ಯಾರ್ಥಿಯಾನಿ ತಾರ್ಕಿಕ ಚಿಂತನ ವಾಡೊಕಾ ಆನೀ ಜ್ನಾನ ವಾಡೊಚೆ ನದರೇನ ಸವಾಲ ವಿಚಾರಕಾ” ಮ್ಹಣು ಇನ್ಫೋಸಿಸಾಚೊ ನಿವೃತ್ತ ಮ್ಹಾಲ್ಗಡೊ ಉಪಾಧ್ಯಕ್ಷ ಯು. ರಾಮದಾಸ ಕಾಮತ ಹಾಂನಿ° ಸಾಂಗಲೆ°. ಅ. 17ಕ ಉಡುಪಿ ಜಿಲ್ಲೆಚೆ ಸೊಮೇಶ್ವರಚೆ ಶ್ರೀ ವೆಂಕಟರಮಣ ಸ್ವಾಮಿ ದೇವಸ್ಥಾನಾಚೆ ಸಭಾಂಗಣಾoತು° ಚಲೆಲೆ ಜಿ. ಎಸ. ಬಿ ಸಮಾಜಾಚೆ “ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ” ಕಾರ್ಯಕ್ರಮಾಚೆ ಉಗ್ತಾವಣ ಕರನು ತಾಂನಿ° ಆಶೆ° ಸಾಂಗಲೆ°. “ಫುಡೆ ಕಾಳಾಂತು° ದೇವಳ° ಶೈಕ್ಷಣಿಕ ಆನಿ ಸಾಮಾಜಿಕ ಕೇಂದ್ರಯೀ ಜಾವನು ಆಶಿಲಿಂಚಿ. ಆಜೀ ದೇವಳಂ ಫಕತ ಧಾರ್ಮಿಕ ಕೇಂದ್ರ ಜಾಲ್ಯಾಂತಿ ಮ್ಹಣು ತಾಂನಿ ಸಾಂಗಲೆ°.
ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ ಯೋಜನೆಚೊ ಸ್ಥಾಪಕ ಖ್ಯಾತ ಲೆಕ್ಕ ಪರಿಶೋಧಕ ನಂದಗೋಪಾಲ ಶೆಣೈ ಹಾಂನಿ ಪ್ರಾಸ್ತಾವಿಕ ಉತ್ರ ಸಾಂಗಲಿ°. “ವಿದ್ಯಾ ಕಲ್ಪಕ ವಿದ್ಯಾರ್ಥಿ ವೇತನ ನಿಧಿ ಏಕ ಸಂಸ್ಥೊ ನ್ಹಹಿಂ. ತೆ° ಏಕ ಕಲ್ಪನಾ. ಹಾಂಗಾ° ದಾನಿ ಆನೀ ವಿದ್ಯಾರ್ಥಿಯಾಲೆ ಮಧೆ° ಶೀದಾ ಸಂಪರ್ಕ ಆಸತಾ. ದಾನ ದಿತಲೆ ವಿದ್ಯಾರ್ಥಿಯಾಲೆ ಖಾತೆಕ ಶೀದಾ ದುಡು ವರ್ಗಾವಣ ಕರತಾತಿ. ಪಾಂಚ ವರಸ ದಾಕೂನ ಹೊ ಕಾರ್ಯಾಕ್ರಮ ವ್ಹಿಂಗವ್ಹಿoಗಡ ಗಾಂವಾoತ ಚಲಾ. ಎದೊಳು ಥಾಂಯ 194 ಅರ್ಹ ವಿದ್ಯಾರ್ಥಿಯಾಂಕ ಸಾಬಾರ 1 ಕೋಟಿ 63 ಲಾಖ ರುಪಯೊ ವಿದ್ಯಾರ್ಥಿ ವೇತನ ದಿವಚೆ° ಜಾಲಾ°. ಹಾಂತು° 90 ಠಕೊ ವಿದ್ಯಾರ್ಥಿಯಾಲೊ ಬಾಪುಸು ನಾ ಯಾ ತಾಂಗೆಲೆ° ವ್ಹಡಿಲಾಲೆ° ಶಿಕ್ಷಣ ಎಸ್. ಎಲ್.ಎಲ್. ಸಿ ಪಶಿ ಊಣೆ ಆಸಾ” ಮ್ಹಣು ತಾಂನಿ° ಕಳಯಲೆ°.
ಸೊಮೇಶ್ವರಚೆ ಶ್ರೀ ವೆಂಕಟರಮಣ ಸ್ವಾಮಿ ದೇವಸ್ಥಾನಾಚೊ ಮೊಕ್ತೆಸರ ಜಾವನು ಖೂಬ ವರಸ° ಸೇವಾ ದಿಲೆಲೆ ದಾನಿ ಆನಿ ಸಮಾಜಸೇವಕ 95 ವರಸಾಚೆ ಕೆ. ಮಂಜುನಾಥ ಕಾಮತ, ಮುದ್ರಾಡಿ ಹಾಂಕಾ ಸನ್ಮಾನ ಚಲೊ. ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ ನಿಧಿಚೆ ತರಪೇನ ಚಲೆಲೆ ಕೊಂಕಣಿ ಕವಿತಾ ರಚನಾ ಸ್ಪರ್ಧೆಂತು° ಇನಾ° ಜಿಕಿಲೆಂಕ ಶ್ರೀ ವೆಂಕಟರಮಣ ಸ್ವಾಮಿ ದೇವಳಾಚೆ ಮೊಕ್ತೆಸರ ಕಾರ್ಯದರ್ಶಿ ಎಸ್. ರಾಘವೇಂದ್ರ ಭಕ್ತ ಹಾನಿ° ಇನಾಂ ವಾಂಟಿಲೆ°.
ಕೊಂಕಣಿ ಕವಿತಾ ರಚನಾ ಸ್ಪರ್ಧೆಚೆ ವಿಜೇತ:
ಪಯಲೆ° ಇನಾಂ: ರೂ. 25,000/-, ಅಂಕಿತ ಶೆಣೈ, ಪೆರ್ಮುದೆ, ಗೋಪಾಲಕೃಷ್ಣ ಭಟ್, ಕಣ್ಣೂರು, ಅನುಷಾ ವಿ. ಶೆಣೈ, ಕಾಪು.
ದುಸ್ರೆ ಇನಾಂ: ರೂ. 15,000/- ಸತ್ಯದೇವ ನಾಯಕ್, ಬಿದ್ಕಲ್ ಕಟ್ಟೆ, ದೀಕ್ಷಾ ವಿ. ಕಿಣಿ, ಮಂಗಳೂರು, ಸಂಜನಾ ಭಟ್, ಬೆಳ್ತಂಗಡಿ, ಸಾಯೀಶ್ ವಿ. ಕಿಣಿ, ಮಂಗಳೂರು.
ತಿಸ್ರೆ ಇನಾಂ: ರೂ. 10,000/- ವಂದನಾ ಪ್ರಭು ಮೂಂಡ್ಕುರು, ತಾರಾ ಆರ್, ಕಿರಿಮಂಜೇಶ್ವರ್, ರಮ್ಯಾ, ಬೆಳ್ಮಣ್.
ಕೊಂಕಣಿ ಎಂ.ಎ ವಿಭಾಗಾಂತ ಪ್ರಥಮ ರ್ಯಾಂಕ ಫಾವೊ ಕೆಲೆಲೆ ಮಂಗಳೂರಚಿ ಅನಿತಾ ಶೆಣೈ ಹಾಂಕಾ° ಉಷಾ ನಂದಗೋಪಾಲ ಶೆಣೈ ಹಾಂನಿ° ಸನ್ಮಾನ ಕೆಲೊ. ವಾಘ್ಮಿ ಆನಿ ಪ್ರೇರಣಾತ್ಮಕ ಭಾಷಣಗಾರ ರಾಜೇಂದ್ರ ಭಟ್ ಕೆ. ಹಾಂಕಾ° ಕೇಶವೇಂದ್ರ ಚ್ಯಾರಿಟೇಬಲ್ ಟ್ರಸ್ಟ ಹಾಜೆ ಕಾರ್ಯದರ್ಶಿ ಕುಲ್ಯಾಡಿ ಗಿರೀಶ ಪೈ ಹಾಂನಿ° ಸನ್ಮಾನ ಕೆಲೊ. ವೆಗವೆಗಳೆ ಕ್ಷೇತ್ರಾಂತ ಸಾಧನ ಕೆಲೆಲೆ ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ ಫಾವೊ ಜಾಲೆಲೆ ವಿದ್ಯಾರ್ಥಿಯಾಂಕ ಗೌರವಾರ್ಪಣ ಜಾಲೆ°. ಕುಂದಾಪುರಚೆ ಕಾರ್ತಿಕ ಭಟ್(ಕುಸ್ತಿ), ಪಾಣೆಮಂಗಳೂರಚೆ ಆರಾಧನಾ ಶೆಣೈ (ಶೈಕ್ಷಣಿಕ ಸಾಧನಾ), ಬಂಟವಾಳಚೆ ಧನ್ಯಶ್ರೀ ಬಾಳಿಗಾ (ಶೈಕ್ಷಣಿಕ ಸಾಧನಾ), ಕಾರ್ಕಳಚಿ ರಚನಾ ಡಿ. ಭಟ್ (ಸಿ.ಎ. ಐಪಿಸಿಸಿ), ಕಾರ್ಕಳ ಮಾಳಾಚೊ ನಿತಿನ ಶೆಣೈ (ಸಿ.ಎ. ಐಪಿಸಿಸಿ), ಕಾರ್ಕಳಚಿ ಸಂಗೀತಾ ಕಾಮತ (ಅಲ್ಯೂಮ್ನಿ) ಹಾಂಕಾ° “ಕ್ಷಮತಾ” ಕಾರ್ಯಕ್ರಮಾಚೊ ಸಂಚಾಲಕ ಸಿ. ಎ. ಗಿರಿಧರ ಕಾಮತ ಆನಿ ವಿಶ್ವ ಕೊಂಕಣಿ ಭಾಶಾ ಸಂಸ್ಥಾನ ಹಾಜೊ ನಿರ್ದೇಶಕ ಗುರುದತ್ತ ಬಂಟ್ವಾಳಕರ್ ಹಾಂನಿ° ಸನ್ಮಾನ ಕೆಲೊ. ವಿದ್ಯಾಕಲ್ಪಕ ವಿದ್ಯಾರ್ಥಿ ವೇತನ ನಿಧಿಚೆ ಕಾರ್ಯಕ್ರಮ ಸಂಯೋಜನ ಕೆಲೆಲೆ ಜಗದೀಶ ಹೆಗ್ಡೆ ಆನಿ ಪವನ ಭಟ್ ಹಾಂಕಾಯಿ ಸನ್ಮಾನ ಚಲೊ.
ರಾಶ್ಟ್ರೀಯ ತರಬೇತುದಾರ ರಾಜೇಂದ್ರ ಭಟ್ ಕೆ ಹಾಂನಿ° ಪ್ರೇರೇಪಣಕಾರಿ ಉತ್ರ° ಉಲೊವನು ವಿದ್ಯಾರ್ಥಿಯಾಲಿ ಉಮೇದಿ ವಾಡಯಲಿ. ಶ್ರೀ ವೆಂಕಟರಮಣ ಸ್ವಾಮಿ ದೇವಳಾಚೊ ಆಡಳಿತ ಮೊಕ್ತೇಸರ ಎಚ್. ಯೋಗೀಶ ಭಟ್ ಹಾಂನಿ ಸ್ವಾಗತಾಚೆ ಉತ್ರ° ಸಾಂಗೂನ ಜಗದೀಶ ಹೆಗ್ಡೆ ಹಾಂನಿ ಆಭಾರ ಮಾನಲೊ. ಕಾರ್ಯಕ್ರಮಾಚೆ ಶುರುವೆಕ ಅರ್ಚಕಾನಿ ವೇದಘೋಷ ಕೆಲೊ. ಸ್ಮಿತಾ ಶೆಣೈನ ಸೂತ್ರ ಸಂಚಾಲನ ಕೆಲೆ°.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ಸತ್ಯನಾರಾಯಣ ಪೂಜಾ
- ಕುದ್ಮುಲ ರಂಗರಾವ್
- ರಚನಾ...
- ಘರ ಏಕ್ ದೇವುಳ
- GSB Scholarship League Application
- ಜುನಾಗಢ್
- कोरोनान शिकयिलो पाठ
- तुळशी काट्टो
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- 'ಮಹಾ ಸರಕಾರ"
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ಗುಜರಾತ - ಪಾಲಿಟಾನಾ
- ತಾಕೀತ (ತಾಕೀದ)
- ಹುಂಬರು (ಉಂಬರು)
- ಮಸೀಂಗ
- स्वावलंबन आनी आत्मविश्वास
- अस्तंगत जाल्यो कोंकणीचे मळबांतलीं दोन जगमगी नकेत्रां
- भारताचे अमृत स्वातंत्र महोत्सवाचे पांच अमृत घडियो
- ಉದ್ಯೋಗ ಆನೀ ನಿರುದ್ಯೋಗ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- SUKRTINDRA ORIENTAL RESEARCH INSTITUTE
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- ಅಂತರಾಷ್ಟ್ರೀಯ ವನಿತಾ ದಿವಸು
- ಲಾಕ್ಡೌನ್
Homage
Who is Online?
We have 86 guests and no members online